ViaxAst 22, la revista de VerAsturies.com

22

El nadal de siempres

Compañera, dame tira

Llega’l Nadal y torna con cierta normalidá. N’Asturies siguimos recuperando y conservando vieyes tradiciones que vais atopar nesti númberu de ViaxAst, como’l Guirria, el nataliegu o’l ramu de Nadal.

Un añu más, nesti especial de marzu de la revista Viaxast, queremos facer un homenaxe a toles muyeres. Caltenedores y tresmisores de la cultura y la tradición, como Celestina Ca Sanchu o Pepa Les Muries. Escritores tapecíes per sieglos, como Matilde de Soignie o educadores como Esperanza Rodríguez Cerdán.

Amás, apostamos otra vegada pol regalu con acentu asturianu, pola promoción de los mercaos navidiegos que se celebren per Asturies y por planes pa facer nos guapos espacios que mos ufre la naturaleza del país.

Queremos poner en valor y visibilizar la importancia de los trabayos feminizaos, como’l de conserveres o rederes. O’l papel imprescindible de les muyeres en trabayos y espacios tradicionalmente masculinos como la mina o los mercaos.

Si lo que te presta ye la cocina, ye’l momentu d’esperimentar y facelo cocinando’l to propiu roscón de Reis. En terminando la revista nun dexes de ponete a prueba col cuestionariu final, pa conocer cuánto sabes del Nadal n’Asturies.

Esfruta d’estes fiestes en familia, con amigos o como más te preste, p’arrancar l’añu nuevu con toles ganes y tol puxu posible.

Queremos amosar y recordar la llucha de les muyeres que nos precedieron y qu’abrieron camín. Aquelles, como Les Cigarreres, que fueron pioneres na llucha polos sos drechos. Aquelles que llucharon a golpe de tacón. Aquelles que rompen techos. Aquelles de les que recoyemos el testigu pa siguir trabayando a comuña, dando tira ente compañeres.

Jennifer Berrocal Xefa de Redacción

ÍNDIZ EQUIPU

DIRECTOR

Inaciu Galán

Les muyeres na mina d’Arnáu.....5

Matilde de Soignie...................7

Margarita Salas.......................9

L.lena: Rompiendo’l techu.........11

Les conserveres de Ribeseya......13

Les recomendaciones...............15

Les cigarreres de Cimavilla........17

Les muyeres nel mercáu de Grau.19

El pigazu..............................21

Corvera: Esperanza Rdgz Cerdán.23

Tres artesanes asturianes..........25

Eva Tejedor...........................27

Tabla de quesos asturianos........29

Cuatro ilustradores asturianes....31

Les escursiones de Vero............33

Mio güela Celestina.................35

Emprendedores en Colunga........37

¿Qué sabes de?......................38

¿Ónde puedes Ver Asturies?

Pues atopar la revista n’hoteles, restoranes, centros culturales, oficines de turismu...

DIRECTOR DELEGÁU

Lluis Fanjul Quelle

XEFA DE REDACCIÓN

Jennifer Berrocal

REDACCIÓN

Raúl Alonso

Beatriz Rato

Arantxa Margolles

Claudia Elena Menéndez

Vero Suari

DISEÑU Y MAQUETACIÓN

Cuatro Gotes

XESTIÓN EDITORIAL

DIRECTORA COMERCIAL Nuria López García 684 645 846

info@verasturies.com

Teléfonu: 984 086 626

IMPRENTA: Gráfiques Summa

SEMEYA PORTADA: Xosé Ambás

Depósitu Llegal: AS 03801 - 2017

© Cuatro Gotes Producciones SL

Númberu 22 - Añu VII - Cuarta Dómina

Les muyeres d’Arnáu necesaries na mina

La mina d’Arnáu foi una esplotación minera de carbón asitiada n’Arnáu, nel conceyu Castrillón. La mina ye conocida por ser la primera submarina d’Europa, col primer pozu vertical d’Asturies y la primer esplotación de carbón n’España, amás de ser, al pie de la Real Compañía Asturiana de Mines (o la so sucesora, Asturiana de Zinc), ún de los principales enclaves industriales d’Asturies.

Les esplotaciones de carbón n’Arnáu aniciáronse a finales del sieglu XVI, de la que’l relixosu frai Agustín Montero, vecín de Naveces, afayó nos cantiles próximos a la futura mina un mineral negro: el carbón. Agustín Montero echó voz pente medies d’una carta del so interés por llograr el permisu d’esplotación del xacimientu al entós monarca, Felipe II. En llogrando esti permisu, dio empiezu n’Arnáu la primer esplotación de carbón mineral d’España.De mano, el carbón estrayío d’Arnáu esportábase a Portugal al traviés de barcos mercantes, que zarpaben del puertu d’Avilés.

L’actividá d’estracción yera bien rudimentaria y nun había cuásique midíes de seguridá. Asina, por exemplu, emplegábense boínes en cuenta de cascos. Tamién han destacase les supersticiones de los mineros, en gran parte influyíes pola mitoloxía asturiana, que condicionaben la so actividá.

El socesu más destacáu de la historia de la mina d’Arnáu foi la so compra, en 1833, per parte de la Real Compañía Asturiana de Mines, una empresa belga qu’empobinó numberosos cambeos na minería de la dómina, amás de llevantar en 1855 el castillete pa poder escavar nel que sedría’l primer pozu vertical d’Asturies, tamién conocíu como’l «pozu güelu», por ser el más vieyu del territoriu asturianu. Alredor de la mina creáronse infraestructures estremaes col envís de facilitar la vida de los mineros y los directivos de la Real Compañía, como un casinu, un economatu, dos escueles (la Escuela d’Arnáu y la Escuela del Ave María), viviendes pa los mineros (unifamiliares,

pariaes o en filera) y cases pa los directivos y los químicos.

Dende la llegada de la Real Compañía a la mina produciéronse meyores que traxeron el desenvolvimientu industrial, la medría de l’actividá minera y la fundación posterior de la fábrica de Zinc. Amás de causar un gran impulsu de la industria na provincia asturiana, la empresa financiada con capital belga dio entrada a dellos inventos y métodos que revolucionaron la minería y la forma na que se comercializó’l carbón, ente los que se pue citar l’usu de llocomotores, la creación d’un trazáu de raíles y l’usu de la pólvora, amás d’introducir l’aire estruyío nes mines como manera de ventilación.

En too esto, tuvieron un papel bien importante les muyeres, y ye que les primeres muyeres mineres d’España fueron les d’Arnáu. Esti ye ún de los datos más interesantes que cinca al funcionamientu de la esplotación, que recuperó va yá 13 años el Conceyu de Castrillón con fondos europeos. En 1835 Victoria Pérez, Josefa de la Cuesta y Teresa González fueron contrataes pa trabayar na mina d’Arnáu. Dos años dempués de que se punxera en marcha la estracción carbonífera castrillonense apaez el nome d’estes tres muyeres nos llibros de xornales de la mina como parte de la plantiya estable. Nun se conocen con seguranza los llabores que desenvolvieron les muyeres n’Arnáu, pero abarrúntase que se dedicaben a trabayos esteriores como llaváu, clasificación y carga de carbón, unos trabayos venceyaos a la muyer minera nestos momentos del sieglu XIX.

La esplotación del xacimientu d’Arnáu siguió hasta 1915, añu nel que decide clausurase la mina y detener la estracción de carbón, por mor de la progresiva inundación de les galeríes asitiaes sol nivel del mar. Estes filtraciones provocaron que, anque la fábrica de zinc siguiera activa, la mina y el castillete quedaran inútiles y s’abandonara la so actividá, venceyada tamién con delles movilizaciones mineres que reclamaben una meyora nel sueldu de los trabayadores.

Descubri más: ayto-castrillon.es

Matilde de Soignie, hestoria de les lletres

Matilde de Soignie yera una escritora n’asturianu desconocida… hasta l’añu 2019, momentu nel que foi descubierta pola so sobrina-bisnieta, Mercedes de Soignie, gracies a un manuscritu con poemes n’asturianu. Pocu tiempu depués, l’investigador Inaciu Galán dio a conocer la so figura, mui importante na historia de les lletres asturianes. Trátase d’una escritora del sieglu XIX de la villa d’Avilés que llegó a imprenta con un llibru n’asturianu en 1890, siendo asina la segunda muyer qu’algamó a ver la so obra impresa. «El manuscritu tituláu Ecos de mi aldea nun yera namás una obra escrita pa ella mesma o pa los más cercanos, Matilde de Soignie tenía vocación d’escritora, quixo dar a conocer la so obra y tuvo la sonadía como pa llevala a imprenta. Esto da-y una mayor relevancia y conviértela na segunda escritora muyer n’asturianu que conocemos que llegó a imprentar un llibru en vida, dempués d’Enriqueta González Rubín, la primer novelista del asturianu en 1875, que llegó a imprenta namás quince años enantes», desplicó Inaciu Galán sobre ella nuna de les sos conferencies. Matilde de Soignie de las Alas-Pumariño yera una muyer de l’alta clase avilesina del momentu que nos dexó una amuesa d’eses muyeres callaes a lo llargo de la historia, pero que tuvieron ehí, qu’esistieron. Los sos versos ufierten una conciencia feminista bien avanzada na dómina.

Lo escepcional del descubrimientu ameritó que l’Academia de la Llingua Asturiana decidiera publicar na so colección Cartafueyos de lliteratura escaecida esi conxuntu de poemes roblaos por Matilde de Soignie. Son composiciones de tonu humorísticu y costumista que fueron escrites n’asturianu xunto con introducciones en castellán, y que llegaron a tener hasta tres ediciones, lo que constituyó un gran ésitu en La Habana, capital del país cubanu, como asina recueye un artículu de prensa de

la época, con una perbona crítica de la escritora avilesina. Ente lo poco que se conoz d’ellos hasta’l momentu, sábese que vieron la lluz en El Diario de Avilés y que la poeta redactólos en Naveces mientres la so estancia na residencia braniega de la familia Espinosa.

La escritora avilesina yera la más activa y mayor de les cinco fíes del inxenieru belga Adolfo de Soignie, establecíu na Villa del Adelantáu en 1838, y que casó con Matilde de las Alas Pumariño, integrante d’una renomada estirpe llocal. Na so investigación, Mercedes de Soignie, la sobrina-bisnieta de l’autora, pudo tamién pescudar qu’esta vieno al mundu n’Avilés un 13 de marzu de 1851, que permaneció soltera tola so vida y qu’a los ventitrés años fundó una escuela elemental de primera enseñanza na so villa natal.

Nes pallabres de la so familiar, «representa a la muyer independiente decidida a vivir en llibertá, ensin un home al llau. Ye una elección consciente, personal, la menos cómoda nun tiempu en que casase, a poder ser ‘bien’, ye un fin en sí mesmu pa toa muyer que se precie». Una independencia que-y venía de so pá, l’inxenieru belga qu’entamó a vivir n’Asturies y un home a contracorriente del so tiempu, que nun fixo distinciones de xéneru a la d’educar los sos nenos, como demuestra que la so fía mayor apoderara perfectamente’l francés y qu’al so llabor docente sumara’l de traductora d’esa llingua.

Entá queda abondo por saber d’esta autora, pero les primeres amueses de la so obra son mui prometedores, como esti poema col que ponemos el ramu a estes llinies, nesti homenaxe a una de les muyeres de la historia de les lletres asturianes:

Si un mozu me vien falar, / nun faltando a la razón, /

nun te enfociques, que non, /

yo téu que i contestar. /

Peru has saber tú, galán /

que si vien un atrevíu, / abástame’l puñu míu /

pa apretá i’l pasapan.

Amás recházalu con un Non quiéu llevar cadena, /

ni que me dés otra quexa… / L

u que nun se quier, se dexa… / Anda… Ve… Non me dá pena.

Descubri más: aviles.es

Margarita Salas, un exemplu pa les xeneraciones nueves

Margarita Salas nació na parroquia de Caneiru, nel conceyu Valdés, nel añu 1938 y foi una de les cientifiques más importantes del mundu, algamando llogros bien importantes pa la medicina y la bioloxía.

Dempués de colar pa los Estaos Xuníos en 1964, Margarita fixo grandes avances na bioloxía molecular xunto col so home: Eladio Viñuela. Ente los sos llogros destaca’l del descubrimientu del ADN polimerasa, una proteína esencial pal desenvolvimientu de la inxeniería xenética, y que tien delles y mui importantes aplicaciones na biomedicina.

Integróse nes ciencies de la medicina de mui moza, al traviés de so pá, magar que per aquel entós yera un mundu nel que les muyeres nun taben bien vistes. A los 16 años marchara a estudiar a Madrid y, ellí, conoció a Severo Ochoa, nel añu 1958. El pá de Margarita, primu políticu y compañeru de la Residencia d’Estudiantes del científicu, convidáralu un día a comer. Mientres la xinta, Severo Ochoa propúnxo-yos acompañalu a una conferencia que debía dar al otru día n’Uviéu, y dambos aceptaron encantaos. La charra, que trataba sobre la so investigación, dexó estelada a Margarita y espertó la so fonda atracción pola bioquímica. Aínda nun tuviera esta asignatura na carrera, pero sabía que s’impartía en cuartu cursu y, al tresmiti-y a Severo Ochoa’l so interés, esti prometió-y que-y unviaría un llibru de bioquímica en llegando a Nueva York. Y asina lo fixo.

N’España, sicasí, sufrió bien de discriminaciones. Magar que dientro del so equipu, colos sos doctorandos, nunca tuvo nengún problema, de cara al esterior namás yera conocida como la muyer d’Eladio Viñuela, lo qu’a él-y resultaba terriblemente inxusto. D’esta miente, cola cuenta de que’l trabayu de Margarita fuera valoráu como merecía, en 1970 Eladio decidió entamar l’estudiu del virus de la peste porcina africana y la investigación del Phi29 quedó, puramente, so la dirección de Margarita. Nesti sen, pudo demostrar que yera quien a sacar alantre la investigación por sí mesma y convirtióse nuna científica con nome propiu, dexando a un llau la etiqueta de la muyer de.

Nos caberos años de la so vida foi profesora ad honorem nel centru de bioloxía molecular Severo Ochoa en Madrid y algamó dellos premios y reconocimientos poles sos investigaciones científiques.

En rellación a les muyeres na ciencia, Margarita Salas opinó en delles entrevistes, neto que munches otres científiques de la so xeneración, que’l métodu científicu corrixe’l sesgu de xéneru. Y consideraba qu’aquelles muyeres que valen y son perseverantes nel so trabayu, acaben siendo, col tiempu, reconocíes y valoraes como científiques, independientemente del so xéneru.

Otru llogru personal importante foi’l de ser la primer muyer asturiana n’ingresar na Academia Nacional de les Ciencies de los Estaos Xuníos. Nun podemos escaecer que Margarita formaba parte d’un mundu tradicionalmente venceyáu a los homes y, pese a ello, consiguió abrir camín pa delles otres muyeres. Sobre esto, llegó a dicir: «Nun futuru non demasiao llonxanu, yo pongo quince años, la muyer va ocupar nel mundu científicu’l llugar que-y correspuende acordies cola so capacidá y el so trabayu. Yo creo qu’ensin cuotes vamos llegar, lo que quiero ye que nun heba discriminación negativa pol fechu de ser muyer».

El so esfuerzu por facer d’esti un mundu más fácil y meyor pa toos y pa toes nun tien de ser escaecíu. Margarita Salas ye un referente de la investigación n’España, una investigación que cunta con profesionales d’altu nivel, pero que cada vez reciben menos sofitu y financiamientu públicu. El meyor homenaxe a Margarita, a toos ellos, sedría compensar la so dedicación facilitándo-yos les ferramientes necesaries pa desendolcar el so trabayu. Si nun tomamos les midíes necesaries pa facelo posible, quedaremos ensin futuru.

Descubri más: ayto-salas.es

L.lena sigue rompiendo’l techu

Rompiendo’l techu foi el primer documental d’El Guaje Visuals, que lidera Juan Francisco Santos Pérez y qu’echa una mirada dende’l feminismu a la socieda l.leniza, onde amuesa a docentes, mineres, polítiques o músiques. Trabayos onde la muyer siempres tuvo y ta presente, pero onde la so visibilidá malpenes esiste, mesmo qu’el so llabor. En definitiva, 25 muyeres l.lenices pioneres que rompieron techos de cristal. Trátase del proyectu de fin de ciclu formativu de FP de Santos Pérez, col que llogró una mención especial. Dende la conceyalía de Cultura del Conceyu L.lena sofiten enforma al productor y creen qu’estes iniciatives son necesaries nel conceyu pa fomentar la igualdad de xéneru. Ye por ello que, dende’l consistoriu, ufriéron-y en tou momentu una collaboración con un proyectu tán importante pa la sociedad l.leniza como esti.

El títulu de la obra cinematográfica fai referencia al techu de cristal, espresión cola que se conoz esa llimitación qu’enzanca que les muyeres apuerten a puestos de poder n’empreses o organizaciones. Decídese esti títulu, argumenta’l so director, Juan Francisco Santos, “al tratar gran parte del documental sobre como les muyeres l.lenices rompieron esi techu de cristal”. Dellos exemplos pueden ser: Gemma, primer alcaldesa de la hestoria del Conceyu de L.lena; Tania, única muyer al mandu d’un refuxu de monte n’España; Judith, directora de la principal oficina bancaria en L.lena; Azucena, conceyala más xoven d’Asturies nel añu 1979 o Ana, directora del IES Santa Cristina de Lena, ente munches otres.

Al través d’esti proyectu audiovisual, amuesa como’l movimientu feminista influyó na vida cotidiana nel conceyu de L.lena, narrando como les muyeres non solo tán presentes na sociedá sinón como amás convirtiéronse en protagonistes, ocupando cargos de poder y destacando en distintos ámbitos (política, instituciones, asociacionismu, empresa privada, deporte…) siendo’l so papel esencial nel desenvolvimientu de la vida cotidiana nel conceyu. Amás, al traviés del documental búscase conocer la opinión de les protagonistes sobre la sociedá actual que nos arrodia. Ye esta una idea que tenía’l director, Santos Pérez, en mente dende va dalgún tiempu, amás d’otru tipu de pieces audiovisuales de calter documental y/o promocional, na so mayoría con una temática llocal, col envís de dar a conocer el so conceyu.

L’oxetivu del documental ye, principalmente, amosar cómo la llucha de les muyeres va dando los sos frutos, exemplificando nel conceyu de L.lena, como munches muyeres algamaron puestos de poder. Tamién tien como oxetivu analizar cómo dende esti conceyu trabayase na Igualdá de Xéneru (tanto dende

l’ayuntamientu, como dende centros educativos, asociaciones y otres instituciones). En ciertu mou búscase que seya, al empar, un elementu de concienciación social y un pequenu homenaxe a la so llucha.

El títulu de la obra cinematográfica fai referencia al techu de cristal, espresión cola que se conoz esa llimitación qu’enzanca que les muyeres apuerten a puestos de poder n’empreses o organizaciones. Decídese esti títulu, argumenta’l so director, Juan Francisco Santos, “al tratar gran parte del documental sobre como les muyeres l.lenices rompieron esi techu de cristal”. Dellos exemplos pueden ser: Gemma, primer alcaldesa de la hestoria del Conceyu de L.lena; Tania, única muyer al mandu d’un refuxu de monte n’España; Judith, directora de la principal oficina bancaria en L.lena; Azucena, conceyala más xoven d’Asturies nel añu 1979 o Ana, directora del IES Santa Cristina de Lena, ente munches otres.

Un proyectu como esti tien un gran valir y ye por eso polo que Juan Francisco decidió nun dexar esti trabayu nun simple documental y adaptalo a una de les mayores redes sociales empobinada a la visualización de vídeos: YouTube. Esta iniciativa faise después de que la obra se proyectara nel teatru Vital Aza de la capital l.leniza col envía de que seya un trabayu que cualquier persona pueda consultar o esfrutar.

Al través d’esti proyectu audiovisual, amuesa como’l movimientu feminista influyó na vida cotidiana nel conceyu de L.lena, narrando como les muyeres non solo tán presentes na sociedá sinón como amás convirtiéronse en protagonistes, ocupando cargos de poder y destacando en distintos ámbitos (política, instituciones, asociacionismu, empresa privada, deporte…) siendo’l so papel esencial nel desenvolvimientu de la vida cotidiana nel conceyu. Amás, al traviés del documental búscase conocer la opinión de les protagonistes sobre la sociedá actual que nos arrodia. Ye esta una idea que tenía’l director, Santos Pérez, en mente dende va dalgún tiempu, amás d’otru tipu de pieces audiovisuales de calter documental y/o promocional, na so mayoría con una temática llocal, col envís de dar a conocer el so conceyu.

Descubri más: aytolena.es

Les conserveres de Ribeseya

A lo llargo de los sieglos la salazón y la conserva foi una actividá habitual en tola costa asturiana, pero sobre manera en conceyos como Ribeseya. Ye a principios del sieglu XX cuando surde la moderna industria salazonera nel conceyu oriental. Les primeres factoríes van instalase nel Arenal de Santa Marina, polos malos golores qu’arrecendíen de les fábriques. Sicasí, cola apertura recién de la estación balnearia, en 1912, allugóse na otra vera del ríu Seya. A partir d’esos años tuvo gran importancia la industria conservera y salazonera ribeseyana. Nos años 30 pagábase a les escabezadores de 1,50 a 2 pesetes diaries (güei sedríen 0,012 euros) y a les especialistes, como sobadores, cortadores, abridores, etc., de 2,50 a 3 pesetes (güei sedríen 0,018 euros).

La guerra civil fixo que se desaniciaran toles ferramientes de les fábriques y, darréu d’ello, diose una gran demanda de productos alimenticios mientres la posguerra y la II Guerra Mundial. Ye la dómina dorada de les fábriques de conserva en Ribeseya, magar la escasa materia prima industrial, como alambre, lata o aceite, que taba siendo usao na industria bé-

lica. Nos años 40, tres la guerra, llegó a haber 16 fábriques de salazón y conserveres nel conceyu, prueba de la bayura económica que tenía Ribeseya naquel momentu.

Ensin dulda, la industria conservera más relevante en Ribeseya, tanto pola so producción como pol númberu d’emplegaos, foi Fíos de Carlos Albo. Cuando la empresa abre la fábrica n’El Cobayu en 1924 yá tenía distintes factoríes distribuyíes a lo llargo del Cantábricu, amás d’una flota pesquera y un buque pal tresporte de mercancíes. Tres la Guerra Civil, en 1943 ábrese una fábrica moderna d’Albo na cai Palacio Valdés y, nos meses de mayor producción conservera, la empresa daba trabayu a más d’un centenar de persones. En 1961, la hora de trabayu llegó a pagase a 7 pesetes (unos 4 céntimos d’euru).

Les trabayadores yeren na so mayoría muyeres: 30 fixes y hasta 300 eventuales. Proveníen de la villa y otros pueblos ribeseyanos. Empezaben a trabayar siendo entá guah.es. Les xornaes llaborales yeren bien llargues y cansaes na temporada de les costeres de bonitu, chicharru o bocarte, ente otros. A pesar d’ello, calteníen l’allegría que-yos daba la so mocedá. Asina, por exemplu, cantaben habaneres mientres trabayaben p’amenizar la xera, daqué qu’anguaño se tien n’alcordanza nel Festival d’Habaneres que se celebra cada añu.

Les muyeres trabayaben a turnos, yá que los horarios yeren de día o de nueche, dependiendo de la hora d’entrada del pexe a les fábriques dende los barcos. Dacuando, l’agotamientu yera más fuerte de lo que podíen soportar y les dures condiciones llaborales espeyábense físicamente con secueles nes manes. De toles maneres, non too yera murnia: les fiestes con verbena, les ganes de baillar y la mocedá podíen con too y les conserveres tamién yeren l’alma del pueblu.

La situación de les trabayadores yera deficiente abondo y bien poques cotizaben a la Seguridá Social cuando esta se constituyó. El salariu yera escasu enforma. La so situación yera tan precaria que, nel añu 1969, cuando les trabayadores fueron despidíes d’una d’estes fábriques, quedaron dafechu desamparaes al nun poder cobrar el desempléu por nun esistir una reglamentación que les abellugara. Los años 60 supunxeron la desapaición de les fábriques.

La fuerte emigración escontra Europa, la mecanización de les operaciones y el golpe de gracia que desanició too, la desapaición de la materia prima principal de les conserveres ribeseyanes, el bocarte, xunida al amenorgamientu d’otres captures, provocaron un importante descensu nel suministru de materies primes; a esto hebo que sumar l’aumentu del costu de la mano d’obra, lo que supunxo una importante crisis nel sector conserveru de la villa.

Descubri más: ayto-ribadesella.es

Les recomendaciones de Ver Asturies

El Pintu

Cai La Llibertá, 11 - La Pola Llaviana

Teléfonu: 984 045 505

Cai Ramón y Cajal, 13, 33600 Mieres del Camín

Sidrería Tar d’Abéu

Cai María Bandujo, 1, - 33201 - Xixón

Teléfonu: 984 491 538

Bar El Mercáu

Recintu ferial - La Pola Llaviana, Teléfonu: 627 415 341

Chigre Musical l’Abellugu

Parrilla Sidrería Los Peñones

Cai Las Huertas, 13 - Les Güertes - Corvera

Teléfonu: 985 54 72 89

Sidrería Montera - Casa Güela

Cai la Unión, 1 - Avilés

Teléfonu: 985 579 402

Restaurante La Parpayuela

Cai Fernández Corugedo, 6, Corvera

Teléfonu: 984 83 60 45

Sidrería Carrocéu

Cai Marqueses d’Argüelles, 23, Ribeseya

Teléfonu: 985 86 14 19

Les Cigarreres de Cimavilla

L’añu 2002 ye una fecha clave na hestoria del barriu xixonés de Cimavilla. Nesi añu d’entamos de sieglu, ún de los símbolos d’identidá, la fábrica de les cigarreres, pesllaba les sos puertes pa siempre tres más de 100 años en funcionamientu, dexando al paru un total de 250 trabayadores. Anguaño, namás queda l’alcordanza de les cigarreres nuna cai nel barriu de Montevil y naquella medaya de plata que’l Gobiernu d’Asturies concediera nel so momentu. Y, por supuestu, l’edificiu de Tabacalera qu’acolumbra dende’l corazón del barriu a tolos sos habitantes, esperando pola so nueva apertura, esta vegada con una perspectiva d’espaciu cultural.

La fábrica de tabacos xixonesa inaugurábase va 181 años, nel añu 1842. Sicasí, l’edificiu tien mucha historia detrás. La edificación llevantóse a mediaos de 1600 na parte de la Talaya p’allugar el conventu de les Agustines Recoletes, fundáu en 1668 pola madre de Santu Tomé, y onde se piensa que vivió una de les mayores referencies de lliteratura asturiana: Xosefa Xovellanos. De fechu, el terrén nel que ta asitiada la edificación foi una ufrienda de la familia Xovellanos. Pero, anque paeza mentira, podemos viaxar más atrás nel tiempu y dir

a la época romana de la villa playa, porque nel patiu del edificiu históricu hai un pozu o depósitu cuadrangular d’agua del sieglu III o IV.

Si atendemos a la so historia como edificiu industrial, y tres d’un curtiu intentu en 1822, ha destacase qu’en 1837 empezó a operar nel palaciu de Valdés, actual colexu de Santu Ánxel, una fábrica de tabacos. Aprovechando la desamortización de Mendizábal de 1842, la fábrica treslladóse al hasta entós conventu de les Agustines, modificando pasu ente pasu la so fisonomía pa convertise nun edificiu industrial. D’esta miente, por casu, la ilesia acabó usándose como almacén pal secáu del tabacu y la vicaría como residencia del director en 1928.

Fueron les cigarreres les que dieron forma al espíritu de la fábrica y tienen d’ocupar, poro, el verdaderu llugar históricu que merecen, bien reconocíu en propuestes como la del documental dirixíu por Alejandro Nafría (2022), nel que se recupera la so memoria obrera.

La fuerte atracción qu’exercía esta industria y les sos especiales característiques femenines llograron concentrar en Cimavilla a cientos de cigarreres, la gran mayoría d’orixe xixonés y de les parroquies cercanes que tra

La plantiya taba formada sobre manera por muyeres. Y ye que, nesti sen, la fabricación del cigarru yera un procesu manual que nun disponía, nun entamu, de maquinaria industrial, polo que se precisaba una gran masa llaboral barata. En 1890 contabilizábense 1.935 muyeres y 50 homes trabayando na fábrica, un númberu altu d’operarios con rellación a los menos de 40.000 habitantes de tol conceyu.

El gran númberu de plantiya femenina desenvolvió la figura de la cigarrera, de gran interés etnográficu y feminista pola so implicación nel mundu llaboral y na llucha del movimientu obreru. En 1903 les cigarreres convocaron la primer fuelga femenina n’Asturies, secundada pola fábrica testil de L’Algodonera, de La Calzada, y también con plantiya femenina. Na fábrica convivíen neñes con vieyes (al nun esistir xubilación, allargaben hasta los topes la so vida llaboral) y distribuyíense según la especialización. Constituyeron una parte fundamental de la vida urbana del barriu de Cimavilla. La fábrica presllóla’l Grupo Altadis el 31 de xunetu de 2002, treslladando la producción a Santander y prexubilando a 252 trabayadores.

bayaben na pesca, principal motor económicu del barriu enantes de la llegada de la industria. En tola ciudá de Xixón quedaron grabaes les sos actitúes sociales al rodiu d’asuntos como la solidaridá popular, la protección social, la defensa de los sos derechos y salarios, la creación d’un sindicalismu propiu, les maneres de trabayu y l’ociu colectivu.

La muyer,esencial nel mercáu de Grau

families y comunidaes rurales, sinón tamién pa la productividá económica xeneral, teniendo en cuenta l’amplia presencia de muyeres na mano d’obra agrícola, sobre manera en territorios como’l conceyu de Grau.

El papel de la muyer ye siempres esencial en toles estayes. Nel conceyu de Grau, amás, ye una pieza imprescindible nel so mercáu. Esta actividá celébrase dende va sieglos dos vegaes per selmana, los miércoles y los domingos, y ye’l momentu nel que’l cascu históricu de la villa acueye una montonera de puestos de plantes, de productos testiles y, especialmente, de los sos afamaos frutos de la güerta; un escaparate que pon a disposición de vecinos y foriatos artículos frescos, fruta y verdura de temporada, a precios competitivos. Ye ensin dulda una tradición de la villa moscona que, ensin les muyeres, nun podría facese. Cada puestu qu’atienden con procuru tien un valir y una bayura… que nun tien preciu.

Les muyeres rurales son persones esenciales nel procesu de tresformación social pa consiguir los cambeos económicos y ambientales necesarios nun desenvolvimientu sostenible. Poro, empoderar a esti colectivu nun ye fundamental namás pal bientar de les persones,

Nesti sen, ye l’oficiu de la muyer rural el qu’hai que destacar, al facer un llabor cuasi invisible ya imprescindible pal desendolcu de les xeres nel mercáu qu’avera a la sociedá moscona productos de cercanía y fomenta’l consumu xustu y responsable. Estes muyeres saquen alantre’l trabayu na güerta y miren polos productos agrícoles a lo llargo de tol añu, al mesmu tiempu que, xeneralmente, tienen d’encargase de les xeres de casa.

y asumió la relevancia que güei caltién. Nel parque de San Antonio empieza’l trazáu mercantil de Grau, arrodiáu a dambos llaos per terraces de restoranes, confiteríes, tiendes de productos rexonales y chigres que s’animen cada domingu. Equí los llocales nun perdonen el vermú dominical y los foriatos nun suelen marchar coles manes vacíes al pasar al pie de los puestos de cestería, testil y cueru. La cai Manuel Pedregal ye la vía principal que conecta tola feria, y la plaza del Xeneral Ponte, onde s’axunta la mayoría de les paraes agroalimentaries pa envolubrar al visitante nun paséu onde se priende tola actividá sensorial.

P’alcontrar l’orixe del mercáu moscón tenemos que viaxar hasta la Edá Media, a la dómina d’Alfonso X el Sabiu. En 1256, el monarca concedió la carta puebla a Grau, amás del privilexu de celebrar un mercáu selmanal, que ye’l qu’anguaño se fai los miércoles. Na Edá Moderna esta cita estendióse a los domingos y, asina, hasta los nuesos díes. La razón d’esti aumentu nos díes de mercáu debióse a la necesidá d’abastecer al gran númberu de viaxeros y pelegrinos que llegaben a Grau pel camín primitivu y la calzada real, amás de dar salida comercial a la producción de la fértil vega que riega la villa. Ente los sieglos XIX y XX el mercáu de «la güerta d’Asturies» sobrevivió a la decadencia de les demás feries asturianes

Amás de los mercaos con sieglos de tradición de los miércoles y domingos, en Grau celébrense distintos concursos y feries gastronómiques como’l Mercadón de la Seronda n’ochobre, con una presencia bien amplia del miel, les fabes y les nueces, típiques del tiempu serondiegu; el Certame de la Escanda en setiembre, col envís de potenciar el cultivu y l’usu d’escanda na nuestra gastronomía, o les Flores de primavera, la primera nel domingu siguiente a Pascua xunto col Certame de la Faba, y la segunda seis selmanes después de la primera, onde se cellebra’l Mercadón de Primavera. Por eso, Grau y el so mercáu tán esperándote en cualesquier fecha del añu con una bayura grande de productos frescos, caseros y de cercanía. Nun escaezas esta oportunidá.

El pigazu, una vieyera saludable

La Federación Asturiana de Conceyos llanzó va yá un tiempu un proyectu en collaboración cola Conseyería de Salú que lleva por nome No me llames soledad, col envís de promover una vieyera activa y con salú pa los nuesos mayores y facer visibles les situaciones de soledá qu’afecten a les persones d’edá avanzada. Ente les iniciatives qu’esti proyectu tan guapu desendolca ta la convocatoria d’un concursu de rellatos sobre’l procesu d’avieyar o vivir en soledá como nuedu temáticu. Esto cuntó, amás, col sofitu de les Conceyalíes de Servicios Sociales de los conceyos asturianos.

A esti concursu, destináu a persones mayores de 65 años, presentóse un total de cincuenta obres. El rellatu del escritor Xuan Miyar, vecín de Xixón (anque ye natural de Seloriu), foi’l que resultó finalmente ganador. Ye un testu escritu n’asturianu, que lleva por títulu El pigazu, y que se centra nuna escena cotidiana d’un home que, mientres paez apigazar énte la televisión del so salón, remembra los tiempos de la so mocedá cola muyer,

que ta mirándolu.

Xuan Miyar, con 69 años, representa de bona manera lo qu’esta iniciativa de la Federación Asturiana de Conceyos pretende motivar. Ello ye que Miyar descubre esta faceta de so, hasta entós atapecida en dalgún requexu del so interior: la capacidá pa escribir rellatos na vieyera, calteniendo vezos activos dempués de munchos años dedicaos a trabayar nos autobuses. L’autor escribe tamién nel diariu dixital de Villaviciosa, villaviciosahermosa.com, onde collabora de manera avezada con testos de calter lliterariu dende l’añu 2016. Amás, ye un reconocíu activista llingüísticu que milita na asociación Iniciativa pol Asturianu.

Tres ganar l’escritor esti concursu de rellatos, la Federación Asturiana de Conceyos propúnxose llevar El pigazu a la gran pantalla. Esta nueva iniciativa nacía col envís de que la historia nun quedara namás nel papel y tuviera, d’esta forma, la so merecida pieza cinematográfica acordies cola so calidá lliteraria.

Pa la puesta n’escena d’El Pigazu, Cuatro

Gotes Producciones encargóse de la producción y realización del curtiumetraxe que, tres d’un casting, cuntó coles actuaciones de los actores Lluis Antón González nel papel de Pepe y Carmen Gloria García nel de Dulia.

La producción d’esta pieza supunxo un trabayu bien duru, col oxetivu de componer una obra col mayor averamientu posible a la realidá lliteraria y cola busca de llocalizaciones que fueran asemeyaes a les presentaes nel rellatu. Pa ello, l’equipu de grabación movióse hasta’l valle de Turón, nel conceyu de Mieres, onde’l personal de producción alcontró una casa que representaba vierbu a vierbu lo narrao por Xuan Miyar nel so rellatu. Tratábase d’una casa de pueblu tradicional, pero remocicada y habilitada pa usu de vivienda con vistes al valle y que daba la posibilidá de desendolcar toles escenes de manera óptima, al mesmu tiempu qu’ufría la posibilidá d’amosar la bayura de la cultura y el paisaxe asturianos.

El rodaxe d’El Pigazu desenvolvióse asina nesti allugamientu a lo llargo de dellos díes,

nun ambiente de trabayu agradable nel que los actores amosaron una profesionalidá induldable cola dirección del equipu de Cuatro Gotes Producciones y con un resultáu escelente, que queda espeyáu nel trescursu del propiu curtiumetraxe.

Sicasí, el trabayu nun aparaba ehí. Tres la correspondiente grabación, mesmo l’equipu como los actores treslladáronse al estudiu de Xixón pa la grabación de les voces, yá que ye una pieza que namás cunta con voces n’off, y que se fixo nuna xornada. A lo último, llegó’l momentu que naide ve, pero que quiciás seya ún de los más importantes: el montaxe. Asina, per dellos díes l’equipu de Cuatro Gotes dedicó’l tiempu a facer un montaxe cuidáu qu’amirara por una representación emotiva de la obra.

El pigazu, con rellatu de Xuan Miyar y entamáu por Cuatro Gotes Producciones, ye la meyor representación d’esi proyectu qu’anició la Federación Asturiana de Conceyos.

Esperanza Rodríguez Cerdán,referente de Corvera

La educación ye una estaya fundamental na vida de les persones y una bona parte de la responsabilidá d’adquirir unos bonos conocimientos recai nos mayestros y mayestres de la educación pública. Una d’estes persones ye Esperanza Rodríguez Cerdán, profesora nel tiempu la Segunda República.

lleda. Llegó ellí pa tomar posesión del so cargu al otru día, según asoleya’l diariu asturianu El Pueblo Astur: «Se ha posesionado de la escuela de Molleda, en Corvera, Doña Esperanza Rodríguez Cerdán». La so estancia en Corvera va ser bien granible intelectualmente, yá que non solo va dedicase a la docencia, sinón que va participar viviego del espíritu cultural de la contorna.

Al pocu tiempu d’aportar a Asturies, la mayestra entamó a collaborar con un diariu qu’entá anguaño sigue en funcionamientu, La Voz d’Avilés, onde los sos testos tuvieron siempre mui bona acoyida. Esperanza dedicóse tamién a impartir conferencies pa comunicar les sos esmoliciones sobre la educación. Una d’elles, que llevaba por títulu Aptitudes de la mujer para las ciencias, artes e industrias. Modos de encauzarlas desde el hogar y la Escuela, tuvo llugar nel branu de 1915, y nella fixo una defensa de los derechos de les muyeres nun momentu nel que’l feminismu n’España yera entá una cuestión que taba espoxigando selemente.

Llicenciada pola escuela normal de Llión, Esperanza empecipió como mayestra nel conceyu de Corvera, en 1915. Sicasí, la vida d’una mayestra interina a principios del sieglu XX nun s’estremaba enforma del actual dir y venir de les interines de güei y, asina, según figura nel so espediente, el 1 de marzu de 1913 solicitó poner clase nes escueles de Llagu de Babia y Gamonéu. Depués, el 9 de marzu de 1915, foi propuesta pa la Escuela Mista de Mo-

Esperanza punxo tamién en marcha’l so últimu proyectu na zona de Corvera y Avilés, cola creación d’una biblioteca popular que quedó a disposición del pueblu pa la so formación y esfrute en Miranda. Esta biblioteca recibió’l nome de Biblioteca Cerdán. Posteriormente, la mayestra punxo clase n’otros sitios d’Asturies como Uviéu, Trevías o na Escuela de Veiga del Turia, nel conceyu de Taramundi.

Ente 1929 y 1936 dio clases como maestra d’enseñanza primaria n’Alameda del Valle (Madrid) y, al españar la guerra civil fíxose cargu na seronda d’esi añu d’una colonia infantil entamada pol gobiernu de la Segunda República Española en Murcia. Al terminar el conflictu, trabayaba como miliciana de la cultura nun Hospital Clínicu Militar en Benidorm.

Sabemos de la continuación del so llabor intelectual al traviés de los artículos y rellatos qu’espublizó na prensa llocal. Tamién atopamos collaboraciones d’Esperanza Rodríguez Cerdán na revista Asturies. Esta publicación foi fundada en La Habana por José María Álvarez Acevedo nel añu 1914 y sirvía de llazu d’unión ente los asturianos qu’emigraron a ultramar y los que quedaron n’Asturies. Nesta revista escribieron muyeres destacaes de la escena lliteraria asturiana como Rosario d’Acuña o Eva Canel. Nel númberu correspondiente al 6 d’abril de 1919 afayamos un datu revelador sobre la trayectoria d’Esperanza: «María Esperanza Rodríguez Cerdán, representante n’Asturies de la Unión de Muyeres d’España».

En marzu de 1939 tuvo qu’exiliase primero n’Arxelia. Una vegada terminada la Guerra Civil, abriéron-y un espediente de depuración que remató cola so espulsión del maxisteriu’l 21 de mayu de 1941. Atopábase entós en paradoriu desconocíu pa los franquistes. A partir de 1961 tuvo qu’esiliase en París. Nun tornó a España hasta l’añu 1982, y morrió en Valencia dos años dempués, el 17 de xunetu, na casa familiar. El so llabor na educación y na cultura ye innegable y con estes llinies queremos face-y un pequeñu homenaxe a una de les mayestres de la República más importantes n’Asturies.

Descubri más: corvera.es

3 artesanes asturianes

Mondo Manzana propúnxose atopar daqué real y tanxible p’ayudar al planeta a amenorgar la so tasa de CO2, al mesmu tiempu que se fomenta’l caltenimientu de la biodiversidá na nuesa tierra, Asturies. En Mondo Manzana fixeron asina un material sostenible y de mínimu impactu ambiental cola magaya de la mazana dempués de mayada pa facer sidra, que delles veces paez cueru; otres, madera; y otres, cerámica.

El so trabayu ye dafechu artesanal, nun faen nada de forma mecánica y caúna de les sos pieces tán feches una a una y a mano. Por esta razón, el tonu de la magaya vese dacuando llixeramente afectáu por motivos estremaos que s’escapen del so control como, por casu, los distintos tipos de mazana, el so momentu de descomposición, factores climáticos nel procesu de secáu, etc. Eso ye lo guapo, porque nunca va haber dos iguales.

La Guarida del Cunqueiru ye una tienda y taller d’artesanía que s’asitia nel pueblu asturianu de Trabáu; un llugar que pretende ser un alcuentru cola cultura cunqueira y rural característiques del Parque Natural de Fontes del Narcea, Degaña ya Ibias. Como en cualesquier iniciativa o proyectu d’emprendimientu, hai detrás un equipu humanu que cree y ama lo que fai. Nel so casu, faise l’apueste por dignificar y dar a conocer un oficiu tradicional que yá taba cuasi perdíu, como ye’l de «cunqueiru» o «tixileiru», utilizando l’ecoturismu como ferramienta d’espardimientu y exa motriz col que contribuyir al caltenimientu de la identidá rural y el sector primariu de manera directa.

La Guarida del Cunqueiru ye un proyectu encabezáu por dos persones, Rosa y Victor, pero que cuenten col amparu d’un gran grupu de persones que creen y sofiten les iniciatives que lleven alantre, dende familiares hasta veceros y amigos. Con esti envís, siguen tenien-

Mondo Manzana

La Guarida del Cunqueiru

do una pequeña ganadería de vaca asturiana de los Valles de 6 a 10 cabeces, que combinen na midida de lo posible col autoabastecimientu y l’autoproducción d’alimentu, asina como cola producción d’artesanía.

Laborna ye un taller artesanu de cerámica que, dende va 25 años, ellabora y diseña elementos decorativos en cerámica y fierro. Con paciencia, enfotu y muncha creatividá, dan forma a too aquello que pue decorar cada requexu y cada espaciu del to llar o de la to oficina. En Laborna pues atopar la pieza perfecta pa da-y vida y personalidá a esi espaciu vacíu de la casa o pa enllenar de lluz y creatividá’l bañu, el salón o cualesquier otru cuartu. En Laborna trabayen selemente, buscando la combinación perfecta de cerámica y fierro, dexando que les sos idees surdan y cobren forma y vida propia nos sos diseños. Gústa-yos investigar, anovar y crear.

En 1997 recuperaron la cerámica del Rayu, que se considera la primer cerámica que como lloza se desenvolvió n’Asturies. La familia Cónsul fundara, de fechu, la fábrica en Samartino (Siero) en 1725, anque por motivos ayenos al ésitu de la cerámica hubo pesllar poco depués, en 1782. Con too, los sos trabayadores siguiríen cola producción en talleres familiares hasta bien entráu’l sieglu XX.

Redacción

Cerámica Laborna

Eva Tejedor

Eva Tejedor ye una de les pandereteres y cantantes más renomaes de la música asturiana. Cantante de Tejedor nos sos trés primeros discos, ganadora de trés premios AMAS y d’otros reconocimientos nel ámbitu de la música asturiana.

En 2014 funda’l proyectu d’Eva Tejedor & Les Pandereteres y en 2017 faen la so presentación oficial, con una banda formada por delles de les sos alumnes de pandereta y los veteranos músicos Javi Tejedor, Rubén Bada y Pepín de Muñalén.

Un llugar pa perdese una fin de selmana…

Peñamellera.

Un llugar pa vivir…

Avilés.

Un platu…

Tortos de maíz con picadiellu.

Un postre…

Requesón d’Abredo.

Una sablera pa pasar el día…

Po.

Un pueblín que nun podemos dexar de ver…

Cimiano.

Un chigre pa tomar unos culinos…

Casa Tataguyo.

Un parque natural pa visitar…

El Parque Natural de Somiedu.

Una fiesta a la que nun faltar…

Cualesquier fiesta de prau.

Un muséu pa recomendar…

El muséu etnográficu de Grandas de Salime «Pepe’l Ferreiro».

Un momentu de la hestoria d’Asturies que te prestaría vivir…

Tovía ta por llegar y quiero vivilu en primer persona: la oficialidá del asturianu.

Una pallabra n’asturianu que te preste…

Sele.

Una tradición que nun pue perdese…

La tradición oral, n’especial la figura de la panderetera.

Una espresión n’asturianu que te preste...

A lo xo.

Una bona tabla de quesos

Asturies ye tierra de quesos, con un valor y una calidá que cuasi nun tien preciu. Por eso, un bon platu na mesa y qu’enxamás falla ye una tabla de quesos. Nós proponémosvos una tabla colos cinco tipos de quesu asturiano que cunten cola Denominación d’Orixe Protexida (DOP), estos son: Afuega’l Pitu, Gamonéu, Casín, Los Beyos y Cabrales. La nuesa manera d’iguar esta tabla ye la que presentamos darréu:

Ingredientes

Quesu Afuega’l Pitu

Quesu Cabrales

Quesu Gamonéu

Quesu Casín

Quesu Los Beyos

Frutos secos Miel Figos

Ellaboración:

En primer llugar, pónense les porciones de quesu nes esquines o en diagonal si ye una tabla redonda.

De siguío, colócase la fruta nos requexos que queden ente los trozos de quesu. En cuantes tean dispuestos la fruta y el quesu, ye’l momentu d’aprovechar los espacios pa los frutos secos.

A lo último, allúgase un concu de miel pa dar el contraste dulce, amás del pan… ¡Y a esfrutar!

4 ilustradores asturianes

Porruana residente n’Uviéu dende va dellos años, Nieves González, más conocida como Nieve Sita, ye llicenciada en Belles Artes. Anguaño compaxina la docencia cola creación artística, centrada principalmente na ilustración y la pintura.

La so obra inspírase na tradición y cultura asturianes, sobre manera de la zona llanisca, que ye onde se crió y a onde se siente más venceyada. Toa esta tradición entemezse munches vegaes con temes d’actualidá, rellacionando siempres el pasáu cola modernidá al traviés d’un llinguaxe plásticu desenfadáu que bebe del folclor, del punk, del kitsch y del mundu del tatuaxe, onde pueden lleese munchos refranes de la tradición asturiana.

Realizó trabayos pa bandes como Dixebra, pa los que fixo la ilustración del discu-llibru del 35 aniversariu, Ente la niebla; o también pa marques como Puru Remangu, con diseños pa camisetes como, por casu, el de Pogu, perréu y pandereta.

María Ortiz Iglesias ye diseñadora gráfica ya ilustradora freelance asturiana, que vive a caballu ente Asturies y la ciudá andaluza de Córdoba. Esfruta dibuxando y componiendo ilustraciones nueves que faigan espoxigar la creatividá que lleva dientro.

L’artista uvieína ta acabante de producir dalgunes obres, como les ilustraciones del llibru Asturianes, editáu por La Fabriquina, nel que se fai un recopilatoriu de muyeres que supunxeron un antes y un depués na historia del nuesu país, nel que nacieron y del que formaron parte.

En xunto, la diseñadora ya ilustradora tamién trabayó con entidaes culturales, como’l Centru Niemeyer, col diseñu del ciclu d’autocine o cola franquicia de llibreríes Re-Read, amás de los propios diseños qu’ella mesma crea pola so cuenta y el fanzine Yo no soy esa, fechu pa reflexonar y desfogar.

Nieve Sita

María Ortiz

Mónica Jiménez ye artista gráfica, promotora d’igualdá de xéneru y monitora d’ociu y tiempu llibre. Entiende l’arte como ferramienta de cambéu personal y social y, poro, colos sos trabayos pretende ayudar a les persones y contribuyir na midida de lo posible a algamar una sociedá xusta ya igualitaria.

El so últimu trabayu espositivu foi en setiembre de 2022 nel palaciu de Valdecarzana d’Avilés. Na amuesa, titulada Indispensables, fai un repasu de la so trayectoria, con una obra qu’espeya a la perfección el so activismu y calter reivindicativu. En palabres de l’autora, ye «reflexu de deseos y esmoliciones, buelga de dolores, denuncia de les inxusticies, memoria histórica feminista, solidaridá ente pueblos, anticolonialismu… ye tomar aliendu nos malos momentos pa poder volver alendar».

Flavia Álvarez-Pedrosa Pruvost, meyor conocida como Flavita Banana, ye ilustradora, viñetista y dibuxante asturiana. Estudió Arte y Diseñu y el Ciclu Superior d’Ilustración na Escuela Massana. El conxuntu de les sos viñetes y trabayos tresmiten un mensaxe feminista que trata de destruyir estereotipos.

L’artista asturiana, amás, tien collaborao selmanal y mensualmente con delles publicaciones de gran importancia, como SModa, Orgullo y Satisfacción, El Salto o Mongolia, ente otres. Dende l’añu 2018, Flavita Banana entama a collaborar con El País, La maleta de portbou y Jotdown. Flavita Banana tien como referentes a la hora de crear a autores reconocíos como Quino o Jean-Jacques Sempé, Serge Bloch, Chaval y Claire Breteche.

Tien publicao delles obres, siendo Las cosas del querer (Lumen, 2017) el so primer llibru como autora, al que-y sigue, nel mesmu añu, Archivos estelares (¡Caramba!, Astiberri Ediciones, 2017).

Mónica Jiménez

Flavita Banana

Mar y monte

Les escursiones de Vero Suari

Nel sector gastronómicu, mezclar los frutos de la mar y del monte con ingredientes a priori cenciellos considérase una auténtica esquisitez, y güei vamos aplicar esta receta a la nuesa escursión, pasando de cumes caravienses a sableres ribeseyanes… Pero, como tou menu del día lleva a lo menos dos platos, de segundu espéranos una trampina bien orixinal.

Pali que pali, el nuestru camín pindiu va llevanos a un cruce pa tirar escontra la Forquita o escontra’l Picu la Gobia. Nós, que vamos pa la Forquita, hemos xirar a la esquierda, per un ramal que nos empobina hacia una antena de telefonía móvil, y dende ellí vamos ver el panel informativu del picu y la so cruz de madera. Per aquella zona tiénense unes vistes privilexaes del Mar Cantábricu y acolúmbrase dende Llastres hasta Ribeseya.

Cuando volvamos sobre los nuestros pasos hasta la bifurcación podemos subir al Picu la Gobia (hai que tener en cuenta que son un par de kilómetros con una subida empruna) o desfacer el camín pa siguir la escursión al conceyu vecín.

La subida a la Forquita ye una ruta perguapa y bien curtia, qu’en namás dos hores pue rematase pa siguir descubriendo requexos impresionantes de les cercaníes.

«Cuando’l Picu la Forquita pon carapiella, Caravia Baxa se mueya»

Itinerariu: Caravia l’Alta / Prado (130 m)Colláu La Forquita (303 m) - Picu la Forquita (357m)

Dificultá: Fácil (apta pa neños)

Distancia: 4,5 kms aproximadamente (dir / volver)

Caravia ye’l tercer conceyu más pequeñu d’Asturies y casi la metá de les cases del conceyu son segunda residencia o vacacional, lo que lu convierte n’otru exemplu más del despoblamientu rural que sólo se llena de vida cuando llega’l branu.

Entamamos ruta dende Caravia l’Alta / Prado, capital del Conceyu, onde una señal nel centru’l pueblu va indicanos el camín subiendo ente la viesca de castañales y ocalitu y, en malapenes un kilómetru, va asitianos nel Colláu pel que discurría una ruta pa sacar el mineral de fierro que s’estrayía del conceyu.

A 15 minutos en coche dende Caravia l’Alta / Prado vamos atopar na carretera, a la nuestra esquierda y en dirección al pueblu de Vega, un llugar únicu esculpíu pol ríu Acebu y el sal de la mar: el pequeñu escobiu d’Entrepenes, yá nel conceyu de Ribeseya. Constitúi un paisaxe peculiar que nun ye fácil d’atopar na nuestra tierra, tan averáu a la costa, gracies a l’acción de la sablera de Vega, que ta namás a un par de kilómetros. Esti guapu arenal cuenta con un modestu pero valiosu sistema dunar. Amás, tampoco hai qu’escaecer que tovía tamos na conocida como costa xurásica, que va de Xixón a Ribeseya, y prueba d’ello ye que con marea baxa entovía pue vese equí una buelga de dinosauriu.

A lo último, depués del mar y del monte, pasamos a otra especialidá: ¡una trampa dulce! Y d’esta tenemos dellos exemplos nel pueblu de Vega, onde un artista llocal, Fernando Ordóñez, fixo auténtiques maraviyes nes paredes del pueblu engañando’l güeyu y faciéndonos creer que tamos viendo un caballu asomáu o’l Picu Urriellu. Dende’l pueblu paga la pena subir un camín pindiu qu’en solo 15 minutos lleva hasta un bancu con vistes directes y espectaculares de la costa.

Mesmo l’escobiu como la sablera fueron nomaos Monumentu Natural nel añu 2001.

Mio güela: Celestina

Nun sei qué dicivos que nun dixera tantas veces, va pa tres años que nos deixóu ya cuéstame caru poder miralla nas semeyas ya auilla nas grabaciones, foi media vida al par d’ella ya contéi que nunca me podía deixar porque foi’l miou raigón ya’l mióu gordón, foi tolo que me garraba a esti mundu ya d’ella foi d’ou you garrei la pasión a lo nueso, a esta fala ya esta cultura, a esta tierra de la que nunca saliera ya au empicipióu ya acabóu los sous días.

BULITA ya la forma amorosa que tenemos los pésicos pa llamar a las que fonon todo pa nosoutros, buela, bulita ya buelu, bulitu, las figuras que siempres marcaron la nuesa crianza na familia troncal del mundu rural asturianu ya colas que más arimu tuviemos nestas montañas. Cada día tinía una entruga pa ella, un cantar ou una palabra, un dichu ou una llenda, foi cancioneiru ya dicionariu, foi buela ya madre, foi amiga ya quixu a Ram como un nietu más nun mundu au los más nuevos nun entendian nada.

Cada primavera cantaruxu aquel estribillu que tanto-y prestaba… para la primavera mi amante viene, ya entós vuelve a pasame la hestoria ponte la memoria, el tiempu cuerre con priesa ya tenemos que tar mui arimaos a tolas Celestinas que nos quedan. You sei que fomos mui felices ya nun perdiemos el tiempu.

Xosé Ambás

Colunga, un conceyu pa la muyer emprendedora

El conceyu de Colunga ye ún d’esos conceyos d’Asturies que nun cunta cola gran población que tienen otros llugares como, por casu, Xixón o Uviéu. Sicasí, la xente d’esti conceyu oriental ye de gran valir, como amuesen les tres muyeres emprendedores de les que vamos falar darréu.

Ana Labad,

La propietaria d’Anchoas Hazas túvolo perclaro dende un primer momentu. Ana Labad, anque nun ye asturiana de nacimientu, quixo quedar a vivir nun sitiu que ye consideráu como ún de los pueblos más guapos d’España. Tanto ella como la so familia refugaben marchar de Llastres tres un periodu nel que Labad tuvo desendolcando dellos trabayos rellacionaos colos sos estudios, mesmo qu’otros que llegaron a les sos manes por tradición familiar.

La idea de llanzar una empresa d’anchoes vien,

precisamente, de la tradición del pueblu, onde munches de les muyeres fueron trabayadores de les conserveres de bonitu y anchoa que Llastres abellugaba va años. Entamar la so idea dende l’entornu rural ye una de les ventayes que la madrileña destaca, onde la cercanía coles instituciones que sofitaron de mano’l proyectu foi esencial pa sacalu alantre.

Ana Labad nun tuvo nenguna dificultá por ser muyer emprendedora. Sicasí, remarca que’l trabayu de conserveres foi siempre un trabayu de muyer y que tuvo muncha suerte nello. Pa ella, ye un arguyu algamar el premiu a la Muyer Rural nel añu 2021, muncho más que los premios que la so empresa pudo consiguir a lo llargo de los sos años d’esistencia, y agradez qu’haya iniciatives como esta pa visibilizar el trabayu de les muyeres. Agora, na conservera prepárense pa baxar al pueblu y siguir creciendo.

Teté,

Gelu, la creación en llibertá

El trabayu de la redera Teté ye, sobre too, una pasión. Anque nun ye de familia pescadora, sí lo ye l’home. Pola mor d’ello anicióse nesti mundu… y descubrió que-y prestaba’l trabayu de texer, polo que s’apuntó pa deprender l’oficiu. Conocer la esperiencia d’otres rederes y viaxar per otros llugares onde l’oficiu tien anguaño más raigañu que n’Asturies llevó a l’asturiana a crear una asociación, nun procesu que duró dos años en busca de xente que trabayara nesta xera, anque llamenta que cada vegada seyan menos.

La condición de trabayu estacional fixo que la emprendedora pensara n’otres xeres pa caltener el so proyectu. Asina, preparó visites guiaes p’amosar cómo ye’l procesu de creación de redes y abrió una tienda con productos fechos por ella mesma na nave na que desendolca tol trabayu.

Teté sorraya la dificultá del trabayu y apunta que ser únicamente redera ye dalgo cuasi imposible anguaño. Amás, señala que’l mundu de la pesca ye mui conservador y la presencia de muyeres nel desendolcu de les redes tuvo opiniones enfrentaes, magar que, a poco y a poco, van ganando puestos y consiguiendo que se valore’l trabayu que faen, un trabayu imprescindible pal arte de la pesca.

El suañu d’emprendimientu de la creadora de La Factoría de Pamplinas tenía que llevar la so enerxía y les sos idees, siempre cola llibertá como elementu esencial y tratando de camudar la manera de consumu nel ámbitu de la moda. Xenerar un proyectu de slow fashion yera l’oxetivu principal, alloñándose del consumu de mases que se fai anguaño.

El mundu rural ye imprescindible na vida de Gelu, que va yá munchu tiempu que decidió que vivir n’harmonía cola naturaleza yera’l modelu de vida que quería pa ello, pero tamién pa los sos fíos. D’esa manera, llegaron a Colunga dende Catalunya, coles mires de facer un proyectu a llargu plazu que s’estableciera nel conceyu.

La emprendedora cunta cola suerte de que nun tuvo dificultaes nel so trabayu por mor de la condición de xéneru como tal, quiciás, como diz ella, por ser un trabayu mui feminizáu. Sicasí, per otra parte, señala la dificultá de ser madre al empar y concilialo col trabayu, sobre manera na zona rural. Pese a ello, Gelu nun s’arrepiente y volvería facer les tres xeres: emprender, ser madre y vivir nel mundu rural.

el caltenimientu de la tradición de les redes

¿Cuánto sabes de la muyer n’Asturies?

1.- ¿Qué llabor facíen les muyeres na mina d’Arnáu?

a) Barrenistes

b) Llavadores

c) Picadores

2.- ¿Ónde tien especial importancia la muyer rural en Grau?

a) Nel sector servicios

b) Nel mercáu

c) Na hostelería

3.-¿En qué añu s’espublizó’l llibru de Matilde de Soignie?

a) 1890

b) 1855

c) 1839

4.- ¿En qué país trabayó Margarita Salas la mayor parte de la so vida?

a) Suiza

b) Kuwait

c) Estaos Xuníos

5.- ¿En qué añu peslló la fábrica de les cigarreres?

a) 2002

b) 2006

c) 2016

6.- ¿Cómo se llama’l documental del feminismu en L.lena de Juan Francisco Santos Pérez?

a) Subiendo al techu

b) Rompiendo’l techu

c) Una cuestión de xéneru

7.- ¿Cuála yera la empresa de conserves más grande en Ribeseya?

a) Conservas Albo

b) Conservas Güeyumar

c) Conservas Scola

8.- ¿Ónde punxo clase la mayestra Esperanza Rodríguez Cerdán?

a) Corvera

b) Cuideiru

c) Colunga

9.-¿Qué llabor desempeñen Flavita Banana, Nieve Sita, Mónica Jiménez y María Ortiz?

a) Estilistes

b) Mecániques

c) Ilustradores

10.- ¿Cuálu ye’l trabayu de les muyeres emprendedores de Colunga?

a) Conservera, redera y modista

b) Conservera, redera y hostelera

c) Redera, modista y minera