A Tonara O gentile Tonara, terra de musas, santa e beneitta, Patria mia cara, cand'est chi b'happ'a benner in bisitta? E m'has a dare sa jara abba de Croccoledda tantu fritta? A cando 'ider sas nies, sas c'happo appettigadu ateras dies? Ah dura lontananzia! a sa chi m'hat sa sorte cundennadu. Mi 'enit s'arregordanzia de unu tempus ispensieradu, s'onesta comunanzia de amigos chi happo abbandonadu; mi torrat a sa mente unu tempus passadu allegramente. A' cussu pensamentu già ' m'abbizo de cantu happo perdÏdu, e vivo cun lamentu che puzzone ch'est foras dae nidu; proende un'isgumentu chi mai happo proadu ne sentÏdu. Su pensamentu 'olat a tie, terra gentile, e si consolat‌
57