vidaregåande skule ‘Firda – meir enn ein skule...
rs pe kt D an s • D an s i pe • t et dr ei dd ei Br ol og i • in g • E rå k og ku lt ur • Bi p og be dr if ts ut vi kl sp ka rs ns nø ke re ik ep nt tr A • En • si kk ge ls k A kt iv itet sl æ re a og sa mfu nn • En åk • Fr ilu ft sl iv • Fy m pr ra ds D an • a am m Fr ra • D • g r fa og sa m rm gj ev in gs D an sete kn ik ka • ID R ET T • Id rett fi rm gi vi ng sf ag • Fo so Fo lo fi • e og ls ge rie to ve is be m sp ill to rie • H go no m i og In st ru m ent, ko r, sa en in g i da ns • H is • tr g nn iin ru G le • i og af n gr jo eo ks G eofa g • G tt in g • M ar kn ad s ol og i • In st ru Ly kn • te g ns jo lin ik as tv rm ru fo ia In Le • øv in g • un n • Id rett sf ag M us ik k i pe rs pe kt og ku lt ur • Krop ps • n k jo ik as us ik M un • m m ap sk Ko n jo ns ku nn ta lie ns k • Kj em i • ed ie - og in fo rm as k, in di vi d og sa mfu M ik • lit k Po ik • at i m em no at M ko rin gs liv sø ør in g og le iin g • rs le • Sa mfu nn sf ag fa g • N or sk • N æ Rø ur • at re N æ • sl A tt M A Re R • D an s n og et ik k M U SI KK , DA N S, IA LI SE R A N D E • Sp og sp rå k • Re lig io ES iv SP el IE is D Re U • ST g • fa al ng bl e fo rd yp ni Psykol og i • Re ls e • Te ateren se m ns • Sc en is k da ns ge da ve k be is og en Sc er • at i Te m • Ty s pe kt iv • Sa mfu nn sø ko no g • Tren in gs læ re iin om i • Te ater i pe rs le on gs øk in og en Tr ag • sf tt nn pp id re Sp rå k, sa mfu fo rs ki ng sl æ re • To og i og ol kn Te • on Te ater prod uk sj
FIRDA VIDAREGÅANDE SKULE STUDIETILBOD 2014 - 2015
Kjære søkjar Du sit no med skulebrosjyren til Firda vgs mellom hendene. Vi har laga denne brosjyren for å fortelje deg om skulen og dei undervisningsprogramma vi kan tilby skuleåret 2014-2015. Firda er ein skule med lange tradisjonar og ei flott skulehistorie. Her samlast ungdomar frå heile fylket. At ungdom kjem saman frå ulike kantar av fylket gjer at Sandane og Firda har eit spesielt skulemiljø. Trivselen blant elevane er god. Dette skuldast ikkje minst alle dei arrangementa og aktivitetane som er på skulen gjennom eit år. Haustfest, filmfestival, russerevy, konsertar, turneringar, musikalar, konferansar, open skule, open hall, Gloppen scene m.m. Det er utruleg mykje å oppleve gjennom eit skuleår på Firda. Omtale av utdanningsprogramma våre skuleåret 14-15 finn du i brosjyren. Her er spennande utdanningar som gjev deg solid kompetanse for vidare utdanning og arbeid. Vi som arbeider ved skulen ynskjer både å utfordre og å legge til rette for gode læringssituasjonar. Dette skjer gjennom undervisning, deltaking i demokratiske organ, deltaking i organisasjonsarbeid og gjennom dialog mellom elev og lærar. Vi vil gjere det vi kan for at du skal få ei god tid på Firda, og for at du skal få oppleve noko av det som mange hundre ungdommar har opplevd før deg, Firda-meir enn ein skule. Vi vil med dette ynskje deg hjarteleg velkomen til 3 år på Sandane og Firda Helsing Hallgeir Hansen, rektor
Studietilbodet 2014 / 2015 Tilbodet som vert lyst ut på Vg1 ved Firda vidaregåande skule i skuleåret 2014/2015 er: • Studiespesialiserande • Idrettsfag • Musikk, dans, drama
Du finn meir informasjon om skulen på
www.firda.vgs.no
Her finn du og lenker til vsidene våre på Facebook.
Utdanningsprogram
Studiespesialiserande Studiespesialiserande utdanningsprogram legg grunnlaget for vidare studium ved høgskular og universitet. Nokre studium ved universitet og høgskular krev at ein må ha visse fag for å kome inn. Desse fagkrava er viktig å gjere seg kjend med tidleg, då det kan vere avgjerande for kva fag du bør velje i 2. og 3.klasse. Du kan lese meir om spesielle krav på heimesida til Firda. Programfag • På Vg1 er alle faga fellesfag, det vil seie at du her ikkje skal velje mellom fag her.
• På Vg2 og Vg3 skal du velje fordjuping i to fag innan eitt av programområda «Realfag» eller «Språk, samfunnsfag og økonomi». Du skal velje minst tre programfag på Vg2 og Vg3. Det tredje programfaget kan du velje fritt frå alle studieførebuande programområde, og du kan bytte ut dette faget med eit anna på vg3. Du kan også fritt velje eit fjerde fag om du ønskjer det. • Vi tek atterhald om endringar i programfagtilbodet. Det kan vere naturleg å endre tilbodet ut i frå elevsøking og ressursar.
Tilleggspoeng: Når du skal vidare på høgskule eller universitet er det hard kamp om plassane. Då kan det vere lurt å ha skaffa seg tilleggspoeng. Ein kan oppnå inntil fire tilleggspoeng: Ein får 1 tilleggspoeng for kvart av realfaga matematikk R2 og fysikk 2 og for programfaget framandspråk III. Andre programfag frå programområde for realfag og programfag i framandspråk med et omfang på 140 timer eller meir gjev 0,5 tilleggspoeng.
2. framandspråk på Firda Undervisning i eit andre framandspråk, ved sidan av engelsk, er obligatorisk på alle studieførebuande utdanningsprogram. Her på Firda tilbyr vi fransk, spansk og tysk som andre framandspråk. - Med 2. framandspråk på ungdomsskulen – og her tel ikkje engelsk fordjuping – kan du anten halde fram med det «gamle» språket ditt på nivå II (spansk eller tysk); eller du kan begynne på eit nytt språk på nivå I - Utan 2. framandspråk på ungdomsskulen må du ha spansk (nivå I og II) i tre år på Firda
Programfag du kan velje på Firda på vg2 og vg3 Programområde
VG2
VG3
Realfag
Matematikk 1
Matematikk 2
Kjemi 1
Kjemi 2
Fysikk 1
Fysikk 2
Biologi 1
Biologi 2
Informasjonsteknologi 1
Informasjonsteknologi 2
Engelsk
Engelsk
Medie- og informasjonskunnskap 1
Medie- og informasjonskunnskap 2
Marknadsføring og leiing 1
Marknadsføring og leiing 2
Sosiologi og sosialantropologi
Politikk og menneskerettar
Språk, samfunnsfag, økonomi
Entreprenørskap og bedriftsutvikling 1 Entreprenørskap og bedriftsutvikling 2 Valfrie programfag på andre studieretningar
Breddeidrett 1
Breddeidrett 2
Toppidrett 1
Toppidrett 2
Friluftsliv 1
Friluftsliv 2
* Spansk: om du ikkje hadde 2.framandspråk i grunnskulen må du ha Spansk i 3 år på Firda vgs.
Steffen Hope - elev 2003-2006 Har teke mastergrad i historie ved NTNU, skriv doktorgradssøknad no.
- Eg valde engelsk som programfag på grunn av mi interesse for språk, og dette har lagt grunnlaget for akademisk arbeid ved universitetet. I mitt seinare studieløp har eg både lese og skrive avanserte engelske tekstar, samt teke delar av master-
graden ved universitetet i York. I løpet av mine år på universitetet har eg teke fleire engelskfag, og eg merka frå starten av at dette vart mykje lettare på grunn av den solide bakgrunnen eg fekk på Firda.
Erling Sande – elev 1994-1997. Stortingsrepresentant 2005-2013, cand.mag i historie, samfunnsgeografi og samanlignende politikk.
– Det var i løpet av Firda-tida at eg for alvor vart samfunnsengasjert. Gjennom samfunnsfagleg fordjupning med engasjerte lærarar – og diskusjonar med medelevar fekk eg kunnskap som har vore svært viktig for meg seinare. Men langt viktigare: som elev på det som no er studiespesialiserande på Firda vart
eg saman med elevar på andre studieretningar ein del av eit kreativt miljø, hadde utrulig mykje moro både i og etter skuletid og knytte venskap som kjem til å vare livet ut!
Realfag
Språk, samfunnsfag og økonomi
MATEMATIKK • KJEMI • FYSIKK • BIOLOGI • INFORMASJONSTEKNOLOGI
ENGELSK • MEDIE- OG INFORMASJONKUNNSKAP • MARKNADSFØRING OG LEIING POLITIKK OG MENNESKERETTAR • SOSIOLOGI OG SOSIALANTROPOLOGI • ENTREPRENØRSKAP
Med realfag står alle dører opne for deg. Samfunnet har eit stort behov for realfagskompetanse, og du kan velje mellom ei rekkje vidare studiefelt. Firda vgs har lange og gode tradisjonar for å levere frå seg dyktige realfagselevar. Kvart år deltek Firda i ulike realfagskonkurransar, og vi har mange elevar som har vore i nasjonale og internasjonale finalar. Realfagssenter Det er ei spennande satsing på realfag på Firda vgs. Som eit ledd i denne satsinga er det etablert eit realfagssenter ved skulen, organisert som eit Newtonrom. Realfagssenteret skal gje elevar på Firda eit best muleg tilbod, samt vere eit ressurssenter for andre skular i regionen. Skulen har eit godt samarbeid med lokalt næringsliv rundt denne satsinga. Gjennom realfagssenteret er det etablert ei rekkje tiltak og samarbeidsprosjekt:
Øystein Wergeland - elev 2000-2003 Sivilingeniør i teknisk kybernetikk ved NTNU Senior geofysiker i Statoil
Realfagsveka: arrangement som set realfag på dagsorden med skulebesøk i grunnskulen. Lektor2: Gjennom denne ordninga nyttar vi kompetanse frå næringslivet i undervisninga. Energidagar: Spesialsydd temadag for 10.trinn med besøk på Firda vgs, museet og SFE. NAROM-node: Nyoppretta samarbeid med Nasjonalt senter for romrelatert opplæring. Newtonmodular: Undervisningsopplegg på Newtonrommet-tilbod til skular i regionen. Utvikling av nye undervisningsopplegg gjennom kompetanse knytt til realfagssenteret. Mattehjelp på Firda vgs og u-skule, lagt opp som entreprenørskapsarbeid for elevar i 3. klasse Forskarskule for barnetrinn på kveldstid. Realfagssenteret sikrar Firda-elevane godt og nødvendig utstyr til undervisninga, som og er tilgjengeleg for våre samarbeidspartnarar i det lokale næringslivet.
- Det var på Firda eg vart inspirert til å satse vidare på realfagsstudium. Gode lærarar og medelevar gjorde at eg tidleg bestemte meg for å satse på NTNU. Eit spennande studium med robotar og programmering på NTNU førte meg vidare til jobb i Statoil. Her er eg ein del av fleire store prosjekt der vi prøver å finne
ressursar til verdi av mange milliardar kroner. Eg er også ALFA rollemodell, og var i den samanhengen på Firda med eit motivasjonsforedrag i samband med Realfagsveka 2013. Det er alltid kjekt å komme tilbake til Firda på besøk, spesielt i ei slik samanheng.
På Firda vgs er det ei rekke programfag du kan velje mellom innafor programområdet «Språk, samfunnsfag og økonomi». Vi prøver å leggje til rette for at elevane får valt dei faga dei ønskjer. Programfag Engelsk er eit viktig basisfag for alle som skal gå vidare til universitet og høgskuler, nesten uansett kva du vel å studere. I mange yrke vil du møte engelsk som arbeidsspråk, og det vil vere ei god investering å skaffe seg god kompetanse i dette verdsspråket. På vg2 har vi «Internasjonal engelsk» med tema som internasjonale medium og nyhender, utdanning og arbeid i utlandet, internasjonale utfordringar, og kulturforståing. Eit viktig mål er å lære korleis vi kan kommunisere på tvers av forskjellige kulturar og verdigrunnlag. På vg3 står valet mellom «Samfunnsfagleg engelsk» og «Engelskspråkleg litteratur og kultur».
Hanne Støylen – elev 2005-2008 Studerer no til sivilingeniør innan elektrisk energiteknikk og smarte nett ved NTNU
Språkseksjonen Det å meistre språk er blitt viktig i dagens samfunn. På Firda har vi eit internasjonalt preg på språkseksjonen. Lærarane kjem frå Spania, Tyskland, Finland og Norge, alle med høg kompetanse i fleire språk. Kvart år markerer vi den europeiske språkdagen med eit arrangement for heile skulen, og internasjonalisering har stort fokus. Utveksling med Italia og studieturar til fleire land i Europa er blant dei prosjekta vi ønskjer å vidareføre for våre nye elevar.
– Eg valde engelsk som programfag i 2. og 3. klasse fyrst og fremst fordi eg tykte det var eit spennande fag, men og fordi eg tidleg såg nytten av å fordjupe meg i eit språkfag. Eg visste heile tida at eg skulle ta høgare utdanning, og ville vere så godt forberedt som mogeleg. Eg meiner at eg oppnådde dette gjennom
den fagkombinasjonen eg valde. Sidan eg ville bli ingeniør hadde eg sjølvsagt flest realfag, men engelsk programfag gav meg ei fagleg breidde.
Språk, samfunnsfag og økonomi ENGELSK • MEDIE- OG INFORMASJONKUNNSKAP • MARKNADSFØRING OG LEIING POLITIKK OG MENNESKERETTAR • SOSIOLOGI OG SOSIALANTROPOLOGI • ENTREPRENØRSKAP
Utdanningsprogram
Musikk, dans, drama
Samfunnsfagleg programområde Firda vgs har lange tradisjonar for å fostre samfunnsmedvitne og engasjerte elevar. Her kan du få nyttig bagrunn som legg grunnlaget for ei djupare forståing av samfunnet og verda rundt deg, og som gir deg verktøy til å delta aktivt i samfunnsdebatten og å påverke framtida. Faget Sosiologi og sosialantropologi lærer deg om forholdet mellom individ og grupper, -eit grunnlag for å forstå menneskleg atferd og val. I faget Politikk og menneskerettar får du fordjupe deg i politikk, både nasjonal og internasjonal. Felles for begge desse faga er samfunnsengasjement. På heimesida vår finn du meir informasjon om programfaga. Spesialtilpassa medietilbod Firda vgs har bygd opp høg kompetanse innafor mediefag. Skulen ønskjer å bygge vidare på denne kompetansen og legg til rette for at elevane på studieførebuande får eit spesialsydd tilbod med medierelaterte programfag. Gjennom denne satsinga ønskjer vi å vidareføre dei gode tradisjonane skulen har med entreprenørskap og ungdomsbedrifter knytt opp mot Mediesenteret ved Firda vgs og Qfilm.
Tiril Seppola Reed - elev 2007-2010 Generalsekretær i Elevorganisasjonen, elevane sin eigen organisasjon som skal ta vare på deira interesser.
Gjennom eit nært samarbeid med Mediesenteret ved Firda vgs, tett samarbeid mellom dei ulike faga, og spesifikke kurs i foto, lyd, film og fleirkameraproduksjon gjennom «Open skule», vil vi kunne tilby våre elevar eit særs spennande medieretta studiespesialiserande løp. Programfaga Medie- og informasjonskunnskap, Marknadsføring og leiing, Informasjonsteknologi og Entreprenørskap vil danne ei «mediepakke», som du som elev kan velje å ta fullt og heilt eller delvis gjennom enkeltfag .
– På Firda vgs fekk eg dyrka alle interessene mine sidan eg gjekk idrettslina, men med samfunnsfaga som programfag. Balansen i desse faga var perfekt for meg. I Politikk og menneskerettar fekk vi vere med på arrangement som Europeisk Ungdomsparlament
Mediesenteret ved Firda vgs tilfører fagressursar, utstyr og eit breidt kompetansemiljø til skulen, og er ein viktig aktør i fylket si filmsatsing mot barn og unge, mellom anna gjennom nettstaden filmhjelp.no. Senteret har også ei kommersiell side som gir elevane våre reell arbeidserfaring innafor mediefag. Mediesenteret har og fungert som ein plattform for entreprenørskap for elevane på MK. Vi vil leggje til rette for at elevar på studiespesialiserande kan dra nytte av Mediesenteret sin kompetanse, og vidare-utvikle dei mulegheitene som ligg i dette.
og vi hadde besøk av relevante gjester. Dette gjorde at eg fekk lyst til å prøve meg i organisasjonslivet, noko eg er svært glad for i dag. Ein utviklar seg mykje i løpet av åra på vidaregåande, og at mi utvikling gjekk føre seg på Firda har hatt veldig mykje å seie for meg!
Firda vgs er den einaste skulen i fylket som tilbyr utdanningsprogrammet Musikk, dans, drama. Her får du høve til å gå på ein tradisjonsrik, moderne og velutstyrt skule med dyktige lærarar i både fellesfag og programfag. Du får opplæring i musikk, dans og drama i skulens mange spesialrom. Lærarkollegiet innan musikk, dans og drama er høgt fagleg kvalifisert, dyktige og inspirerande, og dei er engasjert i elevane sine. Vi har eit flott miljø på musikk, dans og drama, både blant lærarar og elevar. Det er tradisjon for elevane å være aktive i mange forstillingar,
Roger Allan Ivin – elev 1991-1994 Sentral i gruppa «Fabel» og «Green Granadas», har vore med på ei rekkje LP og EP-utgjevingar
studieturar, tverrfaglege prosjekt og meir. Når du har fullført opplæringa innanfor programområde musikk, dans og drama får du generell studiekompetanse, som er nøkkelen til vidare studium på høgskular og universitet. Nokre av våre tidlegare elevar har vorte skodespelarar, musikarar eller dansarar, andre har teke utdanning som musikk-, dans eller dramapedagogar. Mange har valt heilt andre retningar, som t.d. lærar- og førskulelærar, sjukepleiar eller butikksjefar. Vegane etter MDD på Firda er mange, og tre år på musikk, dans eller
Flytta til Oslo etter Firda, og arbeidde som musikar på heiltid, blant annet som medkomponist og bassist i visepopgruppa Fabel. Bandet gav ut fire kritikarroste album i perioden 1995–2002. Fabel var nominert til Spellemannprisen 1997, mottok NRK P1spris for «Årets beste norske album» to gonger, og deira siste album,
dramalina vil ruste deg for seinare studium og yrke på mange ulike måtar. Ferdigheiter i samarbeid, kommunikasjon, konfliktløysing og ikkje minst formidling, vil kome godt med seinare uansett kva ein vel å gå vidare med.
Praktisk inntaksprøve På musikklinja kan vi ta inn inntil halvparten av vg1- elevane på grunnlag av ei inntaksprøve. Det er berre søkjarar som har musikk som førsteval som får gjennomføre ei slik prøve.
Smil, fikk totalt elleve terningkast «5» frå kritikarar landet over. Ivin har vore i semifinalen i Norske talenter med bandet «Green Granadas» , han har spelt teater med Folketeateret, og gitt ut solo-EP.
Musikk
Utdanningsprogram
Musikk, dans, drama Entrepenørskap
Elevane våre arrangerer og produserer eit utal huskonsertar og andre produksjonar. Her er elevane med i heile prosessen frå idéfase til planlegging, gjennomføring og evaluering. Gjennom året reiser mange elevar rundt om i fylket på musikalske oppdrag på seminar, konferansar og andre arrangement. Desse er ein del av undervisninga. Hotell Alexandra i Loen er ein plass vi ofte får oppdrag av ulik art.
Musikal kvart år
I tredje klasse samarbeider elevane i musikk, dans, drama om å lage ein musikal. Dette er den største av alle førestillingane gjennom dei tre åra på linja. Produksjonar dei siste åra: 2014: Across the universe (musikal basert på Beatles-musikk) 2013: Mowgli (musikal basert på Jungelboken av Kipling) 2012: Lysistrata (musikal basert på teaterstykket Lysistrata) 2011: Rot (collage-forestilling over eit felles tema med innslag frå musikk, dans og drama) 2010: Kjærleikens landskap (collage-forestilling over eit felles tema med innslag frå musikk, dans og drama) 2009: Cabaret (musikal) 2008: Kurt Weill 2007: Carmina burana (av Carl Orff)
Irlin Renate Engebø – elev 2006-2009 Jusstudent
Produksjonar i skuleåret 2012/13:
• Jubileumskonsert (Firda 90 år) • Konsertar i Nordstranda barnehage • Adventskonsert i Vereide Kyrkje • Musikalen Mowgli - samproduksjon MDD • Händels Messias med Opera Nordfjord • Produksjonar for DKS i Gloppen • Eksamenskonsertar i kultursalen • Huskonsertar. Ca 4 i kvart termin. • Konsrtar på Gloppen Scene • St. Sunniva Jubileet.
– Etter dramalina ved Firda studerte eg jus ved Universitetet i Oslo og Bond University i Australia. Våren 2014 er eg ferdigutdanna, og startar truleg å arbeide som jurist eller advokatfullmektig. Dramalina har vore viktig i studiet mitt, og vil bli vel så viktig i arbeidslivet. Som jurist, advokat og dommar er det mange
erfaringar frå dramautdanninga som er nyttige. På ein eller annan måte skal ein alltid fortelje ei historie. Kunnskap om korleis ein skal bygge opp ei historie og korleis ein bør legge fram ei sak er difor viktig. I tillegg blir ein bevisst på kroppsspråk og stemmebruk, noko som kan vere heilt avgjerande for ein jurist.
Musikklinja kan du søkje både om du ønskjer å leggje eit godt grunnlag for ei karriere som musikar, eller om du ønskjer å dyrke interessa di for musikk mens du skaffar deg generell studiekompetanse. Undervisning Undervisninga på musikk er vevd tett saman av musikkteori, praktiske fellesfag og individuell instrumentundervisning. Ein kombinasjon av solid handtverk og kreativitet er viktig i utøvinga av musikk - difor er
Eline Brun – elev 2010-2013 Medlem av bandet Mellow Marsh, som vart danna gjennom eit prosjektarbeid på Firda vgs.
den teoretiske basen viktig når ein jobbar med dei praktiske faga. Utstyr Elevane på musikklinja får tilgang til svært gode fasilitetar for øving. Fire store samspelsrom fullt utstyrt med PA, gitarforsterkarar, bassforsterkarar og piano/keyboard. Ni mindre øvingsrom med piano og tre klasserom med piano og gode HiFi-anlegg. Her kan det øvast og arbeidast både etter skuletid og i helgane.
– Eg går på Liverpool Institute for Performing Arts (LIPA) i England. Her byggjer eg vidare på dei gode erfaringane og kunnskapen eg har fått frå Firda. LIPA hjelper meg til å utvikle meg som songar og låtskrivar på eit profesjonelt nivå, og gir meg ein unik sjanse til å byggje eit internasjonalt musikalsk nettverk.
Skulen har også to scener med full lyd/lysrigg i Aulaen og Kulturhuset Trivselshagen. Begge scenene har konsertflygel og i Kultursalen står det eit nydeleg Steinwayflygel.
Sjå og høyr På Firda si heimeside, firda.vgs.no, finn du lenker til eksamenskonsertar og andre arrangement med musikkelevar. Du finn og lenke til Facebooksida til både skulen og musikklinja.
Erlend Apneseth Hardingfelespelar frå Jølster, og av dei beste folkemusikarane i landet. Han har samarbeid med dansegruppa Carte Blanche og vore solist med Bergen Filharmoniske orkester. Han er «månadens artist» på Riksscenen hausten 2013. Mottok prestisjetunge Grappas Debutantpris, og gav ut debutplata i oktober.
Dans
Drama
På danselinja kan du få generell studiekompetanse samtidig som du kan dyrke interessa di for dans, eller starte ein karriereveg innan dans. Undervisninga Undervisninga på danselinja består av teoretisk og praktisk undervisning. Den teoretiske undervisninga gir forståing og inspirasjon til det praktiske arbeidet. - I faget dans i perspektiv får du lære om historia til den sceniske dansen, frå utviklinga av klassisk ballett til det som skjer i danseverda her og no. I tillegg får du lære om korleis du skal lage dans sjølv. - I grunntrening dans får du lære om anatomi, tøying, trening av kondisjon og styrke, i tillegg til kosthold og ernæring. - I danseteknikk får du trene deg opp i dei tre sjangrane klassisk, jazz og moderne. - I scenisk dans fordjuping får du vere med å øve inn stykke som skal framførast, anten på interne visningar på skulen, på eksterne arrangement, eller ved andre anledningar der vi får spørsmål om vi kan bidra.
Marte Halse – elev 2004-2007 Psykologistudent
Lokala våre I 2008 flytta vi inn i eit flott nybygg der vi har to lyse salar med speglar og flytande golv (golv med svikt i, for å unngå slitasjeskader). I den største av salane har vi lysrigg, slik at vi kan sette scenelys når vi arrangerer mindre visningar. Salane ligg vegg i vegg med Kultursalen, så vegen er kort frå arbeid i sal til arbeid på scene. Ekskursjoner og workshop Danselinja har vore på ekskursjonar til festivalen Oktoberdans i Bergen, og til Oslo. Begge stader har elevane fått sjå førestillingar og deltatt på workshops. Vi arrangerer også workshop på skulen, der vi inviterer profesjonelle dansarar eller koregorafar til å halde kurs for elevane. Prosjekt og produksjonar Scenisk erfaring er ein viktig del av det praktisk arbeidet på danselinja. Gjennom små og store førestillingar vert evna til å formidle dans styrka. Prosessen med å arbeide fram sceniske visningar vil gi mulighet for kreativt arbeid og for å utvikle ditt personlege uttrykk.
– Først og fremst var det å gå på danselinja noko som gjorde tida mi på Firda meir veridfull. I tillegg til å få studiekompetanse, fekk eg utfalde meg kreativt og vere i lag med menneske, både elevar og lærarar, som var interesserte i kunst og kultur. Kvardagen blei meir innhaldsrik. I tillegg fekk
eg sjølvsagt utvikla mine eigne evner innan dans og fekk utvida mi interesse for dansing…
Likar du å stå på scena og opptre? Tykkjer du det er kjekt å spele roller? Og likar du å lage teater saman med andre? Då er dramalina på Firda noko for deg! Det viktigaste er at du har interesse for faget og at du likar å drive med det. Det er ein fordel om du tidlegare har delteke i teateroppsetjingar, men det er ikkje noko krav. Vel du drama vil du få utvikle kreativiteten din, og du vil heile tida få nye utfordringar. Også evnene dine til samarbeid og samhandling med andre vil verte stimulert. Dei praktiske faga på dramalina Utdanningsprogrammet drama inneheld både teoretiske og praktiske programfag. Dei praktiske faga Teaterensemble, Teaterproduksjon, Teaterproduksjon fordjuping og Teater og rørsle. Du vil i løpet av tre år få opplæring i grunnleggjande skodespelarteknikkar, dvs. at du vil få prøve ut ulike spelestilar og tilnærme deg roller på ulike måtar. Du vil også få opplæring i tema som t.d. improvisasjon, maske, mime, akrobatikk og scenekamp. Alle tre åra vil du få vere med på større eller mindre teaterproduksjonar, anten stykke som vi lagar sjølve, eller skrivne manus. Tekstanalyse og iscenesetjing er stikkord her. I tillegg til dette lærer du om lys, lyd, kostyme, sminke, scenografi og rekvisittar.
Fredrik Høstaker – elev 2006-2009 Student på Bårdarakademiet. Musikalsartist, klar for Chat Noir.
Musikal og revy Kvart år samarbeider 3.klasse Musikk, dans og drama om eit felles prosjekt, nemleg ein musikal. Den vert spelt på scena i kultursalen i Trivselshagen. Vi har t.d. sett opp musikalane: Cabaret, Lysistrata og Mowgli. I februar 2014 vil vi vise Across the universe, ein musikal med musikk av Beatles. I tredje klasse vert det laga russerevy på Firda, og elevar frå alle programområda på skulen er med. Dramaelevane brukar å vere sentrale i dette arbeidet, både innanfor organisering, tekstskriving og som revyskodespelarar. Dei teoretiske faga I faget Teater i perspektiv vil du få lære om teaterhistoria, og du vil få ei generell innføring i teaterteori og -analyse. Vidare vil vi sjå profesjonelt teater for på den måten å øve opp evna til kritiske tenking, og for å få fine opplevingar som kan gje inspirasjon til eige teaterarbeid. I faget Drama og samfunn i tredje klasse vil du gjennom teori og praksis få innblikk i korleis ein kan bruke drama som metode for å lære andre fag. Du og medelevane dine lagar undervisningsopplegg som de får prøve ut i praksis i barnehagar og i grunnskulen.
– Då eg var tretten år og skjønte at eg skulle bli skodespelar, var det berre eitt val som gjaldt. Dramalinja på Firda har hatt alt å seie for kvar eg er i dag. På dramalinja på Firda fekk eg dybden eg søkte. Eg fekk stor friheit til å utforske min eigen stil, og fekk heile tida god evaluering og rettleiande kritikk. Men det er ingen
koselinje, for alt er basert på disiplin og samarbeid. Etter Firda begynte eg på Romerike fhs på teaterlinja, og så vidare til musikkteaterlinja på Bårdar Akademiet. No jobbar eg som musikalartist i fleire produksjonar, blant anna «A Chorus Line» som skal opp på Chat Noir i 2014.
Utdanningsprogram
Idrettsfag Leiarutdanning Tar du idrettsfag får du ei god og attraktiv leiarutdanning. Opplæringa, saman med praktisk arbeid, vil gje deg ballast og erfaring som du vil kunne dra nytte av i ulike samanhengar resten av livet.
Treningsforhold og anlegg Med anlegga i og rundt Trivselshagen, har Firda heilt fantastiske treningsforhold til dei fleste idrettar. På heimesida til skulen kan du sjå nærare på tilbodet Firda-elevane kan nytte.
– Ein aktiv kvardag Idrettsfag gir deg generell studiekompetanse, og kan vere inngangsbilletten til vidare studiar på universitet og høgskular. Idrettsfag kan du velje om du vil vidareutvikle deg som idrettsutøvar, både på topp- og mosjonistnivå, eller om du ønskjer ein skulekvardag der du kan vere meir fysisk aktiv. Idrettsfag ved Firda vgs har lange tradisjonar for å leggje til rette for ein god
balanse mellom topp- og breiddesatsing. Lærarar med høg fagkompetanse, stor allsidigheit i tilbodet, tett samarbeid med lokalmiljø og ein unik anleggssituasjon legg forholda godt til rette for tre spennande år. Vi legg vekt på å byggje og vedlikehalde eit godt læringsmiljø, trivsel og tryggleik for elevane. Turar og ekskursjonar er viktige faktorar i ein slik samanheng. Her byggjer vi venskap for livet!
Bilete og video På heimesida vår finn du bilete og videoar som gjev deg eit inntrykk av livet på idrettslinja. Sjå også på teknikkvideoane som fotballgjengen har produsert for STIL Fotball i samarbeid med Mediesenteret på Firda.
Firda Toppidrett – tilbod for utøvarar som satsar! I tillegg til ein allsidig profil, ynskjer skulen å leggje til rette for elevar som satsar på idretten! Vi har no eit toppidrettstilbod innan handball, fotball, friidrett, vektløfting og turn. Her får utøvarar oppfølging på trening i idretten fleire økter i veka, i tillegg til arbeid med treningsplanar, mental trening osv. Vi samarbeider tett med mange lokale idrettslag: Gloppen Handballklubb, Gloppen Friidrettslag, STIL fotball og BBIL/Fj.Vereide volleyball.
Dette skuleåret startar vi opp med «heildagsskule» for friidrett kvar torsdag. Her får utøvarane servert middag på skulen og tilrettelegging for skulearbeid fram til treningsøkta startar om kvelden. Med over 260 medaljar frå nasjonale og internasjonale meisterskap til idrettslinjelevar ved Firda, kan ein trygt seie at Firda i samarbeid med idretten i Gloppen veit kva toppidrett er!
Programfag på idrettslinja som ein kan velje uavhengig av linje: Toppidrett Ønskjer du å satse målretta og bevisst på å utvikle deg i idretten din? Då kan du gå i fotspora til folk som Oddbjørn Hjelmeset og Rune Bolseth. Systematisk treningsarbeid i samarbeid med klubb står sentralt. Breiddeidrett I dette programfaget får du fordjupe deg i to idrettar. I tillegg står allsidigheit sentralt. Variasjon i treninga kan vere til inspirasjon og glede. Friluftsliv Programfag friluftsliv vil gje deg brei erfaring og varierte opplevingar i den flotte naturen i Nordfjord. Bre- og toppturar, båtliv, jakt og fiske står sentralt.
«Open skule» Brosjyren er produsert av Firda vgs Mediesenter
«Open skule» er eit viktig miljøtiltak på Firda vdaregåande skule. Dette er ein trygg og god møteplass både i og etter skuletid. Det er ein stad der du kan slappe av eller ta del i mange spennande arrangement og aktivitetar. «Open skule» byr på kveldsmat, middag, innebandy, zumba, swingkurs, capuera, quizkveldar, leksehjelp, klatring, biljard, diverse spel og anna. Miljøkoordinator ved skulen, Liv Ingunn Holvik, er kjernen i Open skule, og «reservemamma» for dei fleste Firda-elevar.
Liv og «Open skule» ønskjer deg velkomen til Firda. Opningstider skuleåret 2013/2014: Måndag 17.00-22.00 Tysdag 17.00-22.30 Onsdag 17.00-22.00 Ut over dette har elevane alltid tilgang til lokala til «Open skule» og skulen elles.
På skulen si heimeside finn du meir informasjon om fag og livet på Firda. Her finn du og lenker til skulens sider på Facebook, eller du kan søkje opp «Firda vgs - meir enn ein skule». Lik og hald deg oppdatert på kva som skjer. Heimeside: www.firda.vgs.no Epost: postmottak.firdavgs@sfj.no Telefon: 57 82 53 20 Firda vidaregåande skule Postadresse: Firda vgs, Firdavegen 21, 6823 Sandane