Rutilio Escandón laj slikes stojbel yak’bel smoton tak’inik mol me’eletik ta sventa Bienestar

SPUKEL A’YEJ/CHIAPA DE CORZO

Ja’ te ik’ot ta pasel ta steklumal Soktom, ti ajvalil Rutilio Escandón Cadenas laj sbain slikesel stojel Programas Pensión para el Bienestar de las Personas Adultas Mayores y Pensión para el Bienestar de las Personas con Discapacidad Permanente, ta sventa bimestre julio-agosto, ti ja’ jech te tsakal ta sventa desarrollo social, ti ja’ jech ta xich’ ak’el o no’ox talel yu’un ti ajvaliletik ta sventa Cuarta Transformación ti ja’ ta xak’be jnaklumetik boch’otik abol sbaik ta skuxlejalike.

Jech o xal un, ti jtunel jvu’el ta Chiapas xmuyubaj yo’on lajyal ti kolyal ti jech xa tsakal ta svunal smantalil yak’el ti li’ koltaele, yantik x-epaj jnaklumetik jech ta staik ti koltaele, yu’un ja’ jech ta xlekub batel ti skuxlejalike. Xchi’uk xtok, xi, ja’ te xvinaj lek ti k’usi yak’oj ye spasel ti peserente Andrés Manuel López Obrador, ti jech ta xak’be skoltael jnaklumetik boch’otik toj abol sbaik ta skuxlejalike, yu’un ja’ jech ta xich’ pasel ta jmoj yajval xchi’uk ta xich’ ak’el ta sk’ak’alil yorail.

“Ti yantik ajvaliletik ijeloik lajyalik ti mu stak’ik koltael ti jnaklumetike ja’ ta skoj ti mu xpuklij ti stak’inal jlumaltike;lavi ta orae oy jun kaj peserenteetik ta República ti lek ta spas yabtel xchi’uk ta jmoj ta spuk ta xak’be slekilaik jnaklumetik ti boch’otik toj abol sbaike; jayo’ jech ti mol me’eletik jech ta xich’ik ak’bel ti skoltaelike, yu’un ti stukik ja’ jech te yak’ojik xa komel ta chanel sbijil sjol yo’onik yo’ jech sta batel lekilal ti slumal Mejiko xchi’uk Chiapas”, xi lajyal.

K’alal lajyal ti Cuarta Transformación mu ja’uk no’ox jun yojtikinobil spasel politika, yu’un sba to jech ti k’otem ta pasele yak’bel slekilalik ti jnaklumetike, Escandón Cadenas te lajyak’ ye xtok ti oy ta yo’on ta x-abtej batel ta slekubtael xchi’el sk’opojel jnaklumetik ta estaroe. “Pat avo’onik ti jech ta xk’ot ta pasel ku’unkutik ti k’usi kak’ojkekutik spasele, yu’un ti li’ lekil ajvalile mu sna’ x-elk’aj, mu sna’ x-elk’aj xchi’uk ja’ jech ta spasbe k’usi yak’ojbe yeilal ta stojolal jnaklumetik ta Mejiko xchi’uk Chiapas”. Yanuk ti delegado federal yu’un Programas para el Bienestar ta Chiapas, José Antonio Aguilar

Castillejos, lajyal ti estaroe ech’en jutuk ta 412 mil mol me’eletik xchi’uk ech’em ta 82 mil jch’iel jk’opojeletik oy svokolalik ta skuxlejalik ta xich’ik ak’bel ti smoton tak’inike, ja’ jun koltael ta sventa staik batel slekilal skuxlejalik yo’ jech sta batel elkilal ek ti slumal estaroe.

Jech xtok, iyak’ ta ojtikinel ti Chiapas ja’ jun estaro ti ep staoj ak’bel programas sociales ak’bil talel yu’un p Gobierno Federal, yu’un ech’em ta 30 mil millones de pesos ta xich’an ak’el ta stojolik jutik mu 2 millones jnaklumetik ta slumal Chiapas, xchi’uk te laj stojbe ta vokolal ajvalil Rutilio Escandón ti jech ta xk’otan koltael yu’un ta butik to nop jipajtik lumetik ta estaroe. Ta yaj va’lejik jnaklumetik ta staik koltael, Osay Sánchez Castillo te laj stabe ta ojtikinel yak’el koltael skuxlejalik, jayo’ jech xi, ja’ te stael ta ilel ti Cuarta Transformación li’ oy ta Chiapas xchi’uk yokel ta slekubtasbel skuxlejalik ti boch’otik toj abol sbaike.