BASUIN DEC'23 - JAN '24

BASUIN

NG KERK MONTAGU

DES ’23 – FEB ‘24

1

AMPSDRAERS LERAAR Dr Rupert de Koning 073 366 3777 ds.rupert@ngkmontagu.org LERAAR Ds Suzette Turner 082 961 2004 suzetteluwes@gmail.com SKRIBA Elsabé Wright 023 614 1530 skriba@ngkmontagu.org KOSTERS Elizma Brand Jurie Swart 071 388 7527 ONTVANGS Grieta van der Walt BANKBESONDERHEDE NG Kerk Montagu ABSA Montagu Rekening nr: 1050148161

BELANGRIKE DATUMS

12-14 Jan 18 Jan 19 Jan 21 Jan 22 Jan 28 Jan 3 Feb 4 Feb 15 Feb 16 Feb 24 Feb 26 Feb 1 Maart 3-6 Maart 8 Maart 14 -16 Maart 20 -28 Maart 21 – 23 Maart 29 Maart 31 Maart

Kickstartkamp CSV opleiding en kategese toerusting vergadering Matriekuitslae Familiediens Kerkraadsvergadering Nagmaal en Week van gebed tot 31 Januarie Montagu Cares Mark Pienkvoetekerk Esterbediening afskopaand Pitkosaand “Hoe lyk huisgodsdiens in jou huis” Gemeente ontbyt Kerkraadbegrotingsverg Wêreldbiddag vir vroue Predikante-spanbou Matriekafskeid Passiespel Paasmark #IMAGINE Goeie Vrydag Paasfees

SnapScan kode / SnapLink https://pos.snapscan.io/qr/RVCeN60E

BASUINREDAKSIE Thea Stopforth (Red), dr. Rupert de Koning, Petro Jordaan, Ernie Oosthuizen, Lize Rossouw, ds Suzette Turner, Francois Tredoux, Jean-Marie van der Walt en Elsabé Wright. Die artikels en inligting wat in Basuin gepubliseer word weerspieël nie noodwendig die mening van die redaksie of van alle gemeentelede nie. Die redaksie behou hom die reg voor om alle material te verwerk of te verkort om met begrip te publiseer te word. Ons verwelkom bydraes uit die gemeente en ontvang dit verkieslik per e-pos in MS Word-formaat. Handgeskrewe stukke is egter ook welkom en kan by die kerkkantoor ingehandig word – asseblief teen die sperdatum soos op die kerkkalender aangedui.

Stuur asseblief u bydraes aan: Thea Stopforth (theastopforth@gmail.com) of Ernie Oosthuizen (ernieo@telkomsa.net)

2

Redaksioneel Kersfees word jaar na jaar gevier met blink tooisels, liedere soos ‘Stille Nag’, bome vol blink balletjies met geskenke, gastekamers word keurig voorberei, oordadige uithaal disse, ag en so gaan die lys aan ….moet net nie die Trifle vergeet nie!

Elke jaar, gewoonlik hier by Augustus, besoek die volgende gedagte my: “as ek kon kies om my eie tradisie met my gesin te begin, waar al die fokus net op Jesus is; hoe sal dit lyk? Wat sal ons doen? Hoe kan ons hulde bring aan die grootste Geskenk wat ons reeds ontvang het?”

As ek my oë knip staan ons op Desember se voorstoep en slaan ek maar weer die ou boompie op.

Die kinders is gelukkig, daar is baie blink goed wat oor die jare heen versamel is.

Ons Hemelse Vader nooi ons om hierdie jaar by Sý feestafel aan te sit vir liefde en samesyn. Gaan jy die die uitnodiging aanvaar? Net soos in my Liefkind se skets hier onder: “Mamma, Jesus roep jou… ek roep jou nie”

3

Jesus nooi jou, aanvaar die uitnodiging -

Jean-Marié van der Walt

Die opskrif laat my onmiddelik dink aan gebed. Is gebed dan nie ook Jesus se manier om ons uit te nooi nie? Daai tyd as jy stil word en jou afsonder en die stilte kan ervaar met al jou sintuie, daar ontmoet Jesus jou.

As jy in jou pyn uitroep in gebed, daar is Jesus. As die lewe vir jou te veel raak en jy net die stilte weer wil ervaar, bring Jesus vir jou vrede. Jesus is in gebed, waar ookal jy verkies om jou stilte tyd te hou, dalk in die natuur, dalk in jou kamer, dalk in jou tuin. Waarookal, daar is Jesus teenwoordig.

Elke gebed is ‘n gesprek tussen ons en Jesus en as ons stil genoeg raak kan ons Sy uitnodiging hoor, en hoor hoe Hy met ons praat. Die vraag is dan, hoor jy regtig vir Jesus as julle in gesprek is of rammel jy net jou lysies af en vra jou vrae en soek antwoorde?

Maak tyd vir Jesus. Maak tyd vir stil word. Aanvaar die uitnodiging wat Jesus vir jou stuur om net ‘n draai by Hom te kom maak in jou gejaagde, besige lewe.

Met Kersfees wat amper hier is, maak dit tog net nog meer sin om meer tyd met Jesus te spandeer. Hy het immers aarde toe gekom vir jou en my om ons te bevry van ons sonde en die dood.

Dink in dié tyd weer bietjie diep en hoor Jesus se uitnodiging. Aanvaar Sy uitnodiging en koop die tyd uit.

MATTHËÜS 11:28-30 AFR53 Kom na My toe, almal wat vermoeid en belas is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en julle sal rus vind vir julle siele; want my juk is sag en my las is lig.

Die Gebedsbediening wens almal ‘n geseënde Kersseisoen en ‘n voorspoedige 2024. Bid asseblief soos u hart u lei. Bid vir ons gemeente en sy lidmate, veral ook vir diegene op die Afkondigingsblad.

Die Gebedsgroep nooi u uit om deel te word van ons span en om hierdie spesiale tyd saam by Jesus se voete te sit. Ons Gebedsgroep vergader elke Donderdag om 17:15 te Hofmeyer straat 10, Montagu. Vir meer inligting skakel of whatsapp my gerus.

Gebedsversoeke en bydraes kan ook deur whatsapp gestuur word na die nommer hier onder. Maak asseblief seker van u feite voor u enige iets stuur en hou dit asseblief kort.

Gebedsgroete Jean-Marié van der Walt  072 243 1364 4

Oop gesprek -

Rupert de Koning

Daar is ‘n Engelse spreekwoord wat sê: “The devil is in the detail”, maar ek wil daarvan verskil en sê: “Néé! God is in die detail.”

Wanneer ‘n mens terug kyk oor ‘n tyd, sien jy gewoonlik dinge tegelyk tyd in meer detail raak maar kry ook ‘n oorhoofse prentjie en ‘n beter begrip van die ineen geweefdheid van skynbaar nie-verwante sake. Dit is wanneer ‘n mens terug kyk, dat jy besef dat God vooruit loop en rééds is waarheen ons nog oppád is en dat Hy agter die skerms in die detail betrokke is.

In die tyd wat ek die voorreg gehad het om deel van NG Gemeente Montagu te wees, was dit my ervaring - dat God in die detail betrokke was. Nie net in die laaste 3 jaar nie, maar voor dit! Hy bly besig met Sy kerk (ons) – vorm, fokus en stuur ons – selfs al voel ons ver van Hom verwyder.

Soms is die vormings werk seer, en ander kere ervaar ons opgewondenheid oor die duidelike rigting wat Hy aanwys – maar die hele tyd is Hy ewe veel betrokke.

Dit is met hierdie Hemelse Vormingswerk waarmee die Here oor jare met ons gemeente besig was, in gedagte, wat ek die woorde van Jesaja 11:1-11 lees: JESAJA 11 Die loot uit die stomp van Isai 1. 'n Takkie sal uitspruit uit die stomp van Isai, 'n loot uit sy wortels sal vrugte dra.

2. Die Gees van die Here sal op hom rus: die Gees wat wysheid en insig gee, die Gees wat raad en sterkte gee, die Gees wat kennis verleen en eerbied vir die Here.

3. Die takkie sal vreugde vind in die diens van die Here. Hy sal nie regspreek volgens uiterlike skyn nie en nie oordeel volgens hoorsê nie.

4. Hy sal die armes billik verhoor en die ootmoediges in die land regverdig oordeel. Hy sal die goddeloses in die land hard oordeel, met sy uitsprake sal hy hulle om die lewe bring.

5. Hy sal regverdig en betroubaar regeer.

6. Wolwe en skape sal dan saam bly, luiperds sal tussen bokkies lê, kalwers, leeus en voerbeeste sal bymekaar wees en klein seuntjies sal vir almal sorg.

7. Koeie en bere sal saam wei, hulle kleintjies sal bymekaar lê, leeus sal gras eet soos beeste.

8. Babatjies sal by die gate van adders speel, klein kindertjies sal hulle hande uitsteek na giftige slange.

9. Op my heilige berg sal niemand kwaad aanrig of iets verniel nie, want die aarde sal so vol wees van die kennis van die Here soos die see vol water is.

10. In dié tyd sal iemand uit die geslag van Isai 'n vaandel wees vir die volke. Die nasies sal na hom vra, en sy woonplek sal hoë aansien geniet.

Die gedeelte skets ‘n alternatiewe realiteit as waaraan ons gewoond is. Een waarin dinge teen hul natuur in gebeur (wolwe en skape, luiperds en bokkies, kalwers, leeus en bere en voerbeeste bly saam en klein seuntjies sorg vir almal.)

5

Hoe onmoontlik hierdie beelde ookal is om onsself voor te stel, is dit ‘n manier om te probeer verduidelik wat gebeur wanneer Christus in ons huise, in ons gemeente, in ons werkplekke en in ons gemeenskap heers. Dit gee ‘n voorsmakie van wat kan gebeur wanneer ons gebed verhoor word as ons bid soos Jesus ons leer: “Laat U Koninkryk kom.” Hierdie “koninkryk” is nie net bedoel is om EENDAG te kom nie, maar is bedoel om reeds VANDAG te realiseer. Dit is bedoel om my en jou daaglikse realiteit te beïnvloed.

So, wat sal dit in praktyk beteken as “wolwe en skape saam bly, luiperds tussen bokkies lê, kalwers, leeus en voerbeeste bymekaar is en klein seuntjies vir almal sorg.”, daar waar jy elke dag beweeg.

Dalk voel jy om te sê: “So iets is nie moontlik nie!” Ek stem saam, dit klink verregaande!

Maar hoekom sou so ‘n uitspraak sy pad tot in die Bybel maak? Is dit een van daardie gedeeltes wat ons maar met ‘n knippie sout moet vat en nie te letterlik moet verstaan nie? Of is hier ‘n geheimenis wat ons lewens kan verander, as ons dit met snap?

Ek wil glo dat die Here ons nooi om op Hom te wag (dit is mos waaroor Advent gaan). Om ons lewens, ons verhoudinge, ons leef- en werkplekke, ons gemeente en ons gemeenskap in gebed aan Hom op te dra, Hom te vra hoe Hy sy Koninkryk in elkeen van daardie plekke wil laat kom, en dan te wag en te kyk/luister wat Hy wys/sê. En dan natuurlik in geloof gehoorsaam te wees as Hy wel praat of wys wat moet gebeur!

Ons gemeente staan op die vooraand van ‘n nuwe hoofstuk. God is rééds waarheen ons nog oppád is en Hy is agter die skerms in die detail betrokke. In 2024 verwag ons ‘n nuwe leraar en ons glo en ervaar dat die Here reeds die grond kom voorberei het vir geestelike groei.

Vir my persoonlik was dit ‘n voorreg om deel te kon wees van 3 jaar se reis saam met die mense van Montagu. Ek glo dat ekself net weer moes kom beleef hoedat God in die detail betrokke is.

Montagu en sy mense was goed vir ons! Dit is bande wat nie gebreek sal word nie! Ons as gesin bid dat die Here die gemeente sal seën en dat dit Hom in Gees en in Waarheid sal aanbid.

Groete Rupert de Koning

…

Knud Richard Schwarzkopf 25/08/1938 – 14/10/2023

Dora Verreynne 10/09/1943 – 03/10/2023

Johan Esterhuizen 09/11/1957 – 23/11/2023

Cheryl le Roux 18/05/1954 – 01/09/2023 6

Wat beteken die kort woordjie ‘vrede’ vir jou? Om vrede in my hart te hê is vir my twee ledig. Eerstens is dit ‘n gevoel wat ek in my hele lyf beleef: die afwesigheid van vrees en angs en die gevoel van: ‘dit voel net reg!’ Tweedens is dit om met my kop te weet dat hierdie keuse, of hierdie plek, of hierdie persoon bestem is vir hierdie tyd. Hierdie tipe vrede is ook nie tydelik van aard nie, maar dit het ‘n hemelse karakter, ‘n ewigheidsgevoel. Ek deel graag met jou hoe hierdie vrede my oorweldig het die afgelope tyd.

Ek en my man, Jordan, verwag ons eersteling om aan die einde van Februarie 2024 haar verskyning te maak. ‘n Dogtertjie – haar naam is Livvy. In Latyn is haar naam afkomstig vanaf ‘n olyfboom en ‘n olyfboom natuurlik ‘n simbool van vrede. Toe die duif met ‘n olyftakkie terugkeer na Noag se ark was die takkie ‘n teken van versoening tussen God en die mensdom. In Deuternomium word die beloofde land beskryf as ‘n land gevul met olyfbome… vrede – uiteindelik, na ‘n lang reis deur die woestyn. In die antieke tyd was olyfolie ook gebruik om konings en profete te salf – ‘n teken van God se vrede en voorspoed. Ons het nie lank gewonder oor haar naam nie. Vanaf die oomblik wat ons uitgevind het sy is ‘n dogtertjie het ons nét geweet. Ons glo dat daar diep betekenis opgesluit lê in ‘n naam omdat God sê: ‘Ek het jou op jou naam geroep, jy is Myne.’ _ Jesaja 43:1. Dis soms moeilik om te dink dat hierdie dogtertjie net vir ons geleen word, maar tog ‘n gedagte gevul met vrede, want sy is God s’n.

Die afgelope twee maande was on sook besig ‘n beroepingsproses van ‘n nuwe predikant vir Montagu-gemeente. Só ‘n proses kan natuurlike met ‘n klomp byvoeglike naamwoorde beskryf word: opgewondenheid, onsekerheid, uitdagend, stresvol, uitputtend… maar kan ek met jou deel dat aan die einde van hierdie proses ek dit met een woord kon beskryf? Vrede! Vrede in my hart dat die Here ons sien. Vrede in my hart dat die Here ander sien. Vrede in my hart dat die beroepene gestuur is. Ons lees in Lukas 10 dat die 72 uitgestuurdes van huis tot huis moes gaan om die boodskap van vrede te verkondig. Gestuur: nie deur mense nie, maar deur God. Dankie Here, dat U met ons op reis is met die vredesboodskap.

In die kerkjaar vier ons nou advent. Op die tweede Sondag van advent steek ons in die erediens die kers aan wat vrede simboliseer. In Johannes 3:16 lees ons dat God Sy enigste seun na die wêreld gestuur het sodat Sy kinders nie verlore sal gaan nie. En daarom dat ons vir ewig met hierdie vrede in ons harte sal leef. Mag jy ook hierdie hemelse vrede opnuut ervaar hierdie Kerstyd. Geseënde Kersfees, Montagu. Jesus beweeg!

7

In Pas met die Lewende God - Rupert de Koning

Ons het as kerkraad op 12 en 13 November, tydens ons kerkraad toerusting, die gemeente se storie van die laaste 23 jaar op ‘n storiemuur uitgebeeld. Ons het groot velle blaaibord-papiere teen die saal muur geplak wat elkeen verskillende tydperke in die laaste 23 jaar in ons gemeente verteenwoordig het. Ons het gevra: “Wat het in hierdie tye in die WÊRELD, in die GEMEENTE en in my PERSOONLIKE LEWE gebeur?”

Elkeen kon op ‘n plak-papiertjie skryf wat hy/sy uit daardie tyd onthou, en dit op die groot velle papier teen die muur gaan plak.

Ons het toe na elke papiertjie gekyk, daaroor gesels en na mekaar geluister, en so het ons die gemeente se storie van die laaste 23jaar herroep. Daar het mooi stories uitgekom! En hartseer verhale is vertel.

Maar die doel van die oefening was nie net om nostalgies terug te dink aan die mooi dinge wat gebeur het, of om weer die seer van die verlede oop te krap nie.

Ons het nie gestop toe storie-muur klaar is nie! Omdat ons bely dat God met ons gemeente OPPAD is en dat, as ons Hom in GEES en in WAARHEID aanbid, Hy KONSTANT besig is om ons te VORM, te FOKUS en te STUUR, glo ons ook dat daar BAIE WAARDEVOLLE inligting op daardie papiere neergeskryf was.

En ons het toe voor die storie-muur gaan sit, en twee goed gedoen: 1. Ons het gaan kyk na die GOEIE TYE in die laaste 23 jaar toe ons gevoel het God BEVESTIG vir ons dat Hy met ons besig is deurdat Hy: • ons IN NOOI en sê: “Kom volg My op hierdie pad, want dit is waar Ek NOU wil besig wees!”

• ons VERBEELDING prikkel en sê: “Droom saam met My oor wat hier in hierdie gemeente en dorp kan gebeur wanneer My koninkryk hier kom.”

• vir ons wys watter dinge ons moet INOEFEN, omdat dit ons help om Sy stem beter kan hoor en maklike in Sy spore kan loop.

En ons het dit gaan neerskryf.

2. Maar ons het ook gaan kyk watter tye was sleg en moeilik, want ons glo mos dat Hy die HELE TYD met ons besig bly God, en dat Hy daardie tye van ONTWRIGRING ook gebruik om ons te vorm, te fokus en uiteindelik te stuur.

EN ons het gevra: “Wat wil die Here hê moet ons hieruit haal?

• • •

Waar het Hy ons sommer vierkantig in ons spore geSTUIT en gesê: “Hou OP om hierdie te doen!”

Waar het Hy vir ons BLINDE KOLLE uitgewys en gesê: “Wees bewus van hierdie goed wat julle doen, sien dit raak en die effek wat dit het.”

Wat is die dinge wat ons moet AFLEER; dinge wat oor jare so deel geword het van ons manier van DOEN, DINK en PRAAT, dat ons nie eers meer die verkeerd daarvan raaksien nie.

Ons het dit alles gaan uitgehaal uit die storie-muur.

8

Ons hoop ook om teen middel Januarie terugvoer te kry van die universiteit oor die 24 persone wat ‘n paar vrae oor ons gemeente beantwoord het.

En met al hierdie dinge gaan ons dan na die Here toe en vra: “Here, ons wil U in Gees en in waarheid aanbid. Hoe wil U hierdie dinge gebruik om ons te help daarmee?”

Ons vertrou dat die Here ons sal wys hoe dit deel vorm van die 8 temas waaroor ons met ons In Pas-reeks afgelope Sept. en Okt. gepreek en gepraat het, dat dit ons sal kan help om God soos ware aanbidders te aanbid (Johannes 4:23) en so meer In Pas sal leef met Hom.

Baie geluk aan die ouers en kindjies wat na die Here opgedra is en ook húl eie pad met die Here begin stap.

Mag daar mooi saad val op hierdie vrugbare grond

3 Desember 2023 Elaine Freeman Ouers Conrad en Marinke Freeman

24 Desember Andries Nino Both Ouers Andries-Pieter en Marina Both

24 Desember Janko Heunis Ouers Philip en Ankia Heunis

3 Desember Sebastian, Katryn en tweeling, Philip en Stephan du Plessis Ouers Hugo en Stephanie du Plessis

17 Desember Emma Bruwer Ouers Jean-Jacques en Tamara Bruwer

31 Desember Marlea en Jandré Theunissen Ouers Jacques & Marelize Theunissen

9

Mense vir Krismis {TUIS DESEMBER 2016}

Riana Scheepers vertel hoe die ou-ou boodskap van Kersfees nuwe betekenis kan kry – ver van die huis en jou kroos.

Dit het verlede jaar gebeur. Ters en Lien se kinders is groot en uit die huis en hulle laat weet vir Ma en Pa hulle kom nie huis toe vir Krismis nie. Nee, dis reg so, sê Ters vir hulle. Vir Lien sê hy: Moet net nie dink ons gaan soos ‘n uil op ‘n kluit by die huis sit nie, Waarheen gaan ons? vra Lien.

Nee, dit weet Ters nie. “Kom ons vat net die pad en kyk waar ons uitkom, sê hy. “Enige plek sonder mense en gedruis. Geen blink liggies en goeters nie.”

Lien is nie juis beïndruk met dié plan nie. “Dan moet jy maar woestyn toe gaan. Dis die enigste plek sonder mense en goeters.” ‘n Dag of wat voor Kersfees vat hulle die pad.

Sonder plan of rigting. Lien is steeds nie gelukkig nie, maar sy val maar in by haar man se nuk.

Hulle ry tot op Lichtenburg, slaap oor en ry die volgende dag Vryburg toe. Daar vertel iemand vir hulle van die mooi pad Van Zylsrus toe. ‘n Tweespoorpad, sê die man, maar baie mooi.

Ters en Lien ry die tweespoorpaadjie, maar êrens tussen die plaashekke en afdraaie verdwaal hulle iets verskrikliks, hulle weet nie waar hulle is nie. Maar die wêreld is mooi, kameeldorings in die blom en koedoes en selfs ‘n troppie gemsbokke wat voor hulle oor die stofpad loop. Toe die Oukersaand se son begin sak, is hulle in die middel van nêrens, nie ‘n dorp of ‘n gastehuis in sig nie.

Hulle stop om te kyk hoe die son sak. Waar hulle is, weet hulle nie, maar ‘n groot kalmte daal oor hulle neer.

“Dis mooi hier,” sê Lien en gaan staan in haar man se arms. “Kom ons slaan die tentjie op en slaap net hier.” Lank staan hulle so, Lien se kop op Ters se bors, heeltemal tevrede.

En toe hoor hulle iets, ‘n klingel-geluid.

“Wat is dit?” vra Lien. Voordat Ters kan antwoord sien hulle dit: ‘n Donkiekarretjie wat deur die veld aangery kom en by hulle stop.

“Ek sê hoeka vir die vrou ek hoor iets hier in die veld,” sê die oompie op die donkiekar. “Kom,

meneer-goed kan nie hierop die vlak slaap nie. Die vrou het klaar julle kamer reggemaak.”

Ters en Lien protesteer, maar dis duidelik die oom gaan nie nee aanvaar nie.

“Kan ek saam met Oom op die karretjie ry?” vra Lien.

“Alte seker. Wag, laat ek Mevrou ophelp.”

Ters ry met die motor en Lien ry op die donkiekar. Sy waai vrolik vir Ters, so gelukkig soos ‘n kind.

Toe hulle by oom Hennerik se huis aankom, wag antie Saar reeds op die stoep. “Welkom by ons,” sê sy en vat vir Ters en Lien na hul kamer, reggemaak en skitterskoon.

Uit die kombuis kom die reuk van lekker kos. Die tafel is gedek vir vier.

“Hoe is dit dat die tannie alles so vinnig klaargemaak het?” vra Ters vir oom Hennerik.

“Maar Meneer, ons het mos geweet julle gaan kom. Die vrou het al ‘n week gelede begin om alles reg te kry.”

Die twee moes seker op Ters en Lien se gesigte gesien het dat hulle nie verstaan nie.

“Die Liewe Heer stuur elke jaar vir ons mense.

Hy het nog nie een jaar oorgeslaan nie.”

Die storie kom uit. As die antie asem skep, dan gaan oom Hennerik aan. Oom Hennerik en antie Saar is afstammelinge van die Griekwas. Hulle kinders het nooit ‘n liefde vir dié wêreld gehad nie en het besluit om stad toe te gaan, vyftien jaar gelede al. Oom Hennerik vertel: “Net voor die eerste Kersfees nadat die kinders hier weg is, sê ek vir die vrou: ‘Ma, ek kan nie hierdie jaar Kersfees hou nie. Dis net ons twee en my hart is seer en sal net seerder word hier oor die Groot Dae. Wat gaan ons maak?”

“En sy sê: ‘Hennerik, moet nou die daaroor wakker lê nie. Ek het reeds vir onse Hemelse Vader gevra om vir ons mense te stuur vir Kersfees. More gaan ek die spaarkamer begin regmaak en jy moet kom help.’”

En so is dit dat daar reeds vir vyftien jaar, elke jaar op Oukersdag, mense by hulle opdaag.

Klokslag.

“Daar is net een ding wat ons wil vra, Meneer,” sê oom Hennerik.

“Ja?” vra Ters.

“Of Meneer vir ons uit die Boek sal lees. Nie ek of die vrou het ooit leer lees nie.”

Ters lees daardie aand die Kersverhaal uit ‘n baie ou Bybel. En dit is asof hy dit vir die heel eerste keer hoor – regtig hoor wat die Boodskap is.

10

Huweliksverreikingsnaweek - Rupert de Koning

Op Vrydag en Saterdag 15 en 16 September het ons, onder leiding van ds. Theunis Botha, ’n huweliksverreikingsnaweek gehou. Hier is terugvoer van ’n paar egpare wat dit bygewoon het:

Zantelle en Kobus Marais Hierdie was ons tweede huweliksverrykings naweek en elke keer leer ons iets nuuts oor onsself, ons Huwelik en God in ons Huwelik.

Die groot AHA oomblik die keer was die bewusmaking dat ons huweliksverhouding, soos gesien deur die wêreld, op sy eie 'n getuienis van God se liefde vir ons is en dat ons mekaar moet dien met Filia en Agapé liefde.

In ons gejaagde sekulêre wêreld is dit baie keer moeilik om Christus te deel met ander, veral met die beperking wat op ons geplaas word. Ons het deur die naweek dan ook geleer dat ons huwelik juis die getuienis is van Jesus se liefde en die band wat hy met ons en ander wil bind.

Japie en Elzanne van den Berg Ons wil net dankie sê vir die geleentheid wat die Montagu NG kerk geskep het met die huweliksverrykings naweek.

Daar is ʼn paar punte wat uitgestaan het.

Ken jy jouself?

Ken jy jou huweliksmaat?

Huwelike gaan deur "ups en downs" maar is jy darem nog aan die positiewe kant van ʼn gesonde en gelukkige huwelik.

Ons vergeet soms van mekaar as gevolg van ons besige lewe en gesin. Ons moet tyd maak vir mekaar en oor die dieper dinge met mekaar praat deur byvoorbeeld een keer ‘n maand ‘n brief aan mekaar te skryf oor die dieper dinge van die hart – vir mekaar te sê hoe jy voel en hoe lief jy hom of haar het. Maak dan ‘n afspraak met mekaar, geniet ‘n lekker eet saam, spandeer net julle twee kwaliteit tyd saam, lees dan die brief lees en bespreek dit.

Dit sal help dat jul saam kan groei. Dit kan baie help, juis omdat ons nie elke dag oor hartsake praat en diep gesprekke met mekaar het nie, maar vashaak by gesprekke oor alle daagse goed.

Laastens moet mens saam groei en saam bid vir ʼn mens se huwelik. Hoop om te sien dat meer paartjies in toekoms sulke naweke sal bywoon. Niemand was op die spot gesit, en ons kan mekaar net bystaan vir ʼn sterker toekoms.

Ludwig en Petro Jordaan Na 10 jaar van getroude lewe het ek eintlik gedink ek weet waaroor ‘n huwelik gaan; groot was my verbasing dat ek baiekeer mis sit!

Ek het net weereens besef – die huwelik - soos alle ander “dinge” in mens se lewens - gaan nie primêr oor jou behoeftes, jou vooruitsigte, jou opinie of jou drome of om jou stempel af te druk nie - dit gaan oor GOD; en dis eers as mens Matt 6:33 – “Maar soek eers die koninkryk van 11

God en sy geregtigheid, en al hierdie dinge sal vir julle bygevoeg word” – prakties toepas in mens se huwelik dat dinge in plek begin val. Vra jouself die vraag af in moeilike situasies in jou huwelik: “Hoe sou God reageer het?” en “Hoe sou ek reageer het as my huweliksmaat God was?” Dit plaas moeilike vraagstukke en moeilike situasies in jou huwelik in perspektief en maak eenvoudig alles baie meer eenvoudig!

Jacques en Phyllis Ai. Al weer ʼn huweliksverryking? Dit was my eerste vraag. Ek en Phyllie was al by 5 voriges gewees. Wat kan ons nog byleer?

Wat ʼn skok. Elke aanbieder het ʼn ander aanslag. Hy het vir ons aan die dink gesit en weer laat soek na wat was daar wat my aangetrek het? Soek ek nog daarna? Hy het vir ons diep laat gaan krap oor wat ek mooi en goed vind in my maat. Toe ek eers begin skryf, kon ek nie ophou nie. Wat het ek geleer? Gaan maak 1 tot 1 tyd met jou maat waar daar niks is wat jou aandag aftrek nie en praat oor dit wat mooi is in jou maat. Ons raak mekaar gewoond en leef by mekaar maar tog verby mekaar. Hy het ook ons laat besef dat jou maat so baie het om te bied.

Soek dit net en doen dinge saam.

Dit was ʼn wonderlike geleentheid om weer te fokus op mekaar en lekker lag te deel.

- Deur Elsabe Wright Ek het onlangs besoek by ‘n 85-jarige afgelê en dopgehou terwyl hy besig was om ’n klein appelkoosboompie te plant. Jy verwag seker nie om appelkose van daardie boompie te eet nie? vra ek, half seker ongevoelig. Die antwoord was: Nee, op my ouderdom is dit onmoontlik. Maar ek het my lewe lank goeie appelkose geniet – nooit van ’n boom wat ek self geplant het nie. Ek is net besig om dankie te sê vir al die appelkose wat ek kon geniet.

Hierdie ondervinding het my net laat besef hoe dankbaar hierdie persoon is vir alles wat sy naaste en sy kerk vir hom beteken. Dit het my laat besef wanneer laas ek na my vriende en familie uitgereik het in ‘n besige tyd waarin ons tans leef.

Steek jou hand uit na iemand wat dalk alleen in jou straat is. Of ’n persoon wat swaarkry en net van sy pensioen afhanklik is. Maak jou arms wyd oop vir jou kinders. Bid vir ons skole se kinders. Ek is vandag dankbaar vir ons gemeentelede wat vir soveel jare al appelkoosbome geplant het waarvan ek nog daagliks kan geniet.

12

Dit is maklik om dankbaar te wees wanneer dit goed gaan met ons. Die windmeul draai maklik as daar ‘n goeie wind waai. Maar om God in moeilike tye te loof, Hom by wind en weer te dank, Hom ook te prys in leed en smart, dit is ‘n ander saak. Om in alle omstandighede dankbaar te wees, beteken dat ons, onafhanklik van ons lewensomstandighede, met dankbaarheid vervul sal wees. Dankbaar vir lidmate se bydrae vir Diens van Bamhartigheid sodat daar voorsien kan word in die behoeftes van lidmate wat in nood verkeer.

Vrugte kan pluk as jy ’n dankbare gesigsuitdrukking ervaar van ’n persoon wat gehelp word in ’n tyd van hartseer en nood.

Daarom, kom ons begin vandag en plant ook appelkoosbome van dankbaarheid om saam die Here in die Gemeente van Montagu te dien.

Aan die einde van 2022 het ons ‘n kerkvergadering gehou op die kerk se grasperk. Elkeen het ‘n kampstoel saamgebring en op ‘n warm somersmiddag het ons in die kerktuin, met die groot wit kerkgebou as agtergrond, vergader.

Dit was tydens hierdie ervaring waar Kampstoelkerk in my hart gebore is. Die spesifieke vergadering het gegaan oor: wat beteken dit om ‘n gestuurde gemeente te wees in ons gemeenskap? Ek het gewonder hoe om die gemeenskap se jong werkendes, wat nie noodwendig op ‘n Sondag in die erediens is nie, kerk toe te bring. Ek het besef dat om kerk te wees, ons nie noodwendig in ‘n groot gebou bymekaar hoef te kom nie. Ons kan ons kampstoele in die veld gaan neersit, of op enige ander plek, en daar ook kerk wees.

Teen die einde van 2023, na ons ‘n jaar lank daaroor gebid het vir die regte tyd en plek, vir die regte mense en die regte benadering, het Kamstoelkerk begin op ‘n konsep wat einklik in Stellenbosch gestalte gekry het onder jongmense. Kerkwees lyk deesdae anders vir jongmense. Kerkwees is saam-wees op alternatiewe plekke. Hierdie beweging het gevra dat ons ‘kerk’ na hulle toe bring.

Ons kom elke Dinsdagaand 19:00 bymekaar en wandel in die Woord en gesels oor aktuele onderwerpe in jongmense se lewens bv. verhoudings, uitdagings, wonderwerke, angs, ens.

Hierdie jongmense is nie noodwendig NG Kerk lidmate nie en die gedagte is dat jy moet kom net soos wat jy is. Kom ontvang die goeie nuus hier! Ons kom op alternatiewe plekke bymekaar; soms by die kerksaal, soms in restaurante.

Ons nooi jou uit om deel te kom wees van Jesus se kerk ook op ‘n Dinsdagaand! Kontak my, Suzette, op 082 961 2004.

13

Waar is die tyd heen? As ek terugkyk oor die afgelope jaar en hoe die Here se guns oor Sy jeugbediening gerus het, staan ek in verwondering. Dankie Here!

Van Milkshake Club, Koffiekroeg, kategese, 5 jeugkampe en ‘n belydenisklas tot Pienkvoetkerk, matriek-ontbyt en ‘n Pitkosaand.

Ons sluit hierdie jaar af met 2 geleenthede op 2 Desember: graad R – 3 met ‘n lekker swempartytjie by tannie Marthie se huis en graad 4 – 12 wat gaan rotsklim saam met tannie Andrea.

Aan die jeugkommissie – julle toewyding is ongekend. Baie dankie vir ‘n propvol jaar!

Jeugkommissie: Andrea Jansen van Rensburg, Lindie de Koning, Marthie Venter, Elbie van Zyl, Daniellia Joubert, Juanita Swanepoel, Lisa Plomp en Rita Rossouw.

Koo Wyksbyeenkoms – Getuienisfees - Deur Marika de Kock Op ons reis om God te ken is dit belangrik om die Boodskap te verkondig. Ons deel dit graag met mekaar en soms ook met ongelowiges rondom ons. Op 15 Oktober, ‘n besonderse mooi lente dag, kom gemeentelede bymekaar om saam ‘n spesisale boodskap van Ds Suzette te ontvang en daarna lekker saam te kuier. Ons word bederf met die heerlikste hoender en bygeregte. En natuurlik is daar altyd ‘n soetigheid om die dag mooi af te rond.

In Romeine 15 vers 16-17 skryf Paulus, 16 “om in diens van Christus onder die heidennasies te werk.

Dit is my priesterlike taak om die evangelie van God aan hulle te bedien, sodat daar uit die heidennasies ‘n offergawe mag wees wat vir God aanneemlik is. En deur die Heilige Gees geheilig is.

17 In Christus Jesus is ek trots op wat ek in diens van God verrig.”

Hierdie geleentheid is altyd ‘n spesiale dag op ons kalender en ons nooi almal uit om volgende jaar saam te kom kuier. Jou getuienis is vir God belangrik. Hy het lewe aan jou gekenk en jy is sy voorbeeld. Mag ek en jy so lewe dat God se liefde in ons vir ander mense sigbaar is.

14

- deur Mareletta Mundey, Hoof van Kommunikasie, MVFR Bestuur Met die onlangse vloed nog vars in ons geheue kom daar reeds daagliks brand-gevaar waarskuwings deur, veral met die hittegolf toestande van die afgelope weke.

Montagu Volunteer Fire & Rescue is voorbereid vir brande in en om ons mooi dorp, en is toegerus met kennis, toerusting en die energie en passie om al Montagu se inwonders te beskerm.

Die onlangse vloed het weereens bewys waarom plaaslike ondersteuning nodig is vir enige rampe.

Ons eie Montagu Volunteer Fire & Rescue span het met die samewerking van EMS, SAPS, Montagu Toerisme en Langeberg Munisipaliteit die gevolge van die vloed meesterlik hanteer, met geen lewensverliese en goeie kommunikasie na die groter gemeenskap.

Die Montagu Volunteer Fire & Rescue Association (MVFRA) is ‘n geregistreerde NPO (245-707) wat gestig is op 12 Februarie 2020, om by te dra tot die veiligheid, lewenstandaard, ondersteuning en ontwikkeling van die gemeenskap van Montagu en omgewing.

Die MVFRA vrywilligers is hier om alle Montagu inwoners wat hulp benodig te ondersteun, asook om plaaslike- en provinsiale owerhede by te staan om die impak van rampe te minimaliseer, van bos brande tot vloede en ander mensgemaakte rampe of burgerlike onrus.

MVFR is afhanklik van donasies van die publiek en besighede om jaarlikse lopende kostes te dek. Ons is baie dankbaar vir besighede en plaaslike inwoners wat reeds hulle harte en beursies oopgemaak het om aan die belangrike aanvanklike toerusting te koop.

Elke vrywilliger moet sy eie beskermende klere aankoop, maar noodsaaklike opleiding word deur die Organisasie bevonds. MVFR bied ook plaaslike Noodhulp- en basiese Brand Bestrydings kursusse aan om ons koffers aan te vul.

Huidiglik is die MVFR afhanklik van persoonlike voertuie om vrywilligers en toerusting te vervoer na brande, vloede en ongelukke. Ongelukkig is die enigste voertuig waarop die Skuur eenheid (Skid Unit) pas, wat nodsaaklik is om brande te bestry, huidiglik buite aksie.

Een van ons grootste behoeftes so kort voor die Brand seisoen is ‘n nuwe voertuig, of om die voertuig soos genoem, weer op die pad te kry met ‘n nuwe enjin. (Kwotasie vir nuwe enjin is R50 000).

Daar is ook toenemende behoefte aan toerusting en beskermende klere, soos handskoene, koplampe, stewels, goggles en helms, om maar net ‘n paar te noem. Hierdie is noodsaaklik vir enige vrywilliger wat op die voorgrond van rampe, vure en ongelukke optree. Ons kan nie ons vrywilligers instuur sonder die nodige beskerming.

15

Verdere, baie nodige toerusting om teen veld brande te baklei sluit ook in, rugsakke, vuur slaners (beaters) en nog ‘n Skuur eenheid (Skid Unit) vir die toekoms. U kan n verskil maak aan die gereedheid van ons vrywilligers en die veiligheid van die hele dorp met ‘n eenmalige donasie, of belofte van gereelde ondersteuning.

Ons sal met liefde ‘n 18A sertifikaat uitreik asook vergoed met advertensie spasie op voertuie en/of toerusting en materiaal. Indien u meer inligting benodig aangaande MVFR NPO en die werk wat hulle vrywilligers doen met soveel hart en passie, kontak gerus: Voorsitter, Gavin Hatherley by 072 9277 545; email MVFRAChair@gmail.com, Bestuurder Johan Olivier 0646487795, email montaguvolunteerfirerescue@gmail.com Kommunikasie Beampte, Mareletta Mundey 082 444 3927, mareletta@loudadvertising.co.za

YOU CAN SUPPORT US IN THE FOLLOWING WAYS: DONATE VIA EFT If you donate, please use your name as a unique reference as well as sending us an email so we can thank you for your valued contribution. (It also helps us keep track of incoming funding for the auditors).

Bank Deposits or EFT Payments can be made to: Account Name: Montagu Volunteer Fire & Rescue Association Bank: Standard Bank Branch Code: 000205 Account Number: 10137984950 Swift Code SBZA ZAJJ Please send your proof of payment via email to MVFRAChair@gmail.com RECURRING DONATIONS If you would like to contribute to MVFRA on a regular basis, or via debit order, then please let us know. Or you can donate equipment, vehicles, protective clothing.

16

Griefshare -

Erika Jordaan

Verhoudings is kosbaar. Dis seker daarom dat ‘n mens nêrens meer seerkry as wanneer iemand na aan jou se lewe beëindig word of wanneer die verhouding deur die trauma van egskeiding gaan nie.

Dit is ‘n voorreg om terugvoer te gee oor die GriefShare program wat ons deur die NG Kerk Montagu aanbied. Oor die afgelope 2 jaar is 4 kursusse aangebied en het ons ongeveer vyftig plus mense betrek. Hulle, en ons lewens, is aangeraak deur die ongelooflike hartseer wat elkeen binne hom of haar dra, maar ook deur die ligstraal van vrede wat deurbreek, soos ons ons lewens weer in God se hande plaas.

Ons leer hoe om elke dag aan te pak en om weer te begin uitreik na God en ons medemens.

Ps 16:8 – “Ek, die Here, is altyd by jou: omdat Ek by jou is, sal jy nie struikel nie.”

Die verskillende stadiums en aspekte van jou verlies word bespreek en advies word gegee oor hoe om dit te herken en deur te werk. Al die verskillende emosies wat jy ervaar is reg, maar jy hoef dit nie alleen te dra nie.

Die bestaande program is vernuwe en ons sien uit daarna om ‘n splinternuwe kursus in die nuwe jaar aan te bied. Hierdie is ‘n ondersteuningsprogram vir enige iemand wat ‘n geliefde aan die dood afgestaan het, onlangs of lank gelede.

Dan is daar ‘n nuwe toevoeging tot ons omgee program…ondersteuning vir mense wat deur ‘n egskeiding is, DivorceCare.

Beide programme is 13 weke lank en word onderskryf deur videos en ‘n gepaste Bybelstudie kursus soos in jou handleiding uiteengesit. Koste per kursus beloop ongeveer R250 per persoon en enige iemand is welkom.

Albei programme kan tweetalig aangebied word, word interkerklik erken en word in baie lande van die wêreld met groot vrug aangebied. Ons het in die verlede ook persone van die VGK en mense buite die gemeente gehad wat deelgeneem het.

Ons benodig ongeveer 8 deelnemers om ‘n GriefShare of DivorceCare kursus aan te bied.

Indien jy sou belangstel, gee asseblief jou naam so gou moontlik op by die kerkkantoor of by Erika Jordaan (082 218 8436). Sodra ons genoeg deelnemers het, begin ons met ‘n nuwe groep.

Groete, Erika, Theodine, Janine (Jinx), en Renee.

17

– Elmarie Burger Hierdie skrywe is net om te vertel hoe Montagu se mense ons asems weggeslaan het met almal se oop hande en harte ons met ongeloof laat terugkyk op ‘n baie spesiale geleentheid.

Aan die begin van Augustus sê ons oudste dogter en haar verloofde dat hul einde September op die plaas wil trou en hul keuse val op die heel oudste stoor. Die stoor het baie karakter, maar is baie verwaarloos en is vol goed gestoor.

Met baie min tyd en arbeid begin ons skoonmaak, uitgooi, solder regmaak en grond inry om vloer gelyk te maak. Die bruidspaar besluit hul wil ‘n goedkoop maar lekker troue hê, gevolglik besluit ons om te gebruik wat ons het, selfs houtkissies vir versiering wat ons op die stoor se solder ontdek het!

Ons begin rondvra waar ons tafels en stoele kan huur of leen en daar begin ons oorweldigende positiewe ervaring met die NG kerk, bure en vriende. Die kerk is bereid om vir ons tafels, stoele, hessian en houtafskortings te leen. ‘n Vriend leen vir ons vragmotorseile om as ‘n dansbaan te dien.

Bure wat ook ‘n kuierstoor het is bereid om enigiets wat ons nodig het te leen, by hul leen ons lang skoolbankies. ‘n Buurvrou bied vir ons enigiets aan wat ons sou nodig hê en leen vir ons buite verwarmers, ‘n groot silwer ysbak, skottels en tafeldoeke. ‘n Vriendin ry ‘n klomp lanterns aan vir kragonderbreking wat daardie aand sou wees, enamel bakke vir gebruik en ander versierings waarop sy haar hande kon lê. Sy maak ook ongevraagd confettie van blaartjies en lewer dit af voor die troue! Ons leen ‘n urn by ‘n oud buurvrou. Nog ‘n vriendin help om ys te maak, pluk veldloof en blomme op hul plaas. Sy kom kuier, maar begin sommer spontaan ‘n klompie lapserfette omstik wat nog nie klaar was nie. ‘n Ander buurvrou sien op haar plaas die mooiste wit blommetjies en vra of ons dit nodig het. Sy bring dit met fyn takkies en outydse glaspotjies en daar word dit die handruiker.

18

Wat my asem wegslaan is almal wat vir gaste gratis verblyf aanbied. Hul omskep ‘n kantoor in ‘n oornag plek, iemand anders bied haar dogter se huis aan asook haar dorpshuis. Nog ‘n vriendin vra of ons haar gastehuis gratis wil gebruik! Aangesien die bruidspaar genoeg huisraad ensomeer het, vra hul dat niemand geskenke moet bring nie, maar help met bykosse en slaai vir die troue. Familie en vriende stem in en vra net wat kan hul maak en hoeveel, van hoendervlerkies tot groentedisse en nagereg! ‘n Buurman is bereid om die braai te hanteer en ry sy eie toerusting aan. ‘n Ander buurman is bereid om die hele aand die warmmaak vure aan die gang te hou. Nog ‘n buurman is bereid om kratte te leen en om arbeiders te verskaf om die terrein om die stoor skoon te maak waar die skape nie deeglik genoeg was nie! Wat ons later uitvind is dat die DJ tien jaar laas musiek gemaak het by ‘n funksie, maar hy stem in om te kom!

Die trourok maak die bruid self, van haar vriendinne stem in om haar grimering en hare te doen en die vriendin fotograaf gee die foto’s as ‘n geskenk. Die vrou wat die troukoek bak bly in ‘n plakkerskamp en wou dit skenk, maar bruidspaar het dit nie aanvaar nie.

Die vloed gebeur die Maandag voor die troue, maar gelukkig kan ons van die Woensdag deur die rivier ry! Al die skoonfamilie en vriende begin stoor mooimaak en neem hul eie inisiatief. Met takkies wat ons sommer langs die pad pluk en in flesse sit wat iemand ook geleen het.

Twee manne op die plaas het roosmaryn plantjies in blikke help plant vir geskenke vir gaste wat ook dien as versiering. Ou sinkskottels raak yshouers vir wyn.

Die aand voor die troue besluit ek om die terrein te gaan salf met Vreugde Olie verskaf deur ‘n skoolvriendin. Hierdie olie maak sy met die resep van Psalm 45:9 Die geur van mirre, aalwyn en kaneel. Die oggend van die troue reën dit nog saggies, maar toe die troue begin is dit bewolk maar reën nie meer nie. Die bruid en haar pa stap vanuit die huis waar sy grootgeword het tot in die stoor wat so ongelooflik spesiaal was! Met die trou gelofte trek die wolke weg en die son skyn vir ‘n paar minute op die bruidspaar, wat ‘n seën! Later het daar die mooiste sonstrale uit die hemel geskyn en ‘n volmaan het die dag afgerond!

Alles was so ongelooflik goed en spesiaal en julle almal wat bygedra het sal ons altyd in ons harte koester.

Hierdie skrywe moes net ‘n dankiebrief gewees het, maar met soveel mooi en almal wat ons asem weggeslaan het met hul goedhartigheid en die opregtheid en liefde wat by die troue plaasgevind het kan ek nie anders as om so ‘n lang brief te skryf nie.

19

Ek en Rupert het die voorreg gehad om vir ‘n jaar lank met 17 jongmense op reis te wees. Na afloop van twee kampe, ‘n jaar se saampraat, saam wonder en saam ontdek het hierdie jongmense op 5 November 2023 hul geloof hardop in die kerk bely.

Wat ‘n mooi geleentheid! Ek glo dat dit elke jaar ‘n besonderse geleentheid is en hierdie jaar was geensins anders. Ons gelukwense aan elke oupa, ouma, ouer, voog, oom, tannie, boetie en sussie.

Julle rol in hierdie jongmense se geloofsvorming is sigbaar en dan spesifiek – dankie aan elke ouer wat sy/haar doopbelofte nagekom het. Dankie Here, vir die pad wat U met hulle stap.

Wanneer jy God volg sal jy nooit op ‘n plek eindig waar jy nie moet wees nie 20

Kerssangdiens 2023 - Suzette Turner Jesus-karakter: “Soos julle almal weet is My verjaardag besig om nader te kom. En elke jaar is daar mos groot verjaarsdagvieringe ter ere van My naam... en Ek glo dat dit hierdie jaar net so spesiaal sal wees.” ‘n Reuse kersboom en ‘n oorvol feestafel wat kreun onder die lekkernye en baie wyn. Kersvader wat roep: ‘ho, ho, ho’ en die kindertjies hardloop nader, die een kry ‘n groter geskenk as die ander. Party is bly oor hulle geskenke en ander selfs ongelukkig oor dit wat hulle gekry het.

Is dit dan ál waaroor kersfees deesdae gaan? Kos en drank en groot geskenke? Het Kersvader dan vir Jesus vervang?

Jesus-karakter: “Daarom kom nooi Ek julle hierdie Kersfees uit... sodat almal dit weer kan hoor: dat Ek 2023 jaar gelede vir julle na die aarde gekom het, toe die engele dit in die velde van Betlehem aangekondig het: “Ere aan God... in die hoogste hemel, en vrede op aarde vir die mense in wie Hy ‘n welbehae het”.

“Ja, ook hierdie Kersfees... stuur ek My uitnodigings uit vir die fees van die Ewige Lewe. En wat meer is... daar is ook een vir jou. En jy moet vir my laat weet of jy die uitnodiging aanvaar. Want slegs hulle name wat op die gastelys verskyn, hulle wat die uitnodiging aanvaar het, sal deel wees van die fees van die ewige lewe. En as jy dit nie aanvaar het nie... sal jy nie deel wees van die Christusfees nie. Daarom... mag die Kind in die krip, Kersfees 2023, opnuut weer in jou hart gebore word, en in jou hart ‘n tuiste vind, en jy daarop antwoord met jou lewe, en jy so... waarlik deel wees van die Christusfees.”

Dankie, dankie, dankie aan elkeen wat deel geneem het en ook deel gehad het aan die Kerssangdiens vir 2023!

21

Diens van Barmhartigheid / Dankbaarheid - Rika Joubert namens DVB / Getuienis diensarm Aan die einde van nog ‘n jaar kyk DvB terug en staan verstom oor alles wat onder hierdie diensarm van Montagu Gemeente gebeur het en alles wat afgehandel is. Dit is werklik dié deel van kerkwees wat uiters bevredigend en wonderlik is om van deel te wees. Dit was ‘n geseënde jaar waarvoor ons die Hemelse Vader al die eer gee.

DvB kan egter nie sonder gemeentelede se hulp en bydrae bestaan nie. DvB is deeglik bewus van hoe elke bydrae, nie noodwendig altyd finansieël nie, maar ook deur uit te reik na ander wat minder het of dalk ‘n spesifieke behoefte het, geestelik en liggaamlik voorsien het in ‘n behoefte.

Baie dankie vir elkeen wat ‘n bydrae gemaak het, want daarsonder kan DvB nie bestaan nie. Dankie ook aan donateurs van buite wat help in tyd van nood.

Daar is ook ‘n ander kant van DvB se werk. Die bevrediging om mense in nood te help, is nie met geld te koop nie. Die dankbaarheid wat ontvang word van diegene wat hulp ontvang het, is ongelooflik. Daar is groot waardering en in sommige gevalle vreugde en trane van dankbaarheid deur net bloot hulp aan te bied, ‘n verrassing of ‘n kuier.

DvB nooi gemeentelede om betrokke te raak by hierdie diensarm. Vergaderings is een keer per maand. Meld aan by die kerkkantoor as die Here dit op jou hart lê en raak deel van DvB. Geseënde Feestyd word almal toegewens.

Ons nooi gesinne na ‘n heerlike Pitkosaand – ‘n 30-minute praatjie oor ‘n relevante onderwerp en daarna ‘n bring-en-braai vir die hele gesin!

Op Vrydag, 16 Februarie 2024 het ons die voorreg om na Anriétte de Ridder te luister.

Anriétte is ‘n predikant in Sinodale diens van die Wes-Kaap vir jeug-en familiebediening en sy gaan praat oor HUISGELOOF. Hoe doen ons deesdae huisgodsdiens met ‘n generasie wat op ‘n ander manier leer en inneem? Hoe help ek my kinders om lief te raak vir die Bybel? Hoe bemagtig ek myself as ouer om verantwoordelikheid te neem vir my kind se geloofsvorming?

Anriétte se navorsing en ervaring gaan ons hiermee help!

22

DVB – Wenk van die Maand -

Ernie Oosthuizen

Maak seker van jou versekering rakende veral ouer geboue.

Nà die ongekende nat winter wat ons ondervind het, was daar groot skade aan verskeie huise. Veral ouer huise wat met rou stene gebou was.

Die onderskeie eise is gerapporteer aan die versekeraars, en tot hulle verbasing, word van die eienaars meegedeel dat die eis afgekeur is. Twee bladsye brief verduidelik waarom die eis nie aanvaar kan word nie (nogal van bekende handelsbank.)

Daar word nou probeer om die besluit om te keer deur beswaar aan te teken en te motiveer.

WENK Indien u ‘n ouerige woning besit, kontak asseblief die versekeringsagent om seker te maak dat die woning wel goed genoeg is in geval van stormskade. Vra hulle om te kom inspeksie doen en skriftelik as sulks te bevestig.

Dit sal baie moeite spaar.

23

Dankie

My hart en my lewe is leeg sonder my liefling kind Johann . Pappa (Lief ) en hy was die kosbaarste twee mense wat God my geskenk het.

Ondersteuning en gebede van dierbares word baie waardeer.

Jeremia 29:11 “Ek weet wat ek vir jou beplan sê die Here: voorspoed en nie teespoed nie . Ek wil vir jou ‘n toekoms gee; ‘n verwagting.”

Dankie liewe Here Ria Liebenberg

24

DRAFSTAPKLUB Waar gaan die tyd heen? Altyd gedink die tyd gaan baie stadig om soos ’n mens ouer word. Dit is nie waar nie! Ons het pas lengtedag by Baden gevier – goed, dit was in September – en nou is Kersfees voor die deur.

Intussen het ons ’n baie interessante besoek van Lynette Snyman, ‘n oudioloog van Swellendam, gehad. Sy het beklemtoon hoe belangrik dit is om goed na jou gehoor om te sien wanneer die jare aanstap. As jy die mense om jou nie kan hoor, onttrek jy en vereensaam jy. Dit gee demensie ’n kans om ‘n voet in die deur te kry.

Die Senior Week is afgeskop met ’n kerkdiens – die dames is gevra om hoede op te sit, soos in die ou dae. Karen Burger het gesels oor die waarde van grootouers, Este Matthew van die Endangered Wildlife Society en Dr. Van der Merwe van die Nasionale Seereddingsinstituut het ons van hulle werksaamhede vertel, en die week is afgesluit met ’n romantiese fliek by die Odeon en ’n uiters geslaagde pannekoekverkoping.

Met die gebruiklike jaareinde-braai by Baden, om ons uitstappies af te sluit, is ons weereens gul deur die dames van Baden onthaal.

Die Kersete op 7 Desember by Huis Uitvlucht sluit die byeenkomste vir die jaar af.

Dit was weereens ’n besige jaar vir die Drafstapklub. Baie dankie aan almal wat ons klub so interessant en lewendig hou. Ons wens al ons lede en ons gemeentelede ’n vreugdevolle Kersfees en ’n nuwe jaar vol opwindende gebeure en goeie gesondheid toe.

25

+ Desember 3 3 4 11 13 13 15 16 25 27 28 30 31

Alta Badenhorst Hugo Oberholzer Mientjie Havenga Lourens Badenhorst Johanna Beukes * Nela Burger Willie Conradie Engela Nel Jan Vos Danie Joubert Christel Whitehead Joan van Tonder Aletta Swart

Januarie 1 3 5 5 14 18 18 18 19 19 25 26 28 29 30

Martha Botha Elise Burger Susan Hall Ben Jansen van Rensburg Eileen Lochner Daan Engelbrecht Jacomina Spamer Hennie Tredoux Chris Beukes Piet le Grange Gerhard Pretorius Estrelita van Rooyen Ria de Kock Daniela van Rensburg Anita Laufs

Februarie 1 2 3 4 5 5 8 9 10 15 17 20 26 26

Maryna Stemmett George Kleinhans Lettie Conradie Awie van Zyl Hester Botha Bets van Zyl Retha Schroeder Sophie Butler Eddie Stemmet Elma Kuntz Wouter van der Merwe Frankie Martins Pikkie Beukes Marelize Fouché

Eileen Lohner Sarina Roux 14/8/33

Rachie Kellerman 24/8/33

Eileen Lochner 14/1/32

Johanna Beukes 13/12/33

Ria Liebenberg 12/9/33

Sarina Roux 14/8/33

Martha Botha 20/1/29

Ds. Wouter van Velden is op 28 November ’23 deur die Kerkraad na NG Kerk Montagu beroep. Ons bid vir die Here se leiding in die onderskeiding van Sy wil. Ds Van Velden en sy vrou, Anine, het tot einde Desember om op die beroep te antwoord.

26

Kerkraad – opsomming van die afgelope ses maande Voorsitter van die Kerkraad Dawie van Deventer, Tel: 082 774 8548, en ondervoorsitter: Juanita Swanepoel: 061 425 1200.

Die Kerkraad bestaan as volle kerkraad uit 45 lede, leraars ingesluit, waarvan 8 vakante poste is. Baie dankie aan elke kerkraadslid wat hul werk met soveel passie en omgee verrig.

Finansies Al sou ek al die geld in die wêreld hê om die werk van die Here te doen – as ek nie mense het wat my help nie, sal ek nêrens kom nie. Al sou ek al die mense hê om God se werk op die aarde te doen – as ek nie geld het nie, kom ek ook nêrens nie. Die een is dus nie belangriker as die ander nie.

Die Kerkraad word tydens elke vergadering goed ingelig rakende die gemeente se finansies. Opregte dank aan elkeen wat met ’n blymoedige hart aan God voorsien. Op 13 Desember hou fondsekomitee ’n vergadering met beleggers om die Gemeente se beleggings te hersien asook om na opsies te kyk oor hoe en waar die fondse die beste rente kan kry.

Fondse – wynveiling Tans is beurtkrag ’n groot probleem. Die Wynveilingkomitee het dit goedgekeur dat fondse die wynveilingopbrengs kan gebruik vir die installering van ’n sonpaneelstelsel.

Erflatings Wyle Pieter Steenkamp het destyds op versoek van die DvB-kommissie testamente vir lidmate opgestel. Hy het onderneem om 20% van die eksekuteursfooie wat ontvang is, aan die kerk oor te maak. Die kerk het reeds uit twee testamente fondse ontvang.

Erf 1 Word goed kontroleer tussen E Wright, E Oosthuizen en F de Kock.

Wildsvleisprojek Baie dankie aan elkeen wat hierdie projek ondersteun het asook diegene wat vleis geskenk het. Dit was weereens ’n groot sukses.

Diensverhoudingkommissie Grieta van der Walt het in Oktober by die kantoor aangesluit. Sy en haar man (Gert) het in Maart na Montagu verhuis. Hulle was 7 jaar in Maleisië waar Gert kontrakwerk gedoen het.

GJ Swanepoel is op kontrakbasis aangestel om tot die einde van Februarie by die jeug te help.

Ds. S Turner gaan begin Februarie met kraamverlof. Sterkte, dominee, ons wens julle net vreugde en voorspoed toe met die nuwe baba in die huis. Mag sy vir julle groot vreugde bring.

Ds. Gerrie Doyer sluit op 7 Januarie by die gemeente aan.

Die kantoor sluit op 21 Desember en sal weer op 4 Januarie oopmaak.

Ons wens dr. R de Koning en sy gesin voorspoed toe in die nuwe gemeente (Welgemoed in Kaapstad). Ons sien met afwagting daarna uit om te hoor of ds. Wouter van Velden die beroep na Montagu aanvaar.

27

Pre-Advies Santie Joubert en haar PAK-lede het ’n baie goeie deursigtige proses gevolg met die beroepingsproses van 2023. Dank vanuit die Ring is ontvang vir die manier waarop die Ring deurgaans tydens die proses ingelig is.

Die gemeente is tydens storietyd deur Santie ingelig oor hoe die proses gevorder het. Die proses het in September 2023 begin en dit is met groot dank aan die komitee dat die Kerkraad op die vergadering van 28 November ’n beroep uitgebring het.

Jeug Wat is my roeping? Rolspelers: Geloofsgewoontes inoefen, nl. Wandel in die Woord en hoe om te bid. In plaas van die vraag: wat wil jy eendag word? ...onderskei ons eerder: wat is die unieke gawes en talente wat die Here vir jou gegee het en waar kan jy dit in jou geloofsgemeenskap gebruik? Dit is van die temas wat in die kategese hanteer is.

Dankie aan elkeen wat gehelp het met die matriekontbyt (vlug SA2024). Dit was ‘n reuse sukses! Koffiekroeg en Milkshake-klub is baie suksesvol met al die kinders wat gereeld aan die aktiwiteite deelneem. Kyk uit vir die pitkosaande wat volgende jaar gaan plaasvind. Die jeug se afskeidsfunksies was ’n groot sukses, die kinders het die rotsklim vreeslik geniet en die kleiner kinders het die swempartytjie geniet.

Koo-kategese Dankie aan die Koo wat elke week vir 21 kinders kategese hou.

Kickstart-kamp Die kamp vind plaas vanaf 12 – 14 Januarie 2024 by die Protea-plaas.

Erediens Nuwe kameras is op 31 Julie gekoop, wat ’n groot verskil maak. Daar word beplan om nog veranderinge aan te bring om die klankgehalte beter te kry.

Eiendomme Talle koperpype is vervang na diefstal. Dankie aan Gert van Deventer vir die plant van 100 wit rose in die tuin.

Tans word gekyk na die installering van sonpanele by die kerksaal.

Getuienis/Diens van Barmhartigheid Die gemeente ondersteun steeds Aksie 18 Sendeling, daar word gereeld met hulle gekommunikeer.

Gebedsgeleenthede is steeds onder beheer van Jean-Marie van der Walt. Ons is dankbaar dat meer as 1 000 brode, in samewerking met RAM, gesmeer is en uitgedeel kon word. Bybels is versprei. Plaaswerkers word steeds bedien, indien jy sou wou inskakel kontak Rika Joubert by 082 456 2795. Verskeie gevalle van persone in nood is hanteer. DvB is deel van die oplossingspan oor straatkinders en bedelaars op straat. Ons verleen hulp aan persone wat skade aan huise tydens die vloed gely het.

Kersdagkollekte word hierdie jaar aan Fire & Resque geskenk.

Almanak 2024 Baie dankie aan elke instansie wat ’n donasie gegee het om met die drukkoste te help.

28

‘n koning is vir ons gebore

29