Gyrfaoedd PDC Canllaw i Raddedigion
CYNNWYS
Addewid Cymorth Gyrfaoedd PDC
Buddion i Gyn-fyfyrwyr
Hunangyflogaeth – Mentergarwch a’r Stiwdio Sefydlu
Astudiaeth Bellach – Ysgol Ôl-raddedig
Trosglwyddo o Fyfyriwr i Weithiwr Proffesiynol.
Archwilio eich opsiynau
Llwybr Gyrfa i Raddedigion
Cymorth gyda Cheisiadau a Recriwtio
Dechrau Gwaith
Anabledd yn y Gwaith ac Iechyd Meddwl
Lles Ariannol
Cadw mewn Cysylltiad â’r Arolwg Canlyniadau i Raddedigion
Rhestr wirio
SGANIWCH I YMWELD GYRFAOEDD PDC P'UN A YDYCH YN EICH BLWYDDYN OLAF NEU WEDI GRADDIO O FEWN Y DDWY FLYNEDD DDIWETHAF, MAE'R CANLLAW YMA I'CH HELPU I LYWIO'CH CAMAU NESAF - O GYNLLUNIO GYRFA A CHWILIO AM SWYDD I ASTUDIAETHAU PELLACH, LLES, A CHADW MEWN CYSYLLTIAD Â PDC.
Gyrfaoedd PDC
Canllaw i Raddedigion
EICH DYFODOL, EIN FFOCWS; ADDEWID GYRFAOEDD PDC
CEFNOGI CHI AR ÔL GRADDIO
Llongyfarchiadau! Rydych wedi gweithio’n galed, a nawr rydych ar fin cymryd y cam mawr nesaf ar ôl eich amser yn y brifysgol. Yng Ngyrfaoedd PDC, nid yw ein cefnogaeth yn dod i ben pan fyddwch chi’n graddio.
BETH MAE HYN YN EI OLYGU I CHI?
Os ydych yn fyfyrwyr presennol neu graddedigion diweddar o fewn 2 flynedd mae gennych fynediad at gyngor arbenigol, cefnogaeth chwilio am swyddi, cyfleoedd rhwydweithio a llu o adnoddau i’ch helpu i gyrraedd eich nodau gyrfa pryd bynnag rydych eu hangen.
EICH
BUDDION UNIGRYW FEL GRADDEDIG
PDC:
Darllenwch ein Canllaw Dyfodol a Graddedigion Blwyddyn Olaf ar CyswlltGyrfaoedd i archwilio'r cynnig llawn gan Yrfaoedd Graddedigion Prifysgol De Cymru i'n holl fyfyrwyr blwyddyn olaf a graddedigion diweddar
Adnoddau Gyrfa Ar Alw – Mynediad am ddim, 24/7 trwy FyNgyrfa i’ch helpu i lywio’r farchnad swyddi.
Bwrdd Swyddi Graddedigion – Parhewch i ddefnyddio ein porth gyrfaoedd ar-lein i ddod o hyd i swyddi graddedigion ac opsiynau ar CyswlltGyrfaoedd. Cofrestrwch i gael negeseuon swyddi rheolaidd!
Digwyddiadau Gyrfaoedd PDC – Mynychwch weithdai, sesiynau rhwydweithio a chyflogwyr, a digwyddiadau mewnwelediad i’r diwydiant. Archebwch drwy eich mynediad graddedig i CyswlltGyrfaoedd
Gwobr Camu ‘Mlaen – Gwella’ch cyflogadwyedd drwy gwblhau ein gwobr datblygu gyrfa.
Cefnogaeth Gyrfa Un-i-Un – Cyflwynwch ‘Gofynnwch Gwestiwn’ ar-lein i ofyn cwestiwn sy’n ymwneud â gyrfa. Gallwch hefyd gyflwyno CVs, llythyrau cais, a ffurflenni cais i’w gwirio wrth wneud cais am gyfleoedd. Yn ogystal, gallwch greu apwyntiad ar-lein neu wyneb yn wyneb ar unrhyw gampws am gyngor a chanllawiau gyrfa wedi’u teilwra’n benodol i chi.
Meddwl am Llawrydd neu Ddechrau Busnes? Rydym hefyd yn cefnogi graddedigion sydd â diddordeb mewn gweithio’n llawrydd neu ddechrau eu busnes eu hunain. Mae ein tîm Menter Gyrfaoedd yma i’ch helpu i ddatblygu, profi a lansio eich syniadau busnes.
Gyrfaoedd PDC Canllaw i Raddedigion
Os gwnaethoch raddio fwy na dwy flynedd yn ôl, mae cannoedd o swyddi gwag ar CyswlltGyrfaoedd PDC yn dal i fod ar gael i chi eu pori a gwneud cais amdanynt. Mae ein hystod eang o adnoddau datblygu gyrfaoedd, cymorth recriwtio a gwybodaeth hefyd ar gael i chi eu defnyddio ar alwad 24/7. Gallwch hefyd ddewis cael mynediad at gymorth ychwanegol gan eich gwasanaeth gyrfaoedd allanol agosaf:
BAROD I DDECHRAU?
Nid yw eich taith yn dod i ben wrth raddio - dim ond dechrau mae hi! P’un a ydych angen cyngor gyrfa nawr neu yn y dyfodol, bydd Gyrfaoedd PDC yma i helpu bob amser. Ewch i FyNgyrfa, mewn cofnodwch i CyswlltGyrfaoedd, neu cysylltwch drwy ‘Gofynnwch Gwestiwn’.
GYRFA CYMRU
NATIONAL CAREERS SERVICE (LLOEGR)
SKILLS DEVELOPMENT SCOTLAND
NORTHERN IRELAND CAREERS SERVICE
SGANIWCH I YMWELD Â
CAREERSCONNECT
BUDDION I GYN-FYFYRWYR
EICH RHWYDWAITH
RADDEDIGION - RYDYCH
CHI'N RHAN O GYMUNED
FYD-EANG O DROS
250,000 O
RADDEDIGION
ANHYGOEL PDC. RYDYN
NI YMA I'CH CEFNOGI
CHI AC I ARDDANGOS
EICH DAWN AM OES AR ÔL GRADDIO.
CADWCH MEWN
CYSYLLTIADSICRHEWCH EICH BOD
YN DIWEDDARU EICH
MANYLION CYSWLLT ER
MWYN I NI ALLU RHOI’R
DIWEDDARAF I CHI AM
BOPETH SY’N DIGWYDD
YN EICH CYMUNED ALUMNI.
Yr Arolwg Canlyniadau
Graddedigion yw’r arolwg blynyddol mwyaf yn y DU ac mae’n cael ei anfon at bob myfyriwr graddedig 15 mis ar ôl iddynt orffen cwrs Addysg Uwch. 15 mis ar ôl gorffen eich cwrs byddwch yn derbyn dolen arolwg unigryw trwy e-bost a/neu neges destun I gwblhau’r ffurflen, felly mae’n bwysig iawn cadw’ch manylion cyswllt yn gyfredol.
MANTEISION BOD YN GRADDEDIG PDC:
Mae manteision bod yn myfyriwr graddedig o PDC yn ymestyn y tu hwnt i’ch graddio – o ddathlu eich llwyddiant i gomisiynu gwaith, rydym yma i’ch cefnogi CHI!
Mae pawb wrth eu bodd â gostyngiad ac fel myfyriwr graddedig PDC efallai mae gennych fynediad at arian oddi ar astudiaethau ôl-raddedig, cyrsiau hyfforddi proffesiynol a mwy. Yn ogystal, mae gennych fynediad at amrywiaeth o ysgoloriaethau a bwrsariaethau i’ch cefnogi gyda’ch astudiaethau pellach.
Rydyn ni’n cydnabod gwerth eich talent ac yn chwilio’n barhaus am gyfleoedd lle gallwn gynnig gwaith a thâl pan fo modd.
Ysbrydolwch y genhedlaeth nesaf drwy gyfrannu’n ôl i PDC –boed hynny trwy weithgareddau gwirfoddol fel siarad cyhoeddus, partneriaethau mentora, digwyddiadau panel neu ymddangos ar ein sianeli cymdeithasol, mae pob cyfraniad yn gwneud gwahaniaeth.
Rydyn ni’n falch o ddathlu ac arddangos eich straeon amrywiol ac ysbrydoledig drwy godi proffil eich llwyddiannau.
Rydyn ni’n eich cadw mewn cysylltiad â’r Brifysgol gyda newyddion, digwyddiadau, diweddariadau, a chyfleoedd rheolaidd
Mae’r tîm Cysylltiadau Cyn-fyfyrwyr ar gael i gefnogi eich ceisiadau ac ateb unrhyw gwestiynau sydd gennych.
CYNIGION A GOSTYNGIADAU:
Gall cyn-fyfyrwyr a phobl o’r gymuned leol dros 18 oed ymuno â Llyfrgell PDC am ddim. Mae hyn yn rhoi’r hawl i chi fenthyca 2 eitem o’r Llyfrgell.
Fel myfyriwr graddedig o Brifysgol De Cymru mae gennych hawl i ostyngiad cyn-fyfyrwyr ar holl aelodaeth ParthFfit. Gyda mynediad i gyfleusterau fel y gampfa, ystafell gryfder a dosbarthiadau iechyd a ffitrwydd heb unrhyw gost ychwanegol!
Rhowch y fantais i chi'ch hun gyda chymhwyster ôl-raddedig neu broffesiynol o Brifysgol De Cymru! Mae gennym ystod eang o gyrsiau i'w cynnig a gall graddedigion gael hyd at 20% i ffwrdd.
Argraffu a Dylunio PDC - P'un a ydych am ailfrandio'ch busnes, lefelu'ch cynnwys cyfryngau cymdeithasol neu argraffu graffeg arddangos, mae Argraffu a Dylunio PDC wrth law i helpu. Mae gan raddedigion hawl i 10% oddi ar holl wasanaethau Argraffu a Dylunio Prifysgol De Cymru.
HUNANGYFLOGAETH
MEDDWL AM LLAWRYDD NEU
DDECHRAU BUSNES?
Rydym hefyd yn cefnogi graddedigion sydd â diddordeb mewn gweithio’n llawrydd neu ddechrau eu busnes eu hunain. Mae ein tîm
Menter Gyrfaoedd penodol yma i’ch helpu i ddatblygu, profi a lansio eich syniadau busnes. Ni waeth ble rydych chi yng nghyflwyniad eich taith entrepreneuriaeth, mae cymorth ar gael i chi:
Apwyntiadau Menter Un-i-Un – Derbyn arweiniad arbenigol ar eich syniadau busnes.
Cymorth Ariannu – Gwneud cais am gyllid i gychwyn eich busnes
Mynediad unigryw i Ddeoryddion Busnes
Stiwdio Sefydlu – Gallwch weithio o’n canolfannau busnes yng Nghaerdydd, Casnewydd, neu Drefforest, am ddim.
Adnnoddau Menter Ar-Alw – Archwiliwch
CyswlltGyrfaoedd am gymorth cychwyn busnes, gan gynnwys Dyfarniad Camu ‘Mlaen Cychwyn Busnes.
STIWDIO
SEFYDLU
Yn y Stiwdio Sefydlu, mae gennym 3 chyflyrwyr busnes (Caerdydd, Casnewydd a Threfforest), gyda dros 90 o entrepreneuriaid graddedig yn defnyddio ein cefnogaeth.
Rydym yn cynnig rhaglen gefnogaeth busnes ar gyfer dechrau busnes, lle gwych i weithio, a’r cyfle i ehangu eich cysylltiadau busnes trwy ein rhwydweithiau a’n digwyddiadau amrywiol.
Rhwydwaith - Mynediad i arbenigwyr yn y diwydiant a mentora i dyfu eich busnes.
Ddeoryddion - Aelodaeth am ddim i raddedigion PDC hyd at 3 blynedd o raddio
Cyd-weithio - Lle croesawgar i ddod â’ch cleientiaid. Opsiwn i ymgymryd â gofod swyddfa wrth i’ch tîm dyfu.
Digwyddiadau - Mynediad i ddigwyddiadau, siaradwyr a rhwydweithiau busnes.
Asiantaeth Ystadegau Addysg Uwch (HESA), yn seiliedig ar ddata 2023/24 ac wedi'i gyhoeddi yn 2025
ASTUDIAETH BELLACH
Gall ymgymryd ag astudiaeth ôl-raddedig fod yn ffordd wych o ddatblygu eich gyrfa neu archwilio maes o ddiddordeb. Edrychwch ar y canllaw astudio ôl-raddedig ar wefan Prospects.
Bydd cwrs ôl-raddedig yn ehangu eich gorwelion, yn eich ysbrydoli i edrych ar y byd mewn ffyrdd newydd a datgloi eich potensial.
Mae ymuno ag un o’n Digwyddiadau Agored yn ffordd ddelfrydol o ddarganfod mwy am ein cyrsiau ôl-raddedig rhan-amser a llawn amser, yn ogystal â chymwysterau ôl-gofrestru ar gyfer gweithwyr gofal iechyd proffesiynol. Darganfyddwch y dyddiau diweddaraf yma; Dyddiau Agored Ôl-raddedig Prifysgol De Cymru.
ARIANNU EICH ASTUDIAETHAU ÔL-RADDEDIG
Mae yna nifer o ffyrdd i ariannu eich astudiaeth ôl-raddedig. Gall hyn fod trwy gyllid myfyrwyr, bwrsariaethau neu gymorth gan grantiau, ymddiriedolaethau ac elusennau (gweler Ariannu Amgen), neu gyfuniad o'r tri.
GOSTYNGIAD I GYN-FYFYRWYR ÔL-RADDEDIG; 20%
Mae Prifysgol De Cymru yn cynnig gostyngiad o 20% mewn ffioedd dysgu i'r holl raddedigion Prifysgol De Cymru (yn amodol ar delerau ac amodau).
FFIOEDD A CHYLLID I FYFYRWYR RHYNGWLADOL
Rydym yn deall mai buddsoddiad ariannol sylweddol yw astudio yn y DU, felly rydym yn gwneud astudio ym Mhrifysgol De Cymru yn fforddiadwy drwy sicrhau bod ein ffioedd dysgu yn gystadleuol. Cliciwch yma am ragor o wybodaeth
Gyrfaoedd PDC Canllaw i Raddedigion
MEISTROLWCH EICH YFORY
CYRSIAU HYBLYG
Mae llawer o'n myfyrwyr yn dychwelyd i ddysgu, ac yn ffitio astudiaeth ôl-raddedig o amgylch gwaith, teulu ac ymrwymiadau eraill. Rydym yn mabwysiadu agwedd realistig at ddysgu ac yn cynnig llawer o gyrsiau rhan-amser neu drwy ddysgu o bell.
HYBU GYRFAOEDD LLWYDDIANNUS
Mae Gyrfaoedd PDC yn cefnogi myfyrwyr gyda chyngor gyrfaoedd, clinigau CV, profiad gwaith, rhwydweithio a mwy. Gan weithio gyda dros 3,500 o sefydliadau ledled y byd, gallwn eich cysylltu â'ch darpar gyflogwr.
DYSGU A DARLITHWYR ARBENIGOL
Mae llawer o'n darlithwyr ar flaen y gad yn eu meysydd, yn cynhyrchu ymchwil sy'n arwain y byd ac yn cyfrannu at ddatblygiadau yn eu maes arbenigedd. Mae ein hymchwil yn llywio ein cyrsiau, felly dysgir y meddwl diweddaraf i fyfyrwyr.
CEFNOGAETH EITHRIADOL
Rydym yn gofalu am ein myfyrwyr, felly gallwch fod yn sicr y byddwn yn bodloni eich holl anghenion. Mae digon o gymorth dysgu ar gael, gyda llyfrgelloedd ar bob campws a digon o adnoddau a gwasanaethau ar-lein.
TROSGLWYDDO O FYFYRIWR I WEITHIWR PROFFESIYNOL
MAE GRADDIO’N GARREG FILLTIR
GYFFROUS - AC MAE’N UN RYDYCH
YN HAEDDU EI DDATHLU!
Wrth i chi nesáu at fywyd ar ôl graddio, mae’n amser dechrau meddwl am eich camau nesaf a sut rydych am lunio eich hunaniaeth broffesiynol. Nid myfyriwr ydych chi bellach - rydych yn dod yn weithwyr proffesiynol yn eich maes, yn barod i wneud eich lle yn y byd gwaith. I wneud argraff gref, mae’n bwysig newid eich meddylfryd a dechrau adeiladu brand personol sy’n dangos i gyflogwyr pwy ydych chi a beth sydd gennych i’w gynnig.
DECHREUWCH GYDA HUNAN FYFYRIO
Deall eich hun yw’r sylfaen ar gyfer adeiladu gyrfa lwyddiannus. Cymerwch amser i fyfyrio ar eich diddordebau, nodau, cryfderau a’ch cyflawniadau. Mae cyflogwyr yn gwerthfawrogi dilysrwydd a brwdfrydedd, felly bydd cael stori glir am pam eich bod yn ymddiddori mewn rôl neu ddiwydiant penodol yn eich helpu i sefyll allan. Meddyliwch y tu hwnt i’ch gradd – mae eich sgiliau’n deillio o amrywiaeth o brofiadau, gan gynnwys swyddi rhan-amser, gwirfoddoli, lleoliadau, a gweithgareddau allgyrsiol. Bydd nodi’r sgiliau trosglwyddadwy hyn yn rhoi’r hyder i chi gyfleu’ch gwerth i gyflogwyr.
BERCHEN AR EICH STORI
CREU EICH CYFLWYNIAD PROFFESIYNOL
Unwaith y byddwch wedi myfyrio ar eich sgiliau a’ch nodau, mae’n bryd eu rhoi mewn geiriau. Mae’ch cais proffesiynol yn grynodeb byr a chraff o bwy ydych chi, y sgiliau a’r profiad rydych yn eu cynnig, beth sy’n eich gwneud yn unigryw, a’r hyn rydych am ei gyflawni. Cadwch ef yn gryno ac yn hyderus – mae’n rhywbeth y gallwch ei ddefnyddio wrth gyflwyno’ch hun i gyflogwyr posibl neu gysylltiadau rhwydweithio. Dyma ddolen i’r adnodd ‘ELEVATOR PITCH BUILDER – Eich crynodeb 60eiliad i ymgysylltu diddordeb y gwrandäwr’ ar FyNgyrfa.
DIWEDDARWCH EICH OFFER PROFFESIYNOL
Gwnewch yn siŵr bod eich CV a’ch proffil LinkedIn yn adlewyrchu eich hunaniaeth broffesiynol newydd:
• Cynhwyswch eich manylion cyswllt, proffil personol (fersiwn fer o’ch cais), addysg, profiad gwaith perthnasol, a’r sgiliau pwysicaf sydd gennych.
• Cadwch eich proffil LinkedIn yn gyfredol a dechreuwch ei ddefnyddio’n weithredolcysylltwch ag eraill yn eich sector neu gyda sefydliadau rydych yn awyddus i weithio iddynt, ymatebwch i fostiau, a rhannwch eich mewnwelediadau eich hun.
Mae’r ffordd mae eraill yn dy weld yn adlewyrchu’r ffordd rwyt ti’n gweld dy hun. Os yw’r cam o fod yn fyfyriwr yn weithiwr proffesiynol yn teimlo’n frawychus, cofia faint rwyt ti eisoes wedi’i gyflawni. Rwyt wedi gweithio’n galed i ennill dy radd ac wedi datblygu cyfuniad unigryw o sgiliau a phrofiadaunawr mae’n bryd i ti gamu allan. Po fwyaf rwyt ti’n rhannu dy stori ac yn ymgysylltu a’r rhwydwaith proffesiynol, y mwyaf hyderus y byddi di’n dod. RWYT TI’N GALLU GWNEUD HYN - NAWR YW’R AMSER I GYMRYD Y CAM NESAF GYDA HYDER.
i Raddedigion
ARCHWILIO DY OPSIYNAU
Ddim yn siŵr beth i’w wneud nesaf? Paid a phoeni, rwyt ti ddim ar dy ben dy hun. Dydy pawb ddim yn deffro’n gwybod yn union beth maen nhw eisiau ei wneud gyda’u gyrfa. I lawer o bobl, mae dod o hyd i’r llwybr cywir yn golygu trio a methu, mentro allan o’ch parth cysur, bod yn chwilfrydig, a darganfod beth rydych chi’n ei fwynhau wrth i chi fynd yn eich blaen. Y peth pwysig yw cymryd y cam cyntaf hwnnw. Isod, rydym wedi cynnwys ambell awgrym defnyddiol i dy helpu i gychwyn.
AWGRYMIADAU
Anfon neges atom dryw’r system CyswlltGyrfaoedd gan ddefnyddio’r opsiwn ‘Gofynnwch Gwestiwn’ – gallai fod yn unrhyw beth o gwestiynau am lwybrau gyrfa i wirio ceisiadau!
Dechrau archwilio’n hadnoddau ar-lein ar FyNgyrfa. Mae’r adnoddau hyn ar gael 24/7, felly rwyt ti’n gallu defnyddio pryd bynnag rwyt ti eu hangen.
Edrych ble mae graddedigion dy gwrs di bellach yn gweithio ar LinkedIn ac archwilio’r cyfleoedd swyddi sydd ar gael yno gan sefydliadau sy’n cymryd dy ddiddordeb.
Archwilio dy opsiynau ar yrfa a gweld i ble gall dy radd dy arwain ar wefan
Prospects.ac.uk | Beth gallaf i'w wneud gyda fy ngradd?
Pan wyt ti’n ystyried opsiynau gyrfaol , gall fod yn ddefnyddiol deall dy fath o bersonoliaeth a myfyrio ar sut gallai hyn ddylanwadu ar dy ddewis gyrfa. Dyma rai profion y gelli di eu gwneud ar-lein:
Cwis Buzz – prawf personoliaeth 5 munud i helpu i ddarganfod beth sy’n dy ysgogi.
16Personalities – caiff hyn dy helpu i ddeall pwy rwyt i’n gweithredu fel rwyt ti’n gwneud. Mae’n cynnwys llwybrau gyrfaol a chyngor ar arferion yn y gweithle.
TypeFinder – darganfod y nodweddion a’r rhinweddau sy’n dy wneud yn unigryw; Personality Test of Myers & Briggs' 16 Types | TypeFinder®
Trefna apwyntiad gydag un o’n Hymgynghorwyr Gyrfaoedd drwy archebu apwyntiad ar lein: https://bit.ly/uswcareersappointmentsCC
MEDDWL AGORED
COFIA, ER EI BOD
HI’N WYCH CAEL
DIDDORDEB MEWN
GALWEDIGAETH NEU
DDIWYDIANT
PENODOL, MAE’N
BWYSIG FEL
MYFYRIWR
GRADDEDIG I AROS
YN AGORED I’R HOLL
BOSIBILIADAU SYDD
AR GAEL I TI, AC I
FEDDWL AM Y
SGILIAU
TROSGLWYDDADWY
SYDD GENNYT TI A ALLAI EHANGU DY OPSIYNAU GYRFAOL.
Gyrfaoedd PDC Canllaw i Raddedigion
LLWYBR GYRFA I RADDEDIGION
Pan ddaw hi at lwybrau gyrfa i raddedigion newydd, mae digon o opsiynau i’w hystyried. Rydym wedi cynnwys trosolwg o rai o’r llwybrau mwyaf cyffredin i dy help di i ddechrau archwilio, ond nid yw hon yn rhestr gyflawn o bell ffordd.
CYNLLUN GRADDEDIGION/ RHAGLENNI I RADDEDIGION
Mae’r rhain fel arfer yn raglenni strwythuredig sy’n cynnwys gweithgareddau hyfforddi a datblygu, ac weithiau’n cynnig cylchdroi rhwng gwahanol swyddogaethau neu adrannau o fewn sefydliad. Mae cwmnïau mwy fel arfer yn agor eu ceisiadau ar gyfer cynlluniau graddedigion yn yr Hydref, felly cadwch lygad allan o fis Medi ymlaen ar gyfer cynlluniau sy’n dechrau yn yr haf y flwyddyn ganlynol. Mae rhai cynlluniau’n cynnig sawl cyfle i ymuno drwy gydol y flwyddyn. Gall Gyrfaoedd PDC roi cyngor ar y rhain, felly cysyllta drwy fewngofnodi i CyswlltGyrfaoedd a gosod hysbysiadau swydd. Mae croeso i raddedigion hefyd fynychu unrhyw ddigwyddiadau a ffeiriau gyrfaoedd, lle gelli di ddod o hyd i wybodaeth ac/neu gwrdd a chyflogwyr sy’n cynnig cynlluniau neu raglenni i raddedigion.
LLWYBRAU MYNEDIAD UNIONGYRCHOL
Hyd yn oed os nad yw’r gair ‘myfyriwr graddedig’ yn ymddangos mewn teitl swydd, dydy hynny ddim yn golygu nad yw’r swydd yn addas i raddedigion newydd. Mae llawer o swyddi lefel mynediad sy’n gofyn am sgiliau uchel ar gael, ac mae'r rhain yn gallu bod yn ffordd wych i raddedigion adeiladu profiad a gweithio drwy’r sefydliad.
HUNANGYFLOGAETH/ GWAITH LLAWRYDD
Mewn llawer o swyddi a sectorau, mae’n fwyfwy cyffredin i bobl weithio drostyn nhw eu hunain neu i sefydliadau mewn ffordd ‘hunangyflogedig’. Mae hyn yn golygu dy fod yn bennaeth ar dy ‘fusnes’ dy hun. Ti sy’n penderfynu pwy rwyt ti’n gweithio i, pryd rwyt ti’n gwneud y gwaith hwnnw, ac yn trafod tâl am y gwaith. Rydym yn cynnig cyfeirio at gymorth arbennigol y gall graddedigion ei gael i’w helpu i archwilio mentergarwch ac i dyfu eu busnes. Gall graddedigion hefyd archwilio ein gwefan gyngor mentergarwch ar-lein yma.
INTERNIAETHAU
Fel arfer, mae interniaethau ar gyfer cyfnod penodol o amser (sy’n gallu amrywio’n sylweddol). Gall graddedigion ddisgwyl cael gwaith penodol i’w wneud yn ystod y cyfnod hwn, fel arfer ochr yn ochr â gweithwyr y cwmni, er mwyn ehangu eu profiad a hwyluso’r trosglwyddiad i’r byd gwaith. Gall interniaethau tymor fwy fod yn debyg iawn i raglenni graddedigion. Ar gyfer cyfleoedd gwaith tymor byr, gall graddedigion hefyd chwilio am ‘swyddi cyfnod penodol’ ond efallai na fydd y swyddi hyn yn cynnig yr un lefel o hyfforddiant a chefnogaeth ag interniaethau fel arfer.
ÔL RADD / ASTUDIO PELLACH
Mae rhai gweledigaethau’n gofyn i unigolion ennill cymhwyster lefel ôl-radd ychwanegol. Rydym yn argymell bod graddedigion yn gwirio a yw hyn yn ofyniad ar gyfer y swydd neu’r llwybr gyrfa y maent yn dymuno ei ddilyn. Rydym wedi cynnwys mwy o wybodaeth am astudio ôl-radd yn y canllaw hwn ar dudalen 8.
i Raddedigion
CEFNOGAETH AR GYFER CEISIADAU / RECRIWTIO
Yn barod i wneud cais am swyddi ond ddim yn siŵr ble i ddechrau nac ynghylch sut i lywio’r broses ymgeisio? Rydym yma i helpu. Boed eich bod yn chwilio am swydd neu’n ystyried astudio ymhellach, mae cymorth ar gael ar bob cam o’r daith.
Gan fod llawer o gyflogwyr graddedigion yn defnyddio ceisiadau ar-lein fel rhan o’u broses recriwtio, mae’n bwysig bod yn barod i farchnata dy hun yn effeithiol ac i ddangos dy sgiliau a chymwyseddau.
Gyda chyflogwyr yn derbyn niferoedd mawr o geisiadau, bydd angen i ti ddeall pa sgiliau maen nhw’n chwilio amdanyn nhw er mwyn creu argraff ar unwaith. Sicrha dy fod yn dangos beth rwyt ti wedi’i gyflawni ac yn amlygu’n glir pam rwyt ti’n addas ar gyfer y rôl. Parhewch i ddarllen a darganfod sut i sefyll allan o’r dorf (yn y lle cyfyng sydd ar ffurflen gais), a sicrhau’r cyfweliad hollbwysig hwnnw!
CYMERWCH YR AMSER I BARATOI
Paid â dechrau llenwi’r ffurflen gais yn syth.
MYFYRIA AR DY ALLUOEDD
Bod yn glir ynghylch sut rwyt ti’n bodloni meini prawf y swydd a’r gwerth rwyt ti’n gallu ei gynnig i’w sefydliad.
CREU ARGRAFF GYNTAF WYCH
Drwy ymchwil sy’n helpu di ddeall y rôl, y sefydliad a’r sector mae’n rhan ohono.
RHOI TYSTIOLAETH
Ateb gofynion y cyflogwr gydag enghreifftiau penodol sy’n dangos dy fod yn bodloni’r meini prawf dethol.
CHWILIO
AM STEIL YSGRIFENNU CRYNO
Sefyll allan o’r dorf gyda chais sy’n fyr, cryf ac yn cyfleu’n glir sut rwyt ti’n bodloni’r meini prawf.
GWNEUD Y GWAITH
Cwblhau’r cais mewn pryd fel bod modd i ti ei wirio eto a’i anfon mewn ar amser. Paid â cholli’r dyddiad cau!
SGANIWCH I YMWELD Â MYCAREER
Gyrfaoedd PDC Canllaw i Raddedigion
Fel myfyriwr graddedig newydd, rwyt ti’n dal i gael mynediad llawn at holl wasanaethau Gyrfaoedd PDC ar gyfer cyngor ac arweiniad arbenigol. Yn ogystal, rwyt ti’n parhau i gael mynediad at dechnoleg deallusrwydd artiffisial (AI) drwy borth cyflogadwyedd Gyrfaoedd, FyNgyrfa. Mae hyn yn cynnwys teclyn gwirio CV ar unwaith (CV360) ac efelychydd cyfweliad ymarferol (Interview360).
Rwyt hefyd yn gallu cofrestru ar gyfer hysbysiadau swydd drwy ein system CyswlltGyrfaoedd, lle gelli di chwilio yn ôl sector a/neu leoliad i helpu di ddod o hyd i gyfleoedd gwaith sydd o ddiddordeb i ti. Gallwn dy gefnogi gyda’ch ceisiadau hefyd- naill ai drwy’r opsiwn ‘Gofynnwch Gwestiwn’ neu drwy drefnu apwyntiad gyrfaoedd.
AWGRYMIADAU
Rho gynnig ar yr offer rhyngweithiol AI ar FyNgyrfa – CV360 ac Interview360
Wyt ti wedi cwblhau’r Wobr Barod am Yrfa GradEdge? Gallwch weithio drwy gyfres o sgiliau recriwtio ac adrannau cymorth ar-lein ac ennill tystysgrif DPP fel bonws!
Anfona neges drwy’r opsiwn ‘Gofyn cwestiwn’ os oes angen unrhyw gymorth gyda ffurflen gais
Ymuna a’n tudalen Gyrfaoedd PDC ar LinkedIn, lle rydym yn rhannu gwybodaeth a chyfleoedd cyflogwyr. Gallwch hefyd ymuno a’n grŵp Cymorth Graddedigion PDC (Gwybodaeth am Swyddi/Cyngor a’r grŵp cymunedol Cynfyfyrwyr PDC
SGANIWCH I YMWELD Â
CAREERSCONNECT
DECHRAU SWYDD NEWYDD A DATBLYGU GYRFA
LLONGYFARCHIADAU AR SICRHAU
DY SWYDD NEWYDD!
Wyt ti’n gwybod bod cymorth ar gael gennym ni hyd yn oed ar ôl i ti ddechrau gweithio? Mae hyn yn cynnwys:
Mynediad at ein holl gefnogaeth Gyrfaoedd
PDC – am oes! Felly p'un a ydych chi eisiau help i gael dyrchafiad neu newid rolau, rydym ni yma i chi pryd bynnag y bydd eu hangen arnoch chi!
Gostyngiadau ar ddatblygiad proffesiynol fel cyn-fyfyriwr PDC drwy’r llu o fanteision cynfyfyrwyr sydd ar gael i ti.
Pecyn o adnoddau datblygiad ar-lein wedi’u creu ar gyfer gweithwyr proffesiynol ar ddechrau eu gyrfa, y gallwch eu harchwilio ar FyNgyrfa.
TEITHIO I’R GWAITH - TEITHIO A GOSTYNGIAD
Gall cost teithio i’r gwaith gynyddu’n sylweddol dros amser. I helpu, rydym wedi cynnwys rhai awgrymiadau ar sut i arbed arian wrth deithio i’r gwaith ac yn ôl, os wyt ti’n bwriadu aros yng
Nghymru.
Trafnidiaeth i Gymru
Wyt ti’n gwybod y gellir cael 1/3 oddi ar docyn trên gyda cherdyn trên, ac mae modd cael cerdyn gostyngiad am ddim os wyt ti’n chwilio am waith?
Cynnig tocynnau bws a gostyngiadau
Mae modd gwneud arbedion gwych ar draws Cymru wrth deithio ar fws.
Cerdyn teithio rhatach i bobl anabl yng
Nghymru
Os yw dy brif gyfeiriad yng Nghymru a rwyt ti’n bodloni meini prawf cymhwystra anabledd Llywodraeth Cymru, gelli di deithio’n rhad ac am ddim ar ran fwyaf o wasanaethau bysiau yng Nghymru. Hefyd mae modd cael teithio rhatach neu am ddim ar nifer o wasanaethau trên.
Gofynnwch i’ch cyflogwyr a ydyn nhw’n cynnig unrhyw gynlluniau teithio a gostyngiad neu gynlluniau rhannu ceir. Mae rhai hefyd yn cynnig y cynllun Bike2Work fel budd i weithwyr, sy’n caniatáu i ti brynu beic newydd am bris gostyngol.
PWYSIG
COFIWCH DDIWEDDARU EICH
MANYLION GYDA THÎM Y
CYN-FYFYRWYR I EIN HYSBYSU AM
EICH RÔL NEWYDD, FEL
Y GALLWN
GADW MEWN CYSYLLTIAD Â CHI GYDA
GWYBODAETH CYN-FYFYRWYR
WEDI’I THEILWRA. MAE HYN YN
CYNNWYS GWYBODAETH AM
AROLWG CANLYNIADAU
GRADDEDIGION.
Yr Arolwg Canlyniadau Graddedigion yw’r arolwg blynyddol mwyaf yn y DU, ac fe’i hanfonir at bob graddedig 15 mis ar ôl cwblhau cwrs Addysg Uwch. Felly, 15 mis ar ôl gorffen dy gwrs – byddi di’n derbyn dolen unigryw i’r arolwg drwy e-bost a/neu neges destun, neu fe fydd rhywun yn ffonio i’w gynnal dros y ffôn. Dyna pam mae mor bwysig cadw dy fanylion cyswllt yn gyfredol gyda ni.
i Raddedigion
PETHAU PWYSIG I’W COFIO
MAE PAWB YN DECHRAU RHYWLE
Ac mae gan bawb ddiwrnod cyntaf!
GWIRIWCH YR AMSERLEN
Cyrhaeddwch yn barod ar gyfer pob diwrnod (hyd yn oed os yw ar-lein) a manteisiwch ar bob munud.
NEWID A SYNIADAU FFRES
Yw’r hyn sy’n cadw’r byd yn symud ymlaen ac yn gyfoethog.
CADWCH YN BROFFESIYNOL
Byddwch yn ymwybodol o’ch iaith. Ceisiwch osgoi cymryd rhan mewn unrhyw wleidyddiaeth swyddfa – gall hyn arwain at sefyllfaoedd anodd, ac mae’n well cadw at eich rôl.
CREU ‘FFOLDER MOLIANT’!
Cadwch adborth a chanmoliaeth gadarnhaol rydych chi’n ei dderbyn. Cadwch eitemau’n rheolaidd fel modd i fyfyrio ar eich llwyddiannau a’ch twf! A chofiwch – peidiwch a chymryd adborth ar gyfer gwelliant yn bersonol; mae’n rhan hollol normal o’r gwaith ac yn hanfodol ar gyfer datblygiad personol a phroffesiynol.
CYMERWCH RAN!
Dewch a brwdfrydedd a pharodrwydd i ddysgu. Chwiliwch am gyfleoedd yn eich sefydliad a byddwch yn barod i gamu ymlaen - gobeithiwn y byddwch yn teimlo’n hyderus i fynd amdani!
A CHOFIWCH…
Os nad yw’n addas i chi, nid oes rhaid iddo fod yn barhaol – ond nid yw byth yn wastraff amser chwaith, gan fod pob profiad yn werthfawr rywsut.
BYDDWCH YNOCH CHI EICH HUN
Eich unigrywiaeth yw eich cryfder!
CEISIWCH
FOD YN DDEWR
Lesio’ch barn - mae’ch cyfraniad yn werthfawr!
MAE GWNEUD
CAMGYMERIADAU’N
NORMAL
dyna sut rydym yn dysgu. Rydych chi newydd ddechrau ar eich taith.
ANABLEDD YN Y GWAITH A LLES MEDDWL
DEALL ANABLEDD
Mae ‘anabledd’ yn cynnwys amrywiaeth o gyflyrau iechyd – corfforol, meddyliol, anawsterau dysgu penodol, a chyflyru niwrowhanol. Os ydych chi’n uniaethu ag unrhyw un o’r rhain, mae gennych hawl i gael cymorth ychwanegol wrth chwilio am swydd ac yn y gweithle.
EICH HAWLIAU
O dan Ddeddf Cydraddoldeb 2010, rydych yn cael eich amddiffyn rhag gwahaniaethu wrth wneud cais am swydd a hefyd yn y gweithle. Mae’n ddyletswydd ar gyflogwyr i wneud addasiadau rhesymol i’ch cefnogi i oresgyn unrhyw rwystrau allai godi.
SUT ALLWN NI HELPU
Rydym yn deall bod profiad pob un yn unigryw, ac rydym yma i’ch cefnogi drwy unrhyw heriau y gallech wynebu, gan gynnwys pryderon am rannu gwybodaeth bersonol gyda chyflogwyr.
Rydym yn cynnig cefnogaeth ar bob cam yn eich gyrfa:
Cefnogaeth gyrfa bersonol un-i-un
Gwybodaeth am y farchnad swyddi a rhaglenni mentora
Digwyddiadau ac gweithdai cynhwysol
Cyngor ar gyfleusterau, amrywiaeth, cynhwysiad ac addasiadau rhesymol yn y gweithle.
Cysylltiadau gyda chyflogwyr drwy swyddi, interniaethau, lleoliadau, profiad gwaith a gwirfoddoli.
Beth bynnag yw eich sefyllfa, rydym yma i’ch cefnogi drwy eich trosglwyddiad i’r gweithle. Anfonwch e-bost atom ar careersplus@southwales.ac.uk, er nad ydych yn uniaethu fel person anabl, efallai y byddwch yn dal i fod yn gymwys i gael cymorth.
Adnoddau e-Hub>
Archwiliwch fwy o adnoddau ar e-Hub, sydd wedi’u cynllunio ar gyfer myfyrwyr a graddedigion sydd dan anfantais, i gysylltu eich astudiaethau gyda’ch nodau gyrfa a chefnogi eich llwyddiant.
RHANNU EICH ANABLEDD
Mae penderfynu a ddylid datgelu eich anabledd i gyflogwr yn benderfyniad personol. Efallai y byddwch am ystyried ei grybwyll os nad yw eich perfformiad academaidd yn adlewyrchu eich gallu gwirioneddol. Gall ein Hyfforddwyr Cyflogadwyedd Gyrfa eich helpu i greu’r penderfyniad hwn a chyflwyno eich cryfderau.
ADDASIADAU RHESYMOL
Mae’n ofynnol i gyflogwyr sicrhau y gallwch wneud cais am swyddi ar sail gyfartal. Gall addasiadau rhesymol gynnwys fformatau amgen ar gyfer deunyddiau cais, amser ychwanegol ar gyfer asesu, neu offer arbenigol. Yn y gweithle, gall addasiadau gynnwys newidiadau i’ch amgylchedd neu brosesau gwaith. Rydym yn annog ein myfyrwyr a’n graddedigion i drafod hyn yn fanwl gyda’u cyflogwr a chwilio am y cyngor arbenigol sydd ar gael drwy EmployAbility.
EMPLOYABILITY
Os ydych yn fyfyriwr prifysgol neu’n raddedig diweddar gyda chyflyrau niwrowahanol, iechyd meddwl neu gyflyrau iechyd hirdymor, neu anabledd corfforol, synhwyraidd neu unrhyw anabledd arall, cofrestrwch gyda EmployAbility i gael mynediad i gefnogaeth am ddim a phob math o gyfleoedd.
DOD O HYD I GYFLOGWYR
CYNHWYSOL
Mae llawer o gyflogwyr yn cefnogi ceisiadau gan bobl anabl ac yn cymryd rhan mewn mentrau fel y Cynllun Hyder Anabledd. Edrychwch am arwyddion sy’n dangos eu hymrwymiad i gynhwysiant, megis y symbol hyder anabledd neu bolisi cyfleoedd cyfartal.
CEFNOGI EICH IECHYD MEDDWL YN Y GWAITH
Mae’r newid o fywyd myfyriwr i fywyd gwaith yn sicr o ddod a llawer o newidiadau. Yn ogystal â chael trefn hollol newydd, mae’n debygol y bydd eich bywyd cymdeithasol yn wahanol, a gobeithio, bydd eich cyfrif banc mewn cyflwr gwell hefyd! Gall y cyfnod hwn deimlo’n frawychus, yn enwedig os nad oes gennych lawer o brofiad mewn gweithle. Mae cyngor a chymorth ar gael i’ch helpu i ymdopi a’r newid hwn ar FyNgyrfa, sy’n agored i bob myfyriwr a graddedig – pryd bynnag y bydd ei angen arnoch!
Mae gofalu am eich iechyd meddwl a lles yn hanfodol. Mae edrych ar ôl eich corff, eich emosiynau a’ch meddwl yn allweddol i’ch galluogi i deimlo’n dda ac i berfformio ar eich gorau.
AWGRYMIADAU AR GYFER LLESIANT
Cydbwyso gwaith a bywyd
Nid gwaith yn unig sy’n diffinio llwyddiant. Rhowch flaenoriaeth i amser gyda ffrindiau, teulu, ymarfer corff a hobïau er mwyn cynnal cydbwysedd iach.
Adeiladu Cysylltiadau
Byddwch yn gyfeillgar gyda’ch cydweithwyr. Gall perthnasu cryf roi cefnogaeth i chi ac agor drysau i gyfleoedd newydd.
Cymryd Egwyl
Tynnwch eich hun oddi wrth eich gwaith yn rheolaidd a sicrhewch eich bod yn cael egwyl ginio go iawn i ailwefru.
Derbyn camgymeriadau
Mae gwneud camgymeriadau’n rhan naturiol o’r broses ddysgu. Peidiwch â gadael i hynny eich digalonnidefnyddiwch nhw i dyfu.
Rheoli straen
Ceisiwch adnabod achos eich straen, fel llwyth gwaith trwm, ac ewch ati i’w daclo. Gall arferion iach, fel ymwybyddiaeth ofalgar ac osgoi gormod o gaffîn, helpu i leddfu pryder.
Isod fe welwch rai o’r ffyrdd y gallwch gael mynediad at gymorth ar gyfer llesiant ac iechyd meddwl. Nid rhestr gyflawn yw hon, ond gobeithiwn ei fod yn fan cychwyn da wrth i chi gymryd eich camau nesaf.
Gwasanaeth Lleol y GIG
Mae’r GIG yn cynnig amrywiaeth o wasanaethau iechyd meddwl, gan gynnwys therapïau siarad, cefnogaeth argyfwng a thriniaethau arbenigol. Gallwch gael rhagor o wybodaeth a mynediad at y gwasanaethau hyn drwy eich meddyg.
Mind
Elusen flaenllaw ym maes iechyd meddwl sy’n cynnig gwybodaeth, cymorth ac amrywiaeth o adnoddau i helpu pobl i reoli materion iechyd meddwl. Maen nhw’n darparu llinellau cymorth, grwpiau cymorth lleol ac adnoddau ar-lein.
Samartians
Ar gael 24/7, mae Samaritans yn cynnig cymorth cyfrinachol i unrhyw un sy’n teimlo dan straen neu’n ei chael hi’n anodd ymdopi.
LLES ARIANNOL
RHEOLI ARIAN WRTH DDECHRAU SWYDD RADDEDIG NEWYDD
Mae lles ariannol yn golygu rheoli’ch arian yn ddoeth er mwyn cefnogi’ch anghenion presennol a’ch nodau ar gyfer y dyfodol. Fel graddedig newydd, mae’n syniad da dechrau meddwl am agweddau allweddol ar reoli arian unwaith y byddwch mewn gwaith – megis talu trethi, ad-dalu benthyciadau myfyrwyr, a dechrau arbed. Trwy ddeall eich cyflog, buddion, a phwysigrwydd cynilo nawr, gallwch osod sylfaen ariannol gadarn ar gyfer y dyfodol.
CYNGOR ARIANNOL AM DDIM
Gofynnwch i’ch banc!
Mae llawer o fanciau’n cynnig cyngor a chymorth cynhwysfawr i’ch helpu i ymdopi â chostau byw a rheoli’ch arian yn effeithiol. Does dim rhaid i chi fod yn gwsmer er mwyn manteisio ar y cymorth am ddim hwn bob tro!
MoneyHelper
Mae cyngor ariannol personol, diduedd ac am ddim ar gael ar-lein ac ar y ffôn drwy MoneyHelper.org, sy’n rhan o’r Gwasanaeth
Arian a Phensiynau. Ar wefan MoneyHelper fe welwch hefyd offer defnyddiol, cyfrifianellau, ac arweinlyfrau manwl i’ch helpu i gadw golwg ar eich arian a chynllunio ymlaen llaw.
Citizens Advice
Mae Citizens Advice yn cynnig amrywiaeth o wasanaethau cyngor ariannol am ddim, gan gynnwys cymorth dros y ffôn, sgyrsiau ar-lein ac wyneb yn wyneb.
Traul
Wrth ddechrau eich swydd gyntaf fel graddedig newydd, byddwch yn dod ar draws gwahanol fathau o dreuliau, megis trethi, am y tro cyntaf. Mae deall sut mae’r rhain yn gweithio yn gam pwysig tuag at reoli eich arian yn effeithiol.
Yswiriant Gwladol
Cyfraniad gorfodol yw hwn sy’n helpu i ariannu budd-daliadau a gwasanaethau’r wladwriaeth. Gallwch ddysgu mwy amdano yma.
Treth Incwm
Mae hon yn cael ei didynnu’n awtomatig o’ch cyflog ac yn dibynnu ar faint rydych yn ennill. Mae gwybodaeth fanwl ar gael yma.
Treth y Cyngor
Treth leol yw hon sy’n helpu i ariannu gwasanaethau cymunedol fel casglu sbwriel a chynnal ffyrdd. Cewch ragor o wybodaeth yma.
Benthyciad Myfyrwyr
Fel arfer, bydd ad-daliadau’n dechrau unwaith y bydd eich incwm yn mynd dros drothwy penodol. Gallwch gael canllawiau ar sut i ad-dalu yma.
Pensiynau – Ddim yn rhy gynnar i ddechrau! Gorau po gyntaf y byddwch yn dechrau, y mwyaf o amser sydd gan eich arian i dyfu. Am gyngor wedi’i deilwra ar gyfer gweithwyr ifanc, ewch i wefan Save the Student. Mae’r adnodd hwn yn egluro’r hanfodion am bensiynau, y mathau sydd ar gael, ac yn cynnig awgrymiadau ar sut i ddechrau cynilo hyd yn oed ar gyllideb dynn. Gwelwch hefyd a yw eich cyflogwr yn cynnig gwybodaeth neu gyngor am bensiynau drwy ei dîm AD.
Gyrfaoedd PDC Canllaw i Raddedigion
CADW MEWN CYSWLLT
EICH CYMUNED O GYN-FYFYRWYR
Rydych chi'n rhan o gymuned fyd-eang o dros 250,000 o raddedigion anhygoel PDC. Rydyn ni yma i'ch cefnogi chi ac i arddangos eich dawn am oes ar ôl graddio.
CADWCH MEWN CYSYLLTIAD
Sicrhewch eich bod yn diweddaru eich manylion cyswllt er mwyn i ni allu rhoi’r diweddaraf i chi am bopeth sy’n digwydd yn eich cymuned Alumni.
Diweddarwch eich manylion yma
Mae’n bwysig diweddaru’ch manylion cyswllt, gan y bydd eich cyfeiriad e-bost prifysgol yn cael ei dadactifadu 120 diwrnod ar ôl i chi gwblhau eich cwrs. Felly cofiwch gadw unrhyw beth pwysig o’ch cyfrifon myfyriwr cyn iddo gael ei ddileu!
Rydych chi’n fodel rôl i’n myfyrwyr presennol, ac fe fyddem yn falch iawn o rannu’ch stori lwyddiant gydag eraill. Rydyn ni wrth ein bodd yn rhannu taith ein graddedigion ysbrydoledig a chyd-destunol – gallwch ddarllen mwy am eich cymuned yn ein hastudiaethau achos graddedigion.
DIDDORDEB MEWN GWIRFODDOLI?
Mae rhoi’n ôl i PDC drwy weithgareddau gwirfoddoli fel sgyrsiau unwaith, partneriaethau mentora, digwyddiadau panel neu ymddangos ar ein sianelau cyfryngau cymdeithasol yn gwneud gwahaniaeth mawr. Boed gennych amserlen brysur neu ychydig o amser rhydd, mae gennym gyfleoedd sy’n addas i chi. Cofrestrwch i wirfoddoli yma.
COFIWCH
Cadwch lygad allan am Arolwg Canlyniadau
Graddedigion, a fydd yn cael ei anfon atoch 15 mis ar ôl graddio. Mae hwn yn ffordd wych o roi gwybod i ni beth rydych chi’n ei wneud – ac mae’n cymryd tua 10 munud yn unig i’w gwblhau. Byddwch hefyd yn helpu ni i ddeall y dewisiadau rydych chi wedi’u gwneud ers cwblhau eich cwrs, a sut mae’r rhain yn adlewyrchu’r sgiliau a ddatblygwyd gennych yn ystod eich addysg.
Fe gewch eich cysylltu drwy e-bost, ffôn ac SMS i gwblhau’r arolwg. Bydd yr e-byst yn dod o universityofsouthwales@graduateoutcomes.ac.uk, negeseuon testun gan 'Grad Outcomes', a galwadau ffôn o rif lleol. Mae’r rhain yn gyfathrebiadau dilys gan JISC (sy’n cynnal yr arolwg ar ran pob prifysgol yn y DU) – felly cofiwch ymateb iddyn nhw.
Gyrfaoedd PDC
Canllaw i Raddedigion
RHESTR WIRIO
YDYCH CHI WEDI:
DIWEDDARU EICH MANYLION GYDA THÎM CYMUNED Y CYN-FYFYRWYR PDC
COFRESTRU Â'N CANLLAW GRADDEDIGION AR-LEIN AR CYSWLLTGYRFAOEDD
COFRESTRU Â’R RHYBUDDION SWYDDI AR CYSWLLTGYRFAOEDD
CREU CV DIWEDDAR
CREU A PHOSTIO FEL 'YN CHWILIO AM WAITH' NEU DDIWEDDARU EICH PROFFIL GYDA’CH STATWS RECRIWTIO DIWEDDAR YN EICH CYFRIF LINKEDIN
YMUNO Â'N GRWPIAU LINKEDIN - GRWP CYN-FYFYRWYR A GRWP BWRDD SWYDDI GYRFAOEDD
CWBLHAU DYFARNIAD CAMU ‘MLAEN
DEFNYDDIO EIN HADNODDAU AR-LEIN FYNGYRFA AR GYFER CYMORTH A CHEFNOGAETH GYRFAOEDD
ARCHWILIO HUNANGYFLOGAETH GYDA CHEFNOGAETH GAN Y TÎM MENTER GYRFAOEDD
CYSYLLTIADAU ALLWEDDOL
Cefnogaeth Gyrfa i Raddedigion: https://bit.ly/GyrfaoeddGraddedigion
E-bost: uswgraduatesupport@southwales.ac.uk
Gwybodaeth am Chyn-fyfyrwyr PDC: https://bit.ly/Cyn-fyfyrwyrPDC
E-bost: alumni@southwales.ac.uk
Gwybodaeth astudio ôl-raddedig PDC: https://bit.ly/AstudiaethOl-raddedig
Archebu digwyddiad Agored ôl-raddedig: https://bit.ly/DigwyddiadauAgoredOl-raddedig