Emocións a flor de pel de Mon Lendoiro

EXPOSICIÓN COLECTIVA Pandemia. Novos retos. 07.10 / 07.11

Emocións a flor de pel

Acrílico sobre lenzo, 170x109.

A obra é o reflexo das emocións positivas e negativas que o autor descubriu e experimentou durante o confinamento do estado de alarma provocado pola COVID-19. As emocións pasaban dun extremo a outro coma nun ser bipolar, de aí que a figura principal sexa debuxada xeometricamente e de forma redonda, para dar constancia e continuidade aos cambios emocionais. Na obra, o autor transmite os ditos estados a través da cor e os cambios empregando a forma.

Sobre o autor

Mon Lendoiro (Carballo, 1971) é técnico superior en Artes plásticas, Deseño e Gráfica publicitaria e técnico superior en Ilustración. Tralos seus estudos, segue formándose realizando numerosos talleres artísticos, onde comeza a traballar noutros campos como o gravado, o volume, a cerámica ou a ilustración. Ten participado en numerosas exposicións, tanto individuais como colectivas. No 2014 abre o seu estudo-galería de arte “Garabato”, onde compaxina obradoiros con exposicións artísticas, performance e incluso teatro.