UITGAWE 18 | 9 JUNIE 2023
LINDEN REG VIR DERBY 2023
UITGAWE 18 | 9 JUNIE 2023
LINDEN REG VIR DERBY 2023
Oor twee weke, op Woensdag 21 Junie, vind ons Derby plaas! Maak reg vir ‘n middag en aand van goeie rugby en groot gees. Die program sal om 14:00 begin op ons velde. Toegang kaartjies is beskikbaar op die dag by die Sport- en hoofhekke teen R20 per persoon, leerders en laerskool kinders se toegang is verniet. Meer inligting oor die dag sal binnekort bekend gemaak word Ons spanne is reg om die wedstryd van hulle lewens te speel. Kom in jou groen en goud en ondersteun #teamlinden!
Hoërskool Linden se jaarlikse Gholfdag wat op Vrydag 2 Junie by Randpark Gholfklub
plaasgevind het was weereens 'n groot sukses en 'n wonderlike dag vir fondsinsameling. Baie dankie aan elke borg, speler en donateur wat die dag moontlik gemaak het, ons waardeer opreg julle insette en ondersteuning
Baie geluk ook aan ons Gholfdag-lootjie wenner Cornea Matthee wat met die heellam van Impala Slaghuis wegstap Graad 8 8 het ook die meeste geld ingesamel met hulle lootjielyste en as wen klas uit die stryd getree. Dankie vir al julle ondersteuning.
'n Spesiale dankie aan die volgende ongelooflike borge wat die dag moontlik gemaak het:
Beagle Watch Sekuriteit
PSG Wealth Northcliff
John Raddcliff PTY Ltd
Netcad IT-services
Rawson Properties Northcliff
CMH Ford Randburg
Impala Butchery
Paint Emporium & Hardware Linden
Guvon Hotels & Spa's
Salt Atelier en Suna Roberts
Hotel Numbi & Garden Suites
JAC - Just Amazing Candles
Dankie ook aan elke ouer wat bygedra het tot die geskenkpakke, borgskappe en lootjies
Ons is dankbaar vir die bydraes!
EERSTESPAN-SEUNS VAAR UITSTEKEND TEEN RANDBURG
Dit was 'n goeie dag vir Linden-hokkie! Die seuns het op 30 Mei op die Randburg Astro teen Hoërskool Randburg afgereken, waar ons eerstespan asook ons onder 16-span hulle wedstryd gewen het! Welgedaan manne ons is baie trots op julle.
Die volledige uitslae was as volg:
Eerstes - Wen 5-1
o/16's - Wen 1-0
o/14's - Verloor 1-0
Die dogters het ook teen St. Peters gespeel. Die uitslae was as volg:
Eerstes - Gelykop 0-0
o/15's - Wen 8-0
o/14's - Verloor 3-2
Welgedaan aan al ons hokkiespanne, julle harde werk en volharding werp beslis goeie vrug af!
Die onderskeie hokkie-liga's het die afgelope twee weke voortgeduur.
Ons Seuns-hokkiespanne het tuis teen Noordheuwel ligawedstryde gespeel en die uitslae was as volg:
• o/14 verloor 0-5
• o/15 wen 1-0
• o/16 verloor 0-2
• 1ste=span verloor 2-3
Ons Dogters-hokkiespanne het verlede Saterdag teen Roedean ligawedstryde gespeel:
• o/14 speel 1-1 gelykop
• o/16 wen 5-0
• 1ste-span verloor 0-4
Ons Seuns-hokkiespanne het ook teen Bastion en Dainfern College ligawedstryde gespeel:
• o/16 verloor 1-5 vs Dainfern
• 1ste-span wen 10-0 vs Bastion
• 1ste-span speel 3-3 gelykop teen Dainfern
Welgedaan aan al die spanne wat uitstekend speel en hard werk, ons is baie trots op julle.
Na afloop van die D12-liga het die volgende seunshokkie-spanne ook dan die liga gewen:
Eerstes
Tweedes
o/16's
o/15's
o/14's
Wat 'n uitstekende prestasie is dit nie! Baie geluk manne, ons is baie trots op julle.
Baie sterkte aan ons 1ste-seuns hokkiespan wat die naweek in die Noordvaal-uitspele deelneem Ons weet dit sal goed gaan!
LINDEN SE PROTEA-SKUT VERBETER SA REKORD IN DUITSLAND
Suné hou Linden se naam hoog in Duitsland Suné Boshoff, ons eie Protea-skut, het onlangs by die Wêreld Junior Luggeweer-kompetisie in Suhl, Duitsland deelgeneem en uit 97 skuts in die algehele 67ste posisie saam met Slovakië geeindig met ‘n telling van 617.4. Met hierdie telling verbeter sy ook haar eie Junior Suid-Afrikaanse rekord wat sy laasjaar in Suhl geskiet het Baie geluk met 'n uiters suksesvolle kompetisie Suné. Ons is baie trots op jou.
LINDEN SPOG MET GOUE LEEU
Na afloop van die Goue Leeus Rugbyproewe spog Linden met Sandile Gumede, wat amptelik by die Leeus se Welpiespan ingesluit is! Baie geluk Sandile, ons is baie trots op jou en sien uit na wat die toekoms vir jou inhou.
SKAAKSPELERS UITSTEKEND BY GAUTENG KAMPIOENSKAPPE
Die volgende Linden-skaakspelers het einde Mei in Benoni aan die Gauteng
Skaakkampioenskappe deelgeneem: Sienne Scullard, Tjaart Steyn, Wilrich van Deventer, Megan du Toit, Heinrich Voigt, Robert Engelbrecht, Ruben Wolff, Daniël Voigt en Wessel Rossouw. Na afloop van hierdie Kampioenskappe is Sienne Scullard asook Tjaart Steyn by die o/15Gautengspanne ingesluit Wat 'n wonderlike prestasie! Hulle neem dan van 4 tot 7 Julie aan die nasionale skaaktoernooi deel. Welgedaan julle, ons is baie trots op julle.
GSSU LIGA 3 LEWER UITSTEKENDE UITSLAE
GSSU Liga 3 het verlede naweek by Hoerskool Randburg plaas gevind, en ons skuts presteer as volg:
Barend Rabie verower brons vir o/16 algeheel en silwer vir o/16 3P.
Geneviewe Prinsloo verower brons vir o/14 algeheel, goud vir o/14 10m en verbeter haar persoonlike beste in totaal
Layla Myburgh verower silwer vir o/14 10m en verbeter haar persoonlike beste in 10m en totaal.
Kaelyn De Villiers verower 'n brons vir o/14 10m
Isabella Cilliers verower goud vir presisie algeheel, silwer vir presisie 3P en goud vir presisie 10m Sy verbeter ook haar persoonlike beste in 10m
Ethan Cowles kry goud vir o/21 Pistool Wedstryd 1, silwer vir Wedstryd 2 en goud vir o/21 Pistool algeheel
Mieke Mel verbeter haar persoonlike beste in 3P en totaal.
Callum Filmalter verbeter sy persoonlike beste in 3P en totaal
Theo Rabie verbeter sy persoonlike beste in 3P en totaal.
Alek Nel verbeter sy persoonlike beste in 3P en totaal
Christiaan Briel verbeter sy persoonlike beste in totaal.
Baie geluk aan al ons skuts, ons is baie trots op julle!
ONDER 16'S SAL IN FINALE LINDEN VERTEENWOORDIG
Baie geluk aan ons o/16A-rugbyspan wat deurdring na die Goue Leeus Finale an hulle oorwinning verlede naweek Hierdie wedstryde word na afloop van die vakansie by Hoërskool Florida gespeel Welgedaan manne en baie sterkte
LINDENIETE VAAR UITSTEKEND IN CYCLE LAB-REEKS
Ons fietsryers het ook einde Mei aan die eerste wedren van hierdie jaar se Cycle Lab
MTB Skolereeks by Steyn City deelgeneem en uit 76 skole reg oor Gauteng ‘n algehele 34ste plek losgery.
• Kian eindig 54ste uit 135
• Nathan eindig 14de uit 112
• Rucindé eindig 18de uit 25
Ons is baie trots op julle
LINDENIETE VAAR UITSTEKEND
Die ATKV-redenaars uitslae is vandeesweek bekend gemaak. Die Lindeniete het as volg presteer:
Natalie Dixon het 4de in die Gauteng-Wes streek geëindig Hildegard Schraader het 1ste geëindig in die Gauteng-Wes streek en sodoende word sy uitgenooi na die Nasionel
Finale rondte van die ATKV-Redenaarskompetisie, wat die 18de Augustus 2023 plaasvind by die ATKV-Goudini Spa
Baie geluk aan Natalie en Hildegard!
LINDENIET OP PAD NA FINALE VAN REDENAARS
Hildegard Schraader in graad 8, vaar uitstekend in haar onderskeie kultuur-aktiwiteite. Sy het die volgende prestasies die afgelope maand ingepalm:
ATKV Redenaars: (soos bo gemeld)
Hildegard is in die landsfinaal vir onvoorbereide redenaars Die kompetisie vind in Augustus plaas
Interskole Redenaars:
Hildegard is in die landsfinaal vir voorbereide en onvoorbereide Afrikaanse redenaars (Engels vind eers later plaas) Hierdie finaal vind in September plaas
National Eisteddfod Academy se Young Artist Awards nasionale kompetisie:
Sy haal die semi-finale rondte met een van haar sketse.
Welgedaan Hildegard, ons is baie trots op jou en hou styf duimvas vir die finale wat voorlê.