Nik Esan 76 Web

76

20

u rte 2021eko Negua

EUSKARA BATZORDEAREN HIRUHILABETEKARIA Argazkia: Eladio Aires

LEHEN HITZA EUSKARAZ 2 LEHEN HITZA EUSKARAZ!

3 DIVERSITY / ANIZTASUNA

4

5

EUSKARAREN EZAGUTZA SUSTATZEKO EKINTZAK

6 EMAILAK EUSKARAZ EUSKARAZKO KOMUNIKAZIO KANALA

7 ERANTZUKIZUN SOZIALA ETA AGENDA 2030

8 AUPA KIROLARI!

2

ENDIKA ARTIME Lehen hitza euskaraz!

Lehen hitza euskaraz! ekimena euskara komunikabide lehenetsi bezala erabili nahi duen ororentzat zuzendutako ekimena da, Niessengo langile guztiei eta baita fabrika bisitatzen dutenei ere.

Euskara ikasi eta landu nahi duen pertsona orori.

Ekimen honen helburua da euskaraz mintzatzeko edo mintzatuak izateko prestutasuna duen orok begi bistara identifikatzaile bat izatea, ahobizi/belarriprest ekimenean edo Osakidetzako langileen bata edo arropetan erabiltzen direnen modukoa. Beraz, ekimen honen funtsa euskara erabiltzeko nahi hori azaleratzea da.

Niessenera datorren edonork euskaraz hitz egiteko prestutasuna adierazteko identifikazioa izango du eskuragarri sarreran bertan.

Era honetara bi pertsona ezezagunen -edo baita ezagunen artean- lehen hitza euskaraz izatea erraztu nahi dugu, askotan ez baitugu jakiten beste pertsonak euskaraz badakien edo ez.

Zenbat aldiz gertatu zaigu, erdaraz hitz egiten hasi eta denbora bat igaro ondoren konturatzea biok euskaraz hitz egiten dugula?

Animatu eta parte hartu!

Eus

k araz

!

ZOZKETA!

Errigorako saski bat irabazi nahi? Euskara Batzordean zuen iritzia jakin nahi dugu antolatzen gabiltzan ekimenen inguruan.

Bete jarraian dagoen QRko galdetegia edota Nik Esan aldizkarian banatutakoa, eta saski eder baten zozketan sartuko zara.

Mila esker eta zorte on!

Galdetegia

https://forms.gle/ 2R9u58TH7294wTVz5

Cuestionario

https://forms.gle/ WAbYkyGYyxyHFNiF8

EUSKARA BATZORDEAREN HIRUHILABETEKARIA

MIKEL VILLARRUBIA

3

DIVERSITY / ANIZTASUNA ABBren ezaugarri argi bat “Diversity” edo “Aniztasuna” da. Aspaldi honetan ezaugarri hori balorean jartzen ari da ABB eta gehiago indartzeko ahaleginak egiten ari da, esate baterako lanean emakumeen berdintasuna bultzatuz, aniztasunaren ardatz bat delako, baina ez bakarra.

“Diversity” edo Aniztasunaz hitz egitean, zertaz ari gara? Definiziora jotzen badugu, “Ezberdintasuna, ugaritasuna, gauza ezberdinen kopuru handia” izan liteke. Horren harira, ABBk Europan ditu bere sustraiak, baina mundu guztira hedatu da, eta gaur egun kultura, arraza eta sexu ezberdineko lan taldeak osatzen dute ABB, eta gero eta konektatuago lan egiten dugu.

ABBn aurkitu dezakegun aniztasunaren adibide bat eta indartzen ari denaren seinale “Ecompass”ak dira: ABB barruan sortu diren taldeak dira, talde bakoitza ezaugarri konkretu bateko pertsonek osatzen dute, edota horien alde egin nahi dutenek; adibidez, emakumeen Ecompass-a dago, langile “senior”ena, langile beltzaranena… eta beraien helburua da kolektibo horien garapena enpresa barruan bultzatzea, ABB barruan berdintasun ingurugiro batean lan egin dezagun. Hona hemen euren web helbidea, eta hala nahi baduzu, parte hartu dezakezu!

Talde horien guztien artetik “Ecompass Abilities”ari buruz hitz egin nahi dizut. Gaitasun murriztua duten pertsonei laguntzeko sortua, Espainiako lankide batek parte hartu du taldearen sorreran; nirekin harremanetan jarri eta gero, taldea ABBko Berdintasun Batzordera eramatea proposatu genion, eta Marc Gomez-en aurrean aurkeztu zituen taldearen helburuak. Ondorioz ABB Espainia talde horren zabalkundea egitera konprometitu zen bai langileen artean eta baita ekintzak bultzatzeko garaian. Hori dela-eta, epe laburrean gehiago entzungo duzu taldeari buruz!

Nire ustez, aniztasunean lan egitea oso aberasgarria eta dibertigarria da eta enpresara onurak besterik ez ditu ekartzen, aniztasunak motibazioa indartzen baitu eta ikuspuntu ezberdinak kontuan hartzeak emaitzak hobetzen baititu.

Eta azkenik, iruditzen zait Niessen-en Euskara Batzordeak egindako lana guztiz bat datorrela ABBren “Aniztasun” ezaugarriarekin.

Ez al duzu uste?

https://abb.sharepoint.com/teams/Encompass/SitePages/Encompass.aspx

4

EUSKARA BATZORDEAREN HIRUHILABETEKARIA

KOLDO URRESTARAZU

EUSKARAREN EZAGUTZA SUSTATZEKO EKINTZAK ULERSAIOAK Zer egin euskararen erabilera sustatzeko ahaleginetan gabiltzala, solaskideren batek euskaraz gutxi, ia batere ez edo tutik ulertzen ez duenean?

Nola gainditu, ulermen ezak edo ulermen urriak dakarren euskarazko komunikazioaren ezina?

Bada, ABB Niessenen langileentzat euskara ulertzeko saioak antolatu nahi ditugu, Ulersaioak izeneko ikastaroa, hain zuzen.

Euskarazko ulermena garatzea da ikastaroaren helburu nagusia, euskara ulertzen ez dutenek denbora laburrean ulertzeko gaitasuna eskura dezaten. Horregatik, ez da ahalegin berezirik egingo mintzamena, idazmena eta irakurmena lantzeko.

Metodologia, funtsean, ingurune babestu batean garatzen da: gela batean, ordutegi baten barruan eta hizkuntza-soslai bera duten beste kide batzuekin batera.

"

Bi faseetan, ulermena eta komunikatzeko gaitasuna ardatz izango dira. Jarduera desberdinen bidez (galde-erantzunak, elkarrizketak, albisteak, oroimen ariketak…) landuko da eta ikasleei modu interaktiboan ulertutakoa egiaztatzea eskatuko zaie, beraiei erosoen egiten zaien hizkuntzan (euskaraz edo erdaraz).

Trebatzaileak, euskara erraza eta sinplea erabiliz, komunikazio-jarduerak bideratzen ditu, eta etengabe egiaztatzen du jasotzaileek ulertutakoa. Ez du metodologiak zuzenean garatzen euskaraz hitz egiteko gaitasuna. Ez die norbanakoei euskaraz egiteko eskatzen. Ulermena da foku bakarra, eta ondorioz norbanakoei dagokie etengabe egiaztatzea trebatzaileari ulertu diotena".

Ezaugarriak: 1 30 ordu guztira, 1,5 orduko bi saio astean 2 Euskaraz batere edo oso gutxi dakitenei zuzenduta dago.

3 Presentziala edo online 4 8 lagun gehienez

5

JENDAURREAN HIZLARI ABB Niessengo langileen jendaurreko ahozko jarduna hobetzeko proposatzen dugun ikastaroa “JENDAURREAN HIZLARI” da.

Batzuoi eguneroko jardunean egokitzen zaigu lan bilerak gidatzea, lankideei gai desberdinak azaltzea, aurkezpenak egitea… Bada, ekimen honen bidez, jendaurrean euskarazko ahozko azalpenak emateko gaitasuna hobetu nahi da, euskaraz jariotasunez eroso eta egoki hitz eginez, eta betiere hizkuntzaren kalitatea zainduz.

· Ariketa praktikoak (egoerak entzun edo ikusi eta horiekin ariketak landu).

· Atazetan oinarritutako metodologia. · Simulazioak (eguneroko komunikazio egoerak)

Horretarako, hauek izango dira landuko diren helburu orokorrak: • Ahozko adierazpenak era egituratuan, egokian eta naturalean egiteko gaitasuna lantzea.

• Ahozko aurkezpen eraginkorrak egiteko gaitasuna hobetzea.

• Ahozko komunikazio-egoera formaletan, kalitate eta jariotasun handiagoz jarduteko trebatzea.

• Mezua, egitura, hizkera… arlo horien gakoak ezagutu eragina handitzeko.

• Laneko terminologia lantzeko iturri eta baliabideak ezagutzea.

• Komunikazio konstruktiboa eta positiboa lantzea.

• Autoestimua eta konfiantza areagotzea eta segurtasuna eskuratzea.

Ikastaroan laneko komunikazio-egoera errealak landuko ditugu eta ikastaroan landutakoak berehalako erabilgarritasuna izango du.

Ezaugarriak: 1 12 orduko ikastaroa, 2 orduko 6 saio 2 Presentziala

3 8 lagun gehienez

6

EUSKARA BATZORDEA

REN HIRUHILABETEKAR

ADRIANA ALONSO

EMAILAK EUSKARAZ EUSKARAZKO KOMUNIKAZIO KANALA MEZU ELEKTRONIKOAK EUSKARAZ Ekimen honen helburua da euskara hizkuntza nagusi duen komunikazio sareak sortzea, lanean erabiltzen dugun erreminta nagusian, emailean, hain zuzen.

Horretarako, urrats hauek egingo genituzke:

1 2 3 3

Komunikatzeko sare horiek identifikatu eta bertako parte hartzaile guztien onespena izan, euskara izan dadin emailetako hizkuntza nagusia.

Data zehatzetik aurrera, emailak euskara hutsean bidali amaieran esaldi hau dutelarik: “Si no entiendes el mensaje, prueba con el traductor”.

Euskarazko emaila ulertzen ez duenak mezu horren azpiko loturan klikatu eta itzultzaile neuronalaren bidez, mezua gaztelaniara itzuli.

Hilabetera, emaitzen ebaluazioa egin taldearekin.

1 2 EUSKARAZKO KOMUNIKAZIO KANALA Ekimen honen helburua da jakinarazpenak euskara hutsean jaso nahi dituzten langileek hala jasotzea, komunikabide elebakarrean.

Horretarako, euskarazko kanala sortu beharko litzateke komunikazio elebakarrak nahi dituen ororentzat, eta bertan itzultzaile linguistikoa bezalako erremintak erabil litezke.

Ekimena abian jarriz gero, abantaila hauek izango ditugu:

1 2 3

Profesionaltasuna enpresak bi hizkuntza komunikabide erabiltzean Berrikuntza eta aniztasun balioa Gertutasuna bertako hizkuntzarekin

IA

TXUSS ALFONSO

7

ERANTZUKIZUN SOZIALA ETA AGENDA 2030 Artikulu honen helburua berrikuntzari eta gizarte-erantzukizunari buruzko gizarte-eztabaidan aurrera egiten jarraitzea da. Gizarte-berrikuntzaren definizioak kultura edo gizarte bakoitzak une jakin batean dituen erronka sozialei emandako erantzunei buruzkoak dira.

Ildo horretan, funtsezkoa da Enpresen Gizarte Erantzukizuna politika publikoetatik bultzatzea, baina baita enpresak osatzen ditugun pertsonetatik ere, hura garatzen duten estrategia, plan eta programak lerrokatu, diseinatu, landu eta neurtzeko, enpresaren eta gizartearen esparru guztietan gizarte-erantzukizunaren kultura txertatuz.

Pandemia dela eta, gauetik goizera gure bizimodua goitik behera alda daitekeela ikusi dugu.

Egiaztatu dugu beharrizan-egoeretan kolektibotasunetik bakarrik egin diezaiokegula aurre (bai arlo publikotik, bai sozialetik), eta, beraz, esperientziatik ikasi dugula, eta guztion ongizatea bilatzea bultzatu behar dugula, norbanakoaren ongizatearen ordez. Esperientzia hori aprobetxatu behar dugu larrialdi klimatikoari modu erabakigarrian aurre egiteko eta gure gizarteak birdiseinatzeko, bizi garen ingurunearekin harmonia bilatuz.

Datozen garaietan, beharrezkoa baino beharrezkoagoa da enpresek beren ingurune sozial eta ekonomikoa hobetzeko egiten duten ekarpen aktiboa bultzatzea eta babestea, osasun-krisiaren inpaktuak modu dramatikoan eragiten baitio.

Uste dut toki pribilegiatu batean bizi garela eta lan egiten dugula tokiko eta munduko gobernantza-eredu berrietan aurrera egiteko.

Erantzukizun sozial kooperatiboa garatzen aurrera egiteko NIESSENeko pertsona eta langile gisa hartutako gizarte-konpromisoan sinetsi behar dugu.

Pertsonak ahalduntzeko eta politizatzeko laborategiak sortu behar ditugu; premiazkoa da iraunkortasunean oinarritutako eredu politiko, ekonomiko eta soziala eraikitzea, berdintasuna eta demokrazia bermatuta egon daitezen. Niessenen aurrerapausoak eman dira (energia aurrezteko planak, fabrikan euskararen normalizazioa eta erabilera, lanpostuetan emakumeen berdintasunaren aldeko ekintzak, odola emateko kanpainak, mugikortasun jasangarria, instalazio ekologikoagoak, elikagaien bilketa, etab.), eta bide horretan urratsak ematen jarraitu behar dugu.

Hemendik proposatzen dut lankidetza-lanerako ekintza-plan bat irekitzea, sailen artekoa eta NIESSEN osatzen dugun pertsona guztiei irekia, 2030 Agendaren konpromisoak eta Garapen Iraunkorrerako Helburuak lortzeko lan egiteko.

2030 Agendaren aplikazioak eta Garapen Jasangarriko Helburuen lorpenak markatzen du eta jarraitu behar du gizateriak hurrengo hamarkadan norantz joan behar duen zehazten.

Erantzukizun soziala dugu NIEESEN fabrikaren eta bere ingurunearen etorkizuneko eraikuntzaren parte arduratsu eta aktiboa garelako.