Skellt á neytendur án kynningar

„Þetta skellur á neytendur án þess að þeir séu látnir vita, sem okkur þykja ekki góð vinnubrögð. Einhverjar undantekningar eru í hinum dreifðu byggðum þar sem lítil velta er á bensínstöðvum en annars kom þetta án kynningar á alla tanka víðs vegar um land. Fyrir flesta bíla breytir þetta engu en fyrir bíla sem komu á göturnar fyrir 2010 getur þetta orðið alvarlegt og haft áhrif. Menn þurfa að vera með aðra efnasamsetningu í síum, þéttingum, leiðslum og bensíntönkum. 10% etanólið getur valdið tæringu og aukinni rakamyndun í eldsneytiskerfi bílsins og því þarf að grípa til ráðstafana. Þeir sem eiga fornbíl ættu aldrei að nota E10 heldur 98 oktana bensín en það fæst því miður aðeins á fáum stöðvum, eiginlega bara á höfuðborgarsvæðinu og á Akureyri. Þannig að val neytenda er mjög knappt,“ segir Runólfur Ólafsson, framkvæmdastjóri Félags íslenskra bifreiðaeigenda.

Að sögn Runólfs eru til einhver bætiefni til að draga úr neikvæðum eiginleikum alkahólsins í bensíninu en engu að síður er þessu skellt á neytendur og hið opinbera kom alveg af fjöllum. Langur aðdragandi var á sínum tíma þegar hætt var að selja 92 oktana bensín, kynningarfundir voru haldnir og þá með fulltrúum neytenda. Ekkert slíkt fór fram með þessari breytingu, aldrei var haft samband við FÍB þar sem eru um 20 þúsund félagsmenn.

„Olíufélögin taka þetta upp einhliða. Búið er að innleiða E10 bensín víða í okkar nágrannalöndum, eins og t.d. í Svíþjóð, Noregi, Danmörku og Bretlandi. Það fór fram með töluverðum aðdraganda og almenningur vissi hvað var að gerast, hafði upplýsingar og gat gert ráðstafanir. Einhver hér á landi gat hæglega verið búinn að dæla bensíni á bílinn í góðri trú og kannski skemma eitthvað. Maður spyr sig, hver ætlar að borga og bera ábyrgð í þeim tilfellum? Markmiðið með þessu er að draga úr kolefnissporum ökutækja í umferð og það er í sjálfu sér jákvætt. Það verður hins vegar að upplýsa almenning hvað sé verið að gera. Það var alls ekki gert í þessu tilfelli,“ segir Runólfur Ólafsson.

Í maí var nýr Suðurlandsvegur milli Hveragerðis og Selfoss formlega tekinn í notkun. Verkið „Hringvegur (1), Biskupstungnabraut – Gljúfurholtsá“ er annar áfangi breikkunar Suðurlandsvegar milli Selfoss og Hveragerðis. ÍAV er aðalverktaki framkvæmdanna sem hófust í apríl 2020.

Þessi framkvæmd var mjög aðkallandi. Umferð hefur aukist jafnt og þétt á þessum kafla. Árið 2000 var árdagsumferð (meðalumferð á dag yfir árið) 4.970 bílar á sólarhring, árið 2012 var talan komin í 6.462 en þá tók umferðin kipp vegna aukins straums ferðamanna og var komin í 10.342 bíla á sólarhring árið 2019. Næstu tvö ár voru óvenjuleg vegna Covid-19 en 2022 var umferðin orðin 10.753 bílar á sólarhring.

Suðurlandsvegurinn á þessum kafla hefur verið einn slysamesti vegur landsins. Þó hefur slysatíðni haldist nokkuð stöðug síðustu ár en var mun hærri á fyrstu árum þessarar aldar. Má líklega þakka það umferðaröryggisaðgerðum eins og hjáreinum við gatnamót og fræsingu hvinranda milli akreina sem vekja ökumenn til vitundar um að þeir séu að aka yfir á rangan vegarhelming. Vonir standa til að alvarlegum slysum fækki enn frekar með tilkomu nýja vegarins.

Framkvæmdin nær um sveitarfélögin Ölfus og Árborg og skiptist í Hringveg (um 7,2 km), Ölfusveg (um 6,6 km), Þórustaðaveg (um 0,4 km) og Biskupstungnabraut (um 0,7 km). Tvenn stór vegamót eru í framkvæmdinni, hringtorg við Biskupstungnabraut og nýjan Hringveg og svo hliðfærð T-vegamót á Hringvegi við Hvammsveg eystri og Kirkjuferjuveg. Fimm steyptar brýr og undirgöng ásamt tvennum reiðgöngum úr stáli teljast einnig til framkvæmdanna. Að auki voru gerðar miklar breytingar á lagnakerfum veitufyrirtækja.

Hringvegur er gerður upp sem 2+2 vegur en gengið verður frá yfirborði hans sem 2+1 vegar.

Til viðbótar við hefðbundnar tryggingar léttir Toyota þér lí ð með lausnamiðaðri þjónustu. Eftirfarandi er innifalið í kaskótryggðu tjóni hjá Toyota tryggingum:

AFNOT AF BÍLALEIGUBÍL

TOYOTA BÍLALEIGUBÍLL

- Við viljum að þú komist ferða þinna á meðan við gerum við bílinn þinn. Sama hversu langan tíma það tekur.

VIÐURKENNDIR TOYOTA

VARAHLUTIR

TOYOTA VARAHLUTIR

- Við notum eingöngu varahluti frá Toyota sem passa í bílinn þinn.

BÍLAÞVOTTUR

TOYOTA BÍLAÞVOTTUR

- Við skilum þér bílnum þínum skínandi hreinum eftir viðgerð.

ÞAÐ ER EINFALT AÐ TRYGGJA Á TOYOTATRYGGINGAR.IS

Kynntu þér málið á toyotatryggingar.is.

Þetta er eins einfalt og það getur orðið.

Það er Toyota tjónustu þjónusta.