Pecyn Cyfnod Croeso i Staff Newydd

PECYN CYFNOD CROESO I STAFF NEWYDD

www.gwynedd.llyw.cymru

LLONGYFARCHIADAU!

POB DYMUNIAD DA AR DY SWYDD NEWYDD! Llongyfarchiadau mawr i ti ar dderbyn dy swydd newydd efo Cyngor Gwynedd!

Gobeithiwn yn arw gwneith y Pecyn yma dy helpu i setlo fewn yn dy wythnosau cyntaf yn y swydd. Rydym wedi crynhoi y prif bwyntiau perthnasol i staff newydd y Cyngor yn y Pecyn hwn.

Yn ogystal â'r Pecyn mi fyddi di’n cael dy wahodd i Weithdy Croeso gan dîm Dysgu a Datblygu'r Cyngor - mae hwn yn gyfle gwych i ti ofyn cwestiynau a dod i adnabod aelodau eraill o staff.

Pob hwyl, Tîm Dysgu a Datblygu Cyngor Gwynedd.

CYNNWYS BETH?

TUDALEN

GAIR O GROESO

1

Y CYNGOR

2

CROESO A CHYNEFINO YN Y CYNGOR

3

AMODAU A THELERAU GWAITH

4

IECHYD DIOGELWCH A LLES

4-5

Y GOFYNION OHONOT A CHYFNOD PRAWF

6

AGWEDDAU DATBLYGOL

6

LLEOLIADAU GWAITH Y CYNGOR

7

Y SWYDD

8

SYSTEMAU

9

DY DDATBLYGIAD DI

10-12

ER GWYBODAETH

13

GAIR O GROESO L

CROESO I DÎM CYNGOR GWYNEDD!

Pan feddyli di am beth mae awdurdod lleol yn ei wneud, beth ydi’r peth cyntaf sy'n dod i’r meddwl? Casglu trethi, hel sbwriel neu redeg llyfrgelloedd efallai?

Os mai un o’r atebion yma sydd yn dod i dy feddwl di gyntaf, ti’n hollol gywir, ond mae’n bosib na fyset ti’n ymwybodol o’r holl wasanaethau eraill mae Cyngor Gwynedd yn ei gynnig bob dydd. Rydym yn darparu ystod eang o wasanaethau ar draws ein Sir gan gynnwys addysgu ein plant, gofalu am ein pobl, glanhau ein strydoedd, edrych ar ôl ein llesiant a hybu ein busnesau lleol.

Y prif beth sydd yn ein galluogi ni fel Cyngor i wneud hyn yn llwyddiannus ydi'r staff sy’n gweithio yma. Mae’r Cyngor yn llawn pobl sydd wedi dewis gweithio yma oherwydd eu bod eisiau helpu pobl Gwynedd a gwneud gwahaniaeth i’r cymunedau a’r amgylchedd maent yn byw ynddi.

Mae gweithio i Lywodraeth Leol yn gyfle arbennig gan ein bod i gyd yma i wasanaethu ein trigolion a dyma dy gyfle di i fod yn rhan o weithlu sydd wir yn gwneud gwahaniaeth. Rydym yn falch iawn dy fod wedi dewis dod atom i weithio. Pob lwc yn dy swydd newydd - edrychwn ymlaen at dy weld yn fuan.

Dafydd, Geraint a Dylan Tîm Arweinyddiaeth Cyngor Gwynedd 1

Y CYNGOR Mae'r Cyngor wedi cael ei rannu i ddau strwythur, y Strwythur Corfforaethol a'r Strwythur Gwleidyddol.

STRWYTHUR CORFFORAETHOL

PRIF WEITHREDWR - Dafydd Gibbard CYFARWYDDWR CORFFORAETHOL - Geraint Owen CYFARWYDDWR STATUDOL GWASANAETHAU CYMDEITHASOL - Huw Dylan Owen ADDYSG Garem Jackson

ECONOMI A CHYMUNED

OEDOLION, IECHYD A LLESIANT

PRIFFYRDD A BWRDEISTREFOL

Sioned Williams

Aled Davies

AMGYLCHEDD

Steffan Jones

Dafydd Williams

ASIANTAETH CEFNFFYRDD

CEFNOGAETH GORFFORAETHOL

TAI AC EIDDO

Ian Jones

CYLLID Dewi Morgan

Carys Williams

David Cooil

PLANT A CHEFNOGI TEULUOEDD Marian Parry Hughes

GWASANAETH CYFREITHIOL Iwan Evans

CWMNI BYW'N IACH Amanda Davies

STRWYTHUR GWLEIDYDDOL Arweinydd y Cyngor ar hyn o bryd ydi'r Cynghorydd Dyfrig Siencyn Mae 69 cynghorydd yng Nghyngor Gwynedd Mae'r Cyngor yn gweithredu drwy'r Cabinet a'r Pwyllgorau Craffu Mae'r Cynghorwyr Sir yn cyfarfod er mwyn cytuno ar bolisïau'r Cyngor a gosod y gyllideb flynyddol Mae'r Cabinet yn cynnwys 10 Cynghorydd ac yn cael ei gadeirio gan Arweinydd y Cyngor Mae gan bob un o’r Aelodau Cabinet bortffolio penodol o gyfrifoldeb am feysydd o fewn gwasanaethau’r Cyngor Mewn difrif, y penderfyniadau sy'n cael eu penodi gan y Cyngor sy'n penodi prif benerfyniadau gweithdrefn Corfforaethol y Cyngor Mae Cyngor Gwynedd yn ethol Cadeirydd ac Is-gadeirydd bob 12 mis 2

DY WYTHNOSAU CYNTAF YN Y SWYDD CROESO A CHYNEFINO DAN OFAL DY REOLWR LLINELL Dylai unigolion dderbyn rhaglen Cyfnod Croeso (wedi’i theilwra i’r unigolyn), boed yn newydd i’r Cyngor neu yn dod nol i weithio efo'r Cyngor wedi cyfnod o weithio mewn lleoliad allanol.

Yn ystod y cyfnod yma, dylet ti fod yn ymwybodol o ddiwylliant a gwerthoedd y Cyngor, yn ogystal â dod yn gyfarwydd efo’r gweithdrefnau perthnasol. Mi fyddi di’n dod i ddeall y disgwyliadau o ran dy ymddygiad a dy ddyletswyddau er mwyn cyflawni dy swyddogaeth gwaith.

Mae hefyd yn gyfle i wneud cysylltiadau drwy gyfarfod cydweithwyr o fewn y Cyngor, yn enwedig os fyddi di’n mynychu'r Gweithdy Croeso.

Mae dy Reolwr Llinell yn allweddol yn ystod dy gyfnod Croeso, a bydd yn trafod nifer o faterion sy’n berthnasol i ti yn ystod dy wythnosau cyntaf yn y swydd.

Mae hyn yn gallu cynnwys:

CYFFREDINOL Cyfarfod a dy groesawu i dy swydd newydd Dy gyflwyno i gydweithwyr ac eraill y byddi di’n dod i gyswllt â nhw Trefniadau anffurfiol, e.e. trefniadau te a choffi Cwblhau’r ffurflenni cyflogaeth priodol a’u dychwelyd at y Gwasanaethau cywir

DY GWASANAETH DI A’R SEFYDLIAD Trosolwg o’r Cyngor Amcanion a blaenoriaethau dy Wasanaeth di Gwybodaeth gyffredinol am dy faes (efallai deunydd darllen neu wybodaeth electroneg)

EIN FFORDD NI O WEITHIO - FFORDD GWYNEDD Diwylliant y Cyngor “Rhoi pobl Gwynedd yn ganolog i bopeth rydym yn ei wneud” Swyddogaeth pob aelod o staff i sicrhau bod y weledigaeth yn cael ei chyflawni

3

DY WYTHNOSAU CYNTAF YN Y SWYDD AMODAU A THELERAU GWAITH - Hwb Adnoddau Dynol Derbyn gwybodaeth am y canlynol: Cyflog Oriau gwaith (trefniadau perthnasol), Oriau Ystwyth, Fflecsi, Goramser, TOIL, ac ati Gwyliau Pensiwn (aelodaeth awtomatig o’r Cynllun Llywodraeth Leol) Teithio - bydd angen i ti gyflwyno rhai dogfennau (MOT, yswiriant, trwydded yrru) Trefniadau Salwch, e.e. pryd a phwy i gysylltu mewn achos o salwch

IECHYD, DIOGELWCH A LLES - Hwb Iechyd Diogelwch a Lles Deall dy gyfrifoldebau Deall be mae hyn yn feddwl - Y Cyngor fel cyflogwr i “sicrhau Iechyd, Diogelwch a Lles yr holl weithwyr” Deall dy gyfrifoldebau di fel aelod o staff y Cyngor sef i “gymryd gofal rhesymol o’u hunain ac eraill gall eu heffeithio gan eu gweithredoedd neu esgeulustra... ac i gydymffurfio â’r cyflogwr fel gallent gyflawni eu goblygiadau cyfreithiol.”

Deall a chytuno ar bolisïau iechyd, diogelwch a lles adrannol neu rhai penodol o fewn y gwasanaeth

GWEITHDREFNAU ARGYFWNG LLEOL Tân: Larwm tân a beth i’w wneud os bydd tân, man ymgynnull, prawf wythnosol Trefniadau cymorth cyntaf: enw, lleoliad a dull cysylltu â’r Cymhorthydd Cymorth Cyntaf Gweithdrefnau argyfwng ar gyfer unrhyw beryglon eraill sy’n berthnasol i’r swydd e.e. sylweddau peryglus

CYFARPAR GWARCHOD PERSONOL (CGP) Os yn berthnasol, dylet ti dderbyn CGP ar gyfer gwaith risg uchel a hyfforddiant ar bryd a sut i’w ddefnyddio Deall trefniadau diogelwch (Security) e.e. cardiau adnabod, codau drysau ac ati Deall lle i gael Cyngor / Cefnogaeth Iechyd, Diogelwch a Lles

GWASANAETHAU IECHYD GALWEDIGAETHOL E.E. PROFION IECHYD Derbyn gwybodaeth am rôl y gwasanaeth a sut i gysylltu efo nhw 4

DY WYTHNOSAU CYNTAF YN Y SWYDD SICRHAU MAN GWAITH ADDAS Wrth gynnal gwaith cyfrifiadurol yn y swyddfa neu adref, mae’n bwysig dy fod yn ystyried dy osgo.

Cofia symud yn rheolaidd a gosod dy weithfan yn gywir. Mae gwybodaeth am sut i osod gweithfan ar gael yma, gan gynnwys fideo a thaflen wybodaeth.

Mae modd i ti wirio fod gen ti’r gosodiad a’r offer cywir drwy gwblhau hunan asesiad.

Os oes angen offer arbenigol arnat, neu gymorth pellach, cofia gysylltu efo aelod o’r Tîm Iechyd Diogelwch a Lles.

5

DY WYTHNOSAU CYNTAF YN Y SWYDD DEALLTWRIAETH O'R GOFYNION SYDD OHONOT Trafod Disgwyliadau, cyfrifoldebau a’r cymorth sydd ar gael Safonau perfformiad, targedau a nodau personol Polisi Ymdrin â Thanberfformio Anghenion ieithyddol Cyfarfodydd Tîm (Trefniadau)

CYFNOD PRAWF Trafod 6 mis cyntaf y swydd sy'n ffurfio’r cyfnod prawf Bydd dy Reolwr Llinell yn asesu dy berfformiad yn gyson yn ystod y cyfnod hwn Rhaid cofio bod deall a derbyn polisïau, a chwblhau hyfforddiant a modiwlau e-ddysgu hanfodol yn cyfrannu at gwblhau cyfnod prawf llwyddiannus

CEFNOGAETH DDATBLYGOL Yn ychwanegol i ddysgu arferol, fe gei di fynediad llawn i gefnogaeth Dysgu a Datblygu y Cyngor: Trefniadau Dysgu a Datblygu Cyfleoedd yn y swydd Darpariaeth gorfforaethol Datblygu Sgiliau Iaith Gymraeg - mae Swyddog Iaith Gymraeg ar gael i drafod unrhyw anghenion datblygol

MODIWL DYSGU STAFF (MoDS) Adnodd ar-lein sydd wedi’i leoli ar safle Hunan Wasanaeth y Cyngor ydi MoDS. Mae’n dy alluogi di i archebu lle ar ddigwyddiadau hyfforddiant. Mae hefyd yn caniatáu i ti gadw cofnod o dy ddatblygiad dy hun trwy gofnodi pob teitl ti wedi’i fynychu, pob polisi ti wedi’i dderbyn a phob modiwl e-ddysgu ti wedi’i wneud.

Prif Nodweddion: Gallu gweld rhestr o deitlau sy’n berthnasol i dy swydd Gallu archebu lle ar ddigwyddiadau Gallu cofnodi dysgu personol ac oriau CPD Gallu cofnodi cymwysterau a rhoi hysbysiad pan ddaw i ben Gallu llenwi taflenni adborth ar-lein Gallu Adolygu Perfformiad 6

DY WYTHNOSAU CYNTAF YN Y SWYDD LLEOLIADAU GWAITH Y CYNGOR Cyn dechrau dy waith fydd angen i ti wirio lle fydd dy brif leoliad gwaith e.e, > Pencadlys Caernarfon, > Ffordd y Cob Pwllheli, > Penarlâg Dolgellau, > Galw Gwynedd Penrhyndeudraeth ayb Bydd hefyd angen i ti wirio lle mae'r meysydd parcio a chael tocyn parcio Yn ddibynnol ar dy swydd, mae'n ofynnol i ti a dy Reolwr Llinell drafod opsiynau gweithio'n hyblyg a pha mor addas ydi dy leoliad gweithio o adref.

Mae canllawiau ac holiadur asesu gweithfan ar gael yma.

Yn ogystal â hyn mi fydd angen i ti ddod i Bencadlys y Cyngor ar gyfer y Gweithdy Croeso. Dyma fideo efo cyfarwyddiadau pellach:

7 Gwefan Cyngor Gwynedd

EICH WYTHNOSAU CYNTAF YN Y SWYDD Y SWYDD Trosolwg o’r swydd Prif ddyletswyddau a thasgau, h.y. egluro’r gwaith y bydd disgwyl i ti ei wneud Swyddogaethau o fewn y tîm Dealltwriaeth o’r gofynion Disgwyliadau, cyfrifoldebau a’r cymorth sydd ar gael i ti Safonau perfformiad, targedau a nodau personol Polisi Ymdrin â Thanberfformio Trefniadau ‘Adolygu Perfformiad’ (cyfarfodydd rheolaidd) Anghenion ieithyddol y swydd Cyfarfodydd Tîm (Trefniadau) Cyfnod Prawf Y 6 mis cyntaf yn y swydd sydd fel arfer yn ffurfio’r cyfnod prawf Bydd dy reolwr llinell yn asesu dy berfformiad yn gyson yn ystod y cyfnod yma Cofia bod darllen a deall a derbyn polisïau, a chwblhau hyfforddiant, a modiwlau e-ddysgu yn cyfrannu at gwblhau’r cyfnod prawf yn llwyddiannus.

MYNEDIAD AT WYBODAETH ELECTRONEG Os wyt yn ddefnyddiwr TG mi fyddi di angen mynediad i’r canlynol: Y Fewnrwyd Y Ganolfan Bolisi Y Porth e-ddysgu

8

DY WYTHNOSAU CYNTAF YN Y SWYDD SYSTEMAU SWYDDFA (OS YN BERTHNASOL) Rhwydwaith TG - Polisi diogelwch technoleg gwybodaeth Cefnogaeth TG - y Ddesg Gymorth E-Byst - defnyddio system Outlook (gyrru a darllen e-byst, trefnu cyfarfodydd, y calendr) Oriau Ystwyth - sut i gofnodi’r wybodaeth ar y daenlen electroneg Llenwi amserlenni - sut i gofnodi’r wybodaeth System Ffôn - galwadau mewnol/allanol, trosglwyddo/dargyfeirio/codi galwad ffôn arall Trefniadau Llungopïo Post - trefniadau ac amser ar gyfer casglu’r post System Hunanwasanaeth e.e. hawlio treuliau a mynediad at slipiau cyflog.

GWYBODAETH PELLACH PERTHNASOL Cerdyn Adnabod - ar gyfer mynediad i adeiladau yn ogystal ag argraffu/sganio Tocyn Parcio - tocyn ar gyfer hawl i feysydd parcio staff y Cyngor drwy roi cais i e-bost Swyddfeydd@gwynedd.llyw.cymru Drysau Diogelwch - cerdyn staff / cod drysau ac ati Trefniadau i fynychu ‘Sesiwn Croeso’ (os yn berthnasol) Wedi darllen y Pecyn Cyfnod Croeso yma, dylet ti sicrhau bod y wybodaeth berthnasol i gyd gen ti.

Wedi darllen y pwyntiau blaenorol i gyd, os wyt ti’n ansicr am unrhyw elfen (neu heb dderbyn gwybodaeth fwy manwl hyd yma) dylet ti drafod hyn efo dy reolwr llinell.

Cofia bod llawer o wybodaeth ychwanegol ar gael ar fewnrwyd y Cyngor, ac ar dudalen 'Staff Newydd y Cyngor' ar safle mewnol Dysgu a Datblygu'r Sefydliad.

9 Gwefan Cyngor Gwynedd

DY DDATBLYGIAD DI

DY DDATBLYGIAD DI TREFNU DY RAGLEN DYSGU A DATBLYGU Mae dysgu a datblygu yn rhan angenrheidiol o dy swydd, ac mae cyfrifoldeb arnot fel unigolyn i ddatblygu dy hun a chymryd mantais o gyfleoedd priodol.

Mae gan bob aelod o staff fynediad at raglen Dysgu a Datblygu ac mae gan bob aelod o staff gofnod dysgu (sydd i’w weld ar MoDS).

Dylet ti: Gysylltu efo gwasanaeth Dysgu a Datblygu'r Sefydliad - dysgu@gwynedd.llyw.cymru Edrych ar ba gyfleoedd datblygol sydd ar gael i ti (MoDS ar y system Hunanwasanaeth a safle Dysgu a Datblygu'r Sefydliad) Gwneud cais am hyfforddiant / teitlau perthnasol (ar ôl trafod efo dy reolwr llinell)

10

DY DDATBLYGIAD DI MODIWLAU A PHOLISÏAU Fel rhan o’r cyfnod croeso, dylet ti sicrhau dy fod yn blaenoriaethu'r canlynol fel meysydd i’w deall. Mae posib gwneud hyn drwy ddefnyddio unrhyw gyfuniad o ddulliau sydd ar gael e.e. darllen a deall polisïau ar Y Ganolfan Bolisi, cwblhau modiwlau ar Y Porth e-Ddysgu, sgwrs efo’r tîm neu swyddog arbenigol yn Dysgu a Datblygu. a mynychu hyfforddiant.

TEITLAU MANDADOL Diogelu Data Cydraddoldeb Diogelu Hunanasesiad Iaith Ymwybyddiaeth Iaith Gymraeg Cam-drin Domestig Atal Iechyd a Diogelwch

SAFLE DYSGU A DATBLYGU'R SEFYDLIAD Mae Dysgu a Datblygu'r Sefydliad yn cefnogi a datblygu unigolion a thimau i gyflawni eu rôl i orau eu gallu, er mwyn darparu gwasanaethau o werth i bobl Gwynedd Dyma rai o’r pecynnau dysgu sydd ar gael ar hyn o bryd: Safle Croeso Staff newydd Cyfathrebu yn effeithiol Gloywi iaith Pecynnau Microsoft

11

DY DDATBLYGIAD DI CYFATHREBU MEWNOL Drwy weithio ar draws fel Un Cyngor - Un Tîm gallwn sicrhau ein bod yn cynnig y gwasanaeth gorau i bobl Gwynedd. Mae Cyfathrebu Mewnol da ymysg ein gilydd o’r flaenoriaeth uchaf felly.

Mae dyletswydd ar bob un ohonom i fod yn rhannu gwybodaeth a chydweithio ymysg ein gilydd. a Mae sawl dull gwahanol o gyfathrebu ar gael i ti fel aelod staff i Gyngor Gwynedd. Beth am i ti fynd ati i gael golwg ar rai o’r cyfryngau isod: Y Fewnrwyd Grŵp Facebook Staff Cyngor Gwynedd Hunanwasanaeth Staff Bwletinau gwybodaeth Cylchgrawn Staff Cyfarfodydd sgyrsiau staff rheng flaen ... a llawer mwy!

BUDDIANNAU STAFF Mae nifer o fuddiannau cyffrous a gwerthfawr ar gael i'n haelodau staff drwy ein cynnig Budd i Bawb.

Mae amrediad eang o gynigion ar gael i ti, o gynllun pensiwn cystadleuol, arbedion ar brynu ceir gwyrdd a beiciau - i ddisgownt mewn siopau lleol led-led Gwynedd a thu hwnt… mae rhywbeth i bawb gan Budd i Bawb.

Am fwy o wybodaeth edrycha ar ein tudalennau mewnrwyd yma.

12

ER GWYBODAETH MANYLION CYSWLLT DEFNYDDIOL DesgGymorth@gwynedd.llyw.cymru - Cymorth Technoleg Gwybodaeth Dysgu@gwynedd.llyw.cymru - Cymorth Dysgu a Datblygu DesgAdnoddauDynol@gwynedd.llyw.cymru - Cymorth Adnoddau Dynol Cydraddoldeb@gwynedd.llyw.cymru - Cefnogaeth materion Cydraddoldeb CyfathrebuMewnol@gwynedd.llyw.cymru - Cyswllt i system Gyfathrebu Mewnol y Cyngor Cyflogau@gwynedd.llyw.cymru - Cymorth efo dy gyflog HunanWasanaethStaff@gwynedd.llyw.cymru - Cymorth efo'r Hunanwasanaeth

13

POB HWYL!

Edrychwn ymlaen at dy weld yn y Gweithdy Croeso!