DIE SERINGBOOM
Gereformeerde Kerk Rustenburg
JAARGANG:35
NO: 1683
SONDAG 28 Mei 2023
28 Mei – 9:00 Griffel van Wyk
Vreugde oor Vryheid!
Skrifgedeelte: Verskeie
Oorsig: Vandag vier ons saam Nagmaal? Wanneer ‘vier’ mens iets? Dis as daar ‘n fantastiese ding gebeur het, wat jy onthou en van voor af oor bly is. Ons vier bv. ‘n verjaarsdag of ‘n huweliksherdenking. Hartseer goed kan jy herdenk. Maar blywees-goed... word gevier. Amper altyd met lekker eet en drinkgoed! Dis dan treffend ook hoeveel feeste daar in die Bybel is wat gevier moet word. God hou blykbaar van feeste, met die Paasfees as hoogtepunt. Ons sien vandag ons Nagmaal is basies Paasfees – ‘n fees van vreugde oor vryheid. Vandag se vraag: Beleef jy regtig vryheid... en het jy diep vreugde daaroor!?
Ons vier vandag saam Nagmaal
KOM EREDIENS TOE
Jakobus 4:8 –“Nader tot God, en Hy sal tot julle nader”
LIEF EN LEED
Laat weet asb. vir Heilie du Plessis (076 331 3738) van die kerkkantoor van siektes, swaarkry,asook vanvreugdes.
Martie McLeod se dogter is verlede week onverwags in haar slaap oorlede. Ons bid dat Martie en haar familie die Here see troos en nabyheid opnuut sal beleef in hierdie tyd.
Oom Jack Lit is hierdie week opgeneem in Pretoria vir toetse om moontlik ‘n hartklep vervanging te kry. Ons bid saam vir hom en tannie Maggie. Oom Jack word 20
Julie 90 jaar oud
VERJAARSDAE
Spesiale verjaarsdae:
=1-18; =21 =70+ =80+ =90 +
Mariaan Pretorius
Ernie Chester
Hanna de Lange
Johan Erasmus
Magda Prinsloo (86 Jaar)
28 Mei 2023
Almal word genooi om Sondag
28 Mei na Nagmaal lekker in die saal te kom kuier. Bring asb ‘n bordjie soet of sout vingerhappies (geen groot koeke of terte nie asb, dit skep moeilik op.) Eetgoed kan voor die erediens in die saal afgegee word. Hoop om lekker saam met jou te kan kuier!
Groete, Die Gasvryheids-diensgroep.
VERBLYF BENODIG VIR 3 MAANDE
Ds Martijn Heijboer van die VSA en sy gesin is oppad na Rustenburg om te kom klasgee by Mukhanyo Teologiese Kollege. Hulle is afkomstig van die Heritage Reformed Church, en is opsoek na ‘n gemeubileerde 2 – 3 slaapkamer huis om te huur. Die verwagting is dat hulle slegs vir 3 maande ‘n huis sal nodig hê, aangesien hul beplan om ‘n huis in Rustenburg te koop. Indien u kennis het van ‘n veilige, gemeubileerde blyplek vir hierdie gesin, kontak asb vir Eben by Mukhanyo: 0716255984. By voorbaat dankie!
Die Winter Wandelmark waar mens kuier-kuier kan lekker eet & koop, vind op Saterdag 27 Mei 2023 plaas. Kom stap deur en ondersteun ons gemeenskap!