Ke loa‘a kākou i ka pō‘ino, pi‘i koke ko kākou ha‘alulu, hopohopo, kaumaha, huhū a mana‘o pilihua hou a‘e nō paha. Me ke kāko‘o nō o ko kākou mau hoa a me ka ‘ohana, ola kākou. Akā nō na‘e, he pono nō paha ke kōkua hou aku no kekahi po‘e e malu hou ai ko lākou pō‘ino a me ka pōpilikia.
‘O ka laina kelepona Disaster Distress Helpline (DDH) ka laina kōkua ho‘okahi wale nō o ke aupuni no ke kāhea no ke kōkua a me ke a‘oa‘o ‘ana mai ka ho‘omaka ā hiki i ka pau ‘ana o ka makahiki. Ua ka‘awale kēia helu kāki ‘ole he 24/7 ma nā ‘ōlelo like ‘ole nō no ke kōkua ke loa‘a ‘oe i ka pō‘ino a pilikia kou noʻonoʻo ma muli o nā pō‘ino a i ‘ole ka ulia na ka lima o kānaka ma ‘Amelika a i ‘ole kona mau kelikoli.
Loa‘a ka hui kōkua no ka māhele ‘ōlelo, ‘o ka DDH (1-800-985-5990), na kēia papa hana e ho‘ohui aku i nā kānaka i nele i ke kōkua ʻole me nā limahana a‘oa‘o ma nā ‘ōlelo he 100 a ‘oi, ‘o ka ‘Ōlelo Hawai‘i nō kekahi. Ke kelepona ‘oe i ka laina kelepona, e hō‘ike mai ‘oe i ka ‘ōlelo e unuhi ai a na ka limahana a‘oa‘o e ho‘ohui iā ‘oe me ka mea māhele ‘ōlelo, iā ‘oe nō ma ka laina.
Ho‘ohui ‘ia ka po‘e kelepona mai me nā limahana a‘oa‘o i a‘o ‘ia i ka hana i nui ko lākou ‘olu‘olu, hana lākou ma loko o kekahi ‘oihana laulā ā puni ka ‘āina. Na nā limahana o kēia papa hana e a‘oa‘o iā ‘oe a ho‘omaopopo iā ‘oe no ka ho‘onā ‘ana i ka pōpilikia, a na lākou e kuhikuhi aku iā ‘oe i nā kumu waiwai no ke kōkua a me ke kāko‘o.
Laina Kelepona o ka DDH: 1-800-985-5990
• Ka‘awale ka laina 24/7/365.
• Loa‘a nā hui kōkua ma ka māhele ‘ōlelo e ho‘ohui ai iā ‘oe me nā limahana a‘oa‘o pō‘ino ma nā ‘ōlelo he 100+, ‘o ka ‘ōlelo ‘Ōlelo Hawai‘i nō kekahi.
DDH Videophone no ka po‘e ho‘ohana ASL
• No ka po‘e Kuli o ka Pepeiao a pilikia ka ho‘olohe ‘ana paha, a no ka po‘e ‘o ka ‘ōlelo American Sign Language (ASL) kā lākou ‘ōlelo makuahine a ‘ōlelo makemake paha, e ho‘ohana i kāu mīkini e kelepona ai i ka helu 1-800-985-5990 a i ‘ole e kaomi ma luna o “ASL Now” ma ka ‘ao‘ao disasterdistress.samhsa.gov e hui ai me ka limahana a‘oa‘o pō‘ino o ka DDH i mākaukau ma ka ASL.
• Inā ‘o kekahi ‘ōlelo Sign Language kāu ‘ōlelo makuahine a makemake paha, oia mau nō ka hiki i ko mākou Hope Pelekikena o ka DDH, a me ko mākou po‘e limahana a‘oa‘o pō‘ino ‘ōlelo ASL ke kūkā kama‘ilio me ‘oe.
DDH SMS: Laina kikokiko 1-800-985-5990
• Ka‘awale 24/7/365, ma ka ‘ōlelo Pelekane a me ka Paniolo wale nō; hiki nō iā ‘oe ke kikokiko mai iā mākou inā ‘a‘ole mākaukau kāu ‘ōlelo Pelekane.
• Kāki ‘ia nō nā kāki kikokiko kelepona / data (e like nō me ka papa hana kelepona hele a ka mea kū‘ai).
Nā Hui Kākoʻo lolouila o ka DDH
• Nā hui Facebook e hui ai nā po‘e ā puni ‘Amelika i pō‘ino pū a pēlā e hui kūkā ai me nā po‘e ‘ē a‘e i ‘ano like nō ko lākou pō‘ino, pēlā e kōkua a kāko‘o like ai kekahi i kekahi ā lana hou ka mana‘o.
• He ‘ōlelo Pelekane nā hui, akā, inā ‘a‘ole ka ‘ōlelo Pelekane kāu ‘ōlelo makuahine, oia mau nō ka hiki iā ‘oe ke komo a ho‘ohana i nā mea hana unuhi ‘ōlelo o loko o ka Facebook e hui like ai me nā hoa o nā hui.
• No ka mea ho‘omaopopo hou iho a no ke a‘o ‘ana no nā hui i loa‘a a me ka hana e komo ai, e nānā i ka ‘ao‘ao: https://strengthafterdisaster.org/peersupport/ (ma ka ‘ōlelo Pelekane nō kēia ‘ao‘ao, akā, hiki nō ke unuhi ‘ia ka ‘ōlelo me nā mea hana o loko o ka polokalamu internet).