Páskalamb - Úrbeinuð lærissteik frá Kjarnafæði:

Hér á landi hefur lengi verið hefð að borða lambakjöt um páskana. Uppskriftin er klassísk en hér er notað lamb frá Kjarnafæði sem borið er fram með dýrindis rótargrænmeti og sósum frá Smjer.

Aðferð:

Hitið pönnu þar til hún hefur náð háum hita. Setjið smjörklípu á pönnuna og steikið feitari hlið steikarinnar fyrst á pönnuna. Steikið í um það bil tvær mínútur, snúið steikinni síðan við og steikið aftur í tvær mínútur. Meðan steikin er á pönnunni skaltu ausa smjörinu á pönnunni yfir.

Hitið ofninn þar til hann nær 170°. Setjið lambið á ofnplötu eða í eldfast mót og inn í ofninn í um það bil 25 mínútur eða þar til kjarnhiti nær 58-60°. Takið steikina út og látið það hvíla í 15-20 mínútur.

Sjóðið kartöflur (íslenskt smælki) í sjö mínútur. Sigtið vatnið frá og steikið við meðalháan hita á pönnu ásamt smjörklípu. Bætið við salti og pipar eftir smekk þar til kartöflurnar eru orðnar gylltar að lit. Á annarri pönnu smjör steikið þið íslenska kastaníusveppi auk venjulegra sveppa. Gætið þess að hitinn sé ekki of hár. Bætið við salti og pipar eftir smekk.

Berið fram með Portó sósunni frá SMJER ásamt öðru meðlæti sem ykkur þykir gott.