nágrannabæjarfélögunum en þessar stelpur æfðu með strákum á sínum yngstu árum. „Leikmannahópurinn sem ég hef haft frá því ég byrjaði er að miklu leyti óbreyttur. Stelpurnar eru sérstaklega vinnusamar og kappsfullar og eru tilbúnar að leggja mikið á sig til þess að ná árangri. Kvennafótboltinn í Keflavík og á Íslandi er á mikilli uppleið. Það er mun meiri virðing borin fyrir stelpunum í dag og fólk almennt farið að átta sig á að þær eru að leggja jafn mikið á sig og í sumum tilvikum meira en strákarnir.“ Gunnar segir að þakka megi frábærum árangri kvennalandsliðsins undanfarin ár auknum áhuga stúlkna á fótbolta sem leitt hafi af sér fleiri iðkendur, meiri áhuga, bæði stúlknanna sjálfra og samfélagsins í heild. Í kjölfarið hafi gæðin vaxið og orðið mun meiri. „Í dag geta stúlkur stefnt á atvinnumennsku sem var fjarlægur draumur fyrir ekki svo mörgum árum. Ungar knattspyrnustúlkur eiga margar flottar fyrirmyndir sem er nauðsynlegt fyrir framgang íþróttarinnar. Í því samhengi er auk þess mikilvægt fyrir okkar ungu og efnilegu keflvísku stúlkur að eiga góðan meistaraflokk með flottum fyrirmyndum.“ Þegar talið berst að þeim árangri sem náðst hefur undanfarin ár á sviði kvennafótbolta verður ekki hjá því komist að ræða jafnræði enda eykst sú eðlilega krafa frá ári til árs að karlar og konur sitji við sama borð þegar kemur að íþróttum líkt og á hinum almenna vinnumarkaði. Gunnar Magnús tekur undir það og segir að þó miklu hafi verið áorkað undanfarin ár í átt að meira jafnræði þurfi að gera betur og bæta þurfi ýmislegt. „Það er alltaf verið að leitast eftir meira jafnrétti, til dæmis með því að brjóta upp hefðir karlaboltans sem hafa
verið ríkjandi í gegnum árin. Staða kvennaboltans í Keflavík hefur aðeins batnað á allra síðustu árum. Stelpurnar hafa þó þurft að berjast fyrir sínu með misgóðum árangri. Vissulega koma meiri tekjur
inn af karlaboltanum og ef strákar eru seldir út í atvinnumennsku er oft um háar upphæðir að ræða. Þar er einnig ríkari hefð og þar hafa unnist mikil afrek í gegnum árin. Það eru þó ýmsir þættir sem eiga algjörlega að vera óháðir fjármagni en þar á ég við hluti eins og aðstöðumál, afnot af keppnisvelli, búningaaðstaða o.fl. Þetta þarf að breytast og þar tel ég að árangurinn á vellinum muni hjálpa til. Ég vil að minnsta kosti trúa því að góður árangur kalli á fleira fólk og því verður gaman að sjá hvort stelpurnar okkar nái að þjarma betur að strákunum í aðsókn á komandi tímabili þar sem stelpurnar eru í deild ofar.“ Á þessum nótum kveðjum við þennan mikla Keflvíking. Keflavíkurstúlkur eru komnar í efstu deild þar sem þeirra bíður ærið verkefni, að halda sér í deild þeirra bestu. Með allar þær ungu og efnilegu stelpur sem Keflavík hefur innan sinna raða, með þjálfara eins og Gunnar í brúnni og með stuðning bæjarbúa eru Keflavíkurstúlkum þó allir vegir færir. „Þegar liðið fer á völlinn, þá fyllist jafnan höllin – við þekkjum öll þá staðreynd að trúin flytur fjöllin“. Svo er kveðið í nánast óþekktu stuðningslagi Keflavíkur í körfubolta og verður ekki séð annað en þessa „heimspeki“ megi yfirfæra á kvennalið Keflavíkur í fótbolta. Það er að minnsta kosti ljóst að Gunnar Magnús hefur trú á þessum stelpum og hann er sannfærður um að þær hafi trú á sér og þeirri vegferð sem þau halda í sameiningu. Við hin skulum leggja okkar að mörkum með því að mæta á leikina og styðja þær. Trúum á verkefnið! Þjálfari ársins í Inkasso deild kvenna 2018.
Gleðileg jól
farsælt komandi ár, þökkum viðskiptin á árinu sem er að líða BÓKHALDSÞJÓNUSTAN SÆVAR REYNISSON VIÐSKIPTAFRÆÐINGUR
Hafnargötu 27 - Sími 421 1420 & 894 3837
Keflavík
Rafverktaki
VÍSIR
Félag skipstjórnarmanna á Suðurnesjum
24
Jólablað 2018
Hafnargötu 62 - Sími 421 4457
Tækniþjónusta SÁ ehf.
stapaprent Prentþjónusta