KOLDO URRESTARAZU
EUSKARALDIAREN BALORAZIOA
2022an Euskaradiaren inguruko simulazioetan eta ekimen ofizialean hartu dugu parte Oiartzungo lantegian.
Zehazki, 2022ko maiatzetik uztailera bitartean, giroa berotzeko simulazioak egin genituen hainbat gune eta sekziotan.
Partaideek ekimenaren inguruan egindako balorazioa positiboa izan zen eta, ondorioz, azaroan dinamika lantegi osoan abiaraztea erabaki genuen.
90 langile inguruk hartu du parte Euskaraldiaren III. Edizio ofizialean (simulazioetan parte hartu duen lankide kopuru berdintsua); eta hauek izan dira balorazio galdetegia bete dutenek adierazitakoaren artean ateratako hainbat ideia:
ONDO BALORATUTAKOAK
Gehienek esan dute euskara ohi baino gehiago erabili dutela dinamikak iraun duen 15 egunetan, ahobiziekin batez ere.
Gustura sentitu da jendea ekimenak iraun duen bitartean.
Barruko kohesioa indartzeko balio izan du.
Euskarak egun horietan erreferentzialtasuna lortzen du, gehiago saiatzen gara euskaraz hitz egiten.
Ohiko errutina apurtzeko balio izan du.
Partaideek, oro har, aurrera begira horrelakoak antolatzeko beharra ikusten dute, euskararen ahozko erabilera indartzen jarraitzeko.
ZAILTASUNAK
Hizkuntza ohiturak aldatzea zaila egin zaie batzuei; adibidez, laneko kontuez hitz egiterakoan.
Bulegoetan, oro har, ez da nabaritu Euskaraldiaren eragina.
Elkarrizketa elebidunei eustea ere ez da erraza: batek euskaraz egin eta besteak gaztelaniaz erantzutea.
Txapa gutxi ikusi dira ekimenak iraun duen bitartean
Ekimena amaitutakoan nola iraunarazi egindako urratsak?
Joan den ostiralean, 2023/02/03an, Niesseneko langileen 25 urteko antzinatasunaren ospakizun-bazkaria egin genuen Patxikuene jatetxean, inplikatutako fabrika-atal guztietako arduradunekin.
Bazkaria oso ondo egon zen eta oso aberasgarria izan zen enpresako atal guztietako hainbeste pertsonarekin bat egitea. Gezurra dirudi duela 25 urtetik ezagutzen dituzun pertsonekin egindako bazkari batek eman dezakeena, eta gutxitan izan dugu aukera norbaitekin patxadaz eta lasai hitz egiteko. Artikuluen kodeei buruzko elkarrizketak eta urgentziazkoak gizarte, politika, kirol eta abarren inguruko gaiengatik aldatu genituen, baina beti giro onean. Une hauek eskertzen dira.
50 lagun inguru elkartu ginen giro onean, eta uneko argazkien ondoren eta batzuk oso gutxi aldatuta geundela zioten komentarioei buruzko barreen ondoren, Oreretako zumardian agurtu ginen.
Hala ere, batzuek ez genuen nahikoa izan eta herrian zehar trago batzuk hartzen jarraitu genuen solasaldia.
Orain, hurrengo bazkarira arte itxaron beharko dugu fabrikako 50 urtekoa izango ez delakoan, inork ez baitzuen enpresan egon nahi ospatzeko.
25. Urteko Bazkaria
Agur bero bat
AHOZKO NEURKETAK: ZENBATEKOA DA EUSKARAREN ERABILERA LANTEGIAN?
Urte batzuk badira Oiartzungo lantegian euskararen erabilerari buruzko ahozko neurketarik egiten ez zela. Aurten egoki ikusi dugu neurketei berriro heltzea, gaur egun euskarak laneko egunerokotasunean duen presentzia jasotzeko asmoz.
Horretarako, bederatzi gune neurtu ditugu beste hainbeste neurtzaileren eskutik. Neurtzaileak, noski, lantegiko lankideak izan dira, eta aldez aurretik saio batean jaso dituzte neurketak egoki egiteko azalpenak eta oharrak.
• Otsailean egin ditugu neurketak.
• 206 elkarrizketa neurtu ditugu
• Gune bakoitzean neurtzaile bat (9 guztira)
• Neurtu diren adierazleak:
Erabilera orokorra: euskararen erabilera elkarrizketaka
Leialtasuna: euskaldunak dauden
elkarrizketetan (tartean erdaldunik ez dagoenean) zenbatean jarduten dugun euskaraz
Emaitzei dagokienez, hauek izan dira datu aipagarrienak:
EUSKARAREN AHOZKO ERABILERA ETA LEIALTASUNA:
Guneka euskararen ERABILERARI erreparatuz gero, hauek emaitzak:
Bulegoetan egiten da euskara gutxien (1. plantan % 7, 2. plantan % 9).
Euskara gehien, berriz, APBn eta Tailerrean erabiltzen da; % 56 eta % 50, hurrenez hurren. Kalitate Sailan erdia baino gutxixeago egiten da euskaraz (% 45); gainerako guneetan, berriz, % 25 eta % 32 artean (Plastikoak, Mantenimendua, Muntaia eta Metalak).
Emaitzarik baxuenak 1. Plantan (% 29) eta 2. Plantan (% 56) ditugu. Altuenak, berriz, Plastikoak, Muntaia, Tailerra eta Metaletan (% 100).
Laburbilduz: Euskararen ahozko ERABILERA OROKORRA, lantegian, % 25ekoa. Kontuan hartu behar da guneka desberdintasunak daudela hainbat faktoreren eraginez (guneko erdaldun eta euskaldun kopurua, guneko langile kopurua, lan mota, hizkuntza ohiturak, etab.).
LEIALTASUNA % 72koa da: datu ona da, esan nahi baitu elkarrizketetan euskaldunak soilik daudenean euskaraz mintzo direla nagusiki; alegia, euskaldunen arteko hizkuntza ohiturak nahikoa trinkotuta daude lantegian.
