DIE SERINGBOOM
Gereformeerde Kerk Rustenburg
JAARGANG:35
NO: 1682
SONDAG 21 Mei 2023
21 Mei – 9:00 Griffel van Wyk
Die uitkoms van dissipel-wees
Skrifgedeelte: Matteus 28:16-20
Oorsig: Elke vak of kursus of seminaar het ‘n “uitkoms”. Dit waarby jy gaan kom as jy klaar is met die kursus. Dit bring jou tot ‘n sekere punt en dan sal jy daarna ‘n sekere vaardigheid hê om verder te gebruik. Waarby bring Jesus se opleiding jou? Waar gaan jy kom, as jy die prys betaal en Jesus volg?
Gaan dit jou laat ontsnap van die probleme van die lewe?
Gaan dit jou ‘n super Christen maak, beter as die mense om jou?
KOM EREDIENS TOE
Galasiërs 6:2 “Dra mekaar se laste en gee op die manier uitvoering aan die wet van Christus.
LIEF EN LEED
Laat weet asb. vir Heilie du Plessis (076 331 3738) van die kerkkantoor van siektes, swaarkry,asook vanvreugdes.
Estie Wepener het die afgelope week geval en haar enkel gebreek. Na ‘n operasie is sy ontslaan en sterk tuis aan. Baie sterkte Estie!
Armand en Sonika Coetzee doop vandag vir klein Anrich. Baie geluk. Armand is op die oomblik vir ‘n lang tyd in die VSA vir werk en sal deur ‘n Video oproep inskakel. VERJAARSDAE
Sondag 28 Mei 2023
Almal word genooi om Sondag
28 Mei na Nagmaal lekker in die saal te kom kuier. Bring asb ‘n bordjie soet of sout
vingerhappies (geen groot koeke of terte nie asb, dit skep moeilik op.) Eetgoed kan voor die erediens in die saal afgegee word. Hoop om lekker saam met jou te kan kuier!
Groete, Die Gasvryheids-diensgroep.
WANDELMARK 27 Mei 2023
Die Wandelmark waar mens kuier-kuier kan lekker eet & koop, vind op Saterdag 27 Mei 2023 plaas. Almal word uitgenooi om weereens as kerklidmate saam te kom werk. Hulp word benodig by koek en nagereg tafel, kerrie en rys tafel, worsbroodjie tafel en koeldrank stalletjie. Enige voorstelle word waardeer.
Buite persone kan eie produkte, met ‘n lekker Winter-tema, ten toon stel en verkoop. Slegs kuns-, hand- of tuisgemaakte produkte sal te koop aangebied word.
Onkoste vir uitstallers is slegs die stalletjiespasie @R250 per stalletjie