Kulang Ang Salitang Buo... /p

Larawang Kuha ni

Kulang ang Salitang Buo para Ilarawan Ka

Rhenzell Mae Valdez

Binibini, Hindi ka mas mababa sa lalaki

Hindi totoong sa tahanan lang ang iyong silbi Hindi ka nabuhay para lang magdala ng binhi

Kaya tumalon ka mula sa timbangang hindi pantay Gawin mo ang lahat kahit pa yaong mga bagay na sabi nila’y di sa’yo bagay

Dahil ang totoo’y hindi ka mahinang nilalang lang At lalong-lalong hindi kulang

Sa katunayan, gaya ka ng buwan May liwanag na hindi madaling pantayan

May kagandahang hindi mahigitan ng mga bituin Ano man ang anyo mo, ang tanglaw mo’y hindi kukulangin

At tulad ng buwan, kulang ang salitang buo para ilarawan ka Hindi ka kailanman magpapaantala dahil sapat ka kahit mag-isa

Kaya tumayo ka’t tunguin ano man ang nais marating Gaya ng buwan, patuloy kang magningning.

Illustrations by

Denesse Lynne Desamito