Nuus • News
Gratis • Free
26 Mei 2021
Nuus met 'n verskil
Tel: 022 487 1670 • www.swartlandjoernaal.co.za • Uitgawe 70
26 Mei 2021
Komberse teen die koue
Komberse: Die winter is besig om sy greep op Swartlanders te versterk, maar op Moorreesburg het die vroue van die VLV-tak 'n plan gemaak om die ergste koue te stuit. Met hierdie inisiatief kon Moorreesburgers 'n kombers brei of hekel, of blokkies maak wat dan aan mekaar gewerk is om 'n kombers te vorm. Die vroue het so gewoeker dat 150 komberse gemaak is. Die inisiatief is deur die Moorreesburg Sakekamer ondersteun en hulle het ook fondse geskenk om die nodige wol aan te koop. Al die komberse het reeds 'n huis waar daar 'n warmding benodig is. Die projek was oorspronklik geoormerk vir Madiba-dag, maar met die koue wat nou op Swartlanders is, is besluit om die projek te vervroeg. Indien enige persoon nog 'n kombers wil skenk of 'n bydrae wil lewer, kan Anél Hanekom gekontak word by info@moorreesburgtourism.co.za of 022 433 1072. Foto: Ghida Visser
1