No adda didigra, kumaro iti panagdanag, panagbuteng, panagliday, panagpungtot, wenno panagupday dagiti tat-tao. Babaen ti tulong ti komunidad ken pamilia, makabael ti kaaduan kadatayo nga agsubli iti dati a kasasaad. Nupay kasta, mabalin a kasapulan ti dadduma ti kanayonan a tulong tapno madaeran dagiti dagdagos a mapaspasamak.
Iti Linya ti Tulong iti Kalamidad (Disaster Distress Helpline (DDH)) iti kakaisuna a linya ditoy pagilian a naidedikar iti panangted iti linawas a panangbalakad maipapan iti didigra. Daytoy ket libre, adu’t pagsasaona a sumupsuporta kadagiti krisis ket magun-odan 24/7 iti siasinoman nga adda iti US ken dagiti lugar nga agpaspasar iti emosional a panagsagaba wenno dadduma pay a pakaseknan iti salun-at ti panunot gapu iti natural a didigra wenno didigra nga aramid ti tao.
Babaen kadagiti serbisio ti panagpatarus ti maikatlo a partido, ti DDH (1-800-985-5990) ket mabalin a mangkonektar kadagiti umawag kadagiti manangbalakad ti krisis iti nasurok a 100 a pagsasao, a pakairamanan ti Ilokano. No tawagam ti linya, ipamatmatmo laeng no ania a pagsasao ti kayatmo ken ituloy ti mamalbalakad ti makikonektar iti maysa nga agipatarus, bayat nga agtalinaed kayo iti linia.
Dagiti umawag ket makisarsarita kadagiti nasanay ken maseknan a mammagbaga manipud iti grupo dagiti sentro iti krisis iti intero a pagilian. Mangipapaay dagiti empleado ti makatulong a balakad, a pakairamanan ti impormasion maipapan kadagiti gagangay a reaksion iti stress ken nasalun-at a panangsango kadagitoy, kasta met ti panangiyallatiw kadagiti lokal a rekurso a mainaig iti didigra para iti panangaywan ken suporta.
Linya ti DDH: Tawagam ti 1-800-985-5990
Adda latta 24/7/365.
Serbisio ti panangipatarus nga aggapu iti maikatlo a partido ti mangkonektar kadagiti umawag kadagiti manangbalakad ti krisis iti nasurok a 100 a pagsasao, a pakairamanan ti Ilokano.
DDH Videophone para kadagiti Agar-aramat iti ASL
Para kadagiti Tuleng wenno saan unay a makangngeg ken para kadagiti Lengguahe iti Senyas iti Amerika (American Sign Language (ASL)) ti kangrunaan wenno kaykayatda a lengguahe, usarem ti gadyetmo nga mabalin iti tawag iti video tapnu tumawag iti 1-800-985-5990 wenno i-click-mo ti "ASL Now" iti disasterdistress.samhsa.gov tapno makakonekta iti empleyado iti krisis iti DDH a nalaing iti ASL.
No ti sabali a Lengguahe iti Senyas (Sign Language) ti kangrunaan wenno kayatmo a lengguahe, mabalinmo latta a kontaken ti DDH VP, ken mabalin a makikomunikar latta kenka dagiti empleadomi iti ASL.
DDH SMS: Iteksmo 1-800-985-5990
Adda latta 24/7/365, iti Ingles ken Espaniol laeng; mabalinka nga agteks kadakami no limitado ti pannakaammom iti Ingles.
Agaplikar dagiti regular a bayad ti teks / bayad iti data (sigun iti linya iti teleponom).
Dagiti Komunidad a Mangipapaay Kadagiti Suporta iti Online DDH
Adda pribado a grupo iti Facebook a pakikonektaran dagiti tattao ditoy U.S. nga naapektaran iti nadumaduma nga krisis tapno agtitinnulong ken suportaranda ti maysa ken maysa bayat ti panagpaimbag.
Dagiti grupo ket iti Ingles, ngem no saan nga Ingles ti umuna a saom, mabalinmo latta ti makikadua ken usarem dagiti naipasdek a pagipatarusan iti Facebook tapno makipasetka kadagiti panagsasarita ti grupo.
Para iti ad-adu pay nga impormasion ken tapno maammuan no ania dagitoy a grupo ken no kasano ti makikadua, bisitaen ti: https://strengthafterdisaster.org/peer-support/ (iti website ket Ingles ngem mabalin nga ipatarus babaen kadagiti browser extensions).
