18
fimmtudagurinn 14. mars 2013 • VÍKURFRÉTTIR
ATVINNA Laghentir, bílaþjónusta, leitar að bifvélavirkja eða vönum manni til starfa í Reykjanesbæ. Upplýsingar veitir Guðmundur í síma 861 7600 eða á staðnum, Iðjustíg 1 C
AÐALFUNDUR Aðalfundur Framsóknarfélags Reykjanesbæjar verður haldinn fimmtudaginn 21. mars að Hafnargötu 62 og hefst fundurinn kl. 20:00. Dagskrá: Venjuleg aðalfundarstörf. Stjórnin
PÓSTKASSINN n Þorvaldur Örn ÁRnason og Þormóður LOGI björnsson SKRIFA:
Klárum viðræðurnar og treystum þjóðinni
Það var gæfuspor hjá landsfundi Vinstri hreyfingunni grænu framboði að vilja klára viðræðurnar við Evrópusambandið og bera samning undir þjóðina, svo framarlega sem hægt verði að klára þetta á ekki allt of löngum tíma. Þjóðin verður að fá að taka af skarið og taka upplýsta ákvörðun um þetta stóra mál. Afstaða flokksins til inngöngu og veru okkar í EB er óbreytt og afdráttarlaus. Við teljum hagsmunum Íslendinga best borgið utan EB, jafnvel þótt við græddum eitthvað á inngöngu. Í almennri stjórnmálaályktun landsfundarins segir m.a.: "Hugsanlegur ávinningur réttlætir ekki aðild Íslands að Evrópusambandinu. Heimsvaldastefna og hagsmunir fjármagns eru í alltof ríkum mæli drifkraftar Evrópusamrunans, miðstýring, skrifræði og skortur á lýðræði einkennir stofnanir þess um of." En það er ekki nóg að hver flokkur hafi sína afstöðu. Þetta er of stórt mál til þess. Þjóðin þarf að fá tækifæri til að taka upplýsta ákvörðun. Það er krafa um lýðræði. VG er nefnilega annt um lýðræði, en það á ekki við um
alla flokka. Sumir flokkar telja sig þurfa að hafa vit fyrir þjóðinni í þessu stóra máli og vilja loka öllum dyrum strax. Afleiðingin yrði áframhaldandi þras og skotgrafahernaður um allt íslenskt þjóðfélag. Það er heiðarlegra að klára þetta umsóknarferli úr því það er komið þetta langt, jafnvel þótt ljóst sé að VG vill ekki ganga inn. Þetta er bara of stórt mál til að það sé afgreitt af einstökum stjórnmálaflokkum. Ef þjóðin segir nei verður friður um þetta mál í allnokkur ár og hægt að beina kröftunum að því að skapa okkar eigin framtíð í samvinnu við alla heimsbyggðina, ekki bara EB. Þjóðin þarf að taka upplýsta ákvörðun í þjóðaratkvæðagreiðslu, og við í VG treystum henni til þess. Hins vegar er ekki hægt að láta EB teygja lopann endalaust. Enn hafa þeir t.d. ekki ljáð máls á því að hefja samninga um sjávarútvegsmálin því þeirra stefna í þeim málaflokki hefur verið í uppnámi. Ef EB dregur lappirnar og allt dregst á langinn er ekki annað að gera en að láta þjóðina greiða atkvæði eins og málið verður statt þá. Gefum Evrópubandalaginu tíma til að sýna sitt rétta andlit áður en þjóðin kveður upp sinn dóm. Þorvaldur Örn Arnarson félagi í VG í Vogum Þormóður Logi Björnsson sem skipar 10. sæti á lista VG í Suðurkjördæmi
n Björgvin G. Sigurðsson skrifar:
Jafnræði í uppbyggingu iðnaðarsvæða
Q SUÐURNESJAMAGASÍN öll MÁNUDAGSKVÖLD
KL. 21:30
á ÍNN, Kapalkerfinu í Reykjanesbæ og á vf.is
Q Skemmtilegar ábendingar um efni berist til vf@vf.is Q
ÁRGANGUR TAKIÐ FRÁ
4. MAÍ
1963
Árganur 1963 í Keflavík, Njarðvík, Garði og Sandgerði ætla að hittast í Oddfellowsalnum, Grófinni 6 þann 4. maí kl. 20:00. Nánar auglýst síðar
ÓDÝR SMURÞJÓNUSTA SMÁBÍLAR KR. 5.990,MEÐALSTÓRIR KR. 6.490,(INNIFALIÐ OLÍA, SMURSÍA OG VINNA)
AF UR RS T ÁT Í MA SL AF INNU % 15 LRI V AL Bílaviðgerðir - Varahlutir - Smurstöð - Dekkjaþjónusta - Pústverslun - Pústþjónusta www.bilarogpartar.is - email: bilarogpartar@simnet.is
Sími 421 7979 - Iðavellir 9c (í sama húsi og dósasel)
Uppbygging á iðnaðarsvæðinu í Helguvík skiptir miklu máli til að skjóta nýjum og traustum stoðum undir atvinnulíf á Suðurnesjum til framtíðar. Á síðustu árum höfum við gert fjárfestingarsamninga um bæði álver og kísilver á svæðinu og þó tafir hafi af ýmsum ástæðum orðið á verkefnunum er ég þess fullviss að af þeim verður. Við látum hvorki breytt eignarhald á HS Orku né annað stöðva þessi mikilvægu verkefni. Vonandi ljúka Norðurál og orkufyrirtækin samningum innan skamms. Þá fer mikil uppbygging af stað og áríðandi að innviðir á hafnarsvæðinu séu til staðar. Í því sambandi skiptir aðkoma ríkisins að uppbyggingu innviða á svæðinu miklu máli, þ.e. hafnarmannvirkjum og vegagerð. Þar skal umfram allt ríkja jafnræði, lagalegt og pólitískt á milli landsvæða og einstakra iðnaðarsvæða. Óháð staðsetningu þeirra. Því gerum við sem unnið höfum um árabil að uppbyggingu í Helguvík skýlausa kröfu um það nú þegar samningar hafa verið gerðir vegna stóriðjuuppbyggingar á Bakka við Húsavík að ríkisvaldið komi með sambærilegum hætti að uppbyggingu innviða á iðnaðarsvæðinu í Helguvík. Nú þegar hafa fjárfestingar-
samningar verið gerðir vegna verkefnanna en eftir stendur að ljúka samningum um aðkomu ríkis að höfninni og vegagerð. Jafnræðið hefur nú þegar verið staðfest af ríkisstjórn sem hefur falið fjármálaráðherra að gera samning við sveitarfélögin á Suðurnesjum vegna ívilnana um höfn og vegi. Þetta skiptir miklu máli enda verulegir fjármunir í húfi við uppbyggingu innviðanna. Katrín Júlíusdóttir, fjármálaráðherra, hefur eins og Árni Páll Árnason formaður Samfylkingarinnar lýst því afdráttarlaust yfir að jafnræði skuli ríkja á milli landsvæða og iðnaðarsvæða. Því eru samningarnir í góðum höndum, enda búið að greina hvað þarf að gera á svæðinu en sú vinna var sett af stað fyrir tæpu ári af þáverandi fjármálaráðherra Oddnýju Harðardóttur. Jafnræði, pólitísku og lagalegu, um aðkomu ríkisins að gerð innviða á iðnaðarsvæðinu mun undirritaður fylgja fast eftir og var forsenda stuðnings okkar þingmanna Samfylkingarinnar í Suðurkjördæmi við frumvörp atvinnuvegaráðherra um ívilnanir vegna stóriðju þeirrar sem ráðherrann boðar nú á Bakka. Slíkt jafnræði er grundvallaratriði í allri ívilnun hins opinbera að uppbyggingu í atvinnulífi landsins. Björgvin G. Sigurðsson, þingmaður Samfylkingarinnar.
n Silja dögg gunnarsdóttir skrifar:
Lítil fyrirtæki stækka mest Öll vitum við að ekkert verður til úr engu. Til þess að skapa verðmæti þá þurfum við atvinnu. Til þess að auka hagvöxt og byggja upp velferð þá þurfum við að auka fjárfestingar og framleiðni. Stöðugt og fjölbreytt atvinnulíf byggist á hugviti og dugnaði einstaklinga en rekstrarumhverfið þarf líka að vera hagstætt. Skattpíning skilar engu. Fyrirtæki þurfa einfaldara regluverk og einfaldara skattkerfi til að geta vaxið. Við megum ekki höggva ræturnar af trénu, við verðum að vökva það og næra. Hið sama gildir um fyrirtækin okkar.
Blómlegt atvinnulíf er undirstaða velferðar Um 90% íslenskra fyrirtækja eru lítil og meðalstór. Stöðugleikinn er meiri þegar við höfum ekki öll eggin í sömu körfunni. Því telur Framsóknarflokkurinn mikilvægt að leggja áherslu á að styrkja hag lítilla og meðalstórra fyrirtækja. Þegar skattaumhverfi þeirra er orðið vænlegra þá skila þessi fyrirtæki meiri tekjum, sem þýðir að þau geti fjölgað störfum. Það þýðir að fleiri fá atvinnu, atvinnuleysi minnkar, tekjur heimilanna hækka og staða þeirra batnar.
Litli kallinn borgar Rekstur smærri fyrirtækja hefur verið mjög erfiður síðustu misseri. Ástæðurnar eru margar. Helst má nefna sífelldar skattabreytingar, flóknara regluverk, óhagstætt gengi krónunnar, aukinn rekstrarkostnað og hærri afborganir lána. „Stóru kallarnir“ fengu margir hverjir afskrifaðar skuldir eftir Hrun en „litlu kallarnir“ sitja uppi með sínar skuldir. Sumir fyrirtækjaeigendur halda áfram ennþá á þrjóskunni en aðrir hafa því miður gefist upp. Í stað þess að auðvelda atvinnurekendum róðurinn á þessum erfiðu tímum, þá hefur núverandi ríkisstjórn gert sitt til að þyngja hann enn frekar með endalausum skattaálögum. Rekstrarumhverfið hefur verið mjög óstöðugt og menn veigrað sér við að fara út í frekari fjárfestingar því óvissa ríkir um í hverju skuldbindingarnar muni felast. Þessu þarf að breyta og því ætlar Framsókn að beita sér fyrir fái hún til þess umboð frá kjósendum í vor. Vinna, vöxtur, velferð eru sígild slagorð. Við verðum að byggja upp atvinnulífið með öllum ráðum. Fjölskyldan og heimilin eru undirstaða samfélagsins en þau eiga allt sitt undir því að atvinnulífið gangi vel. Framsókn fyrir atvinnulífið! Framsókn fyrir heimilin! Framsókn fyrir Ísland! Silja Dögg Gunnarsdóttir 2. sæti Framsókn í Suðurkjördæmi