Thaum muaj xwm txheej kub ntxhov, tib neeg nyiam muaj kev ntxhov siab, kev txhawj xeeb, kev tu siab, npau taws, los sis lwm yam kev hnov tau nyuaj siab ntxiv tuaj. Nrog rau kev pab txhawb los ntawm zej zog thiab tsev neeg, feem ntau ntawm peb tuaj yeem thim tau rov qab. Txawm li cas los, tej zaum ib txhia yuav xav tau kev pab ntxiv los daws cov xwm txheej uas tshwm sim thiab cov kev uas tsis paub tseeb. Tus Xov Tooj Muab Kev Pab Daws Kev Nyuaj Siab Thaum Muaj Xwm Txheej Kub Ntxov (Disaster Distress Helpline, DDH) tsuas yog tus xov tooj maj ceev hauv teb chaws uas muab kev sib sab laj txog xwm txheej kub ntxhov ib xyoo puag ncig. Tus xov tooj no hu dawb, muaj ntau hom lus, muaj kev pab cuam pab txhawb xwm txheej 24/7 rau txhua leej uas nyob hauv Teb Chaws Mes Kas thiab nws tej cheeb tsam chaw uas ntsib kev teeb meem fab txoj kev xav los sis lwm cov kev txhawj xeeb txog kev noj qab haus huv fab siab ntsws uas tau cuam tshuam txog cov xwm txheej kub ntxov uas tib neeg tsim muaj los sis yeej muaj raws li ib txwm. Los ntawm cov kev pab cuam txhais lus ntawm tus neeg thib peb, tus DDH (1-800-985-5990) tuaj yeem txuas tau cov neeg hu tuaj nrog rau cov kws sab laj txog xwm txheej uas muaj ntau tshaj 100 hom lus, suav nrog [LUS]. Thaum hu rau tus xov tooj maj ceev, tsuas qhia tias seb koj nyiam hom lus twg thiab tus kws sab laj yuav txuas xov tooj nrog rau tus kws txhais lus, thaum uas neb sib tham nyob rau hauv tib tsab xov tooj. Cov neeg hu tuaj raug txuas xov tooj nrog tus neeg muaj kev kawm paub zoo lawm thiab cov kws sab laj ua hauj lwm nyob ntawm lub nev vawj ntawm cov chaw hauj lwm txog xwm txheej thoob plaws teb chaws. Tus xov tooj muab kev pab muaj cov neeg ua hauj lwm muab kev sib sab laj pab txhawb, suav nrog ntaub ntawv kev paub txog cov kev tsim ua rau muaj kev ntxhov siab raws li ib txwm thiab kev daws teeb meem txhawm rau kev noj qab nyob zoo, nrog rau cov kev xa txuas mus rau cov chaw muaj ntaub ntawv uas tau cuam tshuam txog xwm txheej kub ntxhov hauv zos rau kev rov mus saib xyuas dua thiab kev pab txhawb. DDH Tus Xov Tooj Maj Ceev: Hu rau 1-800-985-5990
DDH Sau Ntawv: Sau ntawv rau 1-800-985-5990
Qhib 24/7/365. Muaj cov kev pab cuam txhais lus ntawm tus neeg thib-3 txhawm rau muab cov kws sab laj txog xwm txheej thiab cov neeg hu tuaj sib txuas uas muaj ntau tshaj 100+ hom lus, suav nrog [LUS].
Qhib 24/7/365, tsuas yog ua Lus Askiv thiab Lus Xab Pes Niv nkaus xwb; koj tseem tuaj yeem sau tau ntawv rau peb yog tias koj tsis paub lus Askiv zoo. Tus nqi xa ntawv li ib txwm / data xoj tooj tej zaum yuav siv (saib raws li txhua tej tus neeg uas tso npe siv lub phiaj xwm siv xov tooj ntawm tes).
DDH Tham Xov Tooj Sib Pom Ntsej Muag rau Cov Neeg Siv ASL
Cov Pab Pawg Muab Kev Pab Txhawb Phooj Ywg Hauv Oos Lais Ntawm DDH
Rau cov neeg uas Tsis Hnov Lus los sis hnov lus tsis zoo thiab rau cov uas siv Lus Piav Tes Neeg Mes Kas (American Sign Language, ASL) uas yog koj thawj hom lus los sis hom lus uas nyiam siv, siv koj lub cuab yeej qhib siv tham tau pom ntsej muag txhawm rau hu rau 1-800-985-5990 los sis nyem rau “ASL Now” ntawm disasterdistress.samhsa.gov txhawm rau kom tau txuas nrog rau DDH tus neeg ua hauj lwm txog xwm txheej nyob rau hauv ASL. Yog tias lwm yam Lus Piav Tes yog koj thawj hom lus los sis hom lus uas nyiam siv, koj tseem tuaj yeem hu tau rau peb tus DDH VP, thiab tej zaum peb cov neeg ua hauj lwm txog xwm txheej ntawm ASL tseem yuav tuaj yeem sib txuas lus tau nrog koj.
Cov pab pawg ntiag tug hauv Facebook uas cov tib neeg thoob plaws Teb Chaws Mes Kas uas tau txais feem cuam tshuam tsis zoo los ntawm cov xwm txheej kub ntxhov tuaj yeem nug moo tau lwm tus los ntawm cov keeb kwm yav tag los/cov tau ntsib qhov zoo sib thooj rau kev sib pab thiab pab txhawb ncua sij hawm kev rov txhim kho kom zoo li qub. Cov pab pawg yog ua lus Askiv, tab sis yog tias lus Askiv tsis yog koj thawj hom lus hais koj tseem tuaj yeem koom tau nrog thiab siv Facebook cov cuab yeej txhais lus txhawm rau los koom nrog pab pawg sib sab laj. Rau ntaub ntawv kev paub ntxiv thiab kawm paub tej cov pab pawg uas muaj thiab txoj hauv kev los koom nrog, mus saib: https://strengthafterdisaster.org/peer-support/ (lub vev xaib ua lus Askiv tab sis tuaj yeem txhais tau nrog rau lub nplaus xawj qhov chaw txuas tawm).
Behavioral Health is Essential to Health • Prevention Works • Treatment is Effective • People Recover