TALA FOU / LOCAL NEWS
iniinisamoa@gmail.com
O le gasegase ua leva le fa’a�tauli o le LDS Marieta Heidi Ilalio O le itu lea na ta’utino sa’o ai se tasi o ta’ita’i o le Ekalesia a Iesu Keriso o le ‘Au Pa’ia o Aso e Gata Ai i Samoa nei ina ua talanoaina le mataupu o lo’o finauina ma nisi o le ekalesia i Purisipeni i Ausetalia. Na saunoa Peresetene Fa’amoana Uta’i ina ua fesiligia e tusitala i se fonotaga i lenei vaiaso pe o se gasegase ua leva ae tali mai o lea lava ma o se fa’afitauli o lo’o taumafai pea le ekalesia e fa’amalamalama ai tagata e le’o malamalama. O lenei fa’afitauli e pei ona ta’ua o lo’o tete’e ai nisi o tagata Samoa o le ekalesia LDS i Purisipeni ma o latou tu’ua’ia ai le fa’asā ona toe fa’aaogā o le gagana Samoa i so’o se sauniga a le ekalesia e fa’atautaia. Peita’i na tete’e iai ta’ita’i o le ekalesia aemaise o le Peresetene a le Ekalesia o le LDS i le Pasefika, Elder James J. Hamula e lē moni nei fa’amatalaga e pei ona tu’ua’ia ai e lenei vaega to’aititi o le ekalesia ma ave ai le ekalesia i le fa’amasinoga i Ausetalia. O le gasegase lenei e pei ona ta’ua o le tete’e pea o nisi o tagata o Samoa o lenei ekalesia o lo’o aumau ma lolotu ai i le tele o uarota Palagi a le ekalesia e finagalo ina ia faia pea uarota Samoa ma fa’atino uma sauniga i le latou gagana aemaise le faamalosia ai o tu ma aganu’u fa’a Samoa ia latou fa’atasiga fa’a le lotu. O se itu na saunoa iai Elder Hamula e mafai ona taga’i iai ta’ita’i o le ekalesia e fa’atino pea uarota Samoa mo tagata Samoa nei e tete’e pea pe afai e le mafai ona malilie i le fa’ai’uga na faia i le tausaga e 2007. O lenei fa’ai’uga na tu’ufa’atasi ai uarota Samoa ma uarota Palagi ona o le naunauta’iga o le ekalesia LDS ua tele mau tagata ma a latou gagana ma e pau le gagana e fa’afaigofie ona malamalama uma iai so’o se ituaiga tagata o le fa’aPeretania, peita’i e le’i talia gofie e tagata Samoa ia o lo’o tete’e ma o latou ave ai loa le Ekalesia aoao i Ausetalia i
Peresetene Hamula ma ta’ita’i o le Ekalesia LDS i Samoa nei.
le Faamasinoga. O le taimi nei na saunoa ai Elder Hamula e le mafai ona toe gaioi le ekalesia i so’o se fofō e fia faia ona o lea ua i luma o le fa’amasinoga le mata’upu. Na fesiligia e tusitala Elder Hamula ma ta’ita’i o le ekalesia i Samoa pe aiseā na lē faia ai se fofō ina ua iloa le fa’afitauli lea mai le amataga ae na tali ta’ita’i o le ekalesia ua fiu e talosaga ni fonotaga ma le itu tete’e lenei peita’i e le’i finagalo iai. Na saunoa Elder Hamula na mafai ona malaga uma ta’ita’i o le ekalesia i Samoa nei e to’alima e latou te molimauina sauniga a uarota uma a le ekalesia LDS i Purisipeni ma taumafai e aumai ai ni fa’amaoniga o le fa’asā o le gagana Samoa ona toe fa’aaogā, peita’i na saunoa uma ta’ita’i nei e lē moni ona na tele ina fa’aaoga uma gagana e lua, fa’a-Peretania ma le fa’a-Samoa i taimi o so’o se sauniga na fa’atino. “E le o fa’asaina e le ekalesia le fa’aaogaina o le gagana Samoa ma o a’u lea ou te molimau atu o lo’o sa’oloto lava tagata Samoa e fa’aaogā le gagana ma o lo’o tele lava ina fa’aliliu pe a mae’a ona fa’aaoga le gagana Peretania,” o le saunoaga lea a Peresetene Uta’i.
O le finagalo lava fo’i lea a se tasi o ta’ita’i o le ekalesia i Samoa nei na malaga e molimauina pe sa’o nei tu’ua’iga, Peresetene Saipele Fa’alogo lea na ia ta’ua o le tele lava o tatalo na faia e uarota na auai atu iai o lo’o fa’aaoga lava le gagana Samoa ma o lo’o tele lava tagata Samoa o lo’o auai atu pea i sauniga lotu. O tagata Samoa nei o lo’o tete’e na fa’aalia e Elder Hamula e pe a ma le to’a 40 mai le afe ma afe o tagata Samoa o lo’o latou talia gofie suiga o le fa’atautaiga o sauniga a le ekalesia ina ia malamalama uma ai so’o se itu’aiga tagata o gagana ese’ese i taimi o tapua’iga. O le agaga o le afioga i le Peresetene o le Ekalesia i le Pasefika, Elder Hamula ina ia malamalama tagata Samoa e le’o taumafai e fa’asa ona fa’aaoga le gagana ona e taua i so’o se tagata lana gagana e tapua’i ai, peita’i ona o le tilotilo aga’i i le fa’atupula’ia pea o tagata ese’ese mai atunu’u e fia o le lalolagi o lo’o i Purisipeni o le mafua’aga lea o le faia o lea suiga i le tausaga e 2007. “O le fa’afitauli o lo’o mafua ai lenei fete’ena’iga ona o le lē malamalama o lenei vaega o tagata Samoa o lo’o tete’e i le taimi na faia ai suiga nei i le 2007 ma o le galuega tele lea o le taumafai o
le ekalesia i ni auala e fa’amalamalama ai lenei mataupu,” o le saunoaga lea a Peresetene Hamula. O lo’o iai le fuafuaga a Peresetene Hamula ma ta’ita’i o le ekalesia i Samoa nei e feiloa’i atu i le afioga i le alii Palemia, Tuilaepa Lupesoli’ai Sa’ilele Malielegaoi pe a toe taliu mai i Niu Ioka i nisi o fonotaga i se taimi o i luma.
Peresetene o le Ekalesia LDS i le Pasefika, Elder Hamula.
Fa’au’u Samoa ia Ianuari avea ma atunu’u atia’e Marieta Heidi Ilalio
O le tele o galuega toe fa’aleleia mai afa fulifao ma le tele o fa’alavelave fa’alenatura o le isi lea mafua’aga na tuai ai ona fa’au’u Samoa e avea ma atunu’u atia’e.
O le aso muamua o Ianuari o le tausaga fou o se aso taua lea mo Samoa ona o le a avea ai loa ma atunu’u atia’e ma ave’ese mai ai i le lisi o atunu’u tau atia’e o le lalolagi. O lenei fa’amoemoe na saunoa ai le sui Palemia, Fonotoe Pierre Lauofo o se fa’amoemoe ua leva ona tatau ona fa’atino
ona ua loa tausaga o manana’o Malo Aufa’atasi e ave’esea loa Samoa mai le lisi o Malo tau atia’e, peita’i na ia saunoa o le mafua’aga ona o le tele o afā tetele na a’afia ai Samoa i tausaga e tele ua mavae ma fa’atuai ai. “E le gata i lea na soso’o mai ai lava ma le tsunami ma Eveni lea na a’afia ai i le tausaga ua mavae lea e tau fa’asolo
ai galuega fa’aleleia ma e mana’omia ai le lelei o le tamaoaiga o Samoa a’o le’i o’o ina ia fa’au’u e avea ma atunu’u atia’e lona tamaoaiga,” o le saunoaga lea a Fonotoe. Na fa’aalia e Fonotoe e le’o leaga le tamaoaiga o Samoa, a na leaga se manū o oge ma fia’a’ai ona tagata (se’i tulou). “A tatou ō i faleoloa ma maketi o lo’o tatou va’aia ai le tele o mea
taumafa mo le fofoga taumafa o tagata o le atunu’u ma e ta’u mai ai o lo’o lelei lava le tamaoaiga o Samoa e le’o iai se fa’aletonu,” o le saunoaga lea a Fonotoe. Na mafua ona toe lagā e le sui Palemia lea mataupu ona o lo’o fa’aalia pea atugaluga o le Tautua Samoa i le fa’aletonu o le tamaoaiga o lo’o va’aia ma o le popolega i avea
ma atunu’u atia’e lona tamaoaiga a’o lea e fa’aletonu. O le talitonuga maumaututū o Fonotoe ua leva ona fia avea Samoa ma atunu’u e atia’e lona tamaoaiga ae na fa’atuai o tulaga e pei ona ta’ua i le tele o fa’alavelave fa’alenatura na a’afia ai ma e tatau ona fa’aleleia uma tulaga na fa’aleagaina a’o le’i o’o i le fa’amoemoe taua
INIINI SAMOA � Aso Toona’i 28 Setema, 2013 : Itulau 33