Tígull 02. tbl 05. árg.

02. tbl. 05. árg. 25. - 31. janúar 2023

Nýr eigandi ranya kebab

Veitingastaðurinn Ranya kebab opnaði á Skólavegi 1 sumarið 2020 en hefur nú fært sig um set og í gamla Miðbæ við Miðstræti. Við tókum spjall við eiganda Ranya, hann Bryar.

Ferðalag til finnlands

Undanfarinn áratug hefur Framhaldsskólinn í Vestmannaeyjum tekið þátt í samstarfsverkefni með erlendum skólum. Í síðustu viku fóru nemendur auk tveggja kennara til Finnlands.

Á Leturstofunni bjóðum við upp á hönnun og umbrot á alls konar verkum.

Auglýsingar / logo / sálmaskrár umbúðir / fréttabréf nafnspjöld / boðskort bæklinga / límmiða og allt sem þér dettur í hug.

Vertu í sambandi við okkur og við förum yfir þetta í sameiningu.

Hvetja alla til þess að taka þátt

Hugmyndin er að skreyta miðbæinn okkar um goslokin með fallegum veifum. Gaman væri ef við gætum skreytt fallega alveg frá Safnahúsi og niður að Vigtartorgi.

BRYAR NÝR EIGANDI RANYA KEBAB

Veitingastaðurinn Ranya kebab opnaði í Vestmannaeyjum sumarið 2020 að Skólavegi 1 en hefur nú fært sig um set og eru nú í gamla Miðbæ við Miðstræti. Við tókum spjall við eiganda Ranya, Bryar.

Bryar Wsoo er nýr eigandi Ranya kebab en hann hefur verið rekstrarstjóri Ranya síðan að hann opnaði hér í Eyjum. Bryar er fæddur í bænum Ranya í Kúrdistan héraði í Írak. Fjölskyldan hans er stór, þau eru tíu systkinin. „Ég á fjórar systur og fimm bræður. Ég elska fjölskylduna mína en ég hef ekki hitt þau lengi“ segir Bryar.

Hann hefur búið í Vestmannaeyjum í tvö ár og líkar það vel. Vestmannaeyingar eru mjög vinalegir og mér finnst frábært hvað það er mikil kyrrð og hljótt á Eyjunni.

TÍGULL

DREIFING:

Spurður hvernig reksturinn gangi þá segir Bryar að í hreinskilni sagt vera mjög erfitt að reka veitingastað á svona litlum stað, bæði erfitt og krefjandi sérstaklega yfir vetrartímann. Eins og staðan er núna erum við með fjóra starfsmenn en ég þarf að bæta við mig starfsfólki yfir sumartímann. Hann er ánægður með nýja staðsetningu veitingastaðarins og segir hana mun hentugri og sýnilegri. Við höfum fundið mikla ánægju meðal viðskiptavina með matseðilinn okkar og við fáum góða umsögn á netinu. Sú máltíð sem er vinsælust og mest seld er nr. 18 á seðlinum og heitir Ranya Mix.

Veitingastaðurinn er nánast tilbúinn en eigum eftir að bæta fleiru við eins og borðum.

Einnig er á planinu að bæta við matseðilinn okkar. Á veturna erum við með opið 11:00 - 22:00 en á sumrin 11:00 - 23:00 og þá föstudaga og laugardaga 11:0005:00. Við bjóðum fyrirtækjum og hópum einnig að panta hjá okkur og veitum þeim afslátt.

Mig langar til að koma á framfæri þökkum til Vestmannaeyinga, hversu vel þið hafið tekið á móti okkur. Ég er mjög þakklátur fyrir það, við munum gera okkar besta til að veita ykkur góða þjónustu.

Við hvetjum hópa og fyrirtæki að leita til okkar og kynna sér matseðilinn og fá tilboð hjá okkur.

Tígull kemur út vikulega í Vestmannaeyjum og er dreift frítt inn á öll heimili og fyrirtæki. Ritstjórar & ábyrgðarmenn: Lind Hrafnsdóttir, Katrín Laufey Rúnarsdóttir & Sæþór Vídó.

ÚTGÁFA:

SKIL Á AUGLÝSINGUM:

Dreifing fer fram á miðviku- og fimmtudögum og er dreift inn á öll heimili og fyrirtæki í Vestmannaeyjum. Einnig er hægt að skoða blaðið á vefsíðunni okkar: www.tigull.is

Hönnun: Lind Hrafnsdóttir lind@leturstofan.is Auglýsingar: Katrín Laufey katalaufey@tigull.is Prentun: Prentun.is

Auglýsingar sendist á: tigull@tigull.is

Skil á auglýsingum er í hádeginu á mánudögum. Vinsamlegast bókið tímalega.

HEILBRIGÐRI HRYGGJARSÚLU

Hryggjarsúlan okkar er sterk og stöðug en á sama tíma er hún sveigjanleg. Helsta hlutverk hryggjarsúlunnar er að vernda mænu og taugarætur ásamt því að halda líkamanum uppréttum og í jafnvægi. Hér ætlum við að fara yfir nokkur góð ráð til þess að viðhalda heilbrigðri hryggjarsúlu þegar tekist er á við dagleg verkefni.

Endurmat á vinnuaðstöðu Eðlileg heilbrigð hryggjarsúla inniheldur náttúrulegar sveigjur sem virka sem hálfgerðir demparar fyrir okkur. Ef þessar sveigjur ná ekki að starfa eðlilega, geta með tímanum viðkvæmar taugar skaðast. Þegar við sitjum, þá myndast álag á hrygginn okkar sem getur valdið langvarandi sársauka ef ekki er hugað að réttri líkamsstöðu og beitingu. Hryggjarliðir eru undir miklu álagi þegar mikið er setið. Ef vinnan þín felur í sér mikla setu, til dæmis á skrifstofu, er nauðsynlegt að hafa góðan búnað svo sem skrifstofustól og borð sem hægt er að stilla eftir þínum líkama. Gott er að standa og sitja til skiptis en passa að halda jafnri dreifingu á líkamsþunga. Ef vinnan þín felur í sér að færa til og/eða lyfta þungum hlutum er mikilvægt að beita líkamanum rétt við slíkar athafnir. Að lyfta þungum hlutum án þess að huga að og styðja við hrygginn getur sett neðra bak í óeðlilegar stöður sem geta leitt af sér verki í vöðvum, sinum og liðum. Mikilvægt er að einbeita sér að því að halda hlutnum sem verið er að lyfta, þétt að líkamanum og varast það að snúa uppá hrygginn. Einnig er mikilvægt að halda bakinu beinu og nota lærvöðvana frekar en bakvöðvana.

Að gera hreyfingu að daglegum venjum Hreyfing er okkur lífsnauðsynleg þegar kemur að

því að viðhalda heilbrigðri hryggjarsúlu og á sama tíma getur hreyfing hjálpað til við endurhæfingu á löskuðum hrygg. Þegar átt er við daglega hreyfingu í þessu samhengi er ekki endilega verið að meina flókna sérhæfða líkamsrækt. Léttar æfingar og teygjur (sem geta verið ólíkar) sem stuðla að styrkingu á baki, aftan á lærum (e. hamstrings) og kviðvöðvum gegna lykilhlutverki þegar kemur að heilbrigðum hrygg. Þetta getur til dæmis verið rólegur göngutúr. Það eitt að taka göngutúr daglega hefur jákvæð áhrif á hryggjarsúluna okkar en við það styrkjast meðal annars kjarnavöðvar okkar (e. core muscles) þegar við höldum líkama okkar uppréttum. Einnig eykur göngutúr sveigjanleika hryggjarsúlunnar, bætir jafnvægi og styrkir beinabyggingu okkar. Að synda eða ganga í vatni styrkir einnig hrygginn og dregur úr hættu á meiðslum eða verkjum. Þegar komið er í sundlaugina er gott að nýta ferðina og fara einnig í kalda- og heita pottinn. Kuldinn hjálpar til við að draga úr bólgum og verkjum. Hitinn hjálpar til við að auka blóðflæði líkamans, slakar á vöðvum og getur verið verkjastillandi. Daglegar æfingar geta dregið úr bólgum og viðhaldið heilbrigðum liðböndum og liðum. Allur gangur er á því hvenær fólk kýs að taka sína daglegu hreyfingu. Sumir kjósa að taka hana á morgnana í upphafi dags á meðan aðrir kjósa að æfa á kvöldin. Ef þú ert með verki daglega er þó mikilvægt að fá ráðgjöf frá fagaðila, svo sem lækni, kírópraktor eða sjúkraþjálfara áður en þú ákveður þína daglegu hreyfingu.

Að virkja hugann Rannsóknir hafa sýnt að rétt hugarfar þegar kemur að heilsu er ekki síður mikilvægt en aðrir þættir. Ef þú glímir við óþægindi sem jafnvel eiga sér stað í

hryggnum er gott að gefa sér tíma til þess að stunda hugleiðslu á hverjum degi. Hugleiðsla getur verið árangursrík aðferð til að berjast gegn langvarandi verkjum. Sársauki getur verið flóknari en bara tilfinningin ein og sér. Það hvernig heilinn túlkar og vinnur úr sársaukamerkjum gegnir mikilvægu hlutverki í því hvernig sársauki er skynjaður. Það krefst ekki endilega mjög mikils tíma að ná inn hugleiðslu daglega. 15 mínútur í rólegu umhverfi er oft á tíðum nóg. Líkt og með svo margt annað þá fer það eftir hverjum og einum hvaða aðstæður henta best. Sumir kjósa að finna sér dimmt herbergi á meðan aðrir finna frið í sólarljósi til þess að taka sína hugleiðslu. Sumir kjósa að liggja í ró og næði á meðan

Ef þú sefur á hliðinni er gott að nota þykkari kodda til þess að tryggja að háls og höfuð séu staðsett á miðjum herðum. Hér er einnig gott að hafa annan kodda á milli fóta til að létta af þrýstingi neðri hluta hryggjar. Ef þú sefur á bakinu er gott að nota miðlungs þykkt á kodda svo hálsinn sé ekki staðsettur of hátt miðað við líkamann. Hér er gott að hafa annan kodda undir hnén til að viðhalda eðlilegri sveigju mjóbaks. Almennt þá skal forðast það að sofa á maganum eða krulluð/krullaður í fósturstellingu. Slíkar svefnstöður geta gert bakið viðkvæmara fyrir meiðslum og verkjum í daglegu lífi.

Mataræði Daglegt mataræði gegnir mikilvægu hlutverki þegar kemur að því að viðhalda góðum og heilbrigðum hrygg. Eins og flestir hafa heyrt áður þá er gott að einbeita sér að því að borða mat sem finna má frá náttúrunni, svo sem grænmeti, ávexti, heilkorn, kjöt, baunir og fleira. Slíkt mataræði er ríkt af andoxunarefnum og hjálpa til við að eyða bólgum í líkamanum. Matur sem inniheldur mikið af kalsíum og öðrum næringarefnum og vítamínum getur spornað gegn beinþynningu og slitgigt og þar af leiðandi hjálpað til við að viðhalda heilbrigðri hryggjarsúlu. Að lokum er góð áminning að reyna að komast hjá því að borða unnin matvæli og auðvitað að takmarka sykur og sælgæti.

Að fara í nudd Rannsóknir hafa sýnt fram á að nuddmeðferðir eru áhrifaríkar þegar kemur að bakverkjum og heilbrigðri hryggjarsúlu. Nudd eykur blóðflæði líkamans. Það er vel hægt að nudda sjálfan sig með nuddbolta eða nuddrúllu heima en að sama skapi mælum við með að hitta faglærðan nuddara reglulega til þess að fá viðeigandi ráðgjöf og meðferð.

aðrir kjósa að hugleiða í göngutúr. Númer eitt, tvö og þrjú er að þér líði vel og þér finnist þú vera örugg/ur svo að hugleiðslan verði sem árangursríkust.

Að velja réttan kodda Þegar þú leggst til hvílu er mikilvægt að nota kodda sem styður við náttúrulega sveigju háls og mjóbaks. Það fer eftir svefnstöðu hvaða tegund á kodda er hentug hverju sinni.

Kírópraktík Þegar öllu er á botninn hvolft er mikilvægt að við erum meðvituð um hryggjarsúluna okkar og öllum þeim hlutverkum sem hún gegnir. Þegar bókaður er tími hjá kírópraktor á Kírópraktorstöðinni hefst meðferð ávallt á því að mælingar eru framkvæmdar á taugakerfi, mat er gert á líkamsstöðu, hreyfifærnipróf er framkvæmt og röntgenmyndir teknar af hryggjarsúlu ef þörf er talin á. Niðurstöður úr þeim mælingum hjálpa síðan fagaðilum stöðvarinnar að stuðla að heilbrigðri hryggjarsúlu og fyrirbyggja verki og meiðsli.

FERÐALAG TIL FINNLANDS

FRÉTTAHORN FÍV

Þátttaka Framhaldsskólans í Vestmannaeyjum

Undanfarinn áratug hefur Framhaldsskólinn í Vestmannaeyjum að jafnaði verið með eitt samstarfsverkefni með erlendum skólum á hverri önn. Þetta samstarf er einstaklega gefandi og vekur nemendur okkar til umhugsunar um stöðu jafnaldra þeirra víða um heim. Þessi verkefni ganga þannig fyrir sig að fjórir til fimm skólar frá mismunandi þjóðlöndum tengjast í gegnum alþjóðleg samtök eins og Erasmus eða Nordplus. Samstarfsskólar okkar að þessu sinni koma frá Þýskalandi, Eistlandi, Finnlandi og Hollandi og einmitt í síðustu viku fóru fjórir nemendur auk tveggja kennara til Kalijoki í Finnlandi.

Verkefnaval

Mannfjölgun og almenn umhyggja fyrir umhverfisvernd um allan heim hefur verið ofarlega í huga ungs fólks á undanförnum árum. Verkefni sem tengjast umhverfisvernd, sjálfbærni og grænu lífsmynstri hafa því verið

þeim ofarlega í huga. Að þessu sinni sameinuðumst við að vinna verkefni sem kallast „Hæfni 21. aldar“.

lífi í stórborgum, greindu vandann og leituðu lausna. Í ferlinu stofna nemendur einnig fyrirtæki sem gæti tekið á vandanum en einnig hagnast svo að fyrirtækið héldi velli. Metnaðarfullt verkefni fyrir ungt og skapandi fólk.

Skemmst er frá því að segja að samvinna þátttakenda var til fyrirmyndar og hugmyndabrunnur þeirra virðist óþrjótandi. Nemendur ná töluverðri tengingu við það að vinna þétt saman og leita lausna á vandamálum sem eru raunveruleg. Þau geta einnig miðlað af sínum reynsluheimi því hver þjóð hefur eitthvað að bera á borð fyrir alþjóðasamfélagið. Þekktar lausnir í einu landi hafa e.t.v. aldrei verið notaðar í öðru. Má þar nefna að orkuöflun á Íslandi er afar ólík orkuöflun í Hollandi, Þýskalandi eða Finnlandi.

Tenging verkefnanna við Heimsmarkmið Sameinuðu þjóðanna er einnig mikil og í þessari ferð okkar var unnið sérstaklega að lausnum sem tengjast heimsmarkmiði númer 11 „Sjálfbærar borgir og samfélög“. Nemendur fundu sjálfir eitthvert vandamál sem tengdist

Hvað situr eftir?

Eitt er að vinna að skapandi verkefnum og annað er að hafa gaman að verkefninu sjálfu. Það er stundum sagt að þegar þú ferð eitthvert þá er það ekki endilega áfangastaðurinn sem er eftirminnilegastur heldur sé það ferðalagið sem kom þér á staðinn.

Sama er e.t.v. hægt að segja um samstarfsverkefni að þessu tagi. Þegar okkar nemendur hugsa til baka eftir áratug þá verður verkefnið sjálft ekki það sem stendur upp úr heldur sú minning og vissa að þau eigi vini í fjarlægu landi, vini sem komu og gistu hjá þeim heima í Eyjum og vini sem þau heimsóttu í óþekktu landi. Á undanförnum árum hafa skapast mörg vinasambönd í gegnum þessi verkefni, tengsl sem halda til framtíðar. Hlúum því að alþjóðasamstarfi í Framhaldsskólanum í Vestmannaeyjum.

Stytting Hörgareyrargarðs Skipulagslýsing

Bæjarstjórn Vestmannaeyja samþykkti 19. janúar 2023 að auglýsa skipulagslýsingu fyrir breytingu á Aðalskipulagi Vestmannaeyja. Skipulagsbreytingin felur í sér að stytta Hörgaeyargarð um allt að 90 m. Á þeim tíma þegar garðurinn var gerður var höfnin berskjaldaðari fyrir ágangi sjávar. Nú er svo komið að garðurinn þrengir að siglingu stórra skipa um höfnina og þegar skip liggja við Nausthamarsbryggju hafa myndast aðstæður þar sem tæpt hefur staðið á árekstri.

Skipulagsgögnin eru til sýnis hjá Umhverfis- og framkvæmdasviði Skildingavegi 5, frá og með 24. janúar 2023 til 8. febrúar 2023 og má einnig finna í skipulagsgátt á vefsíðu sveitafélagsins. Umsagnir og ábendingar berist skriflega til og með 8. febrúar 2023 á netfangið dagny@ vestmannaeyjar.is eða í Ráðhúsiny að Kirkjuvegi 50.

HVETJA ALLA TIL ÞESS AÐ TAKA ÞÁTT ÞVÍ ENGINN GETUR ALLT EN ALLIR GETA EITTHVAÐ

Prjónaðar Goslokaveifur

Tígull heyrði í Guðný Halldórsdóttur sem stofnaði facebooksíðuna: Handgerðar veifur fyrir Goslokahátíð 2023. Hugmyndin er að skreyta miðbæinn okkar um goslokin með fallegu veifunum sem nú eru framleiddar víða um bæinn. Gaman væri ef við gætum skreytt fallega alveg frá Safnahúsi niður að Vigtartorgi með litríkum veifum.

Hugmyndin kviknaði þegar að samskonar verkefni fór af stað í Jónshúsi í Kaupmannahöfn í samstarfi við Tívolíið og var það skreytt með fánalituðum veifum á 17. júní í fyrra. Langaði okkur til þess að fá handavinnufólk hér í Eyjum til þess að taka þátt í einhverju svipuðu fyrir Goslokin í ár.

Verkefnið fór formlega af stað 23. janúar síðastliðinn og er áhuginn mikill fyrir þessu verkefni. Næstu vikur verður aðaláherslan á að bara prjóna/hekla eins og vindurinn. Á vormánuðum þegar að nær dregur goslokum ætlum við að hittast, raða saman veifum og sauma saman. Það verða skipulagðir handavinnuhittingar bæði á Bókasafninu og hjá stelpunum í Verslun Grétars Þórarinssonar sem verða auglýstir.

Litir sem notaðar eru í veifurnar eru: gulur, appelsínugulur, rauður og svartur.

Það má líka benda á facebook hópinn: https://www.facebook.com/ groups/1856340108067481

Instagramið: goslokaveifur

PRJÓNAÐAR GOSLOKAVEIFUR

HEKLAÐAR GOSLOKAVEIFUR

Stærð er u.þ.b 20 cm á breidd og 30 cm á lengd

Áhöld: Heklunál nr. 5 Garn: léttlopi, tvöfaldur plötulopi, tvöfalt baby merino garn eða annað ullargarn

Skammstafanir: hst - hálfur stuðull ll - loftlykkja umf. - umferð

Uppskrift

Litir: svartur, gulur, appelsínugulur, hvítur

Veifurnar eru heklaðar ofan frá og niður. Fækkað er um eina lykkju í hverri umferð, alltaf í upphafi umferðar.

Fitjið upp 32 ll.

1. umf. Byrjið í 3. lykkju frá nál og heklið 30 hst, 1 ll, snúið (30)

2. umf. Byrjið í 3. lykkju frá nál og heklið 29 hst, 1 ll, snúið (29)

3. umf . Byrjið í 3. lykkju frá nál og heklið út umferðina, 1 ll, snúið (28)

4.- 28. umf. Endurtakið 2. umferð þar til 2 lykkjur eru eftir. Gangið frá endum.

UPPSKRIFT VIKUNNAR

Djúsí próteinpizza

Djúsí botn sem svíkur engan pizzuáhugamann og það besta er hvað það er einfalt að gera botninn.

Hráefni:

Innihald í einn botn eða 4 litlar: -1 bolli hveiti / 140gr -1 bolli hreint skyr / 230gr -1 tsk lyftiduft / 5gr

Aðferð:

Hægt er að fá 4 litlar pizzur úr uppskriftinni en það er líka hægt að gera eina stóra. Það væri því tilvalið að tvöfalda uppskriftina til að fá tvær stórar pizzur í kvöldmat fyir 4.

Allt sett saman í skál og hnoðað saman, þægilegast er að nota hrærivélina í þetta en það er líka hægt að hræra þetta í höndunum. Fletja út og setja á bökunarpappír. Það er gott að stinga nokkur göt með gaffli í hverja pizzu fyrir bökun svo þær blási ekki mikið út eins og pítubrauðin. Betra að baka botnana fyrst í 15-18 mín við 180 gráður og setja svo áleggið á og baka aftur í um 8-10 mín á sama hita. En það er líka í góðu lagi að setja áleggið beint á og baka þá í 18-20 mín. Endarnir verða aðeins meira krispí ef botninn er bakaður á undan.

Uppskrift og mynd fengin frá helgamagga.is Ef þú skannar inn QR kóðann sérðu girnilegar brauðstangir sem væri líka sniðugt að gera um leið og pizzuna.

SUDOKU

ORÐAÞRAUTIN