O Betanzos CF depende de si mesmo para ascender

Que os finais de liga son sempre sorprendentes e emocionantes é algo que sucede temporada tras temporada e o certo é que as xornadas finais da Preferente Galicia grupo Norte non están a defraudar.

Se fai un mes a SD Sarriana encabezaba con holgura a clasificación, seguida polo CF Noia co Betanzos CF e o CD Boiro descolgados da pelexa, nestes momentos os catro equipos están en catro puntos para dúas prazas de ascenso directo e o terceiro posto que dá dereito a xogar a Copa do Rei. Segue na cabeza a SD Sarriana con 76 puntos, segundo clasificado o Betanzos CF con 73, terceiro o CF Noia con 72 e cuarto o CD Boiro cos mesmos puntos. Máxima igualdade e máxima tensión para os catro equipos.

Así as cousas o Betanzos CF depende de si mesmo para asegurar esa praza de ascenso directo á Terceira División. Por diante tres partidos ante a SD Residencia, en Lugo, logo recibirá na casa á SDC Galicia de Mugardos, para pechar a temporada en Rianxo ante o CD Unión. Tres citas nas que o Betanzos CF só pode ter en mente un obxectivo, a vitoria. A liña do equipo segue a ser ascendente, co xogo directo e sólido que leva despregando toda a temporada. A inoportuna lesión do seu goleador, Juan de Dora, que xa pasou polo