NIKESAN73 Web

73

20

u rte 2020ko Negua

EUSKARA BATZORDEAREN HIRUHILABETEKARIA

Heldu EUSKARAri! azaroak 20 abenduak 4

2 EUSKARALDIA

3 GARAI BERRIAK

4 NIESSENEN EGINDAKO MASKARAK OSASUN LANGILEENTZAKO

5 ZER LORTU NAHIKO ZENUKE EUSKARALDIAN?

6 EUSKARALDIA ETA PERTSONA ASKEARDURATSUAK

7 LAGUNDU LAGUNTZEN!!

8 ARGAZKI LEHIAKETA RU Safe

2

ANAITZ AROZENA

EUSKARALDIA Iritsi zaigu, bi urtez behin jarritako hitzordua. Lehenengo aldian bizitutakoak erakusten digu Euskaraldiak pizten duela gure hizkuntzarekiko kontzientziatxoa; irauten duen hamabost egun horietan bederen. Helburuetako bat, nere ustez, Euskarari gure egunerokotasunean behar duen garrantzia ematea da.

Noski NIESSEN-en, Euskaraldiak behar duen garrantzia, emango zaio.

Urtean zehar hortan lan egiten dugunez, irauten duen bitartean, buru belarri jardungo gara horretan. Izena eman, ariguneak sortu, Ahobizi eta Belarriprest rolak banatu‌ Bereziki azken honen garrantzia azpimarratuko nuke. Belarriprestak animatu nahiko nituzke, lerro hauetatik, beraiek ahalbidetzen baitute, Ahobiziok Euskara egunerokotasunean erabili ahal izatea.

Gure lantegian ere berebiziko garrantzia du Belarriprestak identifikatzeak, hizkuntzari eskeintzen diogun arretak, aurrerantzean ere bizirik jarrai dezan.

Aurten berrikuntza bezela Ariguneak sortuko dira. Zer dira ariguneak?

Euskaraz lasai aritzeko guneak dira eta Euskaraz hitz egiteko aukera bermatzen dute gure entitatearen barruan. Horrek ere gurean, arreta piztu du eta berehalako erantzuna jaso da. Erosketa departamentuak, esate baterako, aurrerapausua eman eta arigunea sortu du, bejondeizuela.

Besteok ere ea arigune berriren bat sortzerik badugun eta horrela ez bada, animatu eta Euskaraldian partaide izan gaitezen.

Euskaraz ulertzen duten guztiekin euskaraz egiten dut uneoro. Kideek euskaraz ulertzen ote duten ez dakidanean lehen hitzak, beti, euskaraz egiten ditut; euskaraz ulertzen badute, euskaraz jarraitzen dut. Batzuetan zaila izan arren, elkarrizketa elebidunetan ere euskarari eusten diot kideek ulertzen dutenean.

AHOBIZI NAIZ

Nire gaitasun eta aukeren arabera erabakitzen dut euskaraz noiz eta norekin egin. Beti ez dut euskaraz egingo ulertzen duten guztiekin, baina euskara dakitenek niri uneoro euskaraz hitz egitea nahi dut; eta horixe eskatzen diet modu esplizituan.

BELARRIPREST NAIZ

Entitate baten baitan ohiko dinamika duten eta kide guztiek gutxienez euskara ulertzen duten taldeak dira. Talde honetako kideek barne-arigunea osatzea erabakitzen dutenean modu kolektibo batean euren arteko hizkuntza-ohiturak aldatzeko aurrera pausoak ematea adostuko dute.

ARIGUNEAK

EUSKARA BATZORDEAREN HIRUHILABETEKARIA

IÑAKI LETE

3

GARAI BERRIAK 2020. urteak gutako bakoitzaren bizimoduan eragin duen astindua gogorra bezain espero gabekoa izan da. Egun batetik bestera eguneroko hainbat ohitura aldatu behar izan ditugu, hala eremu pertsonalean nola arlo profesionalean.

Ziurgabetasunaren garaiak bizitzen ari omen ginen lehenago ere, eta pandemia honek sentipen hori muturreraino areagotu du. Halako egoera berri baten aurrean arauak eta prozedurak aldatu egiten dira ezinbestean, eta guztiok konturatu gara arau berriak ezartzeko eta beraiekin asmatzerako denbora-tarte bat ere behar izaten dela. Atzera begiratuta, agerian geratzen dira maiz erabaki kontraesankorrak, egoerak eta premiak behartutako erdibideko soluzioak… Egoera azkar aldatzen den neurrian erabakiak ere hala hartzera behartuak gaude eta askotan nahi genukeen bezainbeste informazio eduki gabe. Argi daukagu, hala ere, ezinbestekoa dela talde-lana prozesu desziur hauetan.

Aurtengo egoerak, 2 urte inguruko krisi ekonomiko bat ekartzeaz gain, lan-moldeak asko aldatu ditu, horien artean telelanaren aukera. Ez genuke nahasi behar, ordea, gaur martxan dugun prozedura etorkizuneko balizko telelan ereduarekin. Gaur, segurtasun arrazoiengatik, telelana %100-ean sustatu da lanpostu batzuetan hilabete hauetarako.

Baina etorkizunean izango dugun telelan eredua finkatu egin behar dugu, kontziliazio eta lan beharrei modu egokian erantzunez. Derrigorrez izan bada ere, asko ikasi dugu denok eta lan egiteko modu berriak arakatzeko ere balio izan du.

Orain ikasi dugun hartatik onena aukeratu behar dugu lan-talde eraginkor eta batua izaten jarraitzeko.

Orain ikasi dugun hartatik onena aukeratu behar dugu lan-talde eraginkor eta batua izaten jarraitzeko.

Ez nuke aukera hau galdu nahi 2025-era begira ABB-n finkatu den Estrategiari buruz aipu batzuk egiteko. Mundua berebiziko abiadan ari da aldatzen eta guztiok hausnartu behar dugu aldaketa horrek zer esan nahi duen eta nola egokitu behar dugun aldaketa guzti hauen aurrean. ABB-k joera hauek ikusten ditu garrantzizkoen: • Jasangarritasuna: (ia) inork ez du zalantzan jartzen dagoeneko gaur eta etorkizuneko gizartean giltzarri izango dela.

• Digitalizazioa. Dena aldatzen ari da: laneremua (Industry 4.0), bezeroekiko harremanak (e-commerce), produktuak (Internet of Things).

• Produktuei atxikita balio-erantsi handiagoa emango dien zerbitzuen eskaintza.

• Bizkortasuna eta malgutasuna bezeroaren aurrean, dela zerbitzuan, dela produktu eta honi lotutako zerbitzuen eskaintzan (merkaturatze azkarrak, pertsonalizazio eta egokitzapenak).

• Simplifikazioaren bilaketa.

• Talde-lanaren garrantzia.

Hauek izango dira lan-ildo nagusiak ABB-n estrategia berriaren arabera eta aldaketa esanguratsu hauen aurrean hausnartu behar dugu lan-talde eraginkor eta arrakastatsua izaten jarraitzeko.

4

EUSKARA BATZORDEAREN HIRUHILABETEKARIA

XABIER OINEDERRA

NIESSENEN EGINDAKO MASKARAK OSASUN LANGILEENTZAKO Babesteko biserak 3D inprimagailuetan egiten ari zen Makers mugimenduaren berri izan nuen.

Bisera hauek, hasiera batean, osasun alorreko langileen beharrak asetzeko egin asmo ziren.

Halaber, beste sektore batzuetan ere banatu asmo ziren.

Guk baditugu 3D inprimagailuak. Horregatik, dohaintzan emateko materiala sortzeko helburuarekin, bitarteko horiek erabiltzeko baimena eskatu nion enpresari.

Niessenek lehen unetik egin zuen bat ekimenarekin. Guztira 130 bisera banatu genituen https://covideuskadi.net/ webgunearen bitartez.

Inork interesik balu, hainbat datu dira bertan ikusgai.

Gure lantegia zabalik egon den bitartean, Nestor aritu da piezak inprimatzen eta piezei bizarra kentzen. Niessen itxita egon den egunetan ere, zuzendaritzaren baimenarekin, egunero etorri da lantegira biserak inprimatu eta banatzera.

Jada nahiko bisera bazituztela eta gehiago ez zituztela jasoko esan zigutenean utzi genion biserak egiteari. Batzuk, gainera, molde bat jarri zuten funtzionamenduan. Ondorioz, inprimatzen jarraitzeak jada ez zuen zentzurik.

Donostiako Antiguoko anbulatoriotik eskaera berria jaso genuen. Ateak irekitzeko piezak behar zituzten. Guk 30 eman genizkien.

Belarriak babestekoak ere inprimatu ditugu.

Kasu honetan Donostiako ospitaleko eta gure lantegiko langileentzako.

Busch Jaegerreko langileek gure ekimenaren berri izan zuten eta beraiek ere Alemanian beraien ekarpena egin ahal izateko artxiboak eta azalpenak bidali genizkien korreoz.

Lerro hauen bitartez egindako lanagatik ekimena abian jarri zutenak, ekimenari babesa adierazi zion zuzendaritza, inprimagailuak abian jarri zituen Nestor eta ekimenean parte hartu zutenak eskertu nahi ditut: 3D inprimagailudunak, garraiolariak, materiala jaso eta ematen lagundu zutenak‌

5

Zer lortu nahiko zenuke EUSKARALDIAN?

Naiara Salaberria: Euskaraldiak nongoa naizen gogorarazten dit, euskara sentiarazten dit, gure hizkuntz propioa dugula gogorarazten dit, poza eta harrotasuna sentiarazten dizkit. Euskaraldiak pena eta tristura ere sentiarazten dizkit. Izan ere, urte guztian zergatik ez dut hori guztia sentitzen? hori guztia adierazten? Euskaraldian bakarrik naiz euskaldun? Euskaraldian bakarrik hitz egin behar dut euskaraz? Galdera horiek guztiak ere sortzen dizkit Euskaraldiak. Euskara jende askok dakiela eta jende asko erabiltzeko prest dagoela argi ta garbi erakusteko hartuko dut parte Euskaraldian.

Nire nahia urte guztirako indarra hartzea, urte guztian euskal hiztun eta euskal entzule asko daudela gogoratzea eta urte guztian euskaraz hitz egitea da.

IĂąaki Barrena: Euskaraldia nire inguruneko egunerokotasunean euskara normalizatzeko aukera berria izatea gustatuko litzaidake. Emaztearekin eta alabekin euskaraz hitz egiteko denbora gehiago izateak konfiantza eman dit euskara beste arlo sozial batzuetara zabaltzeko: erosketak egitean, lagunekin garagardoak hartzean... Gure hizkuntza zaintzearen eta eguneroko erabilera sustatzearen garrantziaz urtean behin gutxienez konturatzea ona da. Eta horretarako Euskaraldia ekimenik onena iruditzen zait. Euskara hizkuntza biziagoa izan dadin, guztiok, ahal dugun neurrian, gure hondar alea ipini behar dugu. Hitz egin dezagun euskaraz!

Ana Lecuona: Aurtengo Euskaraldia nik egunero egiten dudan euskararen erabilerari buruz hausnartzeko garaia izatea nahi dut. Askotan bide errazena jarraitzen dugu eta ez diogu euskarari merezi duen denbora eskaintzen.

Eusebio Irurieta: Euskaraldia ahalegin berezia egiteko garaia da. Nire seme-alabak unibertsitatera doaz eta ikasketak euskaraz egiten ari dira baina askotan elkarrekin gaztelaniaz hitz egiten dugu.

Ekintza hauek gogorarazten didate gure hizkuntza erabili behar dugula eta gazteei horrela bizi daitekeela erakutsi behar diegula.

Maialen Majarenas: Euskaraldia oso ekimen interesgarria da. Pertsona bakoitzari erosoen eta gusturago sentitzen den hizkuntzan komunikatzeko aukera eskaintzen zaio. Azken finean, nire iritzian, hori da komunikazioaren funtsa: edozein motatako elkarrizketa izaten ari diren bi pertsonak komunikatzeko eroso sentitzea. Aurtengo edizioari dagokionez, denok hori barneratzea eta, euskaraz edo gaztelaniaz, komunikatu ahal izateko askatasuna sentitzea nahiko nuke.

6

EUSKARA BATZORDEA

REN HIRUHILABETEKAR

TXUSS ALFONSO

EUSKARALDIA ETA PERTSONA ASKE-ARDURATSUAK Euskararen normalizazio prozesua odol ematearekin lotzea ez da kasualitatea. Euskara, odol ematea eta pertsona aske-arduratsuak Euskaraldiko kanpainan bat egiteak ere kasualitatetik gutxi du. Nortzuk dira baina pertsona askearduratsuak?

Komunitatearekiko erantzukizun sozialez jarduten duten edozein adin, ideologia edo ezaugarritako pertsonak dira. Erantzukizun sozialak ertz ugari ditu. Artikulu honetan behar kolektiboetarako odola ematen duten pertsonez jardungo dugu.

40 pertsona behar genituen eta harremanetan jarri ginen pertsona guztiek baietz erantzun ziguten. Hori ideologia da. Horiek pertsona librearduratsuak dira.

Ekintza sozial kolektiboa lehenetsiko duten pertsona gehiago behar ditugu; kritikei beldur gutxiago izango dion eta instituzioen, enpresen, pertsonen eta langileen arteko alor sozialeko lankidetza bultzatuko duen jendartea behar dugu.

Hala uste dut nik.

Helburu neurgarri eta bideragarriak lortzeko etengabeko hobekuntza landuko duten azterketa sozial gehiago ere behar ditugu, jendartearen arazoen txerto izango diren pertsona libre, kritiko, konprometitu eta arduratsuak, alegia.

Epidemia honek gure hobetzekoak zeintzuk diren identifikatzeko aukera eskaini behar digu.

Hala egin behar dugu herri edo lantegi hobeago bat eraikiko badugu. Pertsona aske-arduratsuak behar ditugu.

Odola ematen duten ehunka laguni esker milaka bizitza salbatu dira. Guneak egokituz‌ odol emateen kudeaketan laguntzen duen lagun talde bati esker, berriz, auzo, herri eta hiriburuetan odol emate kanpainak antolatu dira.

COVID 19ak eragindako egoera zaila izanik ere Orereta/Errenterian odol emate prozesuarekin jarraitzea erabaki genuen. Horretarako, zerrenda bati tiraka hasi ginen.

Oharra: gure komunitatearen beharrak asetzeko, 1.000 biztanleko 30 odol emaile behar dira urtean.

Beraz, populazioaren %3 odol emailea izan beharko litzateke.

ABB-Niessen lantegian azaroaren 26ean emango dugu odola.

Eman bizitza!

IA

Alex Cerro

7

LAGUNDU LAGUNTZEN !!!

Errenteriako Gabierrota auzoko Laguntasuna auzo-elkarteko kideek premia gehien duten pertsonei laguntzen dieten erakundeei laguntzeko kezka sortu da Hainbat bileraren ostean, iaz lehen jardunaldi solidarioa egin genuen. Bertan Itsas Salbamendu Humanitarioa erakundearekin eta, zehazki, Lesbosera bizitzak salbatzera joatekoa zen Aita Mari itsasontziarekin elkarlanean aritzea erabaki genuen.

Jardunaldia prestatzeko auzokideen laguntza eskatu zen eta Behobia-San Sebastian lasterketa ezaguna gure auzotik pasatzen zela aprobetxatuz, lasterketa honetako 11. kilometroa “Elkartasun kilometroa” bilakatu genuen. Bertan, batetik, korrikalari bakoitzari Gabierrotako auzoan jarritako “Elkartasun olanan” euro bat jaurtitzea eskatu genion. Bestetik, lasterketa puntu honetatik ikustera etorri zirenei jardunaldirako ezarritako txosnan kontsumitzera eta auzoan zehar ezarritako itsulapikoak diruz betetzera gonbidatu genituen.

Aurten, elkartasunezko jardunaldia egiteko zailtasunak izan ditugu Pandemiak eragindako murrizketengatik eta lasterketa bertan behera utzi delako. Horregatik, Zaporeak erakundeak Moriako errefuxiatu-esparruan daudenentzako antolatutako janari bilketan laguntzea erabaki dugu. Izan ere, esparru horretan 13.000 pertsona baldintza tamalgarrietan gaizki-bizi dira.

Ume izutuen irudiek, helduak beren lur-gaineko gauzak gainean dituztela shock egoeran ikusteak, instalazioak erabat kiskalita eta dena hondakinez beteta dutela ikusteak bultzatu gintuen aukera honen alde egitera.

Beste behin ere, auzokideen eskuzabaltasunari esker, Zaporeak Gobernuz Kanpoko Erakundeak premia gehien dutenentzako antolatutako janari bilketa handian laguntzea lortu dugu.

Erakunde hauek eskain dezakegun babes osoa merezi dute… izan ere…

”Pixka bat es mucho”

2020

X.LEHIAKETA

ARGAZKI

PARTEHARTZAILEEK SARIA IZANGO DUTE

Animatu eta parte hartu!

OINARRIAK

• GAIA: Bizitza • NEURRIA: 20x25 edo 20x20 (norberak egokitu behar du neurria).

• Pertsona bakoitza bi argazki aurkeztu ahal izango ditu.

• Kopiak Euskara Batzordeak aterako ditu.

• Irabazlea bozketa bidez aukeratuko da (denok eman ahal izango dugu botoa).

• Argazki irabazlea 2021eko egutegia egiteko erabiliko da.

• Argazkiarekin batera pare bat lerroko azalpena idatzi, euskaraz.

Antolatzailea: ARGAZKI LEHIAKETA BATZORDEA Argazkiak azaroak 20 baino lehen bidali: ES-niessen-euskara-batzordea@abb.com INFORMAZIOA: Basilio Rosco eta Iraitz Lopetegi.

RU Safe Q1 aitortzak

RU Safe • Irabazlea: Maialen Majarenas / Albert Zarranz / Iñaki Izagirre (Hazard-a): sarrerako ate automatikoa: orri bakarrekoa eta irekiera mantsokoa da.

Iradokizuna • Irabazlea: Igor Garro: FCA incoterm berriaren ondorioz, kamioilari atzerritarrak ezorduetan etortzen dira eta elkarri ezin ulertuta ibiltzen gara errumanieraz, polonieraz, errusieraz… aritzen direlako. Hala ber, ezagutzen ez ditugun dokumentu berriak agertu dira. Egoera hauek konpontzeko SOP berria ari gara prestatzen.

Aparteko aitortza: Xabier Oñederra: COVID 19 pandemiaren hasieran DYA-ren eta Antiguoko anbulatorioaren beharrak asetzeko maskarak fabrikatu dira 3D inprimagailuan.

Q2 aitortzak RU Safe •Irabazlea: Anaitz Arozena: Begidun torlojuarekin egindako moldeak: modu seguruan manipulatzeko alde bietan jarri.

Iradokizuna •Irabazlea: Celestino Gutierrez: Millenium karamelua poltsaratzeko modua aldatu. Banatuta poltsaratuko dira.