Gift dat den Wiehnachtsmann? De achtjährige Virginia O´Hanlon ut New York wull´t dat ganz genau weeten. Dorum schreev se in´t Johr 1897 an dat Blatt „Sun“ düssen Brief: „Ick bün acht Johr oolt. Welk vun mien Frünn seggt, dat schall keen Wiehnachtsmann geven. Papa seggt, wat in´t Blatt steiht is jümmers wohr. Nu beed ik se vun Harten, seggen se mir: Gifft dat den Wiehnachtsmann?“ Virginia O´Hanlon. De Saak weer de Chefredakteur, Francis Church, so wichtig, dat he sülm de Antwort schreev unt dat up de erste Siet vun´t Blatt „Sun“: Virginia, diin lütten Frünn hebbt keen recht. De glöövt nicht, wat se nicht anfaaten köönt. Elkeen Geist vun de Minschen is lütt, is eendoon keen de tohöört, to de Groten o to de Lütten. In dat grote Weltall verleert he sick as een lierlütte Miegmops. So´ Miegmops langt bi wieten nich, allens to faat to kriegen un to begriepen. Liekers, Virginia, dat gifft den Wiehnachtsmann!!! Dat gifft em so wiß, as de Leev, dat Grothartige und dat Truhartige. Jüstt dorüm is uns Leben schön un vull Sünnchien. Wat meenst Du wull, woans dat düüster weer up düsse Welt, wenn dat de Wiehnachtsmann nich geev! Dann geev dat ok keen Virginia, keen Globen, keen Poesie – rein weg gar nix, wat jümmers uns dat Leven kommodig maken kunn. En lierlütten Glimmer vun dat Schöne bleef na. Avers dat Licht vun de Kinnertiet, dat över de ganze Welt lüchten deit, wöör utgahn. Dat gifft den Wiehnachtsmann, sünst künnst doch ock an de Märken nicht mehr glöven. Wiß doch, du kannst diin Vadder so wiet kriegen, dat he Hilligovend en Hupen Lüüd to gang kreeg, den Wienachtsmann intofangen. Glööv´t mir keeneen vun jem woor em wies warrn - wat wiest uns dat? Keeneen süht em so eben malins. Dat bewiest rein gar nix! De wichtigsten Kraamstücken süht keeneen. Nimm de Elfen, de in´n Maanschien up de Wischen danz, nümms süht jem. – Liekers, de gifft dat. All düsse Wunner to denken – or to sehen, dat kriggt de Klöökste up de Welt nich trech. Wat du ok jichens sühst, allens sühst du nümmernich. Du kannst en Kaleidoskop untenanner breken un na de schönen Fravfiguren söken. En poor Schören warrst wies, nix wieder. Worüm? Ja, süh, mien Deern, dat gifft en Schleier, de allens vun de Welt inpackt, dat is enn Schleier, de sülbst de gröttste Gewalt vun de Welt nich tweirieten kann. Blots de Gloov, die Poesie un den Leev könnt em hochböören. Just denn sühst du dat Schöne und de ganze Herrlichkeit up dii tokamen. Man, ´is dat ok wohr?´ kannst du nu fragen. Virginia, nix up de Welt is wohrhaftiger un nix so stedig. De Wiehnachtsmann leevt un ewig ward he leeven. Jüst so ward he in tosamen teinmal teindusend Johren noch sien. He ward de Kinner un elkeen apen Hart, jüst so as hüüt di, en Barg Höög bringen. Frohe Wiehnachten, Virginia. Diin Francis Church
„EIN TAG FÜR MICH” – Begrüßung mit einem Fruchtcocktail – Nutzung des gesamten Wellnessbereichs, Schwimmbad und Saunalandschaft mit LeihHandtuchset und -Bademantel – Maniküre oder Pediküre ohne Lack – Eine kleine Rückenmassage – Eine kleine Gesichtsbehandlung – Zum Abschluss der Behandlungen bekommen Sie einen Obstteller und Wellness-Tee serviert Pro Person 89,00 €
Ideal alsschenk sge t h c a n h i We Ihn”! „ r e d o ” für „Sie
Termine im Beautycenter des Hotels telefonisch unter: 0 43 81-900 81 73.
Hotel Hohe Wacht KG Ostseering 5 · 24321 Hohwacht · Telefon 043 81/9008-0 E-mail: info@hohe-wacht.de · www.hohe-wacht.de hein‘s magazin 11