Einstakur árangur

Rimaskólastúlkna

Íslandsmót grunnskóla í stúlknaflokki var haldið 28 janúar með þátttöku um 100 skákstúlkna. Teflt var í þremur aldursflokkum og í hverri skáksveit voru 4 stúlkur auk varamanna.

Frá Rimaskóla komu sex skáksveitir að þessu sinni en skólinn hefur nánast undantekningarlaust unnið mótið allt frá árinu 2003. Núna 20 árum frá fyrsta Íslandsmeistaratitli sýndu Rimaskólastelpur hversu öflugur skólinn er miðað við alla aðra grunnskóla landsins.

Í flokki 6. - 10. bekkjar tefldu tvær sveitir frá Rimaskóla og lentu í 1. og 2. sæti. Í flokki 3. - 5. bekkjar átti Rimaskóli þrjár sveitir sem röðuðu sér örugglega í efstu þrjú sætin. Í yngsta flokknum, 1. - 2. bekkjar, náðu okkar efnilegu Rimaskólastelpur 2. sæti.

Þessi árangur skólans er einstakur. Miðað við mikla breidd og ungan aldur stelpnanna ætti skólinn að halda sigurgöngunni áfram.

Allar þessar 25 stúlkur fá kennslu og æfingu í skólanum og hjá Skákdeild Fjölnis. Þau Björn Ívar Karlsson skákkennari Rimaskóla, Helgi Ólafsson stórmeistari og Jóhanna Björg Jóhannsdóttir landsliðskona frá Skákskóla Íslands hafa séð um skákkennsluna en umsjón með skákstarfinu hafa þeir Helgi Árnason og Jóhann Arnar Finnsson frá Skákdeild Fjölnis.

Við höfum aukið afköstin í Endurvinnslumóttökunni Hraunbæ 123 með fleiri talningavélum, rúmbetri móttöku og lengri opnunartíma.

Greiddar eru 18 kr. fyrir eininguna

Nær ósigrandi. Þær bekkjarsysturnar Emilía Embla,

Opnunartíminn okkar er:

Virkir dagar 9-18

Helgar 12-16.30

Í elsta flokki á Íslandsmóti grunnskóla í skák, stúlknaflokki, lentu þessar tvær skáksveitir Rimaskóla í 1. og 2. sæti.