ViaxAst 21, la revista de VerAsturies.com

21

¡Bones fiestes!

El nadal de siempres

El Nadal ye una dómina del añu na que tenemos la oportunidá de percorrer Asturies y vela d’otru xeitu. Les lluces, los adornos, l’ambiente nes cais de les ciudaes y los pueblos d’Asturies, los mercaos navidiegos… danmos estos díes una xida pa tornar a llugares que perconocemos yá.

Llega’l Nadal y torna con cierta normalidá. N’Asturies siguimos recuperando y conservando vieyes tradiciones que vais atopar nesti númberu de ViaxAst, como’l Guirria, el nataliegu o’l ramu de Nadal.

Amás, apostamos otra vegada pol regalu con acentu asturianu, pola promoción de los mercaos navidiegos que se celebren per Asturies y por planes pa facer nos guapos espacios que mos ufre la naturaleza del país.

Esti númberu 21 de ViaxAst, la revista de VerAsturies.com, ufre un paséu per munchos d’esos planes navidiegos que vamos atopar n’Asturies nestos meses finales d’añu y d’arranque del 2023.

Si lo que te presta ye la cocina, ye’l momentu d’esperimentar y facelo cocinando’l to propiu roscón de Reis. En terminando la revista nun dexes de ponete a prueba col cuestionariu final, pa conocer cuánto sabes del Nadal n’Asturies.

Ye’l tiempu del nataliegu y l’Anguleru, del Fin d’Añu y los Reis… Tiempu de caltener la ilusión tengamos los años que tengamos. ¡Bones fiestes y bayurosu 2023!

Esfruta d’estes fiestes en familia, con amigos o como más te preste, p’arrancar l’añu nuevu con toles ganes y tol puxu posible.

Inaciu Galán

N’Avilés, onde tán los suaños navidiegos

El Nadal n’Avilés siempres ye dalgo emocionante y que se vive con muncha ilusión na villa, porque ye daqué diferente a les demás celebraciones. Mientes les feches navidiegues, el centru de la villa del Adelantáu, corazón de les iniciatives socioculturales, enllénase de lluces bien prestoses, un ambiente familiar envidiable y una montonera d’actividaes pa tou tipu de xente que quiera esfrutar de los suaños, que siempres pruyen nestes feches con más fuercia que nunca. Porque nun fai falta muncho pa qu’una simple tarde pasiando peles cais d’Avilés se convierta nuna tarde de película.

Avientu ye’l mes navidiegu y n’Avilés preparen con bien de ciñu una programación que nun dexa indiferente a naide. Esti añu’l reclamu más llamativu va ser el Pabellón de la Madalena, que va cuntar con pista de xelu, tobogán, hinchibles, noria y visita a Santa Claus en Laponia, amás de talleres, actividaes y lludoteca de baldre, dientro del Plan

Corresponsables pa favorecer la conciliación familiar. Too ello, presidío por un gran árbol de Navidá nel centru del recintu. El pabellón nun queda namás nesto, sinón que va adaptase a les posibles necesidaes del públicu y va tener una zona dedicada a la hostelería hasta’l 7 de xineru.

Con too, la maxa del Nadal va dir más allá: la pista de La Esposición y el parque de Les Meanes van acoyer atracciones de feria clásiques ya infantiles, asina como’l Mercáu Artesanu de Nadal, que yá ye una tradición más. Xunto a tola programación y ufierta d’ociu y cultura, tamién va haber un tren navidiegu que va percorrer les principales cais del cascu urbanu, enllazando en determinaos horarios col Pabellón de La Madalena. Una programación navidiega que nun podía rematar d’otra manera que con un espectáculu que llega a Avilés pela primer vez: un espectáculu de cien drones qu’esnalarán sobre la ría faciendo delles figures de temática navidiega que la empresa

Flock Drone Art va desenvolver el miércoles 4 de xineru, a partir de les 21 hores, y qu’encamienta a la población que la siga dende la plaza del Centru Niemeyer, llugar dende’l que va gociase de la meyor perspectiva p’apreciar les figures y siguir l’espectáculu visual col soníu que lu acompaña.

Son munches les propuestes qu’alcontramos nes feches navidiegues na villa del Adelantáu, pero’l Nadal n’Avilés nun se pue entender si nun ta presente’l comerciu llocal. Los negocios del cascu urbanu avilesín son una parte esencial de l’actividá y la vida. Toa actividá d’ociu y cultura ha dir acompañada d’un sofitu a esti sector que vive nestos momentos un tiempu duru, nel que les grandes empreses lleven munchos beneficios, mentanto qu’ellos namás sobreviven con feches como les del Nadal. Porque pensar de manera global tamién ye facer gastu nos pequeños comercios de sitios como Avilés, que ponen ciñu na so manera de vender y nos escaparates qu’adornen pa que l’espíritu navidiegu nun marche de los más mozos, pero tamién de los mayores.

N’Avilés creen que la conciliación familiar ye bien importante y ye por eso polo que van ufiertar a les families, de baldre, actividaes llúdiques empobinaes por personal cualificao pa neños ente 3 y 7 años. Ente les diferentes propuestes alcontramos, por casu, FuturAvilés/Robotix, destinao a neñes y neños d’ente 6 y 12 años que quieran somorguiase de manera llúdica y didáctica nel mundu de la tecnoloxía, ensin necesidá de conocencies previes. Propónense cuatro talleres: Robótica, Diseñu de videoxuegos, Stop Motion (crea’l to curtiu d’animación con Lego) y Creación de cómics con Lego.

Por ello y por muncho más, el Nadal vívese n’Avilés como nun se vive en nengún otru sitiu y ye’l llugar más afayadizu pa esfrutar del descansu y ociu nel mes d’avientu. Y si quies rematar estes fiestes de la meyor manera, Avilés ye espíritu de Rock n’Roll y el 7 de xineru la escena musical avilesina va rendir homenaxe a tolos grupos que marcaron la escena músical de la villa. Esti añu, el Nadal ta n’Avilés.

Descubri más: aviles.com

Valdés vuelve enllenase de camelies

Pensar en Valdés ye pensar nun conceyu enllenu d’ablucantes requexos d’esos que nun yes a escaecer cuando los ves per primer vegada. Y non namás pol so allugamientu privilexáu, que permite a L.luarca ser un sitiu ideal pa una intensa actividá, mesmo comercial que pesquera pel so puertu. Un paisaxe paradisíacu del que cualesquier persona pue esfrutar visitando, por exemplu, el promontoriu onde ta’l faru de L.luarca, onde se ven mar y monte xuníos como un cuadru perfeccionista. Val con un paséu curtiu per esti guapu conceyu del occidente pa decatase de que cuida enforma la naturaleza, la cultura, el paisaxe y tolo que lu compón, non solo na villa, sinón en tola redolada.

cuende esti llugar y por muncho más, una bona propuesta pa relaxar y fuxir del mundanal ruíu ye caleyar pelos senderos del xardín y respirar l’aire puro que se siente equí.

La viesca-xardín de la Fonte Baxa ye un claru exemplu d’esi cuidáu. Un espectacular espaciu natural, cultural y paisaxísticu, llugar imprescindible si visites L.luarca. Dende esti sitiu pues tener unes vistes ablucantes de tola costa valdesana y de los conceyos que llenden con ella, l’Atalaya o’l conocíu cementeriu, onde descansen na paz eterna ilustres como Severo Ochoa, científicu y Premiu Nobel de Medicina, o Gil Parrondo, director artísticu con premios Goya y Óscar, anque tamién personaxes populares de la hestoria del conceyu como Carminina, la vaquera universal. Asina que, por too ello, por toles sorpreses qu’es-

Nesti paséu que recomendamos va poder alcontrase un garrapiellu de variedaes de delles especies, como camelies, rododendros, carrascos, texos, abedurios… y un llargu etcétera de plantes y árboles perguapos de delles partes del mundu, como los cedros del Himalaya o’l Llíbanu. Nesti xardín tamién s’alcuentren verdaderes ayalgues vexetales y que son bien almirables, onde se mecen especies autóctones y exótiques como, por casu, el pládanu xaponés -que pasa de los 250 años d’antigüedá- o l’algarrobu milenariu.

Sicasí, non solo son especies vexetales lo que s’atopa na Fonte Baxa… auténticos elementos arquitectónicos de los cinco continentes tán tamién presentes equí y caún tien la so propia hestoria o peculiaridá, polo que somorguiase nos sos senderos implica tamién conocer otres tradiciones.

La viesca-xardín de la Fonte Baxa ye ún de los llugares imprescindibles nuna visita a L.luarca, un sitiu onde les camelies son protagonistes pola so bayura nel paséu pela naturaleza de la villa blanca. Una bona oportunidá

pa ello ye en febreru, el mes nel que se celebra la Esposición de camelies Villa de L.luarca y que cumple en 2023 la so octava edición, depués de que nel añu 2022 pasaran miles de visitantes a esfrutar de les flores pel Colexu Públicu Padre Galo y unes 400 persones esfrutaran de los xardinos de la Fonte Baxa. Nesta ocasión, va celebrase mientres los díes 25 y 26 del mentáu mes y na mesma llocalización, onde una montera de variedaes de la protagonista del festival, la camelia, van tar presentes. Una variedá que va ser espuesta polos mayores coleccionistes d’España y Portugal.

Esta esposición, que yá ye casi una tradición na capital valdesana, entamó a facese por una iniciativa de Laura Rodríguez, una viverista de camelies de la zona que nos dexó nel mes de xineru del añu 2020, mentanto que’l so home, Rafael Ovalle, foi’l diseñador de la viesca-xardín de la Fonte Baxa de la que venimos falando.

Anguaño collabora desinteresadamente pa recuperar y caltener esi espaciu. Amás, xunto coles sos fíes, sigue trabayando nel viveru y ye ún de los grandes esportadores de camelies a Europa.

Por eso, la visita a L.luarca y Valdés nel mes de febreru ye casi una obligación. Un paséu pela villa y la so redolada van namorate y, por si fuera poco, cultura, paisaxe y naturaleza axúntense na viesca-xardín de la Fonte Baxa dexando na to memoria un recuerdu qu’enxamás vas olvidar.

Descubri más: valdes.es

Castrillón invierte na so xente

Los últimos años nun fueron de bayura no tocante al dineru pa les empreses pequeñes. Ello ye que l’andanciu de Covid qu’atacó’l mundu dexó la nuesa economía bien mermada, siendo los pequeños comercios los que más tuvieron que sufrir les consecuencies, al producir, en xeneral, un menor consumu y unos precios más altos. Agora, nuna situación de crisis por otros motivos nel contestu internacional, son ellos tamién los que tán pasándolo mal. Lo menos que podemos facer con ellos ye da-yos un emburrión, por pequeñu que seya, mercando nel comerciu llocal a lo llargo de tol añu, pero sobre manera nestes feches navidiegues, que ye cuando hai más consumu nes cais. En faciéndolo, taremos sofitando a la nuesa xente, a los nuesos vecinos.

económica del pueblu, la corporación municipal collabora xunto cola Asociación de Comerciu y Hostelería de Castrillón (Castricon) pa fomentar y promover l’actividá económica de les empreses y llocales del conceyu. La páxina web www. comerciocastrillon.es sirve como plataforma de difusión de la iniciativa na rede y nella sopeléxense anuncies d’interés, conseyos y midíes pa comerciantes y consumidores, arriendes d’una guía colos profesionales del sector que collaboren na campaña.

Precisamente, col enfotu de consolidar esi bien común, de cuidanos y d’afitar redes collaboratives ente la nuesa xente, ún de los finxos fundamentales ye reconstruyir el texíu social y económico dende una perspectiva llocal. Poro, dende’l Conceyu de Castrillón quier dase continuidá a la campaña entamada baxo’l nome Invierte en tu gente / Invierte na to xente, cola fin d’afalar el consumu nel comerciu y establecimientos hosteleros de proximidá. Siempre cola meta de sofitar l’actividá

Asina, los oxetivos d’Invierte en tu gente / Invierte na to xente pueden resumise nes estayes que siguen: reactivación y recuperación económica. Ye’l momentu de devolver la confianza a la xente trabayador del conceyu, de da-yos l’encontu pa reabrir los sos establecimientos y d’animar a la ciudadanía a que consuma productos cola marca Castrillón. D’esti mou, cola ayuda de toes y toos, va contribuyise a dinamizar la economía llocal, van xenerase nuevos puestos de trabayu y va estimulase l’apaición de nueves propuestes emprendedores que sumen activos a la riqueza material y simbólica municipal. Esta bayura social tamién ye salú. Garantía de sostenibilidá y calidá pa la xente castrillonense.

Arriendes de participar de la dinamización económica del conceyu, dase puxu a un mou d’entender los intercambios comerciales d’una manera muncho más sostenible y segura. Ensin falta de facer desplazamientos innecesarios, a la vera de casa, profesionales de distintos sectores ufren los sos productos y servicios de la máxima calidá al traviés d’una atención personalizada y con tol procuru que merecen los vecinos. Per otra parte, les persones que visiten el conceyu tamién van poder esfrutar de les bondaes de los nuesos comercios y establecimientos especializaos.

Ye probable que t’averes a Castrillón pa conocer meyor la so hestoria, marcada pola guapura de les güelgues medievales que dexaron el Camín de Santiagu o’l Castiellu de Gauzón. O, quiciabes, prefieras percorrer los sos pueblos y almirar los paisaxes, moldaos cola llegra de la minería y el mar. Lo mesmo prefieres optar pola ufierta cultural y deportiva del conceyu y t’animes a garrar unes foles nes impresionantes sableres castrillonenses. Seya la que seya la to escoyeta, vendrás a conocer Castrillón, pero quedarás pol tratu de la so xente, pola so gastronomía saborgosa y por afayate como en casa faciendo pueblu.

Pa rematar, el fechu de sofitar el comerciu llocal persigue dalgo tan cenciello y capital como ye facer pueblu. Ensin dulda, les tiendes, los chigres, los restoranes, les iniciatives turístiques y empresariales son l’aliendu d’un llugar y, tres de caún d’estos proyectos, hai milenta persones que ponen tol procuru y ciñu n’ufiertar la meyor atención a los veceros. Demostremos que confiamos nellos y nelles y devolvámos-yos tou esi ciñu. Alitemos Castrillón. Invirtamos na nuesa xente.

Los sidros y comedies de Valdesoto, cultura esencial d’Asturies

Si hai n’Asturies una tradición con munchu puxu anguaño esa ye la que se fai, de magar l’añu 2004 en Valdesoto, colos sidros y comedies. Pal caltenimientu d’esta actividá y tradición tan guapa tenemos que da-yos les gracies a un grupu de mozos del pueblu. Tal y como vemos güei, la tradición recuperóse nel 2004 de la mano d’esi grupu de xente mozo axuntaos al rodiu de l’Asociación pola recuperación de los Sidros y Les Comedies El Cencerru.

El nome de guirriu ye más xeneral nel restu d’Asturies como, por casu, en Ponga, pero en Siero y Bimenes conózselos por sidros. Sobre la procedencia del nome hai delles teoríes: según Constantino Cabal, la palabra guirriu procede del llatín GUERRIRE ‘saltar de gozu, retozar’, en clara referencia a una de les sos funciones. Pa Fausto Vigil, procede del euskera OGUERRIA, que significa ‘Navidá’.

Hai entá otra opinión qu’indica que guirriu vien de guirriar ‘rir’. Sobro’l so orixe, Fausto Vigil considera que los sidros (entendiendo por talos el conxuntu formáu polos sidros y la comedia) son l’últimu esllabón de los autos sacramentales que se representaben nes ilesies y, dempués, fuera d’elles. Juan Uría camienta que’l so orixe ta nes celebraciones de los pueblos primitivos. Según otra consideración, y mitolóxicamente falando, el guirriu sedría la reencarnación de los vieyos mitos griegos y romanos del Silván, del Faunu y del Busgosu, escorriendo a les muyeres pa dexales embarazaes.

Pa la pallabra sidru búscase davezu una salida fácil, como que s’afitaría asina pola so rellación cola sidra. Pero esto ye daqué que s’allueña de la realidá enforma. En verdá, procedería, según la teoría del hestoriador Juan Uría Ríu, de los ritos de los pueblos primitivos, “onde los miembros de la cla buscaben bien la protección del animal totémicu, amarutándose coles sos pieles, o bien la fecundidá de les persones”. Asina lo reflexen Rosa María Villa, Javier Díaz y Gregorio Fonseca nel so estudiu sobre les costumes y tradiciones sierenses publicáu en El llibru de Siero.

Estos autores, que participen parcialmente de la teoría d’Uría Ríu, consideren los sidros como “perantigües mázcares totémiques, emparentables o reencarnables n’otres que s’usaben nos ritos griegos y romanos del Faunu y Silván y del Busgosu”. Y añaden: “tenemos de consideralos como símbolos d’antiguos ritos parateatrales que se celebren pa festexar el pasu del iviernu a la primavera”. Y asina, dende fai milenios, llegaron a los nuesos díes.

Estos homes y muyeres antroxaos recuperen l’espíritu del Antroxu asturianu y de les tradicionales celebraciones de mázcares d’iviernu. Los homes-oveya, con mázcares coloraes saltando peles caleyes, faen sonar les llueques mientres qu’acompañen la comedia, que consiste nuna representación sarcástica de teatru popular críticu y burllón.

Demientres la celebración d’esta tradición son delles les actividades a les que se pue echar una güeyada na parroquia sierense, como’l saltu con piértiga o la comedia. Nel primer casu, el meyor sidru yera d’antiguo el que meyor saltara. Pa ello, llevaben un palu llargu d’ablanu que facía de piértiga. En munches ocasiones, sobremanera si ente ellos esisten rocees amistoses, cuando tán no más alto de la so trayectoria faen xirar la piértiga y el so cuerpu, describiendo ún y hasta dos círculos completos antes de volver al suelu. Una tradición que solía y suel empecipiar namás que rematen les comedies, que son protexíes polos sidros, y cada añu representen una que cunta les noticies d’actualidá d’Asturies y del mundu.

Nel añu 2022, Comedia de nueva normalidá foi’l títulu de la comedia representada, y nella falóse de les vacunes, les midíes adoptaes al rodiu de la COVID-19 y el deséu común de que se terminara. La nueva llei d’educación, la xubida del preciu de la lletricidá, la oficialidá o los presupuestos del Estáu fueron otros temes presentes na obra. Agora, tamos naguando por conocer los temes de la nueva comedia que’l 10 de xineru va reunir una montonera de xente nes cais de Valdesoto. ¿Anímeste a visitar y conocer esta tradición?

Descubri más: sidrosycomedies.es

Nos últimos años, estes comedies son escrites por José Ramón Oliva, economista, escritor de teatru ya impulsor del teatru costumista.

Les cabalgatesenllenen les cais d’ilusión

Una de les feches más especiales del Nadal, sobre manera pa los más pequeños de la casa, ye la llegada de los reis col empiezu del añu y de xineru. El 6 de xineru ta marcáu n’encarnao pa los guah.es de toa Asturies (y cuásique del tol mundu) con ilusión, magar qu’eso suponga tamién la fin de les vacaciones, pero la víespora munches vegaes ye, si cabe, más especial entá. La maxa del Nadal asocede xusto delantre de les ñarices de la reciella de la casa y, anque “el trucu” seya evidente pa los adultos, ye inevitable acabar contaxándose tamién de la maxa qu’arrodia l’ambiente folixeru y allegre de les cabalgates de los Reis Magos que pasen peles cais de les estremaes ciudaes y pueblos asturianos.

Ye por eso polo que, cuando esti añu entamaron a anunciase delles cabalgates, los güeyos de los guah.es de toles edaes d’Asturies allumaron de felicidá. Y nun sedría estraño pensar qu’otros conceyos vayan sumándose a la iniciativa y dando anuncia oficial del regresu de les sos cabalgates nuna nueche máxica.

La vuelta de les cabalgates significa la vuelta de la ilusión a les cais d’Asturies y a los nuesos corazones nun momentu nel qu’entamaba a facenos muncha falta, tres d’un añu llargu de restricciones ya incertidume.

Nesta nueche tan máxica, de sópitu, les cais de les nueses ciudaes y los nuesos pueblos enllénense de bailles, malabares, carroces y, sobre too, d’ilusión. Por esta razón, cuando l’añu pasáu tuvieron que se cancelar tantes cabalgates, dalgo morrió dientro de munchos de nós, y abondos neños vieron rota la so ilusión.

Coles feches navidiegues a la vuelta del calendariu, el cinco de xineru ye’l día clave n’Asturies pa munchos nenos, que van salir a la cai a esfrutar de los reis magos, ente conversaciones por ver cuál ye’l so favoritu. La maxa navidiega y real ta a piques de llegar y esa ilusión nótase na xente, qu’aguarda’l momentu agüeyando les luces qu’adornen les ciudaes.

Les cabalgates d’esti añu representen esperanza. La esperanza de tar muncho más cer-

ca d’una normalidá qu’allume les nueses cais d’allegría y ganes d’axuntanos toos y toes pa pasalo bien. Nun hai dulda que’l regalu qu’esti añu mos tienen preparao los Reis Magos ye bien especial.

Porque seyas neñu, mozu o yá nun seyas nin ún nin otru, los Reis Magos siguen calteniendo en toos nós una ilusión y una maxa que nun tienen preciu. Quiciás seya esa la maxa de la Navidá.

Les recomendaciones de Ver Asturies

El Pintu

Cai La Llibertá, 11 - La Pola Llaviana

Teléfonu: 984 045 505

Sidrería Tar d’Abéu

Cai María Bandujo, 1, - 33201 - Xixón Teléfonu: 984 491 538

Bar El Mercáu Recintu ferial - La Pola Llaviana, Teléfonu: 627 415 341

Chigre Musical l’Abellugu C. Ramón y Cajal, 13, 33600 Mieres

Casa Alicia

Av. del Mar, 2 - Piedrasblancas, Castrillón

Teléfonu: 985 531 072

Sidrería Montera - Casa Güela

Cai la Unión, 1 - Avilés

Teléfonu: 985 579 402

Turismu activu n’iviernu

Anque munchos venceyen davezu’l conceptu de “turismu activu” muncho más col branu que col iviernu, l’actividá física ye dalgo que nun podemos dexar de llau. Magar el fríu, les actividaes qu’ufre esta estación tan incomprendida del añu son abondes y bien variaes, sobremanera al respective de los deportes y actividaes pa facer na ñeve. N’Asturies tenemos la gran suerte de contar con puertos qu’amuesen paisaxes increíbles, envidia de munchos requexos del mundu y motivu de peregrinaxe de xente de tol planeta. Falamos de llugares con bien de dinamismu y llocales qu’ufren actividaes de toa mena y pa tolos gustos, onde aburrise nun ye enxamás una opción. Tienes muncho onde escoyer y esfrutar del turismu activu n’iviernu.

Una alternativa d’ociu que suel prestar nestes feches ye’l senderismu de monte pela ñeve. Mientres esta época, na que la ñeve entama a facese pelos paisaxes asturianos, les rutes de raquetes na ñeve son, ensin dulda, les que más s’encamienten pa un iviernu diferente nel que posturiar d’esta peculiar escursión o, simplemente, esfrutar del paisaxe especial qu’Asturies ufre cuando ta cubierta de blanco. Anque suelen ser rutes que desixen un rendimientu físicu importante, amás d’un material abondo específico, Asturies cuenta con bien de compañíes que disponen de cursos d’aniciu y arriendu de material pa rutes d’esti calter. Pa families y xente con menos vezu de facer exerciciu, pero ganes d’entamar y de descubrir coses nueves, ye recomendable contactar

con esti tipu de sitios que guíen y ayuden a esfrutar de forma segura d’una ruta diferente pelos montes con rutes con raquetes en zones como San Isidro.

Dambes estaciones tamién son afayadices pa practicar snowboard, otru deporte de ñeve que ta ganando cada añu más puxu, sobremanera n’Asturies. El deporte, que consiste en descender pela ñeve enriba d’una tabla, ye percomplicáu y davezu tienen de siguise unes normes de seguridá bien estrictes pa evitar mancadures graves, yá que n’ocasiones pue resultar más peligrosu incluso que l’esquí. Por suerte, Asturies cuenta con dellos centros y profesionales qu’enseñen tanto a guah.es como a más mayores dende los niveles más baxos con tola seguranza que se precisa. Quiciabes seya pola semeyanza d’esti deporte col surf (un deporte con munchos raigaños n’Asturies), pol espoxigue de la so disponibilidá o un amiestu de dambes, pero lo que ta nidio ye que la popularidá d’esti deporte llegó pa quedar.

Otra actividá enforma prestosa y popular nesta dómina ye l’esquí. Asturies tien nel so territoriu tres estaciones d’esquí bien preparaes pal que-y preste esti deporte. La más conocida suel ser la de Payares, en L.lena, bien cerca de la llende con Lleón. Y ye que ye una de les estaciones d’esquí más antigües de la Península, que dispón d’un dominiu esquiable de 23 kilómetros y de les más escoyíes ente la xente esperimentao nel esquí. Per otru llau, tampoco podemos escaecenos de Fontes d’Iviernu, el complexu d’esquí asitiáu n’Ayer. La ventaya d’esti llugar ye que cuenta con 14 pistes d’esquí con dellos niveles de dificultá, polo que pue ser el sitiu perfectu p’aniciase nesti deporte, anque cuenta tamién con pistes pa xente más esperto que lleguen a más d’ocho kilómetros de llargor. La so estructura de remontes y pistes fai qu’esta estación pueda acoyer hasta unos 2.800 esquiadores per xornada.

Baxando’l nivel de peligrosidá, pasamos a un deporte de ñeve que tamién ye bien popular, n’especial en feches nadaliegues: el patinaxe sobre xelu. Y ye que nes caberes fiestes de Nadal tornóse yá una tradición en dalguna ciudá asistir a pistes de xelu y pasalo podre con familia y collacios. Anque nun ye una actividá fácil (magar que nun seya tan peligrosa como l’esquí o’l snowboard, ye imprescindible dir con cuidáu), les rises tán siempres aseguraes, mesmo pa los virtuosos qu’esnidien pela pista como ánxeles que pa los menos hábiles que vamos garraos tol tiempu a la barra pa nun cayer.

L’Antroxu, celebraciónunabien tradicional

Después de les fiestes de Nadal tol mundu queda con ganes de folixa, y xineru faise bien llargu ensin nada que celebrar aparentemente. Sicasí, al poco de rematar les feches navidiegues, la xente yá tien los güeyos puestos nel mes de febreru, porque tien llugar una de les fiestes más guapes y con más tradición n’Asturies: l’Antroxu. Ello ye que tola mocedá (y los que yá nun son tan mozos…) salen a les cais antroxaos de dalgunos de los personaxes más conocíos del momentu, y cada requexu d’Asturies tien una fiesta, qu’esti añu va desenvolvese demientres el tercer fin de selmana de febreru.

Tiempu atrás, los participantes del Antroxu pintaben la cara de negro con un corchu quemáu o sarriu. Yeren mazcaraes bien económiques. Facíense dos furacos nun cartón, trapu o madera, a mou de mazcaritu, y había vezu d’amarutase d’animales, utilizando les pieles del propiu ganáu. Lo más estendío per aquelles feches yeren, sicasí, los zarrapastrosos,

los probones o antroxos, del xéneru ancestral de les guirries y zamarrones que ciscaben l’aguilandu a finales del añu. Resultaba bien común camudase de sexu a la hora d’escoyer la vistimienta. L’home en muyer y la muyer n’home, una costume que foi bien criticada pola Ilesia, al considerala tresgresora de la moral. Los preseos musicales preferíos yeren llates, cazos, llueques, cuernos, pitos y turullos. Ritmos altaneros ya irrespetuosos que se siguen aldovinando güei nes notes de les charangues.

Esta celebración, que paez nun tener nengún calter políticu, tuvo prohibida per un tiempu llargu. Recuperóse cola llegada de los conceyos democráticos nos años 80 y, anguaño, l’antroxu guarda la esencia del antroxu primixeniu, anque fueren refinándose les formes y los vestuarios. L’enfotu d’invertir l’orde de les coses que trai consigo siguen trayendo actos «irracionales», humor fuera de control y folixes.

Pero l’Antroxu ye muncho más que la folixa cola xente antroxao. El xueves de comadres, dientro del antroxu asturianu, ye’l día dedicáu a la fiesta de les muyeres. Estes axúntense pa tastiar los platos típicos de les fiestes y baillar, como protagonistes absolutes, el día anterior al pregón que da’l pistoletazu de salida al Antroxu. Anque nun va tanto yera una fiesta esclusiva pa muyeres, a día de güei nun se dexa de llau a los homes, que tamién faen homenaxe a toles muyeres de la hestoria esti día. Una celebración de la que, amás, nun se sabe a ciencia cierta’l so orixe.

Dalgunes persones asócienla a fiestes sagraes o paganes del tiempu de los romanos. La diosa Xunu yera la diosa del matrimoniu y la maternidá y formaba parte de la triada capitolina. Nes calendes del mes de marzu, ye dicir, el primer día del calendariu romanu, celebrábase una folixa n’esclusiva pa muyes nel nome d’esta diosa, les Matronalies. Yera una fiesta na que, a lo llargo d’un día, les muyeres

casaes teníen los mesmos privilexos que los homes romanos.

Esta celebración enfocada pasó a ser una festividá de toles muyeres y perdió’l so sentíu sacru col pasar de los años y sieglos y, adulces, fueron afaciéndose elementos y actividaes populares pa esti día. L’orixe modernu o la recuperación de la fiesta n’Asturies tien llugar en La Pola Siero, dende onde se foi espardiendo pel restu de llocalidaes, como Avilés, Xixón o Uviéu, onde la fecha de celebración tien munchu puxu. Per otru llau, amás de ser una fiesta orixinal na que les muyeres asturianes tomen les cais y los chigres, foi incluyendo pocoñín a pocoñín un fuerte componente gastronómicu, y que ye anguaño’l principal motivu de la fiesta. Cada xueves de Comadres les muyeres axúntense en restoranes a comer el famosu “bollu preñáu”, que tamién recibe’l nome de “bollu comadre”. Sicasí, nun ye una folixa única d’Asturies.

Descubri más: ayto-castrillon.es

Volvemos en 6 munchominutos,más qu’un llibru de poemes

¿Dalguna vegada tuvisti faciendo zapping y sentisti que la to vida pasaba per delantre en seis minutos? Nun sabemos a ciencia cierta si foi lo que-y pasó a Diego Solís y, por mor d’ello, decidió escribir esti llibru. Sicasí, sabemos qu’esti proyectu, editáu por Cuatro Gotes Ediciones, ye muncho más qu’un llibru de poemes tradicional. Volvemos en 6 minutos ye un llibru n’asturianu innovador dafechu: colos anuncios que nos arrodien fai una obra poética qu’axunta tradición, cultura pop y una visión singular de la realidá dende un zapping televisivu. L’autor diz crear esti llibru y esti proyectu enantes y demientres el confinamientu provocáu pol andanciu de la COVID-19. “Pensando que neses redes sociales, neses series o neses películes y na publicidá que nos bombardia hai un llinguaxe poéticu que podemos faer de nueso y desautomatizar”.

El llibru, amás de tar entamáu d’esa manera conceptual, va poder lleese o escuchase, en cuantes que los poemes van dir en cada páxina con un códigu QR onde podrá sentise al autor recitar les composiciones. Amás, sofítase tol proyectu nes ilustraciones de la diseñadora gráfica Inés H., inspiraes nos poemes del autor. Poesía que se llee y siente, qu’entretién y emociona, que forma parte de la lliteratura, pero tamién del mundu qu’habitamos: poesía total. Preténdese, con ello, asoleyar una campaña publicitaria (qu’amás ye parte del propiu proyectu artísticu) ensin precedentes na lliteratura asturiana onde se faigan, colos poemes

y ilustraciones, camisetes, llámines, totebags, marcapáxines y artículos de promoción variaos, amás de vídeos promocionales orixinales con tales composiciones.

Al traviés de tola obra alcontrámonos con una llectura fácil y que viaxa ente la televisión y lo dixital. Como nun podía ser d’otra manera, Volvemos en 6 minutos anicia’l so camín dende la Televisión del Principáu d’Asturies y con daqué tan clásico de la cadena como una película de vaqueros que viaxa hasta Les Vegues y el so famosu cartelu, anque nesti casu fálase de Corvera, non de Nueva York.

TCM, Netflix, HBO… toa una bayura de plataformes y canales coles qu’esfrutar o rabiar tienen sitiu nesti proyectu a mou de crítica social con películes y series, como La Naranxa Mecánica, Black Mirror (o espeyu negru) o La Llamada, ente otres. Pero non solo eso. Nun mundu dixital onde la televisión va perdiendo fuercia, les aplicaciones del móvil garren tamién un papel bien importante na composición de Volvemos en 6 minutos, criticando la dependencia y la necesidá del so usu per parte de la sociedá en xeneral. Too ello pa rematar… como cuasi siempres rematen les canales de televisión: con una pausa publicitaria de contino que va de 6 minutos en 6 minutos, anque nesti casu la intención seya volver hasta lo eterno, daqué que cuasi se pue facer colos códigos QR qu’escuende cada poema del escritor xixonés.

De toles maneres, esti proyectu, como diximos, nun ye namás qu’un llibru y nun ye namás un trabayu del escritor Diego Solís. Detrás de tola xera gráfica ya ilustraciones alcuéntrase Ines H., diseñadora gráfica, y DJ. El Joker, Whitney Houston o Billy Elliot son dalgunos de los personaxes a los que la diseñadora se refier como complementu a dellos poemes, formando un conxuntu d’arte lliterariu y visual ensin precedentes na lliteratura asturiana y que tien el so formatu fuera del llibru con camisetes, taces, coxinos, marcapáxines o imanes, amás d’un llargu etcétera de productos.

Volvemos en 6 minutos ye’l proyectu nuevu y el más ambiciosu de Diego Solís, que supón el cuartu poemariu dempués d’Hágase abril (Ruleta rusa, 2018), Y el mundu marcha (Saltadera, 2019) y Cállanos con esa música (Impronta, 2019), col que resultó ganador del Premiu Asturies Xoven de Poesía en 2018. ¿Tais dispuestes a facer zapping d’una manera diferente? Entós posái’l mandu y garrái Volvemos en 6 minutos pa viaxar ente los versos del primer llibru de poesía qu’espubliza Cuatro Gotes Ediciones, dientro de la colección Matilde de Soignie. Y entamái a pasar páxina.

Descubri más: cuatrogotes.com

Espoxiguen les tradiciones navidiegues asturianes

La vuelta del tiempu del Nadal traduzse davezu na vuelta de tradiciones familiares bien prestoses que comúnmente compartimos cola xente que nos arrodia. Dende volver a ver familiares, collacios polos que naguábemos alcontrar, cenes y folixes y promeses d’un cambiu de dómina cola esperanza de resultar nuna versión meyorada de nós mesmes. Les decoraciones del Nadal, por supuestu, enllénennos de prestor recordándonos al veles toes estes coses que tán a piques de llegar.

Y ye que la preparación de les decoraciones navidiegues ye tan importante como’l Nadal mesmu, y nos caberos años les tradiciones asturianes d’esta dómina tán cobrando una importancia cada vegada más grande nes nueses cases. Los comercios llocales y les cases qu’usen n’Asturies el Ramu de Nadal y el Nataliegu como decoración navidiega espoxiguen per estes feches, y nun ye raro velos adornando los escaparates de les cais de les nueses ciudades, pueblos y villes. Un crecimientu qu’enllena d’una marca propia unes tradiciones que, de xuru, sedrán “de tola vida” pa futures xeneraciones.

Nel casu del Ramu de Nadal, cuenta con un orixe bien antiguu que nació como una especie de preludiu a la primavera y cultu a la fertilidá. Ye por esto que los antiguos celtes solíen preparalu con fueyes de texu o lloréu. Consiste nuna cadarma de madera de forma triangular na que s’alluguen 12 veles (una por cada mes del añu). D’ella pinguen delles ofrendes como chorizos, rosquielles o frutes.

Tocante al Nataliegu, ye una tradición tamién abondo antigua pola que les families quemaben el tueru d’un árbol cada 24 d’avientu. Dicíase que’l so fueu protexía la casa de rescamplos, degorrios y bruxes y garantizaba un bon añu pa la casa. Al otru día guardábase’l tizu y tirábense les cenices peles tierres, lo qu’aseguraba una meyor fertilidá.

Estes son namás dos de les munches tradiciones navidiegues que podemos alcontrar en munches de les cases d’Asturies, pero de xuru que conoces dalguna más. ¿Quiciás un home que llega a L’Arena con regalos pa los más mozos? Son munchos los exemplos, asina qu’esti Nadal vívese cola tradición asturiana.

Esti añu descubre Os Reises del Valledor

D’ente toles tradiciones ivernales qu’existen n’Asturies, hai una bien guapa y cuasi desconocida, pero que se sigue celebrando cada mes de xineru. Tamos falando d’Os Reises del Valledor, una costume que se fai na parroquia del Valledor, nel conceyu d’Allande, y que consiste nuna mazcarada que tresforma a los vecinos del pueblu col entamu del añu col oxetivu de cantar, baillar y pidir l’aguinaldu.

Os Reises del Valledor, asentaos de nueves nes celebraciones de la parroquia allandesa, dexó d’organizase mientres dellos años, en particular, ente la década de 1960 y 2009. Sicasí, ye precisamente nesi últimu añu cuando l’asociación Conceyu de Cultura Tradicional Vezos Ástures tomó’l determín de recoyer de la tradición oral tola información sobre esta comparsa pa que nun se perdiera y que llevaba mediu sieglu ensin celebrase. A lo cabero, l’Asociación Cultural Amigos de Fonteta asumió’l testigu tentando de recrear lo que se facía de vieyo y que col pasu del tiempu quedara nel olvidu.

La comitiva d’esta prestosa tradición ta formada xeneralmente por once personaxes habituales, que van acompañaos de dalgún gaiteru, un tamboriteru y un curdionista. Estos percuerren los pueblos de Vilalaín, San Salvador y Fonteta, parando en cada casa habitada (menos naquelles que tuvieren dalgún fallecimientu esi añu) pidiendo l’aguilandu. Davezu, ye El Choqueiro el qu’encabeza’l grupu, faciendo sonar les ‘llueques’ que suel llevar

colgaes pela cintura. El Choqueiro d’os Reises, que va coles llueques col envís de dar anuncia de la presencia de tola comitiva, ye una de les representaciones que los vecinos escueyen d’ente delles persones y que tien el sentíu de premiu, con muncha importancia pa los habitantes d’esta parroquia.

La Barredora dedícase a emporcar más de lo que llimpia; La Cardadora siempres ta nos sos llabores d’atopar pioyos ente’l pelo de la xente más que de cardar la llana; El Ródalo tamién ta de contino faciendo trastaes, tirando tierra, piedres, lleña apilao, travesando palos nos caminos o quitando gorros y llevantando faldes.

Cuando les campanes de la ilesia de San Salvador marquen les dos de la tarde, tola comitiva xúntase frente al templu pa dar por concluyíu’l desfile y echar unos bailles depués d’una mañana bien llarga percorriendo les caleyes allandeses a la gueta del aguilandu. Ye tamién el momentu de que’l públicu s’avere a los personaxes y poder compartir unes pallabres o sacar unes semeyes que, de xuru, quedarán pal recuerdu, sobremanera nos más pequeños de la familia.

A esti, síguenlu los guapos y los feos (“os de a roupa boa y os de a roupa ruía”), ente ellos El Militar y El Valencianu coles sos respectives Madamas, dispuestos a cantar y baillar, non ensin antes pidir permisu pa faelo diciendo: “¿Cantamos o andamos?”. Nel casu de que la respuesta seya “cantamos”, entonen una mesma melodía que diz: “Equí venimos cuatro, vamos cantar dos, deanos l’aguilandu señora por Dios…” Una vegada que se canta esto, A Gocha recueye los regalos ufiertaos nun sacu, que se lleva pa depués compartir con tol grupu. Mentanto, el restu de la comitiva anda faciendo trastaes per tolos llaos: El Maragatu encárgase de que naide pase ensin un taragañu de nabu y pesando na so romana los pechos de muyeres y les “partes nobles” de los homes asistentes.

La recuperación d’esta tradición tuvo dende’l primer momentu tol sofitu de los vecinos y cada vegada son más les persones que s’averen al suroccidente asturianu p’agüeyar y conocer esta peculiar celebración. Desque se tornara a facer nel añu 2009, namás nun se pudo celebrar mientres un añu por mor del andanciu de la Covid-19 pero… ¡agora ye’l momentu pa esfrutar otra vuelta de les tradiciones asturianes!

Descubri más: allande.es

Sonia Avellaneda

Como periodista, Sonia Avellaneda lleva décades enseñándonos Asturies dede la televisión y la radio, en proyectos que demuestren la so versatilidá. Nesti númberu de ViaxAst va facenos unos cuantos encamientos pa conocer meyor los sos gustos no que cinca a Asturies.

Un llugar pa perdese una fin de selmana…

Ozcos... Nun va muncho que los descubrí, pero nos últimos anos voi munches vegaes (tengo perbonos collacios ellí) y creo que si hai que pone-y una semeya al nuesu eslogan de “Paraísu Natural” tendría que ser d’ellí.

Un llugar pa vivir…

Uviéu porque ñací equí. Pero nun sé argumentalo y doime cuenta de que cada vegada que paso per Sariegu pienso, ¡qué bien se tien de vivir equí!

Un platu…

Una bona ventresca de bonitu y una botellina sidra... y pel iviernu oricios y sidra... y si m’apures, con una bona brut de sidra, una bebida que pasu ente pasu va garrando cuerpu y de la qu’entá espero munches allegríes.

Un postre…

¡Quesu! Muncho, de cualesquier tipu... y pa una llambionada... un bon carbayón, ¡qué se note d’onde soi! (rises).

Una sablera pa pasar el día…

Bayota, nel occidente, tengo pasao dies perguapos ellí.

Un pueblín que nun podemos dexar de ver…

Meca, colo que me cuesta a min escoyer, dígate lo que te diga dientro diez minutos voi querer poner otros asina que... equí van dellos nomes, como otros cualquera: El Val.le en Somiedo, Argul, en Pezos, Banduxu en Proaza, El Mazucu en Llanes... y nun va muncho que conocí Casielles en Ponga y claro, fíxome muncha ilusión, yá que ye’l mio segundu ap

Un chigre pa tomar unos culinos…

El Gato Negro... Entá recuerdo’l primer culete de sidra que tomé en mio vida, convidóme mio güelu a condición de que nun-y lo cuntara a mio ma. Dende entós cayeron unes cuantes...

Un parque natural pa visitar…

Parque de Redes.

Una fiesta a la que nun faltar…

Va tiempu que nun voi de romería, pero mira, dende neña que me paez mui misteriosa la nueche de San Xuan, ye como un segundu añu nuevu... (rises).

Un muséu pa recomendar…

Creo que’l Muséu de Belles Artes d’Asturies ye un llugar especial na mio vida, llevo delles décades viendolu espoxigar y cuando deambulo pela ciudá nun ye raro qu’acabe metiéndome ellí un ratu.

Gústenme tamién muncho los museínos pequeñinos qu’hai esperdigaos perhí, el primeru que me vien a la cabeza ye’l Muséu de la Escuela Rural qu’hai en Cabranes

Un momentu de la hestoria d’Asturies que te prestaría vivir…

Si ye pa quedar a vivir... nun arriesgaría (rises). Si ye pa visitar con billete de vuelta:

Na cueva de Tito Bustillo cuando se pintaron los sos frescos. Nu castru... Samartín, Cuaña... llueu too se va complicando…

Una pallabra n’asturianu que te preste…

Buf... tantes... gústame muncho la sonoridá del asturianu que, en xeneral, tien un sentir mui sele: Pigazu, señaldá, piescu…

Una tradición que nun pue perdese…

L’echar la sidra... Danme munchu mieu toes eses maquinines que te lo faen, ye percómodo pero... ye dalgo que nos distingue y habría fomentase entá más… y nun retornará, pero l’usu comunitario del vasu yera dalgo que me prestaba esplica-yos a los foratios, porque falaba, nun solu tragu, del sertir solidariu y compartíu de nós.

Una espresión n’asturianu que te preste...

“Va vagate” y “Al altu lalleva añu nuevu... (rises).

Receta de barreña y mieles

L’iviernu ye tiempu de barreña, un postre que se fai dende va cuantayá n’Asturies y que debe’l so nome al cacíu de barru cocío onde se facía d’antiguo. Ye una receta bien cenciella de facer y que de xuru te va prestar comer. Con esti envís, trayémoste equí la receta pa que nun sigas naguando.

Ellaboración:

Ponemos tolos ingredientes indicaos nuna batedora y batémoslos hasta llograr una testura cremoso. Una vez fecho, déxase enfriar na nevera y, nel momentu de comelo, añádese’l miel.

Quesos De Porrua Cai Porrua, 254, 33509 Porrúa, Asturies - 649 66 20 27

Descubri más: quesudeporrua.com

Descubriendo la sidra brut

La sidra ye un productu esencial nes meses peles feches navidiegues. Sicasí, nun ye’l mesmu tipu de sidra que tamos avezaos a beber nos chigres acompañao d’unes bones pataques o choricinos. Esti tipu de sidra tien más asemeyanza col típicu cava catalán o’l champagne francés.

La sidra brut ye un términu que s’utiliza pa identificar los productos ellaboraos con mazana que faen doble fermentadura y que tienen menos de quince gramos de zucre per llitru. En definitiva, ye una sidra natural espumoso.

Non too na sidra ye escanciar, y ello ye que, anque paeza daqué raro, esti tipu de sidra bébese ensin facer el tradicional escanciáu de la sidra asturiano, amás de servise en copa. Esta sidra acompanga alimentos de toa triba y cualesquier postre, anque ye de consumu inferior al restu.

El so aspectu visual ye tresparente, cristalín y rellumante, y ye un bon productu col qu’entamar brindando pol añu nuevu, naguando por ver cumplíos tolos deseos y promeses pal 2023.

Realicen una primer fermentadura convencional hermana a la de la sidra natural y una segunda na qu’apaecen de forma natural les burbuyes. Nesti procesu ye necesario incorporar lleldos y una solución azucarada pa da-yos alimentu, denomada llicor de tiraxe. Esisten distintes menes de sidra en función de los zucres que s’incluyan y del métodu utilizáu pa facer la segunda fermentadura, que pue ser «champenoise» (en botella) o «granvas» (en depósitu d’aceru inoxidable).

Como de xuru qu’esti tipu de sidra nun ye’l más común, más p’allá de delles marques tradicionales, trayémoste una marca familiar y d’un llugar inigualable: Nava, un conceyu asitiáu na Comarca de la Sidra, au cuiden con munchu ciñu los llabores que se faen al rodiu de la mazana.

Sidra La Naveta Brut

Falar de sidra ye falar de Nava. Y falar de sidra de Nava ye falar de calidá. Nel casu de la Sidra La Naveta Brut nun ye menos, yá que falamos d’una bebida premiada como “meyor sidra de botellín de terciu fecha n’Asturies”. El so color mariello payizu con burbuya fino, brillante y nidio, l’arume frescu y llimpiu de frutes blanques y el bon equilibriu d’acidez y frescor típicu de la bona sidra asturiano ye la marca de calidá que tolos espertos detecten en cuantes lo preben.

Amás, el so carbónicu natural queda perfectamente integráu, lo que permite beber la sidra directamente de la botella. Refrescante y natural con esa esencia que tan bien saben algamar en Nava cola sidra.

Tres los pasos de Xovellanos

Les escursiones de Vero Suari

Nesta ocasión vamos aparcar les botes de monte y trespasar les llendes xeográfiques asturianes hasta L’Alcarria, comarca de la provincia de Guadalajara (Castiella-La Mancha) pa conocer la famosa Saleta de Xovellanos, pues esti foi’l llugar qu’escoyó l’Ilustráu pa refuxase tres 7 años enzarráu nel Castiellu de Bellver (Mallorca) baxo acusaciones falses de “idees filosófiques y ambición peligrosa”. Sicasí, pa entender la importancia d’esti requexu alcarreñu na vida del nuesu Ilustráu, ye imprescindible describir el contestu hestóricu.

del so amigu de nun siguir el camín pa Madrid por mor de dos causes: una, el so estáu de salú (sedría la segunda vegada que Xovellanos escoyera esta zona, yá qu’años atrás residiera na villa alcarreña y balnearia de Trillo pa curase de los socesivos envelenamientos que sufriera); y, la otra, la difícil situación política del país, dividíu ente absolutistes (que lluchaben pola vieya monarquía), lliberales (que naguaben pola soberanía nacional) y, per otru llau, los denominaos afrancesaos, partidarios del orde napoleónicu.

El 1 de xunu de 1808, col so cuerpu debilitáu depués de tantos intentos d’envelenamientu y les circunstancies inhumanes del encarcelamientu, llegó Xovellanos a la villa alcarreña de Jadraque, onde residía’l so amigu y protector Juan Arias de Saavedra, que fuera’l so tutor nel colexu de San Ildefonso d’Alcalá de HeDébil y enfermu, Xovellanos acepta la invitación

En mediu d’esta situación política tan peligrosa los sos amigos, pertenecientes a dambos bandos, y sobre too los afrancesaos, necesitaos del so prestixu y sapiencia, buscaríen la so collaboración: una carta de manes del Xeneral Murat (Rexente del Reinu d’España naquel momentu) reclamaba la so presencia en Madrid, pero Xovellanos, que yera enemigu

de tou tipu de violencia, decidió allargar la so estancia en L’Alcarria, respondiendo al Xeneral que nun podía viaxar por recomendación médica énte la so salú feble.

Diez díes depués, Xovellanos recibiría otra carta de los partidarios de José Bonaparte escrita polos sos amigos y agora ministros, Gonzalo O’Farril y José de Mazarredo, suplicándo-y nuevamente la so presencia na capital. Al poco, una carta roblada pol propiu Napoleón dispón el so treslláu a Asturies p’apaciguar la sublevación de los asturianos, pero Xovellanos alude otra vuelta a los sos problemes de salú, que lu impiden viaxar, pa refugar la ufierta.

El 7 de xunetu, un corréu llega dexando plasmáu al Ilustráu, al ufri-y ser Ministru d’Interior del Rei José I. De toles maneres, una vegada más, afirma nun poder facese cargu de tan importante nomamientu, intentando caltenese lloñe de la corte madrilana.

Nun pasaren más de 15 díes cuando’l cursu de la hestoria diba cambiar y, a finales del mes de xunetu, llega la noticia de la derrota de los franceses en Bailén, provocando una socesión d’acontecimientos como que Xovellanos fuera nomáu miembru de la Xunta Central en representación d’Asturies, cargu qu’acepta ensin escaecer les sos idees propies ya identidá, tomando partíu pola independencia del país y arrenunciando a los sos amigos afrancesaos con ciertu pesar, pero cola idea de reconducir la situación del país y la guerra.

Pali que pali, foi alicando, y el 17 de setiembre abandona Jadraque, en dirección Aranjuez, pa reunise cola Xunta Central. Despidióse asina del so amigu y protector, al que nun volvería ver enxamás.

Del tiempu que vivió en L’Alcarria ocupando dos grandes sales de la planta baxa de la Casa Palaciu podemos güei esfrutar una parte que ye conocida como la Saleta de Xovellanos, con prestosos frescos y una copia d’ún de los retratos más famosos del Ilustráu, fechu por Francisco de Goya nel añu 1789 y conocíu como “El Jadraque”, yá que Xovellanos dexara nel so testamentu esta y otres obres al qu’él denominaba “segundu padre, primer amigu”, Juan Arias de Saavedra. Esta obra caltúvose ente eses parés per munchos años hasta que, a finales del sieglu XX y tres d’un intentu d’alquisición per parte de la Casa Natal de Xovellanos, foi mercáu a la fin pol Muséu del Prado, onde s’alcuentra espuestu.

Na Saleta de Xovellanos güei tamién podemos esfrutar d’una parte de los sos recuerdos y pensamientos al traviés de les 17 pintures que’l so amigu y secretariu Manuel Martínez Marina fixo espeyando parte de la so vida, la señaldá por Asturies, les ganes de llibertá y la so prisión mallorquina, anque delles pintures van atribuyise tamién a Goya.

La Casa Palaciu onde ta la Saleta de Xovellanos güei ye Oficina de Turismu de Jadraque. Consultar horariu de visites en jadraque.org

Mio güela: Nedina

Mio güela Nedina ñació en Collao nel añu 1933 y, al pocu tiempu, ya foi a vivir cola familia pa Muñó (nel conceyu Siero). Fai bien poco entrugué-y si dalguna vegada se-yos ocurriera marchar a echar raigaños pa otru llau, y con tola naturalidá díxome que non, qu’ellí teníen tolo que necesitaben (¿Siguimos sabiéndolo na actualidá?).

Vivir yá daquella arrodiada de too homes en casa llevóla, ente otres coses, a nun poder dir a la escuela más qu’hasta los 12 años, frustrando asina lo que va unos pocos meses me confesara, el so suañu… ser mayestra de matemátiques: “dábenseme mui bien les cuentes y gustábame faceles”. De les sos primeres alcordances quedóme grabada la de que diben al tabayón a llavar la ropa col balde puestu na cabeza enriba la rodiella, y cómo teníen que se llavar con agua na cuadra (70 años na historia ye nada… por eso, paezme lóxico que nun escaezamos d’ónde venimos y, quien nun venga d’esto, valore inda más lo que güei tenemos).

Muyer trabayadora incansable, pero qu’inda cansada, tiraba del carru como nel so día tiraben d’ella los caballos na xarré recoyendo lleche pel pueblu, porque’l tiempu nun espera por naide. Como si nun segundu planu se tratare, na solombra, llevantábase enantes que tolos homes pa face-yos un bocadillu pa que fueran a trabayar, atendía les vaques y la güerta, facía la comida, llabores de la casa, criaba a los fíos y más tarde a mi… Tuvi’l privilexu de criame xunto a 3 xeneraciones na mesma casa y ente tola xente que yéremos, una muyer sola en caúna d’elles.

Mio güela foi mui güela: dexábame de nueche dir echame nel regatu qu’había ente les cames d´ella y mio güelu y llee-yos dalgún cuentu. Otres vegaes, contábenme les sos aventures pasaes y presentes. Facíame tirabuzones a tol pelo col peñe y agua (nada de planches y… ¡vaya si duraben!), dexábame llamber dalguna cosina ensin que mio ma s’enterara, partíame en cachinos les raxes de carne y cuando ya fui espoxigando, empezó dacuando a dame perres baxo manga col mayor secretu del pactu de les güeles… asina como a sacar el remangu y tirar

colo que fuera que viniera dao, dende la paciencia y l’amor.

Sicasí, deprendióme tamién a respetar a les demás persones coles sos normes (que compartiera o non, yeren les qu’a ella-y deprendieren), y entá colos nuesos más y menos (porque yo nun solía callar una), teníemos dalgo que siempre mos xunía… les pallabres: esa sorrisa que seyos ponía tanto a ella como a mio güelu cuando m’oyíen dicir dalgo que lo sentíen suyo. Como bona inventora del asturianu, aprendióme lo que yera dir a la gueta, espurrime, espirriar, la cuyar, un blitu, un melandru, una blima… Lo que percibimos pelos sentíos ye lo que mos fai vivir per dientro, como lo que golemos. A mio güela llévenme’l de la tortiella, el del magüestu, los guisos, el de la so colonia, la so llaca’l pelu, la so barra llabios, el xabón del Chimbo o’l d’Heno…

Muyer rural, como mio má, de les que deprendí lo que yera ganase´l susentu, que les coses nun caen del cielu, asina como a pradiar, pañar, semar, escuchar, esperar y un llistáu infinitu de coses valiosísimes… muyeres de les que toi arguyosa por cómo, inclusive teniendo inculcaos dellos valores, pa mi siempre quixeron otros, y animáronme a lluchar por ellos, a ser independiente, a que si tenía pareya dalguna vegada, fuéramos iguales en tolos sentíos…porque non, non siempre nin en toles cases la igualdá esistió.

Si con dalgo me quedo d’eses 3 xeneraciones, ye col sentíu común. Y si con dalgo me quedo de mio güela, ye col arguyu que siente ella de mi agora, porque como siempre me diz: “lo único que quiero ye que la xente se lleve bien, buena gana andar llevándose mal”… pues eso.

Sandra Tudela

Cuatro tradiciones del Nadal asturianu

Arfueyu

Aguilandu

Una planta mui navidiega n’Asturies ye l’arfueyu, col qu’amás hai una tradición nestes feches. Trátase d’un ritual nel que se quema esta planta, que ye considerada sagrada, cada 13 d’avientu. L’arfueyu, colgáu en casa, úsase col enfotu de qu’atrope les coses males qu’asoceden de puertes adientro nel llar. Cuélgase nel día de Nadal y caltiénse nel so sitiu tol añu hasta’l día 13 d’avientu del añu viniente. Esti día quémase, prendiendo fueu a tolos males que prindó, y sustitúise por arfueyu fresco. Na tradición celta considerábase sagrao porque dicíen que nun tocaba’l suelu, yá que crez como parásitu nes cañes d’otros árboles (ente ellos el carbayu, el más sagráu pa los celtes), polo que, si nun venía del suelu namás podía venir d’un sitiu: el cielu. Esti cultu paganu llegó a los nuesos díes y dizse que si lu cortes enantes de la fecha tendrás mala suerte.

Márquense dientro de les mazcaraes d’iviernu. Nestes mazcaraes participa xente antroxao d’unos personaxes concretos: los guapos, la madame, el soldáu… xunto con otra montonera de personaxes qu’armen la murga: el xamascón, el xardoneiro, l’osu… Davezu diben con pelleyos de los que colgaben unos llocarones colos que diben metiendo ruíu pel pueblu. Dalgunos d’estos personaxes representen tamién a los difuntos protectores del ganáu y del clan. Otru personaxe típicu d’estes mazcaraes ye La Cardadora, una muyer vieya que representa l’iviernu (de fechu los cardos de la llana asemeyen los trapos de la ñeve). Demientres estes mazcaraes nun se cantaben villancicos, sinón cantares profanos, dalgunes vegaes dalgo picardiosos, yá que se celebraba que volvía la época de la fertilidá, mesmo na tierra que nes persones.

Nataliegu

Príncipe Aliatar

Trátase d’una tradición pagana perantigua, na que les families quemaben el tueru d’un árbol (xeneralmente de carbayu) cada 24 d’avientu. Amás de dar calor, el fueu del nataliegu protexe a la casa de rescamplos, degorrios, bruxes… y garantiza un bon añu pa la casa. Dempués, cada 25 d’avientu, guárdase’l tizu pa dar esa bona suerte a la casa. Davezu, tamién se tiren les cenices peles tierres, yá que se creía qu’aseguraba una bona fertilidá a la tierra. Nos últimos años ye cada vez más común ver el Nataliegu como un oxetu más de decoración navidiega. Encima del tueru hai xente que pon los bollinos, dibúxa-y una cara sorriente o hasta-y pon una montera picona pa da-y un carácter simbólicu asturianu.

Tolos años per estes feches, los guah.es escriben ilusionaos les sos cartes enllenes de deseos pa la siempres esperada nueche de Reis a entamos de xineru. Facer llegar eses cartes a Melchor, Gaspar y Baltasar nun ye una xera fácil y, ensin dulda, ye perimportante, porque los neños nun piden namás los regalos pa sí mesmos, sinón tamién pa los familiares más cercanos. Y esa xera tan importante que fai máxica la mañana del seis de xineru en toles cases cuerre a cargu del Príncipe Aliatar. Aliatar ye un paxe unviáu polos Reis Magos encargáu d’alministrar toes eses cartes enllenes d’ilusión de los más pequeños, de sentir les sos propuestes y de da-yos dalguna llambionada. Suel percorrer les escueles de tol mundu pel mes d’avientu, atropando toles cartes que llueu van tener los Reis pa facer llegar tolos regalos a les cases.

¿Qué sabes del Nadal d’Asturies?

1.- Acordies col imaxinariu, ¿quién vive tol añu na Mar de los Sargazos, hasta que’l 24 d’avientu llega a Asturies pa dir a la ría y da-yos regalos a los guah.es?

a) L’Anguleru b) Papá Noel c) Los Reis Magos d) El pirata Barbazul

2.- ¿Con qué tradición navidiega asturiana comparte raigaños la tradición catalana del Tió?

a) L’aguilandu b) L’amagüestu c) El nataliegu d) Les uves

3.- ¿Quién ye l’encargáu de face-yos llegar les cartes a los Reis Magos?

a) L’Anguleru b) El carteru c) Baltasar d) El príncipe Aliatar

4.- ¿Qué planta ye tradición quemar cada 13 d’avientu, p’amburar tolos males acumulaos demientres l’añu?

a) L’árbol de Nadal. b) L’arfueyu c) Una fueya d’ocalitu d) La casa entera

5.- ¿Con qué folixa, que se ta entamando a recuperar n’Asturies, solíen recibir l’añu los celtes?

a) San Xuan b) Nueche d’ánimes c) La Navidá d) Los aguilandos

6.- ¿Quién encabeza el grupo de Os Reises?

a) El Militar b) El choqueiro c) El Valencianu

7.- El Ramu Nadal consiste en…

a) Espumillón, boles doraes y una estrella. b )Una cadarma de madera de forma triangular na que s’alluguen 12 veles. c) Un tueru que se quema tolos años la nueche del 24 d’avientu d) La raqueta d’un conocíu tenista menorquín.

8.- ¿En qué folixa d’iviernu que suel celebrase en febreru ye tradición antroxase? a)L’antroxu b)Nuechebona c)Les comadres d)El miércoles de ceniza

9.- ¿Qué se cantaba nos aguilandos?

a) Villancicos b) Poemes sobre’l sol c) Quevedo d) Cantares profanos

10.- ¿En qué fecha se quema’l Nataliegu, según la tradición?

a) El 28 d’avientu b) El 24 d’avientu c) El 6 de xineru d) Nun hai fecha fixa

4d/ 5d/ 6b/ 7d/ 8a/ 9d/ 10b