Jólablað Keflavíkur 2023

Jólin 52. árgangur

2023

Fréttir af félaginu 2023 Íþróttakarl og -kona Keflavíkur 2022

Boðið var til samsætis þriðjudaginn 30. desember þar sem íþróttakarl og íþróttakona Keflavíkur 2022 voru útnefnd, en það voru þau Hörður Axel Vilhjálmsson og Eva Margrét Falsdóttir. Einnig fengu íþróttakarl og íþróttakona hverrar deildar viðurkenningar. Hverjir verða það í ár ?????

Viðurkenningar veittar á aðalfundi félagsins 2023 Gullheiðursmerki Keflavíkur var veitt Kára Gunnlaugssyni

Silfurheiðursmerki

Keflavíkur var veitt Kristjáni Helga Jóhannssyni Starfsbikar Keflavíkur var veittur Ingvari Georgssyni.

Starfsmerki UMFÍ

var veitt Benediktu Benediktsdóttur, Björgvini Magnússyni, Guðrúnu Jónu Árnadóttur og Ragnari Franz Pálssyni.

Viðurkenningar veittar á aðalfundum deilda 2022

Gullmerki var veitt Fali Helga Daðasyni. Gullmerki Keflavíkur er veitt fyrir 15 ára stjórnarsetu.

Silfurmerki var veitt Benediktu Benediktsdóttur, Björgvini Magnússyni, Guðrúnu Jónu Árnadóttur og Ragnari Franz Pálssyni. Silfurmerki Keflavíkur er veitt fyrir 10 ára stjórnarsetu.

Bronsmerki voru veitt Hirti Inga Hjartarsyni, Jóhanni Snorra Sigurbergssyni og Sigurði Garðarssyni.

Bronsmerki Keflavíkur er veitt fyrir 5 ára stjórnarsetu.

Íþróttastjóri Keflavíkur

Íþróttastjóri skiptir miklu máli fyrir Keflavík og hefur sannað gildi sitt. Samskipti við deildir félagsins eru orðnar markvissari og stjórnarfólk fengið meiri stuðning. Íþróttastjóri hefur umsjón með skráningarkerfinu Sportabler sem eykur skilvirkni í innheimtu. Starfið er alltaf að vaxa og hefur félagið tekið að sér ýmis verkefni. Til dæmis verkefnin „Börn með sérþarfir“ í samstarfi við Njarðvík og Nes. Starf íþróttastjóra er fjármagnað af Reykjanesbæ. Takk Reykjanesbær.

Fjármála – og skrifstofustjóri Keflavíkur

Guðbjörg Björnsdóttir fjármála– og skrifstofustjóri er nýr starfsmaður sem hóf störf 1. nóvember. Hér er nýtt stöðugildi inn til félagsins sem Reykjanesbær fjármagnar. Starfsmaður kemur til með að aðstoða deildir varðandi rekstraráætlun og fylgja þeim eftir jafnframt því að bóka og reikna laun. Það er ekki vafi í mínum huga að þetta á eftir að efla starfið enn frekar og gera það skilvirkara. Takk Reykjanesbær.

Keflavík fyrirmyndarfélag / deild ÍSÍ

Keflavík, íþrótta- og ungmennafélag er Fyrirmyndarfélag ÍSÍ. Félagið fékk viðurkenninguna fyrst árið 2003 og var fyrsta félagið sem fékk þessa viðurkenningu frá ÍSÍ. Endurnýjun var 2022 til næstu fjögurra

Aðalstjórn Keflavíkur 2023. Aftari röð frá vinstri: Garðar Örn Arnarson, Birgir Már Bragason, Garðar Newman, Björg Hafsteinsdóttir. Fremri röð frá vinstri: Eva Björk Sveinsdóttir, Einar Haraldsson, Jónína Steinunn Helgadóttir og Sveinbjörg Sigurðardóttir. Ljósm.: Oddgeir Karlsson.

ára.

Sportabler

Sportabler er skráningarkerfi sem Keflavík notar. Aðalstjórn er með samning við Sportabler. Allar deildir félagsins hafa aðgang að kerfinu og foreldrar að appinu. Íþróttastjóri Keflavíkur er umsjónaraðili með kerfinu.

Bætt aðstaða fyrir iðkendur

Búið er að steypa í gólfið fyrir aftan B-salinn en þar var áður gryfja fyrir fimleika og svo seinna meir aðstaða fyrir þrek. Nú hefur aðalstjórn, góðir velunnarar félagsins ásamt Reykjanesbæ gert þetta að flottum þreksal fyrir okkar iðkendur.

53. Sambandsþing UMFÍ

Fimmtugasta og þriðja Sambandsþing UMFÍ var haldið þann 20. – 22. október á Geysi Haukadal.

Keflavík átti sjö þingfulltrúa en sex mættu. Samþykkt var tillaga um sameiginlega lottó skiptingu ÍSÍ og UMFÍ. Þessi breyting felur í sér mikla skerðingu inn til félagsins hvað varðar lottógreiðslur.

Vefverslun

Jólablað 2023

Facebook síða Keflavíkur

Keflavík er með Facebooksíðu fyrir félagið í heild sinni sem ber nafnið Keflavík íþrótta- og ungmennafélag en þar eru fréttir og viðburðir settir inn.

Formaður Keflavíkur

Á aðalfundinum sem verður haldinn í febrúar 2024 hef ég ákveðið að gefa ekki kost á mér til formanns og því ljóst að nýr formaður mun taka við. Ég vil því nota tækifærið hér til að þakka öllu því góða fólki sem ég hef starfað með undanfarin þrjátíu ár. Þetta hefur verið góður tími og gefandi. Áfram Keflavík.

Keflavík er með vefverslun og er hana að finna á heimasíðu Keflavíkur. Hvetjum við alla til að notfæra sér hana, sérstaklega núna fyrir jólin.

Heimasíða Keflavíkur

Heimasíða Keflavíkur er vistuð hjá Dacoda og er slóðin http://www.keflavik.is

Skattafrádráttur

Ný lög um skattalega hvata til almannaheillastarfsemi tóku gildi 1. nóvember 2021. Lögin fela í sér nýja heimild fyrir einstaklinga til að draga allt að 350

Útgefandi: Keflavík íþrótta- og ungmennafélag Ábyrgðarmaður: Einar Haraldsson • keflavik@keflavik .is, 421 3044 Forsíðumynd: Elías Már Ómarsson Umbrot og prentun: Stapaprent ehf. • stapaprent@stapaprent.is, sími 421 4388

2

þúsund krónur á ári frá skattskyldum tekjum sínum utan atvinnurekstrar vegna framlaga til almannaheillastarfsemi. Auk þess er kveðið á um tvöföldun á hlutfalli sem atvinnurekstraraðilar mega draga frá skattskyldum tekjum vegna slíkra framlaga og fer það úr 0,75% í 1,5%.

Markmið breytinganna er að hvetja einstaklinga og fyrirtæki til að styðja við almannaheillastarfsemi milliliðalaust, auk þess að styrkja stöðu lögaðila sem starfa til almannaheilla.

Aðalstjórn Keflavíkur íþrótta- og ungmennafélags sendir öllum bæjarbúum, félagsmönnum og öðrum velunnurum félagsins óskir um gleðileg jól og farsældar á komandi ári um leið og við þökkum öllum sem lagt hafa félaginu lið á liðnum árum. Áfram Keflavík

Glæsileg gjafasett frá 1.000 til 6.000 kr.

Dekraðu við þig og þau sem þér þykir vænt um. Hjá Baylis & Harding er lögð áhersla á að bjóða upp á gæðavörur í fallegum umbúðum á sanngjörnu verði. Þú finnur jólagjafir við allra hæfi í næstu Nettó eða á netto.is.

Jólablað 2023

3

Afhending Ellabikarins 2023

E

ins og síðustu ár voru okkar afar kæru og mikilvægu verðlaun, Ellabikarinn, veitt til minningar um Elis Kristjánsson heitinn sem starfaði sem þjálfari hjá Keflavík í mörg ár. Ellabikarinn er veittur til þess iðkanda sem skarað hefur fram úr á einn eða annan hátt, er sannur Keflvíkingur og sýnt hefur fyrirmyndar dugnað og vinnusemi á tímabilinu jafnvel þó viðkomandi hafi lent í mótlæti eða öðrum áskorunum. Þetta árið var ákveðið að prófa að hafa ekkert eiginlegt lokahóf fyrir alla yngri flokka knattspyrnudeildar heldur hittist hver flokkur og gerði eitthvað

skemmtilegt saman. 3. flokkur drengja hittist í pílu og horfðu svo á leik í meistaradeildinni og Ellabikarinn afhentur þar sem handhafi hans þetta árið var að ljúka seinna ári í 3. flokki. Í ár var það Viktor Árni Traustason fæddur 2007 sem hlaut heiðurinn. Viktor Árni hefur stundað knattspyrnu frá því hann var í leikskóla. Viktor Árni hefur vaxið mikið sem leikmaður og er til fyrirmyndar fyrir aðra iðkendur. Hann mætir á hverja einustu æfingu og leggur sig ávallt 100% fram. Flottur félagsmaður og sannur Keflvíkingur.

Sigurbergur sonur Ella og Ragnar Steinarsson þjálfarar 3. flokks afhentu Viktori Árna bikarinn.

Besti árangur Keflavíkur á Gothia Cup

S

unnudaginn 16. júlí lögðu 30 galvaskir leikmenn 3. flokks drengja í knattspyrnu af stað í ferð til Gautaborgar til að taka þátt í alþjóðlegu móti. Keflavík var með tvö lið, annað árið í röð sem ætluðu að máta sig við aðra knattspyrnumenn víða úr heiminum. Að þessu sinni voru það árgangar 2007 og 2008 sem tóku þátt.

Mikil vinna var lögð í það að safna fyrir þessari ferð og þökkum við öllum þeim fyrir sem á einn eða annan hátt lögðu söfnunni lið. Ákveðið var að gista með hópinn á hóteli og að þessu sinni var það Good Morning hótel sem er bátur sem breytt var í hótel. Þröng herbergi en mjög hugguleg og strákarnir voru ekki lengi að koma sér vel fyrir. Við fararstjórar viljum meina að ruggandi áhrif bátsins hafi haft þau áhrif að ekki var mikil þörf á vöktun langt fram eftir kvöldi þannig að við mælum eindregið með þessu hóteli í slíkar ferðir.

Með í för voru að sjálfsögðu þjálfararnir Ragnar Steinarsson og Sigurbergur Elisson (þeir gistu líka í bátnum) og svo fjórir feður sem sinntu hlutverki fararstjóra og stundum sjúkraþjálfara. En aðalleikararnir í þessari ferð voru okkar frábæru drengir sem að okkar mati komu, sáu og sigruðu. Þeir kannski sigruðu ekki mótið á endanum, en þeir færðu okkur besta árangur Keflavíkur sem nokkurn tímann hefur náðst á þessu móti. Af 262 liðum sem tóku þátt í keppni 2008 árgangsins náðum við í 16 liða úrslit. Af 213 liðum sem hófu keppni hjá 2007 árgangi náðum við einnig alla leið í 16 liða úrslit. Ekkert annað íslenskt lið sem tók þátt í þessum árgöngum náði þetta langt þannig að við gátum heldur betur vel við unað. Þrátt fyrir að þurfa spila 2-3 leiki á dag sýndu strák-

4

Jólablað 2023

arnir ótrúlegan vilja og seiglu sem fyllti foreldra og forráðamenn stolti.

Ferðin gekk í heild sinni afar vel og strákarnir voru sjálfum sér og félagi til mikils sóma. Að fá að vera þátttakandi í svona ferð með svona hóp eru einfaldlega forréttindi. Fyrir hönd fararstjóra þakka ég peyjunum, foreldrum og þjálfurum innilega fyrir skemmtilegt sumar og geggjaða ferð. Ferðin og sumarið í heild skilur eftir sig ótalmargar frábærar minningar sem munu lifa lengi.

Með fótboltakveðju, Kristján Helgi Jóhannsson

Gleðileg jól gott og farsælt komandi ár með þökk fyrir samstarfið á árinu sem er að líða

Verkfræðistofa Suðurnesja ehf.

Víkurbraut 13, 230 Reykjanesbæ Sími 420 0100 / vss.is / vs@vss.is

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Viðurkennt þjónustuverkstæði

Grófin 14a, 230 Reykjanesbæ, sími 4216901

Sendum viðskiptavinum og landsmönnum öllum hugheilar jóla- og nýárskveðjur

Umhverfisvæn orkuframleiðsla í 40 ár Njótið jólana í birtu og yl frá umhverfisvænni framleiðslu www.hsorka.is

Jólablað 2023

5

Árið 2023 hefur verið viðburðaríkt fyrir Taekwondo deild Keflavíkur

Í

janúar var Reykjavik International Games (RIG) mótið og keppt var í taekwondo í Laugardalshöll. Keflvíkingar sendu góðan hóp nokkurra sinna bestu keppenda og fengu 3 gull, 3 silfur og 2 brons. Í mars lögðu Keflvíkingar land undir fót með stóran hóp í fyrsta sinn síðan Covid takmarkanirnar hættu. 25 manna hópur keppenda, þjálfara og foreldra fóru til Belgíu að taka þátt á Belgian Challenge Cup í Tongeren. Hópurinn stóð sig með mikilli prýði og vann til 5 gullverðlauna, 4 silfur og 6 brons og sýndu Keflvíkingar að liðið býr yfir miklum gæðum og er samkeppnishæft á alþjóðavettvangi. Stefnt er að því að endurtaka leikinn á næsta ári. Í apríl var Íslandsmótið í ólympísku taekwondo (bardaga) og þar áttu Keflvíkingar sinn besta árangur sem þeir hafa náð í áratug. Keflvíkingar unnu til 10 gullverðlauna, 6 silfurverðlauna og 2 bronsverðlauna og voru besta lið mótsins. Það er því í fyrsta sinn í 6 ár sem Keflavík verður Íslandsmeistari liða.

Andri Sævar Arnarsson úr Keflavík var valinn keppandi mótsins, en hann átti stórleik þar sem hann sigraði þrjá mjög sterka keppendur. Íslandsmótið í poomsae (tækni) var haldið í október og Keflvíkingar unnu þar 4 gull, 5 silfur og eitt brons.

TKÍ (Taekwondo-samband Íslands) hélt þrenn poomsae (tækni) mót þar sem Keflvíkingar unnu samtals til 29 gullverðlauna, 16 silfurverðlauna og 12 bronsverðlauna. Þá var TKÍ með þrenn Bikarmót í bardaga og Keflvíkingar unnu þar til 31 gullverðlauna, 27 silfurverðlauna og 16 bronsverðlauna.

Keflavík unnu Bikarmót byrjenda og lengra komna og unnu því alla þrjá stóru titlana sem er í boði fyrir ólympískt taekwondo á Íslandi þ.e. Bikarmót byrj-

6

Jólablað 2023

enda, Bikarmót lengra kominna og Íslandsmót liða. Það er því ljóst að Keflavík er í dag með sterkasta lið landsins í taekwondo og minnir því á stórveldið sem Keflavík var frá árunum 2007-2018 þar sem liðið vann nánast allt sem hægt var að vinna.

Auk móta TKÍ þá voru líka haldin vinamót og vinaæfingabúðir sem Keflavík og önnur félög á Ís-

landi halda í sameiningu til að styrkja starfið enn betur.

Um vorið var haldið Keflavík Open sem er æfingamót og æfingabúðir með erlendum keppendum og þjálfurum. Að þessu sinni fengum við hinn danska Bjarne Johansen, einn af bestu þjálfurum Norðurlandanna sem hefur m.a. þjálfað gullverð-

launahafa á Ólympíuleikunum. Hann kom ásamt 10 meðlimum danskra og norskra afreksliða og hélt frábærar æfingabúðir sem voru virkilega vel heppnaðar og allir iðkendur sem tóku þátt fengu frábæra innsýn í taekwondo á hæsta getustigi. Það má geta þess að Keflavík Open er opið öllum iðkendum á Íslandi og er framlag Keflavíkur til eflingar taekwondo íþróttarinnar á Íslandi.

Sumarið gekk mjög vel og voru námskeið deildarinnar vel sótt eins og hefur verið. Um haustið byrjaði deildin af miklum krafti og margir hópar fylltust strax í fyrstu viku. Það er alltaf erfitt að þurfa að vera með biðlista og geta ekki þjónustað alla þá iðkend-

ur sem vilja æfa. Aðstaða deildarinnar er ágæt en deildin á engan heimavöll og þarf stærra rými til að geta þjónustað alla þá sem vilja æfa hjá deildinni. En það er klárlega okkar ósk að allir þeir sem vilja æfa taekwondo hjá Keflavík, geti það. Það eru mörg spennandi verkefni á döfinni, en þegar þetta er skrifað stefnir keppnishópur iðkenda úr Keflavík til Skotlands til að taka þátt í æfingabúðum með landsliðsþjálfara Englands, Steven Jennings, ásamt vinaklúbbi okkar í Glasgow Raw Taekwondo. Þá ber að geta þess að yfirþjálfari deildarinnar Helgi

Rafn Guðmundsson var í haust ráðinn sem annar af tveimur aðstoðarlandsliðsþjálfurum Íslands og mun hann vinna náið með Gunnari Bratli landsliðsþjálfara. Um haustið kom formaður TKÍ, Snorri Hjaltason, í heimsókn til deildarinnar og hélt tölu fyrir iðkendur og foreldra. Hann lýsti mikilli ánægju með fagmannlegt starf sem er öðrum félögum til fyrirmyndar.

Stefnan er að hafa jólamót í desember. Í janúar verður Norðurlandamótið í taekwondo haldið á Íslandi og svo stefnir liðið aftur til Belgíu. Mörg spennandi verkefni á döfinni fyrir ört vaxandi taekwondo deild Keflavíkur eftir árangursríkt og skemmtilegt ár.

Minnum á dagskrá kirkjunnar um aðventu og jól Sjá nánar www.keflavikurkirkja.is þar sem einnig eru upplýsingar um annað starf í kirkjunni.

Hugheilar óskir um gleðiríka jólahátíð og farsæld á nýju ári Kirkjuvegi 25 • 230 Keflavík • Sími 420 4300 • www.keflavikurkirkja.is

Jólablað 2023

7

8

Jólablað 2023

Vikuna 18.-26. júlí fór 3. fl. RKV á USA Cup í Minneapolis:

USACup

F

erðalagið byrjaði á sunnudegi og hittust allir upp á flugvelli. Flugferð og allt gekk vel og var fyrsta stopp við komuna til USA á Radison hótel þar sem Mall of America er. Það var hent af sér töskum og labbað yfir á Fridays að borða og svo bara upp á hótel og fóru allir í ró enda allir þreyttir eftir ferðalagið. Þar sem tímamismurinn var frekar mikill þá voru margir vaknaðir eldsnemma næsta dag og var hoppað í alvöru morgunmat á iHop áður en haldið var í búðir í mollinu og fyllt á hálftómar ferðatöskur. Seinnipartinn var síðan haldið af stað á heimavistina þar sem við gistum á meðan mótinu stóð. Þar voru mörg lið frá öllum heimshornum.

Fyrsti keppnisdagur var á þriðjudeginum. Við fórum aðeins fyrr niður á svæði til að skoða okkur um og að sjá þetta allt. Það var frekar heitt og voru stelpurnar mikið í skugga undir tré og nærðu sig og drukku vel fyrir leik. Við áttum svo leik í hádeginu sem var nokkuð ójafn, en hann endaði með sigri okkar stelpna 9-0. Það var skipt frekar ört og vorum við fararstjórarnir með kælibox fullt af klökum, drykkjum og þvottapokum til að kæla stelpurnar niður á hliðarlínunni.

Strax eftir leik þurftum við að hafa hraðar hendur og hendast upp á heimavist og græja okkur fyrir opnunarhátíðina. Okkar stelpur voru fyrstar af íslensku liðunum inn á leikvanginn með skilti Íslands. Þvílík og önnur eins upplifun og stemning.

Miðvikudagur og ræs eldsnemma eða kl. 5:40 því að við áttum leik kl. 8:45. Það var sama upp á teningnum í leikslok, okkar stelpur unnu þann leik 9-0.

Strax eftir leik var skotist í langþráða Target ferð.

Við enduðum þennan dag í rennibrautagarði.

Stelpurnar spurðu hvar þessi garður væri eiginlega, þó svo við værum komin inn í hann. Garðurinn sjálfur var töluvert minni en væntingarnar voru, já kannski meira sundlaugagarður frekar en rennibrautagarður. Það voru öfgar í veðrinu þennan dag og voru allir reknir upp úr á núll einni þegar fyrsta eldingin kom og húrruðum við okkur öll út í rútu og upp á heimavist.

Leikir sem áttu að vera þennan seinnipart var frestað vegna veðurs, en sem betur fer hafði það engin áhrif á okkar leiki.

Síðasti leikur í riðlinum var í hádeginu á fimmtudeginum. Við byrjuðum þann dag frekar „seint“ eða um rúmlega 8 þegar við hentumst í morgunmat. Það var frekar næs að „sofa út“. Við unnum þann leik 8-1 og því efstar í okkar riðli. Vallaraðstæður voru ekkert til að hrópa húrra fyrir, fínar holur og næstum óslegið gras. Það var ákveðið að fara í outletið seinni partinn og allar þvílíkt peppaðar og tilbúnar að versla. Við vorum búin að vera í nokkrar mínútur þegar rafmagnið fór af outletinu og öllu hverfinu í kring, þannig að það var ekkert hægt að versla, takk! Það var hvergi hægt að greiða og lokuðu allar búðir. En við dóum ekki ráðalaus. Við fórum beint á aðalviðburð dagsins, heimsókn á McDonalds, og þá brutust úr mikil fagnaðarlæti.

Jæja, 8 liða úrslit á föstudeginum og byrjaði sá dagur í rólegheitum, því leikurinn var ekki fyrr en kl. 15:00. Það var frekar heitt og sólin sterk þennan daginn. Fyrsta skiptið sem við lendum undir í leik 1-0 en okkar stelpur keyrðu sig vel í gang og unnu leikinn 4-2. Þetta þýddi bara eitt , stelpurnar okkar voru komnar áfram í undanúrslit með þessum sigri og því leikur kl. 7:00 daginn eftir. Restin af deginum var tekin rólega, því að það var ræs kl. 4:40 daginn eftir.

Síðasti dagur mótsins. Stelpurnar voru svo duglegar alla daga að koma sér á fætur og það var engin breyting síðasta daginn, þó svo að það væri ræs kl.

4:40. Við vorum mætt á mótssvæðið kl. 6:00 í rökkrinu, en það var orðið bjart þegar leikurinn var flautaður á kl. 7:00. Við unnum þennan leik 6-0 og því búnar að tryggja okkur í ÚRSLIT!! Þvílík gleði. Úrslitaleikurinn var þá á dagskrá kl. 13:00 á móti liði Fylkis. Þar sem við gátum ekki verslað neitt í outletinu, ætluðum við að reyna aftur og pöntuðum því rútu til að fara þangað kl. 16:00, um leið og þær væru búnar að spila úrslitlaleikinn. Allar þvílíkt peppaðar fyrir því. Það var farið upp á heimavist í góða hvíld og hádegismat fyrir úrslitaleikinn. Það var haldið af stað á mótsstað og við héldum okkur inni í skugga þar til 25 mínútur fyrir leik, þá var farið að hita upp.

Ameríkaninn klikkaði eitthvað þarna og það vantaði dómara. Við biðum því í 27 mínútur eftir dómara og þegar hann loks kom þá ómuðu háværir lúðrar og við sáum bara á eftir dómaranum þegar hann hljóp inn í hús. RED ALERT veðurviðvörun fór í gang. Þrumur, eldingar, rok og grenjandi rigning sem dundi yfir.

Við tók fjögurra klukkustunda bið og óvissa um hvort eða hvenær úrslitaleikurinn yrði spilaður. Þetta hangs var orðið ansi þreytt en stelpurnar fundu sér sitt hvað að gera á meðan við héngum inni. Svo eins og smellt

væri fingri og það er komið geggjað veður og sól og blíða. Leikurinn var keyrður í gang um kl. 17:00 en styttur um 10 mínútur. Stelpurnar okkar kláruðu þennan leik með stæl og unnu hann 7-0 og því USA Cup meistarar í Silver riðli í U16. Það var farið beint í verðlaunaafhendingu og fengu þær flotta kynningu og tóku á móti medalíu og bikar. Ákveðið var að fara beint úr verðlaunaafhendingunni í outletið. Allar í keppnisgallanum og með bikarinn, medalíur og íslenska fánann meðferðis. Við náðum þar að „hlaupa“ í búðir á rétt rúmum klukkutíma. Ansi strembinn en geggjaður dagur!

Heimferðardagurinn byrjaði á Valley Fair tívolíinu þar sem allir helstu rússíbanar voru prófaðir, þvílíkt fjör og gaman. Þaðan var leiðinni haldið upp á flugvöll og heim á leið. Þvílík ferð, frábærir ferðafélagar og stelpurnar voru sér og öllum til fyrirmyndar, innan vallar sem utan.

Stelpurnar eiga allar mikið hrós skilið. Þjálfari og fararstjórar

Jólablað 2023

9

Stökkmótaröð í atrennulausum stökkum og hástökki með atrennu

Á

þessu ári hélt Keflavík áfram í samvinnu við þrjú önnur íþróttafélög að standa fyrir stökkmótaröð í atrennulausum stökkum og hástökki með atrennu fyrir eldra íþróttafólk. Fyrsta mótið fyrir tímabilið 2023 – 2024 var haldið í Varmahlíð hjá Ungmenna- og íþróttafélaginu Smára og fór mótið fram í Íþróttahúsinu í Varmahlíð 22. apríl 2023.

Eins og áður hefur komið fram þá er það meðal annars tilgangurinn með mótaröðinni að auka fjölbreytni í mótahaldi eldri frjálsíþróttafólks en ekki hvað síst að kynna atrennulausu greinarnar fyrir nýjum keppendum. Segja má að þetta sé farið að virka því að á mótinu í Varmahlíð mættu fjórar konur í fyrsta sinn á mótaröðina, þær Sunna Axelsdóttir og Eygló Ævarsdóttir frá UFA og Sara Jane Emily Gaird og Sigrún Bjarnadóttir frá UMSS. Sunna stökk 1,25 m í hástökkinu og fór með þeim árangri í 14. sæti á afrekaskrá FRÍ í flokki kvenna 35 – 39 ára. Íþróttakempan úr Varmahlíðinni, Karl Lúðvíksson 71 árs, hélt uppi heiðri karlanna og náði prýðisárangri í öllum greinunum. Úrslit mótsins má finna á mótavef Frjálsíþróttasambands Íslands – fri.is Annað mótið í mótaröðinni, Stökkmót Keflavíkur, var svo haldið í Íþróttahúsinu við Sunnubraut í Keflavík þann 31. maí s.l. Þátttaka var ágæt og árangur góður. Ágústa Tryggvadóttir frá Selfossi sem keppti í flokki 40 – 44 ára jafnaði Íslandsmet Sígríðar Önnu Guðjónsdóttur frá Selfossi sem 21. febrúar 2008 stökk 1,10 m. Þá stökk Ágústa 6,51 m í þrístökki án atrennu sem er 6. besti árangur frá upphafi í þessum flokki og 2,31 m í langstökki án

– 69 ára bætti sig í hástökki án atrennu með stökki uppá 1,15 m. Karl Lúðvíksson frá Varmahlíð hélt áfram sínu striki og náði góðum árangri í öllum greinum. Stjórnarmönnum Keflavík sem og öðrum starfsmönnum mótsins er hér með færðar þakkir fyrir aðstoðina sem og starfsfólki íþróttahússins sem ávallt veita aðstoð af ljúfmennsku. Áhorfendum eru einnig færðar þakkir fyrir komuna.

Karl Lúðvíksson 71 árs í hástökki.

Jólablað 2023

1,15 m 6,36 m 2,25 m 1,49 m

Ólafur Guðmundsson Selfossi í flokki 50-54 ára Hástökk án atrennu 1,30 m Langstökk án atrennu 2,66 m Hástökk með atrennu 1,52 m

Starfsmenn gera allt klárt fyrir hástökkið. atrennu sem er 9. besti árangurinn í flokknum frá upphafi.

Karl Sören Theódórsson sem er 14 ára og keppti sem gestur setti persónulegt met með því að stökkva 1,49 metra og var það mjög góður árangur hjá svo ungum pilti. Ólafur Guðmundsson frá Selfossi sem keppti í flokki 50 – 54 ára bætti árangur sinn í langstökki án atrennu með stökki uppá 2,66 m.

Jón Sigurður Ólafsson úr FH sem keppti í flokki 65

Ólafur Guðmundsson, Karl Sören Theódórsson, Karl Lúðvíksson, María Sigurjónsdóttir, Ágústa Tryggvadóttir og Jón Sigurður Ólafsson.

10

Úrslit mótsins: Karl Sören Theódórsson Hástökk án atrennu Þrístökk án atrennu Langstökk án atrennu Hástökk með atrennu

Jón Sigurður Ólafsson Hástökk án atrennu Þrístökk án atrennu Langstökk án atrennu Hástökk með atrennu

FH í flokki 65-69 1,15 m 6,51 m 2,25 m 1,31 m

Karl Lúðvíksson Þrístökk án atrennu Langstökk án atrennu Hástökk með atrennu

UMSS í flokki 70-74 5,97 m 2,05 m 1,22 m

Ágústa Tryggvadóttir Hástökk án atrennu Þrístökk án atrennu Langstökk án atrennu Hástökk með atrennu

Selfossi í flokki 40-44 1,10 m 6,51 m 2,31 m 1,34 m

María Sigurjónsdóttir Langstökk án atrennu

Suðri í flokki 40-44 1,05 m

Þau tvö mót sem eftir eru og verða á dagskrá á næstu mánuðum (dagsetningar liggja ekki fyrir sem stendur) verða haldin af Fjölni og Selfossi. Ákveðið hefur verið að bæta við nýrri keppnisgrein og er það kúluvarp. Sú íþróttagrein er mjög vinsæl meðal eldri þátttakenda og má því búast við fjölmennari mótum á næstunni. Meðal þeirra sem munu væntanlega taka þátt er Jón Bjarni Bragason úr Breiðabliki en hann kastaði 13,41 m á árinu og er það 39. besti árangur ársins í heiminum.

Helgi Hólm

Keflavík í Intertoto keppninni

K

eflvíkingar hafa aldrei verið hræddir við að fara ótroðnar slóðir en ein slík var farin árið 1995 þegar Keflvíkingar léku fyrstir íslenskra liða í nýrri Evrópukeppni sem bar nafnið Intertoto-keppnin. Leikið var í riðlum og dróst Keflavík í sjötta riðil með Metz frá Frakklandi, NK Zagreb frá Króatíu, Partick Thistle frá Skotlandi og LASK frá Austurríki. Í liði Metz var Rigobert nokkur Song sem gerði garðinn frægan með Liverpool og Kamerún til dæmis.

Skemmst er frá því að segja að Keflvíkingar náðu í eitt stig í riðlinum eftir jafntefli við NK Zagreb en það er mál manna að töpin hafi verið grátleg og allt að því ósanngjörn. Í hinum þremur leikjunum komust Keflvíkingar yfir og áttu með réttu að skora fleiri mörk í þeim leikjum áður en andstæðingarnir náðu yfirhöndinni og sigrinum úr greipum okkar manna.

Kjartan Einarsson skoraði fyrsta mark Keflvíkinga í Intertoto keppninni gegn Metz, Marko Tanasic kom okkur yfir gegn Partick Thistle á útivelli og Sverrir Þór Sverrisson kom Keflvíkingum yfir gegn LASK. Keflvíkingar voru óheppnir, skallar í slá og björgunarstörf á marklínu komu í veg fyrir mögulega sigra. Í leiknum gegn Partick Thistle var hinn kunni dómari Paul Durkin sem dæmdi lengi í Ensku úrvalsdeildinni við góðan orðstír og var eini enski dómarinn sem dæmdi á HM í Frakklandi árið 1998. Í miðjum leiknum vatt hann sér upp að Kristni Guðbrandssyni og spurði hvað markvörðurinn okkar héti. Kristinn svaraði hátt og snjallt Ólafur Gottskálksson en Durkin horfði með undrunarsvip á Kristinn. Væntanlega vegna þess að ekki er auðvelt að muna, segja eða bera fram þetta nafn fyrir aðra en íslenskumælandi

einstaklinga. Eftir skamma stund sagði hann að Óli væri mjög góður markmaður sem verður að teljast mikið hrós því hann hafði ágætis samanburð frá Englandi. Óli Gott var hreint geggjaður í þessum leik samkvæmt Kristni.

Jólablað 2023

11

Keflavík: Meistaraflokkur karla og kvenna

K

æru Keflvíkingar! Ég held það sé við hæfi að byrja þennan pistil á því að segja að það hefur verið mér sannur heiður að vera formaður körfuknattleiksdeildar Keflavíkur það rúmlega eina og hálfa ár sem ég hef setið í formannsstól. Ætlun mín þegar ég tók við sem formaður var að vinna Íslandsmeistaratitil með báðum liðum. Það gekk því miður ekki eftir. Sem keppnismaður er ég ótrúlega sár og svekktur með að það hafi ekki tekist. Ég geri mér þó auðvitað grein fyrir því að fyrir því eru ýmsar ástæður og margt þarf að haldast í hendur svo hægt sé að landa þeim stóra.

Það sem af er

Þegar ég horfi til baka yfir það tímabil sem er liðið, bæði síðasta tímabil og það sem af er þessu, hefur það verið allt í senn lærdómsríkt, skemmtilegt og krefjandi. Það þarf svo sem ekki að koma neinum á óvart að það sem er mest krefjandi í íþróttastarfinu í dag er peningahliðin. Það er þrautinni þyngri að halda úti íþróttastarfi á Íslandi þar sem metnaður ræður ríkjum. En hingað til hefur lærdómurinn og skemmtanagildið trompað það sem þykir krefjandi við verkefnið. Það er ótrúlega skemmtilegt að eiga í samskiptum við allt það frábæra fólk sem kemur að starfinu, hvort sem það eru styrktaraðilar, stuðningsmenn, sjálfboðaliðar, stjórnarmenn, þjálfarar eða leikmenn. Allt þetta frábæra fólk gefur þessu krefjandi verkefni gildi. Þó okkur hafi ekki tekist ætlunarverkið og landað stóru titlunum í karla- og kvennaflokki var síðasta tímabil ásættanlegt, þá sér í lagi kvenna megin.

Karlaliðið fór í 4-liða úrslit í VÍS-bikarnum en var því miður slegið út í 8-liða úrslitum Íslandsmótsins af Tindastóli. Kvennaliðið tryggði sér hins vegar deildarmeistaratitilinn í Subway deildinni og fékk silfur í bæði VÍS-bikarnum og á Íslandsmótinu. Verður ekki annað sagt en það sé vel af sér vikið ef mið er tekið af því að tímabilið áður tókst liðinu ekki að komast í úrslitakeppni. Skref upp á við hjá kvennaliðinu þýðir að titlar ættu að geta dottið í hús að loknu þessu tímabili.

Árangur yngri flokka

Það verður ekki hjá því komist að minnast á yngri flokkana en án þeirra væri ómögulegt að halda úti góðu afreksstarfi. Hefur það enda sýnt sig í Keflavík

12

Jólablað 2023

að árangur afreksstarfsins helst í hendur við árangur yngri flokka starfsins. Það sem stóð upp úr í yngri flokka starfinu okkar þetta árið er án efa árangur 7. flokks karla- og kvenna sem gerðu sér lítið fyrir og unnu Scania Cup í apríl. Um er að ræða óopinbert Norðurlandamót félagsliða sem haldið er ár hvert í Sodertelje í Svíþjóð. Er þetta í fyrsta skipti sem íslenskt kvennalið vinnur á mótinu. Til viðbótar við góðan árangur liðanna voru Björk Karlsdóttir og Sigurður Karl Guðnason valin Scania Queen og King en þá nafnbót hljóta bestu leikmenn mótsins. 10. flokkur

kvenna lék einnig á mótinu og endaði í 5. sæti. Í maí fór svo úrslita helgi yngri flokka fram í Blue Höllinni en þar var ungmennaflokkur kvenna Íslandsmeistari og 10. flokkur stúlkna og 9. flokkur drengja lentu í 2. sæti. Þykir mér bæði rétt og skylt að óska öllum þessum frábæru krökkum til hamingju með árangurinn.

Sumarið er tíminn

Vorið og sumarið er oft tími stjórnarmanna og í ár einkenndist sá tími af þjálfara- og leikmannaleit auk

Óskum viðskiptavinum gleðilegra jóla og farsæls árs. Þökkum viðskiptin á árinu sem er að líða.

þess sem semja þurfti við þá leikmenn sem fyrir voru og ætluðu að taka slaginn með Keflavík áfram. Einhver skörð komu í leikmannahópa okkar en óhætt er að segja að stærsta skarðið hafi verið þegar Hörður Axel Vilhjálmsson, fyrirliði karlaliðsins og þjálfari kvennaliðsins, og Valur Orri Valsson sögðu upp samningum sínum. Hörður Axel kom til Keflavíkur fyrir tímabilið 2008-2009 og hafði frá þeim tíma ávallt leikið með Keflavík, ef frá eru tekin tímabilin þar sem hann lék erlendis í atvinnumennsku. Valur Orri hafði leikið með liðinu frá 2012 ef frá eru tekin nokkur tímabil þar sem hann lék í bandaríska háskólaboltanum.

Valur varð bikarmeistari með liðinu 2013.

Ekki verður annað sagt en sjónarsviptir hafi orðið af þessum frábæru körfuboltamönnum en þeir eru ávallt velkomnir aftur enda lítum við á þá sem sanna Keflvíkinga. Þá hætti Hjalti Vilhjálmsson, þjálfari karlaliðsins, einnig að tímabili loknu en hann hafði þjálfað liðið frá árinu 2019 með ágætum árangri. Er þeim öllum að sjálfsögðu þakkað fyrir þeirra tíma hjá félaginu. Í ágúst voru Agnes María Svansdóttir og Anna Lára Vignisdóttir valdar í U20 ára landslið Íslands sem keppti í lokamóti í Rúmeníu.

Liðið lenti í 6. sæti sem verður að teljast góður árangur fyrir litla Ísland.

kvenna sem mættu Rúmeníu og Tyrklandi í undankeppni EM. Þetta voru þær Thelma Dís Ágústsdóttir, Anna Ingunn Svansdóttir, Birna Benónýsdóttir og Emelía Ósk Gunnarsdóttir. Ísland mátti sætta sig við töp í báðum leikjum en Thelma Dís var valin besti leikmaður Íslands í þessum leikjum en hún skilaði 18 stigum, 3 stoðsendingum og 3 fráköstum að meðatali í leik. Þegar þetta er skrifað í lok nóvember eru bæði lið enn á sínum stað í VÍS-bikarnum en karlaliðið sigraði Njarðvík í nágrannaslag á útivelli í æsispennandi leik. Þá eru bæði lið í toppbaráttu í Subway deildunum. Það þarf ekki að koma neinum á óvart að Keflavík ætlar sér stóra hluti í vetur með bæði lið enda hafa bæði lið á að skipa gæða leikmönnum í hverri stöðu. Auðvitað rennum við örlítið blindara í sjóinn með karlaliðið sem mun taka aðeins lengri tíma að slípa saman en liðið hefur leikið mjög vel á löngum köflum og það hefur verið skemmtileg ára í kringum liðið. Það er a.m.k. ljóst að liðin hafa staðist væntingar stjórnar og þeirra sem koma að félaginu með einum eða öðrum hætti. Það er þó aldrei að vita nema fleiri leikmenn bætist við hópana og aldrei að vita nema bæði lið hafi á að skipa nýjum leikmönnum þegar jólablaðið lítur dagsins ljós.

Nýtt tímabil hefst

Þó árangur liðanna sé auðvitað alltaf aðal markmið leikmanna, þjálfara og þeirra sem stýra félögunum er ekkert því til fyrirstöðu að hafa önnur markmið til hliðar. Hliðarmarkmið okkar fyrir þetta tímabil voru m.a. að gera þetta skemmtilegt, styðja bæði lið til góðra verka og hafa trúnna á verkefnunum að leiðarljósi. Öll þessi hliðarmarkmið haldast í hendur. Til að hægt sé að hafa tímabilið skemmtilegt, er mikilvægt að við Keflvíkingar séum dugleg að mæta á völlinn og styðja bæði lið, hvort sem það er á heimavelli eða útivelli og þá öðlast leikmenn og þeir sem að því koma trú á verkefnið. Jafnvel ofurtrú sem leiðir af sér sigra. Það er margsönnuð staðreynd að góður stuðningur er lykillinn að góðum árangri og með aðstoð fólks á pöllunum ættu liðin okkar að vera til alls líkleg. Ekki laug Rúnar Júlíusson þegar hann söng neðan greindar ljóðlínur svo eftirminnilega árið 2004. Ég læt þær verða mín lokaorð:

Í haust rann svo enn ein leiktíðin í garð.

Kvennaliðið hefur hafið leiktíðina frábærlega og þegar þetta er skrifað er liðið taplaust í efsta sæti og hefur verið að spila glimrandi skemmtilegan bolta þar sem allar stelpurnar eru að leggja í púkkið. Það er ekkert leyndarmál að við höfum á að skipa frábæru kvennaliði sem að mestu er skipað uppöldum heimastúlkum.

Liðið er lítið breytt frá því á sl. tímabili þegar við hrepptum silfur í VÍS-bikarnum og á Íslandsmótinu. Einhverjar breytingar hafa þó orðið og má þar kannski helst nefna að Thelma Dís Ágústsdóttir kom heim úr háskóla, hin ítalska Elisa Pinzan kom frá Maryland og þá tóku Sverrir Þór Sverrisson og Elentínus Margeirsson við þjálfun liðsins. Öfugt við stelpurnar mættu strákarnir okkar með ansi breytt lið frá því í fyrra. Nýr og spennandi þjálfari er kominn í brúnna og hefur hann lofað hröðum og skemmtilegum leik í vetur. Það hefur sannanlega orðið raunin.

Leiktíðin hófst með sigri á Pétursmótinu í september þar sem heiðruð var minning Péturs „fallegasta“ Péturssonar. Það sem af er tímabili í Subway deildinni hafa nýju leikmennirnir, þeir Sigurður Pétursson frá Breiðablik, Marek Dolezaj frá Iraklis Thessaloniki, Urban Oman frá Helios Suns og hinn stórskemmtilegi Remy Martin frá Lavrio verið að falla betur og betur inn í leik liðsins og þá hafa Halldór Garðar, Jaka Brodnik og Igor Maric einnig verið að spila vel.

Gaman er að geta þess að í nóvember voru fjórar stelpur úr Keflavík í A-landsliði

Árangurinn ekki eina markmiðið

Þegar fer á völlinn, þá fyllist jafnan höllin Við þekkjum öll þá staðreynd, að trúin flytur fjöllin.

Með hnébruna og blóðnös, við munum ekki kvarta.

Með Keflavíkurhjarta, við eigum framtíð bjarta!

Segjum áfram Keflavík – já áfram Keflavík Já áfram Keflavík – við vinnum þennan leik!

Magnús Sverrir Þorsteinsson, Formaður KKDK

Fitjabraut 30, 260 Reykjanesbær - www.bilnet.is - Sími 420 0040

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Sendum öllum Suðurnesjamönnum okkar bestu óskir um gleðileg jól og farsælt komandi ár.

Haf narg ata 20 • Sími 4 20 4000 • studlaberg.i s

Jólablað 2023

13

KEFLVÍKINGUR

í húð og hár

A

ðeins tvítugur hélt Keflvíkingurinn Elías Már Ómarsson í víking til Noregs þar sem hann gerðist atvinnumaður í fótbolta. Nú átta árum síðar er framherjinn hárfagri búinn að upplifa tímana tvenna þar sem hann hefur komist að því að líf atvinnumannsins er ekki alltaf dans á rósum. Hann hefur orðið að fullorðnum þriggja barna föður á flakki í fjórum Evrópulöndum þar sem einstakt hugarfar hefur fleytt honum áfram.

Dvölin í atvinnumennsku byrjaði ekki sérlega vel en Elías var ekki í náðinni hjá þjálfaranum hjá norska liðinu Vålerenga sem keypti hann frá Keflavík eftir að hann hafði verið kjörinn besti ungi leikmaður efstu deildar á Íslandi. „Þessi tími í heild er búinn að vera upp og niður, sérstaklega fótboltalega séð. Til að byrja með þá var ég nánast lagður í einelti af þjálfaranum sem fílaði mig engan veginn. Það virtist ekki hafa mikið með fótbolta að gera heldur frekar útlit mitt,“ segir Elías en hann hefur alltaf skartað síðu hári og húðflúrum. „Hann vildi að ég myndi klippa mig stutt en ég var ekki að fara hlusta á þannig ráðleggingar sem tengdust fótbolta ekki neitt. Þjálfarinn var á því að ég væri sparkaður meira niður út af því hvernig ég liti út.“

14

Jólablað 2023

Elías sá fljótlega að þarna ætti hann enga framtíð þar sem þetta virtist orðið persónulegt. „Ég mætti svo einn daginnn á æfingu og allt í einu segir einn starfsmaður klúbbsins að ég sé á leið í lán frá félaginu. Ég hafði ekkert heyrt.“ Þá var verið að ræða við klúbb í næst efstu deild í Noregi en Elías var á því að hann hefði getu til að spila á hærra getustigi. Það varð raunin en IFK Gautaborg varð næsti viðkomustaður Keflvíkingsins en þangað fór hann á láni.

Spilatími var þar nægur og Elíasi gekk vel að skora mörk. Það varð til þess að IFK keypti framherjann yfir í sænsku úrvalsdeildina. „Næsta tímabil er svo eitthvað sem ég myndi helst vilja gleyma. Það var algjör óreiða innan klúbbsins. Ég fékk sárafá tækifæri og tekst ekki að skora mark þetta tímabil, sem er alveg hrikalegt. Ég var alltaf að fá síðustu 10-15 mínúturnar í leikjunum. Þannig á blaði lítur illa út að ég hafi spilað í kringum 20 leiki og skorað ekkert.“ Eftir þetta tímabil virtist sem yfirmenn hjá félaginu hafi misst trúna á Elíasi og honum var gert það ljóst í æfingaferð í Dubai. „Umboðsmaðurinn hringir og segir að ég megi bara leita mér að nýju félagi. Ég hugsa með mér að æfa bara vel og vonast eftir að eitthvað komi upp. Ég enda svo á að byrja fyrsta leik tímabilsins og skora þar tvö mörk. Eftir

það er ég með fast sæti í byrjunarliðinu.“ Fljótlega fara þó aftur sögur á kreik um að Elías sé til sölu frá félaginu. „Nágranni minn bankar bara upp á hjá mér og spyr hvert ég sé að flytja, en þá var frétt í einu blaðinu um að ég sé að fara. Það var svo leikur tveimur dögum síðar þar sem ég fæ óvænt sæti í byrjunarliðinu. Við vinnum þann leik 3-0 og ég skora öll mörkin. Eftir það breytist hljóðið í yfirmanni knattspyrnumála sem sver af sér að þeir hafi ætlað að selja mig.“

Raðaði inn mörkum í Hollandi

Eftir þetta fína tímabil í Gautaborg var Elías keyptur til Excelsior sem þá lék í efstu deild í Hollandi. Elías leit á það sem gott skref á sínum ferli þar sem hann fengi líklega að spila og spreyta sig í góðri deild. Á sínu fyrsta tímabili skorar Elías átta mörk í hollensku deildinni. Það endar þó með því að liðið féll niður um deild. Hann ákvað að taka slaginn aftur þrátt fyrir að vilja færa sig um set. Það var þá sem að Covid setti strik í reikninginn. „Ég var eiginlega fastur í 2. deild. Það getur verið slæmt ef þú ert ekki ungur og efnilegur lengur.“ Næsta tímabil skoraði Elías 22 mörk og varð markahæsti leikmaður b-deildarinnar í Hollandi. Hann var því vongóður um að fá skipti í stærra félag.

Næsti viðkomustaður varð Nimes í Frakklandi, en félagið var nýfallið úr efstu deild. Þar átti Elías erfitt með að aðlagast menningu Frakka sem hann ber ekki góða söguna. „Ég gerði allt sem ég gat til að komast burt sem gekk að lokum og ég endaði hjá NAC Breda vegna fjölskylduástæðna. „Konan var ólétt að okkar þriðja barni og hin tvö höfðu fæðst í Hollandi með keisaraskurði sem hafði gengið vel. Þriðji keisaraskurðurinn var framundan og það var ástæðan fyrir því að ég endaði aftur í Hollandi.“ Elías hefur verið nokkuð heppinn með meiðsli hingað til. Fjarlægður botnlangi var það stærsta sem hann hafði tekist á við áður en hnémeiðsli komu upp fyrir skömmu. „Þetta eru sködduð liðbönd (MCL). Ég fékk þau skilaboð frá félaginu eftir ómskoðun að þetta yrðu hugsanlega tvær vikur frá æfingum. Ég hélt því áfram en fann að ég átti erfitt með að nota hægri fótinn. Ég spila þarna þrjá leiki í úrslitakeppni um að komast upp í efstu deild. Ég var hreinlega ekki með hægri fót í leikjunum og notaðist bara við þann vinstri. Ég spila þessa leiki meiddur og við komumst ekki upp.“ Eftir tímabilið lætur Elías vita að hann sé ekki að jafna sig. Hann fer aftur í myndatöku og er svo kallaður til liðsins á fund nokkrum dögum síðar. „Þetta lítur mjög illa út og þú þarft að fara í aðgerð, segja þeir mér. Mér er sagt að það taki sex mánuði að koma til baka.“ Síðan eru liðnir fjórir mánuðir og Elías er við það að komast aftur á æfingu tveimur mánuðum á undan áætlun. „Ég er með lausan samning eftir tímabilið. Ég á ekki mikið af sénsum eftir til þess að taka réttu skrefin. Ég þarf bara að sjá hvernig hlutirnir þróast.“

Ókláruð verkefni í Evrópu

Þrátt fyrir flakk og skakkaföll þá var Elías aldrei á því að gefast upp á draumnum sem hann hafði séð fyrir sér síðan hann var gutti. „Ég var aldrei að stressa mig á að koma heim. Ég er með ákveðin markmið sem ég stefni að. Meðan ég á það eftir óklárað þá held ég ótrauður áfram. Ég er bara of þrjóskur til að láta hugann reika heim þegar eitthvað bjátar á. Þegar mótlætið er sem mest, þá stend ég mig yfirleitt best.“ Nú er kannski að síga á síðari hluta atvinnuferilsins og Elías sér þennan heim í öðru ljósi en þegar hann hélt til Noregs beint úr foreldrahúsum. „Ég hef verið með skýr markmið frá því ég var krakki og ég er alltaf að leita eftir réttu skrefunum til þess að komast þangað. Það koma dagar þar sem maður er pirraður og kannski ekki á réttum stað í hausnum. Þetta er ekkert eins auðvelt og margir halda, oft snýst þetta hreinlega bara um heppni. Þú þarft samt að vera góður og leggja hart að þér til að verðskulda þessa heppni.“

Var ekki í nægilega sterkum deildum fyrir landsliðið

Elías á að baki níu landsleiki fyrir Ísland þar sem honum hefur ekki tekist að skora né festa sig í sessi.

Hann er þó ekki búinn að útiloka að komast aftur í liðið. „Það eru alltaf möguleikar ef maður fer að standa

sig. Ég man þó að þegar ég var að standa mig í Hollandi þá fékk ég bara að vita að ástæðan fyrir því að ég fengi ekki séns var sú að deildin væri ekki nógu sterk. Um leið og ég fór svo til Frakklands fékk ég einmitt kallið aftur eftir langt hlé. Það er erfitt að komast í landsliðið, við erum með fullt af sterkum leikmönnum. Það er ekkert einfalt að labba þarna inn.“ Á meðan Elías hefur verið í atvinnumennsku þá hefur Ísland átt sitt sterkasta landslið fyrr og síðar. „Ef það verður ekki aftur þá verður það bara að vera. Ég er ekki að stressa mig á því en ef kallið kemur þá er ég klár í slaginn,“ segir Elías sem hefur horft á landsliðið á stórmótum eins og aðrir landsmenn. Hann segist ekki hafa gert sér væntingar um að komast í hópinn fyrir stórmótin en samgladdist um leið vinum sínum úr Keflavík sem fóru á mótin. „Það var geggjað að sjá, sérstaklega með Arnór, að hann skyldi skora þetta mark á móti Austurríki. Ég sat bara heima með gæsahúð.“ Elías hefur alltaf verið mikill fjölskyldumaður og hefur nú sjálfur komið sér upp fimm manna fjölskyldu, en hann og konan hans Tinna Björt eiga saman þrjú börn sem öll hafa fæðst í Hollandi. Elsti

sonurinn er að verða fimm ára í desember. Yngri sonurinn er að verða fjögurra ára í janúar og svo er dóttirin þriggja mánaða gömul. Hvernig fer atvinnumennskan saman við fjölskyldulífið. „Þetta getur verið erfitt. Sérstaklega fyrir hana að vera mikið föst heima þegar ég er ekki heima við. Það er fullt hús af börnum og mismunandi þarfir. Þetta er líka ótrúlega næs og ég elska að hafa alltaf eitthvað fyrir stafni með fjölskyldunni,“ segir Elías. Stundum getur þó verið erfitt að vera fjarri ömmu og afa fyrir börnin en foreldrar Elíasar og Tinnu eru dugleg að koma í heimsókn þegar tækifæri gefst.

Elías hélt út með ákveðnar hugmyndir um atvinnumennsku og hafa þær breyst á þessum átta árum sem hann hefur dvalið erlendis. Hvað myndi hann ráðleggja ungu íþróttafólki sem er með þessa sömu drauma og hann var með? „Þetta er miklu meiri vinna en þú heldur. Þú þarft að hugsa miklu betur um þig en ég gerði mér grein fyrir. Hausinn og líkaminn eru þín verkfæri sem þú þarft að skerpa stanslaust. Ungir leikmenn halda stundum að allt sé komið þegar þeir eru byrjaðir að fá borgað fyrir að spila fótbolta. Engar aukaæfingar fyrir eða eftir æfingar og ekkert hugað að líkamsrækt eða mataræði. Ég hef ekki séð einn þannig leikmann taka næsta skref upp á við.“ Elías segist hafa áttað sig á þessu sjálfur þegar hann hefur umgengist eldri og reyndari leikmenn sem hafa náð langt. Hann hefur sótt í þeirra reynslu og fylgst með hvernig þeir bera sig að. „Mér fannst það líka bara meika sens að æfa meira ef þú ætlar að ná lengra. Ég hef alltaf haft þannig hugarfar.“ Ef þú hættir að leggja þig fram þá nærðu ekki markmiðum þínum. Ég ætla því að halda áfram sama hversu erfitt þetta verður bæði andlega og líkamlega. Þú verður bara að þrauka. Síðan sjáum við bara til, ef þú nærð ekki öllum þínum markmiðum þá gerðir þú allavegana þitt besta. Það er kannski klisja en hún er samt svo sönn.“

Endar alltaf í Keflavík

Þegar tími gefst þá kveikir Elías á leikjum með Keflavík, hvort sem það er í fótboltanum eða körfuboltanum. „Maður er Keflvíkingur í húð og hár og það er alltaf mitt lið.“ Hugurinn leitar heim þegar atvinnumennsku lýkur og segist Elías vilja að börnin sín búi þar seinna meir. „Ég er opinn fyrir því að taka 1-2 tímabil í Keflavík ef réttar aðstæður koma upp. Ég enda þar sem ég byrjaði og þá er eins gott að við verðum aftur í deild þeirra bestu og látum finna fyrir okkur þar,“ segir framherjinn að lokum.

Jólablað 2023

15

Sendum öllum Suðurnesjamönnum okkar bestu óskir um gleðileg jól og farsælt komandi ár.

Sendum öllum Suðurnesjamönnum okkar bestu óskir um gleðileg jól og farsælt komandi ár.

Hafnargata 36, 230 Reykjanesbæ • Sími 440 2450

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Sendum öllum Suðurnesjamönnum okkar bestu óskir um gleðileg jól og farsælt komandi ár.

Óskum Suðurnesjamönnum

gleðilegra jóla og farsæls komandi árs. Þökkum árið sem er að líða.

Óskum viðskiptavinum okkar, sem og Suðurnesjamönnum öllum gleðilegra jóla og farsældar á komandi ári. Þökkum viðskiptin á árinu sem er að líða.

A D L E G U FL

SALA BR

08 AUT 1

HRING

IÐ

K-HÚS

r

u Keflavík

OPNUM 28.DESEMBER OPIÐ 28., 29. & 30.DESEMBER FRÁ KL.10.00-22.00 OPIÐ GAMLÁRSDAG FRÁ KL.10.00-16.00 Við treystum á íbúa Reykjanesbæjar að styðja vel við bakið á okkur.

Allur hagnaður deilist á milli karla,kvenna og unglingadeilda knattspyrnudeildar Keflavíkur

SÖLUUMBOÐ ÖSKJU Á REYKJANESI Sími 420 5000 16

Jólablað 2023

r

udeilda

pyrn Knatts

a k k u l Jóla000 vinningar!

6

Skafmiðaleikur Víkurfrétta 2023

Það er gaman að skafa!

Ný vefsíða

BUSTOD.IS

Skafðu til vinnings!

Þú færð Jólalukku VF í Nettó og mörgum öðrum verslunum og fyrirtækjum á Suðurnesjum.

Skilið vinningslausum miðum í Nettó verslanir.

Drögum fleiri flotta vinninga þrisvar í desember.

Óskar Suðurnesjamönnum gleilegra jóla og farsældar á komandi ári Jólablað 2023

17

Meistaraflokkur karla 2023:

Stoltir Keflvíkingar

Þ

egar árið 2023 er gert upp hjá meistaraflokki karla í knattspyrnu er ef til vill fátt sem hvetur til hátíðarhalda. Niðurstaðan er skýr, ekki unnust nógu margir leikir til að halda sér í deild þeirra bestu að ári. Gömul saga og ný því miður fyrir knattspyrnuna í Keflavík en á næsta ári verður það okkar að leiða liðið upp á við á ný. Frá fyrstu æfingunum fyrir Keflavík í íþróttasal Myllubakkaskóla undir handleiðslu Freys Sverrissonar fyrir rétt um 37 árum síðan lærðum við okkar fyrstu töfrabrögð með boltann.

Síðan þá hefur hvorki boltinn né Keflavík vikið frá okkur. Velemir Sargic leiddi okkur upp yngri flokkana og lagði grunninn að því sem koma skildi. Upp yngri flokkana þekktum við fátt annað en að spila úrslitaleiki og unnum marga titla fyrir félagið og má segja að það hafi fylgt okkur alla leið í meistaraflokk.

Við horfðum á bikarinn fara á loft úr stúkunni 1997 en fengum svo sjálfir að lyfta honum 2004 og 2006.

Titlarnir hefðu gjarnan mátt vera fleiri en fótboltaguðirnir voru ekki á sama máli og skipst hefur á skini og skúrum, sigrum og ósigrum síðustu ár. Að þessu öllu búum við nú þegar lagt er af stað í enn eitt tímabilið í sögu Keflavíkur. Leiðin hefur legið frá fyrstu æfingunum í Myllubakkaskóla, í gegnum malarvelli og Iðavelli, frá því að vera boltasækjar í leikmenn. Við munum alltaf vera stuðningsmenn Keflavíkur en í dag er það okkar hlutverk að leiða liðið sem þjálfarar. Markmiðið er ljóst, að hjálpa Keflavík að ná eins góðum árangri og mögulegt er en að okkar mati á stefnan ávallt að vera meðal bestu liða landsins í efstu deild. Árangur á fótboltavellinum er hins vegar aldrei verk fárra og því treystum við á stuðning frá samfélaginu sem hefur alið okkur

18

Jólablað 2023

upp. Starfsfólki, sjálfboðaliðum og stuðningsfólki sem mun vinna saman, eins og áður, að velgengni Keflavíkur. Það er von okkar að þau gildi sem við höfum tileinkað okkur í gegnum árin og hugmyndir að því hvað þurfi til að Keflavík nái árangri muni koma fram í spilamennsku liðsins. Og í gegnum leikinn munum við hvetja til stuðnings og með stuðningi og samheldni stöndum við sterkari en ella. Þannig getum við saman búið til eitthvað meira en ellefu einstaklingar eru færir um á fótboltavelli og ýtt undir stolt fremur en annað. Stolt yfir því að spila fyrir og styðja Keflavík.

Jólaboltakveðja, Halli, Bói og Ómar Marki fagnað gegn Þór Akureyri.

Verslun Hafnargötu 40 Microsoft 365 lausnir Tölvuþjónusta

HAFNARGÖTU 40 | 230 REYKJANESBÆ | SÍMI 422 2200 Jólablað 2023

19

„Ég vil alltaf verða betri, það drífur mig áfram“

- segir fótboltastjarnan og Keflavíkurmærin Sveindís Jane Jónsdóttir

S

veindís hefur gert garðinn frægan með A-landsliði Íslands síðustu ár. Hún byrjaði að æfa fótbolta með Keflavík þegar hún var níu ára en spilar nú með VFL Wolfsburg í Þýskalandi aðeins 22 ára að aldri. „Þetta varð áhugamálið mitt númer eitt, tvö og þrjú fljótlega eftir að ég byrja að æfa. Það snerist allt um fótbolta. Ég eignaðist fullt af vinkonum og fannst það ótrúlega skemmtilegt. Ég fór svo á öll þessi skemmtilegu mót með liðinu mínu og var svo boðin á úrtaksæfingar fyrir unglinga landsliðin og þá vissi ég að mig langaði til að komast í A-landsliðið,“ segir Sveindís og bætir við: „Ég hef verið í öllum yngri landsliðum Íslands, mér fannst alltaf jafn gaman og alltaf jafn mikill heiður að vera valin í yngri landsliðin.“ Ekki leið á löngu þar til hún spilaði sína fyrstu leiki með meistaraflokki Keflavíkur og við það fylltist hún eldmóði. „Ég varð gríðarlega stolt og vissi að mig langaði til að spila fyrir Keflavík í efstu deild. Það markmið varð svo að veruleika þegar við komumst upp í efstu deild árið 2018.“ Eftir tímabilið í efstu deild með Keflavík fór Sveindís á lán til Breiðabliks. „Eftir frábært tímabil með Blikum fæ ég kall í A-landsliðið og skrifa svo undir hjá Wolfsburg.“

20

Jólablað 2023

Ógleymanleg augnablik með landsliðinu Hvernig var tilfinningin að vera valin til þess að spila fyrir hönd þjóðarinnar? „Þegar ég var valin í fyrsta sinn í A landsliðið var ég mjög stolt og ánægð því það var alltaf markmiðið mitt, að fá traustið strax til þess að vera í byrjunarliðinu. Það er líka ógleymanlegt. Ég skoraði tvö mörk í mínum fyrsta A- landsleik og mun ég aldrei gleyma því augnabliki. Það er alltaf jafn mikill heiður að spila fyrir landsliðið“ segir hún.

Sveindís segist vera stolt af því að vera hluti af liði Wolfsburg, þá segir hún stelpurnar í liðinu vera „frábærar“ og þjálfararnir „geggjaðir.“ En hvernig lítur dagur út í lífi atvinnu fótboltakonu? „Dagarnir geta verið mjög langir að líða, sérstaklega ef það er bara ein æfing. Ég fer á æfingu snemma, eftir æfingu fæ ég mér að borða og geri svo eitthvað með vinkonum mínum úr liðinu, dagarnir eru ekki flóknari en þetta,“ segir Sveindís.

Sveindís Jane ásamt Sæmundi Norðfjörð

Ákvað að verja frítímanum í að skrifa bók Sveindís hefur þó ekki aðeins gaman af því að spila fótbolta. Á dögunum gaf hún út sína fyrstu bók, Sveindís Jane Saga af stelpu í fótbolta, sem hefur þegar vakið miklar vinsældir og stefnir í að verða jólabókin í ár. „Þetta er ótrúlega skemmtileg bók þótt ég segi sjálf frá. Hún er byggð af sannsögulegum atburðum frá því ég var að byrja í fótbolta en það eru nokkur atriði í bókinni skálduð líka. Ég bý núna í Wolfsburg í Þýskalandi og það er ekkert rosalega mikið að gera þegar ég er ekki á æfingasvæðinu, þannig ég ákvað að verja frítímanum mínum í það að skrifa bók með

hjálp frá Sæmundi Norðfjörð útgefandanum mínum.

Hún kom svona rosalega skemmtilega út og ég er ótrúlega ánægð með hana. Hver veit nema ég fari að vinna að annarri bók í frítímanum,“ segir hún.

Sveindís hefur náð miklum árangri og er mikil fyrirmynd fyrir ungar fótboltastjörnur. Hún segir að vilji hennar til að verða betri sé hennar drifkraftur. „Ég vil alltaf verða betri, það drífur mig áfram. Ég vil alltaf bæta mig á hverri æfingu og gera betur en ég gerði í síðasta leik. Það er ekkert betra en þessi sigurtilfinning sem maður fær eftir leiki, sérstaklega eftir landsleik.“ Aðspurð hvaða eiginleika góður íþróttamaður þurfi að hafa til þess að ná árangri segir hún:

„Æfingin skapar meistarann, það er bara svoleiðis.

Góður íþróttamaður vill alltaf bæta sig og til þess að bæta sig og verða betri en aðrir, þarf maður að leggja inn meiri vinnu en aðrir.“ Þá segir hún fjölskyldu sína hafa verið stoð hennar og stytta í gegnum ferilinn. „Ég á fjölskyldu minni mikið að þakka, þau styðja mig í einu og öllu og fylgjast með öllu sem ég geri. Þau eru bara best.“

Æfingin skapar meistarann Sveindís hefur átt glæstan feril þrátt fyrir ungan aldur en hún er langt frá því að vera fullsödd. „Ég vil vinna fleiri titla með félagsliðinu mínu. Ég er núna í Wolfsburg sem er með betri liðum heims, en ég vil bara fara hærra. Ég vil vinna meistaradeildina með félagsliði og komast á HM með landsliðinu.“ Aðspurð hvaða skilaboðum hún myndi vilja koma til ungra og upprennandi fótboltastjarna segir hún: „Hafðu trú á sjálfri þér, aldrei gefast upp og æfingin skapar meistarann. Þú getur allt sem þú ætlar þér svo lengi sem þú leggur inn vinnu fyrir því markmiði sem þig langar að ná.“ Að lokum vildi Sveindís koma skilaboðum áleiðis til Keflvíkinga: „Gleðileg jól Keflavík, I love you.“ Thelma Hrund Hermannsdóttir

Jólablað 2023

21

Árgangamót Keflavíkur 2023

L

augardaginn 4. nóvember hélt Keflavík sitt þriðja árgangamót í knattspyrnu.

Markmið þessa móts er að koma sem flestum Keflvíkingum saman í Reykjaneshöllina til að spila fótbolta og hafa gaman í góðum félagsskap, ásamt því að efla og styrkja félagskennd.

Keppt var í þremur riðlum í karlaflokki og einum í kvennaflokki.

Lávarðadeild skipuðu elstu liðin í karla flokki en það voru elstu lið mótsins fæddir 1957-66, 1967-69, 70-74 og svo yngsta liðið og sigurvegari í elsta flokki 77-79. Í eldri flokki mættu 81-82, 83-84, 85-86 og 88 árgangarnir sigurvegarar voru 85-86 Í yngsta flokki karla komu 92, 93, 94 og 97 árgangarnir og urðu sigurvegarar 97 árgangurinn Í kvennaflokki komu 83-87, 89-92, 93-98 og 0104. Þar urðu sigurvegararnir 83-87.

Mótið heppnaðist í alla staði mjög vel, slys og meiðsli voru mjög fá, allir mættu með góða skapið og keppnisskapið sem er nauðsynlegt. Keppendur í mótinu voru um 140 á öllum aldri. Sá elsti fæddur 1957, gamli landsliðsmarkvörðurinn okk-

22

Jólablað 2023

ar Þorsteinn Bjarnason, og svo yngstu stelpurnar okkar sem fæddar eru 2004. Þetta sýnir okkur að allir geta tekið þátt. Um kvöldið var haldið lokahóf með frábærum mat frá Örra í Soho og Magga Óla. Þar mættu rétt yfir 100 manns.

Næsta mót verður haldið 2. nóvember 2024, við hvetjum alla árganga að taka daginn frá, þetta er frábær skemmtun.

Meistaraflokkur kvennaknattspyrna

Þ

vílíkur endir á tímabilinu fyrir stelpurnar okkar! Við vorum taplausar í úrslitakeppninni og tryggðum okkur þar með sæti í Bestu deildinni fyrir árið 2024. Við sáum liðið vaxa jafnt og þétt yfir tímabilið og við gátum tengt saman góða frammistöðu þegar við þurftum mest á því að halda. Liðið náði einnig langt í bikarnum með því að komast í 8-liða úrslit. Það er langt síðan liðið hefur náð slíkum árangri í bikar en ekkert Keflavíkurlið (karlar eða konur) hefur náð svona langt síðan 2007. Það sem er enn meira spennandi er að vinna í samstarfi með yngri flokkum félagsins og vinna í sameiningu við að finna og hjálpa til við að þróa unga leikmenn sem gætu verið tilbúnir til að sanna sig í aðalliðinu. Besta dæmið um þetta starf var í tengslum við ungan leikmann, Ölmu Rós Magnúsdóttur, sem við tókum inn í hópinn aðeins 14 ára gamla. Hún vann sig inn í byrjunarliðið og spilaði umtalsverðar mínútur sem síðan leiddi til þess að hún var valin í U-15 og U-17 landsliðshópa og tók þátt í þeirra verkefnum. Alls voru það fimm leikmenn meistaraflokks kvenna sem tóku þátt í landsliðsverkefnum þetta árið og af því erum við gríðarlega stolt.

Markmið mitt er ekki aðeins að mynda og þróa farsælt lið heldur tryggja að við séum að aðstoða fólk sem getur líka lagt sitt af mörkum til samfélagsins. Við erum svo þakklát fyrir alla sem aðstoða okkur við að skapa gott umhverfi fyrir knattspyrnufólk. Frá félaginu, stjórnarmönnum, Reykjanesbæ, styrktaraðilum, foreldrum og öðrum stuðningsmönnum. Margt af þessu fólki eru sjálfboðaliðar sem vinna sleitulaust á bak við tjöldin. Það er líka mikilvægt að við höldum áfram að standa vörð um hagsmuni kvenna og stúlkna í íþróttum. Þetta er mikilvægt starf og við þurfum allan þann stuðning sem við getum fengið. Það er nóg sem þarf að gera og hlutverk fyrir alla svo ef þú eða einhver sem þú þekkir vill leggja meistaraflokki kvenna lið fyrir keppnistímabilið 2024 endilega hafðu samband við mig eða aðra stjórnarmeðlimi hvenær sem er. Áfram Keflavík. :) Með knattspyrnu kveðju Jonathan Glenn

Jólablað 2023

23

gleðilega

´ ´ HÁTIÐ

Óskum Suðurnesjamönnum gleðilegra jóla og farsæls komandi árs.Þökkum árið sem er að líða.

@skolamatur

Óskum Suðurnesjamönnum

gleðilegra jóla og farsæls komandi árs. Þökkum árið sem er að líða.

2022

Smiðjuvöllum 6 • 230 Keflavík Sími 421 3500 • www.retting.is

@skolamatur_ehf

skolamatur@skolamatur.is | S: 420-2500

Þökkum viðskiptin á árinu sem er að líða.

Með þínu merki

ÞORVALDUR H. BRAGASON ÞÓRIR HANNESSON

bros.is

Óskum viðskiptavinum gleðilegra jóla og farsæls komandi árs.

TANNLÆKNAR

Vinir við veginn

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Við óskum Suðurnesjafólki gleðilegra jóla og þökkum frábærar móttökur við nýrri þjónustustöð Olís, Grill 66 og Lemon Mini á Fitjum í Reykjanesbæ á árinu.

Stofnað 1971

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

24

Jólablað 2023

Þingfulltrúar Keflavíkur á 53. sambandsþingi UMFÍ

Íþróttahreyfingin í fararbroddi Tímamótatillaga var samþykkt á sambandsþingi UMFÍ í október „Hér voru tekin stórkostleg skref. Íþróttahreyfingin á að vera í fararbroddi og sýnir nú í verki að hún er tilbúin til að taka stórar og mikilvægar ákvarðanir,“ sagði Jóhann Steinar Ingimundarson, formaður Ungmennafélags Íslands, eftir að tímamótatillaga var einróma samþykkt á sambandsþingi UMFÍ í október síðastliðnum. Tillagan felur í sér stofnun svæðaskrifskrifstofa vítt og breitt um landið í samstarfi við Íþrótta- og Ólympíusamband Íslands (ÍSÍ) og stjórnvöld og breytingum á lottóúthlutun. Ásmundur Einar Daðason, mennta- og barnamálaráðherra, hefur þegar tryggt fjármögnun við starf eins einstaklings á hverju starfssvæði.

Tillagan sem lá fyrir þingi UMFÍ er í grunninn sú sama og samþykkt var á þingi ÍSÍ vorið 2023.

Töluverð breyting

Þjónusta íþróttahéruðin betur

Forsaga málsins er sú að í íþróttalögum er kveðið á um að ÍSÍ og UMFÍ ákveði íþróttahéruð. Íslandi er í dag skipt upp í 25 íþróttahéruð sem saman standa af sjö íþróttabandalögum í 18 héraðs- og ungmennasamböndum. Hlutverk íþróttahéraðanna er að vinna að fjölbreyttum hagsmunamálum íþróttaog ungmennafélaga á hverju svæði. Mörg íþróttahéraðanna voru stofnuð á öðrum og þriðja áratug tuttugustu aldar og hafa lítið breyst síðan þá. Miklar breytingar hafa hins vegar orðið á öllu ytra umhverfi héraðanna. Starfsemi íþróttahéraðanna er því mismunandi, allt frá því að vera mjög lítil yfir í að vera næstum því yfirþyrmandi.

Stjórnendur og starfsfólk íþrótta- og ungmennafélaga, sem víða eru í hlutastarfi eða sjálfboðastarfi, sinna mjög öflugu og góðu starfi um allt land. Kröf-

Jóhann Steinar Ingimundarsson formaður UMFÍ ur samfélagsins um starfsemi og skyldur félaganna hafa aukist mikið og einnig til þeirra sem starfa fyrir félögin. Mörg félög eru í þröngri stöðu fjárhagslega og ráða illa við að hafa starfsfólk, sem gerir þeim erfiðara að skipuleggja starfsemi sína fram í tímann.

UMFÍ og ÍSÍ hafa lengi starfrækt vinnuhópa sem skoðað hafa stöðu íþróttahéraða á Íslandi. Niðurstaða þeirrar vinnu er að með stofnun starfsstöðva verði hægt að jafna aðstöðumun í íþróttahreyfingunni og bæta starf félaganna í heild sinni.

Ragnheiður Sigurðardóttir, Einar Haraldsson og Ragnheiður Högnadóttir

Tillögurnar sem samþykktar voru á þingum ÍSÍ og UMFÍ eru í raun tvíþættar. Sú fyrri felur í sér breytingu á lottógreiðslu. Af því fjármagni sem komi til UMFÍ fari 15% í rekstur á svæðaskrifstofunum.

Afgangurinn, eða sem nemur 85% lottófjárins, fari áfram til íþróttahéraða og verða útgreiðslur miðaðar við íbúafjölda 18 ára og yngri.

Samkvæmt tillögunni verður komið á fót átta svæðastöðvum með sextán stöðugildum sem munu þjónusta íþróttahéruð landsins með samræmdum hætti. Vinnuhópar UMFÍ og ÍSÍ sem unnu að tillögunni horfa til þess að sterkari íþróttahéruð og svæðastöðvar um allt land bæti skilvirkni íþróttahreyfingarinnar. Fulltrúar ÍSÍ og UMFÍ vinna nú þegar að útfærslu svæðaskrifstofanna í afar nánu samráði við fulltrúa íþrótta- og ungmennafélagshreyfingarinnar.

Formaður UMFÍ segir stofnun starfsstöðva og breyttar lottógreiðslur taka mið af breyttum tímum og horfa til fyrirsjáanlegrar og líklegrar þróunar samfélagsins. „Að mínu mati á þetta að geta leitt til þess að íþróttahreyfingin í heild nái enn frekari og betri árangri og framþróun á komandi árum,“ sagði hann og áréttaði að markmið tillögunnar sé meðal annars að taka við verkefnum stjórnvalda, létta álagi og ábyrgð af sjálfboðaliðum, fá aukið fjármagn inn í íþróttahreyfinguna, auka samstarf og samstarfsmöguleika.

Einar Þorvaldur Eyjólfsson, Einar Haraldsson og Einar Kristján Jónsson

Jólablað 2023

25

Dacoda

Gleðileg jól

farsælt komandi ár, þökkum viðskiptin á árinu sem er að líða BÓKHALDSÞJÓNUSTAN SBB BÓKHALD SÆVAR REYNISSON VIÐSKIPTAFRÆÐINGUR

Hafnargata 15 - 230 Keflavík

VÍSIR Félag skipstjórnarmanna á Suðurnesjum

Hafnargötu 27 - Sími 421 1420 & 894 3837

Keflavík íþróttaog ungmennafélag

StapaPrent

Síðan 1984 / Sími 421 4388 stapaprent@stapaprent.is 26

Jólablað 2023

Tækniþjónusta SÁ ehf.

Rafíþróttadeild Keflavíkur

R

afíþróttadeild Keflavíkur hefur vaxið og dafnað á „heimavelli“ deildarinnar að Hafnargötu 108. Atli Már Guðfinnsson var ráðinn sem yfirþjálfari Rafík fyrir haustið og bindum við miklar vonir við að ferskir vindar Atla muni hjálpa deildinni að stækka enn frekar á komandi mánuðum. Rafík leggur mikla áherslu á fjölbreyttar æfingar og skiptist æfingartíminn upp í hreyfingu, fræðslu, teygjur, leikjaspilun og síðan slökun í lokin. Við tókum einnig virkan þátt í Heilsuog forvarnarviku Reykjanesbæjar þar sem deildin var með kynningu á starfi sínu sem og opna tíma 26.-28. september undir leiðsögn þjálfara.

Nú þegar hefur deildin byrjað að auka umsvif sín með því að auglýsa eftir leikmönnum til þess að spila í deildum á vegum RÍSÍ og

RLÍS. Í þessum deildum er mikil samkeppni og leikið er í leikjum á borð við Counter-Strike, League of Legends, Rocket League, Fortnite og Valorant. Counter-Strike liðið okkar sýnir frá sínum leikjum á streymisveitunni Twitch einu sinni í viku og á sama tíma hefur Atli Már lagt mikla vinnu í að fá til liðs við Rafík þekkta einstaklinga úr rafíþróttasamfélaginu til þess að streyma í beinni útsendingu fyrir deildina.

Rafík hóf einnig þróunarverkefni í samstarfi við Holtaskóla þar sem nemendum skólans býðst tækifæri að koma í valtíma í húsnæði deildarinnar. Þar koma nemendur til okkar á skólatíma og fá kennslu og leiðbeiningu frá Atla Má. Hefur verkefnið farið vel af stað og bindur stjórn Rafíkur vonir við það að hægt verði að bjóða fleiri skólum að taka þátt á næsta skólaári.

Við hjá Rafík þökkum kærlega fyrir árið!

Óskum félagsmönnum og fjölskyldum þeirra gleðilegra jóla og farsæls komandi árs.

VERÐLAUNAGRIPIR Sí m i 588 32 4 4 - is s por.is

Óskum félagsmönnum og fjölskyldum þeirra gleðilegra jóla og farsæls komandi árs.

Krossmóa 4a - Sími 540 0112

Óskum félagsmönnum og fjölskyldum þeirra gleðilegra jóla og farsæls komandi árs.

Verkalýðs- og sjómannafélag Keflavíkur og nágrennis Krossmóa 4a - Sími 421 5777

Óskum félagsmönnum og fjölskyldum þeirra gleðilegra jóla og farsæls komandi árs.

Bolafæti 3, 260 Reykjanesbæ, sími 421 4117

Jólablað 2023

27

Barna- og unglingaráð Körfuknattleiksdeildar:

Karfa unglingar Scania Cup 2023

K

örfuknattleiksdeild Keflavíkur lagði á dögunum land undir fót og hélt til Svíþjóðar til keppni á Scania Cup.

Scania Cup hefur oft verið nefnt óopinbert Norðurlandamót félagsliða og er þetta boðsmót sem haldið er af Södertälje Basket í samstarfi við Scania. Í ár fékk Keflavík boð um að senda 5 lið á mótið en þau lið sem skara fram úr í sínu landi á Norðurlöndunum fá boð á mótið. Körfuknattleiksdeildin þáði boð um að fara með 3 lið, 7. flokk karla og kvenna sem og 10. flokk kvenna.

Lagt var af stað þann 5. apríl með 4 þjálfara, 6 fararstjóra og 46 leikmenn.

Flogið var til Stokkhólms og á flugvellinum beið eftir okkur rúta sem fór með okkur til Södertälje. Þar hreiðraði hópurinn um sig fyrst á hóteli áður en farið í Rosenborgskólann þar sem hópurinn gisti á meðan mótið fór fram. Vorum við svo heppin að fá kennslustofu til að gista í á þriðju hæð þannig að bæði þjálfarar og fararstjórar voru við það að detta í ofþjálfun að þvælast upp og niður stigana í skólanum.

Mótið hófst þann 7. apríl og var spilað stíft, 2 leikir á dag í 3 daga. Liðin okkar spiluðu sinn besta körfubolta og voru langbesta útgáfan af sjálfum sér allt mótið bæði innan sem utan vallar. Á þriðja degi mótsins voru línur farnar að skýrast og var niðurstaðan sú að 10. flokkur kvenna átti leik um 5. sætið við Horsholm Basket frá Danmörku, sá leikur endaði með sigri Keflavíkur stúlkna og 5. sætið staðreynd. 10. flokkurinn endaði á að spila 6 leiki

28

Jólablað 2023

á mótinu, vinna 4 og tapa 2, flottur árangur þar og framtíðin björt hjá þessum stelpum. Þá var komið að sögu 7. flokks kvenna sem hafði ekki tapað leik á mótinu þegar sunnudagurinn var allur og því komnar í úrslitaleikinn á mótinu gegn Norrköping frá Svíþjóð, á sama tíma var 7. flokkur drengja að vinna sér inn að spila til úrslita, voru drengirnir í 7. flokki að gera heldur betur gott mót, ósigraðir í fyrstu 5 leikjum mótsins og á leiðina í úrslitaleikinn gegn Horsholm 79ers.

Mánudagurinn rann upp bjartur og fagur, hélt mannskapurinn í morgunmat og síðan morgungöngu. 7. flokkur kvenna átti að spila við Norrköping 11:25, eftirvæntingin var mikil og var mikill fjöldi foreldra og forráðamanna mættur á leikinn. Stemningin var mikil og voru stelpurnar hvattar áfram af miklum eldmóð. Leikurinn var hreint út sagt frábær og okkur stúlkur sigruðu 60-43 og urðu Scania Cup meistarar 2023. Ekki nóg með það þá var Björk Karlsdóttir valin Scania drottning mótsins. Frábær árangur og framtíðin svo sannarlega björt hjá þessum frábæru stelpum.

Við sem vorum á hliðarlínunni vorum rétt að klára að fagna þegar strákarnir í 7. flokki karla voru mættir á gólfið til að spila úrslitaleikinn við Horsholm 79ers, þegar maður hélt að stemningin og lætin gætu ekki orðið meiri þá gerðist einmitt það!

Strákarnir spiluðu frábærlega og gerðu sér lítið fyrir og sigruðu leikinn 59-49 og ekki nóg með það því við eignuðumst Scania kóng 7. flokks karla Sigurður Karl Guðnason. Stórkostlegur árangur og þarna er framtíðin heldur betur björt.

Niðurstaða mótsins hjá liðunum okkar: 18 leikir, 16 sigrar og 2 töp. Ekki gafst mikill tími til að fagna því eftir hópnum beið rúta sem flutti okkur á hótel í Stokkhólmi þar sem fagnaðarlætin voru tekin út og haldið var svaka partý um kvöldið.

Eftir þessa ferð þá hefur maður ekki áhyggjur af framtíð krakkana okkar, ÞVÍLÍKUR HÓPUR, prúð í framkomu, frábær í körfu og kurteis með eindæmum. Áfram Keflavík!

Karfa unglingar:

Það er aldrei of seint að byrja að æfa körfu K örfuknattleiksdeild Keflavíkur teflir fram liðum í langflestum aldursflokkum yngri flokka á Íslandi þetta tímabilið. Eins og við erum stolt af starfinu okkar þá erum við samt drifin áfram af því að finna leiðir til að gera enn betur, fjölga iðkendum og breiða út fagnaðarerindið. Fjöldi iðkenda er nefnilega okkar raunverulega verðmæti og gengur framar draumum um árangur í formi titla og sigra innan vallar. Í iðkendum okkar viljum við sjá þverskurð af samfélaginu sem við búum í. Við viljum að hjá okkur sé pláss fyrir alla og andrúmsloftið sé uppbyggjandi og því fylgi jákvæð stemning að mæta á æfingu í Keflavík. Körfubolti, eins og aðrar íþróttir, gerir ekki greinarmun á kyni, aldri, stétt eða þjóðerni.

Stundum heyrir maður því fleygt fram að einhver eigi barn sem hefur aldrei æft og barnið sjálft telji sig jafnvel vera of seint í því að byrja að æfa. Það hafi misst af lestinni. Vð gætum ekki verið meira ósammála. Það er nefnilega aldrei of seint að byrja að æfa körfubolta. Því gæti vissulega fylgt smá kvíði að safna hugrekki til að mæta á sína fyrstu æfingu og það er eflaust ekki auðvelt að mæta á æfingu með iðkendum sem hafa æft lengi og þekkja hvern einasta nagla í íþróttahúsinu. Það er fyrsta skrefið sem er alltaf erfiðast að taka en eftir að hafa þjálfað í yngri flokkum félagsins síðustu 5 ár hef ég séð mýmarga krakka taka þessi skref og falla kylliflöt fyrir töfrum körfuboltans. Sömu krakkar verða að heimalingum á Sunnubrautinni og eru svo farin að láta að sér kveða á gólfinu innan tíðar. Fátt gleður þjálfarahjart-

að meira en að sjá nákvæmlega þessa iðkendur geisla af ánægju.

Við hvetjum alla sem hafa ástríðu fyrir leiknum og langar að prófa að æfa körfubolta að taka þessi fyrstu skref á æfingu hjá sínum aldursflokki. Sama á hvaða aldri þið eruð. Við getum alltaf á okkur blómum bætt og tökum fagnandi á móti ykkur.

Jólablað 2023

29

Íslandsmeistarar

Fimleikadeild Keflavíkur

Á

rið 2023 hófst með árlegu vinamóti á milli fimleikadeildar Keflavíkur, Bjarkanna og Stjörnunnar. Þetta mót hefur verið haldið til fjölda ára og lagt er upp úr því að allir fari glaðir heim að móti loknu en Keflavík sendi þangað flottan hóp af ungum stúlkum sem voru að keppa í fyrsta sinn á fimleikamóti. Stúlkurnar stóðu sig allar virkilega vel og fengu stúlkurnar góða reynslu í reynslubankann. Framtíðin er björt hjá þessum stúlkum.

Innanfélagsmót fimleikadeildarinnar var haldið í hópfimleikum og áhaldafimleikum um vorið og mótið gekk mjög vel og var hið skemmtilegasta. 2. flokkur varð innanfélagsmeistarar í hópfimleikum.

Jóhanna Ýr Óladóttir vann titilinn innanfélagsmeistari kvenna í áhaldafimleikum og Hrafnkell Máni Másson varð innanfélagsmeistari karla fimleikadeildar Keflavíkur.

Keppnishópur skipaður níu stúlkum 14-16 ára úr hópfimleikum í Keflavík fóru í æfingabúðir til Ollerup í Danmörku. Einnig fóru tveir þjálfarar úr deildinni til að efla sína þjálfun. Boðið var upp á þjálfara- og iðkendabúðir og var dagskráin mjög fjölbreytt og lærðu stúlkurnar margt nýtt. Mjög gott hópefli var á kvöldin þar sem farið var í leiki, frisbí, strandblak og hygge. Allir skemmtu sér mjög vel og mikil ánægja var með ferðina.

Íslandsmót í hópfimleikum og stökkfimi fór fram 30. apríl 2023 í Reykjavík

Keflavík átti þar tvö lið, eitt í stökkfimi og eitt í hópfimleikum.

2. flokkur keppti í stökkfimi og stóð sig mjög vel. Þær urðu Íslandsmeistarar á trampólíni í stökkfimi og enduðu í 3. sæti samanlagt. 3. flokkur keppti í hópfimleikum og stóð sig einnig mjög vel. Þær lentu í 5. sæti samanlagt en þær lentu einnig í 2. sæti á dýnu. Bæði lið voru deildinni til sóma og skemmtu sér konunglega. Í haust fór fram Malarcupen í Svíþjóð en mótið er óformlegt Norðurlandamót í áhaldafimleikum. Á mótinu kepptu fjórar stúlkur úr Reykjanesbæ. Jóhanna Ýr Óladóttir keppti í kvennaflokki og landaði brons medalíu fyrir æfingar sínar á stökki. Kolbrún

30

Jólablað 2023

Eva Hólmarsdóttir keppti í unglingaflokki og var í 1. sæti á gólfi og 2. sæti á stökki. Á sama móti kepptu þær Guðlaug Emma Erlingsdóttir og Indía Marý Bjarnadóttir og stóðu sig vel. Fimleikamótið var það stærsta sem haldið hefur verið en 400 iðkendur tóku þátt frá 14 löndum og var stórafmæli í ár en mótið var 40 ára.

Fimleikadeild Keflavíkur er með fimm iðkendur sem æfðu í mörg ár með Keflavík en æfa nú hópfimleika í Gerplu. Þau Íris Björk, Helen María og Leonard urðu bikarmeistarar í blönduðum flokki unglinga í hópfimleikum á árinu og Margrét Júlía varð einnig bikarmeistari með stúlknaflokki.

Snorri Rafn Davíðsson hefur átt gott ár í fimleikum, hann var valinn í úrvals- og landsliðshóp unglinga í áhaldafimleikum karla. Hann varð Íslandsmeistari á bogahesti og öðru sæti í samanlögðum árangri á Íslandsmóti FSÍ og vann til margra verðlauna á árinu. Snorri stefnir á æfingabúðir í Portúgal á næsta ári í fimleikum.

Stór hópur af börnum á leikskólaaldri æfir fimleika og það er oft mikið fjör á æfingum Fimleikadeild Keflavíkur er með 470 iðkendur í vetur og 23 þjálfara, veturinn fer vel af stað og nóg af skemmtilegum mótum og sýningum í undirbúningi hjá þessum flottu fimleikakrökkum.

Jólablað 2023

31

Blakdeild Keflavíkur:

Iðkendum fjölgar hratt Á

rið 2023 hefur verið einstaklega gott hjá blakdeild Keflavíkur. Deildin hefur aldrei verið með svona marga iðkendur og hefur aldrei náð að senda svona marga keppendur á yngri flokka mót.

Mikill metnaður var hjá kvennaliðinu þegar þær mættu í 2. umferð Íslandsmóts í neðri deildum í janúar með nýjum þjálfara. Nýjar áherslur hjá kvennaliðinu þar sem tókst að virkja kraftinn og gleðina í liðinu urðu til þess að því tókst að halda sér í 3. sæti í lok 2. umferðar. Liðið var vel stefnt fyrir 3. umferð eða úrslita umferð í mars og voru þær ákveðnar í að bæta fyrri árangur. Gekk það ekki alveg upp enda frekar sterk og jöfn lið í 4. deildinni og höfnuðu kvennaliðið okkar í 5. sæti. Það þýddi bara eitt að þær myndu ekki leggja árar í bát og myndu mæta enn öflugri á næsta Íslandsmót. Það var haldið núna á Ísafirði í byrjun nóvember eða sömu helgi og neyðarstigi var lýst yfir í Grindavík. En í liðinu eru fjórar frá Grindavík og þrátt fyrir ótrúlega erfiðar og krefjandi aðstæður þá sýndi liðið æðruleysi og umfram allt með gleðina að vopni skilaði það 5. sætinu eftir 1. umferðina.

Blakdeild Keflavíkur sendi einnig B lið á Íslandsmót í neðri deildum í 6. deild sem var haldin í framhaldsskólanum á Laugum. Var þetta allt mjög ungar stelpur eða meiri hlutinn á grunnskólaaldri úr U14 og U16, ásamt einni úr U20 og einni í flokk fyrir ofan U20. Gekk þeim vel þrátt fyrir að hafa tapað öllum leikjum, en markmið var að auka reynslu þeirra í að spila blak.

Barna- og unglingastarf blakdeildar Keflavíkur hefur heldur betur verið á uppleið síðasta ár. Í fyrsta sinn var deildin að senda frá sér fleiri en eitt lið á yngri flokka mót í blaki. Byrjað var á að senda tvö fullskipuð U14 og U16 lið á bikarmót Blaksambands Íslands sem haldið var á Akureyri. Að auki voru tveir keppendur með sameiginlegu liði Þróttar Reykjavíkur í U20. Allt voru þetta 18 keppendur sem hófu nýlegar æfingar í blaki og voru að stíga sín fyrstu skref á stórmóti hér á landi fyrir utan eina sem hefur áður keppt á yngri flokka móti og með kvennaliðinu.

U14 hafnaði í 7. sæti, U16 varð í þriðja sæti í sínum riðli og U20 endaði í 6. sæti. Frammistaða og keppnisandi liðanna var til fyrirmyndar og þrátt fyrir að keppendur hafi verið að stíga sín fyrstu skref gáfu þeir þaulvönum andstæðingum ekkert eftir. Þess má geta að hópurinn fékk liðsstyrk frá þrem systrum frá Venesúela sem komu til landsins sem flóttamenn og spiluðu blak í sínu heimalandi.

Næsta mót var í maí eða seinni umferð Íslandsmóts yngri flokka sem var haldið á Neskaupstað fyrir U14 og á Ísafirði fyrir U16. Átti blakdeildin eitt lið í hverjum flokki, en þar sem blakdeildin átti ekki lið í fyrri umferð þá voru bæði liðin skráð sem gestalið, en sýndu mikil framför frá fyrra blakmóti.

Fyrsta mót yngri flokka að hausti var í lok október en þá fór fram 1. umferð Íslandsmóts yngri flokka í Mosfellsbæ fyrir U12, U14 og U16. Sendi blakdeild Keflavíkur eitt U12 stúlkna lið og eitt U16 stúlkna lið, en vegna dræmrar þátttöku í U16 náðist aðeins eitt lið. Það eru ansi mörg ár liðin síðan blakdeildin átti U12 lið á haustmóti. Voru þær allar að stíga sín fyrstu skref og höfnuðu í 8. sæti. Miklar framfarir hafa verið hjá U16 liðinu okkar, en þær voru samblanda af U14 og U16 og höfnuðu þær í 11. sæti af 15 eftir 1. umferðina. Fyrirkomulag fyrir U20 liðið er öðruvísi þetta ár og skráðum við ekki í það þar sem það var óvissa um að ná fullskipað lið.

Mikil aukning hefur verið á iðkendum í karlaflokki, en þá aðalega af flóttamönnum frá Venesúela en einnig búsettum iðkendum. Þó svo þeir hafa ekki

32

Jólablað 2023

verið skráðir á Íslandsmót neðri deilda þetta árið en erum við að sjá aukningu á búsettum iðkendum og vonandi getum við sent eitt karlalið á Íslandsmót neðri deilda á næsta tímabili. Mikil metnaður er í þeim og gaman að fylgjast með þeim. Áhugahópurinn hefur verið lítill hópur af konum en alltaf nýjar að detta inn. Tóku þær þátt á sínu fyrsta móti á Öldungamóti í blaki í enda apríl. Öldungamót í blaki fór fram á Akureyri í enda apríl þetta árið og var gríðarleg spenna og stemning í hópnum. Blakdeildin átti tvö lið þetta ár, eitt í 6b deild og hitt í 9b ásamt eina karlinum frá Keflavík

með öðru liði. Mikill undirbúningur var fyrir þetta mót, þar sem það var mikið lagt í búninga og fylgihluti fyrir mótið. En það var Verbúðar þema þetta ár og voru liðin skrautleg. A liðið í 6b deild vann deildina og færist upp í 5. deild næsta ár og B liðið eða Loksins eins og þær kölluðu sig hafnaði í 3. sæti og halda sér í 9b deildinni.

Fjölgun var í þátttakendum í strandblaki í sumar, en þær voru 7 sem tóku þátt. Þær spiluðu alla kvennadeildar leikina og hafnaði eitt liðið í 1. sæti og annað í 2. í 3. deild, ásamt því að einn leikmaður var með öðru liði úr Reykjavík sem hafnaði í 4. sæti.

Óskum viðskiptavinum gleðilegra jóla og farsæls komandi árs. Þökkum viðskiptin á árinu sem er að líða.

TSA

ehf.

Brekkustíg 38 • 260 Reykjanesbær • tsa.is

Sendum öllum Suðurnesjamönnum okkar bestu óskir um gleðileg jól og farsælt komandi ár.

Óskum viðskiptavinum gleðilegra jóla og farsæls komandi árs.

Þökkum viðskiptin á árinu sem er að líða.

Njarðarbraut 11a - 260 11a Njarðvík 421 1118 Njarðarbraut - 260- Sími Njarðvík

TJÓNASKOÐUN • RÉTTING • SPRAUTUN

Þessar skvísur tóku einnig þátt í nokkrum stigamótum og náðu góðum árangri þar.

Einnig fóru tvær í strandblaksbúðir til Krítar en strandblakið lengir blak tímabilið yfir allt árið í stað einungis yfir vetratímann.

Meira af barna- og unglingastarfi blak deildarinnar. Í hverri viku hafa verið að koma nýir iðkendur og þjálfara aðstæður orðnar krefjandi. Verandi aðeins með einn völl sem rúmar 12 manns en á æfingu hafa verið að mæta um og yfir 20 iðkendur. Í haust hefur verið nánast ekkert brottfall og nýir iðkendur bæst við. Það þýðir að á öllum æfingum eru um 24-28 iðkendur á æfingu sem eru 4 lið. En iðkendur frá Venesúela í þessum fjölda eru aðeins 6 og höfum við þurft að neita nýjum iðkendum að koma frá Venesúela vegna fjölda. Það er krefjandi fyrir þjálfara að skipuleggja

hverja æfingu og ef við berum okkar fjölda saman við fjölda á körfuboltaæfingu. Þá væri fjöldinn á körfuboltaæfingu um og yfir 60 iðkendur ef tvöfaldur iðkendur er á hverja körfu. Það er mikil þörf á því fyrir því að íþróttafélög og að Reykjanesbær fari að koma til móts við okkur þar sem deildin er á hraðri uppleið og hjálpa okkur að fá aðgang að íþróttahúsi sem rúmar alla vega tvo velli. Það má með sanni segja að blakdeild Keflavíkur sé á hraðri uppleið og lítur ekkert út fyrir að það verði lát á því á næstunni. Það verður spennandi að sjá hvað komandi blak tímabil ber í skauti sér. Mikið verður um að vera hjá deildinni á komandi mánuðum.

Óskum Suðurnesjamönnum gleðilegra jóla og farsæls árs.

Þökkum viðskiptin á árinu sem er að líða.

Fyrir hönd Blakdeildar Keflavíkur Guðrún Jóna Árnadóttir

Jólablað

2023

33

S

unddeild Keflavíkur og Sunddeild Njarðvíkur starfa náið saman eins og undanfarin ár og synda undir merkjum Sundráðs ÍRB. Saman eigum við eitt fremsta sundlið landsins og eigum við stóran hóp af sundmönnum í landsliðsverkefnum bæði hjá unglingum og fullorðnum. Árið 2023 einkenndist af mikilli nýliðun í afrekshópnum okkar, mikilli breidd efnilegra sundmanna sem er einkar ánægjulegt og stórum persónulegum sigrum sundmanna. Sunddeildin byggir á öflum grunni og samstilltri vinnu reyndra og öflugra þjálfara sem með reynslu sinni glæða sundiðkendur keppnisanda og byggja upp sjálfsörugga og sterka einstaklinga. Við hjá ÍRB erum afar stolt af okkar flotta þjálfarateymi og þökkum fyrir þá góðu samvinnu sem við höfum átt í gegnum árin.

Góður liðsandi á Lyngby Open

Árið byrjaði ágætlega fyrir okkur og fór sundliðið okkar eins og venjan er á sundmót í Lyngby Danmörku. Mótið var gríðarlega fjölmennt og góð og öflug keppni. Hópurinn stóð sig feiki vel og mjög margir að vinna til verðlauna. Krakkarnir skemmtu sér mjög vel og er þetta einn liður í að efla liðsanda í hópnum okkar. Þá vann Elísabet Arnoddsdóttir 6 gull, Denas Kazulis 4 gull, Daði Rafn Falsson 3 gull og Nikolai Leo Jónsson 3 gull. Einnig vann liðið til fimm annarra gullverðlauna ásamt öðrum verðlaunum. Mjög góður árangur þar.

Endurnýjun styrktarsamnings við Speedo

Sundráð ÍRB undirritaði áframhaldandi samning við Speedo á Íslandi. Jafnframt var skrifað undir sérstaka styrktarsamninga við sjö sundmenn. Sundmenn á mynd sem fengu sérstakan styrk: Alexander Logi Jónsson, Fannar Snævar Hauksson, Guðmundur Leo Rafnsson, Stefán Elías Berman, Eva Margrét Falsdóttir, Sunneva Bergmann Ásbjörnsdóttir og Katla María Brynjarsdóttir.

Ástrós Lovísa á NÆM

Á Reykjavíkurleikum sem haldnir voru í lok janúar náðu sundkrakkarnir góðum árangri en mikil veikindi settu strik í reikninginn hjá okkar sundfólki. Aðeins um helmingur sundmanna sem skráðir voru til leiks gátu keppt á mótinu. Ástrós Lovísa Hauksdóttir náði lágmörkum á NÆM (Norðurlandamót unglinga) í 100m baksundi.

Landsliðsverkefni með frábæra aðstöðu í Tyrklandi

Í febrúar fóru sex sundmenn frá okkur til Tyrklands með æfingabúðum á vegum landsliðshópa Sundsamband Íslands. Það fór vel um 25 manna hópinn frá Íslandi í frábærri aðstöðu í Gloria Sports Arena í Belek, Tyrklandi. Hópurinn synti 16 æfingar, tók 3 lyftingaæfingar ásamt því að gera landæfingar fyrir eða eftir allar sundæfingar. Sundmenn sem höfðu náð lágmörkum í þetta verkefni frá okkur voru þau Ástrós Lovísa Hauksdóttir, Sunneva Bergmann Ásbjörnsdóttir, Katla María Brynjarsdóttir, Eva Margrét Falsdóttir, Guðmundur Leo Rafnsson og Fannar Snævar Hauksson.

Mikilvæg sundmót ÍRB fyrir sundhreyfinguna

Sundráð ÍRB heldur alltaf mót nokkrum sinnum á hverju ári. Einna helst er stærsta mótið okkar ÍRBmót sem er alltaf í maí á hverju ári. Þar koma saman sundmenn hvaðan af öllu landinu koma og synda með sínum aldursflokki. Við bjóðum upp á gistingu fyrir þá sundmenn sem koma lengra að. Iðkendur eru um 450 talsins auk foreldra og annarra aðstandenda.

Einnig höldum við okkar Speedomót fyrir iðkendur

34

Jólablað 2023

Mikil gæði í sundliði ÍRB

Óskum Suðurnesjamönnum gleðilegra jóla og farsæls komandi árs.

Þökkum árið sem er að líða.

Benedikt Jónsson Theódór Friðjónsson og starfsfólk

tannlækningastofunnar Tjarnargötu 2

Óskum Suðurnesjamönnum

gleðilegra jóla og farsæls árs. Þökkum viðskiptin á árinu sem er að líða.

12 ára og yngri og eru þau haldin í kringum febrúar og síðan um haustið, október/nóvember. Þetta er vel sótt mót og fáum við marga yngri iðkendur hvaðanæva að af landinu. Þarna fá yngri sundmenn að spreyta sig og sundmenn framtíðarinnar að keppa sín á milli. Síðan eru tvö lítil mót sem eru innanfélagsmótin okkar þá er þau haldin í kringum páska og jólamótið.

Keppt er í 25m greinum og eru þetta einna helst til æfingamót fyrir yngri og eldri sundmenn. Íslandsmeistaramót 50m laug var haldin í Laugardalslaug í byrjun apríl þar vann sundfólkið okkar til fimm Íslandsmeistaratitla.

Jafnframt unnu þau til fjögurra unglinga meistaratitla og tveir liðsmenn náðu inn í verkefni sumarsins NÆM og EMU. Þrenn aldursflokkamet í flokknum 13-15 ára voru slegin af yngri karla boðsundsveitinni okkar. Eva Margrét Falsdóttir varð þrefaldur Íslandsmeistari í kvennaflokki, hún sigraði í 200m bringusundi, 400m fjórsundi og 200m fjórsundi.

Guðmundur Leo Rafnsson varð tvöfaldur Íslandsmeistari í karlaflokki, hann sigraði í 100m og 200m baksundi. Jafnframt náði hann lágmarki á Evrópumeistaramót unglinga með afar góðu sundi. Guðmundur Leo varð jafnframt þrefaldur Íslandsmeistari unglinga eftir úrslit í undan rásunum. Þar varð hann unglingameistari í 50, 100 og 200m baksundi. Ástrós Lovísa Hauksdóttir tryggði sér þátttökurétt á Norðurlandamóti æskunnar (NÆM) Sunneva Bergmann Ásbjörnsdóttir varð Íslandsmeistari unglinga í 400m fjórsundi. Fjöldamörg verðlaun unnust af okkar fólki á mótinu og margir voru að bæta sína bestu tíma.

Eftir þessa viðburðaríku helgi þá áttum við níu sundmenn sem keppa með unglingalandsliðinu í Danmörku á Taastrup Open í maí. Það eru þau Árni Þór Pálmason, Ástrós Lovísa Hauksdóttir, Daði Rafn Falsson, Freydís Lilja Bergþórsdóttir, Denas Kazulis, Elísabet Arnoddsdóttir, Sunneva Bergmann Ásbjörnsdóttir, Nikolai Leo Jónsson og Austeja Savickaite.

15 sundmenn frá ÍRB í Framtíðarhópi SSÍ

15 sundmenn frá Sundráðs ÍRB í 36 manna hópi Framtíðarhóps SSÍ. Sundsamband Íslands

birti á dögunum nafnalista þeirra sem munu taka þátt í æfingadegi Framtíðarhóps SSÍ. Æfingarbúðirnar verða í Reykjanesbæ dagana 29.

- 30. apríl. Sundráð ÍRB óskar sundmönnunum til hamingju með valið. Í hópnum eru Árni Þór Pálmason, Daði Rafn Falsson, Denas Kazulis, Egill Orri Baldursson, Gísli Kristján Traustason, Julian Jarnutowski, Mikael Fannar Arnarson, Nikolai Leo Jónsson, Adríana Agnes Derti, Austeja Marija Savickaité, Elísabet Arnoddsdóttir, Eydís Jóhannesdóttir, Freydís Lilja Bergþórsdóttir, Kornelia Nadia Maniak og Natalía Fanney Sigurðardóttir. það má segja að framtíðin er björt.

Landsliðsverkefni sumarsins

Smáþjóðaleikarnir á Möltu, Norðurlandamót æskunnar Jönköping í Svíþjóð og Evrópumeistaramóti unglinga í Serbíu.

Guðmundur Leo Rafnsson og Eva Margrét Falsdóttir kepptu á Smáþjóðleikunum með frábærum árangri. Guðmundur Leo Rafnsson í metasveit Íslands sem sló sex ára gamalt met í 4 x 100m fjórsundi karla. Guðmundur Leo synti baksundsprettinn og synti á sínum besta tíma í greininni. Ástrós Lovísa Hauksdóttir hún bætti tímann sinn í 100m baksundi og hafnaði í 6. sæti og í 200m baksundi hafnaði hún í 5. sæti aðeins frá sínum tíma. Mjög gott mót hjá Ástrósu.

Aldursflokkameistaramót SSÍ

Þetta árið þurfti Sundráð ÍRB að lúta því að ná í annað sæti en höfum verið sigursæl undanfarin ár á þessum móti. Það var hörkukeppni alla helgina við SH og Breiðablik um toppsætin.

Lokastaða þriggja efstu liðanna var SH 795, ÍRB 693 og Breiðablik 643. Sundkrakkarnir okkar voru til fyrirmyndar í alla staði og mikil gleði, samstaða og keppnisandi einkenndi hópinn.

Við mætum því galvösk að næsta ári og endurheimtum titilinn. Á lokahófinu þegar lokastaða liða var kynnt þá var þá jafnframt tilkynnt að Denas Kazulis varð stigahæstur drengja 14-15 ára á mótinu. Til hamingju með helgina sundmenn ÍRB þið voruð frábær.Veðurguðirnir léku við hvern sinn fingur þessa helgi og gerðu allt svo skemmtilegt. Kæru foreldrar og sundmenn

Sendum öllum Suðurnesjamönnum okkar bestu óskir um gleðileg jól og farsælt komandi ár.

Iðavöllum 3 • 230 Keflavík • Sími 420 2020

Við Suðurnesjamenn í Rafholti óskum Suðurnesjamönnum

gleðilegra jóla og farsæls komandi árs.

Þökkum árið sem er að líða.

Jólablað 2023

35

Norðurlandamót

Guðmundur Leo Rafnsson náði lágmarki á NM í 100 og 200 skriðsundi og 100 og 200m baksundi þar sem hann bætti mótsmetið. Jafnframt bætti hann innanfélagsmetin í öllum þessum greinum. Eva Margrét Falsdóttir náði lágmörkum á NM í 200 og 400m fjórsundi ásamt því að slá innfélagsmetin í bæði 50m og 100m bringusundi.

Frábær árangur á ÍM 25

ÍRB, takk fyrir ykkar framlag og skemmtilega helgi.

Már hætti við að hætta og keppti á HM í Manchester í 100m baksundi. Hann keppti nú á dögunum með ÍF á Para Swimming World series í Sheffield þar sem hann náði lágmarki á HM. Már sem býr að mestu á Englandi og æfir þar, en kom heim í vor og æfði með okkur um tíma, en með honum á mótinu er þjálfarinn hans á Englandi, Ivo. Már hefur sett stefnuna á ÓL í París.

Sendum öllum Suðurnesjamönnum okkar bestu óskir um gleðileg jól og farsælt komandi ár Þökkum samstarfið á árinu sem er að líða.

36

Jólablað 2023

Sundfólk ÍRB raðaði inn verðlaunum á Íslands- og unglingameistaramótinu í 25 metra laug sem fram fór í Ásvallalaug í Hafnarfirði um helgina. ÍRB vann til alls átta Íslandsmeistaratitla og níu unglingameistaratitla á Íslandsmótinu í 25 metra laug, þá féllu 57 innanfélagsmet á mótinu og tvö Íslandsmet í aldursflokkum.

Eva Margrét Falsdóttir varð Íslandsmeistari í fjórum greinum á mótinu. Fannar Snævar Hauksson og Guðmundur Leo Rafnsson urðu Íslandsmeistarar í tveimur greinum hvor. Þá náðu fjórir sundmenn (Sunneva Bergmann Ásbjörnsdóttir, Guðmundur Leo Rafnsson, Fannar Snævar Hauksson og Eva Margrét Falsdóttir) lágmörkum á Norðurlandameistaramótinu sem fram fer í Tartu í Eistlandi 1. til 3. desember.

Sendum öllum Suðurnesjamönnum okkar bestu óskir um gleðileg jól og farsælt komandi ár.

Unglingalandslið: Ástrós Lovísa Hauksdóttir, Daði Rafn Falsson, Denas Kazulis, Guðmundur Leo Rafnsson og Sunneva Bergmann Ásbjörnsdóttir. Úrvalshópur: Eva Margét Falsdóttir og Fannar Snævar Hauksson.

Afrekslandslið: Eva Margrét Falsdóttir, Fannar Snævar Hauksson og Guðmundur Leo Rafnsson.

Öflugir sjálfboðaliðar

Eva Margrét Falsdóttir vann fjóra Íslandsmeistaratitla um helgina. Íslandsmeistaratitlar: Eva Margrét Falsdóttir:100 metra fjórsund, 200 metra bringusund, 200 metra fjórsund og 400 metra fjórsund, Fannar Snævar Hauksson: 50 metra baksund og 100 metra flugsund, og Guðmundur Leo Rafnsson: 100 metra baksund og 200 metra baksund.

Með félagsstarfi sem þessu er ekki annað hægt að segja en að við höldum öll mót og öllu starfi deildarinnar uppi á sjálfboðliðsstarfi. Mótshaldarar og dómarar vinna allir endurgjaldslaust og því ber að þakka öllum þeim sem hafa lagt sitt á vogarskálarnar til að starfið gangi sinn vanagang fyrir sundkrakkana. Því ber að nefna að á sundþingi hjá Sundsambandi Íslands fengu þau Anna Gunnlaugsdóttir og Hilmar Örn Jónasson silfurmerki SSÍ fyrir sína sjálfboðaliðsvinnu fyrir sundhreyfinguna. Anna gjaldkeri sundráðs ÍRB og hlaupari með meiru er mjög dugleg og öflugur sjálfboðaliði á sundmótum SSÍ til margra ára. Hilmar Örn, fyrrverandi formaður Sunddeildar Keflavíkur og fyrrverandi stjórnamaður SSÍ, fær silfurmerkið fyrir hin ýmsu störf fyrir sundhreyfinguna á Íslandi.

Vert er að þakka því góða fólki sem í mörg ár hefur unnið ötult starf fyrir félagið og stendur sína plikt með sóma.

Hanna Björg Konráðsdóttir Formaður Sunddeildar Keflavíkur

Jólablað 2023

37

Jólakveðjur frá Badmintondeild

S

tarfsemi Badmintondeildar gekk með ágætum á vorönninni. Á flestum æfingum voru nánast allir vellir fullir og jafnvel bið eftir plássi. Samsetning spilara er sú sama og verið hefur - svona í eldri kantinum og jafnvel stundum heldri kantinum. En þetta hefur gengið vel svona svo það er ekki yfir neinu að kvarta, en alltaf bindur maður vonir við að eitthvað komi inn af yngri og sprækari spilurum,

það má alltaf lifa í voninni.

En við stjórnarmenn í badmintondeildinni erum ákveðnir og vissir um að okkur takist áður en langt um líður að koma þessum rekstri í hendurnar á yngri og áhugasamari spilurum. Það má segja að þetta sé svona ákall til þeirra sem vilja ekki missa þessa skemmtilegu íþrótt úr íþróttaflóru Reykjanesbæjar. Það væri synd og skömm í fjölmennu byggðarlagi.

Við erum að sama skapi mjög þakk-

lát Keflavík, íþrótta- og ungmennafélagi og Reykjanesbæ fyrir þeirra frábæra stuðning sem við höfum notið af þeirra hálfu.

Við viljum svo nota tækifærið til að þakka framkvæmdastjóra, stjórn og starfsmönnum öllum stuðninginn á liðnu ári, eins viljum við þakka þeim Bubba og Gulla húsvörðum í íþróttahúsi Heiðarskóla fyrir frábært samstarf.

Að lokum viljum við senda öllum

íbúum Reykjanesbæjar hugheilar jóla - og nýárs kveðjur með óskum um að sem flestir taki sér badmintonspaða í hönd á nýju ári.

Með Ungmennafélags kveðju Íslandi allt F.h. Badmintondeildar Dagbjört Ýr Gylfadóttir gjaldkeri

hsveitur.is 38

Jólablað 2023

Skemmtun fyrir alla fjölskylduna Opnunartími: OPIÐ: 6:45 - 20:00 virka 8:00 - 18:00 um helgar Mánud.

- föstud.

6.30daga, - 21.30 Laugard. og sunnud. 9.00 -18.00 Sími: 420 1500

frítt fyrir börn

fjölskyldusundlaug

Jólablað 2023

39

Gjafakort Landsbankans Með gjafakortinu er ekkert mál að velja réttu jólagjöfina. Þú ákveður upphæðina og sá sem þiggur velur gjöfina. Þú færð gjafakort í næsta útibúi eða á landsbankinn.is.