26 Januarie 2022 Swartland Joernaal Uitgawe 102

Nuus • News

Gratis • Free

26 Januarie 2022

Nuus met 'n verskil

Tel: 061 555 0344 • www.swartlandjoernaal.co.za • Uitgawe 102

26 Januarie 2022

Ontmoet die Swartland se slimkop, Jana de Waal

'Vergeet van die kabelkar, klim die berg' Verlede week het talle opgewonde gesiggies die skoolbanke vir die eerste keer gevul, terwyl ander weer hierdie einste banke vaarwel geroep het. Hierdie leerders van die Laerskool Swartland op Malmesbury is opgewonde om saam met Melanie van Velden die skool binne te stap.

1

2

26 Januarie 2022

Nuus • News

Nuus • News

•PIONIERS VAN MRB

Ds Moorrees bedien gemeente 48 jaar Moorreesburg is vernoem na Johannes Carolus le Febre Moorrees, die eerste Predikant van die Swartland Gemeente vanaf 1834 tot 1881.

Die area wat hy moes dien het gestrek vanaf Eendekuil in die noorde tot en met Philadelphia in die suide, Hopefield in die ooste en dan ook die Riebeekvallei in die weste.

Sy dienstydperk het oor byna 48 jaar uitgestrek.

Daardie jare was die perdekar en die ryperd die basiese vervoermiddel en die verbindingsweë was smal paaie met ruie bosse.

Dit het tot gevolg gehad dat Ds. Moorrees die verskillende dorpe slegs een keer in 3 maande besoek het, waar al die sakramente dan bedien is. Dan was dit heeldag kerk want hy moes doop, huwelike bevestig, katkisante aanneem asook vergifnis van sonde doen.

Op 3 Desember 1879 is die Nederduits Gereformeerde Gemeente Moorreesburg gestig en die dorp is daarna na hom vernoem.

Ds. Moorrees is op 24 Augustus 1807 in Kaapstad gebore.

Daar het hy ook eerste skoolgegaan. Sy teologiese opleiding het hy aan die Utrechtse Hoërskool ontvang, en terwyl hy daar op studie was het hy saam met nog 'n ander student, Philip Faure, deelgeneem aan 'De Tiendaagshe Veldtocht tegen België' en hom daarby so onderskei dat hy met die toekenning van die Metale Kruis vereer is - 'n eerbewys wat ook sy mede kameraad Faure te beurt geval is.

Op 9 September 1833 is hy aan die Kaap gelegitimeer en kort daarna aangestel as predikant van die Swartland. Sy bevestiging het plaasgevind op 20 Februarie 1834 en sy intreerede was gebaseer op 2 Korinthiërs 12 - 14. In 1880 toe Moorreesburg afgestig is, het sy naam bo aan die lys van diensdoende predikant gestaan net soos sy seun , die Hoog Eerwaarde Professor Moorrees wat toe pas in die bediening getree het.

Hy het op 26 Junie 1881 afskeid geneem van sy gemeente en is op 20 Junie 1885 oorlede.

Bo: Johannes Carolus le Febre Moorrees

26 Januarie 2022

Afrigtingskliniek by LSS 'n Atletiekafrigtingskliniek word Saterdag op die velde van die Laerskool Swartland op Malmesbury aangebied.

Die doel van die kliniek is om atletiek as sportsoort te bevorder en om afrigting en voorligting te verskaf deur ervare, gekeurde en uitgesoekte Vlak III-afrigters.

Alle ouderdomsgroepe is welkom.

3

Die kliniek beloop R100 per atleet en vind vanaf 04:45 tot 14:10 plaas. Registrasiekaartjies word om 08:45 op die pawiljoen ontvang.

Items wat aandag sal geniet is naellope, middelafstande, verspring, hoogspring, hekkies, gewigstoog, diskus en spiesgooi.

Kontak Elmarie Marais by 084 517 4692 met navrae.

4

26 Januarie 2022

Nuus • News

'Doen die gewone buitengewoon goed' Jana de Waal, 'n matrikulant van die Hoërskool Dirkie Uys op Moorreesburg, spog met 'n gemiddelde persentasie van 97% in haar eindeksamen en sien daarna uit om Spraak-, Taal- en Gehoorterapie aan die Universiteit van Stellenbosch te studeer.

Volgens Jana het sy haar ten volle toegespits op die September-eksamen van 2021.

"Ek het besef dat as ek dan alles gee, sal die eindeksamen se voorbereiding dalk net 'n bietjie makliker wees," sê sy met 'n egte Swartlandse bry.

"Ou vraestelle is goud."

Haar gunsteling skoolvak is lewenswetenskappe en dis vir haar interessant "en ongelooflik om te leer hoe die prosesse in die menslike liggaam werk".

"Dis eintlik so moeilik om 'n hoogtepunt uit te kies, want alles is 'n hoogtepunt, want jy doen dit vir die laaste keer, maar 'n hoogtepunt was die matriekafskeid. Nie net omdat die hele dag

my soos 'n prinses laat voel het nie, maar om as 'n groep saam met my klasmaats te kon wees, voor die stresvolle eksamen begin."

En wat gaan sy die meeste mis?

Haar skoolklere!

"Dit klink baie snaaks, maar dit is so maklik om te weet wat om elke dag aan te trek. Ek kan baie besluiteloos wees!"

As sy na haar toekoms kyk, sien sy 'n suksesvolle praktyk, waar sy haar passie kan uitleef en om die wêreld te verken as sy die dag vakansie neem en so meer leer van verskillende kulture vanoor die wêreld.

Vir Jana was aanlynskool 'n uitdaging en het dit haar dissipline en motivering op die proef gestel, maar vir haar die geleentheid gebied om aan te pas en hoër eise aan haarself te stel en so ook voor te berei vir die universiteitsjare.

"Soms voel matriek soos 'n reuse berg, maar as jy elke dag 'n klein treetjie neem en dan terugkyk, sal jy sien dit was nie net Tafelberg wat jy uitgeklim het nie, maar Kilimanjaro. Dis soveel beter om dit self uit te klim en met elke tree die uitsig te geniet.

Vergeet van die kabelkar en klim die berg.

Moenie die maklike uitweg neem nie, want jy mis uit op die wonderlike daarvan. Hou aan werk tot die einde, want God sal jou paaie gelyk maak. Doen in 2022 die gewone dinge buitengewoon goed," aldus Hoërskool Dirkie Uys se slagspreuk.

Foto: Pulse Images

Nuus • News

26 Januarie 2022

Tuinkenner-Retief gee raad oor Februarie in jou tuin

5

HOËRSKOOL SWARTLAND

2021 TOP PRESTEERDERS Met passie na prestasie

Andrè Steyl 93.7%, 7 A’s

Imke Erasmus 91.9%, 8 A’s

Wilmari Braxton 90.6%, 7 A’s

Bianca Kotze 89%, 7 A’s

Tiaano Walters 88%, 7 A’s

Andrè Pienaar 87.4%, 7 A’s

Lehandie Pool 86%, 6 A’s

Celeste Meintjes 85.4%, 6 A’s

Coan Chinner 84.6%, 6 A’s

Carey Hill 84.4%, 4 A’s

Shuwayda Julies 83.9%, 6 A’s

George Eksteen 83%, 5 A’s

Lize Rheeder 82.9%, 5 A’s

Michael le Roux 82.9%, 5 A’s

Anke Horn 82.7%, 6 A’s

Danyn White 80.9%, 5 A’s

Baie geluk Rockies!

Amelie van Lill 80.7%, 5 A’s

Elsabè Mostert 80.7%, 3 A’s

Selma du Preez 80%, 4 A’s

Uit 100% slaagsyfer Uit 139 kandidate: 19 A-gemiddeldes 92.75% B-toelating

HOËRSKOOL SWARTLAND tel. (022) 482 1469 epos admin@swartlandhs.co.za Facebook Hoërskool Swartland Offisieel www.swartlandhs.co.za

Stuur jou nuuswenke na 061 555 0344 per WhatsApp en wees ons oor op die grond!

Hierdie tyd van die jaar is dit baie warm en net soos ons mense, kry die tuinplante ook swaar.

Daar is ook hierdie tyd van die tuinmaak-kalender heelwat dinge waaraan ons tuiniers aandag moet skenk: Wees op die uitkyk in jou roostuin (ook elders in die tuin) vir Rooispinmyt-besmetting.

Die eerste tekens van dié plaag is so ‘n vaalgrys, gespikkelde, sout-en-peper-voorkoms op die bokant van die blaar en as jy die blaar aan die onderkant bekyk, sien jy die mikroskopiese klein insekte beweeg.

Soms is daar ook ‘n baie fyn spinnerakweb sigbaar tussen die takkies en die blaar. Dié plaag suig plantsap uit die plant en plaas plante onder baie stres en kan op die langduur die plant heeltemal dood maak. Dit is ‘n plaag wat gewoonlik gepaardgaan met warm, droë, stowwerige toestande en kan nogal baie skielik toeslaan en vinnig versprei (veral dié tyd van die jaar).

Om dit te beheer, moet jy weekliks ‘n baie deeglike bespuiting doen van die plante, veral aan die onderkant van blare vir ten minste 4-5 weke. Gebruik ‘n erkende middel teen rooispin-myte. Gebruik ook ‘n goeie kleefmiddel om te help met die verspreiding van die produk.

Dié tyd van die jaar kan jy jou rose ook ‘n ligte somersnoei gee om weer nuwe groei te bevorder, moet net nie te swaar snoei dat daar te min blare oorbly om die stamme teen sonbrand te beskerm nie.

Rose benodig baie water en gereelde voeding. Moenie kortpaaie vat nie, want dan gaan jy nie mooi, gesonde plante met baie blomme hê nie. Daar is ‘n verskeidenheid van voeding

vir rose op die mark, gebruik dié met ‘n hoë kalium inhoud vir baie en mooi blomme, maar ook genoeg stikstof vir mooi gesonde, blare (3.1.5; 8.1.5; Vigorosa 5.1.5; 1-for-all 13.3.8) Op die oomblik sukkel ons tuiniers ook weer met ‘n taamlike aggressiewe besmetting van sitruswitvlieg (woolly whitefly aphid), wat veral suurlemoenbome, maar ook alle ander sitrus-spesie, aanval.

Dié plaag kom ook op die onderkant van die blare voor en die heuningdou wat die goggas afskei, maak die blare taai en later raak die boom pikswart soos die “black soot” op die blare versamel.

Hier moet met ‘n kombinasie van twee giwwe gespuit word, eerste week 2 tot 3 keer en daarna nog omtrent vir nog 4 tot 5 weke, een keer per week, of tot die plaag uitgeroei is.

Ons gebruik die Makhro Siezer 100ec, plus SK ECO oil spray of Oleum in kombinasie (jy meng die twee saam) en weer eens moet die bome deeglik onder hul blare gespuit word.

Ten slotte: ek sien so baie tuiniers wat hul tuine natspuit met die tuinslang sonder dat hulle ‘n lekker sagte spuitkop gebruik. Die straal water wat uit die pyp kom, spoel dat die grond so spat, party gebruik ‘n vinger voor die pyp om kamma die water te breek, maar nog steeds spoel die plante se wortels kaal.

Asseblief, vir die plante se onthalwe, gebruik ‘n ordentlike spuitkop of sit ‘n klein “skilpad-spuit” op die grasperk of langs die bedding sodat die plante ‘n lekker sagte sproei kan beleef.

Tuingroete tot 23 Februarie George Retief

6

Nuus • News

26 Januarie 2022

Goeie begin vir CK-rolbal Die afgelope naweek het Malmesbury se mansrolbalspan ‘n puik oorwinning van 42-26 (10-2) behaal teen Sunningdale, een van hulle tradisionele aartsvyande, in die WP Vlag-liga.

Weens die uitermate warm weer en hoë humiditeit, is die wedstryd se afskop met ‘n uur aangeskuif en het spel eers om 15:00 begin.

Die span van Daniël Griebenauw, Marius Huysamen, Lodewyk Lesch en SG Basson het nes die vorige naweek ‘n swak begin gehad deur die eerste stel met 3-8 te verloor, maar byt daarna die stang goed vas om die wedstryd 20-12 te wen, met die tweede stel 8-3 en die 3de stel 9-1 in hulle guns.

Die span van Roux Vermeulen, Altus Myburgh, Jehan van Niekerk (wat sy debuut in die Vlag-kompetisie gemaak het), en Rainier van Zyl begin rampspoedig deur 1-7 agter te loop na 3 skofte. Hulle toon egter groot veggees en wen die stel 9-7. Die tweede stel 8-1, nadat hulle 9 skofte na mekaar wen. In die laaste stel verloor hulle 5-6, maar wen die wedstryd 22-14. Volgens Roux het Rainier uitstaande spel as lei gelewer, wat sy direkte teenstaander moedeloos gehad het. Jehan het die druk van ligaspel goed ver-

werk en goed gekonsolideer op Rainier se druk.

Altus lewer soos gewoonlik bestendige spel, en het ’n paar keer die opponente verstom gelaat met skitterende spel. So ‘n groot oorwinning weg van die huis af is altyd goed, en volgens Roux hoop hy dat hierdie onervare span die druk sal verwerk in die oorblywende 6 wedstryde.

Op 15 Januarie het die liga tuis begin teen Old Oak, en Malmesbury wen die wedstryd met 7,5-4,5. Toe het Daniël, Marius, Lodewyk en Jeff Petersen, wat sy eerste Vlag-wedstryd gespeel het, ‘n swak eerste stel beleef deur dit 3-12 te verloor. Hulle trek toe hulle sokkies op en vermorsel hul opponente met 14-2 en 10-7 in die daaropvolgende stelle, en wen 27-21. Die span van Roux, Altus, Ricardo Rickett en Rainier, wie beide hulle debuut in die Vlag-liga gemaak het, speel 7 elk gelykop in die eerste stel. Daarna gee hulle ‘n 4 en ‘n 6 af om die 2de stel 3-14 te verloor, net om weer die 3de stel 9-1 te wen. Hulle verloor 19-23, maar Malmesbury wen uiteindelik die wedstryd naelskraps 46-44.

Malmesbury het ook ‘n span van 6 spelers in die WP Driespel-liga, wat opgemaak word deur gemengde spanne. Hulle eerste wedstryd op 15 Januarie was weg teen Kraaifontein.

Paul Rossouw, Jehan van Niekerk en Tia Petersen wen 1 stel, en die wedstryd naelskraap 19-18. Deon Bosch, June Rickett en Zelda Jordaan sukkel strykdeur, en verloor 3-23. Malmesbury verloor dus 22-41, en met 3-9 op die punteleer.

Saterdag speel die Vlagspan weg teen Goodwood, en die Driespel span tuis teen Bellville.

Intussen het die klub 6 nuwe spelers by gekry, naamlik Elrika Lesch, Billy Barrett, Deon Bosch wat ‘n ervare speler is, Henfré Brand, wat op skool vir Malmesbury en WP o/18 gespeel het, Brian Howell wat jare lank vir Mowbray gespeel het, en gereeld met Malmesbury slaags geraak het, en Cobus Vermeulen. ‘n Somaliese boorling, Abu, wat Afrikaans onder die knie het, kom rol gereeld en dit lyk asof hy binnekort ‘n lid gaan word. Die ledetal is tans 24, waarvan 4 dames is, en 12 novices, met ander woorde hulle speel 3 jaar of minder rolbal en 2 lede is nou in hulle vierde jaar. Met nog ‘n paar mense wat dit ernstig oorweeg om ook aan te sluit. Belangstellendes kan vir Roux (0834789616) of Jeff (0728074545) kontak.

Nuus • News

26 Januarie 2022 daughter for Mommy.

Enjoy – mommy Lysia

GELUKWENSING Congratulations

24 Januarie 2022 - Baie geluk met jou 21ste verjaarsdag CAITHLIN. Alle voorspoed op jou lewenspad. Liefde: Ma en Caylem Baie geluk Caithlin met jou 21ste verjaarsdag. Mag God se seëninge ryklik oor jou lewe vloei. Liefde: Juries gesin Happy 21st birthday Caithlin. May this very special milestone birthday hold the key to a truly magnificent future. Love: Petersen clan 21 Unlocked - Congratulations on this spectacular milestone Caithlin. Best wishes on the next chapter of your life. Love: The Taylor’s

GILL AKEELUH ALBERTUS – 26 Januarie - Happy birthday babelbekkie mag god jou nog baie jare uitspaar jy moet jou dag geniet klomp liefde antie anna oom jakob gretna bradley tella dequan en cardo

27 Januarie - JAYDEN WESSELS – Mammie wil vir jou baie geluk sê met jou geboortedag vieringe.

Mag net goedheid en guns jou volg, my seun, al die dae van jou lewe. Jy js vandag ‘n volle 3 jaar oud, baie geluk. Van: Ouma, Oupa, Nanna en Wessels gesin

MARCHE CUPIDO - Baie geluk met jou 17de verjaarsdag op 29 Januarie – Jy moet die dag geniet.

Van: jou Ma, broer, suster, Deonise, Thalitha, Cleonay en jou seuntjie Marshall

SEYMOR CLEOPHAS, geluk met jou 16de verjaarsdag op 31Januarie. Mag jy ‘n mooi dag hê en die Here jou nog vele jare spaar.

Baie lief vir jou. Van: Ma, Pa, Ouma, Taya en Silla.

MEMORIUM In Memoriam

30 January 2017 - a Queen was born DAVICKA JAYLAH – 5 years today.

Happy birthday my angel, Mommy wish you a beautiful and blessed day. May all your wishes come true.

Stay the sweet and lovely

THOMAS SASMAN (Tommy) - 24ste Januarie vier jy jou eerste verjaarsdag in die hemel. Graag

wou ons dit saam jou gevier het, maar God het dit anders beskik. Ons koester die mooi herinneringe.

Van: vroulief Doreen, kinders: Justin, Samantha (skoondogter) Lizaan & Amor, kleinkinders: Jayda, Derick Jr. en Tristan

25 Januarie – RICHARD SOLOMONS – Dink vandag aan my geliefde man/ Pa op sy verjaarsdag. Hoe graag sou ons dt met Pa wou deel, maar Liewe Jesus weet die beste. Liefde altyd – jou vrou, kinders en kleinkinders asook Anjohanette Richard, your memories will live on in our hearts.

RIP brother! - Mynna, Gavin and Jackand families

CHARLTON LEE- SKIPPERS op 27 Januarie is dit jou 25 Januarie - JOZÉ WILL WELKOM - Vier jaar gelede het God my die mooiste geskenk gegee.

Baie geluk met jou verjaarsdag ons groot man.

Ons is baie lief vir jou. Jy moet lekker verjaar. Van: Mammie Pa en Ousus

29 Januarie - Baie geluk CHLEO met jou verjaarsdag en alles wat mooi is.

Mammie is lief vir jou

eerste verjaarsdag weg. Jy sou 27 gewees het, maar God het dit anders beskik.

Jy moet jou verjaarsdag geniet met die engele.

Mamma en Pappa mis jou baie mis en sal die mooi herinerinnge onthou. Van: jou Ma, Pa, Genevieve, Janicestine, Barbie, Wimpy en Nolin Happy birthday Charlton.

It’s your birthday but it doesn’t feel like it without you here. I know you’re in heaven and that your birthday there must be way better than any party I could have thrown for you here. I’m feeling a little jealous of the angels right now. From: Marne, Anthony, Alkirsten, Bladen, Skippers and Arendse families

28 Januarie – EMILE ENRICO COETZEE, geluk met jou tweede verjaardag weg van ons. Geniet jou verjaardag in die hemel, Baie liefde – Ma, Pa, broer, sister en die res van die familie

29 Januarie - RIONESHE WA-LEY BENEATHEY vandag vier jy jou 11de verjaarsdag saam met die engele. Baie geluk Ma se blom. Ons mis jou baie – jou Mamma, Keeluh, Leyah en Boetie

7

8

Nuus • News

26 Januarie 2022

Tel: 061 555 0344 • www.swartlandjoernaal.co.za • Uitgawe 102 • 26 Januarie 2022

Aksiebelaaide rugby verwag in 7's-toernooi Hierdie naweek sal dit kook op Malmesbury, maar hierdie keer op die Wesbanksportgronde wanneer die jaarlikse Malmesbury Superspar/ Spar the Bank 7’s-toernooi aangebied word.

Anders as in die verlede, sal die toernooi vanjaar slegs op een dag aangebied word.

Die toernooi het in die verlde oor twee dae gestrek.

Moorreesburg kroon kampioene:

Pieter Willemse en Alta Vos is die klubkampioene in die mans- en dames enkelspel afdelings vir 2021. Hulle het uitstekende spel gelewer Saterdag in die uitermatige hitte en Alta het haar titel van verlede jaar suksesvol verdedig. Moorreesburg Rolbalklub se Besigheidsliga gaan binnekort weer begin en alle besighede word genooi om solank hulle spanne bymekaar te kry. Jonk en oud is welkom om by die klub te kom rol. Voornemende spelers het drie maande om dit uit te toets alvorens lidmaatskapgelde betaalbaar is. Kontak die President Johann Smuts by 076 693 1538 of die wedstrydsekretaris, Kiewiet van Rooyen by 082 896 5826.

Die gasheerspan van Wesbank is oorgehaal vir die naweek se toernooi.

Die totale prysgeld beloop R50 000, met R24 Eduaan Howburg.

Spanne wat reeds ingeskryf het: St George’s; 000 vir die wenner en R10 000 vir die naaswenWesbank; Pretoria Harlequins; Mamre RVK; ner. Inskrywingsgeld beloop R2000 per klub.

Vanjaar sal 24 spanne deelneem en om ten Mamre B; Young Eagles; Evergreens Paarl; Vrevolle teen Covid-19 ingeënt te wees, is 'n vereiste denburg; Abbotsdale; Abbotsdale B; Helderberg; Riebeeck United; Kylemore; Wesbank B; Young vir spelers om te kan meeding.

"Covid het die klub lelik getref en daarom Hearts; Hillcrest; Roses United; Namakwaland moes ons noodgedwonge die aantal deelne- 7’s; Hamlets; Mamre; Strand; Never Despair; mende spanne van 60 na 24 verminder. Die klub Moorreesburg het wel steeds gevoel om die standaard van die Hekgelde beloop R30 vir volwassenes, R20 toernooi te behou en juis hierom is die inskrywingsgelde, asook prysgeld, verhoog," aldus vir voertuie en R20 vir skoliere.