Kjelda
Årgang 10, nr 3 - 2001
Fotograf Nils Olsen Reppen I serien om dei historiske fotografane frå fylket vårt, er vi denne gongen komen til fotograf Nils Olsen Reppen frå Sogndal. Nils Olsen vart fødd på garden Reppen i Sogndal i 1856, og døydde i 1925.
Nils Olsen Reppen hadde kamera med seg ute på reiser og. Mellom anna
21
Historiske fotografar Av Arild Reppen
Nils Olsen Reppen var gardbrukar og fotograf. Det var mange fotografar på den tida som hadde fotograferinga som ekstrainntekt ved sida av gardsbruk eller anna næring. Og slik som mange andre, reiste Nils til Amerika. Det gjorde han i 1895, men han kom tilbake nokre år seinare. 350 glasplatenegativ etter fotografen er sikra i Fylkesarkivet sine fotomagasin. Desse negativa er no digitaliserte. Etter kvart skal dei og verte tilgjengelege i databasen vår på internett. I første omgang skal dei nyttast til identifisering av motiva. Berre nokre få bilete i samlinga er registrerte til no. Digitalisering av samlingar har kome til som eit særs nyttig verkty i arbeidet med identifisering og registrering. Med utgangspunkt i desse bileta, er det mogleg å lage katalogar som kjentfolk kan bla i. Bileta i samlinga er frå ulike stader. Mange frå Sogn, men det ser ut til at finst nokre bilete av ei stor kyrkje eller ein katedral som vi enno ikkje har identifisert. Det finst nokre perler i samlinga, i kategorien folkelivsskildringar. Eit slikt bilete er det vi presenterer ovanfor med ein okse i framgrunnen. I kva høve biletet er teke veit vi ikkje, men motivet er i alle høve flott fanga inn av fotografen.
Kan hende nokon av lesarane veit noko om dette biletet ovanfor, og det fine gruppebiletet til venstre? Ta kontakt med meg: Arild Reppen, tlf. 57 86 51 24.