2 minute read

Vegahandbókin að koma út í tuttugasta sinn

from FÍB Blaðið 2. tbl. 2023

from FÍB Blaðið 2. tbl. 2023, page 55

Sumardekk

„Á þessu ári eru 63 ár frá því að undanfari Vegahandbókarinnar, Ferðahandbókin, kom út. Bókin var 112 síður og fylgdi ferðakort með. Faðir minn, Örlygur

Hálfdánarson, var á þessum árum erindreki hjá Sambandi íslenskra samvinnufélaga og fór því vítt og breitt um landið að boða fagnaðarerindið. Hann fann fyrir því að erfitt var að nálgast upplýsingar um þá takmörkuðu þjónustu sem var í boði fyrir ferðamenn á þessum árum,“ segir Hálfdán Örlygsson útgefandi Vegahandbókarinnar

Að áeggjan Örlygs var ráðist í útgáfu á

Ferðahandbókinni en hann tók þátt í gerð hennar ásamt fleirum en útgefandi var Hótel Bifröst sem var hluti af SÍS-veldinu.

SÍS gaf út þrjár bækur. Örlygur sá tækifæri í bókinni og árið 1965 tekur hann við útgáfunni og hættir hjá SÍS. Gefur hana út árlega eða til 1973 er hann setur á markaðinn fyrstu Vegahandbókina. Honum fannst helst vanta kort í Ferðahandbókina þar sem bæir og örnefni væru merkt inn á síðurnar og fjallað um þau.

Því var mikil bylting þegar bókin kom út og naut hún mikilla vinsælda og seldist fljótlega upp. Önnur útgáfa kom út 1974 og núna árið 2023 kemur út tuttugasta útgáfan. Bókin hefur tekið miklum breytingum frá fyrstu útgáfu en árið 1995 urðu þáttaskil á efnistökum þegar hún sameinaði í einni bók Ferðahandbókina og Vegahandbókina en sú bók er fyrirmynd þeirrar bókar sem við þekkjum í dag.

Meðal efnis í bókinni sem nú var að koma út er að hún hefur að geyma upplýsingar um 3.000 staði á landinu, 1.000 menn, verur og vætti, enn fremur hesta, kýr, sauði og hundaliti og íslensku geitina. Sett var inn sérstök 24 síðna kortabók til að veita meiri yfirsýn yfir svæði þar sem vegakortin á síðunum sýna lítið frá. Til dæmis ef þú ert að keyra á bls. 365 og vilt fá meiri yfirsýn yfir svæðið er þríhyrningur á spássíunni sem vísar þér á bls. 568 í kortabókinni. Hálendiskafli er í bókinni.

Þjóðsögur og þjóðlagatónlist

Aftast í bókinni eru QR kóðar og slóðir sem hægt er að nota til að hlaða niður þjóðsögum sem hafa verið áður og þjóðlagatónlist og spila í snjalltækjum.

Snjallforrit

Snjallforritið (appið) er á þremur tungumálum: íslensku, ensku og þýsku. Nú fylgir engin kóði bókinni en ástæðan er sú að Apple leyfir ekki lengur slíka kóða. Forritin verða því að vera ókeypis eða keypt í forritaversluninni. Tekin var því sú ákvörðun að hafa snjallforritið ókeypis. Í bókinni eru aðeins upplýsingar um hvernig á að hlaða því niður.

Mynd

Mynd: Fyrsta kápan á Ferðahandbókinni og þeirri nýju sem var að koma út.

Ai WAYS U5 er 100% rafknúinn lúxus jepplingur sem er ríkulega búinn, lipur og einstaklega skemmtilegur í akstri. Sérlega glæsileg innrétting og Innrarými er með því besta í sínum flokki og gera Ai WAYS U5 fullkominn fararskjót inn í framtíðina.