Heimilispósturinn - apríl 2023

HEIMILISPÓSTUR

Grundarheimilanna

Gleðilega páska

Forsíðumyndin

Kæri lesandi

Stefnumótun Grundarheimilanna hefur farið fram í mörg ár á vegum stjórnar heimilanna . Það var að frumkvæði Jóhanns J . Ólafssonar stjórnarformanns að stjórn heimilanna hittist og setti sér markmið og stefnu til nokkurra ára, sem var síðan endurmetin og eftir atvikum sett ný stefna tvisvar á ári . Ávallt var með í för utanaðkomandi ráðgjafi og svo var aðeins misjafnt á milli skipta hvort og þá hversu margir stjórnendur og eftir atvikum almennir starfsmenn Grundarheimilanna tóku þátt í fundunum .

Vinna sem þessi er afar mikilvæg öllum þeim sem sinna rekstri fyrirtækja og að mínu mati sérstaklega þeirra sem sinna þjónustu við einstaklinga . Þá er einnig bráðnauðsynlegt að fá að vita hvaða þjónustu heimilisfólkið okkar vill fá ásamt því að vita hvort megi eða þurfi að draga úr einhverjum þjónustuþáttum.

Rúmlega 200 svör og ábendingar

Til undirbúnings stefnumótunarfundi Grundarheimilanna sem haldinn var þann 16. mars síðastliðinn var boðað til fundar með heimilismönnum heimilanna þriggja auk nokkurra íbúa íbúða 60+ í Mörkinni. Þá var send út könnun til aðstandenda heimilanna þriggja . Með fundinum og könnuninni leituðum við beint eftir upplýsingum frá heimilismönnum, íbúum íbúða og aðstandendum og fengum vægast sagt góð viðbrögð . Fundurinn tókst feikn vel og margar góðar hugmyndir komu fram auk þess sem gagnleg umræða átti sér stað um þjónustuna, aðstöðu, umhverfi og hvað

Gísli Páll Pálsson forstjóri Grundarheimilanna

annað sem snýr að daglegu lífi á framangreindum heimilum. Við fengum einnig rúmlega 200 svör og ábendingar frá aðstandendum heimilanna og íbúum íbúðanna um það sem betur mætti fara auk hróss í okkar garð. Yfir heildina má segja að umsagnir og ábendingar hafi verið á talsvert jákvæðum nótum en eðlilega ekki allar.

Símanotkun og seta við sjónvarp

Nokkur atriði skáru sig úr í ábendingum aðstandenda og ætla ég að nefna fernt . Símanotkun starfsmanna, seta heimilismanna í setustofum við sjónvarp, óþægindi sumra heimiliskvenna að karlmenn aðstoði við böðun og að hátta sig og svo íslenskukunnátta starfsmanna . Fjögur atriði sem við tökum til sérstakrar skoðunar á næstu misserum auk fjölmargra annarra sem of langt mál væri að fjalla um í svo stuttum pistli sem þessum . En þessi fjögur atriði stungu í mín augu og tvennt verð ég oftlega var við, símanotkunina og sjónvarpsáhorfið.

Við erum búin að gera all nokkrar tilraunir til að draga úr snjallsímanotkun starfsmanna á vinnutíma en betur má ef duga skal . Og það verður gert betur, ekki þó hægt að segja hér og nú með hvaða hætti . Þessi snjalltæki eru bæði góð og slæm . Ofnotkun leiðir til þess að heimilisfólkið verður út undan og tækin hafa hug starfsmanna . En ef þeim er beitt með skemmtilegum hætti, rifjað upp eitthvað sem tengist áhugasviði heimilismannsins til dæmis þá gera snjallsímarnir sitt gagn . Munum leita leiða til að ná skynsamlegu jafnvægi á þessu sviði . Veit ekki alveg hvernig við tæklum „ónauðsynlegt“ sjónvarpsáhorf en sá þáttur verður vissulega skoðaður . Hvað varðar þriðja atriðið er snertir umönnun karlkyns starfsmanna við heimiliskonur, þá kom það svo sem ekki á óvart en var þáttur sem, ég í það minnsta, hafði ekki gert mér góða grein fyrir. Verður að sjálfsögðu einnig skoðað og bætt úr eftir því sem kostur er .

Íslenskukunnátta starfsmanna er atriði sem við höfum glímt við lengi. Sem betur fer flytja all margir hingað til lands í leit að vinnu og framtíð . Inna af hendi mjög mikilvæg störf hjá Grundarheimilunum og ég hef ávallt lagt ríka áherslu á að allir þeir góðu starfsmenn læri íslensku . Til að geta verið hluti af íslensku samfélagi er bráðnauðsynlegt að tala og skilja íslensku . Við höfum boðið upp á íslenskunám í mörg ár, þrjú mismunandi stig. Þetta eru 40 klukkustunda námskeið, hámarksfjöldi nemenda eru 14 og það er kennt þrisvar í viku á dagvinnutíma, ein og hálf klukkustund í senn . Flestir hafa áhuga á að læra tungumálið, einstaka falla á mætingu eða á lélegum árangri, en þeir eru fáir . Eins og áður sagði er íslenskukunnátta lykillinn að því að aðlagast íslensku

Frá stefnumótunardegi Grundarheimilanna.

samfélagi og geta tekið þátt í því, á vinnumarkaði, félagsstarfi og hverju öðru sem boðið er upp á hérlendis .

Fundurinn með heimilisfólki og íbúum íbúðanna gaf líka mikilvægar upplýsingar til notkunar við stefnumótun heimilanna og með hvaða hætti þjónustan verður þróuð á komandi árum . Þar komu fram skýrar óskir og áherslur þeirra sem dvelja hjá okkur, eitthvað sem við komum til með að skoða og reyna eftir megni að koma til móts við .

Það kom mér skemmtilega á óvart hversu góð þátttaka var í könnun aðstandenda . Mjög margir gáfu sér góðan tíma til að svara og koma með gagnlegar ábendingar um það sem betur mætti fara . Það er okkur stjórnendum Grundarheimilanna afar mikilvægt og í raun nauðsynlegt til að geta bætt enn þá góðu þjónustu sem við teljum okkur veita okkar heimilisfólki og íbúum íbúðanna í dag.

Njótið vorsins

Gísli Páll Pálsson forstjóri Grundarheimilanna

Hætt verður að senda blaðið

Rafræn könnun var send til aðstandenda heimilisfólks og íbúa Íbúða 60+ þar sem fólk var spurt um ýmsa þjónustu Grundarheimilanna. Þar kom fram að óþarfi væri að senda Heimilispóstinn í pósti til aðstandenda . Við þessari ábendingu var brugðist og héðan í frá fá einungis heimilismenn og íbúar Íbúða 60+ blaðið og mun það liggja frammi í verslunum heimilanna fyrir aðra áhugasama .

HEIMILISPÓSTUR

Grundarheimilanna

Krossinn er sigurtákn

Senn líður að páskum og margir hyggja á ferðalög . Skólarnir taka langt frí eða rúma viku og því tilvalið að leggja land undir fót. Vorið er á næsta leiti en vorið og páskarnir eru samtengd í hugum okkar . Þó við getum átt von á páska­ eða vorhreti þá vitum við þó að vorið og hækkandi sól munu sigra að lokum .

Við tengjum páskahátíðina við eitthvað jákvætt og gott og ég held að flestir ef ekki allir hlakki til páska. Þá gerum við okkur glaðan dag . Borðum góðan mat og gerum vel við okkur . Páskarnir eru endanlegt merki þess að vetur konungur sleppir takinu og vorið taki við. Á vorin lifnar náttúran við af vetrardvala. Þetta vitum við. Náttúran gengur alltaf eftir ákveðnum hrynjanda og við getum gengið að því vísu að eftir vetur kemur vor og sumar .

Dauðinn skoraður á hólm

Frá upphafi hefur manneskjan horfst í augu við það að lífinu ljúki við síðustu andartökin. Við fæðumst og við deyjum, þessum

hrynjanda hefur hvert mannsbarn gengið að sem vísum . Þetta var svo endanlegt. Þetta ægivald sem dauðinn var gat enginn hróflað við .

Kristur gengur inn í þennan hrynjanda og kollvarpar ægivaldi dauðans . Krossinn er fyrir mörgum tákn þjáningar og ósigurs . En hann er sannarlega sigurtákn, þar sem Kristur sigrar dauðann í eitt skipti fyrir öll .

Upprisa Jesú Krists er undirstöðuatriði kristinnar trúar. Boðskapur páskanna opinberar okkur að Guð uppfyllti gamla spádóma um komu Messíasar . Páskarnir boða endanlegan sigur á dauðanum . Dauðinn sjálfur var skoraður á hólm en laut í lægra haldi fyrir hinni tómu gröf og upprisu Jesú Krists þegar konurnar tvær þær María Magdalena og María komu að vitja grafarinnar .

Guði er annt um velferð okkar

Það er manneskjunni mikilvægt að vita að eftir að þessu lífi lýkur taki við hið eilífa líf . En páskaboðskapurinn er ekki einungis boðskapur hinna látnu og að það sé líf eftir þetta líf, heldur fullvissan um að Guð gengur með okkur á sérhverjum degi og lætur sér annt um velferð okkar .

Páskaboðskapurinn er gjöf Guðs til þín sem er gefin á sérhverjum degi allt árið um kring . Vegna þess að Kristur sigraði dauðann á páskadagsmorgun þá getur hann deilt með okkur gleði og sorgum daglegs lífs. Hann hvetur okkur til að stíga skrefið og eiga samleið með honum . Kristur er upprisinn, já hann er sannarlega upprisinn .

Auður Inga Einarsdóttir heimilisprestur Grund og Mörk

Rósir og konfekt

fyrir hverja heimiliskonu

Konudeginum var að sjálfsögðu fagnað á Grundarheimilunum, allar heimiliskonur fengu rós í tilefni dagsins og svo var á konfekt og

Það er ekki leiðinlegt að fá að ganga um og gefa rósir.

Rósirnar voru í ýmsum litum.

Það er alltaf gaman að fá blóm.

Garðyrkjustöðn í Ási

Um 10.000 sumarblóm

á Grundarheimilin

„Við erum þessa dagana að prikla sumarblómin en það eru um

10 .0 00 sumarblóm sem

í ár koma á heimilin frá garðyrkjustöðinni í Ási . Það var sáð fyrir öllum þessum algengu sumarblómum; stjúpum, morgunfrúm, fjólum og tóbakshornum“ segir Jónas Þór Sigurbjörnsson garðyrkjustjóri .

„Við stefnum á að halda áfram að bjóða upp á ferskt salat um

Jónas Þór Sigurbjörnsson garðyrkjustjóri í Ási.

það bil allan ársins hring og svo eru tómatar farnir að koma í hús og von á agúrkum, paprikum og svo smám saman gulrótum, blaðlauk og ýmsum nýjungum líka .“ Jónas hefur áhuga á að rækta ýmis afbrigði af tómötum í sumar og bæði litlar og stórar agúrkur og allskonar kryddjurtir og chili. Þá er hann að prófa sig áfram með kúrbít og ýmsar aðrar græmetistegundir .

„Það hefur einhver óværa verið að stríða okkur í gróðurhúsunum en við höldum bara ótrauð áfram og látum engan bilbug á okkur finna. Við notum lífrænar varnir, fáum flugur í húsin til að hjálpa okkur að halda í skefjum óværu . “

Ljósmyndir VIP

gönguferðir og qigong

Það er alkunna að hreyfing skiptir miklu upp á bærilega heilsu og ekki hvað síst þegar fólk er orðið roskið. Íbúar hjá Íbúðum 60+ geta svo sannarlega fundið hreyfingu við hæfi því alla virka daga er boðið upp á einhverja hreyfingu. Á mánudögum og miðvikudögum er qigong á boðstólum og sundleikfimi á mánudögum.

Þá er stólaleikfimi á fimmtudögum, sundlaugin opin á vissum tímum sex daga vikunnar en lokað á laugardögum yfir sumarið og tækjasalurinn innaf sundlauginni opinn á sama tíma og sundlaugin . Á föstudögum er boðið upp á þjálfun undir stjórn sjúkraþjálfara, Þá er jóga í boði á föstudagsmorgnum, svo ganga íbúar saman þegar veður leyfir og nota púttvöllinn mikið þegar hann er opinn.

Svo nú er bara um að gera kæru íbúar að búa til stundaskrá og koma hreyfingu þar fyrir flesta daga vikunnar.

Ljósmynd Hafliði Hjartarson

Qigong er í boði tvisvar í viku.

Grundarbandið og Hjördís Geirs héldu uppi fjörinu

Það er árlegur siður á Grund að bjóða heimilismönnum á hattaball á öskudag . Eins og venjulega þegar Grundarbandið mætir í heimsókn þá var mikið fjör í og rúsínan í pylsuendanum var svo að hafa dásemdar söngkonuna Hjördísi Geirs með í hópnum . Grund á orðið dágott safn af skrautlegum höfuðfatnaði og það vekur alltaf töluverða lukku vikuna fyrir ballið að velja höfuðdjásn en sumir velja sér svo bara hatt þegar þeir mæta í salinn .

Undanfarið hefur heimilisfólkið í Ási spreytt sig á postulíns ingu við mikinn fögnuð hefur valið um að mála bolla, skál eða disk og notið þess í botn . Mjög fallegir munir hafa orðið til og öllum finnst notalegt að eiga sinn bolla eða disk svo ekki sé nú talað um sem er skreyttur af manni sjálfum

Listsköpun

Enginn bolli eins.

Gáfu Grundarheimilunum

15 spjaldtölvur

Þór Pálsson framkvæmdastjóri hjá Rafmennt kom í febrúar færandi hendi á Grund með 15 spjaldtölvur sem voru gjöf til Grundarheimilanna þriggja .

Rafmennt hefur gefið nemendum sem hefja grunnnám rafiðngreina spjaldtölvu til eignar . Á seinasta ári var ákveðið að breyta um styrk til grunnnámsnema . Þessi spjöld eru afgangur frá þessu verkefni og ákvað stjórn Rafmenntar að gefa þau til góðgerðarmála.

Rafmennt er þakkað af heilum hug fyrir spjaldtölvurnar og hulstrin sem fylgdu .

Á myndinni er Þór Pálsson fyrir miðju og Sigríður Sigurðardóttir og Kjartan Örn Júlíusson sitt hvoru megin að taka við þessari rausnarlegu gjöf.

Þjóðlegur þorramatur, brjóstbirta og lopasokkar

Þorra er gert hátt undir höfði á Grundarheimilunum . Á bóndadaginn var boðið upp á íslenskan þorramat eins og hann gerist bestur og herlegheitum skolað niður með pilsner . Þeir sem vildu þáðu staup af íslensku brennivíni . Heimilsfólk og starfsfólk skartaði þjóðlegum fatnaði í tilefni dagsins

Pilsner og staup af brennivíni tilheyrir.

Heimiliskonurnar sáttar með hádegismatinn.

Íbúar hjá Íbúðum 60+ voru ánægðir með þorramatinn.

Bylting þegar tölvur tóku við af ritvélum

Heimiliskonan Halla G. Gísladóttir í Mörk er með þeim fyrstu sem hóf að kenna nemendum í grunnskólum og framhaldsskólum hér á landi á tölvu, í kringum árið 1980. Hún segir að það hafi verið spennandi og sérstakir tímar þegar tölvur komu til sögunnar.

Einkaritun í Bretlandi

Halla lærði vélritun í Kvennaskólanum og útskrifaðist þaðan. „Margar skólasystur mínar voru búnar að ráða sig í vinnu þegar þær útskrifuðust en mig langaði ekki að fara að vinna strax en vissi ekki alveg hvað ég átti að taka mér fyrir hendur . Einn daginn þegar ég kem heim úr skólanum rekst ég á auglýsingu þar sem íslensk kona, búsett í Bretlandi, er að auglýsa eftir stúlku til að koma í ár, veita sér félagsskap og tala við sig á íslensku . Ég var spennt fyrir þessu en mömmu fannst þetta ekki tímabært . Nokkru síðar birtist auglýsingin aftur og þá ýtti ég á foreldra mína og spurði hvort ég fengi ekki samþykki þeirra fyrir því að sækja um . Þau gáfu sig og þetta æxlaðist nú þannig að ég fór út. Ég var hjá yndislegum hjónum, Ester og Cyril Jackson, hann var breskur og hún íslensk. Eftir árið hvöttu hjónin mig til að fara í nám og vera áfram úti og þá fór ég að læra einkaritun .

Kenndi lengst í Hafnarfirði

Þegar Halla kom heim kynntist hún manninum sínum Erni Andreas Arnljótssyni og þau fóru að búa í Hafnarfirði. Þau bjuggu um skeið á Keflavíkurflugvelli en fóru svo til Ólafsvíkur þegar honum bauðst þar bankastjórastaða . Eignuðust þau fjögur börn en eitt þeirra fæddist andvana . Skólastjórinn í Ólafsvík kom að máli við

Höllu og bauð henni að kenna vélritun

Þetta var upphafið að kennsluferlinum í rauninni . Maðurinn hennar varð hins vegar bráðkvaddur rúmlega fertugur og þá stóð hún uppi ein með börnin . „Þá var nú gott að eiga að foreldra okkar beggja sem studdu okkur mikið, mig og börnin þegar við fluttum suður í íbúð sem við áttum þar“, segir hún.

Skömmu eftir að hún kom suður bauðst henni að kenna við Flensborg vélritun og síðar við Lækjarskóla vélritun var nokkur og því setti Halla ásamt nokkrum öðrum upp námskeið sem þær auglýstu

Bylting þegar rafmagnsritvélar komu í skólana

Þegar hún fór að kenna vélritun við Lækjarskóla í Hafnarfirði fóru nemendur strax á áttunda áratugnum að spyrja hvort ekki ætti að fara að kenna á rafmagnsritvélar . Það var í raun fyrsta stóra stökkið þegar við fengum þær í kennslu“, segir Halla þegar framfarir í þessum geira ber á góma .

Halla G. Gísladóttir.

Ein af þeim sem þróaði Ritfinn

Áratugum síðar eða þegar

Halla var um fimmtugt lauk hún kennaranámi frá KHÍ en sótti

einnig ýmis námskeið til að viða að sér meiri þekkingu í ritvinnslu .

Byltingin varð síðan mjög ör

eftir að fyrstu tölvurnar komu til sögunnar og ritvélar voru

fljótar að víkja. „Krakkarnir voru

ótrúlega fljótir að tileinka sér tæknina og þetta var rosalega skemmtilegur tími þegar þessi mikla breyting varð í ritvinnslu .

Við vorum fjórar sem unnum

mikið saman, stofnuðum Félag ritvinnslukennara og við vorum mjög áhugasamar og lögðum metnað í að reyna að halda í við alla þessa þróun sem var að eiga sér stað í tækniheiminum. Við gáfum svo út bókina Ritfinn sem síðar var þróuð í forrit sem hefur og er enn í dag notað við fingrasetningu.“

Starf setjarans gjörbreyttist

Halla lifði og hrærðist í þessum vélritunar­ og tölvuheimi því með kennslu vann hún í hlutastarfi hjá Félagsprentsmiðjunni sem setjari og var þá aðallega að vinna í að rita hæstaréttardóma . „Það var mikil nákvæmnisvinna sem ég vann á ritvél fyrstu árin en í lokin vorum við farin að vinna þetta á tölvur og það var algjör bylting líka . Þetta var í kringum 1980 . “

Starfsfólkið mjög

áhugasamir nemendur

Starfsfólk Grundarheimilanna af erlendum uppruna sýnir mikinn

áhuga á að læra íslensku og í vetur hafa verið í gangi slík námskeið sem Mímir símenntun hefur séð um á vinnutíma fyrir Grundarheimilin . Fyrir áramót var íslenska 1 þar sem unnið var með tal, lestur og ritun með fjölbreyttum kennsluaðferðum og eftir áramót héldu flestir áfram í íslensku 2 þar sem áfram var unnið með þessa þætti . Þá eru margir þátttakendur farnir að spyrja um námskeið númer þrjú sem hefst næsta haust.

Starfstengdur orðaforði í haust Í haust verður meira farið í starfstengdan orðaforða. Að sögn Helgu Rúnu Þorsteinsdóttur verkefnastjóra hjá Mími símenntun er ánægjulegt að finna fyrir þeim mikla áhuga sem starfsfólkið sýnir á að læra og tileinka sér íslensku og líka gaman að sjá hvað Grundarheimilin leggja í að starfsfólkið fái tækifæri til að læra málið bæði með hvetjandi umhverfi og hvatningu til að nota íslensku í vinnunni .

Kaffihús í suðurgarði Grundar

Á vordögum hefjast væntanlega framkvæmdir við nýja kaffihúsið sem rísa á í suðurgarði Grundar á Hringbraut . Vonir standa til að hægt verði svo að opna kaffihúsið um næstu áramót. Skipulagsfulltrúi Reykjavíkur hefur tekið jákvætt í ósk Grundar að fá að reisa laufskálann sunnan aðalbyggingar heimilisins við Hringbraut . Um er að ræða 112 fermetra hús og 520 fermetra lóðarfrágang. Kostnaðaráætlun er rúmlega 150 milljónir króna.

Tengt með yfirbyggðum gangi

Laufskálinn verður sjálfstæð bygging sem tengist aðalbyggingunni með yfirbyggðum gangi. Þar verður kaffihús fyrir heimilisfólk og aðstandendur, leiksvæði fyrir börnin og hægt að stækka kaffihúsið með því að opna út á verönd og sitja þar í sólinni

Leiksvæði, gönguleiðir og dvalarsvæði uppfylla skilyrði um aðgengi fyrir alla . Þá geta viðburðir farið þarna fram, eins og tónleikar eða fræðsluerindi . Það eru ASK arkitektar sem hönnuðu bygginguna og hönnun lóðarinnar er unnin af Landslagi ehf .

Opnar svitaholur og öndunarveginn

Óskar Bjartmarz og fleiri íbúar hjá Íbúðum 60+ fara gjarnan síðdegis í saunu í heilsulindinni og hafa þá með sér ilmolíudropana sína .

„Við erum nokkur sem finnum hvað þetta gerir okkur gott og ég nota piparmyntuolíu. Hún opnar öndunarveginn og svitaholurnar . Það er virkilega hressandi að fara í saunu, ég skvetti nokkrum dropum af olíu á steinana og upp kemur þessi

Síðan er auðvitað ómissandi að tylla sér niður á eftir, fá sér að drekka kalt vatn eða kaffi í góðum félagsskap og spjalla um allt

Fólk sem hittist stundum í heilsulindinni og fær sér hressingu, Þór, Marinó, Guðrún,

Blöðrur, boltar og gönguhópar

Grundarheimilin tóku þátt í Lífshlaupinu í ár en það hófst í febrúar. Markmiðið var að tengja heimilin við það sem er um að vera í samfélaginu, að heimilisfólkið okkar sé virkt og taki þátt .

Þrautabrautir

Settar voru upp skemmtilegar þrautabrautir fyrir heimilisfólk og notast við blöðrur, bolta, kylfur og fleira. Allt var þetta til gamans gert með það að markmiði að auka hreyfingu, vekja upp keppnisskap, kveikja bros og hlátur og efla skemmtilegt samstarf á milli eininga. Það er dásamlegt að fylgjast með því hvað einn hlutur eins og litrík blaðra getur áorkað miklu, stuðlað að hreyfingu, laðað fram bros og létt andrúmsloftið.

Áhrifa gætir enn

Eins og myndirnar bera með sér er Lífshlaupið að hitta í mark hjá bæði heimils­ og starfsfólki .

Lífshlaupið stóð yfir í eina viku en áhrifa þess gætir enn á heimilunum. Í Ási eru nú farnar skipulagðar göngur bæði á efra og neðra svæði og í Mörk heldur starfsfólkið áfram að bjóða upp á skemmtilegar þrautabrautir í sínu daglega starfi.

Settar voru upp þrautabrautir fyrir heimilisfólkið.

Það ríkti ánægja með fjölbreytta hreyfingu sem boðið var uppá.

Sungu fyrir heimilisfólkið

Stundum fá Grundarheimilin sérstaklega skemmtilegar heimsóknir og þannig var það í Ási fyrir nokkru þegar leikskólakrakkarnir frá Óskalandi komu í heimsókn . Börnin sungu nokkur lög við mikinn fögnuð heimilisfólksins . Þau þáðu hressingu og fylgdust meðal annars með heimiliskonunni Ásgerði púsla. Það var engin sérstök dagskrá fyrir börnin en bæði þau og heimilisfólkið nutu svo sannarlega samverunnar .

Páskaskreytingar fyrir Mörk

Í marsmánuði var páskaþema á vinnustofunni í Mörk og heimilismenn gerðu ýmislegt sem mun prýða húsið um páskana. Efniviðurinn var fjölbreyttur og ákveðið að nota það sem til var í húsinu þetta árið. Það þurfti því að virkja hugmyndaflugið og margar

Kartöflumjöl, hárnæring og matarlitur

Það er nauðsynlegt að hafa smá

tilbreytingu þegar verið er að bjóða upp á afþreyingu . Á Grund var

ákveðið að prófa að bjóða heimilis­

fólki að móta úr leir skraut til að vera með um páskana . Leirinn var búinn til úr kartöflumjöli, hárnæringu og matarlit .

Fólk kunni vel að meta tilbreytnina og var alveg til í að búa til leir og móta hann svo í fígúrur.

Sá um matsalinn á öðru farrými

Guðmunda Guðrún Björg vinsdóttir er heimilis í Ási sem vann stóran hluta af starfsævinnar sjó. Sveinbjörg Guðnadóttir spjallaði við hana um lífið á sjónum.

Hún er fædd á Siglufirði í júní árið 1942 en alin upp í Sandgerði hjá föður sinni Guðrúnu Sveins Þegar hún var orðin stálpuð flutti hún til Reykjavíkur og vann í nokkur ár í Sandholtsbakaríi . Síðan æxluðust mál þannig að hún fór að vinna sem þerna um borð í Herjólfi milli Vest Reykjavíkur og þar hófst ævintýrið hennar á sjó.

Líkaði vel til sjós

Hún segir að Pétur Jónasson hjá Ríkisskipum hafi ráðið sig á hvern dallinn eftir öðrum og henni líkaði vel að vera til sjós. Hún var ýmist þjónn eða þerna um borð og sigldi með Herðubreið, Skjaldbreið og Esjunni en öll þessi skip sigldu hringinn í kringum landið ýmist réttsælis eða rangsælis. Á Esjunni var hún þangað til skipið strandaði í Eyjafirði árið 1962. Hún segir minnisstætt þegar Pétur hjá Ríkisskipum hringdi í hana einu sinni og bað hana að fara hringinn í kringum Surtsey með fransmenn . Það var öðruvísi ferð segir hún.

Átti að mæta samdægurs

„Svo er það einn daginn

þegar ég er á leið í sumarfrí að ég heyri auglýst eftir starfsmanni á skipið Drottning Alexandrine en það var skip sem sigldi eftir stríð siglingaleiðina Kaupmannahöfn, Færeyjar, Reykjavík“. Skipið tók 153 farþega og var notað í þessum tilgangi frá 1945 og til ársins 1965. „Ég var nokkuð spennt fyrir starfi um borð svo ég hringdi í númerið sem kom fram í auglýsingunni“, segir Guðmunda. „Ég er spurð út í reynslu og hvort ég sé vön. Eftir að hafa upplýst að ég hafi unnið sem þerna um borð í Herjólfi, Skjaldbreið, Herðubreið og Esjunni segir hann mér að koma til sín í viðtal og hann ætli að bíða með að tala við aðra á meðan ég er að koma mér til hans .“ Brytinn ræður mig um leið og hann sér mig og ég á að mæta samdægurs um borð klukkan þrjú eða skipið siglir klukkan fimm. Og ég kunni enga dönsku“, bætir Guðmunda við og hlær .

Bjórkassi og dönskukennsla

Guðmunda sá um matsalinn og veitingasölu á öðru farrými en hafði messagutta sér til aðstoðar . Vélstjórinn tók að sér að kenna

Guðmundur dönsku . „Hann mætti með kassa af bjór og fullt af allskonar borðbúnaði ásamt ýmsu öðru dóti. Við fengum okkur bjór, hann sýndi mér borðbúnaðinn og sagði hvað hann héti á dönsku og þannig var mín dönnskukennsla“, segir Guðmunda og hlær . „Á þessu skipi var ég í klefa með færeyskri konu sem hafði skerpukjöt í skúffunni undir rúminu og herbergið lyktaði eftir því.“

Fjölskyldan: Ingi Örn, Hafsteinn Sigurðsson, Bjarni Þór, Guðmunda Guðrún og Elín Magnea.

Vann um borð á hraðbáti

Í kringum 1980 flyst Guðmunda til Svíþjóðar en hún er bæði með íslenskan og sænskan ríkisborgararétt. Þar fór hún í nám og er bæði matreiðslumaður og þjónn . Sjórinn togaði og í Svíþjóð vann hún um borð á hraðbáti sem sigldi milli Simrishavn og Borgundarhólms .

Í lokin er Guðmunda innt eftir því hversvegna hún hafi valið sér ævistarf á sjó og segir hún að hún hafi ekki verið sjóveik og þetta hafi bara verið skemmtilegt. Ef hún gæti valið væri hún á sjó núna.

Mörgum finnst gott

að gera æfingar í vatni

Sundlaugin á Grund var tekin í notkun um miðjan sjötta áratug og þótti á þeim tíma mikil framsýni að vera með laug á heimilinu . Sundlaugin hefur æ síðan verið notuð en þó í mismiklum mæli og stundum hefur hún fengið frí um skeið. Nýlega var laugin opnuð aftur eftir að hafa fengið myndarlega andlitslyftingu og heimilismenn farnir að sækja þar tíma á ný. Guðrún Gestsdóttir sjúkraþjálfari Grundar segir að það sé ánægjulegt að geta boðið upp á þennan valkost og mörgum líður mjög vel í vatni þegar þeir eru að gera æfingar eða njóta þess að slaka á í heitri lauginni. Æfingar eru m.a. gerðar með núðlum svokölluðum og boltum þar sem hægt er að nota vatnið ýmist sem mótstöðu eða til að aðstoða við hreyfingar.

Þessir herramenn kunnu vel að meta tímann í sundlaug Grundar.