Árbæjarblaðið Árbæjarblaðið

Útgefandi: Skrautás ehf. Netfang: abl@skrautas.is

Ritstjóri og ábm.: Stefán Kristjánsson.

Ritstjórn: Leiðhamrar 39 - símar 698–2844 og 699-1322.

Netfang Árbæjarblaðsins: abl@skrautas.is

Útlit og hönnun: Skrautás ehf.

Auglýsingar: 698-2844 og 699-1322 - Stefán Kristjánssonabl@skrautas.is

Prentun: Landsprent ehf.

Ljósmyndarar: Katrín J. Björgvinsdóttir og Einar Ásgeirsson.

Dreifing: Póstdreifing.

Árbæjarblaðinu er dreift ókeypis í öll íbúðarhús í Árbæ, Ártúnsholti, Grafarholti, Norðlingaholti og Úlfarsárdal.

Setjist niður og semjið

Verkföll eru framundan og að byrja þegar þetta er skrifað. Ekkert virðist geta komið í veg fyrir að um 2000 félagar í Eflingu leggi niður vinnu og lami þjóðfélagið.

Hvernig má þetta eiginega gerast? Mörg stærstu fyrirtæki landsins hafa komið fram í fjölmiðlum undanfarið og lýst því yfir að ef Eflingarfólk fer í verkfall þá lamist þjóðfélagið.

Komið hefur fram í fjölmiðlum að lágmarkslaun Eflingarfólks séu í nágrenninu við 400 þúsund. Og líklega aðeins undir þeirri tölu. Hvernig getur það verið mörgum af stærstu fyrirtækjum landsins ofviða að greiða þessu fólki þessi skammarlegu laun? Og þetta eru ekki fjölmennar stéttir. Nokkur hundruð manns setja hótelin á hausinn.

70 bifreiðastjórar setja allt þjóðfélagið á annan endann og stöðva meira að segja flug til og frá landinu, farþegarflug og flug til og frá landinu með verðmætar afurðir til og frá Íslandi á erlenda markaði.

Kjaradeilan sem nú stendur yfir er fyrir margra hluta sakir merkileg.

Hún er óvenju harkaleg og eftir að samið var við meginþorra launafólks, meira að segja sjómenn, þá stóð Efling ein eftir. Vildi ekki fylgja fjöldanum.

Í framhaldinu fór Eflingarfólk fram í sinni baráttu með fádæma dónaskap og siðleysi. Formaður felagsins kann sér oftast ekki læti og fer fram með offorsi. Og undir framkomu formannsins dansa öfgafullir félagar sem opinbera siðleysi sitt í fréttum. Nýjasta dæmið var þegar ráðist var á ráðherra í ríkisstjórn Íslands utan við ráðherrabúðstaðinn eftir fund ríkisstjórnar og sumir þeirrar úthrópaðir rasistar.

Framkoma sem þessi eyðileggur fyrir annars sterkum óróðri og sanngjörnum sem á sér sterkan stuðning meðal íslensku þjóðarinnar. Þegar öllu er á botninn hvolft viljum við jöfnuð og réttlæti á meðal þjóðar okkar og við viljum ekki að lægstu laun í þjóðfélaginu séu svo lág að ekki verði á þeim lifað. Þetta þarf að laga. Og af verju í ósköpunum er ekki hægt að ná samkomulagi um að íslenskir launþegar fái greidd þannig laun fyrir sína vinnu að hægt sé að lifa á þeim sómasamlegu lífi?

Landsmenn krefjast þess að deiluaðilar setjist niður og semji.

Stefán Kristjánsson

Kostnaður við Borgarlínu að tvöfaldast?

- eftir Björn Gíslason borgarfulltrúa Sjálfstæðisflokksins

Nú hefur kostnaður Samgöngusáttmálans verið uppfærður af Betri samgöngum. Við það hækkaði kostnaðurinn úr 120 milljörðum í 170 milljarða á þremur og hálfu ári.

Mislæg gatnamót verða að stokk

Mestu munar um framkvæmdir við Sæbraut þar sem gert var ráð fyrir mislægum gatnamótum í sáttmálauum, upp á 2,2 milljaðra. Öfáum vikum eftir að skrifað var undir sáttmálann breyttust þessi mislægu gatnamót í stokk upp á 17.7 milljarða.

Það var borgarstjórinn sem stóð fyrir þessum breytingum og fékk Alþingi til að samþykkja þær. Hann virðist hins vegar ekki hafa séð ástæðu til að greina borgarfulltrúum sérstaklega frá þessum breytingum, né bæjarstjórum á höfuðborgarsvæðinu sem þó eru aðilar að sáttmálanum. Í Morgunblaðsvitali við Þór Sigurgeirsson, bæjarstjóra á Seltjarnarnesi, sl. föstudag, kemur fram sð hann hafi ekki hugmynd um þessa breytingu. Hér er ekki verið að gagnrýna þessa tilteknu skipulagshugmynd, svo fremi sem hún þrengi ekki að fyrirhugaðri Sundabraut.

En svona vinna ekki heiðarlegir stjórnmálamenn með 15.5. milljarða kostnaðarhækkun fyrir skattgreiðendur.

Mun kostnaður við Borgarlínuu tvöfaldast?

Í hækkun á kostnaðaráætlun

Samgöngusáttmálans, munar næst mest um hækkun á kostnaði við fyrstu áfanga Borgarlínu. Fram kemur að hann hefur hækkað um 65% á þremur og hálfu ári, án þess að tekin hafi verið fyrsta skóflustungan af honum, En annar og þriðji áfangi Borgarlínu hafa enn ekki hækkað nema um 24 %, enda er töluvert lengra í þær framkvæmdir.

Þetta eru hrollvekjandi staðreyndir. Hafi kostnaður við fyrsta áfangann hækkað um 65%, án þess að framkvæmdir séu svo mikið sem hafnar, má vel gera ráð fyrir að heildarkostnaður áfangans eigi eftir að tvöfaldast frá fyrstu áætlun. Sömu sögu verður svo hægt að segja um hina fimm áfangana og þar með alla Borgarlínuna.

Vindum ofan af vitleysunni Svona fjárhagsáætlun um tröllauknar opinberar framkvæmdir er ekki boðleg skattgreiðendum og þarfnast því gagngerrar endurskoðunar við. Brýnt er að vinda ofan af vitleysunni sem allra fyrst.

Björn Gíslason borgarfulltrúi Sjálfstæðisflokksins

Árbæjarblaðið