NU, ANDRE ORGANISASJONAR OG FOND

Medlemsorganisasjonar

Noregs Ungdomslag er medlemsorganisasjon i ei rekke paraply- og interesseorganisasjonar.

• Av-og-til

• CIOFF-Norge

• Dramas

• FN-sambandet

• Frivillighet Norge

• Hovudorganisasjonen Virke

• Kulturalliansen

• Landsrådet for Noregs barneog ungdomsorganisasjonar (LNU)

• Musikk og Ungdom

• Nordlek

• Norsk Folkemusikklag

• Nynorsk Forum

• Norsk senter for folkemusikk og folkedans (Sff)

• Studieforbundet kultur og tradisjon

ANDRE NÆRSKYLDE

ORGANISASJONAR OG SELSKAP

Noregs Ungdomslag er medstiftar og/ eller har eit tett samarbeid med ei rekke organisasjonar og selskap.

• Den mangfaldige scene AS

• Det Norske Samlaget

• Det Norske Teatret

• Noregs Mållag

• Norsk Barneblad

• Nynorsk kultursentrum

• Nynorsk pressekontor

• Riksscenen for nasjonal og internasjonal folkemusikk, joik og folkedans

• Stiftinga Hilmar Alexandersen

FONDA

Noregs Ungdomslag anten administrerer eller oppnemner styremedlemmer til ei rekke fond. Storparten av fonda har ikkje delt ut midlar 2021 på grunn av låge renteinntekter. Unntaka er Ole Bulls fond og Ole Vig-fondet.

• Akademiet for norsk kulturreising

• Alvilde og Knut Fianes legat

• Eufemiafondet

• Ole Bulls fond

• Ole Vig-fondet

• Opplæringsfondet Noregs Ungdomslag

• Peer Væringsaasens nasjonalfond

• Stiftinga Vener av Dag og tid

• Ytri-fondet

Andre Samarbeid

Folkedans

Vi samarbeider godt med mellom anna FolkOrg og Norsk senter for folkemusikk og folkedans (Sff), der vi eigentleg skulle arrangere felles jubileumshelg for Bygda dansar 2021, men denne vart utsett til 2022 grunna COVID-19. I 2021 vart det gjort ein rapport om og evaluering av Bygda dansar etter 20 år som prosjekt i regi av Sff. Store delar av denne prosessen var både vi i NU og FolkOrg med på saman med Sff.

Vi har hatt ein god dialog med Riksscenen i Oslo om nokre dansearrangement og tolkingar av smittevernreglar. I tillegg bidrog vi med ei eiga speleliste på Spotify samt nokre Folkepedia-filmar til LilleRiksen (Riksscenen si satsing for barn) sitt digitale tilbod under nedstenginga.

Vi har også halvårlege samrådingsmøter med sentrale aktørar innan folkedansmiljøet. Desse fungerer som gode møteplassar. På desse møta avtaler vi mellom anna korleis vi skal jobbe for å få danseutdanning til Rauland, og det har vore fleire felles møter om dette temaet med ei samkøyring på det politiske påverkingsarbeidet.

Teater

Noregs Ungdomslag har eit tett og godt samarbeid med andre amatørteaterorganisasjonar slik som Frilynt Norge og Norsk Amatørteaterforbund.

Bunad

På bunadsfeltet samarbeider Noregs Ungdomslag med fleire aktørar. I tillegg til samarbeid om Bunadopplæringa, har NU idag to etablerte samarbeid på fagfeltet. Saman med Studieforbundet kultur og tradisjon, Norges Husflidslag, Norsk Folkedraktforum og Norsk institutt for bunad og folkedrakt samarbeider vi om planlegging og gjennomføring av Fagdagane i bunad og folkedrakt med ulike tema kvart år. I 2021 fann Fagdagane stad på Fagernes 25. og 26. oktober.

Med dei same samarbeidspartane er det også etablert ein samarbeidsavtale om å jobbe for å få den allmenne bunadbruken i Noreg på UNESCO si Representative lise over immateriell kulturarv. Samarbeidspartane har jamlege møte for å planlegge og følge opp ein felles framdriftsplan. NU fungerer som bindeleddet mellom arbeidsgruppa, styringsgruppa og medie- gruppa. I 2021 har arbeidet dreia seg om å samle inn informasjon og meiningar frå bunadsbrukarar frå heile landet. Prosjektet har blant anna arrangert regionale samtalemøte. Det vart til saman halde 15 møte, frå Kristiansand i sør til Alta i nord. Desse møta hadde alt frå 5 til 45 deltakarar. Møta resulterte i ei god mengde grunnlagsmateriale som inngår i det vidare søknadsarbeidet.

I 2021 laga også prosjektet ei spørjeundersøking for å samle inn informasjon til søknaden. Ved utgangen av året hadde den over 800 svar.

NGO-akkreditering

På styremøtet i februar 2020 vedtok styret at kontoret skulle utarbeide ein søknad til UNESCO om NGO-akkreditering av Noregs Ungdomslag. Dette betyr at NU sender inn ein søknad om å bli ein offisiell samarbeidspartnar av UNESCO (NGO står for ikkje-statleg organisasjon). NGOane fungerer som rådgivar for UNESCO-komiteen. Dette vil gi oss eit tettare samarbeid med Kulturdepartementet og Kulturrådet. Dei vil nytte oss som rådgivarar og vi vil ha meir tyngde i argumenta våre da det å vere NGO-akkreditert er ei stadfesting på at organisasjonen sit på viktig kunnskap og metode som er samsvar med verdiane til UNESCO.

Søknaden vart sendt i april 2021.

I desember var det eit møte i UNESCO, 16.com. Det var her UNESCO handsama søknaden vår for første gong og der vart den anbefalt til å bli akkreditert som NGO til neste møte. Søknaden kjem til å bli endeleg vurdert på generalforsamlinga til UNESCO i juni 2022.