courant
1 Wellington
dié
21 Desember 2016
• Free • Gratis
Wes-Kaap se #1
Bou saam met goeie nuus
Uitgawe 401
21 Desember 2016
•LEES MAAK MY WÊRELD OOP - VELDSMAN
Fynkok stel reise bekend •Jaomi Zeeman
Peter Veldsman word deur talle as Suid-Afrika se hedendaagse C. Louis Leipoldt beskou. Soos Leipoldt, word Peter met agting in koskringe bejeën en dien hy as inspirasie vir kosmense sowel as vir gewone kokke. Peter het sy nuwe kookboek, “Wat die hart van vol is”, by die Breytenbach Sentrum se kunsgalery bekendgestel. Hierdie boek is nie ‘n resepteboek nie, maar die “herinneringsreise van ‘n fynkok”. Dit word as ‘n “wydlopende herinneringsreis, deurspek met staaltjies deur een van ons land se fynkospioniers” beskryf. Peter is ‘n kenner van streekskos in SuidAfrika en het die heel eerste Galliova-toekenning as beste kosskrywer ontvang. Hy het sy opleiding in Duitsland en Frankryk ontvang en hom met sy restaurant Emily’s, ‘n kookklub en ‘n kookskool gevestig. Hy was ‘n pionier in plaaslike fynkos en het elf kookboeke geskryf. Peter het talle nasionale en internasionale toekennings vir sy werk ontvang. Hy is vir sy restaurant-wynlys vereer en het ‘n eerbewys van die internasionale Chaîne des Rôtisseurs en ‘n internasionale Gourmand-prys vir sy boek “’n Mondvol lekker” ontvang. Hy het ook onlangs die "Eat Out" se Lannice Snyman Lifetime Achievement-toekenning vir sy lewenslange bydrae tot die SuidAfrikaanse restaurantbedryf ontvang. Hy het voorwaar ‘n ryk nalatenskap in die Suid-Afrikaanse kosbedryf en -kultuur gelaat. Elmarie Rautenbach, wat by die skryf van Peter se nuwe boek betrokke was, het tydens die bekendstelling met hom in gesprek getree. “Erfeniskos het juis toe ‘n oplewing beleef en wie is ‘n groter kenner hiervan as Peter Veldsman? Ek het my moed bymekaar geskraap en hom genader met die voorstel dat ons sy lewensverhaal skryf. Hy was dadelik positief oor die voorstel en het gesê dat hy reeds ‘n paar hoofstukke in ‘n laai het,” het sy vertel. Volgens Elmarie is die konsep dadelik deur Penguin Uitgewers vir publikasie aanvaar.
Vigsdag:
Wêreld Vigsdag word sedert 1988 op 1 Desember gevier. Bewusmaking oor dié toestand is ook op Wellington hoog op die prioriteitslys. Cabsa (Christelike Vigsburo vir Suidelike Afrika) hier het onlangs ‘n sertifikaat-seremonie en dinee vir hul portuur-opleidingsprojek gehou. Hierdie groep opvoeders se getrouheid is met sertifikate vereer. Lees die volledige berig op bladsy 2. Die gehoor het aan Peter se lippe gehang terwyl hy staaltjies uit sy verlede vertel en talle kwinkslae kwytgeraak het. “Enigeen wat so mal is om in die restaurantbedryf in te gaan, moet hulle koppe laat afkap! Maar Afrikaners is mos ‘n snaakse lot, hulle is mal daaroor om op ‘n lydensweg te gaan. Elkeen wil asseblief tog net op sy eie ‘Via Dolorosa’ gaan. Dis seker maar waarom ek in die kosbedryf gebly het,” het hy met homself die draak gesteek. Hy het groot klem op die insig wat hy deur te lees opgedoen het, gelê. “Lees het vir my die wêreld van kos oopgemaak – nie noodwendig ondervinding nie. Ek het van ‘n omwenteling in die benadering tot kosmaak in Europa bewus geword en besef dat ons in Suid-Afrika ook vernuwend oor ons koserfenis moet dink. In Europa was daar ‘n kosontwaking, in Suid-Afrika het ons nog steeds met rooigevlekte beet-borde gesit. Ek wou graag die drie-gang spyskaart in ons land begin bevorder, sonder om ons erfenis te verraai,” het hy vertel. Hierdie gewaarwording het hom laat besluit om destyds ‘n reeks streekskos-artikels in Sarie te doen. “Streekskos is iets wat op ‘n spesifieke manier net op ‘n spesifieke plek, en nêrens anders nie, gemaak word. Ons moet natuurlik nog uitsluitsel oor sommige van hierdie ‘streek-
kosse’ kry. Bobotie se oorsprong en tot watter kultuur dit nou eintlik behoort is bv. iets wat nog nie uitgestryk is nie. Ons sal waarskynlik een of ander tyd moet gaan sit en ‘n paneel vorm, ‘n ‘bobotie-komitee’, om oor die herkoms van bobotie te besluit,” het hy grappies gemaak. Peter het staaltjies oor die totstandkoming van sy bekroonde restaurant, Emily’s, asook die begin van sy kookskool en kookklub vertel. Een van die interessante verhale is sy “ontdekking” van Nataniël. “Nataniël het by geleentheid vir Danielle Pascal by ‘n uitvoering wat ek bygewoon het, begelei. Ek het gesien dat hy baie talentvol is en agterna met hom gesels. Hy het my vertel dat hy graag ‘n CD wou maak, maar nie genoeg geld daarvoor het nie. Ek het hom toe een aand, saam met ‘n boervrou van Rawsonville met ‘n dik tjekboek vir ete genooi. Dit was die begin van Nataniël,” het hy vertel. Peter, wat besig is om sy stryd teen kanker te verloor, het sy gesprek op ‘n eenvoudige, maar aangrypende wyse afgesluit. “My gesondheid het die laaste twee maande baie vinnig agteruitgegaan. My eindpad het aangebreek. Dit is nie altyd ‘n maklike pad nie, maar ek loop nou my laaste draaie. "Ek sien nie kans vir ‘n laaste rit na my grootwordplaas nie, maar my as moet daar onder ‘n klip gesit word. "Ek hoop ek het ‘n nalatenskap gelos wat vir Suid-Afrika iets beteken, dat ek gehelp het om die weg te berei om Suid-Afrika se koserfenis vry te maak,” het hy gesê. “Dit sal wonderlik wees as ek in stilte my Eksodus in Afrikaans kan maak.”
NUUS • NEWS
2
NUUS • NEWS
21 Desember 2016
•OPLEIDING EN BERADING IN STRYD TEEN VIGS GEGEE
CABSA bemagtig plaaswerkers
Cabsa (Christelike Vigsburo vir Suidelike Afrika”) het onlangs ‘n sertifikaat-seremonie en dinee vir hul portuur-opleidingsprojek gehou. CABSA, ‘n organisasie wat Christen Gemeenskappe ten opsigte van MIV-vaardigheid begelei en ondersteun, het ‘n paar maande gelede ‘n aksie geloods waarmee hul die plaaswerkers van plase in die Wellington-omgewing wou bemagtig deur hul portuur-opleidingsprogram. Op Woensdag 7 Desember het 18 baie opgewonde portuur-opvoeders by die saal van die Wellington Noord-gemeente opgedaag om hul sertifikate te ontvang. Hierdie sertifikate erken hul bywoning van die opleidingsessie wat oor vyf agtereenvolgende Woensdae in Augustus en September gestrek het.
Gedurende die opleiding is hulle met die kennis en vaardighede toegerus om inligting rakende MIV met familie, vriende en kollegas op die plase te deel. Hulle het ook geleer hoe om mense wat reeds met MIV leef, te ondersteun. Die werknemers van sewe verskillende plase in die Wellington-omgewing het opleiding ontvang. Hulle het van Brakfontein, Desperado, Diemerskraal, Goedehoop, Middelpos, Ongegund en Sandrivier gekom. Na hul opleiding het hulle aangehou om elke twee weke te ontmoet. Gedurende hierdie vergaderings het hulle hul ondervindings en uitdagings as portuuropvoeders ten opsigte van MIV met mekaar gedeel.
Hierdie vergaderings het ook op die beplanning van ‘n gesamentlike gesondheidsprojek wat ‘n gesonde leefstyl onder plaaswerkers in die omgewing kon bevorder, gefokus. Uiteindelik het die portuurgroep-opvoeders ‘n baie suksesvolle familie gesondheidsdag by die Bergrivier Primêre skool op die Haaskraalpad aangebied. Meer as 300 volwassenes en kinders het opgedaag en aan die aktiwiteite en vermaak deelgeneem. Gesondheidsiftingstoetes is gratis gedoen en Norsa het MIV-berading en toetsing onder die mense gedoen. Volgens Aneleh Fourie le Roux, opleidingsbestuurder by Cabsa, is al hierdie welslae ‘n bewys van die vele aspekte wat met die portuur-opvoeders se sertifikaat-seremonie
gevier kon word. “Die sertifikaat-seremonie was net die kersie op die koek van ‘n maande-lange projek wat Cabsa in Augustus geloods het,” het sy gesê. “Cabsa wil hul dankbaarheid teenoor die CHABAHIVA Trust en Otto Per Mille vir hul geldelike steun, maar ook teenoor elke werknemer wat die projek ondersteun het, elke portuur opvoeder wat sukses behaal het, Norsa, die Wellington noord-gemeente, die Departement van Gesondheid, Bergrivier Primêr en al die besighede in Wellington wat donasie gemaak het, betoon,” het Aneleh voortgegaan. Volgens Aneleh sal hierdie projek in 2017 voortgaan. Belangstellendes kan haar by 021 873 0028, 083 292 5358 of training@cabsa.org.za kontak met navrae.
Kersete:
Silwerkruin het onlangs ‘n heerlike Kersete gehou. Met hierdie geleentheid het hulle sommer dubbele heil bewerkstellig deurdat hulle nie net die jaar op ‘n gepaste, feestelike wyse afgesluit het nie, maar ook broodnodige fondse ingesamel het. Volgens Melanie Crozier, verantwoordelik vir die bemarking by Silwerkruin, is hul Kersete een van hul jaarlikse fondsinsamelingsinisiatiewe. “Ons hou dit gewoonlik aan die einde van November. In die verlede is hierdie funksie altyd by Silwerkruin self gehou. Dit het ons egter tot slegs 140 gaste beperk. Hierdie jaar het ons ons vlerke gesprei en die funksie by Nelson’s Creek Wynlandgoed aangebied. Ons kon ons kaartjieverkope, asook ons wins vir die aand verdubbel,” sê sy. “Dit was ‘n lieflike aand met keurig gedekte tafels, sang deur Tommy Oliver en die heerlikste kos.”
NUUS • NEWS
3
21 Desember 2016
•PRESTASIES AANGEWEND VIR VERDIENSTELIKE ORGANISASIES
DGB ploeg terug met fondse
Douglas Green Bellingham (DGB) het onlangs hul voorspoed en uitstekende prestasies in die wynbedryf met ‘n verdienstelike instansie in die gemeenskap gedeel. DGB se “The Bernard Series Old Vine Chenin Blanc” is in die Standard Bank Top 10 Cheninkompetisie met ‘n prysgeld van R20 000 as topChenin vereer. Hulle het besluit om hierdie prysgeld aan Sunfield Home buite Wellington te skenk. Volgens Niel Groenewald, wynmaker en bemarkingsbestuurder by DGB, is dit vir hulle ‘n voorreg en ‘n eer om hierdie prysgeld aan Sunfield Home te skenk. “Die werk wat die mense by Sunfield Home doen en die eenvoudige behoeftes en dankbaarheid van die inwoners, is iets wat ‘n mens meer nederig na die lewe laat kyk. "Dit is vir DGB ‘n eer om hierdie geld te skenk aan ‘n instansie wat ons weet ‘n positiewe bydrae in die gemeenskap en in mense se lewens lewer,” het hy gesê. Ernst Zeeman, DGB se bestuurder van sosiale programme, beaam dit. “DGB het ‘n been wat spesifiek meer op gemeenskapsprojekte fokus, naamlik die DGB Charitable Trust. "Ons het vier verskillende programme waarby ons voltyds met hierdie Trust betrokke is en Sunfield Home is een van hulle,” het hy verduidelik. Daisy Groenewald is die Dienste Bestuurder by Sunfield Home en behartig ook die kuns en kunsvlyt aktiwiteite by die tehuis. Volgens haar is dit ‘n ongelooflike gebaar van DGB en gee dit die lewenskwaliteit en
blootstelling van die inwoners by Sunfield ‘n merkbare hupstoot. “Ons doen baie kreatiewe aktiwiteite met die inwoners en het altyd materiaal en benodigdhede hiervoor nodig. "Ons wil graag vir elke inwoner sy of haar eie houer met spesifieke gebruiksitems wat by hul ontwikkelings- en vaardigheidspeil pas, gee. "Sodoende kan ons gespesialiseerde aandag aan elkeen se koördinasie en fynspierontwikkeling gee en die toepaslike stimulasie vir elkeen se unieke ontwikkeling bied,” het sy gesê. DGB se ruim skenking sal nou hierdie behoeftes aanspreek en hierdie droom ‘n werklikheid help maak. “Ons voel dat dit gepas is dat die geld vir die kreatiwiteitsontwikkeling by Sunfield aangewend gaan word,” het Niel gesê. “Daar is ‘n groot dosis kreatiwiteit met die wynmaakproses betrokke. "Met hierdie skenking hoop ons om ons voorspoed met DGB se kreatiewe prosesse te laat oorspoel na die inwoners van Sunfield. "Ons wil hiermee die parallelle wat met kreatiwiteit, oor alle grense heen, uitlig,” het hy verduidelik. Volgens Daisy is hierdie gebaar van DGB in der waarheid ‘n uitbouing van die wonderlike verhouding wat hul alreeds met Sunfield Home het. “DGB gee al ‘n geruime tyd vir ons inwoners kontrakwerk – iets wat nie net die nuttigheidswaarde van die mense versterk en hulle stimuleer en besig hou nie, maar ook iets wat ‘n baie welkome bydrae tot Sunfield se begroting lewer,” het sy gesê.
Help só om water te spaar Waterbesparing is nou noodsaaklik en kan op vele maniere gedoen word. Volgens Manuel Molefe, bestuurder van plante by Lumé Kwekery en mev. Hannie Rossouw, assistent by hierdie kwekery, is daar baie nuttige wenke om water in tuine te bespaar. Alhoewel die waterbeperkings ‘n groot invloed op
die benatting van grasperke sal hê, is daar gelukkig baie alternatiewe tuinmaakmetodes waarmee ‘n mens steeds met ‘n pragtuin in die droogte kan spog. Manuel verduidelik dat dit belangrik is om jou plante te ken en te weet hoe die son in jou tuin val.
Niel Groenewald, DGB se wynmaker en bemarkingsbestuurder met die Chenin Blanc wat die prys gewen het, by Ernst Zeeman, bestuurder van sosiale programme en Daisy Groenewald en Riëtte Fourie van Sunfield Home. “Hierdie werk wat Sunfield vir DGB doen is weer iets wat ons maatskappy baie help. Hulle is verantwoordelik vir die vou en aanmekaarsit van al ons verpakkingsmateriaal. "Al ons geskenkbokse en spesiale wynbokse
of verpakking word deur hulle gedoen,” het Niel en Ernst bygevoeg. Volgens hulle is hierdie “kruisbestuiwing” van die twee instansies iets waarop hulle in die toekoms wil voortbou.
Wanneer jy al hierdie dinge in ag neem, kan jy slim besluite neem wat baie water kan spaar. Volgens hom is daar baie plante by Lumé kwekery beskikbaar wat baie gehard is, uiterste toestande kan weerstaan en min onderhoud of water verg. “Ons vetplante kan in volson en met byna geen water oorleef. Mense moet ook nie van gewilde kruie soos laventel en roosmaryn vergeet nie. "Hierdie plante hou van volson en is nie lief vir nat voetjies nie. Hulle is ideaal vir waterwys-
tuine,” sê hy. Hannie Rossouw voeg by dat die grondbedekking in ‘n waterwys-tuin ‘n reuse-verskil aan jou waterverbruik kan maak. “Boombas is ‘n wonderlike natuurlike grondbedekking. Dit hou nie net die grond koel nie, maar verseker ook dat enige klammigheid vir baie lank in die grond bewaar word en nie sommer verdamp nie. Dit lyk boonop nog mooi ook,” sê sy.
courant
Onthou altyd die ware betekenis van Kersfees
Kersfees is 'n tyd van samesyn. 'n Tyd om saam met familie en vriende te spandeer. Om samehorig te verkeer en die vrede van die feesgety te ervaar. Kerspakkies onder die boom hou die kleinspan geïnteresseerd. Dit hou hulle soet, want "Kersvader bring net vir soet kindertjies geskenkies". So het meeste van ons seker ook gehoor, terwyl ons in afwagting gesit en waghou het by die deur. Wat is Kersfees dan nou eintlik? Is dit die geskenke? Die feesmaal? Ons storm in die winkelrakke in, opsoek na die perfekte geskenk vir sus en so. Ons spandeer geld wat ons nie het nie, net om Januarie spyt te wees oor al die fondse wat verkwis is. Is dit nie tyd dat ons terugkeer na die ware betekenis van Kersfees nie? Die viering van die Kind se geboorte. Die Kind wat ons Verlosser is. Die kommersiële sy van Kersfees, dit wat ons self daargestel het, oorheers die ware betekenis. Die geskenk van familie, vriende, vreugde en vrede hierdie tyd van die jaar, is die grootste geskenk.
Dis Goeie Nuus
NUUS • NEWS
21 Desember 2016
dié
4
Kinderhuisprojekte onontbeerlik vir goeie sorg aan inwoners Huis Andrew Murray (HAM) kon 2016 op ‘n dankbare noot afsluit. Hul laaste projek, die “Christmas Picnic Shoe Box Project”, het gesorg dat elke kind ‘n pakkie met alledaagse benodigdhede en ‘n paar bederf-items voor Kersfees kon ontvang. Volgens Karen Petersen, verantwoordelik vir die bemarking en fondsinsamelings by HAM, is die beheerliggaam, personeel en kinders by die kinderhuis ontsettend dankbaar vir die onbaatsugtige skenkings uit die gemeenskap. “Ons wil elkeen wat tot hierdie projek bygedra het opreg bedank vir die geskenke wat ons kinders hierdie jaar kon ontvang. Die gees van ‘gee’ en ‘omgee’ in ons gemeenskap word duidelik as ‘n mens by so ‘n inisiatief betrokke is,” sê sy. Dit bly egter hartseer dat daar bykans 50 kinders in HAM hierdie vakansie geen heenkome het nie en die vakansie in die kinderhuis moet deurbring. “Enigeen wat belangstel om hierdie kinders op uitstappies te neem of hulle vir ‘n dag of ‘n naweek of langer gedurende die vakansie in te neem, kan ons gerus kontak,” sê Karen. Volgens die bestuurder van HAM, Regardo Scholtz, behels hul volgende projek die insameling van skryfbehoeftes en ander benodigdhede vir die kinders voordat die nuwe skooljaar in 2017 begin.
“Die nuwe skooljaar kom nader en die hoeveelheid benodigdhede wat die begin van die skole in Januarie teweegbring, plaas ekstra druk op ons vermoëns om in elke kind se behoeftes ten opsigte hiervan te voorsien,” sê hy. “Ons is genoodsaak om hulp uit die gemeenskap te vra. Die idee met die projek is dat mense enige items uit ons lys benodigdhede kan kies en dan as geskenke aan die kinders of die kinderhuis gee. "Skryfbehoeftes, skoolklere en enige nie-bederfbare voedsel vir skoolkospakkies soos grondboontjiebotter, konfyt en ander smere, asook droëvrugte, koekies en droë pappe is broodnodige en welkome items op ons lys van benodigdhede,” voeg hy by. Benewens algemene skryfbehoeftes, is dinge soos snesies, pleisters en “wet wipes” ook dinge wat altyd nodig is. Geheuestokkies vir die ouer kinders, basiese skoolklere soos skoolhemde, sportbroekies, wit T-hemde, skoolskoene en skoolsakke is ook welkom. Benodigdhede kan voor 30 Januarie2017 by HAM se administratiewe kantoor afgelewer word. Enigeen wat by hierdie projek wil betrokke raak of skenkings wil maak, kan die kinderhuis by 021-873 3834/5 kontak of ‘n e-pos na karen@andrewmurray.org.za stuur.
Lions brul vir Wellington
dr. Andrew Bosman
Hy was in die wêreld
Jesus se koms na hierdie aarde het die mense nie begryp nie. Hy was in die wêreld, en die wêreld het deur Hom ontstaan, en die wêreld het Hom nie geken nie. Jesus het na sy eiendom gekom, en sy eie mense het Hom nie aangeneem nie. Johannes beskryf dat die Woord vlees geword het en onder ons kom woon het. Die dissipels het Sy heerlikheid aanskou, soos van ‘n Eniggeborene wat van die Vader kom, vol van genade en waarheid. Hy is die vervulling van die ou testament. Sy koms word in die ou testament reeds genoem, dit word deur Moses ook genoem, en ook deur die profete verkondig. Dawid beskryf selfs in die psalms die kruisiging en die opwekking van Jesus na sy dood aan die kruis. En ons, hoe verstaan ons die koms van Jesus? Hy het gekom met ‘n missie om in ons plek te sterf, om vir ons verlossing op te staan en op te vaar na die Hemel om aan die regterhand van die Vader in die hemele te sit. Die wat Hom aangeneem het kan kinders van God genoem word, die wat in Sy Naam glo!
Wellington se Lionsklub is in 1966 hier deur 'n groep van 25 sakemanne en landbouers gestig. Die klub is geaffilieer aan Lions Internasionaal en is een van 44 000 klubs met 'n ledetal van 1.4 miljoen lede in 200 lande. Lions-lede bestaan uit persone van eerbare karakter wat 'n behoefte het om hul medemens en gemeenskap by te staan in tye van nood. Lions is dan ook onderworpe aan 'n streng etiese kode en is ook aan 'n grondwet onderworpe, wat streng toegepas word. Die Lions se slagspreuk, Ons Dien, is die ideaal waarna hulle streef. Lions lewer ook 'n vrywillige bydrae tot die Lions se internasionale rampfonds (LCIF) wat dan in tye van nasionale rampe, geld skenk vir noodmaatreels. Voorbeelde soos die Laingsburg-vloed waar die fonds geld beskikbaar gestel vir
die herbou van die ouetehuis, tsunami's, aardbewings en nog vele meer. Die hulp is gewoonlik binne 24 uur beskikbaar. Lions is ook baie nou betrokke met die voorkoming van blindheid, hulp aan dowes, sowel as die versorging en welsyn van senior burgers en die beskerming van kinders. Wellington Lions het 'n ryk geskiedenis en is nou by die gemeenskap betrokke. Hulle spog met 'n ledetal van 30. Die afgelope 30 jaar hou hulle in Maart 'n braai vir inwoners bo 65 wat 'n gemiddelde bywoning van 400 geniet. Die Lions-tak is by vele plaaslike instansies en organisasies betrokke. Op sosiale-vlak het hulle 'n jaarlikse rolbalaand waar hulle met die Paarl Lionsklub kragte meet.
Hul jukskei aand met die ATKV is ook 'n hoogtepunt op die kalender. Wellington Lionsklub beplan ook vroeg in volgende jaar 'n inligtingsaand waar die publiek meer insae sal kry oor hul doen en late. Indien jy voel dat jy die gemeenskap van Wellington wil dien en 'n lid van hierdie dinamiese groep mense wil wees, kontak die lede-voorsitter, Retha Stigant (0826909526) of die president Pieter Myburg (0824502534). Wellington Lionsklub was ook direk betrokke met die stigting van Malmesbury se Lionsklub op die 12de Februarie 2009. Hierdie klub is tans onder 'n nuwe bestuur en indien daar van Malmesbury se inwoners is wat betrokke wil raak, kan hulle met president Marius du Plessis op 0729748246 in verbinding tree.
NUUS • NEWS
5
21 Desember 2016
Shop online at www.picknpay.co.za Also at HYPERMARKETS
GREAT PRICES FOR THE BEST ONE YET PnP Bulk Country Classic Boerewors
R
PnP Boneless Gammon Roast
R
64
59
Per kg
Per kg
Equate to R21.95 Each
Albany Superior White Bread 700g
Flora Fat Spread Assorted 1kg Tub Each
R
R
12 R
45
44
99
Danone Ultra Mel Long
Flavoured Custard BUY Life Assorted 1 Litre Each ANY 2 FOR R
43
Nestlé Nescafé Cappuccino Assorted 10s Per Pack
Nola Mayonnaise Assorted 500-790g Each
WAS R24.88
R
19
R
99
44
90
5
Off fortr Sma rs Shoppcheer 1 Vou omer Per Cust
Ferrero Rocher Chocolates 200g
Nestlé Passions Chocolates 300g
Bakers Choice Assorted Biscuits 1kg
R
R
R
63
90
58
90
74
99
Download FREE
+
‘Little Drummer Boy’ by Ladysmith Black Mambazo on iTunes or Apple Music, Deezer or Google Play and a donation will be made to The Children’s Hospital Trust on your behalf.
SAVE R3.50
BUY 2 GET 1 FREE
Riegelein Fairtrade Christmas Santa 60g Find out more at www.picknpay.co.za
Coca-Cola Regular, Fanta, Stoney or Sprite Assorted 2 Litre Each
Twinsaver Luxury 2 Ply Toilet Tissue Assorted 9s Per Pack
R
R
12
99
Excluding George, Jeffreys Bay, Knysna, Mossel Bay, Oudtshoorn, Plettenberg Bay, Camps Bay, Express, Franschhoek Daily and Local stores. Butchery lines not applicable to Bellville, Camps Bay and Lakeside. Promotional stocks are limited. Prices include VAT, where applicable. Smart Shopper terms and conditions apply. No traders. E&OE. Selected products may not be available at all stores. Selected products have been styled for photography. Visit www.picknpay.co.za, or call 0800 11 22 88. Cellphone rates apply.
PRICES VALID 22 - 26 DECEMBER 2016 AT PICK N PAY SUPERMARKETS AND HYPERMARKETS IN WESTERN CAPE MMWCHS1021
44
99
Omo Auto Washing Powder with/without Comfort 2kg, Liquid Detergent with/without Comfort 1.5 Litre or Capsules 14s Each
R
45
99
6
21 Desember 2016
Dienssentrum sê dankie
Die ACVV-dienssentrum het op Vrydag 9 Desember ‘n dankie-sê funksie gehou. Hulle wou graag alle rolspelers, vrywilligers en ander betrokkenes vir hul aandeel tot ‘n suksesvolle jaar met hierdie geleentheid bedank. Die dienssentrum se lokaal was stampvol met lede wat vir oulaas in 2016 wou saamkuier en dank betoon aan almal wat tot 2016 se sukses bygedra het. Elkeen het ‘n bordjie eetgoed gebring en verskeie bydraes is vir geskenkpakkies gemaak. Janet Myburgh, bestuurder van die dienssentrum het aan alle rolspelers, vrywilligers, lede, werkers, bestuurslede en busbestuurders wat hierdie jaar onbaatsugtige diens gelewer het,
Vinpro kyk na moontlike groei vir wynbedryf Hoe kan kelders die waarde én volume van hul wynverkope laat toeneem? Hoe lyk die SuidAfrikaanse wynbedryf se huidige ekonomiese realiteite in vergelyking met die groter prentjie? Die Nedbank VinPro-inligtingsdag gaan maniere verken waarop die wynbedryf groter waarde kan ontgin vir volhoubare groei vorentoe. Die Inligtingsdag word 19 Januarie 2017 van 09:00 tot 13:30 by die Kaapstadse Internasionale Konferensiesentrum (KIKS) gehou. ’n Oorsig oor die wynbedryf-landskap sal die volgende insluit: • Internasionale en plaaslike ekonomiese tendense – Nicky Weimar, Nedbank • Lang siklusse in die Suid-Afrikaanse wynbedryf – Prof Nick Vink, US • Wat gebeur in die wingerd? – Francois Viljoen, VinPro • Paneelbesprekings sal besin oor maniere waarop aspekte soos innovasie en plaaslike en internasionale markontwikkeling ingespan kan word om waarde van die wingerd tot die rak te laat toeneem. Die Ontgin Waarde-paneel sal die volgende persone insluit: • Michael Fridjhon, wynkritikus en -skrywer • Rico Basson, VinPro • Denise Stubbs, Thokozani Wyne
Regs: Diana Louw, sekretaresse, die skoonmaker Carol, ‘n helper Anna Mong, Pieter en Janet Myburg (bestuurder by die Dienssentrum).
NUUS • NEWS
• Johann Krige, Kanonkop Wynlandgoed • Neville Carew, Origin Wyne • Richard Rushton, Distell • Gavin Dittmar, Meridian Wyne Gebruik ons die regte taal wanneer ons met die gemiddelde Suid-Afrikaanse verbruiker praat? Lebo Motshegoa van die navorsingsmaatskappy Foshizi, sal 'n perspektief gee oor hoe kliënte benader en behou kan word. Nedbank Besigheidsbanksake is in 2017 vir die 11de agtereenvolgende jaar die hoofborg. Old Mutual en Mutual & Federal is vir die tweede jaar as medeborge betrokke. Daneel Rossouw, Nedbank afdelingsbestuurder van landbou in die Wes-Kaap, sê: “Nedbank het 'n groot waardering vir die wynbedryf se bydrae tot die ekonomie en werkskepping in die Wes-Kaap en Suid-Afrika. “Die borgskap is belyn met ons strategiese fokus daarop om vennootskappe met klein, medium en groot besighede in die landbou- en ander sektore te vestig vir 'n beter Suid-Afrika. Die dag bied waardevolle netwerkgeleenthede vir besigheidseienaars en aspirant entrepreneurs, asook 'n platform waartydens innoverende oplossings vir sommige van die bedryf se uitdagings ook hier gedeel word.
WP-bloedbank vra hulp hulde gebring. “Sonder die onselfsugtige insette en deelname van al hierdie mense, sou ons nie hierdie jaar enigiets kon vermag nie. Ons is hul elkeen oneindig dankbaar,” het sy gesê. Die sekretaresse, Diana Louw, het ‘n inspirerende Kersboodskap gelewer en Pieter Myburgh het die gehoor met ‘n humoristiese voorlesing vermaak. Die skoonmakers by die sentrum is met geskenkpakkies bedank en daar is ook hulde gebring aan Janet Myburgh vir haar rol as bestuurder. Agterna het die lede heerlik rondom al die eetgoed en tee saamgekuier en die jaar op hierdie wyse op ‘n hoogtepunt afgesluit.
Dis feesseisoen en meeste van ons kan nie wag om ‘n welverdiende blaaskans te neem na ‘n baie besige 2016 nie! Alhoewel dit ‘n tyd van die jaar is waarna baie mense uitsien, is dit een van die besigste tye van die jaar vir die WP Bloedoortappingsdiens (WPBOD). Behalwe vir die feit dat die paaie hierdie tyd van die jaar ekstra besig is, daal bloedskenkings ook gewoonlik. Dus maak WPBOD seker dat vakansiegangers toegang het tot bloedskenk-klinieke gedurende die vakansie! Daar sal bloedskenk-klinieke in residensiële areas, winkelsentrums en prominente vakansieplekke deur die Wes-Kaap wees. Bloedskenking neem 30 minute van jou tyd elke 56 dae. Dit vereis dat jy tussen die ouderdom van 16 en 65 is, meer
as 50kg weeg, medies gesond is en ‘n gesonde leefstyl handhaaf. Dit is glad nie gevaarlik vir jou liggaam nie omdat daar slegs 475ml bloed geneem word, wat binne 24 uur weer deur jou liggaam vervang word. Vir verdere inligting, SMS “Bloed” na 33507 en WPBOD skakel jou terug met inligting oor jou naaste bloedskenk-kliniek. Skenkers en/ of voornemende skenkers kan die Diens ook kontak by (021) 507 6300, e-pos by info@wpbts.org.za of die webblad besoek by www.wpblood.org.za. Vir interessante feite en inligting oor die streek se bloedvoorraad, besoek gerus ook Facebook (WP Blood) en Twitter (@ WPBlood).
NUUS • NEWS
21 Desember 2016
Dagboek • Calender
Wellington CLC Matriek-aandklasse by Wellington CLC., Hospitaalstraat. Dinsdae en Donderdae vanaf 18:00 tot 20:00. Navrae skakel 021 864 2418 Yzerfontein Tourism Crayfish season offically re-opened in Yzerfontein. 10-11; 16-18; 24-27 and 31 December and 1-2; 7-8; 14-15 January 2017 as well as 15-17 April. Apply for your permit at a local Post Office Cricket Derby 26 December: Annual cricket derby between Riebeek Kasteel en West at RPC ground in Riebeek Wes. Contact Kyle Ovens for West at 084 688 1024 or David Wickham for Kasteel at 082 898 9663 Yzerfontein Festival & Events 27 December: The SPCA have a Doggie Walk. Come and join us - Entry only R20. For further enquiries please contact Roné Wheatley at 076 734 3853
Contact Karin for any enquiries at 022 451 2819 Yzerfontein Festival & Events 28 December: Come and join us for the Sand Castle Competition. For further enquiries please contact Ann Wood at 082 772 7964 Yzerfontein Festival & Events 29 December: Come and join us for a Golf Day of the DR Church at the Darling Sport Club For further enquiries please contact Gideon Annandale at 072 469 3371
Yzerfontein Sport and Recreation Club 28 December: Come and join us for a Potjiekos Competition. Entry fee is R100 a pot. Every pot entry will receive a bottle of Darling Cellars red and white wine. Contact Karin for any enquiries at 022 451 2819 OK Minimark / Castle Rugby 7's 29-30 Januarie 2017: Dit is weer die tyd van die jaar vir die OK Minimark / Castle Rugby 7's. R28000 se pryse te wen
Yzerfontein Festival & Events 27 December: Come and join us for Café René Pancake Party. Entry is R5 at the Kaijaiki Country Inn. For further enquiries please contact René Bosch at 022 451 2858
Riebeek Valley Olive Festival 6-7 May 2017: Save the date for the Riebeek Valley Olive Festival For further information: www.riebeekvalleyolivefestival.co.za
Yzerfontein Sport and Recreation Club 28 December: Come and join us for a Potjiekos Competition. Entry fee is R100 a pot. Every pot entry will receive a bottle of Darling Cellers red and white wine.
Franschhoek Village Market Huguenoteweg 29, Franschhoek Elke Saterdag gedurende die jaar van Augustus tot Junie. R15 by die deur (gratis vir kinders onder 13 jaar)
Kerke • Churches Anglican Church Sunday morning: April to Sept at 08:00; Oct - March at 07:30; Wed. Morning : 09:30 (end Jan to mid Dec); 4 Milner Street, Wellington. Enquiries: 021 873 1425. Joshua Generation Sunday morning 09:00 (English), Sunday evening (Afrikaans) 17:00. Provence, Milner Road. Enquiries: 021 873 6541. Kerk van Macedonië Sondagdiens om 10:00; Groenberg. Navrae: 062 836 1316 of 074 608 0519
NEW Sunday morning at 09:00 (English service); HJN Training Centre, College Street, Wellington. Enquiries: 082 355 3280.
NGK Wellington-Oos Sondagoggend om 9h00 en Sondagaand om 19h00 - h/v Barlinka en Cummingsstraat, Wellington. Navrae : 021 873 2690
NGK Moeder-gemeente Sondagoggend om 09:00, Sondagaand-diens - Leefkerk om 19:00. H/v Kerk- en Piet Retiefstraat, Wellington. Navrae: 021 873 1561.
St George's Presbyterian Church Sunday mornings at 09:30 (English); 22 Jan van Riebeeck Street. Enquiries: 021 873 2021.
NGK Noord-gemeente Sondagoggend om 09:30: MacCronestraat 11, Wellington. Navrae: 021 873 2763.
Shofar Sondagoggend om 09:00 Laerskool Hugenote, Kerkstraat 41. Navrae: 021 873 7677.
7
8
courant
dié
21 Desember 2016
NUUS • NEWS
WELLINGTON SPORT
Tel: 022 487 3221
21 Desember 2016
Onnies, leerders meet kragte
Hugenote Laerskool se onderwysers het die skooljaar afgesluit deur kragte te meet teen die leerders. Voor die paaltjies bo is Christelle Rossouw. Die leerders het ook op die atletiekbaan meegeding in die jaarlikse kleuresport. Links bo is die grondslagfase se atlete in die pylvak. Links seil Ethan Vorster van die witspan oor die dwarslat op die o.13-hoogspringitem te wen.
Min plekke oor in sewes-toernooi Die 10de OK Minimark Castle 7’s-toer is om die draai en plekke is min. ‘n Makro getal van 36 klubs sal weer vanjaar aan dié toernooi deelneem vanaf Vrydag 27 tot Saterdag 28 Januarie 2017 op die Wesbank Sportgronde op Malmesbury. Dit sal die 10de jaar wees wat hierdie toernooi plaasvind en daar gaan ook na afloop ‘n OK MiniMark ‘dream team’ saamgestel word. Daar word ook hard agter die skerms gewerk,
sodat toeskouers met groot pryse kan wegloop gedurende die toernooi. Daar is slegs vier plekke oop in die premierkompetisie van 2017, waar die volgende klubs sal deelneem: Wesbank, Never Despair, Hamlets, H/Hearts, ST Georges, Worcester Villagers, Moorreesburg, Ceres, St Helenabaai, Newtons, Tulbagh, Grabouw, Elsiesrivier United, Notherns, Hillcrest United, Wistling Wheels en Young Peoples.
Indien daar nog klubs is wat wil deelneem, kan Eduann Howburg kontak word by 083 458 9313 of ehowburg@capetown.gov.za Die Swartland-uitdaag groei ook jaarliks en daar sal volgende jaar R5000 op die spel geplaas word vir die deelnemers en presteerders van kompetisie. Die wenners van die Vrydagaand se verskillende afdelings, sal die Saterdag meeding in die semi- en finale rondes.
Klubs in hierdie afdeling betaal geen inskrywing nie en deelname is gratis. Die volgende spanne sal mekaar die stryd aansê: Wesbank (Renegades); Koringberg; Dassenberg (Young Eagles); Flying Eagles; Korrektiewe Dienste; Nexius Riebeek-Wes; Y/lions Calvinia; Riebeek United; Windmeul United en Goedverwacht. Klubs kan Howburg kontak indien hulle nog wil inskryf vir die Swartland Uitdaag-kompetisie