[MEMORIA AGARESO] 30 de decembro de 2011
4.1.6. Difusión da complexa realidade mexicana da man da voluntaria e xornalista Priscila Hernández No marco da IV Convención Anual de AGARESO, contamos coa presenza como relatora de Priscila Hernández, a nosa correspondente en México e especialista na cobertura de temáticas de discapacidade e dereitos humanos. Aproveitando a súa estancia en Galicia, non quixemos pasar de largo a oportunidade de que coñecese o traballo que realizan moitas organizacións da nosa comunidade en temática social e de dereitos humanos. Deste xeito, a xornalista visitou as instalacións de Cruz Roja en Pontevedra e o traballo que levan a cabo con persoas inmigrantes e VIH. Na Coruña, coñeceu as instalacións que ten a ONG Equus Zebra para potenciar a integración das persoas inmigrantes.
Tamén tivo a oportunidade de achegarse ata as instalacións de Cogami en Santiago de Compostela e ás da ONCE en Pontevedra, e descubrir o seu traballo con persoas con diferentes discapacidades. Xa na zona das Rías Baixas visitou a sede do Fondo Galego de Cooperación e Solidariedade e o IGADI (Instituto Galego de Análise e Documentación
23