Gair Bach o Gyngor Mawrth 2022

Gair o Gyngor Mawrth 2022

Rhifyn 5

Staff Cyngor Gwynedd

O'R MÔR I'R MYNYDD

Gair gan y golygydd Croeso i rifyn arall o Gair Bach o Gyngor. Fel mae’r enw yn awgrymu dyma fersiwn bach o’r cylchgrawn arferol. Mi fydd y cylchgrawn llawn sy’n cael ei argraffu a’i anfon i leoliadau gwaith yn cael ei gyhoeddi fel yr arfer yn y misoedd nesaf.

Yn y rhifyn yma cawn ddarllen am hanes Andrew a’i siwrne i drawsnewid ei fywyd er mwyn gwella ei iechyd a lles. Mae hefyd yn rhannu rysáit blasus ond iachus hefo ni.

Yn parhau gyda’r themâu iechyd a lles, oeddech chi’n ymwybodol fod yna grŵp STRAVA ar gyfer staff y Cyngor?

Darllenwch ymlaen i ddarganfod sut mae staff un o Adrannau’r Cyngor wedi gosod her i’w gilydd ar gyfer y flwyddyn yma.

Rydym yn cael gwybod mwy am brofiad un aelod o staff i weithio ei ffordd fyny drwy’r Cyngor gan brofi nid oes rhaid dilyn y trywydd academaidd traddodiadol i gyrraedd eich nod.

A chawn flas o waith Tîm Achub Mynydd Llanberis gan aelod o staff sydd wedi bod yn wirfoddolwr ers dros 45 o flynyddoedd.

Cofiwch os hoffech chi gyfrannu at y rhifyn nesaf mae modd i chi gysylltu drwy e-bostio cyfathrebumewnol@gwynedd.llyw.cymru neu ffonio 01286 679341.

Ffion

DYLAN YN DILYN EI FREUDDWYD Llongyfarchiadau mawr i Dylan Owen sy’n gweithio yn Adran Plant a Chefnogi Teuluoedd y Cyngor am gymhwyso fel Gweithiwr Cymdeithasol hefo gradd dosbarth cyntaf o’r Brifysgol Agored. Mae Dylan wedi gweithio ei ffordd fyny drwy’r Cyngor gan brofi nad oes rhaid dilyn y trywydd academaidd traddodiadol i gyrraedd eich nod. Cwblhaodd Dylan ei radd yn rhan amser tra’n parhau i weithio i wasanaethau plant y Cyngor.

Cyfnod o wirfoddoli sbardunodd Dylan i newid ei yrfa. Ar ôl gadael yr ysgol, bu’n gweithio i bapur newydd ond nid oedd yn cael y boddhad yr oedd yn chwilio amdano felly dechreuodd wirfoddoli efo pobl ifanc cyn cael gwaith fel gweithiwr allweddol gyda’r Gwasanaeth Cyfiawnder Ieuenctid.

“Doeddwn i heb feddwl am fynd mewn i’r maes gwaith cymdeithasol nes i mi ddechrau gwirfoddoli hefo pobl ifanc. Roedd hyn yn fy ngalluogi i adeiladu profiad a chychwynnais weithio i’r Cyngor cyn symud ymlaen a gweithio fy ffordd fyny drwy wahanol swyddi o fewn yr Adran Plant a Chefnogi Teuluoedd gan ennill cymwysterau'r un pryd.

“Dwi’n meddwl fod hi’n bwysig fod staff yn deall fod hyfforddiant a chefnogaeth ar gael o fewn y Cyngor er mwyn eich helpu i ddatblygu a chyrraedd eich nod. Dwi ddim yn berson clyfar nac academaidd o gwbl, dwi’n fwy ymarferol a dysgu wrth wneud. Mi wnes i fethu fy Lefel A yn yr ysgol a byth wedi dychmygu y byddwn yn cael y cyfle i fynd i’r brifysgol.

Mae Cyngor Gwynedd wedi rhoi'r cyfle i mi adeiladu sgiliau ac ennill profiad wrth weithio a dwi’n teimlo’n lwcus iawn o hynny. Cefais y cyfle i wneud NVQ Lefel 3 Iechyd a Gofal a chwrs cyflwyniad i Iechyd a Gofal Cymdeithasol sydd yn gyfwerth i Lefel 4 a credydau y brifysgol. Heb y cyfleoedd yma ni fyswn wedi gallu mynd ymlaen i gwblhau gradd Gwaith Cymdeithasol.

Mi wnes i rili mwynhau’r cwrs Gwaith Cymdeithasol. Dwi’n teimlo ei fod wedi cyfoethogi fy ngwaith ymarferol er ei fod yn dipyn o waith. Roedd rhaid bod yn hunan ddibynnol i roi eich pen lawr a gwneud y gwaith ond roedd o werth o yn y diwedd. Dwi’n ddiolchgar iawn i’r Cyngor am y gefnogaeth ac eisiau annog eraill i fynd amdani ”, meddai Dylan.

Ar ôl yr holl flynyddoedd yn y maes gofal mae Dylan dal i fwynhau cael gweithio gyda phobl ifanc.

“Mae pob diwrnod yn wahanol yn y gwaith ac yn amrywio o un peth i’r llall. Dydi gwaith byth yn ddiflas ac mae’n sicr yn cadw chi ar flaenau’ch traed. Be dwi’n ei fwynhau fwyaf am fy swydd ydi’r cyfle i gyfarfod gwahanol bobl a'u helpu. Dwi’n mwynhau’r her o allu mynd mewn i sefyllfa a rhoi cyngor a chefnogaeth i bobl ifanc allu symud ymlaen a gwella eu bywydau”, ychwanegodd Dylan.

Os hoffech fwy o wybodaeth am y cyfleoedd hunan ddatblygiad o fewn y sector Gofal cysylltwch hefo’r Uned Datblygu Gweithlu drwy ffonio 01286 679026 neu ebostio CaisHyfforddiant@gwynedd.llyw.cymru Am fwy o wybodaeth am yr cyfleon datblygu sydd ar gael i staff, edrychwch ar dudalennau’r Gwasanaeth Dysgu a Datblygu’r Sefydliad ar y fewnrwyd neu cysylltwch â’r gwasanaeth ar dysgu@gwynedd.llyw.cymru

O'R MÔR I'R MYNYDD

Mae’r rhan fwyaf ohonom yn adnabod Barry Davies am ei waith fel Rheolwr Morwrol y Cyngor. Er mai gwaith ger y môr mae’n ei wneud o ddydd i ddydd, y mynyddoedd sy’n mynd a bryd Barry ac mae’r ffaith ei fod yn gwirfoddoli gyda thîm Achub Mynydd Llanberis ers 1977 yn dystiolaeth o hynny. Yn ystod 2021 derbyniodd y tîm y nifer mwyaf o alwadau erioed a’r uchaf o unrhyw dîm achub mynydd drwy Brydain.

“Rydan ni’n dîm gymharol fychan gyda 40 o aelodau a'r llynedd fe wnaethom gyfrannu dros 5,500 o oriau gwirfoddol i achub cerddwyr mewn trafferthion ar lethrau’r Wyddfa a bryniau cyfagos. Yn sicr pan ddaeth cyfyngiadau Covid i rym roedd mwy o bobl yn penderfynu cymryd gwyliau yn y DU yn lle mynd dramor ac mae hyn wedi cyfrannu at y nifer o bobl rydym yn gweld yn cerdded y mynyddoedd”, meddai Barry.

Er bod 2021 wedi profi i fod yn flwyddyn heriol iddynt, mae Barry sy’n Gadeirydd ar y tîm yn cael boddhad mawr o gael bod allan yn yr awyr agored yn helpu eraill.

“Mae gennai ddiddordeb mewn mynydda ers yr oeddwn yn blentyn bach a dwi’n dal i fwynhau dringo hyd heddiw. Yn fwy na dim dwi’n mwynhau gallu helpu fy nghymuned. Dros y blynyddoedd dwi wedi ffurfio sawl clwb gweithgareddau awyr agored yn yr ardal a dwi hefyd yn un o gyfarwyddwyr ras y Wyddfa. Mae’n braf gallu chwarae rôl weithredol o fewn dy filltir sgwâr ac mae’r tîm Achub Mynydd yn sicr yn gwneud hynny. Os fyswn i’n brifo ar y mynydd hoffwn feddwl fod yna rywun allan yna i fy helpu a dyna pam dwi mor barod i fod yn rhan o’r tîm”, eglurodd Barry.

Er bod y galwadau yn amrywio mae nifer fawr ohonynt yn ymwneud hefo diffyg paratoi ymlaen llaw yn ôl Barry.

'Da chi'n mynd fyny o lefel y môr i 3,500 o droedfeddi a dydy pobl ddim yn sylweddoli ar adegau bod y tymheredd a'r tywydd yn newid wrth wneud hynny. Mai’n gallu bod yn ofnadwy o oer ar gopa’r Wyddfa ond rydym yn gweld llawer iawn o achosion lle mae unigolion wedi mynd ar goll yn gwisgo dillad anaddas sy’n gallu arwain at hypothermia. Dwi ddim yn meddwl fod pobl yn deall ei bod yn gallu cymryd ychydig oriau i ni eu cyrraedd gan fod angen galw'r tîm allan, cael yr offer at ei gilydd ac yna cerdded atynt. Ar ddiwedd y dydd yna i helpu ydan ni ac nid i farnu ond rydan ni hefyd yn gallu addysgu pobl fel nid yw’r un peth yn digwydd eto.”

Yn aml nid yw’r sawl sydd yn cael eu hachub yn sylweddoli mai gwirfoddolwyr ydi’r tîm ac yn meddwl mai dyna yw eu gwaith dydd i ddydd.

“Rydan ni’n gorfod egluro bo ‘ni wedi gorfod cymryd hanner diwrnod neu ddiwrnod o wyliau o’r gwaith i fynd i’w cynorthwyo. O’r rhai rydym yn helpu, mae’r rhan fwyaf yn rhoi cyfraniad ac rydym yn ddiolchgar iawn am hynny. Mae codi arian i’r tîm wedi bod yn anodd iawn dros y ddwy flynedd diwethaf. Roedd gennym duniau bach casglu mewn tai bwyta a thafarndai ond wrth gwrs roedd rhaid cael gwared ohonynt yn ystod y pandemig. Mae gennym gymaint o gostau o ran yr offer ac yr angen i gadw’r ganolfan i fynd hefo nwy a thrydan ac ati. Rydym yn gobeithio gallu adeiladu canolfan newydd yn y dyfodol sydd yn ffit i bwrpas, mae lle rydan ni rŵan yn fychan iawn ac nid yn addas ar gyfer sefyllfaoedd fel torri newyddion drwg i bobl.

Pa gyngor fysa Barry yn ei roi i unrhyw un sydd yn meddwl mynd am dro ar y mynyddoedd?

Paratoi! Sicrhau fod gennych ddigon o ddillad cynnes, sgidiau a sanau addas, dim treinyrs ysgafn a sanau tenau.

Cychwyn digon buan, yn enwedig yn y gaeaf. Dydach chi ddim eisiau bod yn cerdded lawr y mynydd yn y tywyllwch, adeg yna mae damweiniau yn dueddol o ddigwydd.

Gwnewch yn siŵr eich bod yn mynd a digon o fwyd a diod hefo chi.

Cadwch ar y llwybrau cerdded wrth gwrs.

Os hoffech wybod mwy am waith Tîm Achub Mynydd Llanberis cliciwch yma neu ewch i’w tudalen Facebook.

Mae’r rhestr o’r prif lwybrau sydd yn eich arwain i gopa’r Wyddfa ar gael yma.

Hwb Hysbys wr i a m dau a i h c rian r a a f M y , g vans Llon E s e is o r Jon r o w u H Nia M y Don a h t Plas Griffi l a f o ef g r t r lhau a b g w c edi w d d sy yster ess: w c h c m u y c to S ife s L p f e o t ‘Six S e and End tiv ns’.

Pallia o i p cham e r a c

Llongyfa rchiadau mawr i Delyth Jo nes o Wa sanaeth Cefnogol y Cyngor sydd wed ennill gw i obr Pren t i s y Flwyddyn yng Ngw obrau Co leg Cymr Cenedlae aeg thol 2022 .

Dywedod Delyth: “ d Hoffwn d d i olch o ga i bob un lon ohonoch w n aeth bleidleisi o i mi. M ae wedi b brofiad a od yn nhygoel a dwi’n hyn ddiolchga od r.”

Hwb Hysbys

Yn y rhifyn diwet ddarl haf o len a ’r cylc m ymdr sbwri hgraw echio el Arf n caw n rha on i g som pobl i efnog o ael Gwyn o i d a e a c dd yn u tîm hos d ardal a. Bo casgl hael drwy b Nad u iawn roi rh gwait olig m gyda oddio h. chriw n idd iau sb ae ynt i d wriel diolch yr Pend am e u erfyn odd S dderb imon yniwy , Dar d ron a mynd i elus Terry en Aw yn be roi rh yr La nodo Gogle oddio s gyd l i gro dd Cy na a n ’ f r a m r h y criw w ru. R mate oddio b Cov ydym edi co n yn id 19 yn fa di £7 focsy l GIG 20 a s sioc c wed ch o gyho led a iddyn e i derb ddi fo bisge t am yn nif dy d i e a u r er faw wnae hymd g y f e r yr e th gy ro rechi lusen frann on ac . u.

Diolc i baw h b

ANDREW YN TRAWSNEWID EI FYWYD Rydym yn aml yn clywed am y grym sydd gan gyfryngau cymdeithasol i rannu gwybodaeth a dod a phobl at eu gilydd ac mae Instagram wedi ysbrydoli un aelod o staff i drawsnewid ei fywyd. Ers tair mlynedd mae Andrew Guy – Swyddog Hyfforddi ac Ansawdd Gofal Anableddau Dysgu – wedi bod ar daith i wella ei iechyd a lles ac wedi colli saith stôn yn y broses!

“Dwi wedi dioddef hefo fy mhwysau ers yn blentyn. Dwi wedi trio bob math o ddietau gwahanol er mwyn cael ateb cyflym, ond fel dwi wedi ei ddysgu, yn y pendraw nid ydynt yn gweithio. Roedd cario gymaint o bwysau ychwanegol yn cael effaith mawr ar fy iechyd ond am flynyddoedd roeddwn yn beio bob dim arall heblaw fy mhwysau!!

Wrth gerdded rhwng swyddfeydd Penrallt a’r Pencadlys ar gyfer cyfarfodydd nid oeddwn gallu cadw fyny hefo cydweithwyr, roedd fy nhraed a’n mhengliniau i’n brifo ac roedd rhaid agor ffenest neu roi'r ffan ymlaen yn syth ar ôl cyrraedd nôl i’r swyddfa gan fy mod yn boeth ac yn chwysu,” meddai Andrew.

Penderfynodd fod rhaid gwneud newidiadau er mwyn ei iechyd meddyliol yn ogystal â’i iechyd corfforol.

“Mae’r meddwl yn gallu chwarae triciau ar rywun. Mi fyswn i’n perswadio fy hun bod pobl yn dweud pethau amdanaf wrth gerdded lawr y stryd fel ‘Yli tew ydi hwnna’ ond fy ansicrwydd i oedd yn achosi hynny.

Roedd gennai gywilydd o fy hun ac roeddwn yn hunan ymwybodol, doedd o ddim yn le braf i fod. Pe bawn yn cael gwahoddiad i barti neu am bryd bwyd byddwn yn gwneud esgus munud olaf gan fy mod yn teimlo cywilydd a heb ddillad neis i wisgo.

Cyrhaeddais bwynt lle roeddwn wedi cael digon ar hyn ac yn gwybod fod rhaid gwneud rhywbeth i newid y sefyllfa, dim ond y fi fysa’n gallu gwneud hynny. Os ti rili isio rhywbeth mae’n rhaid i chdi fynd allan yna i gwffio amdano, does 'na ddim byd am ddisgyn ar dy lin.”

"Os ti rili isio rhywbeth mae’n rhaid i chdi fynd allan yna i gwffio amdano, does 'na ddim byd am ddisgyn ar dy lin.”

“Roedd Instagram yn andros o help,” meddai.

Dechreuodd ddilyn tudalennau pobl oedd wedi colli pwysau a chael ei ysbrydoli gan eu lluniau “cyn ac ar ôl”. Cafodd yr hyder rannu ei luniau ei hun a sylwi fod pobl eraill yn dilyn ei siwrnai.

“Mi wnes i stopio bwyta têc awes ac yfed cwrw yn gyfan gwbl a lleihau faint o siwgr roeddwn yn fwyta. Ddechreuais fwyta mwy o lysiau a ffrwythau ac yn fuan iawn dechreuodd y pwysau ddiflannu.

Dechreuais fwynhau coginio, rhywbeth doeddwn i heb fod yn rhu awyddus i wneud yn y gorffennol, roedd têc awês rhy handi!! Dwi’n mwynhau paratoi lob sgows, lasagne iach a ‘cottage pie’.

Dwi’n bwyta llwyth o salads i ginio ac yn ffeindio dwi ddim yn llwgu gymaint gan fy mod yn bwyta bwyd maethlon yn lle sosej rôl neu frechdan llawn calorïau.

Er fy mod eithaf llym efo’r hyn dwi’n fwyta dwi’n cael un trît y diwrnod fel bisged neu far o siocled. Mi fysa’r hen Andrew wedi bwyta’r paced cyfan,” eglurodd.

Mae Andrew wedi ysbrydoli eraill drwy Instagram i fyw bywyd iachach. Cafodd gymaint o ddylanwad ar un o’i ddilynwyr nes ei bod eisiau dweud diolch arbennig wrtho drwy’r rhaglen Gwesty Aduniad ar S4C. “Roeddwn yn ddiolchgar dros ben i Glenda am drefnu i ni ddod at ein gilydd wyneb yn wyneb, ychwanegodd Andrew. “Rydym wedi rhannu profiadau a dwi wedi dysgu gymaint ganddi hefyd. Dwi’n falch iawn o fod wedi gallu helpu Glenda ar ei thaith i golli pwysau.”

Yn ôl Andrew mae newid ei ffordd o fyw wedi trawsnewid ei fywyd er gwell.

Eglurodd, “Ers colli pwysau dydw i ddim yn cael problemau anadlu na poen pen-glin.

Dwi’n codi llawer cynt gan fod gennai fwy o egni a dwi’n teimlo lot fwy siarp yn y gwaith.”

A beth ydi cyngor Andrew i eraill sydd eisiau newid eu ffordd o fyw?

“Y peth pwysicaf ydi deall nad ydi colli pwysau yn rhywbeth ddigwyddith dros nos ac mae’n bwysig cymryd camau bach. Mae’n rhaid derbyn y broses, y ffordd newydd o fyw, gan gymryd bob dydd fel mae’n dod. Trwy gadw ato byddwch yn teimlo’r gwahaniaeth ar eich iechyd yn feddyliol a chorfforol.”

Darllenwch ymlaen i weld rysait blasus gan Andrew.

Dilynwch Andrew ar Instagram @slimmingworld_welshguy

COFIO CEFIN Yn ôl yn mis Rhagfyr derbyniwyd newyddion hynod o drist bod ffrind a chydweithiwr i lawer un ohonom yn Cyngor Gwynedd, Cefin Edwards wedi marw yn dilyn cyfnod byr o salwch. Mae ein meddyliau i gyd yn parhau i fod gyda theulu Cefin ac ei gydweithwyr yn yr Adran YGC. Mae Huw Williams, Pennaeth Adran YGC - a oedd yn ffrind a chydweithiwr i Cefin ers blynyddoedd wedi talu teyrnged iddo.

Teyrnged i ‘Cef’ gan Huw Williams Roedd Cefin Edwards yn un o beirianwyr mwyaf profiadol yr Adran. Roedd ganddo hefyd sgiliau arbennig iawn o annog pobl i lwyddo.

Gyda thristwch mawr clywsom am farwolaeth ein ffrind a chydweithiwr Cefin. Roedd yn berson preifat iawn a ddim isio “fuss” am ei gyflwr, gan ganolbwyntio ar y pethau da a phositif mewn bywyd.

Cyn mynd i’r ysbyty roedd yn sôn wrthaf am be roedd am wneud ar ôl dychwelyd adra, gan ei fod yn 65 mlwydd oed ac yn weddol ffit. Mae’n drist iawn adlewyrchu nad oedd hynny i fod.

Roedd Cefin pob tro hefo gwên ar ei wyneb (direidus medda rhai) a mwy na pharod i gefnogi pawb gan ddefnyddio ei brofiad eang. Roedd yn ddiplomydd, gyda’r gallu i uniaethu gydag ystod eang o bobl o du mewn a thu allan i’r Cyngor, ac yn fodlon rhoi syniadau unigryw ac ymarferol ymlaen er gwella'r atebion i unrhyw broblem. Roedd Cef yn uchel iawn ei barch ar draws yr Adran, y Cyngor a’r diwydiant.

Mae Cef wedi mentora degau o Beirianwyr YGC a chwmnïau eraill ar draws Gogledd Cymru.Roedd yn Arholwr Proffesiynol ICE (Institution of Civil Engineers); rhiwbeth roedd Cef yn hynod falch ohono.Rwyf wedi cael sawl awr o bleser wrth weithio’n agos gydag ef ar faterion datblygu staff, ac wedi cael mwynhad yn ei weld yn gwneud ei orau glas i ddod a’i brofiad a’i sgiliau ymlaen i ddatblygu unigolion i lwyddo a chael cymwysterau proffesiynol. Roedd hefyd yn hynod o falch o’r gamp o ennill y “Wobr Patterson” gan yr ICE yn 2003.

Ymunodd Cefin a'r hen Gyngor Sir Gwynedd yn 1979 o McAlpines, lle gweithiodd ar gynllun enfawr “Dinorwic Hydro Electric Power”. Yn ei amser gyda’r Cyngor gweithiodd ar bob math o gynlluniau heriol iawn, o weithredu cynlluniau Traethlin Dau i Gynlluniau Rhaglen Gwella Trafnidiaeth Ysgolion; dyma le bu’n gweithio mewn partneriaeth yn drawsadrannol a gyda phrifathrawon, llywodraethwyr, rhieni, yr Heddlu a’r HSE. Roedd yn uchel iawn ei barch oherwydd ei wybodaeth a’i brofiad; mwy na dim, ei gymeriad oedd yn allweddol i hyn. Yn ddiweddar roedd yn defnyddio'r rhinweddau yma i gefnogi YGC drwy guro gwaith yn y farchnad.

Rydym i gyd yn YGC wedi colli cydweithiwr a ffrind hoffus a phoblogaidd. Rydym yn cydymdeimlo gyda’i deulu oll yn arbennig ei wraig Bethan, Rhys ag Iwan (ei feibion), a’i fam Hilda.

BETH AM FYND AMDANI? Mae bod yn actif a gwneud ymarfer corff yn dda i’n hiechyd corfforol, ond wyddoch chi fod ymarfer corff yn fuddiol i’n hiechyd meddwl a’n lles hefyd?

Gall cerdded am gyfnod byr bob dydd wella ein hegni a’n hwyliau, a gall cymryd rhan mewn gweithgaredd corfforol yn rheolaidd lleihau straen a gorbryder. Mae hefyd yn chwarae rhan yn atal datblygu problemau iechyd meddwl ac o ran gwella ansawdd bywyd pobl sy’n byw gyda chyflyrau iechyd meddwl.

Beth am fentro allan i’r awyr agored i gerdded, mae’n ffordd dda o gadw’n actif. Gallwch gerdded ar eich pen eich hun, gyda ffrindiau neu mewn grŵp.

Beth am i chi ymuno gyda grŵp Strava’r Cyngor? Llwythwch yr ap sydd am ddim i’ch ffon, mewnbynnwch eich manylion, ymunwch gyda chlwb Cyngor Gwynedd a chofnodwch eich taith a gweld ble mae eraill wedi bod!

Beth am annog cydweithwyr i ymuno hefo chi? Mae Strava yn eich galluogi i greu heriau ar gyfer grŵp.

Mae grŵp o gydweithwyr o Adran Cefnogaeth Gorfforaethol eisoes wedi mynd amdani ac wedi creu her i gerdded neu redeg 2022 o filltiroedd yn ystod 2022.

“Fel cydweithwyr rydym wedi gosod her i gerdded 2022 o filltiroedd dros y flwyddyn nesaf. Drwy gymryd rhan yn yr her mae’n fy annog i fynd allan am dro yn ddyddiol.

Rydym yn gallu tracio ein cynnydd yn hawdd drwy’r ap a chefnogi ein gilydd. Hefyd, mae’n ffordd dda o ddod i ddysgu am ardaloedd eraill gan ein bod i gyd yn byw mewn lleoliadau gwahanol o Lanuwchllyn i Ben Llyn ac o Fethesda i Ynys Môn”.

Felly, beth am fynd amdani, gosodwch her i chi a’ch cydweithwyr eleni.

Byddwn wrth ein bodd yn clywed am eich heriau, cysylltwch gyda cyfathrebumewnol@gwynedd.llyw.cymru i rannu eich straeon gyda ni.

Cyfle i bobl Gwynedd siapio dyfodol eu milltir sgwâr ‘Beth sy’n dda am eich ardal leol?’; ‘Beth sydd ddim mor dda?’; ‘Beth sydd angen newid er mwyn gwneud eich ardal yn lle gwych i fyw ynddo erbyn 2035?’.

Mae’r Cyngor yn galw ar drigolion y sir - o Ben Llŷn i Benllyn ac o Aberdyfi i Abergwyngregyn – i lenwi holiadur “Ardal Ni 2035” er mwyn canfod atebion i’r cwestiynau allweddol yma.

Ymarferiad ymgysylltu sy’n canolbwyntio ar gymunedau unigol o fewn y sir yw “Ardal Ni 2035” sy’n holi barn pobl Gwynedd am ddyfodol eu hardal leol. Gall pobl Gwynedd lenwi’r holiadur: ar-lein drwy ymweld â gwefan dweudeichdweud.gwynedd.llyw.cymru a dewis eu cymuned lleol o’r ddewislen; drwy geisio copi papur o’r llyfrgell neu Siop Gwynedd lleol; drwy ffonio Galw Gwynedd (01766 771 000) i ofyn am gopi papur drwy’r post.

Bydd yr holl ymatebion yn siapio’r gwaith o flaenoriaethu a datblygu 13 cynllun adfywio lleol unigryw ar gyfer cymunedau Gwynedd dros y 15 mlynedd nesaf. Y cam nesaf wedyn fydd cydweithio a chyd-ddatblygu datrysiadau gyda sefydliadau, grwpiau ac unigolion.

RYSAIT LASAGNE Ar dudalen --- cawsom ddarllen sut mae Andrew wedi llwyddo i drawsnewid ei fywyd drwy newid ei arferion bwyta. Dyma rannu rysáit lasagne blasus ond iachus mae Andrew yn mwynhau ei baratoi.

Cynhwysion 500g briwgig eidion (lean beef mince) 5% o fraster neu lai 1 Pupur coch, wedi'i ddadhadu a'i dorri'n fân 1 Courgette 1 Nionyn, wedi'i dorri'n fân 4 clof garlleg, wedi'i falu 400g o domatos wedi'u torri'n fân 400g pasata 2 lwy de o berlysiau cymysg sych 500g o iogwrt naturiol di-fraster 2 wy, wedi'i guro'n ysgafn Pinsiad o nytmeg Hylif coginio calori isel 12 dalen lasagne sych 4 llwy fwrdd lefel o barmesan ffres wedi'i gratio

Dull Rhowch badell ffrio nad yw'n glynu dros wres uchel. Ychwanegwch y cig eidion, coginiwch am ychydig funudau a draeniwch unrhyw fraster. Cymysgwch y pupur, courgette, nionyn a garlleg a'u ffrio am 6-8 munud. Ychwanegwch y tomatos, passata a'r perlysiau sych, sesnwch ar gyfer blas a gostyngwch y gwres i ganolig. Coginiwch am 12-15 munud gan droi'n aml.

Cynheswch y popty i 200°C, Nwy 6. Cymysgwch yr iogwrt, wyau a nytmeg nes eu bod yn llyfn.

Chwistrellwch ddysgl sy'n addas ar gyfer popty gyda’r olew coginio. Rhowch hanner y briwgig a hanner y taflenni lasagne ar ei ben, a gorchuddiwch â gweddill y cymysgedd briwgig. Gorffennwch yr haenu gan ddefnyddio'r taflenni lasagne sy'n weddill a rhoi haen o'r gymysgedd iogwrt dros y top.

Rhowch y caws drosto a'i bobi am 25-30 munud neu nes ei fod yn euraidd a'r lasagne yn feddal. Gweinwch yn boeth gyda salad cymysg.