Glugginn 1.tlb. 2019

Fréttabréf Íbúðalánasjóðs 1.tbl. 2019

Glugginn

Glugginn

Stofnframlög, húsnæðisbætur, Bríet og fræðslufundir ÍLS

Fréttabréf til sveitarfélaga

Breytt hlutverk Íbúðalánasjóðs Á undanförnum árum og misserum hefur hlutverk Íbúðalánasjóðs verið að breytast þar sem stofnunin ber nú ábyrgð á framkvæmd húsnæðismála, í stað þess að vera fyrst og fremst lánasjóður. Í janúar síðastliðnum var starfsemi sjóðsins skipt í tvo starfsþætti. Annars vegar í húsnæðisstofnun sem ber ábyrgð á stjórn og framkvæmd húsnæðismála og hins vegar í ÍLS sjóð sem mun halda utan um fjármálaumsýslu sem tengist fyrri starfsemi sjóðsins sem lánastofnun. Undir húsnæðisstofnun munu starfa þrjú svið þ.e. húsnæðissvið, greininga- og áætlunarsvið og húsnæðisbótasvið.

Húsnæðissvið mun hafa umsjón með húsnæðisstuðningi hins opinbera s.s. úthlutun stofnframlaga, lána til einstaklinga og veitingu lána til óhagnaðardrifinna leigufélaga. Þá mun sviðið veita almenningi fræðslu og ráðgjöf um húsnæðismál. Greininga- og áætlanasvið mun bera ábyrgð á húsnæðisáætlunum, samstarfi við sveitarfélög, uppbyggingu húsnæðisgrunns og birtingu upplýsinga um húsnæðismál. Sviðið mun annast rannsóknir og greiningu gagna sem marka grunn að stefnumörkun á húsnæðismarkaði á landinu. Húsnæðisbótasvið mun

Fréttabréf Íbúðalánasjóðs 1.tbl. 2019

Glugginn sjá um húsnæðisstuðning hins opinbera hvað varðar veitingu húsnæðisbóta og ber ábyrgð á framkvæmd og útgreiðslu þeirra. Þá mun sviðið einnig bera ábyrgð á símsvörun, þjónustu við viðskiptavini og hafa umsjón með skuldabréfasafni sjóðsins.

Metfjöldi umsókna stofnframlaga Þann 5. mars síðastliðinn var opnað fyrir umsóknir um stofnframlög ríkisins vegna úthlutunar ársins 2019. Alls bárust 44 umsóknir innan umsóknarfrests sem lauk 5. apríl síðastliðinn. Aldrei hafa borist fleiri umsóknir um stofnframlög en nú og nam heildarfjárhæð umsókna Sótt er um stofnframlög til ríkisins fyrir rúma 6 milljarða króna og til sveitarfélaga fyrir tæpa fjóra milljarða. Umsótt fjárhæð á stofnframlögum ríkisins vegna íbúða sem eru vegna íbúðarhúsnæðis á vegum sveitarfélaga nemur samtals um 1,7 milljarði króna.

Sótt er um stofnframlag til byggingar eða kaupa á 915 íbúðum sem staðsettar yrðu vítt og breitt um landið eða alls í 22 sveitarfélögum. Íbúðirnar eru ætlaðar tekju- og eignaminni leigjendum þ.m.t. námsmönnum, öldruðum, fólki með fötlun og skjólstæðingum félagsþjónustu sveitarfélaga.

Umsóknir húsnæðisbóta Á tímabilinu janúar 2018 til loka október 2018 námu virkar umsóknir um húsnæðisbætur þar sem húsnæði var annað hvort í eigu ríkis eða sveitarfélags eða í einkaeigu, samtals 14.629. Flestar umsóknir komu frá höfuðborgarsvæðinu samtals 9.573 eða 65,4% allra umsókna. Næst flestar umsóknir bárust frá Suðurnesjum eða samtals 1.388 umsóknir og álíka margar umsóknir 1.339 komu frá Norðurlandi eystra.

Þegar umsóknir um húsnæðisbætur eru skoðaðar eftir því hvort húsnæði er í eigu ríkis eða sveitarfélags eða í einkaeigu eftir landsvæðum kemur í ljós að hæsta hlutfall leigjenda í húsnæði í eigu ríkis eða sveitarfélags eru á Norðurlandi vestra eða 45%.

Lægst var hlutfallið á Vesturlandi en þar bjuggu 18% umsækjenda í húsnæði í eigu ríkis eða sveitarfélags.

Fréttabréf Íbúðalánasjóðs 1.tbl. 2019

Glugginn Í þessum útreikningum er miðað við lögheimili leigjanda og því eru ekki taldir með þeir einstaklingar sem leigja í heimavistum/ námsgörðum, í íbúðakjörnum fyrir fatlaða og áfangaheimilum þar sem þessir hópar geta myndað skekkju þar sem lögheimili og leiguheimilisfang þarf ekki að vera það sama.

Leigufélagið Bríet hefur starfsemi Leigufélagið Bríet hóf starfsemi 1. mars síðastliðinn. Bríet er sjálfstætt leigufélag í eigu Íbúðalánasjóðs, stofnað af norrænni fyrirmynd og er rekið án hagnaðarsjónamiða.

Bríet býður fjölskyldum og einstaklingum fjölbreytta og örugga húsnæðiskosti. Í dag á leigufélagið 251 eign og af þeim eru um 200 eignir í útleigu nú þegar. Unnið er að því að koma auðum fasteignum í útleigu. Á næstu dögum munu 10 nýjar eignir verða auglýstar til útleigu og eru þær staðsettar víðsvegar um landið.

Allar eignir sem eru lausar til umsókna eru auglýstar á heimasíðu leigufélagsins www. briet.is. Stefna Bríetar leigufélags er að stuðla að heilbrigðum og hagkvæmum leigumarkaði á landsbyggðinni. Að bjóða fjölbreytta og örugga húsnæðiskosti í langtímaleigu fyrir bæði einstaklinga og fjölskyldur.

Að rekstur félagsins verði sjálfbær og félagið sé rekið án hagnaðarsjónamiða. Bríet leggur mikið upp úr góðri og faglegri þjónustu til leigutaka sem og að sinna viðhaldi eignasafnsins á ábyrgan hátt. Bríet stefnir á áframhaldandi þróun á eignasafni félagsins sem tekur mið af tilgangi félagsins og að eiga gott samstarf við sveitarfélög landsins.

Fræðslufundaherferð Íbúðalánasjóðs Eitt af meginhlutverkum húsnæðissviðs Íbúðalánasjóðs er að veita einstaklingum og fjölskyldum á Íslandi hlutlausa og heiðarlega fræðslu og ráðgjöf í húsnæðismálum. Á næstu vikum mun Íbúðalánasjóður efna til fræðslufundarherferðar um landið undir yfirskriftinni „Allt um húsnæðislán“. Á fundunum verður farið yfir helstu atriði sem skipta máli við húsnæðiskaup og lántöku auk þess sem helstu hugtök í fasteignaviðskiptum verða útskýrð.

Hér að neðan má sjá hvar fundirnir verða haldnir en nánari upplýsingar um tímasetningar má finna á heimasíðu Íbúðalánasjóðs www.ils.is

Fundarstaðir: 23. maí Höfn

Nýheimar, Litlabrú 2

28. maí Sauðárkrókur Kaffi Krókur, Aðalgata 16

28. maí Akureyri Naust, Hof

5. júní Egilsstaðir

Austurbrú Vonarlandi, Tjarnarbraut 39e

11. júní Selfoss

Fjölheimar, Tryggvagata 13

12. júní Grundarfjörður

Samkomuhús Grundarfjarðar, Sólvöllum 3