DIGWYDDIADAU AGORED
Y COLEG
MERTHYR TUDFUL
Mae'r Coleg yn cynnal pum
Diwrnod Agored bob blwyddyn, gan gynnwys Digwyddiad Agored AU penodol. Hefyd, gall myfyrwyr gael mynediad at Ddiwrnod
Agored Rhithwir 24/7 i gael gwybod mwy am gyrsiau, gwylio fideos, mynd ar deithiau rhithwir a gwrando ar dystebau dysgwyr. Ewch i: www.merthyr.ac.uk/cy/
COLEG PENYBONT
Archwiliwch gyrsiau, cymorth a chyfleusterau yn un o ddigwyddiadau darganfod y coleg, sy'n cynnwys ystod o deithiau campws sydd ar gael trwy gydol y flwyddyn. I ddysgu mwy am ddyddiadau ein digwyddiad darganfod neu i archebu taith ar y campws, ewch i www.bridgend.ac.uk/ digwyddiadau-agored
COLEG CAERDYDD A'R FRO
Mae CAVC yn cynnal Digwyddiadau Agored rheolaidd drwy gydol y flwyddyn. Ewch i www.cavc.ac.uk/cy/ openevenings i gael manylion llawn a dyddiadau. Gallwch hefyd fynd i Ddiwrnod Agored Rhithwir yn y coleg unrhyw ddiwrnod neu amser. Cewch atebion i’ch cwestiynau a dysgwch am y cyrsiau a'r cymorth sydd ar gael. Ewch i: www.cavc.ac.uk/cy
COLEG Y CYMOEDD
Mae ein Digwyddiadau Agored yn ffordd wych o ddysgu mwy am ein cyrsiau a'r yrfa yr hoffech chi ei dilyn. Mae ein staff arbenigol ar gael yn y digwyddiad. Mae cyngor ac arweiniad ar gael drwy gydol y flwyddyn – cysylltwch â ni i ddarganfod mwy am ein meysydd pwnc. Ewch i: www.cymoedd.ac.uk/agored
COLEG GWENT
Mae'r Coleg yn cynnal cymysgedd o ddigwyddiadau rhithwir ac ar y campws. Gallwch fynd ar daith o amgylch ei gampysau, cael gwybod am feysydd pwnc a dysgu am gymorth, cyllid a bywyd myfyrwyr yn y coleg. Gallwch hefyd glywed profiadau myfyrwyr eraill. Ewch i: www.coleggwent.ac.uk/cy
COLEG GWYR
ABERTAWE
Mae'r Coleg yn cynnal nosweithiau agored a digwyddiadau dilyniant drwy gydol y flwyddyn. Gallwch ymweld â'n cyfleusterau, mynd ar daith o amgylch ein campysau a Chanolfan Brifysgol a siarad â staff i helpu i ddod o hyd i'r cwrs sy’n iawn i chi. Gallwch weld mwy o wybodaeth am ein Cyrsiau Addysg Uwch drwy wneud ymholiad drwy www.gcs.ac.uk/cy/au-enquiryform neu dewch i mewn i'r Coleg i siarad ag aelod o'n Tîm AU. Ewch i www.gcs.ac.uk/cy
GRWP COLEGAU NPTC
Mae Campws Prifysgol Grŵp
NPTC yn cynnig amrywiaeth o ddigwyddiadau agored drwy gydol y flwyddyn. Mae'n gyfle gwych i archwilio'r campws, siarad â'n darlithwyr arbenigol sy'n barod i ddarparu cyngor ac arweiniad arbenigol ar gyrsiau a'ch gyrfa. Peidiwch â phoeni os na allwch fynychu digwyddiad agored, cysylltwch â ni a byddwn yn trefnu apwyntiad i chi yn wyneb yn wyneb neu ar-lein. Edrychwn ymlaen at gwrdd â chi.
E-bostiwch
HEServices@nptcgroup.ac.uk
Ewch i www.nptcgroup.ac.uk/cy
CYRSIAU PRIFYSGOL YN Y COLEG
Os hoffech chi yrfa gyffrous yn gwneud rhywbeth rydych chi'n dwli arno, astudiwch gwrs PDC o gysur eich coleg lleol. Gallwch newid eich yfory.
AR EICH CARREG DRWS
Mae PDC yn gweithio gyda cholegau ledled De Cymru, fel y gallwch astudio cwrs prifysgol yn y coleg. Gallech arbed amser ac arian, parhau i weithio, cydbwyso bywyd teulu ac aros yn agosach at gartref.
CYRSIAU HYBLYG
Mae'n hawdd astudio o amgylch eich bywyd. Mae llawer o gyrsiau llawn amser neu ran-amser ar gael; mae rhai yn cael eu darparu yn ystod y dydd ac eraill gyda’r nos. Dewch o hyd i gwrs o dudalen 32 ymlaen.
HYGYRCH
Os nad oes gennych y gofynion
mynediad i astudio gradd prifysgol, gallwch astudio HNC, HND neu Radd Sylfaen yn gyntaf. Mae ein colegau partner hefyd yn cynnig cyrsiau
Mynediad i Addysg Uwch. Darllenwch fwy ar dudalen 24.
CYMORTH ARIANNOL
Gall cost astudio fod yn llai nag rydych yn ei feddwl. Mae myfyrwyr o Gymru sy’n astudio cwrs addysg uwch yn elwa ar gymorth ariannol, ac efallai byddwch yn gymwys am gymorth gyda ffioedd dysgu neu gostau byw. Darllenwch fwy ar dudalen 20.
GYRFAOEDD CYFFROUS
Gall cymhwyster prifysgol arwain at well cyfleoedd gwaith. Mae llawer o gyrsiau yn cynnwys lleoliad gwaith ac fel myfyriwr PDC, gallwch fanteisio ar wasanaethau Gyrfaoedd PDC.
Darllenwch fwy ar dudalen 14.
TEULU PDC
P'un a ydych chi'n dychwelyd i ddysgu, neu'n parhau o'r ysgol neu'r coleg, byddwch yn cael eich croesawu i deulu PDC.
Darllenwch fwy ar dudalen 18.
COLEGAU PARTNER
Y COLEG MERTHYR TUDFUL
Gall myfyrwyr astudio cyrsiau fel
Tystysgrifau AU, HND a graddau sylfaen i raddau anrhydedd a chymwysterau proffesiynol. Mae'r pynciau yn cynnwys y
Diwydiannau Creadigol, Busnes,
Cyfrifiadura, E-Chwaraeon, Seicoleg ac Iechyd a Lles
Cymunedol. Mae'r Coleg yn cynnig cyfleusterau, addysg, cymorth a chysylltiadau rhagorol
â chyflogwyr. Mae myfyrwyr hefyd yn elwa ar ddosbarthiadau llai.
Darllenwch y rhestr o gyrsiau ar dudalennau 35 a 36.
01685 726 000 www.merthyr.ac.uk/cy/
COLEG CAERDYDD A'R FRO
Mae Coleg Caerdydd a'r Fro yn
cynnig cymwysterau mewn partneriaeth â phrifysgolion mewn llawer o bynciau, o HND i TAR. Mae'r Coleg yn cynnig cymorth eithriadol, dull personol o addysgu, a chyfleusterau sy'n efelychu amgylcheddau yn y byd go iawn. Mae'r cyrsiau'n diwallu anghenion cyflogwyr ac yn paratoi myfyrwyr ar gyfer eu gyrfa.
Darllenwch y rhestr o gyrsiau ar dudalennau 50 a 51.
02920 250 250 www.cavc.ac.uk/cy
COLEG PENYBONT
Mae Coleg Penybont yn cynnig ystod wych o raglenni addysg uwch sydd wedi'u cynllunio i'ch galluogi i ragori. Archwiliwch lwybrau o HNC a graddau sylfaen, hyd at raddau anrhydedd a chymwysterau proffesiynol, gyda llwybrau llawn amser a rhanamser ar gael.
Mae'r coleg yn cynnig ystod eang o raglenni a addysgir o fewn cyfleusterau o safon diwydiant, gyda chysylltiadau gwych â’r diwydiant.
Darllenwch y rhestr o gyrsiau ar dudalennau 46-49.
01656 302 302 www.bridgend.ac.uk
COLEG GWENT
Mae Coleg Gwent yn ymdrechu i sicrhau bod astudiaethau prifysgol ar gael i bawb drwy gynnig amrywiaeth eang o opsiynau addysg uwch i ddysgwyr, gan gynnwys graddau sylfaen, HND, TAR, a chyrsiau BSc a BA atodol gan ddarparu i fwy na 600 o fyfyrwyr PDC yn llawn amser ac yn rhan-amser. Mae myfyrwyr yn elwa ar gyfleusterau rhagorol, staff addysgu profiadol a chysylltiadau sefydledig â chyflogwyr. Darperir cyrsiau ar draws pum campws yn Sir Fynwy, Torfaen, Blaenau Gwent, Casnewydd a Chaerffili. Nid oes angen i fyfyrwyr wneud cais drwy UCAS ac anogir ceisiadau uniongyrchol.
Darllenwch y rhestr o gyrsiau ar dudalennau 37-41.
01495 333 777 www.coleggwent.ac.uk/cy
COLEGAU PARTNER
COLEG Y CYMOEDD
Wedi'i leoli ar bedwar campws, mae'r coleg yn cynnig addysgu
rhagorol, cysylltiadau â diwydiant ac opsiynau astudio llawn amser a rhan-amser. Gall myfyrwyr astudio HND, graddau sylfaen, graddau anrhydedd neu
hyfforddiant athrawon. Mae'r pynciau yn cynnwys Busnes, Celfyddydau Cynhyrchu
Creadigol, Llunio Gwisgoedd, Ffotograffiaeth, Addysg, Dysgu a Datblygu, TGCh a Pheirianneg.
Darllenwch y rhestr o gyrsiau ar dudalennau 42-45.
01443 662 800 www.cymoedd.ac.uk
COLEG GWYR ABERTAWE
Mae'r Coleg yn darparu cyrsiau addysg uwch o safon. Mae ei
Ganolfan Prifysgol bwrpasol i fyfyrwyr ar gyrsiau lefel uwch yn cynnwys ystafelloedd dosbarth, llyfrgell ac ystafell gyffredin. Mae'r cyrsiau'n cynnwys Busnes, Addysg ac E-Chwaraeon. Darllenwch y rhestr o gyrsiau ar dudalen 32.
01792 284 000 www.gcs.ac.uk/cy
GRWP COLEGAU NPTC
Mae'r Coleg yn ymfalchïo mewn
cynnig Mwy nag Addysg yn unig.
Caiff myfyrwyr eu haddysgu mewn grwpiau bach ac maent yn
cael profiad dysgu personol. Mae gan y coleg Campysau Prifysgol yng Nghastell-nedd, Afan, Llandarcy, Aberhonddu a'r
Drenewydd. Mae'n cynnig cyrsiau mewn Busnes, Astudiaethau
Plentyndod, Camddefnyddio
Sylweddau, Addysgu, Cynhyrchu’r
Cyfryngau a Chelfyddydau
Perfformio.
Darllenwch y rhestr o gyrsiau ar dudalennau 33-34.
03308 188 100 www.nptcgroup.ac.uk/cy/
PRIFYSGOL DE CYMRU
Gyda chymaint o gyrsiau i ddewis o’u plith, mae rhywbeth at ddant pawb. Mae cwrs yn PDC yn fwy na gradd. Rydym yn creu graddedigion sy'n barod ar gyfer yfory. Gallwch ddewis astudio naill ai drwy ein colegau partner neu'n uniongyrchol gyda'r
Brifysgol, gan sicrhau bod modd astudio'n rhwydd.
Darllenwch fwy am PDC ar dudalen 6.
03455 767 778 www.decymru.ac.uk
PRIFYSGOL YFORY
Mae gan PDC gampysau yng Nghaerdydd, Casnewydd a Phontypridd. Os byddwch yn ategu at eich cymhwyster i radd anrhydedd gyda ni, gallech astudio yn un o'n campysau a bod yn gymwys ar gyfer ein Bwrsariaeth
Dilyniant gwerth £1,000.
AR EICH CARREG DRWS
PDC Pontypridd yw ein campws mwyaf ac mae'n cynnwys dau safle: Trefforest a Glyn-taf. Wedi'u hamgylchynu gan fannau gwyrdd agored, mae ein myfyrwyr yn dwli ar yr awyrgylch cymunedol. Mae popeth sydd ei angen arnoch ar gael ar y campws - eich dosbarthiadau, y llyfrgell, Undeb y Myfyrwyr, caffis a bariau. www.decymru.ac.uk/ pontypridd
| Prifysgol De Cymru
PDC CAERDYDD
Mae PDC Caerdydd yng nghanol y ddinas - y lleoliad perffaith ar gyfer ein myfyrwyr diwydiannau creadigol. Byddwch hefyd yn dod o hyd i fannau astudio creadigol, y llyfrgell ac Undeb y Myfyrwyr – i gyd mewn un adeilad trawiadol. www.decymru.ac.uk/caerdydd
Mae PDC Casnewydd yng nghanol y ddinas. Mae'n un o adeiladau mwyaf eiconig y Brifysgol ac ni allai fod mewn lleoliad gwell i allu manteisio ar fywyd y ddinas. Mae neuaddau preswyl ychydig funudau i ffwrdd ar droed, ac mae Friars Walk gyferbyn â'r campws - yn llawn siopau, bariau a bwytai. www.decymru.ac.uk/ casnewydd
CYNGOR GAN PDC
Mae'r Tîm Recriwtio Myfyrwyr yn PDC ar gael i'ch helpu. Os oes gennych gwestiynau am astudio, naill ai yn y coleg neu'r Brifysgol, mae croeso i chi gysylltu â ni.
ysgolionacholegau@ decymru.ac.uk
YFORY LLWYDDIANNUS
Mae cwrs prifysgol yn fuddsoddiad yn eich dyfodol. Gall wella eich rhagolygon gyrfa, ac ar gyfer rhai swyddi, mae gradd yn hanfodol. Mewn cydweithrediad â'n colegau partner, gallwn eich helpu i lwyddo a chyflawni eich potensial llawn.
CYMORTH GYRFAOEDD
Gall ein Tîm Gyrfaoedd PDC eich helpu i ddod o hyd i gyfleoedd a bod yn barod i fanteisio arnynt. Bydd y tîm yn eich helpu i ystyried eich opsiynau gyrfa a sut i ddatblygu'r sgiliau a'r profiad
sydd eu hangen arnoch. Mae'r tîm yn cynnig cymorth ymarferol gyda dod o hyd i leoliadau gwaith, cwblhau ceisiadau am swyddi ac ymarfer technegau cyfweld. Mae ein hadnoddau arlein yn cynnwys popeth sydd ei angen arnoch i gynllunio ar gyfer yfory.
Ewch i www.decymru.ac.uk/gyrfaoedd
LLEOLIADAU GWAITH
Mae ein cyrsiau wedi'u cynllunio ar y cyd â chyflogwyr. Credwn fod profiad gwaith yn amhrisiadwy, a dyna pam mae ein graddau sylfaen yn cynnwys cyfleoedd lleoliad gwaith fel rhan ohonynt.
Mae hyn yn caniatáu i chi roi theori ar waith ac mae'n edrych yn wych ar eich CV.
DYFARNIAD CAMU 'MLAEN
Y wobr hon yw eich cyfle i gael eich cydnabod am ddatblygu'r sgiliau neu'r priodoleddau y mae cyflogwyr yn eu gwerthfawrogi wrth chwilio am raddedigion i’w recriwtio. Bydd cymryd rhan yn ystod eich astudiaethau yn helpu i roi mantais gystadleuol i chi a sefyll allan.
CYMORTH GWEITHIO’N LLAWRYDD A DECHRAU BUSNES
Os ydych chi eisiau dechrau eich busnes eich hun, gweithio’n llawrydd neu unig fasnachwr, neu hyd yn oed fod yn weithiwr mwy creadigol a mentrus, gall y Tîm Menter helpu.
Gallwch feithrin yr hyder i ddechrau eich busnes eich hun drwy gymorth a mentora un i un, neu wneud cais am hyd at £1,000 o gyllid am ddim i ddechrau neu ddatblygu eich syniadau. Mae digwyddiadau, dosbarthiadau meistr a gweithdai trwy gydol y flwyddyn yn ogystal ag academi hyfforddi i Weithwyr Llawrydd a Sylfaenwyr.
RHWYDWAITH75
Mae Rhwydwaith75 yn gynllun gradd pum mlynedd a noddir sy'n galluogi myfyrwyr i weithio, ennill arian a dysgu! Mae llu o fuddion ariannol a chyfradd cyflogaeth 100% hefyd. Yn ystod y tymor, bydd myfyrwyr yn mynychu eu lleoliad dri diwrnod yr wythnos ac yn dod i’r Brifysgol i astudio ddau ddiwrnod yr wythnos. Yn ystod cyfnodau gwyliau, bydd myfyrwyr
yn mynychu eu lleoliad pum diwrnod yr wythnos.
Mae myfyrwyr yn derbyn bwrsariaeth ddi-dreth o £6,500
sy'n cynyddu £1,000 bob
blwyddyn academaidd. Ar y cyd â Phrifysgol De Cymru, mae'r holl
fyfyrwyr yn elwa ar rai o'r graddau
gorau sydd ar gael, cyfleusterau dysgu o'r radd flaenaf, ac addysgu rhagorol.
Ewch i www.decymru.ac.uk/ rhwydwaith75
GRADDIO
Ar ôl i chi gwblhau eich gradd
sylfaen, HNC, HND, Tystysgrif AU neu radd anrhydedd yn
llwyddiannus, gallwch fynychu seremoni raddio. Gwahoddir
myfyrwyr sy'n astudio yng
Ngholeg Caerdydd a'r Fro, Coleg y Cymoedd, Coleg Gwent neu’r
Coleg Merthyr Tudful, i seremoni raddio ym Mhrifysgol De Cymru.
Bydd y rhai sy'n astudio yng
Ngholeg Penybont a Grŵp
Colegau NPTC yn cael eu gwahodd i seremoni a gynhelir gan eu coleg.
Ewch i www.decymru.ac.uk/graddio
CEFNOGAETH GAN PDC A'CH COLEG
• Cymorth i ysgrifennu CV
• Cymorth i wneud cais am swyddi a pharatoi ar gyfer cyfweliad
• Cyngor ar ddewisiadau gyrfa neu astudiaeth bellach
• Awgrymiadau ar gyfer profiad gwaith
• Cefnogaeth i chwilio am swyddi
• Cymorth i weithio ac astudio dramor
• Hyfforddiant gyrfa a magu hyder
• Cymorth i ddod yn hunangyflogedig neu ddechrau busnes
• Mynediad at adnoddau ac offer cyflogadwyedd ar-lein
• Mynediad at amrywiaeth o weminarau sy'n canolbwyntio ar recriwtio
16 | Prifysgol De Cymru
TEULU PDC
Fel myfyriwr sy'n astudio
cwrs Prifysgol De Cymru yn
eich coleg lleol, byddwch yn cael y gorau o'r ddau fyd.
Gallwch ddefnyddio'r
cymorth a'r cyfleusterau sydd ar gael yn y coleg, yn ogystal â PDC.
CYMORTH DYSGU
Mae ein colegau partner yn
cynnig gwasanaethau a chymorth amrywiol, a byddwch hefyd yn
gallu defnyddio’r adnoddau yn PDC. Fel myfyriwr PDC, gallwch
ddefnyddio ein llyfrgelloedd a bydd gennych gyfrif TG y Brifysgol a chyfeiriad e-bost myfyriwr. Mae gennym lyfrgell ar bob campws gydag oriau agor hir a chyfleusterau hunanwasanaeth.
Mae gennym filoedd o gyfrifiaduron ar draws ein campysau yn ogystal â'r technolegau a'r adnoddau dysgu diweddaraf.
CYMORTH YN Y COLEG
Bydd gennych fynediad at y gwasanaethau cymorth amrywiol sydd ar gael yn y coleg lle byddwch yn astudio. I gael gwybod pa gymorth sydd ar gael, cysylltwch â'ch coleg neu neilltuwch eich lle ar ddigwyddiad agored i edrych o gwmpas. Efallai y bydd eich coleg hyd yn oed yn eich cyfeirio at yr Ardal Gynghori yn PDC.
Ewch i www.decymru.ac.uk/cyngor
CYMORTH YN PDC
Os ydych chi’n ategu’ch cymhwyster at radd Anrhydedd lawn ym Mhrifysgol De Cymru, gallwch ddefnyddio’r holl gymorth a chyfleusterau. Mae gennym Ardaloedd Cynghori, Gwasanaethau Iechyd, Anabledd, Lles, Sgiliau Astudio a Gyrfaoedd, yn ogystal â Thîm Cyngor Ariannol i Fyfyrwyr a’r Gaplaniaeth.
Rydym hefyd yn cynnig llety i fyfyrwyr a chyfleusterau gofal plant ar gampws Trefforest (Pontypridd).
CYFLEOEDD CYMRAEG
Gallwch barhau i ddefnyddio eich
sgiliau Cymraeg wrth astudio cwrs PDC. Mae rhai cyrsiau'n cynnig cyfleoedd dwyieithog, a gallwch gyflwyno eich gwaith yn Gymraeg, hyd yn oed os nad yw eich cwrs yn cael ei addysgu drwy gyfrwng y Gymraeg. Gallech hefyd ddewis lleoliad profiad gwaith cyfrwng Cymraeg. I ddysgu mwy, cysylltwch â'r Hyrwyddwr Dwyieithog yn eich coleg.
CYFLEUSTERAU TRAWIADOL
Mae llawer o'n colegau partner wedi elwa ar fuddsoddiad enfawr dros y blynyddoedd diwethaf. Mae ganddynt gyfleusterau a mannau addysgu gwych.
CHWARAEON PDC
Er y byddwch yn astudio yn eich coleg lleol, gallwch chwarae i dimau chwaraeon y Brifysgol yng nghynghrair Chwaraeon Prifysgolion a Cholegau Prydain (BUCS). Mae 60 o dimau i ddewis o’u plith, gan gynnwys pêl-droed, rygbi, pêl-rwyd a hoci. I fod yn gymwys, rhaid i chi fod yn 18 oed neu hŷn ac astudio o leiaf 60 credyd y flwyddyn.
Mae chwarae yng Nghynghrair
BUCS yn golygu y gallwch hyfforddi ym Mharc Chwaraeon
PDC. Mae'r cyfleusterau mor dda fel bod timau proffesiynol yn eu defnyddio'n rheolaidd, gan gynnwys tîm pêl-droed Cymru a Llewod Prydain wrth iddynt deithio.
UNDEB Y MYFYRWYR
Gallwch ddod yn aelod o Undeb y Myfyrwyr yn y coleg lle rydych yn astudio, yn ogystal ag Undeb y Myfyrwyr yn y Brifysgol. Mae Undeb y Myfyrwyr yn PDC yn cynnal amrywiaeth o ddigwyddiadau a gweithgareddau drwy gydol y flwyddyn. Mae digon o glybiau a chymdeithasau i ymuno â nhw, wedi'u lleoli ar draws ein holl gampysau. Gall ein cymdeithasau eich helpu i ddarganfod hobïau a diddordebau newydd a chwrdd â phobl o'r un anian.
Ewch i www.uswsu.com
BUDDSODDI YN EICH DYFODOL
Mae cymorth ariannol ar gael i fyfyrwyr, felly gall astudio gradd uwch fod yn fwy fforddiadwy nag yr ydych chi'n meddwl. Yn dibynnu ar eich amgylchiadau personol, gallech fod yn gymwys ar gyfer ystod o grantiau, benthyciadau a lwfansau i helpu gyda ffioedd dysgu a chostau byw.
FFIOEDD CYRSIAU
Bydd ffioedd yn amrywio yn dibynnu ar hyd a lefel eich cwrs. Edrychwch ar wefan y coleg am ffioedd cwrs, ac ewch i www.gov.uk/student-finance neu www.cyllidmyfyrwyrcymru.
co.uk, i gyfrifo faint o gymorth cyllid myfyrwyr y gallech fod â hawl iddo.
Am fwy o wybodaeth, ewch i www.decymru.ac.uk/arian
CYMORTH ARIANNOL ARALL
Mae cymorth ariannol ar gael drwy
Gyllid Myfyrwyr Cymru, i fyfyrwyr sy'n byw yng Nghymru, neu Gyllid Myfyrwyr Lloegr, i fyfyrwyr o Loegr.
Mae gwybodaeth am gyllid myfyrwyr, ynghyd â sut i wneud cais a gwirio cymhwysedd, ar gael ar-lein. Ewch i: www.cyllidmyfyrwyrcymru.co.uk neu www.gov.uk neu chwiliwch am ‘student finance’.
COSTAU YCHWANEGOL
Yn ogystal â thalu am lyfrau ac offer hanfodol, efallai y bydd costau ychwanegol ar gyfer rhai cyrsiau. Gallai hyn gynnwys teithiau maes, deunyddiau celf neu amser stiwdio. Cysylltwch â'ch coleg dewisol i gael gwybod mwy am gostau ychwanegol.
YSGOLORIAETHAU A BWRSARIAETHAU YN PDC
BWRSARIAETH TEITHIO
Mae'r fwrsariaeth yn talu am gostau rhesymol sy'n gysylltiedig ag ymweld â Phrifysgol De Cymru i fynychu Diwrnod Agored
Israddedig, cyfweliad neu
Ddiwrnod Profiad Ymgeiswyr.
BWRSARIAETH PROFION DIAGNOSTIG
Gall myfyrwyr sydd wedi cofrestru yn PDC sy'n astudio o leiaf 60 credyd fod yn gymwys i gael asesiad dyslecsia mewnol am
ddim gyda chymorth y Fwrsariaeth
Profion Diagnostig.
I
LAWN
AC YSGOLORIAETHAU PDC, EWCH I
www.decymru.ac.uk/arian
BWRSARIAETH DILYNIANT
Mae PDC yn cynnig bwrsariaeth dilyniant gwerth £1,000.* Mae myfyrwyr coleg sy’n ategu eu cymhwyster neu radd sylfaen at radd Anrhydedd lawn drwy gwrs atodol ar gampws PDC yn gymwys.
YSGOLORIAETHAU CYMRAEG
Mae'r Brifysgol yn dyfarnu
Ysgoloriaethau Cymraeg i fyfyrwyr y DU sy'n dod i'r Brifysgol am y tro cyntaf yn 2025, sy'n ymrwymo i astudio o leiaf 40 credyd o gwrs gradd cymwys trwy gyfrwng y Gymraeg. Mae Ysgoloriaethau'r Coleg Cymraeg Cenedlaethol hefyd ar gael.
YSGOLORIAETH GWENT
Mae PDC yn cynnig Ysgoloriaeth
Gwent gwerth £1,000* i fyfyrwyr cymwys sy'n byw mewn ardal sydd â chod post NP ar adeg gwneud cais am gwrs yn PDC.
YSGOLORIAETH CHWARAEON
Mae ein Hysgoloriaeth
Chwaraeon ar gael i fyfyrwyr sy'n perfformio i safon uchel yn eu camp dewisol, ac yn cynrychioli'r
Brifysgol yng nghynghrair
*I weld y telerau ac amodau, ewch i'n gwefan
www.decymru.ac.uk/arian
Chwaraeon Prifysgolion a Cholegau Prydain (BUCS). Fe'i cynlluniwyd i gefnogi athletwyr elitaidd posibl a phobl chwaraeon sy'n cystadlu o leiaf ar lefel genedlaethol neu ryngwladol iau yn eu camp.
HAWLIWCH YFORY
Gall lle ar gwrs gradd
prifysgol fod yn fwy cyraeddadwy nag yr ydych chi'n meddwl. Os nad oes gennych y gofynion mynediad i astudio gradd prifysgol ar unwaith, gallwch astudio HNC, HND neu Radd Sylfaen.
GOFYNION MYNEDIAD
• Nodir gofynion mynediad nodweddiadol isod
• Os nad ydych yn bodloni’r meini prawf mynediad, gellid ystyried gwaith perthnasol a phrofiad bywyd ar sail unigol
• Mae cyfuniadau o gymwysterau yn dderbyniol
• Gellid hefyd ystyried cymwysterau Lefel 3 eraill, fel CACHE, OCR, City and Guilds, Cskills, NCFE a VTCT
• Os nad ydych yn siŵr a ydych yn bodloni’r gofynion, cysylltwch
â’ch coleg dewisol
GOFYNION MYNEDIAD NODWEDDIADOL AR
GYFER HNC, HND A GRADDAU SYLFAEN
• Proffil BTEC Lefel 3 perthnasol o
Deilyngdod/Pas neu
Bas/Pas/Pas; neu
• DD yn Safon Uwch; neu
• D yn Safon Uwch ynghyd â D yn
Nhystysgrif Her Sgiliau
Bagloriaeth Cymru; neu
• Mynediad i AU (Diploma Pas gyda 45 credyd Lefel 3 sydd i gyd wedi'u pasio)
• Bydd angen tair gradd C neu uwch yn TGAU hefyd, gan
gynnwys mathemateg a Saesneg iaith neu gyfatebol
• Ar gyfer cwrs atodol, fel arfer bydd angen HND neu Radd
Sylfaen mewn pwnc cysylltiedig
GOFYNION MYNEDIAD I GOLEGAU
• Efallai bydd angen prawf llythrennedd, rhifedd neu wyddoniaeth
• Mae angen gwiriad DBS uwch ar gyfer rhai cyrsiau*
• Mae rhai proffesiynau yn gofyn am raddau TGAU penodol mewn pynciau penodol
• Mae meini prawf ychwanegol wedi’u rhestru ar dudalennau’r cwrs ar wefan y coleg
ATEGU AT RADD LAWN
• Mae gan bob cwrs HND a gradd sylfaen o leiaf un llwybr dilyniant, felly gallwch ddewis ategu’ch cymhwyster at radd lawn
• I gael gradd Anrhydedd, byddwch yn astudio 360 credyd, fel arfer dros gyfnod o dair blynedd llawn amser
• I ategu’ch cymhwyster HND neu radd sylfaen at radd anrhydedd, fel arfer byddwch yn astudio 120 credyd dros flwyddyn ychwanegol llawn amser neu gyfwerth rhan-amser. Mae rhai cyrsiau’n gofyn am ddwy flynedd astudio ychwanegol oherwydd gofynion statudol
• Fel arfer bydd angen i chi fynd i gampws PDC i ategu’ch gradd at astudiaethau Lefel 6, er bod rhai cyrsiau ar gael mewn colegau
DOD YN ATHRO
Os oes gennych ddiddordeb mewn gyrfa ym maes addysg, rydym yn cynnig cymwysterau addysgu yn ein colegau partner. Darllenwch ein rhestr o gyrsiau sy’n dechrau ar dudalen 32.
CYRSIAU ÔL-RADDEDIG
Does dim angen i'ch perthynas â’r Brifysgol yn dod i ben pan fyddwch yn graddio. Rydym yn cynnig cyrsiau ôl-raddedig a phroffesiynol i’ch helpu i ddatblygu hyd yn oed ymhellach yn eich gyrfa. Ewch i www.decymru.ac.uk/ ol-raddedig
SUT I WNEUD CAIS
Cysylltwch â'ch coleg lleol i wirio'r broses ymgeisio. Mae rhai colegau’n derbyn ceisiadau uniongyrchol, a wneir yn wyneb yn wyneb neu ar-lein. Fel arall bydd angen i chi wneud cais drwy UCAS.
*Mae costau ychwanegol yn berthnasol
DARGANFOD EICH YFORY
Gallwch astudio
gradd anrhydedd
lawn ar gampws
PDC neu ddilyn cwrs
prifysgol mewn
coleg partner. Mae cyrsiau coleg yn
dechrau ar Lefel 4
gyda chyfleoedd i symud ymlaen i radd anrhydedd ac astudiaeth ôlraddedig yn PDC.
Mae'r llwybrau dilyniant posibl fel a ganlyn:
LEFEL 3
SAFON UWCH • BTEC • NVQ LEFEL 3
MYNEDIAD I ADDYSG UWCH
TYSTYSGRIF HER SGILIAU
PRENTISIAETH UWCH
DIPLOMA MEWN ASTUDIAETHAU SYLFAEN
LEFEL 4
TYSTYSGRIF ADDYSG UWCH
TYSTYSGRIF GENEDLAETHOL UWCH (HNC)
LEFEL 5
GRADD SYLFAEN
DIPLOMA CENEDLAETHOL UWCH (HND)
GRADD ATODOL (ANRHYDEDDAU) LEFEL 6
ASTUDIAETH ÔL-RADDEDIG LEFEL 7
RHESTR TERMAU
GRADD SYLFAEN
Cymhwyster yw hwn yn ei rinwedd ei hun a byddwch yn mynd i seremoni graddio ar ôl ei gwblhau. Mae’n rhoi’r sgiliau i chi sy’n berthnasol i ddiwydiant. Caiff astudiaethau eu cyfuno â dysgu sy'n seiliedig ar gyflogaeth felly byddwch yn dysgu yn y gweithle yn ogystal â’r ystafell ddosbarth. Ar ôl ei chwblhau’n llwyddiannus, cewch gyfle i symud ymlaen at gymhwyster gradd atodol.
TYSTYSGRIF
GENEDLAETHOL UWCH (HNC) A DIPLOMA
CENEDLAETHOL UWCH (HND)
Mae'r cymwysterau hyn sy'n gysylltiedig â gwaith yn rhoi'r sgiliau i chi wneud swydd benodol. Maent yn alwedigaethol, felly maent yn apelio at gyflogwyr, ac yn gallu cyfrif tuag at aelodaeth cyrff proffesiynol. Gallent eich arwain yn syth at yrfa, neu gallwch symud ymlaen at radd sylfaen neu radd anrhydedd.
| Prifysgol De Cymru
TYSTYSGRIF ADDYSG UWCH
Mae Tystysgrif Addysg Uwch (CertHE) yn gymhwyster Lefel 4 a ddyfernir ar ôl blwyddyn o astudiaeth addysg uwch llawn amser.
DIPLOMA ADDYSG UWCH
Mae Diploma Addysg Uwch (DipHE) yn gymhwyster Lefel 5. Mae DipHE yn gymhwyster addysg uwch sy'n cyfateb i ddwy flynedd gyntaf cwrs gradd. Mae cyflogwyr a sefydliadau academaidd yn cydnabod cymwysterau DipHE fel tystiolaeth o lefel uchel o gyflawniad academaidd.
ADDYSG UWCH (AU)
Ar ôl i chi gwblhau addysg bellach mewn coleg neu’r chweched dosbarth, mae sefydliadau fel prifysgolion a cholegau yn cynnig rhaglenni addysg uwch.
GRADD ANRHYDEDD
Cwrs a gaiff ei astudio mewn prifysgol neu goleg addysg bellach. Bydd gradd anrhydedd
BA neu BSc llawn amser fel arfer yn para tair blynedd, a byddwch yn astudio 360 credyd.
UCAS
Y term cryno ar gyfer Gwasanaeth
Derbyn y Prifysgolion a'r Colegau. Mae UCAS yn prosesu ceisiadau i brifysgolion a cholegau’r DU am gyrsiau israddedig llawn amser.
Nid yw rhai o’n colegau partner
yn defnyddio UCAS ac maent yn derbyn ceisiadau yn uniongyrchol yn lle hynny - cysylltwch â’r coleg yn uniongyrchol i gael manylion.
CYLLID MYFYRWYR
CYMRU
Y corff cyllido a fydd yn asesu’ch cymorth ariannol os ydych yn byw yng Nghymru.
FFIOEDD DYSGU
Mae’r ffioedd hyn yn talu am gost eich astudiaethau a gallent amrywio yn dibynnu ar beth a ble y byddwch yn astudio. Gall pob myfyriwr cymwys wneud cais am Fenthyciad Ffioedd Dysgu ac ni fydd yn rhaid ei ad-dalu nes ei fod yn ennill mwy na swm penodol o arian.
BWRSARIAETH
Arian a ddarperir tuag at gostau astudio nad oes angen ei ad-dalu.
DILYNIANT/GRADD ATODOL
Mae hyn fel arfer yn flwyddyn ychwanegol o astudio llawn amser neu ddwy flynedd yn rhanamser ond gallai fod yn fwy yn dibynnu ar ofynion statudol. Byddech yn symud ymlaen neu'n ategu’ch gradd sylfaen neu gyfwerth, at radd anrhydedd lawn. Fel arfer, caiff cyrsiau dilyniant ac atodol eu hastudio yn yr un pwnc neu bwnc cysylltiedig â'r radd sylfaen.
COLEG GWYR ABERTAWE
MAE’N BOSIB Y BYDD
LLWYBRAU DILYNIANT AR GAEL MEWN COLEGAU LLEOL ERAILL.
HND Rheoli Busnes
BA Rheoli Busnes (Cyfrifeg a Chyllid) (Atodol)
BA Rheoli Busnes (Marchnata) (Atodol)
Gradd Sylfaen mewn Effeithiau
Gweledol a Graffeg Symudol
BA (Anrh) Effeithiau Gweledol a Graffeg Symudol
Gradd Sylfaen mewn E-Chwaraeon**
Tystysgrif Broffesiynol (ProfCe)
mewn Addysg a Hyfforddiant ÔlOrfodol (AHO)
Tystysgrif Raddedig Broffesiynol mewn Addysg (PgCE) mewn
Addysg a Hyfforddiant Ôl-Orfodol (AHO)
Tystysgrif Addysg i Raddedigion (TAR) mewn Addysg a Hyfforddiant Ôl-Orfodol (AHO)
Cysylltwch â'r coleg yn uniongyrchol i gael y wybodaeth ddiweddaraf am gyrsiau.
| Prifysgol De Cymru
GRWP COLEGAU
NPTC
HND Rheoli Busnes
BA Rheoli Busnes (Atodol)
BA (Anrh) Cyfrifeg a Chyllid
BA (Anrh) Busnes a Rheoli
BA (Anrh) Rheoli Gwestai a Lletygarwch
BA (Anrh) Rheoli Adnoddau Dynol
BSc (Anrh) Busnes a Rheoli
Rhyngwladol
BSc (Anrh) Logisteg, Caffael a Rheoli
Cadwyn Gyflenwi
BSc (Anrh) Marchnata
Gradd Sylfaen mewn Astudiaethau
Plentyndod
BSc (Anrh) Astudiaethau
Plentyndod (Atodol)
CertHE Camddefnyddio Sylweddau
BSc (Anrh) Nyrsio (Oedolion)
BSc (Anrh) Nyrsio (Plant)
BSc (Anrh) Nyrsio (Anableddau
Dysgu)
BSc (Anrh) Nyrsio (Iechyd Meddwl)
GRWP COLEGAU
BA (Anrh) Cynhyrchu’r Cyfryngau**
BA (Anrh) Celfyddydau Perfformio**
Tystysgrif Broffesiynol (ProfCe) mewn Addysg a Hyfforddiant ÔlOrfodol (AHO)
Tystysgrif Raddedig Broffesiynol mewn Addysg (PgCE) mewn
Addysg a Hyfforddiant Ôl-Orfodol (AHO)
Tystysgrif Addysg i Raddedigion (TAR) mewn Addysg a Hyfforddiant Ôl-Orfodol (AHO)
Cysylltwch â'r coleg yn uniongyrchol i gael y wybodaeth ddiweddaraf am gyrsiau.
**Yn amodol ar ddilysu a chymeradwyo.
Y COLEG MERTHYR TUDFUL
HND Celfyddydau Gweledol
Creadigol
BA (Anrh) Ymarfer Celf
Gradd Sylfaen mewn Ymarfer Celf
Gradd Sylfaen mewn Rheoli Busnes
BA (Anrh) Rheoli Busnes (Atodol)
BA (Anrh) Cyfrifeg a Chyllid
BA (Anrh) Busnes a Rheoli
BA (Anrh) Rheoli Gwestai a
Lletygarwch
BA (Anrh) Rheoli Adnoddau Dynol
BSc (Anrh) Busnes a Rheoli
Rhyngwladol
BSc (Anrh) Logisteg, Caffael a Rheoli
Cadwyn Gyflenwi
BSc (Anrh) Marchnata
Gradd Sylfaen mewn Seicoleg
BSc (Anrh) Seicoleg
Tystysgrif Addysg Uwch mewn
Iechyd a Lles
Y COLEG MERTHYR TUDFUL
CWRS A LLWYBR DILYNIANT
HND Cyfrifiadureg
HND Celfyddydau Gweledol Creadigol
Tystysgrif Broffesiynol (ProfCe) mewn Addysg a Hyfforddiant ÔlOrfodol (AHO)
Tystysgrif Raddedig Broffesiynol mewn Addysg (PgCE) mewn Addysg a Hyfforddiant Ôl-Orfodol (AHO)
Tystysgrif Addysg i Raddedigion (TAR) mewn Addysg a Hyfforddiant Ôl-Orfodol (AHO)
Cysylltwch â'r coleg yn uniongyrchol i gael y wybodaeth ddiweddaraf am gyrsiau.
COLEG GWENT
HNC Peirianneg Sifil
HND Peirianneg Sifil **
BSc (Anrh) Peirianneg Sifil
BEng (Anrh) Peirianneg Sifil
HNC Adeiladu a'r Amgylchedd
Adeiledig
HND Adeiladu a'r Amgylchedd
Adeiledig**
BSc (Anrh) Tirfesur Adeiladau
BSc (Anrh) Rheoli Prosiect Adeiladu
BSc (Anrh) Tirfesur Meintiau a Rheoli
Masnachol
HNC Peirianneg (Gweithgynhyrchu Uwch) **
HNC Peirianneg Drydanol ac
Electronig
HND Peirianneg Drydanol ac
Electronig
BSc (Anrh) Peirianneg Drydanol ac
HNC Peirianneg Fecanyddol
HND Peirianneg Fecanyddol
BEng (Anrh) Peirianneg Fecanyddol
BSc (Anrh) Peirianneg Fecanyddol
Gradd Sylfaen Iechyd a Lles
Anifeiliaid
BSc (Anrh) Iechyd a Lles Anifeiliaid (Atodol)
Gradd Sylfaen mewn Nyrsio
Milfeddygol
BSc (Anrh) Gwyddor Nyrsio
Milfeddygol (Atodol)
Gradd Sylfaen mewn Astudiaethau
Plentyndod
BSc (Anrh) Astudiaethau Plentyndod (Atodol)
Tystysgrif AU mewn Iechyd a Lles
Cymunedol
Gradd Sylfaen mewn Rheoli Iechyd, Lles a Gofal Cymdeithasol
BSc (Anrh) Rheoli Iechyd, Lles a Gofal
COLEG GWENT
Gradd Sylfaen mewn Gemau - Celf a Dylunio
BA (Anrh) Celf Gemau
BA (Anrh) Dylunio Gemau
Cyfrifiadurol
Gradd Sylfaen mewn Darlunio
BA (Anrh) Darlunio ar gyfer Diwydiant
BA (Anrh) Darlunio
BA (Anrh) Cynhyrchu Sain ac Ysgrifennu Caneuon
BA (Anrh) Cerddoriaeth Boblogaidd a Masnachol
BSc (Anrh) Diwydiannau Creadigol
(Technoleg Cerddoriaeth Boblogaidd) (Atodol)
Gradd Sylfaen mewn Cynhyrchu’r Cyfryngau
BA (Anrh) Cynhyrchu’r Cyfryngau
Cysylltwch â'r coleg yn uniongyrchol i gael y wybodaeth ddiweddaraf am gyrsiau.
COLEG GWENT
HND Cyfrifiadureg
HND Seiberddiogelwch a Diogelwch Gwybodaeth
BSc (Anrh) Cyfrifiadureg
BSc (Anrh) Seiberddiogelwch
Cymhwysol
BSc (Anrh) Fforensig Cyfrifiadurol***
BSc (Anrh) Datblygu Gemau
Cyfrifiadurol
BSc (Anrh) Gwyddor Gyfrifiadurol
BSc (Anrh) Diogelwch Cyfrifiadurol***
Gradd Sylfaen mewn Troseddeg
BSc (Anrh) Troseddeg a Chyfiawnder
Troseddol
Gradd Sylfaen mewn Astudiaethau Plentyndod
BSc (Anrh) Datblygiad Plentyndod
MAE’N BOSIB Y BYDD
LLWYBRAU DILYNIANT AR GAEL
MEWN COLEGAU LLEOL ERAILL.
BSc (Anrh) Astudiaethau Plentyndod (Atodol) 4
***Dim ond ar gyfer 2025 y mae blwyddyn 3 y cwrs hwn ar gael, ac wedi hynny bydd BSc (Anrh) Fforensig Digidol yn disodli’r cwrs hwn.
COLEG GWENT
Tystysgrif Broffesiynol (ProfCe) mewn Addysg a Hyfforddiant ÔlOrfodol (AHO)
Tystysgrif Raddedig Broffesiynol mewn Addysg (PgCE) mewn Addysg a Hyfforddiant Ôl-Orfodol (AHO)
Tystysgrif Addysg i Raddedigion (TAR) mewn Addysg a Hyfforddiant Ôl-Orfodol (AHO)
COLEG Y CYMOEDD
CWRS A LLWYBR DILYNIANT
HNC Peirianneg Drydanol ac
Electronig
Gradd Sylfaen mewn Peirianneg
Drydanol ac Electronig (Atodol)
HND Peirianneg Drydanol ac
Electronig (Atodol)
BSc (Anrh) Peirianneg Drydanol ac
Electronig (Atodol)
Gradd Sylfaen mewn Rheoli Busnes
BA (Anrh) Cyfrifeg a Chyllid
BA (Anrh) Busnes a Rheoli
BA (Anrh) Rheoli Gwestai a
Lletygarwch
BA (Anrh) Rheoli Adnoddau Dynol
BSc (Anrh) Busnes a Rheoli
Rhyngwladol
BSc (Anrh) Logisteg, Caffael a Rheoli
Cadwyn Gyflenwi
BSc (Anrh) Marchnata
Gradd Sylfaen mewn Addysg,
Dysgu a Datblygu
BA (Anrh) Addysg, Dysgu a
Datblygu (Atodol)
BA (Anrh) Addysg
COLEG Y CYMOEDD
CWRS A LLWYBR DILYNIANT
Gradd Sylfaen mewn Celf a Dylunio
Gemau Cyfrifiadurol
BA (Anrh) Celf Gemau
BA (Anrh) Dylunio Gemau
Cyfrifiadurol
Gradd Sylfaen mewn Technoleg
Gwybodaeth a Chyfathrebu
Gradd Sylfaen mewn
Ffotograffiaeth
BA (Anrh) Ffotograffiaeth
BA (Anrh) Llunio Gwisgoedd
BA (Anrh) Teledu a Ffilm: Gwallt, Colur ac Effeithiau Arbennig
BA (Anrh) Teledu a Ffilm: Creu
Propiau
BSc (Anrh) Peirianneg Rheilffordd (Sifil)
COLEG Y CYMOEDD
BSc (Anrh) Peirianneg Rheilffordd
(Peirianneg Systemau ElectroFecanyddol ac Electroneg)
HND Peirianneg Fecanyddol
BSc (Anrh) Peirianneg Fecanyddol
BEng (Anrh) Peirianneg Fecanyddol
Tystysgrif AU mewn Iechyd a Lles
Cymunedol
BSc (Anrh) Rheoli Iechyd, Lles a Gofal
Cymdeithasol
HNC Seiberddiogelwch
BSc (Anrh) Cyfrifiadureg
BSc (Anrh) Seiberddiogelwch
Cymhwysol
BSc (Anrh) Fforensig Cyfrifiadurol***
BSc (Anrh) Datblygu Gemau
Cyfrifiadurol
BSc (Anrh) Gwyddor Gyfrifiadurol
BSc (Anrh) Diogelwch Cyfrifiadurol***
***Dim ond ar gyfer 2025 y mae blwyddyn 3 y cwrs hwn ar gael, ac wedi hynny bydd BSc (Anrh) Fforensig Digidol yn disodli’r cwrs hwn.
COLEG Y CYMOEDD
Tystysgrif Broffesiynol (ProfCe) mewn Addysg a Hyfforddiant ÔlOrfodol (AHO)
Tystysgrif Raddedig Broffesiynol mewn Addysg (PgCE) mewn
Addysg a Hyfforddiant Ôl-Orfodol (AHO)
Tystysgrif Addysg i Raddedigion (TAR) mewn Addysg a Hyfforddiant
COLEG PENYBONT
CWRS A LLWYBR DILYNIANT
HNC Amaethyddiaeth
HND Amaethyddiaeth
HNC Astudiaethau Anifeiliaid
HND Astudiaethau Anifeiliaid
Gradd Sylfaen mewn Cyfiawnder
Troseddol
BSc (Anrh) Troseddeg a Chyfiawnder
Troseddol
HNC Peirianneg Drydanol ac
Electronig
HND Peirianneg Drydanol ac
Electronig
BSc (Anrh) Peirianneg Drydanol ac
Electronig (Atodol)
HNC Rheoli Cadwraeth
Amgylcheddol
HND Rheoli Cadwraeth
Amgylcheddol
HND Rheoli Cadwraeth
Amgylcheddol (Atodol)
HNC Astudiaethau Ceffylau
HND Astudiaethau Ceffylau
COLEG PENYBONT
HND Peirianneg Fecanyddol
BSc (Anrh) Peirianneg Fecanyddol
HND Gwasanaethau Cyhoeddus a Brys
BA (Anrh) Gwasanaethau Cyhoeddus
BA (Anrh) Cynhyrchu Sain ac Ysgrifennu Caneuon
Gradd Sylfaen mewn Technoleg
Cerddoriaeth Boblogaidd
BA (Anrh) Cerddoriaeth Boblogaidd a Masnachol
BSc (Anrh) Diwydiannau Creadigol (Technoleg Cerddoriaeth Boblogaidd)
COLEG PENYBONT
Gradd Sylfaen mewn Rheoli Iechyd a Gofal Cymdeithasol
Tystysgrif Addysg Uwch mewn
Iechyd a Lles Cymunedol
BSc (Anrh) Rheoli Iechyd, Lles a Gofal
Cymdeithasol
Gradd Sylfaen mewn Seicoleg
BSc (Anrh) Seicoleg
Gradd Sylfaen mewn Astudiaethau
Plentyndod**
BSc (Anrh) Astudiaethau Plentyndod (Atodol)
Tystysgrif Broffesiynol (ProfCe)
mewn Addysg a Hyfforddiant ÔlOrfodol (AHO)
Tystysgrif Raddedig Broffesiynol mewn Addysg (PgCE) mewn
Addysg a Hyfforddiant Ôl-Orfodol
COLEG PENYBONT
A LLWYBR DILYNIANT
Tystysgrif Addysg i Raddedigion (TAR) mewn Addysg a Hyfforddiant
Ôl-Orfodol (AHO)
MAE’N BOSIB Y BYDD
LLWYBRAU DILYNIANT AR GAEL MEWN COLEGAU LLEOL ERAILL.
Cysylltwch â'r coleg yn uniongyrchol i gael y wybodaeth ddiweddaraf am gyrsiau.
COLEG CAERDYDD A’R FRO
Gradd Sylfaen mewn Addysg, Dysgu a Datblygu
BA (Anrh) Addysg, Dysgu a Datblygu (Atodol)
BA (Anrh) Addysg
Gradd Sylfaen mewn Celf a Dylunio
Gemau Cyfrifiadurol
BA (Anrh) Celf Gemau
BA (Anrh) Dylunio Gemau
Cyfrifiadurol
Gradd Sylfaen mewn Seicoleg
BSc (Anrh) Seicoleg
Tystysgrif AU mewn
Camddefnyddio Sylweddau
BSc (Anrh) Troseddeg a Chyfiawnder
Troseddol
BA (Anrh) Gwasanaethau Cyhoeddus
Tystysgrif Broffesiynol (ProfCe) mewn Addysg a Hyfforddiant Ôl-
COLEG
Tystysgrif Raddedig Broffesiynol mewn Addysg (PgCE) mewn Addysg a Hyfforddiant Ôl-Orfodol (AHO)
Tystysgrif Addysg i Raddedigion (TAR) mewn Addysg a Hyfforddiant Ôl-Orfodol (AHO)
EIN HYMRWYMIAD
SIARTER
Datblygir y Siarter Myfyrwyr ar y cyd gan y Brifysgol ac Undeb y Myfyrwyr. Mae’n egluro ymrwymiad y Brifysgol i weithio mewn partneriaeth â chi i ddarparu profiad o ansawdd uchel o fod yn fyfyriwr a’ch helpu i gyflawni llwyddiant personol ac academaidd. Am ragor o wybodaeth, ewch i: www.decymru.ac.uk/ gwerthoedd
Y GYMRAEG
Gallwch wella a defnyddio'r Gymraeg wrth astudio cwrs PDC. Gall myfyrwyr astudio rhai cyrsiau'n ddwyieithog. Os nad oes cyfleoedd dwyieithog, gall myfyrwyr barhau i gyflwyno eu gwaith yn Gymraeg. Gallwch hefyd ddewis lleoliad profiad gwaith cyfrwng Cymraeg. I ddysgu mwy, cysylltwch â'r hyrwyddwr dwyieithog yn eich coleg, neu ewch i www.decymru.ac.uk
HYGYRCHEDD
Mae Prifysgol De Cymru wedi ymrwymo i ddatblygu gwefannau a chyhoeddiadau sy'n gwbl gynhwysol. Rydym yn gwneud pob ymdrech i sicrhau bod pob tudalen ar y wefan ac mewn cyhoeddiadau yn cydymffurfio â chanllawiau hygyrchedd. Oherwydd maint a chymhlethdod presenoldeb gwe'r Brifysgol, mae hon yn broses barhaus. Er mwyn gwneud ein cyhoeddiadau mor hygyrch â phosibl, rydym yn cynnig dwy ffordd o gael mynediad atynt, eu gweld a'u darllen. Gallwch naill ai eu darllen drwy'r platfform ISSUU neu eu gweld ar-lein a lawrlwytho PDF. Mae'r ffeil PDF wedi'i datblygu i fod yn hygyrch. Yna rydym yn defnyddio'r union ffeil hon ac yn ei lanlwytho i ISSUU i gadw cynifer o'r nodweddion hygyrchedd â phosibl trwy'r platfform. I ddarllen pa nodweddion hygyrchedd sydd wedi'u gweithredu o fewn y PDF, ewch i'n gwefan. Os oes gennych
unrhyw gwestiynau neu adborth ynghylch hygyrchedd y wefan hon neu ein cyhoeddiadau, neu os cewch chi unrhyw anawsterau, cysylltwch â ni.
I gael cymorth gyda hygyrchedd, ebostiwch accessibility@southwales.ac.uk
I gael cymorth gydag anableddau neu anghenion ychwanegol, anfonwch e-bost at disabilityadviser@southwales. ac.uk
CYN I CHI WNEUD CAIS
Mae'r Brifysgol yn adolygu ei phortffolio o gyrsiau yn rheolaidd i sicrhau ein bod yn darparu'r ansawdd gorau posibl. Rydym hefyd yn diweddaru ac yn adolygu cynnwys cyrsiau yn ôl yr angen i sicrhau ei fod yn parhau i fod yn berthnasol ac yn gyfredol. Rydym yn cynghori ymgeiswyr yn gryf i wirio gwefannau ein colegau partner a'n gwefan i gael y wybodaeth ddiweddaraf am gyrsiau, cynnwys cyrsiau, gofynion mynediad a chostau ychwanegol cyn cyflwyno eu cais.
GWYBODAETH DDEFNYDDIOL
YNGLYN Â’R CANLLAW
HWN
Mae'r canllaw hwn yn rhoi arweiniad cyffredinol ac nid yw'n rhan o unrhyw gontract. Mae'r wybodaeth a roddwyd wedi'i chynhyrchu ymhell cyn cyflwyno'r cyrsiau a amlinellir ar gyfer myfyrwyr sy’n disgwyl dechrau'r
Brifysgol ym mlwyddyn academaidd 2025-26. Er y credir ei fod yn gywir ar adeg cynhyrchu, dylid edrych ar ein gwefan, a /neu wefannau coleg partner i weld y sefyllfa ddiweddaraf. Mae’r
Brifysgol yn cadw’r hawl i ddiwygio neu derfynu cyrsiau, neu newid cyfleusterau, mewn ymateb i amgylchiadau y tu hwnt i’w rheolaeth neu pan fydd yn ystyried ei bod yn rhesymol ac angenrheidiol gwneud hynny. Bydd y Brifysgol yn ymdrechu i ymateb i newid drwy ymgynghori â'r rhai yr effeithir arnynt a/neu gymryd camau adferol i'w helpu.
SICRWYDD ANSAWDD
Mae logo diemwnt QAA a 'QAA' yn nodau masnach cofrestredig yr Asiantaeth Sicrwydd Ansawdd ar gyfer Addysg Uwch ac yn dangos bod y Brifysgol wedi cael adolygiad annibynnol o safon y ddarpariaeth addysg uwch, ac wedi cyflawni canlyniad llwyddiannus.
DYLUNIAD
Cynhyrchwyd gan adran Myfyrwyr y Dyfodol. Diolch yn fawr iawn i bawb sydd wedi helpu gyda'r prosiect hwn.
Argraffu a Dyluniad:
Argraffu a Dylunio PDC
STATWS ELUSEN
Mae Prifysgol De Cymru yn elusen gofrestredig. Rhif cofrestru 1140312.
GRWP PRIFYSGOL DE CYMRU
Mae Grŵp Prifysgol De Cymru yn cynnwys Prifysgol De Cymru, Y Coleg Merthyr Tudful, a Choleg
Brenhinol Cerdd a Drama Cymru.
