APIRILA MAIATZA EKAINA 2025
Azaleko irudia: Chiharu Shiota. My House is your House
6
Hiruhileko honetan gurekin izango dira...
Ixone Sádaba Escala 1:1 Erakusketa
Chiharu Shiota
My House is your House. Instalazioa
12
Dantzerti. ELDARNIODELIRIO. eszenAZ. Antzerkia 13
Janire Etxabe. Atxine. eszenAZ. Dantza esekia
14
Ziomara Hormaetxe. LĀTTICE. eszenAZ. Dantza, Teknologia
15
Maitane Sarralde DESªNUDA. eszenAZ. Dantza esekia
16 Ça Marche. Trabajos forzados. eszenAZ. Antzerkia
17
Alberto Cortés Analphabet. eszenAZ. Antzerkia 18
Eneko Gil & Koldo Arostegi Vulnerable. eszenAZ. Dantza, antzerkia
20
Peripheries of Performing Arts & New Technologies ACuTe Sinposioa
22
Classique = Moderne. Zinematekaren historia berria II. Zinemateka
24
Azkuna Zentroan gertatu da
Zinema-elkarrizketak. Argiak, kamera... ekin!
Marta Cartu, Pauline Lecerf
eta Cole Degenstein
Running on empty. Comics as visual poetry
2025eko Komikiaren Nazioarteko Egonaldia
Babestu. Sorkuntzari Laguntzeko Programa
Lanean. Prozesu eszenikoei laguntzeko programa
Azkuna Zentroko Ikertzaile AZkideak
Komikiari buruzko ezinbesteko elkarrizketak
Azkuna Zentroko Artista AZkideak
ACuTe. Culture Testbeds for Performing Arts and
Tailerra: Energia eta natura: Lemoizko herbarioa
Partekatu zure etxearen historia
Hiruhileko honetan gurekin izango dira...
Azkuna Zentroa - Alhóndiga Bilbaoko programazioa diziplina desberdinetako pertsonen konplizitatearen emaitza da, haiek gure proposamenak balioesten eta aberasten baitituzte, era askotako ikusleen komunitateei zuzendutako ekarpenekin. Hiruhileko honetan gure artean izango ditugun proiektuak eta pertsonak erakutsiko ditugu hemen, aurten abian jarri ditugun elkarrizketen parte direnak.
Olatz de Andrés Artista AZKidea
Inés García Babestu. Sorkuntzari Laguntzeko Programa
Silvia Zayas Lanean. Prozesu Eszenikoei Laguntzeko Programa
Beatriz Sánchez Babestu. Sorkuntzari Laguntzeko Programa
Casado Ikertzailea AZ-Kidea
Tripak Lanean. Prozesu Eszenikoei Laguntzeko Programa
Estibaliz Sádaba Murguia Babestu. Sorkuntzari Laguntzeko Programa
Ixiar Rozas Ikertzailea AZ-Kidea
Ziomara Hormaetxe Koreografoa
Ivonne Villamil Babestu. Sorkuntzari Laguntzeko Programa
Rosa
Lore Stessel Artista AZKidea
Amaia Molinet Artista AZKidea
Idoia Zabaleta Artista AZKidea
Ça Marche Artista AZKidea
Marta Cartu
Komikiaren Nazioarteko Egonaldia
Pauline Lecerf Komikiaren Nazioarteko Egonaldia
Carles Guerra Komisarioa
Chiharu Shiota Artista
Alberto Cortés Dramaturgoa eta performerra
Tereza de Arruda Komisarioa
Eneko Gil
Dantzaria eta koreografoa
Cole Degenstein Komikiaren Nazioarteko Egonaldia
José Julián Baquedano Idazlea eta zinemazuzendaria
Artista new media
Janire Etxabe
Dantzaria eta koreografoa
Koldo Arostegi
Dantzaria eta koreografoa
Maitane Sarralde Dantzaria eta koreografoa
Peru Galbete Musikoa
Jaime de los Ríos
© Adriana López Sanfeliu
Ixone Sádaba Artista
José Ramón Ais Artista
© Jon Usual © Jorge Cubero
#artebisualak #argazkia #erakusketa
Ixone Sádaba
Escala 1:1
Komisarioa: Carles Guerra
Escala 1:1 erakusketa Ixone Sádabak (Bilbo, 1977)
Lemoizko zentral nuklearraren ondare material, sinboliko eta politikora hurbiltzeko egin duen argazki-ikerketaren emaitza da.
Carles Guerrak komisariatutako proiektu artistiko honek gonbit egiten du sarbide-politika berri bat irudikatzera, horrela, zentralaren xedea memoriari buruzko eztabaida publiko batera irekitzeko orainalditik. Ixone Sádabak lehengoratze-ariketa hau planteatzen du Lemoizko multzoa osatzen duten eraikuntzen zatiak benetako tamainan proiektatuz.
Erakusketa-proiektuaren esparruan, Ixone Sádabaren ikerketa fotografikoan ikusitako alderdi guztiak hitzekin azaltzeko elkarrizketa gertatuko da apirilaren 2an.
Ekitaldian, artista eta komisarioarekin batera, Iñaki
Martínez de Albéniz (soziologoa, UPV/EHU) eta Julia Schultz-Dornburg (arkitektoa, ikertzailea eta argazkilaria) izango dira, Sádabaren obraren adarrak ikertzeko. Carles Guerraren arabera, “euskal gatazkaren historiako objekturik polemikoenetako baten testigantza izateaz gain, historia horrek fotografiaren gorputzean eragin dituen lesioen berri ere ematen du”.
IXONE SÁDABA
Artista eta ikertzailea, Sádaba
Moving Artists International erakundeko zuzendaria eta sortzaileetako bat da, eta beste erakunde batzuetako kidea, hala nola Teja eta On The Move erakundeetakoa, larrialdi-egoeretan praktika artistikoa babestuz.
Ixonek Museo Nacional Centro de Arte Reina Sofía, Guggenheim Bilbao eta Torontoko MOCCA Contemporary Art Museum bezalako nazio eta nazioarteko erakundeetan egin ditu erakusketak. Bere lanak Guggenheim Bilbao, MNCARS, ARTIUM, MUSAC, Iberdrola edo BBKren bildumetan daude ikusgai, baita bilduma pribatu askotan ere.
CARLES GUERRA
(Amposta, 1965)
Arte-kritikaria, irakaslea eta ikertzailea da. Kataluniako Udaberri Fotografikoaren zuzendaria izan da, La Virreina Centre de la Imatgeko zuzendaria, Museu d’Art Contemporani de Barcelonako (MACBA) kontserbatzaile burua eta, 2015 eta 2020 artean, Antoni Tàpies Fundazioko zuzendaria.
Erakusketa monografiko ugariz arduratzeaz gain, honako proiektu hauek komisariatu ditu: 1979. Un monumento a instantes radicales, Antoni Tàpies. Biografía política eta Tosquelles. Como una máquina de coser en un campo de trigo.
2025EKO OTSAILAREN 6TIK APIRILAREN 27RA
Erakusketa Aretoa
Sarrera dohainik
BISITEN PROGRAMA
Sarrerako bisitak
Ostegunero, 18:30ean (30' )
Erakusketa Aretoan
Sarrera dohainik, webgunean izena eman ondoren, lekuak bete arte
JARDUERAK
Elkarrizketa Ixone Sádaba, Carles Guerra, Iñaki Martínez de Albéniz eta Julia Schulz-Dornburg-en artean
Apirilak 2, asteazkena 17:30-20:00
Bastida Aretoa
Eskolako ikasleentzako tailerra Ixone Sádaba (artista) eta José Ramón Aisekin (artista)
Apirilak 10 (sarrerak agortuta)
#artebisualak #instalazioa #erakusketa
My House is your House
Komisarioa: Tereza de Arruda
Chiharu Shiota
Chiharu Shiotaren lehen erakusketa monografikoa Bilbon ikusgai dago Azkuna Zentroan. Shiota munduko arte garaikideko artistarik nabarmenetako bat da.
Ana Mendietaren eta 1970eko hamarkadaren hasierako artista feministen belaunaldi oso baten oinordekoa da Chiharu Shiota. Bere gorputzarekin lan egiten du, esku hartzeko espazio gisa hartuta, lurrarekiko, iraganarekiko eta memoriarekiko lotura jorratzen duten performanceak eginez.
Artilez ehundutako instalazioengatik da ezaguna. Bere bilbadurek erakarpen onirikoa sortzen dute, eta, aldi berean, memoria, forma filosofiko baten existentzia eta haren absentzia berpizten dute.
Azkuna Zentroan bere artea erakusteko sortutako sitespecific honek Bilbo du inspirazio-iturri, eta Alhóndigako arkitekturarekin ari da solasean. Tereza de Arruda historialariak komisariatutako erakusketa honetan, gorriak eta eskala handiko sorkuntza-lanak Ataria eta Erakusketa Aretoa lotzen dituzte, ibilbide bat eginez bere obratik, hasierako lanetatik inoiz erakutsi gabeko instalazioetaraino.
CHIHARU SHIOTA
(Osaka, 1972) Chiharu Shiota pinturan (Kiotoko Seika Unibertsitatea, 1992-1996) eta arte bisualetan (Braunschweigeko Goi Mailako Arte Eskola, 1997-1999 / Berlingo Arte Akademia, 1999-2003) trebatuta dago, eta Berlinen bizi da.
Erakusketa hauek egin ditu, besteak beste: Hammer Museum, Los Angeles, Queensland Art Gallery of Modern Art (QAGoMA), Brisbane; ZKM | Zentrum für Kunst und Medien, Karlsruhe; Zeelanda Berriko Te Papa Tongarewa Museoa, Wellington; Mori Arte Museoa, Tokio; Gropius Bau, Berlin; Australiako Hegoaldeko Arte Galeria; Yorkshire Sculpture Park, Erresuma Batua; Kochiko Arte Museoa; eta Osakako Arte Museo Nazionala. 2025eko lehen hiruhilekoan, Parisko Grand Palais-en erakutsi ditu bere artelanak. Nazioarteko erakusketa askotan ere parte hartu du, hala nola Oku-Notoko Nazioarteko Arte Jaialdian, Sydneyko Bienalean, Echigo-Tsumariko Arte Hirurtekoan eta Yokohamako Hirurtekoan. 2015ean, Shiota hautatu zuten Japonia ordezkatzeko Veneziako Bienalaren 56. edizioan.
2025EKO MAIATZAREN 27TIK IRAILAREN 28RA
Erakusketa Aretoa Sarrera dohainik
BISITEN PROGRAMA
Sarrerako bisitak
Ekainetik irailera, Ostegunero, 18:30ean (30' )
Erakusketa Aretoan
Sarrera dohainik, webgunean izena eman ondoren, lekuak bete arte
Familientzako gida
Erabilera libreko material didaktikoa 5 urtetik gorako haurrentzat
#artebiziak #eszenAZ #antzerkia
Dantzerti
ELDARNIO-DELIRIO
Euskadiko Arte Dramatiko eta Dantzako Goi
Mailako Eskolaren, Dantzertiren Dantza Graduaren promozio berriak ELDARNIO-DELIRIO taularatuko du.
Dantzertirekiko lankidetza hau Azkuna Zentroa - Alhóndiga Bilbaok sorkuntzari laguntzeko duen lerro estrategikoaren parte da.
Jokin Oregiren zuzendaritzapean, Gabriela Arranz, Andrés
Cortés, Andrea Gallego, Maite Gandia, Aitziber Ruiz, Ane Sarasua eta Libe Unibaso antzezleek jokatuko dute mendian girotutako antzezlan hau.
Elurra urtzen hasia da, mendiak gorderik dituen sekretu izoztuak agerian utziz.
Leirek erantzunak behar ditu. Bere burua aurkitu nahi du. Ulertu behar du zer gertatu zen zortzimilako hartan bere bizitzan aurrera egiteko. Iritsiko al da gailurrera? Beteko al du bere beharra? Aurkituko al ditu galdutako erantzunak elurretan?
APIRILAK 9, ASTEAZKENA, ETA 10, OSTEGUNA
19:00 / 75'
Auditorioa
Sarrera dohainik lekuak bete arte
FITXA ARTISTIKOA
Zuzendaria: Jokin Oregi
Antzezleak: Gabriela Arranz, Andrés Cortés, Andrea Gallego, Maite Gandía, Aitziber Ruiz, Ane Sarasua, Libe Unibaso
Egilea: Jokin Oregi
Diseinua eta soinu-sorkuntza: Ibon Aguirre
Argiztapenaren diseinua: David Rodríguez
Irakasleak
Tailerreko irakaslea: Igor Razquin
Interpretazioa: Matxalen De Pedro
Ahotsa: Vene Herrero
Jantziak: Ainhoa Areitio
Eszenografia: Martin Barandiaran
Arduradun teknikoa: Xabino Alkorta
Objektuen manipulazioa: Rita Martín
Ekoizpena: Lucía Lasarte
#artebiziak #eszenAZ #performance #dantzaesekia
Janire Etxabe
Atxine
Janire Etxabe dantzari eta koreografoak dantza bertikala eta artea uztartzen ditu memoriarekin eta herri kulturarekin, Euskal Herriko natura erabiliz mugimenduaren euskarri gisa.
Atxine da bakarka egin duen lehen hegaldia. Dantza esekiaren ikuskizun honetan, objektuarekiko eragintrukea izateko aukera desberdinen bidez, bizitzako etapa desberdinetan (jaiotza, gaztaroa, gerra eta zahartzaroa) izaten diren emozioak azaltzen dira, eta, bitartean, horren sinbologia eta kontzeptua aldatzen dira.
Paula Olaz konpositoreak sortutako soinu-espazioan, ttun-ttunaren eta xirularen doinu tradizionalek soinu industrialago eta modernoagoekin bateratzen dira.
Emakume batek eta bere burukoak bizi-zikloan daramaten karga emozionala eta kulturala islatzen dute, eszena bakoitzean sinbologiaz aldatzen den egitura baten bidez; bertan jaio eta babestuko da, eta bertatik isuriko ditu ahotsa, izerdia eta bizitza.
MAIATZAK 14, ASTEAZKENA, ETA 15, OSTEGUNA
20:00 / 34'
Kulturen Ataria Sarrera dohainik
FITXA ARTISTIKOA
Ekoizpena: Eusko JaurlaritzaGobierno Vasco, Dimegaz
Zuzendaria: Janire Etxabe
Dramaturgia: Janire Etxabe
Kanpo-begirada eta mugimenduaholkularitza:
Garazi Etxaburu, Magalie Lanriot
Musika: Paula Olaz
Soinua: Mikel F. Krutzaga
Ahotsak: Itziar Aizpuru, Paula Olaz, Janire Etxabe
Testua: Joxean Artze
Eszenografia: Jose Pablo Arriaga
#artebiziak #eszenAZ #dantza #teknologia
Ziomara Hormaetxe
LĀTTICE
Ziomara Hormaetxe euskal koreografoak LĀTTICE mugimenduko lan performatiboa aurkeztuko du. Azkuna Zentroak ekoitzi du, Europako ACuTe. Culture Testbeds for Performing Arts and New Technology proiektuaren esparruan, zentroa horren partner estrategikoa delako, Europako Batzordearen Creative Europe-ren laguntzarekin.
LĀTTICE fisika kuantikoaren printzipioetan oinarritzen da, errealitate konbentzionala gainditzeko.
Gorputzaren eta teknologiaren arteko etengabe hizketan, pieza honek grabitatea esploratzen du, gorputza geruza askotan zeharkatzen duen nonahiko indar gisa: fisikotik kuantikora, espazioa eta mugimendua esperimentatzeko moduak konfiguratuz.
Lanak bidaia bat proposatzen du espazio birtualetan, multibertsoetan, non errealitatearen geruza bakoitzak existentziarako eta konexiorako aukera berriak irekitzen dituen, gaur egungo narratibek gure errealitatea eraldatzeko dituzten moduak zabalduz.
MAIATZAK 15, OSTEGUNA
ESTREINALDIA
19:00 / 40'
Auditorioa
Prezioa: kontsultatu webgunean eta AZ Infon
FITXA ARTISTIKOA
Zuzendaritza artistikoa: Ziomara Hormaetxe
Zuzendaritza artistiko eta koreografikoko laguntzailea: Fabian Thomé
Interpreteak: Ziomara Hormaetxe, Beatriz de Paz
New Media Artist/ Artificial Life Scenography: Jaime de los Ríos
Diseinua eszenografikoa: Jesús Jauregui
Errealizazio eszenografikoa: Grupo Intermedio
Soinu-artista: Miguel Marín Pavón
Ekoizleak: Azkuna Zentroa –Alhóndiga Bilbao, ACuTe. Culture Testbeds for Performing Arts and New Technology
Laguntzaileak: EBB Biarritz, Ballet Malandain Biarritz, Gernika-Lumoko Udala
#artebiziak #eszenAZ #dantzaesekia
Maitane Sarralde
DESªNUDA
Dantzari gisa estatuko eta nazioarteko proiektu eta konpainietan aritu ondoren, Maitane Sarralde sortzaile eta interpretatzaile gisa sartu zen buru-belarri pertsona bakar batentzako proposamen batean, eta hortik atera da bere lehen sorkuntza, DESa NUDA.
Ikuskizun honek modu berriak bilatu nahi ditu arnesdantza eta bera gidatzen duten dinamikak esploratzeko: pendulua, erorketa, grabitate eza eta esekidura. Materiatik eta langai dituen osagaietatik abiatuta, diskurtso komun bat sortzen da korapiloaren eta “esekita” dauden elementuen inguruan.
Espainiako Antzokien Sareko Zirku Batzordeak eta Kataluniako Puncat Katalogoak gomendatu dute DESa NUDA ikuskizuna. Umore Azoka 2022 epaimahaiaren aipamen berezia ere jaso zuen, piezak duen sormen, ikerketa eta berrikuntzagatik.
MAIATZAK 16, OSTIRALA, ETA 17, LARUNBATA
20:00 / 43'
Kulturen Ataria Sarrera dohainik
FITXA ARTISTIKOA
Sorkuntza | Interpretazioa: Maitane Sarralde
Laguntza artistikoa: Pau Portabella eta Eneritz Zeberio
Laguntza koreografikoa: Roseta Plasencia
Eszenografia | Egitura: Alicia Rechac
Soinu-unibertsoa: Rubén G. Mateos
Off-eko ahotsa: Aiora Sedano
#artebiziak #eszenAZ #antzerkia
Ça Marche Trabajos
forzados
Ça Marche konpainiak Trabajos forzados aurkeztuko du, Azkuna Zentroko artista AZkide gisa lantzen ari den proiektu eszenikoa. Piezak zalantzan jartzen ditu hizkuntzaren dinamikak eta horiek gorputzarekin duten harremana, isiltasunaren ideiatik abiatuta, hala aukeratutakoa nola inposatutakoa. Horrela, Ça Marchek gogoeta bat egin nahi du mendebaldeko zibilizazioak ahozkotasuna lehenesteko izan duen moduaz, komunikatzeko era nagusi gisa ezarriz, eta azterketa bat planteatzen du hizketarekin modu desberdinean erlazionatu behar dutenen esperientziari buruz.
Ohikoa denez, Ça Marchek profesionalak ez diren interpreteak sartu ditu lanean, kasu honetan gorrak.
Gainera, prozesu osoan, konpainiak harremanak izan ditu irisgarritasunaren inguruko hausnarketak eta lanak egin dituzten elkarteekin, instituzioekin eta konpainiekin, Trabajos forzados piezaren esparruan, gorren komunitatearekin espazioak, proiektuak eta testuinguruak garatu ahal izateko, “esperientzia eta beren etorkizuneko aztarna ahalik eta gehien zabaltzeko“.
MAIATZAK 28, ASTEAZKENA
ESTREINALDIA EUSKADIN
19:00 / 60'
Gaztelaniaz / Auditorioa
Prezioa: kontsultatu webgunean eta AZ Infon
FITXA ARTISTIKOA
Zuzendaria: Nico Jongen
Lankidea: Berta Frigola
Dramaturgia: Roberto Fratini
Performerra: Pepita Cedillo
Zeinu-hizkuntzako interpretea: Javi Díaz
Argiak eta koordinazio teknikoa: Júlia Bauer
Soinu-espazioa: Adrià Juan
Ekoizpena eta administrazioa: Mariona Signes
Azkuna Zentroa – Alhóndiga Bilbao, Conde Duque Madrid eta Ça Marche-ren koprodukzioa
Teatro Municipal do Porto, Théâtre de Liège eta la Comédie de Reims-en laguntzarekin.
Nau Ivanow eta Azkuna Zentroa –Alhóndiga Bilbaon egonaldian dagoen konpainia da Ça Marche
#artebiziak #eszenAZ #performance #antzerkia
Alberto Cortés
Analphabet
Alberto Cortés antzerkigile eta performerraren azken sorkuntza eszenikoa da Analphabet, mito edo legenda queer baten asmakuntza: espiritu erromantiko hau ingurune naturaletan agertzen zaie bikoteei eta haragiaren zaurian harrapatuta bizi da.
TNT 2024 jaialdian estreinatutako pieza honek erromantizismo alemaniarraren eta Andaluziako idiosinkrasiaren kutsua du, eta jorratzen duen ideia da amodio-eraikuntza gisa eratutako bikotearen barruan jasotzen eta egiten den abusua.
Analphabet istorioa “generoaren barneko indarkeriek zeharkatzen dute. Bi gizonek herentzia patriarkala daramate aldean, askotan queer edo maritxu izateak ez baitu hori ezabatzen”. Analphabet laneko testua eta pieza sortzeko prozesua jasotzen duen lan-egunkaria Siempre vengo de noche (Continta me tienes, 2024) liburuan argitaratuta daude.
EKAINAK 12, OSTEGUNA
ESTREINALDIA EUSKADIN
19:00 / 65'
Auditorioa
Prezioa: kontsultatu webgunean eta AZ Infon
FITXA ARTISTIKOA
Kontzeptua, dramaturgia, testuak, zuzendaritza eta interpretazioa: Alberto Cortés
Biolina eta elkarrizketak: Luz Prado
Argiztapenaren diseinua: Benito Jiménez
Argiztapen-teknikariak: Benito Jiménez / Cristina Bolívar
Soinua: Oscar Villegas / Pablo Contreras
Koordinazio teknikoa: Cristina Bolívar
Piano-grabazioak: César Barco
Espazio eszenikoa: Víctor
Colmenero
Jantziak: Gloria Trenado
Kanpoko begirada: Mónica
Valenciano
Fotografia: Clementina Gades
Bideoa: Johann Pérez Viera
Ekoizpena: El Mandaíto
#artebiziak #eszenAZ #dantza #antzerkia
Eneko Gil & Koldo Arostegi
Peru Galbeterekin lankidetzan
Vulnerable
Vulnerable proiektu eszenikoa Eneko Gil eta Koldo Arostegiren arteko lankidetzaren emaitza da. Eneko Gilek azken urteetan maskulinitate normatiboari buruz egin duen ikerketa koreografikoan du sorburu piezak.
Gizonezkoen eraikuntza-prozesuak biltzen duen mundu emozional konplexuan murgildu ondoren, bi sortzaileei gogoa egin zaie gizonen zaurgarritasuna ikertzeko.
Zer istorio ezkutatzen da gizonezkoen fisikalitateen atzean? Zer isilune eta ahalegin nahigabeko uzten dugu ezkutuan gure zaurgarritasuna agerian ez jartzeko?
Mugimenduaren eta hitzaren bidez, ahalegina egingo dute nekez erakusten dituzten beren barneko aldeak agerian jartzeko. Prozesu gisa egingo diote aurre ekintza eszenikoari, beren burua ezagutzeko eta gorputz maskulinoetatik zaurgarritasunarekin erlazionatzeko beste modu batzuk aurkezteko. Peru Galbete musikagile eta abeslariarekin arituko dira agertokian.
EKAINAK 26, OSTEGUNA
19:00 / 60'
Auditorioa
Prezioa: kontsultatu webgunean eta AZ Infon
FITXA ARTISTIKOA
Ideia eta kontzeptua: Eneko Gil Zuzendaritza artistikoa eta koreografia: Eneko Gil eta Koldo Arostegi
Musika-konposizioa: Peru Galbete
Interpretazioa: Eneko Gil, Koldo Arostegi eta Peru Galbete
Argiaren diseinua eta teknika: Andoni Mendizabal
Ekoizpena: Nagore Martínez
Kanpoko begirada: Bertha Bermúdez eta
Ainara Gurrutxaga
Bideoa eta argazkiak: Renata L. Etanowski / Zigor Garro
Dokumentala / Zuzendaritza: Lander Garro
Azkuna Zentroko
Arte Bizien
Denboraldia
%50 EKO DESKONTUA
-Aurrez aurreko erosketa (ikuskizuna baino hilabete lehenago)
-Gurpil-aulkian dauden pertsonak eta laguntzailea. *
% 30eko deskontua
-AZ txartelarekin
% 25eko deskontua*
-Arloko profesionalak
-65 urtetik gorakoak
-30 urtetik beherakoak
-% 33tik gorako desgaitasuna duten pertsonak
-8 pertsonatik gorako taldeak
* Sarrerak aurrez aurre bakarrik saltzen dira AZ Infon
Erosi zure sarrerak
azkunazentroa.eus
AZ Info
#artebiziak #teknologia
Peripheries of Performing Arts & New Technologies
Sinposioa
Azkuna Zentroak Peripheries of Performing Arts & New Technologies sinposioa antolatu du, teknologien bidez arte eszenikoen ekoizpenean berrikuntza lantzeko ACuTe. Culture Testbeds for Performing Arts and New Technology Europako proiektuaren esparruan.
Azkuna Zentroa partzuergo horren parte da, Europako erreferentziazko kultura-zentro, unibertsitate eta arte sortzaileetako erakundeekin batera. 2022az geroztik, partzuergoa testak, ikerketak eta berrikuntzak egiten ari da, istorioak agertokian kontatzeko eta ekoizteko moduan, eta publikoak haiekin interakzioan aritzeko eta konprometitzeko moduan.
Teknologia digitala eta baterako sorkuntzako metodologiak txertatzen dituen diziplinarteko ikuspegi batekin, “proba-banku kultural” bat sortzen ari da, prototipo ukigarriak probatzeko eta sortzeko, arte eszeniko eta dramaturgiko berrien ekoizpenetan, diseinu eszenikoan eta publikoaren parte-hartzean.
Bilboko sinposioan parte hartuko duten 14 zentroetako ordezkariek arte eszenikoen sektoreko profesionalekin partekatuko dituzte azken aldian praktikan jarritako esperientziak, talk session, workshop, hitzaldi, panel eta eztabaiden bidez. Programaren barruan, ekoizpen eszeniko esperimentalak eta publikoari irekita egongo diren instalazio artistikoak aurkeztuko dira. Horien artean LĀTTICE nabarmentzen da, Ziomara Hormaetxeren dantza performatiboko pieza, Azkuna Zentroak ekoitzia eta fisika kuantikoaren printzipioetan oinarritua. (Informazio gehiago: 14. orria).
MAIATZAK 13, 14 ETA 15
Sarrera dohainik, webgunean izena eman ondoren, leku guztiak bete arte
#zinemateka #zinema
Classique = Moderne.
Zinematekaren historia berria II
Azkuna Zentroa – Alhóndiga Bilbaok Classique = Moderne zikloaren bigarren zatia programatu du, Zinematekak Bilbon egindako 40 urteen omenez. Zikloa serie gisa antolatu da, 3 urtez, 2024, 2025 eta 2026an, hastapenetan gune honen programatzailea izan zen José Julián Baquedanorekin batera aukeratutako 45 filmekin. Ezinbesteko filmak dira, gehienbat zinemaren historian duten garrantziagatik, eta ez zuzendu dituztenen garrantziagatik.
Irizpide hori kontuan hartuta, Classique = Moderne. Zinematekaren historia berria zikloaren bigarren kapitulu honetan, zinema-ekoizpeneko 12 maisulan izango ditugu ikusgai.
2025EKO URTARRILAREN 14TIK APIRILAREN 10ERA
Asteartea eta osteguna
Golem Alhóndiga Zinemak 5€ / 4€ AZ Txartelarekin
Asteartea, +65 urte: 2€ (leihatilan bakarrik salgai)
Sarrerak: Golem Alhóndiga Zinemako txarteldegia eta golem.es
INFORMAZIOA
Film guztiak jatorrizko bertsioan proiektatuko dira.
Zikloko eskuliburua AZ Infon hartu, azkunazentroa.eus-en deskarga ezazu edo eskatu mezu elektroniko bat bidalita info@azkunazentroa.eus helbidera, eta harremanetan jarriko gara zurekin.
Bande à part (1964). Jean-Luc Godard
APIRILEKO PROGRAMA
Apirilak 1, asteartea l 17:00
Apirilak 3, osteguna l 19:00
Aurkezpena: José Julián Baquedano
Othello (1951)
91' l JBGA l DCP
Z: Orson Welles
G: Orson Welles. Antzerkia: William Shakespeare
A: Orson Welles, Micheál MacLiammóir, Suzanne
Cloutier, Robert Coote
Apirilak 8, asteartea l 17:00
Apirilak 10, osteguna l 19:00
The General (1926)
74' l JBGA l DCP
Z: Buster Keaton, Clyde Bruckman
G: Buster Keaton, Clyde Bruckman
A: Buster Keaton, Marion Mack
LABURDURAK
Z: Zuzendaritza
G: Gidoia
A: Aktoreak
JBGA: Jatorrizko bertsioa gaztelaniaz azpititulatua
ZIKLO OSOA
Urtarrilak 14 eta 16
Ugetsu monogatari (Ilargi zurbilaren ipuinak) (1953)
Urtarrilak 21 eta 23 Tokyo monogatari (Tokioko ipuinak) (1953)
Urtarrilak 28 eta 30 Pickpocket (1959)
Otsailak 4 eta 6 The Apartment (1960)
Otsailak 11 eta 13 Plácido (1961)
Otsailak 18 eta 20 Los olvidados (1950)
Martxoak 4 eta 6 His Girl Friday (Bere ostiraleko neska) (1940)
Martxoak 11 eta 13 Amarcord (1973)
Martxoak 18 eta 20 Jules et Jim (1962)
Martxoak 25 eta 27 Oktyabr (Urria) (1927)
Apirilak 1 eta 3 Othello (1951)
Apirilak 8 eta 10 The General (1926)
Azkuna Zentroan gertatu da
Ixiar Rozas
Erritmoen segida
2025eko urtarrila
eszenAZ
Caspervek. Buster
Keaton-en Sherlock Jr.
2025eko otsailaren 2a
eszenAZ. Lari Produkzioak. Zaintzaren dantza
2025eko otsailaren 16a
Gutun Zuria Zabalik. Zinema-literaturako topaketa:
Helena Taberna eta Isaac Rosa 2025eko otsailaren 19a
Gutun Zuria PRO Mahaia: Irudiztatu 2025eko otsailaren 26a
Gutun Zuria Bilbao. Letren Nazioarteko Jaialdia
Solasaldia: Leila Guerriero eta Rodrigo Fresán 2025eko otsailaren 25a
SORKUNTZA
#komikia #egonaldia #erakusketa
Marta Cartu, Pauline Lecerf eta Cole Degenstein
Running on empty. Comics as visual poetry
Komikiaren Nazioarteko Egonaldiaren erakusketa
Running on empty. Comics as visual poetry erakusketak 2025eko Komikiaren Nazioarteko Egonaldian dauden Marta Cartu, Pauline Lecerf eta Cole Degenstein artisten sormen-prozesua du ikusgai. Azkuna Zentroa – Alhóndiga Bilbaok bultzatzen du ekimen hau, Quebeceko Maison de la littérature-rekin eta Angulemako Cité internationale de la bande dessinée et de l’image-rekin batera.
Egonaldi gurutzatu honen esparruan, hiru proiektu egiten ari dira, banaka eta aldi berean modu partekatuan, teknikei dagokienez desberdinak diren baina abiapuntu bera —egunerokotasuna— duten hiru proiektu. Nork bere imaginario grafikoetatik abiatuta, munduko kontuak poesia bihurtzea proposatzen dute, hainbat metafora bisual eta baliabide narratibo erabiliz.
Era berean, erakusketak sorkuntza artistikoaren esperientzia pertsonalean jartzen du arreta, beti ez baitu inspirazioak argitzen. "Running on empty da gasolinarik gabe geratu arren aurrera jarraitzen duzunean bezala. Ezer ez eduki arren, aurrera jarraitzen baituzu, sortzen. Running on empty da komikiak egitea bezala", deskribatu dute, erakusketaren edukiari buruz.
2025EKO MARTXOAREN 17TIK IRAILAREN 14RA
Galeria Mediateka BBK
Sarrera dohainik
Marta Cartu
Bugs (behin-behineko izenburua)
Azkuna Zentroa – Alhóndiga Bilbaok Komikiaren Nazioarteko Egonaldirako hautatua.
Marta Cartu komikien sortzailea da eta sorkuntza eta hezkuntza artistikoaren arloan lan egiten du. Azken urteetan, lehen komiki-albuma argitaratu du, Hola Siri (2021), eta hainbat istorio labur egin ditu autoedizioaren esparruan. Erakusketa kolektiboetan ere parte hartu du, besteak beste, hauetan: Constelación Gráfica (CCCB, 2022), Cómic. Sueños e historias (Caixaforum, 2022) eta Revuelta en el cómic (MACBA, 2018).
Bugs (behin-behineko izenburua) Kontakizunek historikoki zentzua eman diote identitateari, hala indibidualari nola kolektiboari; eta proiektu honek egungo testuinguruan kontakizunak eraikitzeko modua aztertzen du, gizarte gaseoso baten berezko aldakortasunak zeharkatzen dituela.
Pauline Lecerf
Une connexion filaire avec le monde (Kable bidezko konexioa munduarekin)
Angulemako Cité internationale de la bande dessinée et de l’image-k Komikiaren Nazioarteko Egonaldirako hautatua.
Pauline Lecerf Bruselan bizi da eta bertan egiten du lan, Meyboom estudioan. Komikiak idatzi, eta proiektu dokumentalak egiten ditu, zinematik kanpoko formak hartzen dituztenak: antzezpenak, bisita gidatuak, kirol-eskolak, jolasak, itxaroteko musika-lehiaketak eta soinu-piezak.
Istorio honek lotura metaforiko bat egiten du idazkeraren eta ilearen artean. Bizi-lerroak, gure indibidualtasunaren adierazpena... Ilea eta idazkera gure mundualdian egiten dugunaren aztarnak dira. Komikiak omen egiten die ilemozketei, graffitiei, txirikordei, sinadurei... Azken batean, gurekin harreman estu-estua eta pertsonala duten lerro horiei guztiei.
Cole Degenstein
Dear Kenneth Quebec-eko Maison de la littérature-k Komikiaren Nazioarteko Egonaldirako hautatua.
Kanadako belardietan jaio eta Montrealen bizi den Cole Degenstein artistaren lanak komikiaren, ilustrazioaren eta poesiaren bidez hartzen du forma. Samurtasuna da bere obraren funtsa, eta etxeko bizitzaren, homosexualitatearen eta landaaldeko esperientziaren inguruko istorioak ditu ardatz.
Cole Degenstein-ek Dear Kenneth autofikziozko komikia sortu du, hausnarketa egiteko bizitzako beheraldiek ekoizpen artistikoko aldi biziekin duten loturaz. Artistek, maiz, sufrimendu emozional handiko garaietan dute gaitasuna beren lanik onenak sortzeko. Kontakizuna eratzen da Kenneth izeneko poeta bati barne-bakarrizketaren estiloan idatzitako gutun batzuen bidez. Lehen pertsonan idatzita, Japoniako Tokio eta Kyoto hirietan egindako ibilaldi batzuk antzeratzen ditu.
Babestu. Sorkuntzari Laguntzeko Programa, 2025
Beatriz Sánchez
Fórmulas de Cinética Doméstica [3]
Ikus-entzunezko sorkuntza eta arte digitala dira Beatriz Sánchezen ibilbidearen ardatz nagusiak. Baliabide tradizionalak erabiltzen ditu praktika artistikoan, hala nola marrazkia eta eskultura, eta bideoarekin, baliabide digitalekin eta zuzeneko emanaldiekin nahasten ditu.
2025ean hasi zuen egonaldia Azkuna Zentroan, Babestu programaren esparruan, Fórmulas de Cinética Doméstica [3] proiektuarekin. Artisau-laneko proiektu honek ez ditu alde batera uzten animazioa eta mugimenduan dagoen irudia, baina bertan eskuekin lan egiten du berriz, bere iruditeria aske utziz.
Fórmulas de Cinética Doméstica [3] proiektuan, ikerketa- eta esperimentazio-laborategi bihurtu nahi du lan-espazioa, eta artefaktu eskultoriko mekanizatu batzuk egin. «Pieza mugikor hauek motorrak, bideo-proiekzio txikiak, eguneroko objektuak eta irudiak dira, eta mihiztadura dinamikoak (automatak) eratzen dituzte, itxuraz bizitza propioa dutenak», azaldu du artista bisualak. « Lo-tech artefaktuak dira, dekadenteak eta poetikoak, eta hainbat elementu hauskor kulunkatzen dituzte mekanika trakets batean», deskribatu du.
#laborategia #eskultura-artefaktuak #irudiamugimenduan
Estibaliz Sádaba Murguia
RUINAS (cuaderno de notas experimental)
Bere proposamenen bidez, Estibaliz Sádaba Murgiak espazio bat sortu nahi du hausnarketarako eta eztabaidarako, gure testuingurua ikuspegi artistikotik aztertzeko.
Azken urteotan, emakumeen gorputzaren eta bizigunearen arteko erlaziora bideratu du lana, eta ikertu du bi elementu horiek zer eragin-truke duten ingurune publiko eta pribatuetan, generoikuspegia bereziki jorratuz.
Babesturen egonaldian, RUINAS (cuaderno de notas experimental) proiektua lantzen ari da, hainbat testu, soinu eta performance dituen proiektua.
«Lan honen bidez, gorputzaren gramatika hibrido bat garatu nahi dut, ohar-koaderno bat. Horrekin guztiarekin, emakumeen zeregina eta munduan bizitzeko duten modua nola moldatu dituzten aztertu nahi dut, betetzen dugun espazioa guztiz gurea ez balitz bezala», zehaztu du artistak.
#idazketaesperimentala #testuak #soinuak #performancea
Inés García
El tacto del contacto
Entzumenak, ikusmenak eta ukimenak zeharkatzen dituzte Inés García artista eta zinemagilearen instalazio, eskultura eta film esperimentalik berrienak. El tacto del contacto, bere proiektu berria, hizkuntza filmikoa eta erakusketa-gunean duen kokapena garatzen dituen ikerketa bat da. 2024an hasi zuen lana, eskuz sortzeko prozesuak filmatzen, hala nola egurrezko bolo bat, tarta esferiko bat eta farfailezko brodatu bat; eta lehen “proiekzio-kabina” garatu zuen Diego Sologuren arkitektoarekin batera. 2025ean, handitu eta sendotu egingo dira Azkuna Zentroan Babestuko egoiliar gisa egon ondoren. El tacto del contacto proiektuan, artista kamera analogikoarekin murgiltzen da «eskuz gauzak egiten jakite horretan, non mugimendu errepikakor eta erritmikoek elkarrizketa isila erakusten duten denborarekin eta materiarekin». Azken helburua da “proiekzio-kabina” berri bat sortzea, berariaz diseinatutako filmpiezetako bat ikusteko.
#instalazioa #zinemaesperimentala
Ivonne Villamil
Meteoro
Ikus- eta soinu-artista den Ivonne Villamil artearen eta zientzien arteko bidegurutzean aritzen da lanean, praktika eta teknologia eskuragarriak eta entzuteko gailu eta praktikak erabiliz, materiaren, memoriaren eta lurraldearen arteko harreman estuan, geofoniatik edo lurraren soinuetatik abiatuta.
Meteoro, Babestu programako egoiliar gisa egiten ari den proiektua, klima-aldaketaren aldeko ekintzarako eta hausnarketa sozial eta kulturalerako premiazko eta beharrezko deiaren emaitza da.
«Soinu- eta ikus-artea landu nahi ditut, modu kolaboratiboan, entzuteko praktika eta gailuetatik abiatuta, lurraren eta kosmosaren fenomeno atmosferikoak entzuteko, software librea, DIY eta low-tech a erabiliz landa-grabaziorako», aurreratu du artistak. Helburua da «egoerak, topaketak eta espazioak (murgiltzaileak eta esperientziazkoak) sortzea, artearen eta zientziaren arteko bidegurutzetik abiatuta, lurraren eta kosmosaren zientziei dagokienez (meteorologia, meteorologia espazial, astrofisikari dagokienez)».
#soinua #klima #kosmosa #zientzia #lowtech
Lanean. Prozesu eszenikoei laguntzeko programa, 2025
Silvia Zayas
Material girls
Silvia Zayas artistak Material girls proiektu berriari ekingo dio 2025ean, prozesu eszenikoei laguntzeko Lanean programaren barruan.
Egileak azaldu duenez, lana «arlo autobiografikotik abiatzen da, nesken bigarren belaunaldi batek herentzian jasotako trauma kolektiboa esploratzeko. Erregimen portugaldarrak behartutako borrokalari ohien alabak/ilobak dira, Ginea Bissautik eta beste kolonia ohi batzuetatik iritsi berriak, Portugalekin izandako independentziagerra amaitutakoan. Horren ondoren, historia berriz kontatuko dute, isiltasunez, sinkretismoz eta mamuz betetako haur-irudimenaren bidez».
Emaitza «zuzeneko pieza bat izango da, borrokalari ohiekin eta nire belaunaldiko emakumeekin izandako esperientzia kolektiboetatik abiatuta landua, Porto hiriko hainbat aldiri eta etxe-ingurutan, eta haurirudimenarekin, elementuen artean hierarkiarik egon gabe».
Azkuna Zentroko egonaldian, proiektuaren lan formala eta koreografikoa garatzeko asmoa du, zuzeneko zinemako gailuekin, eta modu kolektiboan partekatu nahi ditu gorputz-praktika esperimentalak irudi mentalak sortzeko.
#artebiziak #zinema
Tripak ENCOUNTERS
Platea estreinatu zenetik bi urte igaro ondoren, Tripak hasia da bere proiektu eszeniko berria zirriborratzen, ENCOUNTERS (behin-behineko izenburua). Sorkuntza-prozesuaren zati bat Azkuna Zentroan izango da 2025ean, arte biziak sortzen laguntzeko Lanean programaren esparruan.
Arte eszenikoen euskal konpainiak aurreratu duenez, ENCOUNTERS proiektuak «toki “xarmagabeei” begiratzen die, horietan aurkitzen baititugu bazter utzitako giza zirrikituak, grisak baina basatiak. (...) Barnealde ireki batean kokaturik gaudela, itxuraz xarmarik gabeko objektu pertsonalek galdua dute beren funtzioa kanpoan egoteagatik, eta, hondakin bihurtuta, apaingarri dira ezezagun baten logelan, zeinak harrera egiten digun bere intimitatean, sekula begiratu gabe».
Azkuna Zentroko egonaldiak lan berri horren ernamuinean du abioa, eta taldekideek amets egiten dute imajinatutako leku baten inguruan. «Hortik abiatuta asmatzen ditugu obraren gainerako elementuak, eta material horiek pixkanaka osatzen dute eszena, mugitzen ari den koadro bat balitz bezala», azaldu dute.
#eszena #antzerkia #hizkuntzaberria
Azkuna Zentroko Ikertzaile AZkideak,
2024-2025
Egungo sorkuntzaren inguruko analisia eta ekoizpena bultzatu eta sustatzeko programa, komunitate artistikoen, publikoen eta beste profesional batzuen arteko trukea errazten duena.
Rosa Casado
Diziplina anitzeko artista eta ikertzailea da Rosa Casado, eta praktika performatiboekin eta praktika espazial kritikoekin loturiko gaiak lantzen dihardu.
2025ean, Here Be Dragons soinuzko pieza performatiboa garatuko du, Azkuna Zentroaren ikertzaile AZkide gisa landutako La ilusoria estabilidad del suelo proiektuaren esparruan. Hor, bere buruari galdetzen dio zer alderdi desagertzen, itxuragabetzen edo agertzen diren lurrezkoa hartzen denean planeta estaltzen duten gorputz urtsuetatik.
Here Be Dragons saiakera bat da planetaren ilunabarreko eremuak kartografiatzeko. Itsasoaren mailatik gora, ilunabarra mundua egun eta gauaren artean dabilen espazioari eta denborari dagokie. Itsasoaren azpian, berriz, eguzki-argi gutxi sartzen den ozeanoaren erdialdea da ilunabarra; ingurune iluna, hotza eta presio handikoa, izugarri zabala, ez oso ezaguna, erlatiboki esploratu gabea eta oso ahula; planetako migraziorik handienak egunero zeharkatzen ditu bere urak bizi-uhin itzel batean.
#praktikaperformatiboak
Ixiar Rozas
Erritmoen segida
Idazlea eta ikerlaria, Ixiar Rozasen lana ahotsa, lengoaia eta soinuaren artean mugitzen da. Ikerketa hau aurreko lan zonaldeen continuum bat da.
Erritmoen segida bat entzun eta, hortxe, idazketari eutsi. Material horietan badago arnasketa erritmo bat eta energia modu bat. Eta hortik beste konposaketa eta artzidurak etorriko dira. Eta badira aspaldiko hitzak, euskaraz biluzdura izendatzeko erabiltzen direnak. Eta badira hitzak, agian desagertzear daudenak, eta hor nonbait haien erresonantziak aditzen dira. Eta badira hitz horien aldaera fonetikoak eta sonemak, oinez, bailaraz bailara, aditu daitezkeenak. Eta material horiek Azkuna Zentroan zabalduko dira, beste artista batzuekin lan egiteko, partekatzen jarraitzeko.
#hizkuntza #soinua
Azkuna Zentroko Artista AZkideak, 2024-2025
Sorkuntzari laguntzeko programa, lengoaia garaikideei buruzko inspirazio-iturri diren lanak egiten dituzten artistei laguntzen diena. Ça
Marche
Ça Marche arte eszenikoen konpainia bat da, 2015ean sortua eta Bartzelonan finkatua.
Azkuna Zentroaren artista AZkide gisa, Incendis instalazio-gailu eszenikoan lan egin dute. Suaren eta suteen alderdi historikoak, emozionalak, dokumentalak eta artistikoak jorratzen dituzte ikerketan.
Era berean, Trabajos forzados proiektu eszenikoa garatzen ari dira, maiatzaren 28an aurkeztuko dena, Azkuna Zentroaren Prototipoak Bilbao Forma Artistiko Berrien Nazioarteko Biurtekoaren barruan. Piezak zalantzan jartzen ditu hizkuntzaren dinamikak eta horiek gorputzarekin duten harremana, isiltasunaren ideia abiaburutzat hartuta, hala aukeratutako nola inposatutako isiltasuna.
#antzerkia #performance #mugimendua
Idoia Zabaleta
Idoia Zabaleta (Vitoria, 1970) koreografoa eta biologoa da. Zintza Lilura ikerketa- eta ekoizpen-proposamenean, gailu bat garatu nahi du gorputzaren ardatzarekin, eustearekin eta orekarekin lotuta, eta arte zinetikoa, gorputz-osasuna eta afinazio kinesiologikoa bateratuta. Sorkuntza-fasean, Euskal Herriko artista batzuekin lan egingo du, eta zentroko pertsonekin egingo da gailuaren proba.
Proiektua amaitzeko, aurkezpena egingo die Azkuna Zentroko publiko-komunitateei, eta horiek probatzeko aukera izango du.
Prozesu horren esparruan, martxoan, Pupa, pupita, pupila. Masaje de la visión lana aktibatuko du Auditorioan. Masajeen eta bestelako aparatuen moduko performance indibidualen ildoaren parte da, eta gorputzaren pertzepzioan oinarrituta dago edo berak “dantzaren 0 keinua” deitzen duen horretan.
#mugimendua #artezinetikoa #gorputz-osasuna
Lore Stessel
Lore Stessel artista flandestarrak (Belgika, 1987) argazkiaren eta pinturaren arteko harremana aztertzen du. Poetry of the Gang proiektuaren bidez, artistak eguneroko errutinen edertasuna, keinu txikiak eta mugimenduaren boterea landu nahi ditu.
Hiruhileko hau hasteko, topaketak izango ditugu inguruko dantzariekin. Artistak espazioak sortuko ditu "ezbeharrezko" eta "ezustekorako", argazkietan harrapatuz.
#argazkia #dantza #mugimendua
Amaia Molinet
Amaia Molinet (Lodosa, 1988) artistak argazkigintzatik egiten du lan, eremu hedatutzat hartuz. Artista AZkide gisa, Tierra Quemada proiektuaren bidez, begirada sendatzailea eskaini nahi die konpondu gabeko kalteren bat edo indarkeriaren bat jasan duten ingurune hurbileko paisaia naturaleko lekuei, eta indarkeria horren energia leheneratu, indar birsortzaile bat lortzeko.
Artearen, arkeologiaren eta magiaren arteko elkargunean, landa-lan bat egin du Bizkaiko burdinazko gerrikoaren aztarnen inguruan, eta esperientzia horiei euskarri inprimatua emango dien argitalpena prestatzen ari da.
#argazkia #memoria #lurraldea
Olatz de Andrés
Dantzari eta koreografo gisa ibilbidea egin ondoren, Olatz de Andrés L ŏkke konpainia sortu zuen, koreografia garatzeko egitura bat.
Artista AZkide gisa, Tiempo como cuerpo lantzen ari da, denboran ardaztua, tresna koreografiko gisa.
Orain arte Time is a Muscle lanean zabaldu da, joan den urrian Zentroan estreinatu zuen lau orduko esperientzia-pieza iraunkorrean, eta Hacer Tiempo, Entre 26 y 62 Artean eta Time is a Muscle lanen ikerketa- eta sorkuntza-prozesuen erakusketan. Gaur egun, prozesu hori guztia erregistratuko duen argitalpena prestatzen ari da.
#dantza #mugimendua #gorputza
ACuTe. Culture Testbeds for Performing Arts and New Technology - 2025
Ziomara Hormaetxe
LĀTTICE
Ziomara Hormaetxe euskal koreografoak hiruhileko honetan amaituko du Azkuna Zentroak ekoitzi duen L TTICE mugimenduko lan performatibo berria. Europako ACuTe. Culture Testbeds for Performing Arts and New Technology proiektuaren esparruan egin da, Zentroa partner estrategikoa baita. Creative Europe. Europako Batzordearen laguntzarekin.
Gorputzaren eta teknologiaren arteko etengabeko elkarrizketan, «pieza honek grabitatea aztertzen du, gorputza geruza ugaritan zeharkatzen duen nonahiko indar gisa: fisikotik hasi eta kuantikoraino, espazioa eta mugimendua esperimentatzeko ditugun moduak konfiguratuz», azaldu du sortzaileak.
Obrak «bidaia bat proposatzen du espazio birtual eta multibertsoetatik, errealitatearen geruza bakoitzak aukera berriak irekitzen baititu existentziarako eta konexiorako, gaur egungo lankidetzako narratibek gure errealitatea eraldatzeko dituzten moduak zabalduz», aurreratu du Ziomara Hormaetxek.
L TTICE maiatzean estreinatuko da eszen AZ-en, Azkuna Zentroaren Arte Bizien Denboraldian.
Informazio gehiago 14. orrialdean.
Abel Jaramillo. Ninguna noche en llamas
HEZKUNTZA PROGRAMA
#hezkuntza #bitartekotza #artebisualak #tailerra #eskola
Tailerra: Energia eta natura: Lemoizko herbarioa
Ixone Sádabak (artista) eta José Ramón Aisek (artista) emango dute
Ixone Sádaba. Escala 1:1
Zer da energia? Zer harreman du naturarekin? Tailer honetan, energiaren sorrera aztertuko da prozesu natural gisa, eta, orobat, espezieen arteko kutsadura modura.
1984an Lemoizko zentral nuklearraren proiektua bertan behera utzi zutenean, naturaren entropiak lan neketsuari ekin zion hormigoiz estalitako lurralde hura lehen zegoen moduan uzteko.
Gaur egun zentral zaharrean dauden landareekin sortutako herbario batetik abiatuta, lantegi honetan, landareek argia energia bihurtzeko duten gaitasuna aztertuko da. Fotosintesiaren eta klorofilaren bidez, landareek eguzki-argia harrapatu, eta energia kimiko bihurtzen dute, eta hori funtsezkoa da haiek hazteko eta ekosistemarako.
Klorofilaren ezaugarri fotosentikorra erabiliz, ikasleek aukera izango dute prozesu fotografikoak egiteko, esaterako, antotipia (landareen gaitasun fotosentikorra irudiak sortzeko erabiltzen duen teknika), eta zentralaren hondakinetako paisaiaren herbarioa garatzen esperimentatzeko.
ESKOLA
APIRILAK 10, OSTEGUNA
11:00-13:00
Erakusketa Aretoko atartea
DBHko 3. mailatik Batxilergoko mailara
Ikastetxeekin itundua
#hezkuntza #bitartekotza #artebisualak #instalazioa
Partekatu zure
etxearen historia
Chiharu Shiota. My House is your House
Azkuna Zentroan gauzatuko duen My House is your House erakusketarako, Chiharu Shiota artistak ekintza partizipatibo batean esku hartzea proposatzen die herritarrei. Horretarako, gonbit egiten die pertsona guztiei gutun edo marrazki bat bidaltzera, beren ikuspegitik “etxeak” duen esanahia deskribatuta. Atrioan ere espazio bat prestatuko da parte-hartzaileek haien gogoetak zuzenean uzteko. Gutun horiek erakusketarako sortutako instalazio monumentalean sartuko dira, artelan kolektibo gisa, indibiduala dena gaindituz unibertsala denaz aritzeko.
Instalazioa barne hartuko duen erakusketak ibilbide luzea egingo du 1994an Shiotaren karrera hasi zenetik gaur egun arte. Informazio gehiago 10. orrialdean.
MAIATZAREN 1ERA ARTE
Nola parte hartu?
Idatzi gutun bat edo egin marrazki bat eskuz paper zuri batean, etxearen esanahia deskribatzeko.
Zatoz zentrora eta utzi Kulturen Atarian dagoen ontzian. Egin argazki bat zure gutunari edo marrazkiari, edo eskaneatu eta bidali info@azkunazentroa.eus helbidera, maiatzaren 1a baino lehen, gaian CHIHARU SHIOTA GUTUNA adieraziz.
#hezkuntza #bitartekotza #zinema #literatura #irakurketa
Zinema-elkarrizketak. Argiak, kamera... ekin!
Asteartea, apirilak 8
William Wyler. Ben-Hur (1959)
Hamaika Oscar sari irabazi zituen film honek eragin izugarria izan zuen. Judah Ben-Hur printze juduaren mendeku eta erredentzioaren istorioa kontatzen du. Haurtzaroko lagunak traizionatuta eta esklabo gisa eramanda, protagonistak erromatarren zapalkuntzari aurre egin, eta, tartean, kristau-fedea aurkituko du.
Asteartea, maiatzak 13
Luis García Berlanga. La escopeta nacional (1978) Berlangak Frankismo berantiarreko enpresa- eta politika-klasearen erretratu garratza eta ahaztezina egin zuen, Kataluniako industrialari baten zoritxarren bidez. Industrialaria berak ordaindutako ehizaldi batera joango da, goi-mailako klasearekin tratua izan eta negozioa handitzeko.
Asteartea, ekainak 3
Hayao Miyazaki. Mi vecino Totoro (1988)
Animazioaren klasiko hau Miyazakik mundu naturala irudikatzeko erabiltzen duen mirariaren zentzuaz gainezka dago. Bi ahizpen istorioa kontatzen du, Satsuki eta Mei-rena. Japoniako landaaldera joaten dira aitarekin, eta, hor, basoko espiritu erraldoi (eta laztangarri) bat ezagutuko dute.
Ipuin txiki
Familientzako jarduera, txikitatik irakurtzen hasteko eta hezkuntzaingurune formaletik kanpo irakurtzeko ohitura sustatzeko. Liburua objektu gisa eta familiartean irakurketaz gozatzeko teknika narratibo batzuk deskubrituko ditugu.
4-6 urte
Mediateka BBK: TK101
Edukiera: Gehienezko edukiera: 8 adingabe eta 8 heldu (gutxienez bi familia)
Sarrera: Dohainik Mediatekako Txikitekan izena eman ondoren, jarduera hasi baino 10 minutu lehenago
HELDUAK
ASTEARTEETAN: APIRILAK 8, MAIATZAK 13, EKAINAK 3
18:30 / 60'
Mediateka BBK: TK101
Sarrera dohainik, webgunean izena eman ondoren, leku guztiak bete arte
FAMILIENTZAT
LARUNBATETAN: APIRILAK 5, MAIATZAK 3, 17, 31, EKAINAK 7, 14
12:00 / 60'
Mediateka BBK: TK101
4-6 urte
#hezkuntza #bitartekotza #literatura #komikia
Komikiari buruzko ezinbesteko elkarrizketak
Asteazkena, apirilak 23
Max. Hechos, dichos, ocurrencias y andanzas de Bardín el superrealista (2006)
Komikiaren Sari Nazionala jaso duen lehen lana da. Zerrenden bilduma hau Buñueli egindako omenaldiz eta bestelako erreferentzia artistiko eta abangoardistaz beteta dago, eta sinpletasun bisuala eta konplexutasun narratibo liluragarria uztartzen ditu.
Asteazkena, maiatzak 21
Brian K. Vaughan; Fiona Staples. Saga (2012)
Alana eta Marko bikotearen istorioa dugu Sagan.
Gerrak sortutako kaosaren erdian, maitasuna aurkitu, eta alabaren jaiotzarekin familia bat osatzen dute. Dena atzean utzi nahi dute, bizitzan duten guztia arriskuan jarriz, bizi berri bat ekartzeko unibertso arriskutsu eta zahar honetara.
Asteazkena, ekainak 18
Chabouté. Moby Dick (2010)
Chabouté zuri-beltzaz, lasaitasunaz eta mugimenduaz baliatzen da, Herman Melvilleren eleberriaren egokitzapen zirraragarri bat egiteko, Ahab kapitainak kaxalote zuri handi bat jazartzeko zuen obsesioaren monumentu bat.
ASTEAZKENETAN: APIRILAK 23, MAIATZAK 21, EKAINAK 18
18:30 / 60'
Mediateka BBK: TK202
Sarrera dohainik, webgunean izena eman ondoren, leku guztiak bete arte
HELDUAK
AZ argitalpenak
Azkuna Zentroaren argitalpenek praktika artistiko garaikidea jasotzen dute, ezagutu eta zabaltzeko.
Liburua
Behatokia. Observar y transformar la ciudad desde las prácticas artísticas y culturales
Urbanbat
Gaztelania
Orrialdeak: 208
13 x 21 cm. 18€
LP Binilo
Eyezorros
Miguel A. García
A aldea: 1. posb01 yunman-04:40 / 2. oceanusbf 07:58 / 3. prism 05:58
B aldea: 4. yonyo hiru 10:42 / 5. guuu-08:02 22€
Liburua
Tierra Quemada
Amaia Molinet
Eus. / Gaz. / Ing.
Karpeta 1 (3 koadernotxo + 4 poster zabalgarri)
17 x 24 cm. 18€
Metakoadernoak
Metakoadernoak. Azkuna ZentroaAlhóndiga Bilbaoren sorkuntzakoadernoak
Macarena Recuerda Shepher, Amparo Badiola, Gema Intxausti, Susana Talayero, Ander Pérez Puelles, M. Benito Píriz, Julia Martos, Fermín Jiménez Landa, Jon Gerediaga, Lorea Burge
Eus. / Gaz. / Ing. • 5€ alea
Liburua
La ola en la mente
Isabel de Naverán Gaztelania
Orrialdeak: 252
13 x 21 cm 18€
Erakusketaren katalogoa
Una voz para Erauso. Epílogo para un tiempo trans Cabello/Carceller
Eus. / Gaz. / Ing.
Orrialdeak: 316 24€
dendAZ
This is Basque Design Merkatua
THIS IS BASQUE DESIGN MERKATUA
Proiektu eta produktuen erakusketa Azkuna Zentroko Atarian 2025eko uztailaren 11, 12 eta 13a
Kulturen Ataria
DEIALDI IREKIA
This is Basque Design Merkatuan parte hartu nahi baduzu zure marka erakusteko, eman izena maiatzaren 1a iritsi aurretik, QR bidez edo azkunazentroa.eus webgunean.
AZKUNA ZENTROA, ZINEMAREN LEKUA BILBON
Film Sozialak
Zinema Ikusezinaren Nazioarteko Jaialdia
Zinemakumeak gara!
Emakumeek zuzendutako zinema erakustaldia
ZINEBI
Bilboko Dokumentalen eta Film Laburren Nazioarteko Jaialdiak
Zinexit
Giza Eskubideen Zinema Erakustaldia
FANT
Bilboko Zinemaldi Fantastikoa
Zinemateka
Programazio egonkorra zinema klasiko eta garaikideko zikloekin
Zinemaldia
Donostia Zinemaldia Azkuna Zentroan
Zinegoak
Bilboko Gaylesbitrans Nazioarteko Zinema eta Arte Eszenikoen Jaialdia
Basque Dok Festival
Bilboko Irudi Garaikidearen Nazioarteko Jaialdia
Golem Alhóndiga Zinemak
Zinemarekiko konpromisoa urte osoan
Azkuna Zentroan ere:
Arrazismoaren aurkako ahalduntze-eskola
Arrazismoaren aurkako ahalduntze-eskolako irakurketa-taldeak hegoalde globaleko herrialdeetako aktibistek, intelektualek, artistek eta filosofoek idatzitako liburuen irakurketa osoak egiten ditu.
APIRILETIK ABENDURA
Hilean, astelehen bat
+ Info: inmigracion@bilbao.eus
Basque Fest
Euskal kulturaren eta abangoardiaren jaialdi honek euskal unibertsoko adierazpen kultural eta artistiko ugari hartzen ditu barne Bilboko hainbat tokitan.
APIRILAREN 16TIK 19RA
+ Info: basquefest.bilbao.eus
FANT
Bilboko Zinemaldi Fantastikoa
Jaialdi honek generoko klasikoak eta azken nobedadeak erakusten ditu maiatzero.
MAIATZAREN 2TIK 10ERA
+ Info: fantbilbao.eus
Zinemagileen artean
Emakumeek egindako zinemaren 14. karabana
Klaketa Árabe ekoizpen-etxe egiptoarrak eta Kultura
Communication eta Desarrollo KCD GGKEk antolatutako erakusketa ibiltaria, zineman kristalezko sabaia hautsi nahi duena.
Gau Zuria
Bilboko Gau Zuria
Bi egunez, Bilboko hainbat kultura-gunetan, bertako, estatuko eta nazioarteko sortzaileen proposamenak egingo dira, musikaren, arte eszenikoen, literaturaren, argiaren eta soinuaren arlokoak.
iF Design Student Award 2025
Mundu osoko diseinuko gazte talentudunei laguntzen dien erakunde honek sariak ematen ditu, diseinatzaile gazteen, enpresen eta sektoreen artean sareak sortzeko.
Zinegoak
Bilboko LGTBIQ+ Zinema eta Arte Eszenikoen 22. Jaialdia
Nazioarteko jaialdi honek barne hartzen ditu film luzeak eta film labur dokumentalak, fikziozkoak eta obra esperimentalak, proposamen eszenikoak eta beste jarduera batzuk.
MAIATZA
+ Info: kcd-ongd.org/caravana
EKAINAREN 13AN ETA 14AN
+ Info: bilbao.eus
EKAINAREN 19AN
+ Info: ifdesign.com
EKAINAREN 23TIK 30ERA
+ Info: zinegoak.com
HURRENGO ERAKUSKETAK
2025-2026
Chiharu Shiota
My House is your House
2025EKO MAIATZAREN 27A > IRAILAREN 28A
Marisa González
Un modo de hacer generativo
2025EKO URRIAREN 29A > 2026KO
URTARRILAREN 18A
Txuspo Poyo
Anónima. Lugares, acciones y obras
2026KO OTSAILA > MAIATZA
ESKERRIK ASKO!
Eskerrak eman nahi dizkizuegu lurraldearekin duten konpromiso sozialetik, laguntzen diguten erakunde pribatu eta publikoei, gizartea kultura garaikidearekin lotzeko dugun eginkizunean.
Sustatzailea
Babesle estrategikoa
Kideak
Itun kulturalak
Itun kulturalak: Arte biziak
Partner teknologikoa
Sare irekia gara artearen bidez gizarte sortzaileagoa, kritikoagoa eta anitzagoa sortzen laguntzen duen proiektu batean parte hartu nahi duten erakunde guztientzat.
Hiriko aliantzak
Bizkaiko Foru Aldundiak diruz lagundutako programaa
Media partner-ak
Azkuna Zentroko espazio eszenikoak teknologia digitalez hornitu dira, esperientzia eta espazioa hobetzeko, Next Generation Europako Funtsei esker. Funts horiek Euskadiko arte eszenikoen azpiegiturak modernizatzeko eta modu jasangarrian kudeatzeko dira.
Kide diren programak
INFORMAZIO OROKORRA
ZENTROAREN ORDUTEGIA
Egunero 9:00etatik 21:00etara. Kontsultatu ordutegi bereziak webgunean.
BISITA GIDATUAK
Bisita gidatuak eraikinetik
Ordubeteko ibilbidea Alhóndigatik, eraikinaren historia, eraldaketa eta egungo proiektua ezagutzeko
Partikularrak
Asteartea:
17:30 (euskara), 18:30 (gaztelania)
Apirilaren 16tik 27ra, biak barne Egunero
12:00 (euskara)
13:00 (gaztelania)
18:30 (gaztelania)
Sarrera dohainik aldez aurretik izena emanda: AZ Info / 944 014 014 / info@azkunazentroa.eus azkunazentroa.eus
Taldeka
· Eguna eta ordua adostuz, gutxienez 72 ordu lehenago, AZ Infon, 944 014 014 telefonoan edo info@azkunazentroa.eus helbide elektronikoaren bidez.
· Prezioak: Euskaraz edo gaztelaniaz: 60 € taldeentzat. Ingelesez edo frantsesez: 70 € taldeentzat. Elkarte eta ikastetxeentzat (aldez aurretik kontsultatu).
erakusketak
Erakusketarako bisitak
· Ordu erdiko sarrera-ibilbideak, erakusketak testuinguruan kokatzeko:
Ixone Sádaba . Escala 1:1
Erakusketa Aretoa
Apirilaren 27ra arte, ostegunero, 18:30etan (euskaraz edo gaztelaniaz, eskaeraren arabera)
Chiharu Shiota . My House is your House
Erakusketa Aretoa
Ekainetik irailera, ostegunero, 18:30etan (euskaraz edo gaztelaniaz, eskaeraren arabera)
· Sarrera dohainik aldez aurretik izena emanda: AZ Info / 944 014 014 / info@azkunazentroa.eus azkunazentroa.eus
AZ TXARTELA
AZ Txartelak aukera ematen dizu kultura, gizarte eta ariketa fisikoko jarduerak biltzen dituen eskaintza zabalaz gozatzeko gure zentroan. Zentroko Txartelarekin, jarduera guztien inguruko informazioa jasoko duzu aldizka, eta deskontu eta abantaila interesgarriak lortuko dituzu. Txartela emateak eta behar denean berritzeak 3 euroko kostua du.
Gogoan izan AZ Txartela pertsonala eta besterenezina dela. Zurekin ekarri behar duzu beti, AZ Infon sarrerak erosterakoan deskontuak izateko.
DESKONTUAK ETA PREZIO BEREZIAK
Azkuna Zentroa – Alhóndiga Bilbaok kultura-aniztasun irisgarria sustatzen du pertsona guztientzat, eta, besteak beste, tarifa murriztuak ditu, hala nola, taldeentzat, profesionalentzat, ikasleentzat, gazteentzat, aniztasun funtzionala duten pertsonentzat eta beste kolektibo batzuk, dagokion egiaztapena erakutsiz.
GOLEM ALHÓNDIGA ZINEMAK
Informazioa eguneratua kontsulta ezazu golem.es webgunean.
YANDIOLA, THE BOAR, HOLA BAR
Informazioa eguneratua kontsulta ezazu yandiola.com webgunean.
IRISGARRITASUNA
Azkuna Zentroa errespetuzko gunea da, irekia eta guztientzat irisgarria.
Espazioa eta programazioa etengabe hobetzeko lan egiten dugu, publiko-komunitate guztiek esperientzia gogobetezkoa izan dezaten, sorkuntza-prozesuetan parte hartu ahal izan dezaten eta kultura baldintza berdinetan probatu, partekatu eta gozatu ahal izan dezaten. Xehetasun bereziren bat kontsultatu nahi baduzu, zatoz Az Infora, Atarian dagoen informazio-gunera.
Azkuna Zentroak Irisgarritasun Unibertsaleko
AENOR ziurtagiria du, UNE 170001-1 arauaren arabera.
Kontsultatu zentroaren irisgarritasun-neurriak gure webgunean: azkunazentroa.eus
Audio formatuan deskarga dezakezu: soundcloud.com/azkuna-zentroa
azkunazentroa.eus