LINDENNUUS
- Lindeniete maak hart oop vir gemeenskapsprojek wat vier Johannesburgse skole insluit
- Sport: Die Grové's vaar uitstekend by SA Stoei Kampioenskappe
- Kultuur: Sêrenade is naaswenners by Animato A Capella
- Lindeniete maak hart oop vir gemeenskapsprojek wat vier Johannesburgse skole insluit
- Sport: Die Grové's vaar uitstekend by SA Stoei Kampioenskappe
- Kultuur: Sêrenade is naaswenners by Animato A Capella
Kultuurweek 2022 kon nie op 'n meer gepaste tyd plaasgevind het nie - dit was 'n groot week vir Linden kunste! Ons leerders het reg deur die week aan verskeie aktiwiteite deelgeneem en hulle talente so uitgeleef. Nie net was die Artes van 2022 ook deel van die week en uitstekende vermaak nie, maar die Animato A Capella kompetisie waar ons sêrenade groep deelgeneem het ook plaasgevind. Tydens kultuurweek het die leerders oor die verskeie dae die kortfilm te sien gekry, 'n kooroptrede geniet, en ook die sêrenade se optrede meegemaak. Tydens pouse het die dansgroep, battery, tienertoneel en van die Artes finaliste die Lindeniete vermaak. Die hoogtepunte van die week was beslis die Artes wat 'n uitsonderlike aand was asook die sêrenade se groot optrede en uitstekende uitslae by die Animato kompetsies (meer oor hierdie in die nuusbrief). Linden kultuur floreer en ons is ongelooflik trots en opgewonde!
Saterdag 15 Oktober
Maandag 17 Oktober
Atletiek: Top 20 Byeenkoms te Naboomspruit; Koor: Kamp Wag ‘n bietjie
Kultuurprysuitdeling; Tennis: Wedstryde - Seuns B vs Christchurch High School (Tuis) & Seuns C vs Trinityhouse Little Falls (Weg)
Dinsdag 18 Oktober Hokkie: Wedstryd - Onderwysers vs Gr.12’s (16:00-17:00)
Woensdag 19 Oktober
Algemene Jaarvergadering; Atletiek: Blitz byeenkoms by Hoërskool Bastion; Hokkie: Wedstryde - 5-a-side by Parktown Girls (Junior Dogters); Tennis: Wedstryd Seuns B vs Trinityhouse Little Falls (Weg); Krieket: Wedstryde - o/15 Seuns vs Trinityhouse Randpark (Tuis) & 1stes Seuns vs Trinityhouse Little Falls (Weg)
Donderdag 20 Oktober Swem: Gala Aflosbyeenkoms by Northcliff High School, Hokkie: Wedstryde - 5-a-side by Parktown Girls (Senior Dogters); Tennis: Wedstryd - Dogters A en B vs Trintyhouse Little Falls (Weg); Krieket: Wedstryd - Dogters vs Noordheuwel (Weg)
Vrydag 21 Oktober Hokkie: Wedstryde - Old Boys & Old Girls; Tennis: Wedstryd - Seuns A vs Helpmekaar (Weg); Atletiek: Top 30 Byeenkoms in Potchefstroom
Saterdag 22 Oktober Atletiek: Top 30 Byeenkoms in Potchefstroom; Koor: Atrium Adagio
Baie geluk aan mnr. Bevan Behr en me. Marietjie Annandale wat as nuwe Departementshoofde deur die Departement van Onderwys aangewys is. Me Annandale sal in die plek van me Michelle Maritz, wat aftree, die rol van Departementshoof Ekonomie vervul Mnr Behr vervul steeds die rol van Departementshoof Fisiese Wetenskappe Ons is trots op julle!
Die hoofleiers van Hoërskool Linden het hierdie jaar met 'ninisiatief na vore gekom waar die vier van die Afrikaanse skole in Johannesburg Hoërskool Linden, Hoërskool Florida, Hoërskool Monument en Hoërskool Randburg, se hoofleiers bande smee en uitreik na die gemeenskap. Die projek wat bekend staan as Projek SIOS (Saam Is Ons Sterker), het die afgelope week hulle eerste uitreik aksie meegemaak en dit was hartroerend om te sien. Die vier skole se leerders het in September speelgoed bymekaar gemaak vir die Nelson Mandela Childrens Hospital en op 10 Oktober dit aan die hospitaal oorhandig. Tydens die geleentheid het hulle ook briewe aan die pasiënte oorhandig en voorgelees wat deur die omliggende laerskole se leerders geskryf is Beide die nuwe en ou hoofleiers van die skole het saam met die pasiënte tyd spandeer en meer geleer oor die organisasie Wat 'n ongelooflike geleentheid om bande te smee onder die skole en ter selfde tyd 'n groot verskil te maak in ons gemeenskap Volgende jaar sal die projek voortleef en 'n volgende projek aan pak. Ons is trots op ons leerders en hoofleiers wat tot die projek bygedra het baie dankie aan elkeen! Met projekte en leerders soos die, is ons opgewonde vir die toekoms van ons land!
Gerrie, Mieke en Marisan Grové het tydens die vakansie, as deel van die Sentraal-Gauteng stoeispan, aan die Suid-Afrikaanse Kampioenskap in Kaapstad deelgeneem. Mieke en Marisan verower albei in hul afdelings goue medaljes, terwyl Gerrie ‘n silwer medalje losstoei Mieke stoei ook deur die verloop van die kampioenskappe teen die voormalige Suid Afrikaanse kampioen en laat hierdie 17 jarige internasionale stoeier, wat aan die vorige Wêreld Kampionskappe deelgeneem het, les opsê Mieke is dus as 14 jarige as die nuwe Suid Afrikaanse kampioen aangewys Welgedaan julle drie ons is ongelooflik trots op julle.
Linden se Dogters A en B tennisspanne het gistermiddag ligawedstryde tuis teen St. Stithians gespeel. Die A span wen 38 25 en die B span wen 47 16. Baie geluk aan hierdie dogters
Die krieketdogters het die 13de Oktober weer ‘n ligawedstryd weg teen Monnas gespeel, Linden verloor ongelukkig hierdie wedstryd, maar sit hul hoogste telling tot dusver van 108 lopies op die tellingbord. Welgedaan aan die dogters.
Ons o/15 krieketseuns het Woensdag tuis hul eerste Johnny Waite ligawedstryd teen Crawford Sandton gespeel. Linden wen hierdie wedstryd met 7 paaltjies. Baie mooi, ons is trots op julle!
Die volgende Linden skuts het vanaf Maandag 3 tot Donderdag 6 Oktober by Walter Sisulu Hall aan die SA Skole Kampioenskappe deelgeneem. Hierdie skuts neem as deel van die GSSU span deel:
• Suné Boshoff (Kaptein van die Presisie span) • Chanté Lubbe (Kaptein van die o/21A sporters) • Ethan Chowles (Kaptein van die o/21 Pistole-span)
• Joshua Foord • Jané Louw
Zanelle Kruger • Ekhard Rabie • Leon Frederik • Barend Rabie
Suné Boshoff is die groot kampioen skut in die Presisie afdeling, sy is dus oor alle ouderdomsgroepe as die top dames presisie skut in Suid Afrika aangewys Sy skiet ook twee honderdtalle in die 3P afdeling terwyl Joshua Foord een in die 3Pafdeling skiet. Suné en Ethan verwerf dan ook hierdeur hul SANSSU kleure. Suné is ook 1ste in die 3P , 10m. en algeheel in die Presisie afdeling. Jané Louw was deel van die o/14 span wat algeheel 2de eindig en Chanté Lubbe deel van die o/16- en o/21-spanne wat ook ‘n algehele 2de plek behaal. Isabella, Joshua en Barend behaal hulle beste telling in die 3P-afdelings en Leon sy beste telling in die 10m afdeling
Suné Boshoff, Chanté Lubbe, Isabella Celliers, Ekhard en Barend Rabie het ook aan die SAARA S A’s deelgeneem en soos volg gevaar: Suné Boshoff behaal die 1ste plek in die dames 10m Presisie (alle ouderdomme) finaal en is dus die top dames Presisie skut. Sy behaal ook die 1ste plek in die dames o/20 10m Presisie afdeling. Chanté behaal die 7de plek in dieselfde afdeling. Suné is in die o/20 dames 10m Presisie-span wat die 1ste plek behaal en Chanté in die span wat 2de is.
Ekhard behaal die 5de plek in die mans o/20 10m Sporter afdeling
Barend is 1ste in die mans o/16 10m Sporter afdeling
Isabella is 1ste in die dames o/16 10m Sporter afdeling
Ekhard behaal die 6de plek in die o/20 3P Sporter afdeling.
Isabella behaal die 1ste plek en Barend die 4de plek in die o/16 3P Sporter afdeling.
Ekhard is in die senior mans 10m Sporter-span wat die 1ste plek behaal.
Isabella is in die o/20 10m-span wat die 1ste plek behaal.
Barend is in die o/16 10m span wat die 1ste plek behaal
Ekhard is in die 3P o/20 span wat die 1ste plek behaal
Isabella en Barend is in die 3P o/16 span wat die 1ste plek behaal
Baie geluk aan die skuts met uitstekende uitslae, ons is ongelooflik trots op julle!
Die swemseisoen is in volle swang en ons swemspan wys ongelooflike gees by gister se aflosgala by Redhill College Linden eindig 2de uit 5 deelnemende skole en beslis 1ste op die pawiljoene. Dankie vir julle harde werk, deelname en gees.
Linden se hokkiedogters die afgelope Wonsdag en Donderdag by Parktown Girls High wedstryde in ‘n vriendskaplike 5 a side kompetisie gespeel. Ons speel vier wedstryde waarvan ons 2 verloor, 2 wen en 1 gelykop speel. Baie geluk dogters, sterkte vir die wedstryde wat nog voorlê!
Ons is ongelooflik trots op ons sêrenade groep wat Donderdagaand as algehele naaswenners van die nasionale Animato A Capella kompetisie weggestap het. Die wenners by hierdie kompetisie was Oranje Meisiesskool en die kompetisie is vir groepe landswyd, wat effektief beteken ons sêrenade groep is tweede landswyd! Wat 'n prestasie! Die groep het ook die volgende toekennings ontvang:
Beste kostuums
Beste choreografie
Mees spontane groep
Mees oorspronklike tema
Hierdie resultate is briljant en getuig van die leerders se harde werk en baie lang ure Baie geluk aan elke lid, me Claudia Pienaar en die groep se afrigter, dit is beslis uitslae om op trots te wees. Welgedaan, ons is ongelooflik trots op julle!
Artes 2022 het die afgelope week plaasgevind Die aand het die talente van ons leerders op kulturele vlak ten toon gestel en dit is werklik inspirerend om ons leerders in aksie te sien. Die aand het nie net 'n vertoning behels waar sang, dans, toneelspel en instrumentale musiek opgevoer is nie, maar het ook 'n kuns en fotografie uitstalling gehad wat die gaste kon aanskou. Alhoewel dit 'n ten toon stelling is van die leerders se talente is daar steeds 'n kompetisie wat aan die aand gekoppel word. Die beoordelaars het groot besluite gehad om te maak en Robert Engelbrecht met sy uitstekende "Beatbox" optrede het as algehele wenner weggestap Die volledige uitslae van die Algehele wenner: Robert Engelbrecht
Dans: Jané Louw
Sang: Robert Engelbrecht
Drama: Jonathan van der Merwe
Instrumentaal: Philip Steyn
Juniors Nuwe Media: Carys de Jager
Juniors Visuele Kunstenaar: Janine Kitshoff
Senior Nuwe Media: Natasha van Jaarsveld
Senior Visuele Kunstenaar: Carni Müller
Beeldende Kuns Artes Toekenning: Carni Müller
Skryfkuns: Adriaan Snyman
Fotografie Portrette van mense en diere: Chané Gambold
Fotografie - Natuur en wilde diere: Janine Kitshoff
Fotografie Swart en wit (mono): Jordyn Farah
Fotografie Lekker Linden: Lara van Metzinger
Fotografie Oop Kategorie: Chané Gambold
Baie geluk aan die leerders en al die deelnemers.
Ons waardeer dat julle julle talente met ons gedeel het Dit was beslis 'n besonderse aand