Matematikk 1 frå Cappelen Damm Øvebok, 2 utgåve

Øvebok MATEMATIKK 1 frå CAPPELEN DAMM

Hanne Hafnor Dahl

May-Else Nohr

Nynorsk

Matematikk 1 Øvebok frå Cappelen Damm følgjer grunnbøkene

Matematikk 1A og 1B. Bøkene er delte inn i dei same kapitla og delkapitla. Oppgåvene i øveboka eignar seg godt som lekser.

Kapittelstart

Kvart kapittel i øveboka startar med eit utsnitt av det store biletet du finn i byrjinga av det same kapittelet i grunnboka.

Du har kanskje høyrt historia i kapittelet om Mattis og vennene hans?

Hugsar du kva dei undra seg over?

I Hugsar du? repeterer vi startoppgåvene

Vi tenkjer og Vi lærer frå grunnboka. Hugsar du kva de utforska og snakka om i klassen?

Hugsar du kva for ulike løysingar de reflekterte over?

I øveboka er det mange fleire øveoppgåver

som du kan gjere på eiga hand. Du kjenner kanskje att mange av oppgåvene frå grunnboka?

Finn ut er oppgåver som kan løysast på ulike måtar, eller som kan ha fleire rette svar. Nokre av oppgåvene må du nok jobbe lenge med før du finn ut av dei, og kanskje du må prøve fleire gonger. Det er lurt å samarbeide om å løyse desse oppgåvene. Mange av Finn ut-oppgåvene er praktiske oppgåver.

Tips til dei vaksne heime er ei side som dei vaksne heime kan lese for å kunne ta del i alt det spennande du skal lære, og kanskje hjelpe deg endå meir. Her kan dei lese litt om korleis barn lærer matematikk.

I tillegg får dei forslag til gode spørsmål de kan snakke om, og aktivitetar de kan gjere saman.

Spel. I slutten av boka er det eit morosamt spel som de kan spele heime, og som de også kan lære matematikk av. De kan spele det mange gonger og på mange ulike måtar. Kanskje finn du også på eigne reglar?

Vi øns r dykk eit skikkeleg morosamt og lærerikt år!