Víkurfréttir 18. tölublað 46. árgangur

EÐ

A P P IN

U

kr kg

1.899

2.419

2.849

22%

BETRI KJÖ NN

M

EÐ

A P P IN

U

25 % 22%

BETRI KJÖ NN

R

M

kr kg

R

R

40%

Kjúklingalæri beinlaus

E

1.599 2.689 BETRI KJÖ NN

Lambasirloin

2.229

kr kg

E

15.maí - 18.maí

Grísakótelettur

E

Helgar tilboð

M

EÐ

A P P IN

U

ina Stöndum vakt

!

Miðvikudagur 14. maí 2025 // 18. tbl. // 46. árg.

DREIFT Á SUÐURNESJUM OG Á HÖFUÐBORGARSVÆÐINU • ÓKEYPIS EINTAK

DAGLEGAR FRÉTTIR

Suðurnesjabær hættir við formlegar sameiningarviðræður að sinni Bæjarstjórn Suðurnesjabæjar samþykkti samhljóða að ekki verði farið í formlegar sameiningarviðræður við sveitarfélögin Voga og Reykjanesbæ að þessu sinni. Í greinargerð sem lögð var fram á fundi bæjarstjórnar kom fram að samkvæmt þeirri tímaáætlun sem sveitarfélögin lögðu upp með í upphafi óformlegra viðræðna sé tíminn of naumur til að vinna málið áfram með viðeigandi undirbúningi og íbúasamráði, eins og krafist er samkvæmt sveitarstjórnarlögum.

Úlfar Lúðvíksson lætur af störfum Úlfar Lúðvíksson, lögreglustjóri á Suðurnesjum hefur látið af störfum og hefur uppsögnin tekið gildi. Úlfar segir að Þorbjörg Sigríður Gunnlaugsdóttir, dómsmálaráðherra, hafi tilkynnt sér að staða lögreglustjóra á Suðurnesjum yrði auglýst í haust og að samningur hans yrði ekki endurnýjaður. Úlfar Lúðvíksson var skipaður í embætti lögreglustjóra á Suðurnesjum 16. nóvember 2020. Hann fékk stór verkefni í fangið því fyrsta eldgosið af ellefu hófst 19. mars 2021 en lögreglan kom mikið að eftirliti og stjórnun á gossvæðinu og hefur gert.

— FRÉTTIR —

Hafnargatan fær nýtt líf

Njarðvík tapaði með minnsta mun Njarðvík tapaði með einu stigi fyrir Haukum, 92-91, eftir framlengdan leik í oddaleik um Íslandsmeistaratitilinn í körfuknattleik kvenna í Hafnarfirði á þriðjudagskvöld.

Njarðvík var í raun hársbreidd frá Íslandsmeistaratitlinum eftir ótrúlegan lokasprett. Njarðvíkurkonur höfðu orðið undir í einvíginu og voru komnar upp við vegg eftir að Haukar höfðu farið með sigur af hólmi eftir tvær fyrstu viðureiginr liðanna.

Njarðvík vann svo tvo næstu og tryggði sér þar með oddaleik sem fram fór í Hafnarfirði á þriðjudagskvöld. Þar höfðu heimakonur betur. Leikurinn var æsispennandi og lokamínútur venjulegs leiktíma voru hreint ótrúlegar þar sem Njarðvík raðaði inn stigum í lokin og tryggði framlengingu 79-79. Framlengingin var sannkallaður háspennuleikur þar sem jafnt var á öllum tölum fram á síðustu sekúndu. Það fór svo að Haukar höfðu betur og sigruðu með 92 gegn 91 stigum Njarðvíkur. Njarðvíkurkonur mega þó vel við una en þær urðu bikarmeistarar í vetur og eina úrvalsdeildarliðið í körfunni sem skilaði verðlaunagrip til Suðurnesja. VF-myndir: pket

— AFLABRÖGÐ —

— VORHÁTÍÐ —

— SPORTIÐ —

— SPORTIÐ —

Vetrarvertíð lokið og strandveiðar hafnar

Vor á Vatnsnesi: „Sameina gömlu rótina og nýja drauma“

Guðjón er tippmeistari Víkurfrétta

Mæðgin íþróttafólk Grindavíkur

16 SÍÐUR Í ÞESSARI VIKU • STÆRSTA FRÉTTA- OG AUGLÝSINGABLAÐIÐ Á SUÐURNESJUM

2 // VÍKURFRÉTTIR Á SUÐURNESJUM

Sterk rekstrarstaða í Reykjanesbæ árið 2024 n Tekjur umfram gjöld og öflug fjárfesting REYKJANESBÆR Hilmar Bragi Bárðarson hilmar@vf.is

Ársreikningur Reykjanesbæjar fyrir árið 2024 var samþykktur á bæjarstjórnarfundi í síðustu viku með tíu atkvæðum. Margrét Þórarinsdóttir (U) sat hjá við afgreiðsluna. Meirihluti bæjarfulltrúa Framsóknar, Samfylkingar og Beinnar leiðar lýsti ánægju með niðurstöðuna og sagði reikninginn staðfesta traustan og heilbrigðan rekstur í ört vaxandi sveitarfélagi. Í bókun meirihlutans, sem Guðný Birna Guðmundsdóttir flutti, kemur fram að reksturinn hafi verið öflugur og verulega betri en áætlanir gerðu ráð fyrir.

Afkoman var jákvæð og veltufé frá rekstri hækkaði á milli ára. Skuldahlutföll séu áfram innan ásættanlegra marka. Áhersla var lögð á fjárfestingar í leik- og grunnskólastarfi, íþróttamannvirkjum og innviðum, en meðal framkvæmda má nefna áframhaldandi uppbyggingu við Holtaskóla og Myllubakkaskóla, nýja leikskóla og undirbúning vegna Drekadals. Þá var ný körfuboltahöll opnuð í Innri-Njarðvík og ný sundlaug þar verður tekin í notkun í sumar.

Meirihlutinn segir þessi verkefni og niðurstöður endurspegla markvissa stefnu og sýn um sterkt samfélag með góðum þjónustuinnviðum. „Við horfum bjartsýn fram á veginn,“ sagði í bókun meirihlutans.

Mikill fjöldi íbúa er að flytja í okkar frábæra bæ Birna Guðmundsdóttir lagði fram á fundinum eftirfarandi bókun meirihluta bæjarfulltrúa Framsóknar, Samfylkingar og Beinnar leiðar: „Meirihluti bæjars tjórnar Reykjanesbæjar fagnar árinu 2024 sem gekk mjög vel og heilbrigður ársreikningur staðfestir það.

Tekjur bæjarsjóðs (A-hluti) var 27,8 milljarðar en gjöld bæjarsjóðs voru 25 milljarðar kr.

Tekjur samstæðu (A og B hluti) voru 40,5 milljarðar en rekstrargjöld 32,5 milljarðar kr.

Mikilvægar tölur hér þar sem tekjur standa undir gjöldum, bæði hjá bæjarsjóði og hjá samstæðunni.

Enn eitt árið gættum við þess að tekjur séu umfram gjöld og að það sé afgangur fyrir fjárfestingar.

Fjárfest var á árinu 2024 fyrir sex milljarða og ber þar helst að nefna áframhaldandi verkefni okkar við að stækka og betrumbæta Holtaskóla og Myllubakkaskóla. Auk þess opnuðum við tvo leikskóla, Asparlaut og Tjarnarlund og erum að vinna að því að klára þann þriðja, leikskólann Drekadal. Auk þess opnuðum við stórglæsilega körfuboltahöll í Innri-Njarðvík og stefnt er að opnun nýrrar sundlaugar þar nú í sumar. Áætlun ársins með viðauka gerði upphaflega ráð fyrir 149 milljóna króna jákvæðri rekstrarniðurstöðu bæjarsjóðs sem endaði í 1.113 milljónum. Staðan er því mun betri en gert var upphaflega ráð fyrir, eða 964 milljónum betri niðurstaða. Ástæðan fyrir þessum mikla mun á tekjum liggur nær eingöngu í hækkun á útsvari, þ.e. mikill fjöldi íbúa er að flytja í okkar frábæra bæ en fjölgun íbúa undanfarin ár hefur verið að meðaltali um eitt þúsund nýir íbúar á ári undanfarin ár.

Rekstrarniðurstaða fyrir afskriftir, f jármagnsliði, skatta og hlutdeild minnihluta nam 8 milljörðum króna. Að teknu tilliti til þeirra liða var niðurstaðan jákvæð um 2.577 milljónir króna en áætlun ársins gerði ráð fyrir 1.220 milljóna króna jákvæðri rekstrarniðurstöðu hjá samstæðu sveitarfélagsins, eða 1.357 milljón króna betri rekstrarniðurstaða en gert var ráð fyrir.

Veltufé frá rekstri bæjarsjóðs árið 2024 var 3 milljarðar, hækkun um 700 milljónir frá árinu áður.

Veltufé frá rekstri samstæðu árið 2024 var 7,4 milljarðar króna í samstæðu, hækkun um 1,1 milljarð frá árinu áður.

Veltufé frá rekstri er ein mikilvægasta stærðin sem segir til um það fjármagn sem stendur eftir

og hægt er að nýta í fjárfestingar eða niðurgreiðslu skulda. Veltufé frá rekstri lýsir heilbrigði reksturs til að standa undir fjárfestingum.

Við tókum lán á árinu 2024 fyrir 2,6 milljarða króna sem er eðlilegt á uppbyggingarfasa. Þegar horft er til skulda þá er skuldaviðmið bæjarsjóðs 97,7% og skuldaviðmið samstæðunnar 105,6%. Skuldahlutfall bæjarsjóðs er 121,98% og samstæðunnar var 136,7%. Þessar stærðir eru mjög mikilvæg viðmið fyrir sveitarfélög.

Sveitarfélög á Íslandi geta ekki lagalega skuldsett sig óendanlega og þurfa að uppfylla skuldaviðmið sem er hlutfall heildarskulda af heildartekjum sveitarfélagsins en hlutfallið á að vera undir 150%.

Skuldir á hvern íbúa Reykjanesbæjar eru um 1,4 milljónir króna. Þrátt fyrir lántökur á árinu 2024 og þrátt fyrir sex milljarða framkvæmdir – þá er þetta niðurstaðan.

Heilbrigður ársreikningur hjá kröftugu sveitarfélagi í hröðum

Mikið fjármagn hefur farið í endurbyggingu grunn- og leikskóla í Reykjanesbæ. Hér sést yfir Myllubakkaskóla í Keflavík.

vexti. Reykjanesbær heldur áfram að vaxa og dafna og munum við styðja við okkar frábæra sveitarfélag, nú sem endranær.“ Guðný Birna Guðmundsdóttir (S), Sverrir Bergmann Magnússon (S), Sigurrós Antonsdóttir (S), Halldóra Fríða Þorvaldsdóttir (B), Bjarni Páll Tryggvason (B), Díana Hilmarsdóttir (B) og Valgerður Björk Pálsdóttir (Y).

Sjálfstæðisflokkurinn ítrekar áhyggjur af aukningu rekstrarkostnaðar Margrét A. Sanders og lagði fram eftirfarandi bókun bæjarfulltrúa Sjálfstæðisflokks: „Í ljósi erf iðrar stöðu f jármála í Reykjanesbæ undanfarna mánuði er ánægjulegt að niðurstaða ársreiknings ársins 2024 sýni að rekstrarafgangur nemi 1,1 milljarði og að tekjur séu tæpum 3 milljörðum hærri en áætlanir gerðu ráð fyrir. Helstu ástæður aukinna tekna eru að útsvarsgreiðslur íbúa aukast um tæpa 2 milljarða á milli ára og þjónustutekjur sveitarfélagsins aukast um tæpan 1 milljarð. Eins og alkunna er hefur meirihlutinn þann háttinn á að vanáætla tekjur hvers árs og því má velta fyrir sér hver eðlilega áætluð tala hefði orðið.

Sjálfstæðisflokkurinn ítrekar einnig áhyggjur sínar af aukningu rekstrarkostnaðar líkt og undanfarin ár. Það er verulegt áhyggjuefni að rekstrarkostnaður sveitarfélagsins hækkar mikið á hverju ári, og nemur hækkunin samkvæmt ársreikningi nú um 3 milljörðum á milli ára og er langt yfir áætlun.

Fyrir ári síðan, við yfirferð ársreiknings sveitarfélagsins fyrir árið

2023, benti Sjálfstæðisflokkurinn á að handbært fé væri að lækka mikið og að bæjarsjóður gæti lent í vandræðum með að standa við skuldbindingar sínar. Í ársreikningi 2024 kemur fram að handbært fé í lok árs 2024 var um 133 milljónir. Til að setja þá fjárhæð í samhengi eru rekstrargjöld um 2 milljarðar á mánuði og þar af eru laun og launatengd gjöld sveitarfélagsins rúmlega 1 milljarður á mánuði. Við vekjum athygli á því að inni í þessum tölum er ekki kostnaður vegna fjárfestinga. Það er því ljóst að Reykjanesbær er kominn í vandræði með að standa við skuldbindingar sínar eins og kom fram í bókun okkar á síðasta ári.“ Margrét Sanders, Guðbergur Reynisson og Helga Jóhanna Oddsdóttir Sjálfstæðisflokki.

Ársreikningurinn varpar ljósi á alvarlega lausafjárstöðu Margrét Þórarinsdóttir og lagði fram eftirfarandi bókun bæjarfulltrúa Umbótar: „Umbót gerir ekki athugasemdir við réttmæti ársreiknings Reykjanesbæjar og ber fullt traust til vinnu starfsmanna og löggilts endurskoðanda. Hins vegar varpar ársreikningurinn ljósi á alvarlega lausafjárstöðu sem Umbót hefur áður varað við, meðal annars vegna þess að handbært fé nam einungis 133 milljónum króna um áramót.

Umbót situr hjá við samþykkt ársreikningsins til að undirstrika nauðsyn á gagngerri endurskoðun á fjármálastjórn sveitarfélagsins, þótt engar athugasemdir séu gerðar við réttmæti hans.“ Margrét Þórarinsdóttir, Umbót.

Miklar sveiflur í íbúaþróun á Suðurnesjum

HREINSUM RIMLAGARDÍNUR OG MYRKVUNARGARDÍNUR NÁNARI UPPLÝSINGAR Á ALLTHREINT.IS

Þú finnur allar nýjustu fréttirnar frá Suðurnesjum á

vf is

Íbúaf jöldi á Suðurnesjum lækkaði lítillega á milli desember 2024 og maí 2025 en sveiflurnar eru mjög mismunandi milli sveitarfélaga. Samtals fækkaði íbúum á svæðinu um 235 manns eða um 0,7%. Ræður þar án efa mestu að skráðum íbúum Grindavíkur fækkar um 475 á tímabilinu eða um 33,7%.

Stærsta sveitarfélag svæðisins, Reykjanesbær, hélt í raun íbúatölunni nokkuð stöðugri. Íbúum fjölgaði þar örlítið, úr 24.313 í 24.360, sem jafngildir 47 einstaklingum eða 0,2% fjölgun. Þetta sýnir áframhaldandi stöðugleika í bæjarfélaginu sem hefur verið í örum vexti á undanförnum árum.

Langmest áhrif sáust í Grindavík þar sem íbúum fækkaði um heil 475 manns, sem nemur 33,7%

fækkun. Fjöldinn fór úr 1.408 í 933. Þessi mikla fækkun skýrist

líklega af áhrifum náttúruhamfara og rýminga eftir jarðhræringar og eldgos á svæðinu, sem hafa raskað daglegu lífi bæjarbúa verulega. Í Sveitarfélaginu Vogum fjölgaði íbúum úr 1.793 í 1.872, sem er fjölgun um 79 manns eða 4,4%.

Suðurnesjabær bætir við sig 114 íbúum og fer úr 4.218 í 4.332, sem jafngildir 2,7% fjölgun. Báðar þessar tölur benda til jákvæðrar þróunar í þeim sveitarfélögum, sem gæti tengst flutningum fólks frá Grindavík eða fjölgun í tengslum við atvinnu- og húsnæðisframboð.

Heildarfjöldi íbúa á svæðinu fór úr 31.732 í 31.497, sem er fækkun um 235 einstaklinga. Þrátt fyrir fækkunina í heild þá má greina skýra tilfærslu íbúafjölda á milli sveitarfélaga.

4 // VÍKURFRÉTTIR Á SUÐURNESJUM

Hér má sjá dæmigert einkarými 28 m2.

Tölvuteikning af hjúkrunarheimili á Ásbrú þar sem búið er að tengja tvö fjölbýlishús með viðbyggingu á milli.

Nýtt hjúkrunarheimili á Ásbrú innan tveggja ára? n Gæti orðið gríðarleg lyftistöng fyrir hverfið og haft jákvæð áhrif á framtíðar uppbyggingu þess og þróun.

Nýtt 90-180 rýma hjúkrunarheimili miðsvæðis á Ásbrú gæti risið á 18-24 mánuðum en eigendur fyrirtækisins Icelandic Home ehf. hafa sent Framkvæmdasýslunni - Ríkiseignum tilboð í kjölfar markaðskönnunar sem hún sendi út en þar er óskað eftir leiguhúsnæði fyrir allt að 80 til 120 hjúkrunarrými á Suðurnesjum og væri afhent innan tveggja ára. Forsvarsmenn Icelandic home telja að verði tilboði þeirra tekið geti bygging hjúkrunarheimilis á Ásbrú verið gríðarleg lyftistöng fyrir hverfið og haft jákvæð áhrif á framtíðar uppbyggingu þess og þróun. Í eigendahópi Icelandic Home ehf. eru að mestu Suðurnesjamenn en fyrirtækið hefur sérhæft sig í leigu húsnæðis til einstaklinga og fyrirtækja á síðustu tíu árum. Fyrirtækið er með á fimmta hundrað leigueiningar á sínum snærum og hjá félaginu starfa 10 manns. Á upphafsárum fyrirtækisins var áhersla á að þjónusta starfsfólk í flugtengdria starfsemi en hefur þróast og víkkað út.

Lífsgæðakjarni í miðju Ásbrúar Sigurður Garðarsson, verkfræðingur og fyrrverandi framkvæmdastjóri Nesvalla og Sjómannadagsráðs vann tilboð Icelandic Home og er ráðgjafi fyrirtækisins í því. Hann ásamt Þorleifi Björnssyni og Karli Finnbogasyni hjá Icelandic Home hafa kynnt verkefnið og tilboðið að undanförnu. Þeir segja mikilvægt að styrkja Ásbrú og telja að uppbygging lífsgæðakjarna sem muni tengjast nýju hjúkrunarheimili muni skapa fleiri tækifæri til uppbyggingar og styrkingar Ásbrúar.

Þróun og uppbygging „Framtíðarsýn okkar er að taka þátt í þróun og uppbyggingu Ásbrúar hverfisins. Verði af leigusamningi um nýtt hjúkrunarheimili í húsnæði félagsins opnast tækifæri til frekari þróunar

svæðisins. Má þar nefna fjölgun þjónustu- og öryggisíbúða annaðhvort með því að þétta byggð, eða með því að nýta byggingar sem nú þegar eru til staðar. Við það opnast einnig tækifæri til að halda áfram þróun svæðisins í samstarfi við Reykjanesbæ, heilbrigðisyfirvöld og aðra hagaðila. Þannig væri hægt að halda áfram með uppbyggingu aðstöðu og þjónustu fyrir heilsugæslu, félagsmiðstöð, matarþjónustu, líkamsrækt og aðra þjónustu.

Með því að þétta byggðina og auka nýtingu lóða í nánasta umhverfi má skapa tengingar innandyra, eða með skjólgóðum gönguleiðum við hið nýja hjúkrunarheimili. Með því skapast grundvöllur fyrir uppbyggingu á lífsgæðakjarna fyrir eldra fólk, með áherslu á að auðvelda eldra fólki að nýta sér þjónustu og aðstöðu sem styður við lífsgæði þeirra á eigin heimili sem lengst fram eftir ævinni.“ Við undirbúning tillögunnar hefur farið fram kynning á þessum tækifærum fyrir sveitarfélagið Reykjanesbæ og þróunarfélagið Kadeco. Báðir aðilar hafa lýst sig reiðubúna til að vinna að brautargengi áframhaldandi uppbyggingar komi til þess að nýtt hjúkrunarheimili rísi við Keilisbraut. Enda samræmist slík uppbygging markmiðum og framtíðarsýn beggja aðila fyrir svæðið. Þá passi þessi framtíðarsýn vel inn í þróunaráætlun Kadeco sem nefnist K64.

Litríkur söngur hjá Kvennakór Suðurnesja í innslagi á vf.is á föstudaginn.

...Framtíðarsýn okkar er að taka þátt í þróun og uppbyggingu Ásbrúar hverfisins. Verði af leigusamningi um nýtt hjúkrunarheimili í húsnæði félagsins opnast tækifæri til frekari þróunar svæðisins......

Kanablokkir fá nýtt hlutverk Hugmynd Icelandic Home ehf. byggir á því að endurnýta og sameina tvær eldri byggingar sem nú eru í fullri útleigu, fyrrverandi íbúðarblokkir varnarliðsmanna, og gera á milli þeirra þriggja hæða viðbyggingu með lyftu- og stigahúsi ásamt fleiru sem þarf að vera til staðar fyrir starfsemi hjúkrunar-

Þessi mynd sýnir stóran hluta svæðisins á teikningunni hér a ð ofan.

heimilis. Byggingarnar sem voru upphaflega byggðar á árunum 1951 til 1957 gengu í gegnum mikla endurnýjunm á árunum 1996 til 2004, þar sem gagngerar og viðamiklar endurbætur áttu sér stað. Fyrirhugað er að núverandi húsnæði fari í gegnum allsherjar endurnýjunarferli með umhverfisvænum áherslum til þess að það uppfylli

kröfur um skipulag og húslýsingu í fylgigögnum markaðskönnunar. „Við teljum og höfum mikla trú á því að með tilboði okkar sé komin raunhæf og hagkvæm lausn og sé samfélagslega sterk. Eftir 19 ár er nú er lag að gjörbylta Ásbrú sem er virkileg þörf á og mun hafa gríðarlega jákvæð áhrif á þróun svæðisins,“ sögðu þremenningarnir.

VOR Á VATNSNESI AFMÆLISHÁTÍÐ HÓTEL KEFLAVÍK

H O PPU KA S TA L A R | M ATA RVA G N A R | M O Ë T H L A U P I Ð L IS TA SÝ N I N G | V I Ð B U RÐ I R Í K E F S PA

16.–18. MAÍ Við fögnum 39 ára afmæli Hótel Keflavík með heilli helgi af list, tónlist, upplifunum og gleði fyrir alla fjölskylduna!

Vor á Vatnsnesi er nýr árlegur viðburður í Reykjanesbæ sem festir sig nú í sessi sem lítil bæjarhátíð – og verður bara stærri með hverju árinu! Hlökkum til að sjá ykkur öll á KEF

FIMMTUDAGUR 15. MAÍ

FÖSTUDAGUR 16. MAÍ

Konukvöld í KEF SPA & Kampavínskynning frá Kampavínsfjelaginu frá kl. 16:00

12:00–16:00 Opnun listasýningar Eddu Þóreyjar Kristfinnsdóttur í Vatnsneshúsinu

LAUGARDAGUR 17. MAÍ

16:00–21:00 80's Vibes í KEF SPA

10:30 | Moët kampavínshlaup Hótel KEF Skráning á kef.is

18:00–21:00 Kósýbandið spilar á KEF Restaurant

12:00 | Lúðrasveit Reykjanesbæjar spilar við verðlaunaafhendingu Moët hlaupins 12:00–16:00 Hoppukastalar við Vatnsneshús – Frítt fyrir öll börn!

Matarvagnar frá Reykjavík Street Food við Vatnsneshús Listasýning Eddu Þóreyjar Kristfinnsdóttur í Vatnsneshúsinu 19:00–23:00 | Eurovision partý í KEF SPA

SUNNUDAGUR 18. MAÍ 11:30 og 12:30 Leikhópurinn Lotta og barnabröns í KEF 12:00–16:00 Listasýning Eddu Þóreyjar Kristfinnsdóttur í Vatnsneshúsinu

Frítt inn í Duus Safnahús á sýningar Byggðasafns og jarðvangs alla helgina Afslættir og uppákomur í samstarfi við Samtökin Betri bæ 25% afsláttur af gjafabréfum Hótel KEF | Afmælismatseðill og kokteilaseðill í KEF Restaurant alla helgina kef.is/voravatnsnesi

6 // VÍKURFRÉTTIR Á SUÐURNESJUM

ORÐALEIT

Finndu tuttugu vel falin orð

R Ú M Ö É R A L G U F R A F M U G S Y T S Ú R Ð Ó Æ Ú Þ É A M R K U R R F B S I P E H L R R Æ U É U K Ó G J K S E Þ A G O L S Ð Ö M V Á I N A Ú S G Æ T H R E A V Ú I M G G A H A S S A F O J N K R Ó F S L K R I G A L D K F G Ú J S J É J K R O R K U R K S A R Ó F I A I É R U T R U M S Ó M G Ð T S Ð A M S G G E L G A F Ú J E H O G U Ó S A H E H É F O S S T B Æ R M O N G Ö E A Ó N É R J R A T S E L L K A N E Þ A O É O B I G O L F V Ö L L U R F G V S HLJÓMAHÖLL GORMUR ROKKSAFN MAGNAÐUR ÖGN RJÓÐ HÚSIÐ GARÐUR LOGI VORBOÐI

KURR MARGÆSIR FA R F U G L A R MYRKVI FORSETI GOLFVÖLLUR RJÓMI STORMUR FÉLAGAR SMURT

el!

Gangi þér v

Með blokkum skal bæ byggja?

Fyrir rúmu ári síðan bjuggum við fjölskyldan í fjölbýlishúsahverfi í Reykjavík, eftir að hafa flutt þangað vegna rýmingar í Grindavík, og þá stóðum við frammi fyrir stórri spurningu: Hvar vildum við halda heimili til framtíðar? Eftir að hafa skoðað valmöguleikana vandlega kom ekkert annað til greina en Reykjanesbær. Það sem skipti mestu máli var öflugt íþróttastarf, góðir skólar, samfélag þar sem bæjarbúar þekkjast og taka virkan þátt og ekki síst raunhæft framboð af sérbýli á heilbrigðu verði. Allt eru þetta lykilatriði sem skapa þau lífsgæði sem við fjölskyldan viljum búa við og finnum sterkt fyrir hér í Reykjanesbæ. Í nýsamþykktri húsnæðisáætlun meirihluta Samfylkingar, Framsóknar og Beinnar leiðar í Reykjanesbæ er gert ráð fyrir að 95,4% allra skipulagðra íbúða á árunum 2024–2033 verði í fjölbýlishúsum. Ég verð að viðurkenna að þegar ég las þessa áætlun hélt ég í fyrstu að um væri að ræða húsnæðisáætlun Reykjavíkurborgar – ekki Reykjanesbæjar. Hvernig getur svona einhæf uppbygging talist skynsamleg, þegar við viljum skapa fjölbreytt samfélag með raunverulegum valkostum? Það hefur ekki farið fram hjá neinum sem býr í Reykjanesbæ að uppbygging síðustu ára hefur að miklu leyti verið í formi fjölbýlishúsa. Því vekur það furðu að nú sé ætlunin að auka hlutfallið og stíga

nánast alfarið frá öðru búsetuformi.

Enginn dregur í efa að fjölbýli eigi sinn stað í uppbyggingu – en lykilatriðið er jafnvægi. Við þurfum blandaða byggð þar sem fólk hefur raunverulegt val: hvort það vill búa í blokk, raðhúsi, parhúsi eða einbýli. Með þessu móti endurspeglast ólíkar þarfir og óskir bæjarbúa og tryggt er að samfélagið okkar þróist áfram á fjölbreyttan og heilbrigðan hátt.

Skuggamynd af Reykjavík Stefnan sem meirihlutinn boðar nú virðist ekki byggð á framtíðarsýn – heldur hugmyndafræði sem hentar kannski í þéttingarreitum Reykjavíkur, en á ekkert erindi við ört vaxandi fjölskyldu-

vænt sveitarfélag eins og Reykjanesbæ. Því miður er þetta eitt dæmi af mörgum um það hvernig núverandi meirihluti hefur markvisst reynt að gjörbreyta bæjarsál Reykjanesbæjar.

Ungt fólk og barnafjölskyldur eiga sér margar þann draum að eignast sérbýli og í sveitarfélagi eins og okkar á sá draumur að vera raunhæfur. Þegar einungis 4,6% íbúða sem byggðar verða næstu árin eiga að vera sérbýli, þá er verið að ýta þessum draumi út fyrir seilingar allra nema þeirra tekjuhæstu.

Reykjanesbær þarf stefnu sem byggir á fjölbreyttu húsnæði, metnaði í skipulagsmálum og virðingu fyrir samfélaginu okkar. Við verðum að átta okkur á þeim lífsgæðum og því samkeppnisforskoti sem við í Reykjanesbæ búum við, það er svo sannarlega engin ástæða til að tefla í tvísýnu þessu forskoti á höfuðborgarsvæðið með því að feta í fótspor meirihlutans í Reykjavík.

Við eigum ekki að sætta okkur við að vera skuggamynd af Reykjavík – við eigum að vera við sjálf.

Vilhjálmur Árnason Höfundur er þingmaður Sjálfstæðisflokksins í Suðurkjördæmi og íbúi í Reykjanesbæ.

Vetrarvertíð lokið – Strandveiðar teknar við AFLAFRÉTTIR Gísli Reynisson gisli@aflafrettir.is

Þú finnur allt það nýjasta í sjónvarpi frá Suðurnesjum á vf.is Lumar þú á ábendingu um áhugavert efni í Suðurnesjamagasín?

Sendu okkur línu á vf@vf.is

Bílaviðgerðir Smurþjónusta Varahlutir

Brekkustíg 38 - 260 Njarðvík

sími 421 7979 www.bilarogpartar.is

Rétturinn Ljúffengur heimilismatur í hádeginu

Opið:

11-13:30

alla virka daga

Þú finnur allar nýjustu fréttirnar frá Suðurnesjum á

vf is

Heyrðu umskiptin, fáðu heyrnartæki til reynslu

HEYRN.IS HEYRNARTÆKI // HEYRNARGREINING // RÁÐGJÖF Heyrn // Hlíðasmára 19 // Kópavogur // heyrn@heyrn.is //

Vetrarvertíðin 2025 lauk formlega þann 11. maí, samkvæmt dagatali. Sú dagsetning hefur þó varla sést á dagatölum undanfarinna ára. Um leið og vertíðinni lauk hófst önnur, því strandveiðitímabilið er komið á fullt. Margir bátar hafa hafið veiðar og landað afla í Keflavík, Grindavík og Sandgerði.

Strandveiðibátar víða að verki Í Sandgerði hefur verið talsverð landanavirkni. Þar má nefna: Gaukur GK með 606 kíló í tveimur róðrum. Sandvík GK með 661 kíló í tveimur róðrum. Dóra Sæm HF með þrjú og hálft tonn í fjórum róðrum. Guðrún GK með 868 kíló í tveimur róðrum. Gola GK með eitt og hálft tonn í þremur róðrum. Arnar ÁR með þrjú og tvö tonn í þremur róðrum, þar af eitt og fjögur tonn í einni löndun þar sem töluverður ufsafli var með.

Sæfari GK með eitt og sjö tonn í tveimur róðrum. Gunni Grall KE með eitt og eitt tonn í tveimur róðrum. Giddý GK með eitt og þrjú tonn í tveimur róðrum. Alla GK með eitt tonn í tveimur róðrum.

Dímon GK með eitt og átta tonn í þremur róðrum. Una KE með eitt og sjö tonn í tveimur róðrum. Í Keflavík hefur Sigrún GK landað 780 kílóum. Í Grindavík hafa eftirfarandi bátar landað: Sigurvon ÁR með eitt og sjö tonn í þremur róðrum.

Hrappur GK með 824 kíló í tveimur róðrum. Kristbjörg KE með 961 kíló í tveimur róðrum.

Grindjáni GK með þrjú og sjö tonn í fimm róðrum. Ólafur GK með fjögur og tvö tonn í fimm róðrum.

Hafdalur GK með þrjú og sjö tonn í fjórum róðrum. Mest var eitt og níu tonn í einni löndun þar sem

mikið var af ufsa. Hawkerinn GK með tvö tonn í þremur róðrum.

Verð á fiskmörkuðum hefur verið gott. Strandveiðibátarnir á Suðurnesjum hafa nýtt sér það vel. Þeir fá ekki aðeins þorsk heldur einnig aðrar tegundir sem hækka aflaverðmæti.

Dragnótabátar og djúpveiðar Frekar rólegt hefur verið hjá dragnótabátunum. Siggi Bjarna GK og Benni Sæm GK fóru ekki á sjó fyrr en eftir vertíðarlok. Sigurfari GK fór hins vegar austur að Skaftárósum og fékk þar 43 tonn í aðeins níu köstum. Það gerir tæplega fimm tonn að meðaltali í kasti. Af þeim afla voru 36 tonn steinbítur. Í Sandgerði hafa einnig landað: Aðalbjörg RE með 41,5 tonn í þremur róðrum. Maggý VE með 32 tonn í tveimur róðrum. Margrét GK með níu og þrjú tonn í tveimur róðrum.

Línubátarnir flytja sig til Flestir línubátarnir hafa fært sig yfir í Grindavík. Veiðin í byrjun maímánaðar var mjög góð en hefur síðan dregið úr.

Fjölnir GK hefur landað 77,5 tonnum í fimm róðrum. Fyrsti róðurinn var 20,8 tonn sem var tvílandað. Síðasta löndun bátsins var um sex tonn. Óli á Stað GK hefur landað 20,7 tonnum í tveimur róðrum í Sandgerði og 52 tonnum í fjórum róðrum í Grindavík.

Gísli Súrsson GK hefur landað 68 tonnum í fimm róðrum, þar af mest 19,7 tonn í einum róðri.

Auður Vésteins GK hefur landað 67 tonnum í fimm róðrum og mest 18,6 tonn í einni löndun.

Indriði Kristins BA hefur landað 25 tonnum í tveimur róðrum í Sandgerði og 30 tonnum í þremur róðrum í Grindavík.

Togararnir og netabátarnir Nokkrir togarar hafa einnig landað á svæðinu: Hulda Björnsdóttir GK með 159 tonn í einni löndun í Grindavík. Pálína Þórunn GK með 75 tonn í Sandgerði. Í Keflavík hafa netabátarnir verið virkir: Sunna Líf GK með 19,5 tonn. Addi Afi GK með 11,5 tonn. Halldór Afi GK með 17 tonn.

Allir hafa þeir landað fimm sinnum og allir í Keflavík

Útgefandi: Víkurfréttir ehf., kt. 710183-0319. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421-0000. Ritstjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi Bárðarson, s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Blaðamaður: Sigurbjörn Daði Dagbjartsson. Útlit og umbrot: Hilmar Bragi Bárðarson. Dagleg stafræn útgáfa: vf.is og kylfingur.is

VÍKURFRÉTTIR Á SUÐURNESJUM // 7

Sæmi Einars 80 ára 18. maí Elsku pabbi!

Til hamingju með 80 ára afmælið.

Njarðvíkingur í húð og hár, búsettur á sömu torfunni í 80 ár, trúr sínum rótum og íhaldssamur á menn og málefni en alltaf traustur, hláturmildur og heilsuhraustur. Þú ert trillukarlinn sem aldrei hikar við sjóinn, rafvirkjameistarinn sem lætur verkin tala og

fjölskyldufaðirinn sem hefur byggt upp stóra og samhenta ætt.

Fjögur börn, fjórtán barnabörn og sex langafabörn eiga þér margt að þakka. Þú ert okkur fyrirmynd í vinnusemi og virðingu fyrir einföldum en dýrmætum hlutum lífsins. Þú býrð yfir góðu faðmlagi, hlýjum orðum og góðum sögum.

Með ómældri ást og þakklæti óskum við þér heilla og hamingju.

Inga, Ögmundur, Baldur, Sigga, makar og fjölskyldan öll.

Söngleikjatónleikar í Frumleikhúsinu Leikfélag Keflavíkur og nýstofnaður listahópur, Listahópurinn Vókall, sameina krafta sína og bjóða til glæsilegra söngleikjatónleika í Frumleikhúsinu næstkomandi fimmtudag og föstudag.

Söngur, dans og gleði einkennir tónleikana en það eru 11 leikfélagar sem taka að sér allan söng og dans en hljómsveitin er skipuð fagfólki á Suðurnesjunum. Það verða spiluð vinsæl og kraftmikil lög úr

hinum ýmsu söngleikjum, bæði klassískum söngleikjum á borð við Grease og nýrri söngleikjum.

Markmið tónleikanna er að fjárafla fyrir nýju pallakerfi í Frumleikhúsinu, sem hefur lengi verið tímabært að endurnýja. Með nýju pallakerfi verður unnt að skapa enn betri aðstöðu fyrir framtíðaruppsetningar leikfélagsins og efla þannig menningarlíf á Suðurnesjum enn frekar.

Það er því bæði skemmtilegt og mikilvægt að mæta – og leggja sitt af mörkum á meðan maður nýtur söngleikjatöfranna.

Tónleikarnir fara fram í Frumleikhúsinu fimmtudaginn 15.maí og föstudaginn 16.maí kl.20:00.

Miðasala er á tix.is.

S ty ð j u m v i ð m e n n i n g u í heimabæ – sjáumst í Frumleikhúsinu!, segir í tilkynningu frá LK.

Vakin er athygli á opnum ársfundi HSS

Íbúar eru hvattir til að skrá sig á meðan húsrúm leyfir

Dagskrá Ávarp landlæknis María Heimisdóttir

Ársfundur HSS Föstudaginn 23. maí frá klukkan 14:00 til16:00 Staður: Hótel Keflavík Fundarstjóri: Guðfinna S. Bjarnadóttir Skráning með tölvupósti á netfangið hss@hss.is

Guðlaug Rakel Guðjónsdóttir forstjóri HSS

Ávarp forstjóra Guðlaug Rakel Guðjónsdóttir Sjálfbær rekstur Kjartan Kjartansson, framkvæmdastjóri fjármála- og rekstrar Heiðrun og þakkir til starfsfólks Guðlaug Rakel Guðjónsdóttir Svipmyndir frá starfsemi HSS Kaffi og veitingar Íbúasamráð Opið samtal við stjórnendur

8 // VÍKURFRÉTTIR Á SUÐURNESJUM

Hafnargata fæ

FRAMTÍÐARSÝN FYRIR MIÐBÆ REYK

Séð yfir svæðið sem um ræðir. VF/Hilmar Bragi

Hringtorg fyrsta skrefið við Fitjar MIKIL ÁHERSLA LÖGÐ Á UMFERÐARÖRYGGI OG VERND ÚTIVISTARSVÆÐA Umhverfis- og skipulagsráð Reykjanesbæjar hefur staðfest að útfærsla A sé vænlegasti kosturinn við hönnun nýrra gatnamóta Njarðarbrautar, Fitjabakka og Bergáss. Þetta kom fram á fundi ráðsins þann 9. maí þar sem farið var yfir samantekt forsendna og mat á valkostum umferðarmannvirkja á svæðinu. Í bókun ráðsins segir að útfærsla A skori hæst þegar litið er til umferðarflæðis, öryggis og hagkvæmni – bæði með tilliti til kostnaðar og framkvæmdatíma. Valkostur B, sem einnig var til skoðunar, er sagður dýrari í framkvæmd, veita minni ávinning í öryggismálum og raski auk þess opnu útivistarsvæði sem nýtur hverfisverndar.

Fyrsti hluti samgöngubóta á svæðinu verður hringtorg við gatnamót Njarðarbrautar og Fitjabakka. Ráðið leggur ríka áherslu á að þessi framkvæmd komist sem fyrst á framkvæmdatöflu, enda sé

hún lykilatriði í að bæta flæði og öryggi umferðarmynsturs í og við Ásahverfið. Í framhaldinu mun verða unnið að hönnun nýrra gatnamóta við Grænás og lausna við gatnamót Njarðarbrautar og Bergáss. Einnig verður horft til betri tenginga við Ásahverfið í heild. Lagt er upp með að ljúka hönnunarvinnu fyrir Grænás á árinu 2025.

Markmið með verkefninu í heild er að auka umferðaröryggi, bæta aðgengi og tryggja að nærsamfélagið haldi sínum útivistarsvæðum og hverfisvernd.

Aðalfundur Krabbameinsfélags Suðurnesja fer fram fimmtudaginn 22. maí nk. klukkan 18:30 að Hafnargötu 57 Park Inn hótel.

Venjuleg aðalfundarstörf.

Félagar og velunnarar Krabbameinsfélags Suðurnesja eru hvattir til að mæta.

Ástkær eiginmaður og besti vinur, faðir okkar, tengdafaðir og afi

GUÐMUNDUR BJARNI GUÐBJÖRNSSON

rafmagnstæknifræðingur, Steinási 12, 260 Reykjanesbæ, lést í fallega Hreiðrinu okkar í Grímsnesi 25. apríl 2025. Útförin fer fram frá Keflavíkurkirkju þriðjudaginn 20. maí kl. 13.

Guðveig Sigurðardóttir Guðbjörn Karl Guðmundsson Hansína Guðmundsdóttir Inga Rósa Guðmundsdóttir Jóhann Ingi Kristjánsson Davíð Már Guðmundsson Bjarni Reyr Guðmundsson Júlía Svava Tello og barnabörn

Í nýútgefnum drögum að hönnunarhandbók fyrir Hafnargötu í Reykjanesbæ er lögð fram metnaðarfull framtíðarsýn um hvernig þessi mikilvæga gata – gjarnan kölluð „Lífæðin“ – geti þróast í lifandi, öruggt og aðlaðandi borgarrými. Verkefnið byggir á greiningu núverandi aðstæðna og leggur fram tillögur að skipulagi, efnisvali, lýsingu, gróðri og tengingum sem miða að því að efla miðbæinn sem hjarta mannlífs og þjónustu í bænum. Drög að hönnunarhandbókinni voru kynnt á síðasta fundi umhverfis- og skipulagsráðs Reykjanesbæjar. Tilgangur skipulagsins er að styrkja, treysta og setja stefnu um uppbyggingu og yfirbragð svæðisins.

Lífæð miðbæjarins – áhersla á öryggi og vistvæni Hafnargata er kölluð „Lífæðin“ í handbókinni og gegnir lykilhlutverki í ásýnd og samgöngum bæjarins. Gert er ráð fyrir að hún verði einstefnugata norður frá Tjarnarstíg, með 30 km hámarkshraða, og 15 km hraða þar sem einstefnan tekur við. Áhersla er lögð á gangandi og hjólandi umferð, öruggar þveranir og sjálflæst göturými án umferðarljósa.

Skýr stefna um ásýnd og aðgengi Handbókin leggur upp með samræmt efnis- og litaval í yfirborðsefnum og götugögnum. Gangstéttir verða að lágmarki 2,5 metra breiðar, hjólastígar 1,8 metra og aðskildir frá gönguleiðum.

Rýmin verða gerð aðgengileg með römpum og öðrum lausnum þar sem hæðarmunur er fyrir hendi.

Tengingar og bílastæði – í takt við framtíðina Sérstök áhersla er lögð á tengingu við Ægisgötu og heilsustígakerfi.

Bílastæði verða færð niður í jarðveginn, m.a. í bílakjallara undir ný-

byggingum, til að rýma fyrir gróðri og dvalarrýmum. Bílastæði á yfirborði verða lögð með gegndræpum efnum og hönnuð með aðgengi og öryggi í huga.

Mannlíf, gróður og upplifun Handbókin styður við virkt götulíf með sýnilegri starfsemi á jarðhæðum, góðri lýsingu og fjölbreytilegum rýmum. Gróður verður nýttur til að bæta loftgæði og skapa skjól, og blágrænar lausnir nýttar til að hreinsa ofanvatn og minnka flóðahættu.

Miðbær sem líflegur áfangastaður Þessi vinna við Hafnargötu er liður í stærra ferli við að móta miðbæ Reykjanesbæjar sem lifandi og sjálfbært borgarrými. Lögð er áhersla á samspil samgangna, gróðurs og mannlífs, og að götur verði meira en bara leiðir – heldur staðir þar sem fólk vill dvelja, versla og njóta.

REYKJANESBÆR Hilmar Bragi Bárðarson hilmar@vf.is

Breiðbrautarreitur á Ásbrú 246 ÍBÚÐIR Í FJÖLBREYTTRI OG SKJÓLGÓÐRI BYGGÐ

Vinnslutillaga að deiliskipulagi fyrir Breiðbrautarreit á Ásbrú liggur nú fyrir og markar mikilvægt skref í þróun svæðisins. Tillagan, sem unnin er af Stúdíó Jæja fyrir hönd Kadeco, tekur til reits sem afmarkast af Lindar-, Grænás- og Breiðbraut og miðar að því að skapa fjölbreytta og vistvæna byggð í nánum tengslum við sérkenni svæðisins.

opnar tengingar milli svæða þar sem gangandi og hjólandi eiga greiða leið.

Í tillögunni kemur fram að lögð sé sérstök áhersla á að skapa græna, gönguvæna og skjólsæla byggð sem taki mið af þeirri áhugaverðu sögu sem Ásbrú hefur. Þar sem áður voru byggingar sem þjónuðu hersetu, er nú unnið með metnaðarfulla sýn á fjölbreytta íbúðabyggð sem fellur vel að staðbundnum aðstæðum. Nýbyggingar munu skapa skjól fyrir ríkjandi norðan- og austanátt, en opnast til suðurs og vesturs – sem tryggir björt útsýni og betri nýtingu á sól og útivistarsvæðum.

Í lýsingu verkefnisins kemur fram að vinnan sé unnin í anda þeirra markmiða sem sett voru fram í rammaskipulagi fyrir Ásbrú. Þar er áhersla lögð á að tryggja vistvæna byggð með grænum tengingum, fjölbreytilegri húsagerð og opnum útirýmum sem styrkja mannlíf og samfélag.

Reiturinn verður þéttur, en án þess að missa sveigjanleika í útfærslum. Þeir staðir þar sem götur, stígar og hús koma saman eru mótaðir með tilliti til ríkjandi vindátta, birtu og landhalla – og eru nýbyggingar aðlagaðar með

Skapar nýja ásýnd með tengingu við rætur svæðisins Samkvæmt hugmyndafræði tillögunnar er byggðamynstrið fjölbreytt og mótað með skýrum sjónásum á milli ólíkra svæða innan reitsins. Þetta á að stuðla að upplifun af rýmum í manneskjulegum kvarða og bjóða upp á marga möguleika til samveru, leiks og útivistar í sameiginlegum svæðum.

Við hönnunina er einnig tekið mið af eldri byggingum sem þegar standa á Ásbrú og víða má finna

Helstu tölur og stærðir: Fjöldi íbúða: 246 Fjöldi bílastæða: 290 Byggingarmagn: 26.386 m² húsagerðir sem henta vel í samspil við nýja byggð. Umhverfið er þó á köflum berangurslegt og því er markmiðið að þétta og móta það á mannvænan hátt. Nýtt byggðamynstur mun byggja upp skjólgóðar og aðlaðandi götur, torg og

Þróun í takt við rammaskipulag og staðaranda

VÍKURFRÉTTIR Á SUÐURNESJUM // 9

ær nýtt líf

Vor á Vatnsnesi: „Sameina gömlu rótina og nýja drauma“

KJANESBÆJAR

Tilgangur skipulagsins er að styrkja, treysta og setja stefnu um uppbyggingu og yfirbragð svæðisins.

Hildur og Steinþór fyrir framan Vatnsnesið sem hefur gengið í gegnum endurnýjun lífdaga.

ú glæddur nýju lífi því að opnast eða hliðrast í takt við núverandi aðstæður. Þannig nýtist reiturinn sem heild og býður upp á fjölmargar rýmisupplifanir, þar sem áhersla er lögð á sjónræna samfellu og samhengi milli nýs og gamals.

Kynningu á vinnslutillögunni er nú lokið og hefur Umhverfis- og skipulagsráð Reykjanesbæjar veitt

heimild fyrir því að vinna megi fullgilda deiliskipulagstillögu í samráði við skipulagsfulltrúa bæjarins. Þar með hefst næsta skref í hönnunar- og samráðsferlinu, þar sem tillagan verður þróuð frekar með áherslu á framkvæmdahæfni, ásýnd og samspil við nærliggjandi byggð.

HÓTEL KEFLAVÍK FAGNAR 39 ÁRA AFMÆLI MEÐ NÝRRI BÆJARHÁTÍÐ OG FRAMTÍÐARSÝN FYRIR MIÐBÆINN „Við viljum fagna með bæjarbúum og kveikja nýja von um uppbyggingu og samveru á Vatnsnesinu,“ segir Steinþór Jónsson, stofnandi Hótel Keflavík, sem ásamt eiginkonu sinni Hildi og dætrum þeirra heldur utan um nýjan viðburð sem ber nafnið Vor á Vatnsnesi. Hátíðin verður haldin um helgina og markar bæði afmæli hótelsins, sem opnaði 17. maí 1986, og nýtt upphaf í þróun svæðisins við Vatnsnes. „Markmiðið er einfalt – að skemmta okkur og öðrum í upphafi sumars,“ segir Lilja Karen, dóttir hjónanna, sem ásamt systur sinni Unni Maríu, tekur virkan þátt í rekstri hótelsins. „Við viljum bjóða upp á gleði, menningu og upplifun fyrir alla aldurshópa og með þessari hátíð vonumst við til að leggja grunn að árlegri bæjarhátíð.“

KEF fjölskyldan horfir til framtíðar Í samtali við Víkurfréttir leggja hjónin og dæturnar áherslu á að Vor á Vatnsnesi sé hluti af stærri sýn. „Við trúum á framtíð Vatnsnessins sem nýs miðbæjarkjarna,“

segir Unnur María. „Við höfum fjárfest í lykileignum, eins og gamla Olís-húsinu og Framnesvegi 29, og sjáum fyrir okkur svæði þar sem KEF SPA, KEF Restaurant og Hótel Keflavík tengjast í upplifun, þjónustu og menningu. Við köllum þetta KEF CENTER.“ „Þetta er draumur sem á rætur að rekja aftur til 1995, þegar pabbi og afi okkar, Jón William, horfðu fyrst til þessara lóða með framtíð hótelsins í huga,“ bæta þær við.

Dagskrá fyrir allt samfélagið Hátíðin hefst á fimmtudag með konukvöldi í KEF SPA og afmælismatseðli í KEF Restaurant. Föstu-

dagurinn býður upp á listasýningu í Vatnsneshúsinu, 80’s kvöld í heilsulindinni og tónlist með Kósýbandinu. Á laugardag fer fram Moët kampavínshlaup, verðlaunaafhending með Lúðrasveitinni og skemmtun fyrir börnin með hoppuköstulum og matarvögnum.

Kvöldið endar á Eurovision partýi í KEF SPA. Á sunnudag er fjölskyldudagur með barnabröns og sýningu Leikhópsins Lottu. „Við erum þakklát fyrir traust bæjarbúa í gegnum árin,“ segir Hildur. „Við viljum með þessari hátíð sameina gömlu rótina og nýja drauma – og við bjóðum ykkur öll hjartanlega velkomin.“ Steinþór bætir við með brosi: „Ég lofa sól alla dagana – og stend við það, eins og áður.“ Dagskrá afmælishátíðarinnar má sjá á vefnum www.kef.is/voravatnsnesi

10 // VÍKURFRÉTTIR Á SUÐURNESJUM

TÓNLIST, LITADÝRÐ OG SAMFÉLAGSGLEÐI 19. OG 21. MAÍ Í BÍÓSAL DUUS HÚSA

Litagleði og sól í hjarta á vortónleikum Kvennakórs Suðurnesja Hilmar Bragi Bárðarson hilmar@vf.is

Kvennakór Suðurnesja býður til vortónleika undir yfirskriftinni Litagleði dagana 19. og 21. maí í Bíósal Duus safnahúsa í Reykjanesbæ. Tónleikarnir eru hluti af árvissum viðburðum kórsins en að þessu sinni er þemað tileinkað fjölbreytileikanum í samfélaginu – og það með tónlistarvali sem spannar áratugi, heimsálfur og geira. „Við vildum fagna vorinu og lífinu sjálfu með tónleikum sem bjóða upp á bæði gleði og dýpt,“ segir Guðrún Karítas Karlsdóttir, talskona kórsins. „Þetta er litrík dagskrá, bæði í efnisskrá og framsetningu – og við vonum að gestir fari heim með sól í hjarta.“

„Við höfum valið lög sem við höfum elskað að syngja síðustu 20 ár – og bætt við nokkrum nýjum sem við vonum að verði vel tekið,“ segir Guðrún Karítas. „Það er eitthvað fyrir alla, og tónlistin á að höfða til fólks á öllum aldri.“ Kórkonur munu skreyta sig og salinn í litadýrð sem hæfir yfirskriftinni – og árstíðinni. „Við vildum fanga þetta augnablik vorsins þegar allt lifnar við og samfélagið vaknar til lífsins eftir veturinn.“ Tónleikarnir verða leiddir af kórstjóranum Dagnýju Þórunni Jónsdóttur, með Geirþrúði Fanneyju Bogadóttur við píanóið. Auk þeirra taka þátt Þorvaldur Halldórsson (trommur), Sigurður B. Ólafsson (gítar), Jón Árni Benediktsson

(bassi) og Ragnheiður Eir Magnúsdóttir (þverflauta).

Viðburðarríkur vetur að baki Veturinn 2024–2025 hefur verið annasamur. Í september tók kórinn þátt í Ljósanótt með Syngjandi sveiflu í Duus safnahúsum og í október hélt kórinn utan til Grikklands þar sem hann keppti á alþjóðlegu kóramóti í Kalamata. Þar hlaut kórinn silfurverðlaun í tveimur flokkum – fyrir popp, djass og gospel annars vegar og í almennum flokki kvennakóra hins vegar. „Við vorum ótrúlega stoltar af frammistöðunni,“ segir Guðrún Karítas. „Að fá viðurkenningu í alþjóðlegu samhengi er góð hvatning fyrir áframhaldandi starf.“

Kórkonur tóku einnig þátt í Þrett-ándagleði í Reykjanesbæ í janúar, fóru í æf ingabúðir í Borgarf irði í mars og eru nú þegar byrjaðar að skipuleggja eitt stærsta verkefni kórsins til þessa – Landsmót íslenskra kvennakóra sem verður haldið í Reykjanesbæ 11.–13. júní 2026. „Við reiknum með um 500 kórkonum víðs vegar

að af landinu,“ segir Guðrún Karítas. „Það verður stór stund fyrir bæinn okkar.“ Vortónleikarnir Litagleði fara fram í Bíósal Duus safnahúsa sunnudaginn 19. maí og þriðjudaginn 21. maí. Miðasala er hafin á tix.is og frekari upplýsingar má finna á samfélagsmiðlum Kvennakórs Suðurnesja.

Fjölbreytt efnisskrá og litagleði í orðsins fyllstu merkingu Á efnisskránni eru vel þekkt dægurlög og poppsmellir á borð við True Colors eftir Cindy Lauper, Viva la Vida með Coldplay og Undir þínum áhrifum með Sálinni hans Jóns míns. Einnig verður flutt Only Time eftir Enyu, gospelverk, indjánasöngur og þjóðlag frá Filippseyjum.

Meiraprófsbílstjóri óskast í sumar Aalborg Portland Íslandi ehf (API) hefur starfað hér á landi frá árinu 2000 við innflutning, sölu og dreifingu á hágæðasementi. Félagið rekur tvö 5 þúsund tonna síló fyrir sement í Helguvík í Reykjanesbæ. Bílstjórar félagsins dreifa sementi á sementssíló viðskiptavina.

Helstu verkefni og ábyrgð • Dreifing á sementi til viðskiptavina félagsins.

Menntunar- og hæfniskröfur • Meirapróf og reynsla af akstri dráttarbíla með vagn, góð samskiptahæfni og reglusemi.

• Lyftarapróf.

Kostur ef umsækjandi býr á Suðurnesjum.

Sótt er um starfið á Alfred.is https://alfred.is/starf/meiraprofsbilstjori-oskast-i-sumar

GTS tekur við almenningssamgöngum í Reykjanesbæ GTS og YES -EU leiða vistvænar samgöngur í Reykjanesbæ Samþykkt hefur verið í bæjarstjórn Reykjanesbæjar að ganga til samninga við GTS ehf. um að sinna almenningssamgöngum í Reykjanesbæ. Tvö tilboð bárust en GTS ehf. átti hagstæðasta tilboðið í opnu útboði undir umsjón ráðgjafarfyrirtækisins Consensa. Í tilkynningu frá fyrirtækinu sem fékk samninginn segir að verkefnið felur í sér innleiðingu rafknúinna vagna sem uppfylla ströngustu umhverf iskröfur og draga úr losun gróðurhúsalofttegunda. Með nýjum rafvögnum stefnir GTS að því að bæta loftgæði á svæðinu og lækka rekstrarkostnað.

Markmið GTS er að bæta almenningssamgöngur með vistvænum lausnum og háþróuðum rafhlöðukerfum. Þetta mun ekki aðeins stuðla að bættum loftgæðum heldur einnig auka gæði þjónustunnar fyrir íbúa, eins og segir í tilkynningunni.

Erlingur Bjarnason hefur verið ráðinn rekstrarstjóri GTS í Reykjanesbæ. Hann er Suðurnesjamaður með mikla stjórnunarreynslu, meðal annars frá Varnarliðinu og Kapalvæðingu. „Við viljum veita íbúum fyrsta flokks þjónustu og gera almenningssamgöngur að raunhæfum valkosti fyrir alla,“ segir Erlingur.

YES-EU kemur með nýsköpun í rafvæðingu YES-EU ehf., íslenskt nýsköpunarfyrirtæki, mun setja upp starfsstöð í Reykjanesbæ þar sem unnið

Erlingur Bjarnason er rekstrarstjóri GTS í Reykjanesbæ. verður að viðhaldi rafmagnsrútna og rafhlöðukerfa. Fyrirtækið leggur áherslu á innflutning, sölu og þjónustu við rafmagnsrútur og hleðslulausnir.

YES-EU mun leita eftir einstaklingum til að vinna við rafvæðingu almenningssamgangna. Starfsstöðin verður í Reykjanesbæ þar sem unnið verður við nýsköpunar í vistvænum lausnum fyrir rútur, sendibíla og staðbundin rafhlöðukerfi (BESS). „Við viljum stuðla að grænni framtíð með tæknilausnum sem gera samgöngur umhverfisvænni og hagkvæmari,“ segir Hjalti Sigmundsson, framkvæmdastjóri YES-EU. Þá segir í tilkynningunni að þessar nýju vistvænu samgöngulausnir munu bæði auka atvinnu og styrkja samfélagið í Reykjanesbæ.

Samstarf GTS og YES-EU er mikilvægt skref í átt að sjálfbærni og nýsköpun á Suðurnesjum.

VÍKURFRÉTTIR Á SUÐURNESJUM // 11

Góð afkoma og traustur efnahagur í Suðurnesjabæ árið 2024 Ársreikningur samþykktur samhljóða – rekstrarafgangur umfram áætlun og skuldaviðmið vel innan marka. Meirihlutinn fagnar árangri og traustri stöðu.

Bæjarstjórn Suðurnesjabæjar samþykkti samhljóða ársreikning sveitarfélagsins fyrir árið 2024 á fundi sínum í vikunni. Reksturinn var mun betri en áætlanir gerðu ráð fyrir, bæði í A og B hluta bæjarsjóðs, og sýnir reikningurinn traustan fjárhag og góða fjárhagslega stöðu sveitarfélagsins.

Meiri tekjur, minni útgjöld Heildartekjur A og B hluta námu 7.177 milljónum króna, sem er 399 milljónum króna yfir fjárhagsáætlun. Rekstrarniðurstaðan var jákvæð um 376 milljónir króna, en gert hafði verið ráð fyrir aðeins 67 milljóna afgangi. A hluti bæjarsjóðs skilaði sérstöku jákvæðu framlagi upp á 323 milljónir króna.

Framlegð rekstursins – þ.e. afkoma fyrir fjármagnsliði og afskriftir – nam 911 milljónum króna, eða 12,69% af rekstrartekjum, sem

telst sterkur mælikvarði á rekstrarstyrk sveitarfélagsins.

Skuldir lækka og betri fjárhagsstaða Skuldahlutfall A og B hluta lækkaði á milli ára, fór úr 65,38% í 62,32%, og er því vel undir lögbundnu hámarki sveitarfélaga (150%). Hlutfallið í A hluta einum var 44,91%. Samkvæmt sveitarstjórnarlögum stenst Suðurnesjabær þannig öll fjárhagsleg viðmið.

Heildareignir námu í árslok 11.454 milljónum króna, og eigið fé var skráð 4.893 milljónir. Handbært fé jókst um 170 milljónir á árinu og nam 718 milljónum í lok ársins.

Fjárfest fyrir 975 milljónir – helstu verkefni

Lokaframkvæmdum við leikskólann Grænuborg Endurnýjun gólfs í Íþróttamiðstöð Garði.

Uppbyggingu lóða og öðrum innviðaframkvæmdum Sjóvörnum Ný langtím.alán að fjárhæð 425 milljónir króna voru tekin á árinu.

Meirihlutinn fagnar árangri og traustri stöðu Í bókun meirihluta bæjarstjórnar kom fram ánægja með árangurinn. Þeim var sérstaklega þakkað sem stóðu að eftirfylgni með fjárhagsáætlun og árangri í rekstri. Meirihlutinn telur sterka stöðu bæjarins skapa forsendur til að halda áfram uppbyggingu og þjónustu við íbúa með ábyrgum hætti.

Á árinu var fjárfest fyrir 975 milljónir króna, þar á meðal í:

Vinnumálastofnun hættir þjónustusamningi um alþjóðlega vernd

Vinnumálastofnun hefur sagt upp þjónustusamningi við Reykjanesbæ um móttöku og þjónustu við umsækjendur um alþjóðlega vernd. Málið var tekið fyrir á fundi velferðarráðs bæjarins þann 8. maí 2025, þar sem farið var yfir áhrif uppsagnarinnar á starfsemi velferðarsviðs. Á fundinum gerðu Hera Ósk Einarsdóttir, sviðsstjóri velferðarsviðs, og Hilma H. Sigurðardóttir, teymisstjóri virkni- og ráðgjafarteymis, grein fyrir stöðunni. Uppsögn samningsins mun hafa áhrif á rekstur, þjónustu og starfsmannahald innan sviðsins.

Samningurinn hefur verið undirstaða þeirrar þjónustu sem Reykjanesbær hefur veitt umsækjendum um alþjóðlega vernd, meðal annars hvað varðar ráðgjöf, stuðning og virkniúrræði. Því má gera ráð fyrir að breytingin hafi áhrif á bæði notendur og starfsfólk.

Ekki liggur fyrir hvernig þjónustan verður útfærð til framtíðar eða hvort annar aðili taki við hlutverkinu. Velferðarráð mun áfram fylgjast náið með þróun mála og áhrifum hennar á velferðarþjónustu bæjarins.

Deilt um útboð á almenningssamgöngum í Reykjanesbæ Meirihlutinn samþykkir samning en Sjálfstæðisflokkurinn telur forsendur brostnar og vill útboðið endurunnið Samþykkt bæjarstjórnar Reykjanesbæjar á niðurstöðu útboðs vegna almenningssamgangna í sveitarfélaginu vakti nokkra gagnrýni á síðasta fundi bæjarstjórnar sem haldinn var 7. maí. Meirihluti bæjarstjórnar lagði áherslu á að farið hefði verið að öllum lögum og að hagkvæmasta tilboðinu hefði verið tekið, en Sjálfstæðisflokkurinn lýsti sig algerlega andvígan samningsgerðinni og vildi hafna báðum tilboðum sem bárust.

Forsendur útboðsins rangar Í bókun frá Helgu Jóhönnu Oddsdóttur fyrir hönd fulltrúa Sjálfstæðisflokksins kom fram að flokkurinn hefði hafnað báðum tilboðum á fundi bæjarráðs 30. apríl. Flokkurinn gagnrýndi að tilboðin hefðu verið verulega yfir kostnaðaráætlun, og að útboðsgögnin hefðu verið gölluð – m.a. rangur fjöldi bíla, kílómetrafjöldi og raunkeyrsla. Í bókuninni segir jafnframt að breytingar á gögnum í ferlinu gætu haft áhrif upp á tugi milljóna króna á ári, auk þess sem skaðabótaskylda gæti skapast. Flokkurinn kallaði eftir því að nýta tækifærið

til að endurskoða kerfið í heild, í ljósi þess að almenningssamgöngukerfið hefur haldist óbreytt í nærri níu ár þrátt fyrir mikla fjölgun íbúa og aukna umferð.

Hagkvæmasta tilboðinu var tekið Guðný Birna Guðmundsdóttir lagði fram bókun fyrir hönd meirihlutans þar sem því var áréttað að allir bjóðendur fengu sömu upplýsingar, og að útboðið hefði verið unnið í samstarfi við Consensa, sem hefur víðtæka reynslu af opinberum útboðum. Í bókun meirihlutans sagði að Reykjanesbær fylgdi lögum og skilmálum í þessu ferli líkt og ávallt, og að ákvörðun bæjarráðs um að taka lægra tilboði hefði verið rökrétt og hagkvæm fyrir bæinn.

Meirihlutinn óskaði jafnframt nýjum rekstraraðila almenningssamgangna velfarnaðar í komandi samstarfi.

Margrét Þórarinsdóttir, fulltrúi Umbótar, sat hjá við afgreiðslu málsins. Fundargerðir bæjarráðs voru annars samþykktar með ellefu atkvæðum og enginn greiddi atkvæði gegn.

Nýtt íbúðahverfi í undirbúningi á Suðurbrekkureit á Ásbrú Ný vinnslutillaga að deiliskipulagi fyrir Suðurbrekkureit á Ásbrú liggur nú fyrir og markar stórt skref í áframhaldandi uppbyggingu hverfisins. Tillagan er unnin af A2F arkitektum fyrir Kadeco og snýr að 14,5 hektara svæði í suðausturhluta Ásbrúar sem áður var óbyggt.

Gert er ráð fyrir allt að 219 íbúðum í einbýlishúsum, raðhúsum og litlum fjölbýlishúsum.

Byggðin stallast niður með halla landsins og nýtir þannig birtu og útsýni til hins ýtrasta. Við Virkishæð verða allt að þriggja hæða hús sem skapa skjól og tengjast eldri byggð, en í austurhluta verða einbýlishús í hlýlegu og grænu umhverfi.

Húsnæðisáætlun samþykkt Bæjarstjórn Reykjanesbæjar samþykkti á fundi sínum húsnæðisáætlun sveitarfélagsins til ársins 2033 eftir síðari umræðu þann 7. maí. Áætlunin var samþykkt með sjö atkvæðum meirihlutans en fulltrúar minnihluta sátu hjá við atkvæðagreiðsluna.

Of mikil áhersla á fjölbýli

Rekstur Suðurnesjabæjar var jákvæður á síðasta ári og skilaði tekjuafgangi.

Grænn ás með gönguleið og útivistarsvæðum liggur í gegnum reitinn og tengist öðrum stígum í hverfinu. Skipulagið styður þannig við vistvænar samgöngur og lýðheilsu og gerir íbúum kleift að sinna daglegum erindum án þess að þurfa að treysta á bílinn.

Tillagan er í samræmi við þróunaráætlun Kadeco og aðalskipulag Reykjanesbæjar. Þar er lögð áhersla á fjölskylduvænt og hlýlegt bæjarumhverfi, skjólgóð útisvæði, tengingu við menningararf og fjölbreytni í húsagerð.

Vinnslan er enn á frumstigi og hefur ekki verið auglýst formlega sem deiliskipulag, en næstu skref felast í frekari útfærslu í samráði við skipulagsfulltrúa og umhverfis- og skipulagsráð Reykjanesbæjar.

Í bókun frá Margréti A. Sanders fyrir hönd Sjálfstæðisflokksins kom fram gagnrýni á að of mikil áhersla væri lögð á fjölbýlishús í framtíðaráætlunum sveitarfélagsins. Samkvæmt tölum Húsnæðis- og mannvirkjastofnunar voru 88% íbúða í byggingu í Reykjanesbæ á seinni hluta árs 2024 í fjölbýli. Flokkurinn lýsir áhyggjum af þróun sem hann telur einsleita og kallar eftir aukinni fjölbreytni í byggingarformi. Þrátt fyrir að ákveðnar breytingar hafi verið gerðar á texta áætlunarinnar, þar sem fjölbreytni er nú áréttuð, sagðist flokkurinn ekki geta samþykkt áætlunina í heild og

ákvað því að sitja hjá við afgreiðslu hennar.

Ekki nægilega skýr stefna Margrét Þórarinsdóttir, fulltrúi Umbótar, lagði einnig fram bókun þar sem fram kom að ákveðnar athugasemdir flokksins hefðu verið teknar til greina. Hún gagnrýndi þó að skýr og raunhæf stefna um fjölbreytta íbúðagerð skorti enn í áætlunina og að hraði uppbyggingar samræmdist illa getu bæjarins til að fylgja eftir með innviðum. Umbót sat því einnig hjá við afgreiðslu.

Ábyrg framtíðarsýn Guðný Birna Guðmundsdóttir, forseti bæjarstjórnar og formaður velferðarráðs, fylgdi málinu úr hlaði fyrir hönd meirihlutans sem samþykkti áætlunina í heild sinni.

Meirihlutinn telur áætlunina mikilvægt skref til að mæta húsnæðisþörf ört vaxandi sveitarfélags, með tilliti til áætlaðrar fjölgunar íbúa og þéttingastefnu sem hluta af skipulagslegri framtíðarsýn.

KVENNAKÓR SUÐURNESJA

LITAGLEÐI Vortónleikar í Bíósal Duus safnahúsa 19. og 21. maí kl. 20 Í ár fögnum við fjölbreytileika mannlífsins með litríkri og skemmtilegri tónlist. Komið og fagnið með okkur.

Stjórnandi: Dagný Þ. Jónsdóttir Píanó: Geirþrúður F. Bogadóttir Trommur: Þorvaldur Halldórsson Gítar: Sigurður B. Ólafsson Bassi: Jón Árni Benediktsson Þverflauta: Ragnheiður Eir Magnúsdóttir

True colors

Miðasala á Tix.is, við innganginn og á Facebook-síðu kórsins Miðaverð: 3.500 kr.

All we need is love

n í s a g a m a j s e n a r t u t é ð r f r Su u k í V p r a v ð Hla www.rafholt.is

Verkalýðs- og sjómannafélag Keflavíkur og nágrennis

r a l r a j h k a b tta é r f r u k í V s p r a Sjónv

Birgir Guðbergsson og árin í friðargæslunni hlaðvarp / sjónvarp finnur þú á vef Víkurfrétta, vf.is

Birgir Guðbergsson hefur starfað við friðargæslu hjá Sameinuðu þjóðunum frá árunum 1994, fyrst á Balkanskaganum en síðar í Afríku.

Birgir er núna sestur í helgan stein og hefur búið sér heimili bæði í Kenýa og Keflavík. Páll Ketilsson fékk Birgi til sín í upptökuver Víkurfrétta þar sem hann sagði frá lífinu í friðargæslunni og því sem á dagana hefur drifið. Verkefnin hafa verið fjölbreytt og sum eftirminnilegri en önnur, hvort sem það var aðstoð við að grafa upp lík eða smíða bíl fyrir páfann.

Viðtalið við Birgi er í spilara Sjónvarps Víkurfrétta á vf.is og í hlaðvarpsveitum eins og Spotify.

VÍKURFRÉTTIR Á SUÐURNESJUM // 13

Skjólið fær nýja aðstöðu að Grænásbraut 910 Velferðarráð Reykjanesbæjar leggur til að frístundastarfið Skjólið, sem þjónar fötluðum börnum, flytjist í húsnæði leikskólans Drekadals að Grænásbraut 910 þegar það losnar sumarið 2025. Núverandi aðstaða

Skjólsins í svokölluðu 88-húsi er orðin of lítil, og fyrirhuguð fjölgun barna í þjónustunni kallar á rýmri húsnæði. Á fundi velferðarráðs 8. maí lagði sviðsstjóri velferðarsviðs til að nýta aðstöðuna sem Drekadalur skilur

Styrkhafar menningarsjóðs Suðurnesjabæjar.

Styrkjum til sex verkefna úthlutað úr Menningarsjóði Suðurnesjabæjar Styrkjum úr Menningarsjóði Suðurnesjabæjar var formlega úthlutað á sumardaginn fyrsta, þann 24. apríl síðastliðinn. Athöfnin fór fram á Bókasafni Suðurnesjabæjar. Að þessu sinni hlutu sex verkefni styrki fyrir samtals 1.960.000 krónur, en alls bárust níu umsóknir innan umsóknarfrests. Ein umsókn barst of seint til að koma til greina við úthlutun. Þau sem hlutu styrk í ár voru: • Kristjana Kjartansdóttir og Helga S. Ingimundardóttir – fyrir gerð söguskiltis við Prestvörðu í Leiru. 500.000 kr.

• • • •

•

Þekkingasetur Suðurnesja – vegna markaðs- og kynningarverkefnis tengt Háskólaþjónustu setursins. 250.000 kr.

Bogi Jónsson – fyrir lokafrágang við listaverkið Sólgangur.

150.000 kr.

Byggðasafnið á Garðskaga – fyrir fræðslu um gömlu jólin og jólasiði. 110.000 kr.

Bókasafn Suðurnesjabæjar – fyrir annan áfanga málþings um rithöfundinn Ingibjörgu Sigurðardóttur sem hefði orðið 100 ára í ár. 550.000 kr.

Grænásbraut 910 er húsnæði Keilis, þar sem nú eru bæjarskrifstofur Reykjanesbæjar.

Störf í boði hjá Reykjanesbæ Fjöldi útkalla og faglegur árangur starfsfólks Brunavarna Suðurnesja í apríl Aprílmánuður var annasamur hjá Brunavörnum Suðurnesja.

Alls bárust 295 sjúkraútköll, þar af 86 í hæstu forgangsflokkum (F1 og F2), auk sautján slökkviútkalla, þar sem 8 voru í sömu forgangi. Samhliða mikilli útkallavirkni náðu sex starfsmenn merkum áfanga í menntun og hlutu sérstakar viðurkenningar.

Æfing, viðurkenningar og ný réttindi

Sigurbjörg Hjálmarsdóttir og Kári Sæbjörn Kárason – fyrir tónlistar- og bókakvöldið Inn með gleði og frið. 400.000 kr.

Slökkviliðið stóð á dögunum fyrir umfangsmikilli æfingu sem gekk afar vel. Í kjölfarið var haldin hátíðleg athöfn þar sem árangri Í reglum sjóðsins kemur fram að hlutverk hans sé að efla menningstarfsfólksins var fagnað. arlíf í Suðurnesjabæ með því að styrkja einstaklinga og félagasamtök til Tveir starfsmenn luku framvirkrar þátttöku í menningarstarfsemi. Sjóðurinn fær árlegt framlag úr haldsmenntun frá Sjúkraflutningafjárhagsáætlun bæjarins og getur auk þess tekið við gjöfum til að styðja skólanum og bera nú starfsheitið menningarverkefni.

EMT-Advanced. Þeir fengu að gjöf hlustunarpípu frá BS í tilefni þessa árangurs. Þá luku fjórir aðrir starfsmenn námi sem atvinnuslökkviliðsmenn.

Hviða fjárfestingafélag ÞeirSuðurnesja hlutu að gjöf Leathermanhníf merktum starfsmannanúmeri Skógarbraut 945 hvida@hvida.is þeirra, tákn um traust og fagmennsku í starfi.

Umhverfisdagar Suðurnesjabæjar haldnir 19.–26. maí Sími 420 3288

ÍBÚAR HVATTIR TIL SAMEIGINLEGS ÁTAKS FYRIR SNYRTILEGRA OG GRÆNNA SAMFÉLAG Umhverfisdagar Suðurnesjabæjar fara fram dagana 19. til 26. maí og er bæjarbúum boðið að taka virkan þátt í fegrun bæjarins í aðdraganda sumarsins. Starfsmenn umhverfismiðstöðvar verða á ferðinni um bæinn og aðstoða við hreinsun og snyrtingu þar sem þörf er á.

Eins og síðustu ár er lögð sérstök áhersla á að bæta nærumhverfi íbúa og hvetja alla til að taka til hjá sér. Íbúar eru hvattir til að klippa tré, hreinsa beð og raka lauf — og má garðaúrgangur, svo sem greinar og lauf, skilja eftir snyrtilega í pokum við lóðamörk, þar sem hann verður sóttur af starfsmönnum bæjarins. Áburður verður borinn á opin svæði á vegum sveitarfélagsins og eru íbúar hvattir til að gera slíkt

hið sama á eigin lóðum og huga þannig bæði að fegurð og vellíðan gróðursins.

Sú vinna sem íbúar leggja sjálfir í mun nýtast vel þar sem götu- og gangstéttarsópar sveitarfélagsins verða á ferð og sækja upp hrífur og rusl sem látið er liggja utan lóðamarka. Þeir sem vilja losa sig við stærri úrgang eða aðra ruslagáma eru hvattir til að nýta sér móttökustöð Kölku í Helguvík.

eftir sig þegar leikskólinn flytur í nýtt húsnæði í sumar. Vilborg Pétursdóttir, teymisstjóri barnaog fjölskylduteymis, sat fundinn og útskýrði þörfina fyrir stækkun. Áætlað er að fimm til átta fötluð börn til viðbótar við þau sem þegar sækja Skjólið þurfi pláss í haust. Þar sem ekki er unnt að fjölga börnum í núverandi húsnæði, er flutningur nauðsynlegur.

Húsnæðið að Grænásbraut 910 er í góðu ásigkomulagi og hentar vel fyrir starfsemi Skjólsins. Þar er sérinngangur, afmarkað útisvæði og ekki þörf á miklum aðlögunum til að mæta þörfum barnanna og starfsfólks. Ráðið telur flutninginn hagkvæman og skynsaman kost.

Velferðarráð hefur því óskað eftir því við bæjarráð að veita formlega heimild til að Skjólið fái húsnæðið til umráða þegar Drekadalur flytur út í sumar.

Akurskóli Hönnun og smíði Heiðarskóli Starfsmaður skóla Háaleitisskóli Aðstoðarskólastjóri Starfsfólk skóla Sérkennari Heilsuleikskólinn Heiðarsel Leikskólakennari/starfsmaður í leikskóla Sérkennari Leikskólinn Hjallatún Aðstoðarleikskólastjóri Stapaskjól Forstöðumaður frístundaheimilis Bókasafn Reykjanesbæjar Sumarstarfsmaður Þjónustufulltrúi Velferðarsvið Sumarstarfsmaður í heima-og stuðningsþjónunstu Búsetuúrræði fyrir fatlaða í Aspardal Dagdvalir aldraðra - Sumarstörf Upplýsingar um laus störf má finna á reykjanesbaer.is

hvida.is

AÐALFUNDUR

Stöðug þróun og þjálfun Brunavarnir Suðurnesja leggja mikla áherslu á stöðuga þjálfun og menntun starfsfólks síns, samhliða því að sinna krefjandi daglegu starfi við öryggi og björgun í samfélaginu. Frá stofnun hafa slökkviliðsmenn og sjúkraflutningateymi verið í fremstu víglínu við áföll, slysa- og eldviðbrögð – og apríl var engin undantekning.

Hviðu fjárfestingarfélags (áður Eignarhaldsfélag Suðurnesja) Aðalfundur Hviðu fjárfestingarfélags verður haldinn mánudaginn 2. júní kl. 16 hjá Sambandi sveitarfélaga á Suðurnesjum, Skógarbraut 945, 262 Reykjanesbæ.

Dagskrá: Venjuleg aðalfundarstörf.

Hviða fjárfestingafélag Suðurnesja Skógarbraut 945 Sími 420 3288

hvida@hvida.is hvida.is

Önnur mál.

Hviða fjárfestingafélag

14 // VÍKURFRÉTTIR Á SUÐURNESJUM

Íþróttafólk ársins í Grindavík Mæðginin Steinunn Dagný Ingvarsdóttir og sonurinn Alexander Veigar Þorvaldsson frá Grindavík voru kjörin Íþróttakona og -karl Grindavíkur en nafnbótina fengu þau fyrir frammistöðu sína í pílukasti.

Fyrir utan píluna þá þykir Alexander mjög efnilegur körfuknattleiksmaður en hann var í hópi Grindavíkurliðsins í fyrstu tveimur leikjunum gegn Stjörnunni í nýafstaðinni rimmu félaganna í undanúrslitum Bónusdeildar karla. Þar sem margir vilja kalla Grindavík „íþróttabæ“ þar sem körfuknattleikslið bæjarins keppa á meðal þeirra bestu og metnaður knattspyrnuforkólfa er að liðin þeirra leiki líka á meðal þeirra bestu, er afrekið jafnvel ennþá merkilegra.

Njarðvíkingar fögnuðu stórsigri gegn Völsunum 5-1. VF/hilmarbragi.

Ólík hlutskipti Suðurnesjaliðanna Önnur umferð annarra deilda en þeirra bestu, var leikin um helgina og voru hlutskipti liðanna ólík. Þróttur úr Vogum er eina taplausa Suðurnesjaliðið eftir fyrstu tvær umferðirnar.

Lengjudeild karla Keflavík - Þróttur Reykjavík 0-1 Keflvíkingar lentu manni færri í lok fyrri hálfleiks þegar Ígnacio Heras Anglada fékk gult spjald og strax annað og þar með rautt. Þróttur skoraði sigurmarkið á 83. mínútu.

Næsti leikur Keflvíkinga er á útivelli á móti Þór Ak á sunnudaginn kl. 14:00 Njarðvík - Völsungur 5-1 Njarðvíkingar tóku nýliða Völsunga í kennslustund og unnu öruggan sigur, 5-1. Markaskorarar Njarðvíkur; Amin Cosic, Dominik Radic, Oumar Diouck (2) og Símon Logi Thasaphong.

Næsti leikur Njarðvíkinga er á móti ÍR á heimavelli á föstudagskvöld kl. 19:15.

Grindavík - Fjölnir 3-3 Fyrsti heimaleikur Grindavíkur í eitt og hálft ár byrjaði ekki vel, Fjölnir komst yfir eftir u.þ.b. tuttugu sekúndur. Grindavík komst yfir 3-2 en Fjölnir jafnaði á sjöttu mínútu uppbótartíma. Markaskorarar Grindavíkur, Adam Árni Róbertsson, Ingi Þór Sigurðsson og sjálfsmark.

Næsti leikur Grindavíkur er á útivelli á móti Þrótti Reykjavík á sunnudag kl. 18:00.

Lengjudeild kvenna Keflavík - KR 2-2.

Keflavíkurkonur fara ekki vel af stað í deildinni og eru bara með 1 stig eftir tvo leiki. Sjálfsmark KR og Olivia Madeline Simmons komu Keflavík í 2-0 en KR tókst að jafna á fjórðu mínútu uppbótartíma.

Næsti leikur Keflavíkur er á föstudagskvöld kl. 19:15 á útivelli í Mosfellsbæ á móti Aftureldingu.

Næsti leikur liðsins er á heimavelli á laugardag kl. 14:00 á móti ÍA. 2. deild karla Þróttur Vogum - Dalvík/Reynir 1-0 Frábær byrjun Þróttara sem hafa unnið báða leiki sína og eru á toppnum. Það var Auðun Gauti Auðunsson sem skoraði mark Þróttar á 17. mínútu.

Suðurnesjaslagur er næsti leikur þegar Þróttarar taka á móti Víðismönnum í Vogum, á föstudagskvöld kl. 19:15 Haukar - Víðir 2-1 Víðir lenti tveimur mörkum undir en minnkaði muninn í 2-1 á 95. mínútu, mark þeirra skoraði Uros Jemovic.

Víðismenn þurfa ekki að fara langt í næsta leik, mæta Þrótti í Vogum á föstudagskvöld kl. 19:15.

3. deild karla KV-Reynir 5-2 Reynismönnum tókst tvisvar sinnum að jafna en KV vann að lokum öruggan sigur. Ólafur Darri Sigurjónsson og Leonard Adam Zmarzlik skoruðu mörk Reynismann.

Reynir fær ÍH í heimsókn í Sandgerði á föstudagskvöld kl. 19:15.

4. deild karla Hafnir - Álftanes 0-3 Ekki draumabyrjun Hafnarbúa. Þeir mæta Elliða á Fylkisvelli á fimmtudagskvöld kl. 19:15.

Keflvíkingar töpuðu óvænt gegn Þrótti. VF/hilmarbragi.

Guðjón er tippmeistari Víkurfrétta Það lá við að kalla þyrfti út löggilda endurskoðendur til að fá úr því skorið hver væri sigurvegarinn í tippleik Víkurfrétta en fyrir lokaumferðina á laugardaginn var ljóst að baráttan væri á milli Garðmannanna Guðjóns Guðmundssonar og Björns Vilhelmssonar. Guðjón átti einn leik á sinn gamla liðsfélaga úr Víði en Björn sýndi hvers lags baráttuhundur hann var og er, fékk 8 rétta á móti 7 hjá Guðjóni og þar með upphófst reikningsvinnan. Í reglum leiksins kom skýrt fram að ef tveir eða fleiri myndu enda jafnir, yrði málið útkljáð svona: Hvað eru margir réttir leikir með einu merki í heildina í öllum fjórum lokaumferðunum.

Hvað eru margar tvítryggingar réttar í öllum fjórum lokaumferðunum.

Hver er með flesta rétta á fyrstu sex leikjum seðilsins, samtals í öllum fjórum lokaumferðunum. Það var í þessum þriðja lið sem Guðjón hafði betur, 1815. Þeir náðu báðir 18 réttum í leikjum með einu merki og þeir náðu báðir 8 leikjum réttum með merkjum með tveimur merkjum.

Garðmennirnir enduðu með 34 rétta, Brynjar Hólm Sigurðsson náði 27 réttum og Joey Drummer rak lestina með 19 rétta.

Fylkir - Grindavík-Njarðvík 3-2 Grindavík-Njarðvík komust yfir, jöfnuðu svo leikinn 2-2 á 50. mínútu en Fylkir skoraði sigurmarkið á 90. mínútu. Tinna Hrönn Einarsdóttir og Emma Nicole Phillips skoruðu mörk Grindavíkur/ Njarðvíkur.

Gleði á sundlaugarbakkanum

Voga Þróttur vann annan leikinn í röð. VF/hilmarbragi.

ÞRUMAÐ Á ÞRETTÁN

Guðjón var við sundlaugarbakkann á Tene í sigurvímu þegar blaðamaður náði tali af honum. „Ég þakka kærlega fyrir að fá að taka þátt í þessum skemmtilega leik, ég var búinn að sakna þessa dálkar í Víkurfréttum og fylgdist spenntur með í fyrra og beið og vonaði að ég myndi fá að spreyta mig á þessu tímabili. Ég gladdist mikið þegar kallið loksins kom og ekki skemmdi fyrir að mæta mínum gamla liðsfélaga úr Víði, Birni Vilhelms. Ég var með hæfilegar væntingar fyrir þá viðureign en fyrst ég komst í fjögurra manna úrslitin fann ég hvernig gamla keppnisskapið byrjaði að krauma í mér! Þar sem ég hef gaman af spennu og vissi að lesendur myndu vilja fá spennu í lokaslaginn, ákvað ég að leyfa mínum gamla félaga að jafna mig svo úr yrði æsispennandi út-

reikningur á lokaniðurstöðunni.

Fyrir þessi fjögurra manna úrslit vissi ég upp á tíu að baráttan yrði á milli okkar Garðbúanna, ég hafði nákvæmlega engar áhyggjur af fuglunum úr Keflavík. Ég hlakka mikið til að skella mér á Wembley, auðvitað hefði verið skemmtilegra að sjá mína menn í United en ef ég hefði getað valið um að sjá þá á Wembley eða sjá þá í sjónvarpinu í úrslitaleik Evrópudeildarinnar, hefði valið verið mjög einfalt. Þessi úrslitaleikur á móti Tottenham er einhver mikilvægasti leikur sem liðið hefur leikið í háa herrans tíð! Tap og liðið verður af mjög miklum tekjum því ekki nóg með að sigur gefi sæti í Meistaradeildinni, heldur mun tap þýða enga Evrópukeppni og við vitum að bestu leikmennirnir vilja leika í Champions league. Þetta er sannkallaður „allt eða ekkert“ leikur, dauði eða heimsyfirráð!

Vildi nýtt lið í Suðurnesjabæ Eins og margoft hefur komið fram er Guðjón úr Garðinum og hefur sína skoðun á íþróttamálum Suðurnesjabæjar og var fylgjandi stofnun nýs félags.

„Ég var virkilega að vona að mínir fyrrum sveitungar og nágrannar hefðu sammælst um að stofna nýtt félag. Mér fannst mjög mikill munur á að sameina Víði og Reyni, eða stofna nýtt félag. Ég skil vel þær tilfinningar sem liggja að baki en með því að stofna nýtt félag var öllum tilfinningum ýtt til hliðar. Víðir og Reynir áttu að lifa áfram, það hefði bara verið stofnað nýtt félag. Ég held að allir hljóti að geta verið sammála um að meiri líkur eru á árangri í knattspyrnu ef þessi bæjarfélög snúa bökum saman, í stað þess að vera berjast um sömu krónurnar og oft á tíðum, sömu leikmennina. Við vitum öll að það er bara knattspyrna sem kemst að hjá þessum félögum en með því að stofna nýtt íþróttafélag hefði gefist betri möguleiki á að koma öðrum greinum að eins og sundi til dæmis. Ég vona innilega að aðilar muni endurhugsa þetta en ég ákvað strax að skipta mér ekki neitt af þessum málum, þau sem búa í þessum bæjarfélögum eiga að taka svona stóra ákvörðun, ekki við sem erum þaðan en búum ekki lengur,“ sagði Guðjón að lokum.

VÍKURFRÉTTIR Á SUÐURNESJUM // 15

Meistaramæðgin úr Grindavík Það er kannski við hæfi að geta föðursins, Þorvaldar Sæmundssonar en hann þótti og þykir jafnvel ennþá, ansi liðtækur snókerspilari. Valdi hafði einkar gott lag á því að „batta“ ofan í [hvítu kúlu skotið í aðra kúlu sem fer af batta í gat á móti battanum] en nokkuð mikil snóker-menning var í gangi í Grindavík í kringum 1990 og þá skein sól snóker-spilarans Valda Sæm hvað hæst. Hvert veit nema hann muni endurvekja snókeríþróttina í Grindavík og því skyldi hann ekki einhvern tíma verða kjörinn íþróttakarl Grindavíkur en nóg um pabbann, hvar liggja íþróttarætur móðurinnar?

Íþróttabakgrunnur „Ég er með talsverðan íþróttabakgrunn, ég stundaði bæði frjálsar íþróttir og handbolta í Árbænum. Ég var t.d. í úrtakshópi fyrir Ólympíuleikana í Sydney árið 2000, ég keppti bæði í spjótkasti og kringlu svo það að kasta pílu er ekki það fyrsta sem ég geri í íþróttum. Ég held að það geti skipt máli hvort viðkomandi er með grunn í öðrum íþróttum, þetta þekkjum við t.d. í golfíþróttinni, knattspyrnumenn t.d. sem leggja golf fyrir sig að loknum knattspyrnuferlinum, eru venjulega fljótari að komast upp á lagið með golfið en aðrir en svo eru

auðvitað sumir sem eru bara með þetta í sér. Ég var nokkuð fljót að tileinka mér pílutæknina en ég byrjaði bara sem „pílumamma“ sem fylgdi syni sínum á mót og keyrði á æfingar. Síðan gerðist það fyrir u.þ.b. fjórum árum að önnur „pílumamma,“ Sandra Dögg sem sjálf var byrjuð að kasta, bauð mér á prufukvöld og ég hef í raun ekki litið til baka síðan þá. Þess má geta að Sandra er makkerinn minn í dag í tvímenningi. Ég hef náð ágætis árangri á árinu, er með tvo Íslandsmeistaratitla og stefni á fleiri ásamt góðum árangri í öðrum mótum. Ég var t.d. önnur stigahæst kvenna á landinu í fyrra á stigalista ÍPS. Við Alexander erum saman í landsliðinu, það er sko ekki leiðinlegt að vera þar með honum. Ég er með stór markmið og ætla mér að ná langt í íþróttinni.

Ef ég er alveg heiðarleg þá átti ég ekki von á að eiga möguleika á að hljóta þessa nafnbót, Íþróttakona Grindavíkur. Alexander var líka kjörinn íþróttamaður Grindavíkur í fyrra og ég lét mig ekki einu sinni dreyma um að við myndum hljóta þessa nafnbót saman einhvern tíma. Þess vegna er þetta ofboðslegur heiður, ég var í skýjunum bara með að vera tilnefnd en að hljóta svo nafnbótina og deila þessum heiðri með syni mínum er æðislegt!“

Komst strax í landsliðið í pílu

Alexander Veigar hlaut hefðbundið íþróttauppeldi í Grindavík og æfði bæði körfuknattleik og knattspyrnu. Fyrir rýmingu var Pílufélag Grindavíkur búið að opna glæsilega aðstöðu í nýju íþróttamannvirki Grindavíkur og voru æfingar hafnar hjá börnum og unglingum. Alexander var einnig efnilegur í knattspyrnu og var orðinn u.þ.b. sextán ára þegar hann setti knattspyrnuskóna upp í hillu og einbeitti sér af körfuknattleiknum. Hann byrjaði hins vegar að æfa pílukast um þrettán ára, það var svipað hjá honum eins og mömmu hans, Alex Máni vinur hans sem einmitt er sonur Söndru Daggar, dró hann á æfingu með sér.

Körfuknattleikur og píla fara mjög vel saman að mati Alexanders en stundum þarf körfuknattleikurinn að víkja þegar þetta tvennt skarast. „Ef maður spáir í það, þá gilda svipuð lögmál í körfuboltaskoti og pílukasti, þetta svokallaða „follow-through“ [láta kast- eða skothöndina fylgja hreyfingunni í gegn]. Hingað til hefur körfuboltinn verið númer eitt hjá mér en ég f inn hvernig skiptingin er að verða nær 50/50. Það eru ýmis tækifæri fyrir mig til að ná árangri í pílukasti og nú þegar hef

ég keppt erlendis og ég hef þá trú á mér að ef ég held áfram að æfa og æfi eins og þeir bestu, geti ég náð langt í pílunni. Ég var valinn í landslið fullorðinna 2023 og hef verið þar síðan eftir að hafa verið í landsliði unglinga U-18 síðan ég var þrettán ára og nýbyrjaður að æfa pílu. Meðal móta sem ég hef unnið undanfarið er Reykjavík International Games tvö ár í röð, var stigahæsti karlinn á stigalista IPS, sigraði Grindavík Open, Sjally Pally og komst í undanúrslit í Euro tour í Riga. Einnig varð ég annar af tveimur Íslendingum sem skrifuðum söguna þar seinustu helgi þegar við komumst í úrslit á Iceland Open en það er í fyrsta skipti sem Íslendingum tekst það. Svo urðum við hjá Pílufélagi

Grindavíkur Íslandsmeistarar félagsliða þriðja árið í röð. Pílufélag Grindavíkur vann allar hugsanlegar liðakeppnir, bæði einmenning og tvímenning, m.a. skoruðum við karlaliðið 240 stig í úrslitaleiknum sem er nokkuð sérstakt myndi einhver segja í ljósi póstnúmers bæjarins. Þetta segir okkur hversu framarlega við Grindvíkingar stöndum í pílunni á landsvísu. Markmið mitt í pílunni nær lengra en verða Íslandsmeistari, ég ætla mér að komast í atvinnumennsku og tel það raunhæft markmið. Við mamma erum afskaplega stolt yfir því að vera íþróttakarl og -kona Grindavíkur árið 2024,“ sagði Alexander.

Adam Árni Róbertsson skorar þriðja mark UMFG.

Tilfinningaflóð á fyrsta heimaleik í Grindvík frá rýmingu Veðurguðirnir skörtuðu sínu fegursta á laugardaginn en þá var merkilegur atburður í Grindavík, knattspyrnulið bæjarins var að leika fyrsta heimaleik í íþrótt síðan fyrir hamfarirnar í nóvember 2023. Knattspyrnudeildin lagði mikið í daginn, hoppukastalar og kandýfloss fyrir krakkana, grillaðir borgarar og til að ganga úr skugga um að veðrið yrði gott, var tónlistarmaðurinn Ingó Veðurguð fenginn til að skemmta.

Haukur Einarsson var hálf meir á þessum tímamótum, að sjálfsögðu var spjallið við hann tekið inn í gula húsinu svokallaða, sem var reist árið 1986 af forkálfum knattspyrnudeildarinnar.

Sál í húsinu „Það er mikil sál í þessu húsi, hér ólst maður upp má segja. Þetta er frábær dagur myndi ég segja, það er ofboðslega gaman að geta leikið aftur hér í Grindavík og myndi ég segja að dagurinn hafi tekist fullkomlega, eina sem vantaði var sigur í leiknum en hann kemur bara næst. Það skal alveg viðurkennt að þetta er búið að vera mjög erfitt frá rýmingu 2023, stundum vorum við alveg við það að bugast en við gáfumst aldrei upp og ég er rosalega stoltur af samfélaginu mínu, af fólkinu mínu. Allt sem ég á í dag er vegna Grindavíkur, þess vegna er maður að leggja þetta á sig.

Róðurinn hefur verið ansi þungur oft á tíðum en vonandi sjáum við fram á bjartari tíma. Þetta var erfitt í fyrra, við getum seint fullþakkað Víkingunum sem hýstu okkur í Safamýrinni og við fengum aðstoð margra annarra félaga, þau gripu okkur má segja og fyrir það verðum við ævinlega þakklát.

Stemningin fyrir liðunum okkar náðist bara aldrei á neitt flug, við vorum ekki „heima“ og við settum stefnuna strax á að geta leikið heimaleikina hér í Grindavík og eru allir himinlifandi hér í dag.

Markmið okkar fyrir sumarið er held ég bara að njóta, við ætlum að gera okkar besta og munum gera okkar til að laða Grindvíkinga til að koma í gamla heimabæinn, koma á leik og hitta fólkið sitt. Við erum að gera þetta fyrir Grindvíkinga, ég vona að fólk muni líta á þetta eins og hefur verið hjá körfuboltaliðunum, að sýna sig og sjá aðra Grindvíkinga,“ sagði Haukur.

Lék á gamla malarvellinum Hjálmar Hallgrímsson var einn lykilmanna knattspyrnu- og körfuknattleiksliða Grindavíkur en undanfarið hefur hann staðið í broddi fylkingar í bæjarstjórnarmálum Grindvíkinga. „Ég spilaði eitthvað um 300 knattspyrnuleiki og þótt ég hafi ekki leikið á þessum grasvelli, þá á ég góðar minningar því áður en grasið kom var hér góður m a l a r v ö l l u r, það var gaman þegar bílunum var lagt meðfram hliðarlínunni. Þetta voru góðir tímar en sem betur fer er aðstaðan orðin allt önnur í dag. Þetta er frábær dagur, það er frábært að fá liðið aftur heim, ég lít á þetta sem táknrænt merki í endurreisn bæjarins. Það er frábært að sjá allt þetta fólk, maður skynjar vonina í brjósti fólks, sumarið er framundan og Sjóarinn síkáti, svo nú verður þetta bara upp á við hjá okkur, það er ég sannfærður um.

Svo vona ég að mínir menn geri Stakkavíkurvöllinn að vígi og það verði erfitt fyrir andstæðinginn að mæta Grindavík, eins og var þegar ég spilaði,“ sagði Hjálmar.

Meyr vallarstjóri Gunnlaugur Hreinsson gengdi stöðu vallarstjóra Grindavíkurvallar um tíma en var búinn að láta af störfum sökum aldurs en var meira en til í að hjálpa knattspyrnudeildinni við að koma Stakkavíkurvellinum í stand fyrir sumarið. Hann átti erfitt með að hemja tilfinningar sínar á þessum merka degi. „Ég er ofboðslega glaður, það er frábært að sjá alla þessa Grindvíkinga og ég verð bara meyr þegar ég hugsa um þetta. Ég var vallarstjóri fram í janúar 2023 og þá áttu heldri árin einfaldlega að taka við með alls kyns ævintýrum en þau urðu heldur betur öðruvísi. Þetta er búinn að vera erfiður tími, það fer vel um okkur í Hveragerði en við söknum Grindavíkur. Það var engin spurning í mínum huga að svara kalli Hauks og félaga í knattspyrnudeildinni og hef ég ekið hingað daglega með bros

á vör undanfarnar tvær vikur. Við slógum völlinn af og til í fyrra svo hann færi ekki í algera órækt og ég held að hann sé upp á sitt besta hér í dag. Mín vinna undanfarið hefur verið að koma öllu í stand, finna út hvar línurnar eiga að vera, setja net í mörkin, koma vélum í gang o.s.frv. Starfsmenn Golfklúbbs Grindavíkur munu sjá um sláttinn á vellinum en þessi völlur hefur alltaf verið talinn mjög góður grasvöllur, það verður enginn knattspyrnumaður svikinn af því að leika á Stakkavíkurvellinum í sumar.

Varðandi leik dagsins þá hef ég bara enga tilfinningu fyrir því hvernig hann fer, mér finnst úrslitin í raun vera algert aukaatriði, aðalatriðið er að við erum að leika

GRINDAVÍK Sigurbjörn Daði Dagbjartsson sigurbjorn@vf.is

Panamaskurðurinn Panamaskurðurinn hefur verið mikið í fréttum síðustu vikur eftir að Donald Trump upplýsti heiminn um stórkallalegar fyrirætlanir sínar um að taka hann „til baka“ af Panama. Að hans mati var þetta ljómandi hugmynd af því að Bandaríkin jú byggðu hann og ættu hann þá tæknilega ennþá. Einmitt það. Sagan er reyndar aðeins flóknari en það og gríðarlegar fjárfestingar hafa til að mynda verið gerðar síðan Panama tók alfarið við skurðinum 1999 á grundvelli samninga sem gerðir voru 1977.

En það er ekki efni þessa pistils, heldur langar mig að deila þeirri mögnuðu upplifun sem ég fékk þegar ég skoðaði þetta stórkostlega mannvirki í vinnuferð til Panama í síðustu viku. Og það sem

var stórbrotnast var að fræðast um söguna, verkfræðina á bakvið framkvæmdina, framsýnina, stórhugann og fyrirhygg juna sem skurðurinn stendur fyrir. Án þess að fara í þá sögu í smáatriðum þá segja menn að fyrstu hugmyndir um skurðinn haf i komið fram 1513. Framkvæmdir hófust þó ekki af alvöru fyrr en um 1880 og var skurðurinn svo vígður 1914. Hvernig mönnum tókst að hanna og byggja slíkt mannvirki á þeim tíma er algjörlega magnað.

Verkfræðin sem þarna liggur að baki stenst enn tímans tönn og eru til að mynda hlerar sem opna og loka fyrir vatnið á milli hólfa enn þeir sömu og þegar skurðurinn var opnaður 1914. Verkfræði með engu interneti, bara með hugviti, bókum og góðum útreikningum.

Þarna sá ég litla báta, risaskip og allt þar á milli ferðast um skurðinn.

Hólf opnast og lokast, tæmd og fyllt og skipin mjakast áfram í gegn. Það tekur um 11 klukkutíma að fara í gegn og kostar dágóðar upphæðir, en á móti kemur að það sparast 21 dagur á siglingu, ótrúlegir fjármunir og eldsneytisnotkun með tilheyrandi mengun og umhverfisáhrifum.

Panamabúar eru mjög stoltir af skurðinum sínum og halda sögunni vel til haga. Hann er stór efnahagsleg stoð í hagkerfinu, sem og þeir ótal aðrir atvinnuvegir sem hann hefur byggt undir.

Skurðurinn er mjög aðgengilegur ferðamönnum og er einn mest sótti ferðamannastaður landsins. Þetta minnti mig að því leyti til á Ísland, þar sem okkur hefur giftursamlega

RAGNHEIÐAR ELÍNAR tekist að samræma sjálfbæra nýtingu náttúruauðlinda okkar með uppbyggingu í ferðaþjónustunni – Bláa lónið verandi skýrt dæmi. Þetta getur nefnilega allt farið svo ljómandi vel saman. Þetta var algjörlega ógleymanleg heimsókn.

Mundi Það sprettur ekki nýtt íþróttafélag úr (gervi)grasi í Suðurnesjabæ!

Forsvarsfólk Reykjanesbæjar tyllti sér á drekann.

Leiksvæðið við Drekadal opnað Leiksvæði við leikskólann Drekadal í Innri Njarðvík var vígt í síðustu viku og klipptu leikskólabörn á borða sem þau höfðu gert í tilefni opnunarinnar.

Róbert J. Guðmundsson, formaður umhverfis- og skipulagsráðs sagði frá verkefninu við opnunina en leiksvæðið er opið alla daga eftir kl. 16.30 en mun

w

síðan verða opið fyrir leikskólann þegar hann opnar síðar í sumar. Á leiksvæðinu er stór dreki sem vísar í Drekadal, einnig er kastalinn skip sem vísar í nálægð við sjóinn.

Afgirt svæði er fyrir yngstu börn leikskólans, með leiktæki við hæfi. Aftan við leikskólann er hreyfisvæði, með þrautabraut, hreyfivelli og tjöldum.

Tillaga um nýtt íþróttafélag felld í báðum byggðarkjörnum Suðurnesjabæjar

3ja ára afmælisafsláttur

25% afsláttur af öllu dagana 16. - 23. maí

Auka margskipt gler fylgir Zeiss margskiptum glerjum.

Tímapantanir í síma 420-0077 og á heimasíðu www.reykjanesoptikk.is Fylgdu okkur á Instagram og Facebook @reykjanesoptikk.is

Tillaga um stofnun nýs sameinaðs íþróttafélags í Suðurnesjabæ var felld á auka aðalfundum beggja aðildarfélaga, Reynis í Sandgerði og Víðis í Garði, sem haldnir voru mánudaginn 12. maí. Í Sandgerði var niðurstaðan afgerandi: Af 168 greiddum atkvæðum sögðu 29 já, 138 nei og 1 seðill var auður. Í Garði var niðurstaðan naum, en ekki nægilega sterk: Alls greiddu 91 atkvæði. 46 sögðu já, 45

sögðu nei – en samkvæmt reglum þurfti 2/3 samþykki til að tillagan næðist. Það náðist ekki.

Með því er ljóst að hvorugt félagið samþykkti tillöguna og því verður ekki af sameiningu félaganna í nýtt íþróttafélag.

Fjölmenntu til HSS Íbúar í Suðurnesjabæ fjölmenntu á íbúafund sem Heilbrigðisstofnun Suðurnesja efndi til í Sandgerði á þriðjudag til að kynna starfsemi heilsugæslu sem opnar í Vörðunni í Sandgerði í byrjun júní. Heilsugæslustöðin verður opin á mánudags- og miðvikudagsmorgnum í sumar en þjónustudögum mun fjölga með haustinu. Í boði verður öll almenn heilsugæsluþjónusta fyrir íbúa Suðurnesjabæjar.