121213

DIAHUEBS 12 DECEMBER , 2013

Pa logra Pre-Clearance gobierno di Hulanda ta sostene Aruba Durante su bishita na Hulanda Prome Minister di Aruba Mike Eman tabatin un encuentro fructifero cu secretario di estado di Finanzas Weekers.

Bou di e mandatario aki Aduana Hulandes ta resorta cu ta un di e actornan den e proyecto Pre-Clereance. Un proyecto cu ta avansando. Weekers ta un di e personanan indica pa papia cu ne riba e avance aki y di e siguiente pasonan cu mester

tuma.

Prome Minister Eman: “Si na cierto momento e proyecto aki keda realisa mester di Inmigracion di Hulanda na Aruba mescos cu mester di Aduana Hulandes na Aruba”.

Eman a splica cu e proyecto aki ta wordo encamina hunto cu secretario di estado di Husticia Teeven tambe. Bou di Teeven Inmigracion ta cay. Den

Cambio den composicion familiar na Aruba a influencia fondo di AOV Gobierno di Aruba hunto cu partnernan di diferente sector den comunidad den e plataforma Dialogo Social a bin ta discutiendo ampliamente cual ta e miho formula pa e fondo di pensioen (AOV) por sigui financia su mes awor y den futuro.

Tin diferente aspecto cu a influencia e fondo aki y loke cu sigur a hunga un rol, segun a wordo splica door di Martijn Blankestein, director di Oficina Central di Estadistica, ta cu e composicion di nos comunidad a cambia drasticamente den e ultimo 50 añanan.

“Nos a cambia for di un sistema pyramide unda cu un grupo grandi ta traha y un grupo chikito ta cobra pensioen,” Balkestein a splica den un declaracion duna.

Gobierno di Aruba ta den discusion pa subi e edad di pensioen di 60 pa 65 aña, tambe e prima, realisando esaki den fase. Si no haci cambio den e fondo AOV, pa november 2014 caba Gobierno di Aruba mester cuminsa hinca placa den e fondo, cual no tabata e intencion ora cu el a wordo crea na 1960.

Meta di e fondo aki ta pa evita pobresa bou di un grupo di e poblacion cu no tin otro entrada na momento cu e bandona mercado laboral. Gabinete Mike Eman II ta kere cu mester haci tur lo posibel pa garantisa existencia di e fondo.

Mientras cu na Hulanda ya caba tin un consensus pa hisa e edad te na 67 aña, na Aruba, mirando e forma di traha ta un tiki mas pisa, a propone pa subi’e den un fase di diez aña pa 65 aña.

E cambio aki ta necesario, splica door di diferente persona ultimo dianan y tambe door di sr. Blankestein di CBS, pasobra den su actual forma e no ta funciona mas.

Hendenan awendia ta biba hopi mas largo pero menos hende ta drenta e proceso laboral.

Tempo cu e fondo a wordo introduci, e director CBS a trece dilanti, tabatin un grupo rond di 14 mil persona trahando y un grupo di un poco mas di 1600 persona ricibiendo pensioen.

Loke cu a causa un problema den e periodo cu a sigui ta cu e ratio di fertilidad a cambia drasticamente den un periodo di 16 aña, mientras cu na otro paisnan di mundo, e ta tuma un siglo (100 aña) pa mira e cambionan aki.

Aruba a pasa di un periodo cu tin un averahe di 5.3 yiu pa famia pa 1.7 yiu pa famia awendia. Esaki a hunga un rol hopi grandi cu awe e fondo di pensioen mester wordo adapta.

e grupo conhunto di trabou cu ta trahando riba e proyecto di Pre-Clearance tin otro ministerionan envolvi mescos tambe Schiphol y KLM di parti di Hulanda. “E grupo di trabou tabatin como meta studia e factibilidad di un Pre-Clearance na Aruba. Den e grupo di trabou aki tin Inmigracion, Aduana y Triple A di parti di Aruba envolvi den e proyecto”.

Pa haci e proyecto aki bira un realidad Aruba ta hayando cooperacion di varios secretario di estado y tambe minister-

nan di Hulanda. Eman a bisa cu realisacion di e proyecto aki no ta algo facil, pasobra no ta Hulanda so mester tuma decision, pero Union Europeo tambe. “Esaki pasobra cu una bes e pasaheronan haya nan Pre-Clearance na Aruba nan a wordo ‘gecleared’ na mes momento pa drenta Union Europeo”. Esaki ta motibo cu ta trahando duro pa haya aprobacion di Brussels tambe”.

Eman a bisa di ta contento cu cada bes ta logrando di yega un paso mas cerca di realisacion di e proyecto aki. Esaki

ta bay encera cu Aruba ta bay haya algo cu ningun otro parti di mundo tin. “Un Pre-Clearance pa Estados Unidos y uno pa Europa.

Mi ta contento cu nos insistencia y vision a trece nos ya caba asina cerca di por realisa algo asina unico y importante pa Turismo di Aruba”.

Secretario di estado Weekers pronto lo ta na Aruba unda e lo haci un bishita na e PreClereance Mericano pa haya un idea con autoridadnan Mericano a organisa e Pre-Clearance na Aruba.

www.dahuasecurity.com Caribbean Distributor Cell: 5932050 info@dahuapro.com

Cost-effective IR PTZ Dome Camera

NVR6000

7

128 Channel Super Network Video Recorder

DIAHUEBS 12 DECEMBER , 2013

Grupo Meiers Weltreissen di Alemania

Encanta cu loke nan a mira cu Aruba por brinda na turistanan

Recientemente e compañía Meier’s Weltreissen cu ta socio di Aruba Tourism Authority na Alemania cu ayuda di Sra. Rita Morozow representante di Aruba na Alemania, a logra trece un grupo grandi di agentenan di biahe pa conoce Aruba.

Despues di e accion aki ta spera cu cada un di nan por bende Aruba como destinación turístico mihor. Ta asina cu desde aña pasa e compañía Meier’s Weltreissen a compromete pa trece e grupo grandi aki di 102 agente di biahe pa conoce Aruba. Cu e compromiso aki ATA su representante na Alemania y Hulanda a cuminsa traha duro pa logra trece e mihor agentenan di biahe pa conoce Aruba. Aparte di e grupo aki Meier’s a trece pa acompanja cu cada grupo un líder cu a yuda cu e comunicación entre e agentenan di biahe y e hoteleronan y ATA. Por bisa cu desde prome anochi e grupo cu a yega cu KLM a keda encanta cu Aruba, ora nan a disfruta di un dushi cena na Moomba Beach.

E siguiente dia otro grupo a yega y anochi casi henter e grupo tabata na Aruba y nan a disfruta di un velada ameno ariba e deck y beach di Bucuti &Tara Suites. E anochi siguiente na Papiamento Restaurant Meier’s Weltreissen y ATA a yama henter e grupo bon bini

na Aruba cu e apertura oficial.

E anochi aki a wordo entretene pa Touch of Steel cu a pone tur hende baila. Durante nan bishita e agentenan di biahe por a inspecciona y bishita varios hotel Renaissance Aruba Resort, Westin Aruba, Hyatt Regency y Amsterdam Manor Beach Resort como tambe conoce e isla cu El Tours bou guianan nan cu ta papia Aleman y nan por a disfruta di un paseo ariba catamarán pa cortesía di Red Sail Sport y pa e ocacion aki cada un di nan a bisti un t-shirt cu ta bisa Aruba ta Dushi. El Tours tambe tabata nan groundhandler.

Un agradicimiento ta bai na tur e hotelnan cu a hospeda e agentenan di biahe cu ta Divi Village, Manchebo Beach Resort & Spa,Westin Aruba,Occidental Grand y Aruba Marriott Aruba Resort & Stellaris Casino. E representantenan di ATA cu a contribui cu e programa tabata Sra. Amayra Boekhoudt hunto cu Sra. Rita Morozow di Alemania.

E objetivo principal di ATA pa invita gruponan di agentenan di baihe ta pa nan por experiencia y disfruta di Aruba como producto turístico y asina por bende mihor como destinación y alaves ta crea un lazo entre e agente di biahe y e hotelero y otro partnernan den turismo.

ATA lo ta pendiente pa mira e resultadonan den 2014.

Aruba Tourism Authority ta gradici tur partnernan den turismo

8

PAGINA 10

DIARIO

Riba dia 7 di Februari na school di Arte

SAC y UNOCA ta organiza “Piyama Party” pa 60 Plussers pero toch kier keda activo durante e temporada aki di celebracion y exposicion di creatividad y ambiente!

ORANJESTAD (AAN): Den cuadro di nan plan pa constantemente presenta ideanan nobo cu por trece innovacion den organizacion di nos carnaval, Stichting Arubaanse Carnaval (SAC) a caba di anuncia un evento nobo, specialmente pa esunnan riba 60 aña di edad. Cu esaki SAC kier envolvi e grupo di nos grandinan tambe, pa sigui di ta activo den celebracion di carnaval.

Presidente di Stichting Arubaanse Carnival (SAC), Tecla Kelly, a haci e anuncio cu conhuntamente cu UNOCA, ta trahando pa organiza un evento di marca mayor dia 7 di Februari 2014, den cuadro di celebracion di 60 aña di nos carnaval. Esaki ta bay ta un evento cu un ambiente total pa e 60 plussers, na school di Arte cuminsando for di 9’or di mainta.

A scoge e tema di “Jouvert Morning”, o sea un tremendo “Fiesta di Piyama” pa e prome evento cu SAC ta organiza exclusivamente pa nos ciudadanonan riba 60 aña di edad. “Prepara bo pijama, bo baby-doll, bo bata bieu y e hende homber nan por bin bisti cu boxer, nan ta yen’e cu stenchi, payet, pero e idea ta pa tur ta bunita bisti pasobra e ta bay ta un jouvert morning di berdad”, asina Presidente di SAC a duna di conoce.

Lo bay tin premio pa e

piyama mas bunita decora.

“E piyama cu a keda bo fitfit, esun cu a keda bo mucho grandi”, asina Tecla Kelly a expresa. SAC kier ta hunto cu nos grandi nan den carnaval pa asina tur hende por gosa di nos dushi temporada.

Tur cos ta mustra cu e evento nobo aki riba programa lo bay hala hopi atencion y sigur yena un bashi cu tabata falta pa hopi aña den nos carnaval, esta pa nos ciudadanonan di un edad respeta,

DIALUNA 9 DECEMBER 2013

DIALUNA 9 DECEMBER 2013

Gerente di bar a haya verbaal debi cu e no a tene su mes na su permiso di cera ORANJESTAD (AAN): Tabata 4’or di marduga riba diabierna patruya di polis seccion Noord a duna gerente di e localidad “Different Bar ” verbaal debi cu e no a tene su mes na su permiso di sera.

PAGINA 23

DIARIO

Ta asina cu polis a nota staciona diferente auto dilanti di e localidad y a lanta sospecho cu e ta habri y mientras e localidad mester ta cera durante siman pa 2’or. Y pa averigua un que otro polis a baha pa controla

permiso di e localidad y nan ta scucha musica ta for di direccion “Different” y na entrada nan a constata cu porta no ta na candal pero e ta habri.

Ora nan drenta paden nan a constata pa alrededor

di cuarenta persona y tin bebemento ta tumando lugar.

Despues polis a papia cu e homber encarga inicial C.S. naci na Hulanda di 26 aña y el a wordo notifica pa

e demostra su permiso cu e por keda habri despues di 2’ or di marduga pa publico.

Pero e no por a demostra esaki pa cual el a wordo poni na altura di ta haya verbaal pa a viola ley.

PAGINA 30

DIARIO

DIALUNA 9 DECEMBER 2013

Meta Social Club Carnaval group tey pa engrandece Carnaval 60

ORANJESTAD (AAN): Meta Social Club Carnaval Group a yama un conferencia di prensa pa asina aclaria e situacion cu ta andando actualmente pa un Dj di Hulanda por bin duna su presentacion aki na Aruba hunto cu otro Dj nan den nos Carnaval. Meta Social Club Carnaval Group a manda un carta oficial pa SAC y ta bisa lo sigiente.

"Pa medio di esaki nos kier a aserca boso prestigioso organisacion Stighting Arubaanse Carnaval (SAC) cu nos siguiente perspectiva na razón di e polemica cu a wordo crea den prensa local den e ultimo dianan aki referente na e intencion di nos grupo pa trese Shermanology como un di e acompañamentonan musical pa Fakkel Optocht den nos grupo. Nos a bin comprende cu e preocupacion a bin dilanti di parti di “gruponan uni”di Carnaval cu a aserca SAC pa pidi un reunion pa asina trece nan disgusto y nan desaprobacion dilanti pa motibo cu SAC lo a otorga un permiso na un grupo nobo di Carnaval, cu den e caso aki ta nos grupo di Meta Social Club Carnival Group, pa trese un grupo di DJ for di Hulanda. Na momento cu tur e polemica aki a wordo presenta den prensa local y a wordo dirigi tambe na nos personalmente di biaha nos di e grupo a sinta den nos seno y a analisa tur expresionan y informacion cu a wordo tresi dilanti den medionan di comunicacion referente na e caso aki y nos a dicidi di duna boso por escrito nos reaccion y nos banda di medaya.

Meta Social Club Carnaval Group kier cuminsa na clarifca cu e nomber oficial di nos grupo ta Meta Social Club Carnival Group. Un iniciativa cu a cuminsa for di un comision forma pa empleadonan di e diferente companianan di MetaCorp cu a acerca John Flemming y Ryan Maduro pa dirigi e grupo di Carnaval. E sponsor principal di e grupo ta e diferente companianan di MetaCorp y e grupo ta participando como uno di e

genero Comercial Luhoso pa paradanan di Carnaval 60.

Meta Social Club Carnival Group su intencion ningun momento tabata of ta pa wordo lanta pa perhudica ningun grupo di Carnaval y tampoco Carnaval di Aruba.

Aunke nos a wordo tilda di ta un grupo fantasma nos mester bisa cu mas bien a dicidi di lanta un grupo pa engrandece e Carnaval pa su celebracion di diamanta y cu miras tambe pa sigui participa den futuro.

Nos team ta trahando for di final di Carnaval 59, desde Maart specificamente, y nos ta lamenta cu ta te awor den December algún di e otro gruponan di Carnaval ta cuminsa reacciona y a bin ripara cu tin un Carnaval hopi grandi y importante ta spera nos tur eyfo cu ta Carnaval 60, e gran celebracion di diamanta, y cu nos tur tin un compromiso cu Aruba. Como cu na comienso varios di e lidernan di “gruponan uni” a expresa nan preocupacion nan a hanja e garantia desde di e sponsornan di e mesun compania cu nos ta representa den Caranval, cu aunke e companianan aki ta e sponsor principal di Meta Social Club Carnival Group cu nan sponsorship cu nan ta ricibi normalmente tur aña lo sigui normalmente sin mester perhudica ningun grupo di Carnaval. Pa esnan di “gruponan uni” ta na altura cu algun di nan bandanan musical a hasta acerca nos grupo pa participa cu nos como banda musical. Pero conciente di nos responsabilidad pa cu Carnaval nos a opta pa no trece ningún grupo di Carnaval den problema kitando nan banda musical for di nan. Den tur nos procesonan nos a y nos lo sigui demostra di actua di buena fe, manteniendo Carnaval y Aruba como e meta principal di nos accionan.

Nos grupo di Carnaval ta representa empleadonan di un di e companianan mas grandi na Aruba cu ta masha respeta y prestigioso den nos comunidad y nos nunca lo kier hinka nos mes den un

situacion cu lo perhudica ni e nomber ni e prestigio di e organización cu ta sirbi como sponsor di e grupo aki.

E grupo di Shermanology ta un grupo cu lo por duna un bon presentacion nan Aruba. Pa clarifica, e proceso cu nos a sigui tabata uno transparente y hasi di un forma responsabel y Meta Social Club Carnival Group a cana e caminda legal pa tramita tur

e permisonan necesario y lo sigui promove e practica aki den tur locual cu nos lo sigui hasi. Nos a acerca DIMAS pa hanja e informacion tocante buscamento di Shermanology pa Fakkel Optocht y DIMAS a dirigi nos na SAC, cu ta e vergunninghouder pa organiza y coordina Carnaval na Aruba, pa traha un carta pa autorizacion di cual nos a hasi tambe. Consequentemente nos a ricibi e carta di autorizacion oficial for di SAC cu a aproba e participación di Shermanology den nos grupo dor di indica cu no tin objecion.

Ta lamentabel di tende e insinuacion di cu nos peticion no tabata inclui e berdad completo. Pa clarifica den nos carta di peticion ta papia di un “agrupacion musical” pero tambe ta menciona “un

grupo di DJ” cu lo bin for di Hulanda. Na momento cu bo ta firma un petición e ta indica cu bo a hasi bo huiswerk y ora bo duna bo indicacion di “geen bezwaar” ta indica cu bo no a mira nada cu lo perhudica ningun hende, ordo publico, ni tampoco Carnaval di Aruba", asina e grupo a termina bisando.

DIALUNA 9 DECEMBER 2013

PAGINA 31

DIARIO

Fotografo famoso Franz a saca serie di fotonan espectacular di cabaynan di Villa Floralina

ORANJESTAD (AAN): Siman pasa tabata na Aruba pa algun dia e famoso fotografo Franz Lagos, di kende ta mira su fotonan masha yamativo di cabay den revistanan equino, bao di e nomber di “Franz”. E fotografo Colombiano a tende tanto di Aruba y ora cu nan a mustr’e algun foto di cabay den lama y na nos beachnan, el a keda encanta y a ofrece di biaha pa bin Aruba pa haci un serie di “photo-shoot”. Villa Floralina a acepta di biaha y tanto Franz como Floralina ta mas cu satisfecho cu e logro y resultado.

A uza e beach di Arashi y Baby Beach, tanto den oranan di mainta como atardi na bahada di solo y e resultado ta impresionante. Pa su trabao el a uza tambe un helicopter, estilo “drone” pa por a haya e angulonan unico y mas dificil. No e helicopter so, pero e lens tambe a ser opera for di tera pa asina e por a scoge e miho imagennan. Pa logra e sesionnan a ricibi bon cooperacion di Polis.

For di edad hopi jong, Franz a cuminsa desaroya e don artistico, cu un influencia hopi fuerte di su welo. Den e añanan ’70 el a sigui practica esaki hunto cu su tata y via e revista “Transportes” el a sembra e prome simianan di

su trabao. Den añanan ’80 el a specialisa den e aplicacion y maneho di e tecnologia moderno, loke a dun’e mas vision y conocemento pa realisa su soño. Su prome fotonan tabata di paisahe y otro di caracter social.

Siñando con pa manipula den fotografia y haci diferente aplicacionnan, el a bay ta hayando un gran wowo di observador. Esaki a yud’e pa enfoca su sensibilidad, pa por haya no djis bon foto, sino fotonan cu tin un concepto . . . fotonan cu ta papia pa nan mes.

Cu tempo su pasion pa cabay a cuminsa trek e mas y mas y awor e ta dedica exclusivamente y specialisa den fotografia equino. Aunke cu e ta encanta cu e noblesa y e poder di e cabay, e ta realisa cu anatomicamente e ta esun mas compleho pa compila y construi tematicamente.

E fotonan cu nos por a mira ta sensacional y aunke cu ta meditando ki ta bay haci cu nan, lo bin un reportahe grafico di un forma of otro. E cabaynan cu a participa na e “photo-shoot” ta e 7 cabaynan di Villa Floralina, cu ta tende bou di e nomber Escandalo, Teoria, Conquistadora, Pijao, Hechizada, Soñado de Don Mateo y Luna.

PAGINA 38

DIARIO

DIALUNA 9 DECEMBER 2013

Minister Mike de Meza cu orguyo a participa na ceremonia di apertura di Xander Bogaerts Centro di Bario Lago Heights Ballpark

ORANJESTAD (AAN): Minister Ing. Mike de Meza diadomingo mainta cu un entusiasmo enorme a participa na e reapertura oficial di e veld di bala di Little League di Centro di Bario Lago Heights, cual a worde dedica na e prome yiu di tera pa hunga World Series di Baseball Mayor League. Xander Bogaerts Centro di Bario Lago Heights Ballpark ta un di e veldnan, ademas di e veld di Pepsi Cola y e hardin di su omo, unda cu Xander Bogaerts a cuminsa hunga baseball. E talento excepcion di e hoben Arubiano, combina cu un disciplina y determinacion ehemplar, su amor pa deporte y un “sistema di apoyo” fuerte, consistiendo di su mama y demas miembronan di su famia a hib’e te na e top

di su deporte faborito.

Minister Mike de Meza, kende a crece y te dia di awe ta biba na San Nicolas tambe a hunga Little League baseball como mucha riba e diferente veldnan na San Nicolas. E mandatario ta sumamente orguyoso cu di su districto stima, bao guia di lidernan dedica den deporte, awe Aruba ta celebra y duna sosten na un astro den baseball, kende ta un inspiracion pa otro hobennan.

E minister a pone enfasis riba e rol di e mayornan y lidernan den deporte, splicando cu e presencia di e mayornan riba e veld di bala ta esencial pa e animo di e yiu. Cu esaki, el a expresa hopi elogio pa e mama di Xander Bogaerts, esta Sandra Brown; añadiendo cu Sandra ta forma gran parti di e exito di Xander, pa e forma

cu el a brinda apoyo na su yiu y semper t'ey p'e.

E apertura di e veld a bay den un ambiente di famia, cu un Family Day. Hunto Minister Mike de Meza, encarga cu Asuntonan Economico, Comunicacion, Utilidad y Energia y Minister dr. Alex Schwengle, kende ta maneha e carteranan di Salubridad y Deporte, a devela e borchi cu e nomber nobo di e veld.

Como un gesto di aprecio, e mandatarionan a entrega un bala y un bat di baseball, cual nan a firma na miembro di directiva di e Centro di Bario, Val Peterson. Sr. Peterson a boga y lucha incansablemente pa e veld aki keda den uzo y pa su renobacion tuma

luga. Ni un ocasion Peterson no tabata laga pasa sin cu e tabata menciona e renobacion di e veld y e balor cu e tin pa e muchanan di e bario di Lago Heights y vecindario.

Despues di e dedicacion di e veld, a sigui un wega di campeonato di Little League entre White Sharks (Centro di Bario Lago Heights) y Marlins Hawaiian Punch (Tanki Leendert/Noord).

Minister Mike de Meza a expresa, “Awe ta bay ta un dia sumamente great”, y el a splica cu e ta contento di wak e muchanan di 5 y 6 aña den un bataya serio riba veld, cu

e muchanan aki ta nos futuro, e lidernan di mañan, e futuro hungadonan di Mayor League si nan sigui padilanti den deporte.

Minister De Meza a añadi cu deporte ta sumamente importante y el a anima tur mucha, hoben y adulto pa disfruta di deporte, haci nan miho esfuerso, pasobra deporte ta yuda forma e hende y ta yuda crea disciplina propio. Nunca un persona ta perde cu deporte, un wega bo por perde, pero den tur otro cos bo ta gana, Minister Mike de Meza a subraya.

Diahuebs December 12 2013

Pagina 12

Lider di partido MEP, sra. Evelyn Wever-Croes

Gobierno ta kibra su propio disciplina y ta un falta di respet serio pa Parlamento Den un conferencia di prensa di partido MEP, Lider di MEP, sra. Evelyn Wever-Croes ta comenta cu na momento cu a analiza e presupuesto supletorio cu Gobierno ta bin pidi 60 miyon pa e gastonan aki y sin duna casi splicacion pasobra riba como 50 pagina di e documento cu ta consisti di casi 80 pagina, como 50 di e pagina ey bo ta mira skirbi: “Nos a tuma un personal den servicio” pero nan no ta menciona cuanto personal. Nan no ta bisa pakico mester a kibra nan mesun regla di personeel stop. Tampoco nan ta bisa cual placa ta envolvi. Esakinan ta e preguntanan cu a wordo haci. “Nos ta haya cu un gobierno cu ta bin pasa un presupuesto den luna di Juni den e aña aki caminda cu e ta bisa cu tin un personeelstop pues no ta bay tuma ningun hende

den servicio anto 5 luna despues bo ta bin informa parlamento cu bo a dicidi toch di bay tuma hende den servicio pa un suma cu ta casi 60 miyon florin anto mi ta kere cu esaki ta un manipulacion hopi grandi y ta un falta di respet serio pa e parlamento pero tambe bo ta kibra bo propio disciplina y ta pesey hendenan no por confia e gobierno di AVP. Esaki nan ta preguntanan cu nos a

haci tambe y nos ta spera di haya contesta riba nan” segun sra. Wever-Croes.

E personeel stop ta parti di e ley di presupuesto cu a pasa na Juni. Presupuesto ta un ley. Sra. wever-Croes ta sigui bisa cu: “E ley cu a pasa 7 di Juni ta bisa cu tin un personeelstop di parti di gobierno. Awor e gobierno aki mes a kibra e propio ley aki. El’a trahe pero esey no ta duna bo derecho di kibr’e. Gobierno a trahe, parlamento a aprob’e y mester bay parlamento prome cu dicidi di kibr’e.

Gobierno a dicidi di kibr’e sin pasa Parlamento. Na momento cu gobierno kibra un ley bo por cana tur e camindanan cu bo por cana pero na momento cu nan bin parlamento anto e 13 parlamentarionan di AVP dicidi di bay PRO e documento aki, nan a laba cabez, rins’e e y cos a caba”.

TNO y APA ta firma un acuerdo pa trece “Waterside Security Solutions” pa Aruba

MADURO HEAVY EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa

Tereno, Coba Pos y Fundeshi.

ROOI BOSAL 49 TEL .: 585-1708 FA X .:585-6299

-Desde September 11, 2001, trafico liber di mercancia y hende na wafnan a cambia cu introduccion di regulacionnan riba nivel global, manera ta e caso cu e codigo ISPS. Pa provee siguridad pa turistanan y carga, Aruba Port Authority (APA) a dicidi di tuma pasonan pro activo y a cuminsa cu e buskeda pa opcionnan pa solucionnan pa cu “waterside security”, o sea siguridad na banda di lama. A considera cu 90% di tur producto importa ta yega nos isla pa medio di waf y e mercado di turismo crucero ta representa un entrada anual di mas of menos 84 miyon dollar Mericano. Como resultado di e investigacion, APA a cera un convenio cu TNO, e organizacion Hulandes pa investigacion cientifico, cual ta trahando riba e solucion nobo pa “waterside security” for di aña 2010. E proyecto di investigacion tabata wordo sosteni pa, entre otro, e ministerio di defensa di Hulanda y e waf di Rotterdam, bao di e nomber “SOBEK”. E tecnologia aki no ta afecta medio ambiente y por ta considerablemente mas barata cu solucionnan existente. E colaboracion entre TNO, AVIC y Duana Hulandes, apoya pa Port

of Rotterdam y Polis maritimo di Rotterdam a resulta den un prototipo basico pa deteccion di buceadonan y boto, cual a wordo demostra den e waf di Rotterdam na luna di maart 2012. Un concepto di SOBEK a wordo poni den awanan noord-west di Europa, pero e medio ambiente submarino acustico di Aruba obviamente lo ta diferente: temperatura, e cantidad di salo den awa y zonidonan produci pa e biologia submarino, tur tin nan influencia riba e medio ambiente acustico submarino. Tecnologia SOBEK mester wordo adapta pa funciona den e circunstancianan aki.

Coleccion di data lo tuma lugar riba dia 16 di December, 2013.

Diahuebs December 12 2013

Pagina 6

Turistanan cu entrada halto a baha y esnan cu entrada abao a subi!

Cifranan ultimo ta demostra cu turistanan di menos calidad ta bishitando Aruba

Contrario na e maneho turistico sumamente positivo cu a ser hiba durante e 8 aña di Gabinete Oduber, nos ta mira awe con bao di Gabinete Eman e maneho riba tereno di turismo no ta bayendo dje positivo ey manera cu Minister Otmar Oduber ta pinte tur dia. Nos por a mira con e ministro aki ta gaba constantemente cu e cantidad di turistanan a aumenta durante e ultimo 4 añanan, cu e hotelnan ta haciendo mihor negoshi y cu mas placa ta wordo laga atras door di e turistanan. Sinembargo segun e ultimo cifranan di turismo publica den e Statistical Yearbook 2012 di CBS, henter e storia y fantasia di Otmar Oduber a cay completamente na awa.

Den e Statistical Yearbook 2012 ta ser treci padilanti e informacion di e gastonan averahe pa dia cu e turistanan ta haci na Aruba (‘Average daily expenditure’), cual gastonan bao di Gabinete Eman a baha desde 2009 en adelante, esta for di Afl. 183,90 na 2009 te na Afl. 151,51 na 2012.

Pues e turistanan ta gastando un averahe di 32 florin menos pa dia bao maneho di Gabinete Eman y esaki compara cu e maneho hiba bao di Gabinete Oduber. No solamente esey, pero

turistanan for di Merca, Venezuela, Hulanda, Brazil, Antiyas Hulandes y Canada ta gastando na 2012 hopi menos pa dia compara cu 2009.

Esaki ta significa cu pa gran parti turistanan cu menos poder di compra ta bishitando Aruba actualmente.

Turismo di menos calidad Den e Statistical Yearbook nos por mira tambe cu e turistanan cu tin un entrada halto di mas cu 89500 florin pa aña a baha for di 55% na 2009 te 45.8% na 2012 y e turistanan cu tin un entrada abao di 53700 florin a crece for di 11.8% na 2009 te 16% na 2012.

Alavez por constata cu e turistanan cu ta bin Aruba cu pre-paid package a aumenta for di 39.7% na 2009 te 57.1% na 2012. Y esnan cu ta bin cu pakete all inclusive a mas cu redobla, esta for di 20.7% na 2009 te 45.9% na 2012. Pues por wel di ta cu e cantidad di turistanan pa Aruba y tambe e entradanan total a aumenta, pero cifranan concreto ta demostra cu e poder di compra di e turistanan individual a baha drasticamente durante e ultimo 4 añanan. No ta un secreto, pero un y tur por constata con durante e ultimo lunanan aki un

gran cantidad di turista no ta tuma taxi mas pa y for di Aeropuerto, pero ta prefera di sjouw cu nan maletanan pa nan yega na nan hotelnan y vice versa (‘rugzaktoerisme’).

Pregunta ta, si esaki ta e mehoracion di calidad di turismo cu Minister Otmar Oduber ta papia di dje constantemente? Cu

e gastonan pa dia cu e turistanan ta haci a baha drasticamente durante e ultimo 4 añanan, e minister lo por puntra e trahadornan di Food & Beverage den hotelnan, e doñonan di tienda y supermercadonan, e taxistanan, e lugarnan di entretenimento y casino, e car rentalnan etc.

Hecho ta cu e maneho di e gobierno actual ta dirigi na sigui busca turista barata, contrario na e gobierno di MEP cu durante 8 aña a stimula tur e hotelnan pa ‘upgrade’

nan facilidadnan cu mas di 500 miyon dollar y alavez ta e gobierno cu a percura pa trece e promer y unico hotel di 5 strea na Aruba, esta Ritz Carlton cu a habri recientemente.

Conclusion ta cu nos mester stop di tapa solo cu un dede y biba cu e realidad cu turistanan cu entrada halto a baha y esnan cu entrada abao a subi drasticamente den e ultimo tempo y esaki danki na Gabinete Mike Eman y AVP.