մատնացույց #3․ բի* մարդկանց նվիրված համար

ՄԱՏՆԱՑՈՒՅՑ ՔՈ ՍԵՐԸ ԱՆՍԱՀՄԱՆ Է

լ ա ն ր ւ ո ժ ր ի Քվ

#3

Բովանդակություն բի* մարդկանց մասին......................................................................................3 կարևոր օր․ բի* տեսանելիության շաբաթ..................................................4 կարևոր օր․ բի* տեսանելիության օր...........................................................5 բի* միֆեր.........................................................................................................6-7 թաքուն փոդքաստ/քվիրի բաց տելեգրամի ալիք/ինտերվյու բի մարդու հետ.....................................................................................................8-9 ապահով սեքս.............................................................................................10-11 հոգ տար քո մասին..........................................................................................12 հայտնի բի* մարդիկ........................................................................................13 քվիր զոդիակ...............................................................................................14-15 թեժ գիծ

ժուրնալը ստեղծվել ա քվիր քուր պլատֆորմի թիմի՝ մերիի, աիդայի, լենայի, րիմի, մարիայի, արմիի կողմից մտահաղացում՝ մերի ղազարյանի ։D սրբագրիչ ՝ րիմ սարդարյան :D

Երևան 2023

բի* մարդկանց մասին բիսեքսուալ են այն մարդիկ, ովքեր զգացմունքային և/կամ սեռական գրավչություն են ունենում բինար համակարգում երկու սեռի/գենդերի մարդկանց նկատմամբ։ բիսեքսուալությունը մերրիամ վեբստերի բառարանում սահմանվում է որպես սեռական գրավչություն և´ տղամարդկանց, և´ կանանց նկատմամբ: բայց էս արդեն վաղուց շատ հնացած սահմանում ա։ էս համարում ուզում ենք խոսել բիսեքսուալների 50 երանգների, նրանց մասին փուչ միֆերի, հայնտի բիերի, ինչպես նաև մեր ընկեր բիերի մասին։ իսկ դու գիտեի՞ր, որ կան բիերի լիքը տեսակներ։ էս տեսակներից որոշների մասին մենք էլ էինք առաջին անգամ լսում։ եթե ունես սենց նույնականացող ծանոթների, ասա թող գրեն մեր ինստայի էջին՝ @queersista, մենք էլ ծանոթանանք։ լավ, սկսենք։ հերթափոխային (alternating) բի մի սեռի/գենդերի մարդու հետ հարաբերությունների ավարտից հետո, ընտրում է հակառակ սեռի/գենդերի մարդու որպես զուգընկեր, ու սենց շարունակում։ պատմությունը լռում ա, թե ոչ-բինար զուգընկերոջից հետո ինչ պիտի անեն էմոցիոնալ բի ունենում են մտերիմ, անձնական ու էմոցիոնալ հարաբերություններ ու գրավչություններ մեկից ավելի սեռի/գենդերի մարդկանց նկատմամբ, բայց սեռական գրավչություններ ու հարաբերություններ ունենում են միայն մեկ սեռի/գենդերի մարդկանց հետ պանսեքսուալ մարդիկ, ովքեր գրավչություններ են ունենում տարբեր սեռերի/գենդերի մարդկանց նկատմամբ՝ անկախ իրենց կենսաբանական սեռից կամ գենդերային ինքնությունից ու արտահայտումից։ օմնիսեքսուալ մարդիկ, ովքեր գրավչություններ են ունենում բոլոր գենդերների մարդկանց նկատմամբ։ սա կարող է նման լինել պանսեքսուալի սահմանման, բայց հիմնական տարբերությունն այն է, որ ի տարբերություն պանսեքսուալ մարդկանց, օմնիսեքսուալ մարդիկ գենդերի նկատմամբ անտարբեր կամ “կույր” չեն, այլ գիտակցում են դիմացինի գենդերը, բայց դա չի ազդում նրանց գրավչության վրա։ մուլտիսեքսուալ մարդիկ, ովքեր գրավչություններ մարդկանց նկատմամբ։

են

ունենում

մեկից

ավելի

սեռ/գենդերի

3

կարևոր օրեր

բի* տեսանելիության շաբաթ բի* տեսանելիության շաբաթը նշվում ա ամեն տարի՝ սեպտեմբերի 16-ից 23-ը։ սա կարևոր շրջան ա լգբտիք+ համայնքում ու համայնքից դուրս բի* ինքնությունների մասին իրազեկվածության բարձրացման ու բի* մարդկանց փորձառություններն արժևորելու համար։ տեսանելիության բարձրացման վրա շեշտ ունենալով՝ այս շաբաթը կարևոր առիթ ա բոլորիս համար ոչ ֆորմալ կրթության, իրար ավելի լավ հասկանալու ու մեկս մյուսի մասին հոգ տանելու համար։ այս շաբաթն առաջին անգամ նշվել է 1999-ին երեք բի* ակտիվիստների կողմից՝ ուենդի քըրիի, ջիջի ռեյվնի և մայքլ փեյջի՝ բի* մարդկանց տարածք ու հարթակ տալու, իրենց լսելու և արժևորելու համար։

բի* տեսանելիության շաբաթը մի քանի կարևոր նպատակներ ունի․ պայքար բի* ջնջման (erasure) դեմ․ շաբաթվա առաջնային նպատակներից է բի* ինքնությունների ջնջման կանխարգելումն ու դադարեցումը։ բի* անձինք, ինչպես նշեցինք, տարբեր տոքսիկ կարծրատիպերի, միֆերի ու իրենց սեռական կողմնորոշման մասին կասկածների են բախվում։ այս շաբաթը բի* ինքնությունները ևս մեկ անգամ ընդունելու և կարևորելու մասին ա։

կրթություն ու իրազեկվածություն․ բի* տեսանելիության շաբաթը նաև հնարավորություն ա տալիս կրթական նախաձեռնություններ, աշխատարաններ ու քննարկումներ կազմակերպել բիսեքսուալության, պանսեքսուալության ու մյուս բոլոր բի* ինքնությունների վերաբերյալ։

ներառականության տարածում․ այս շաբաթը նաև խրախուսում ա ոչմոնոսեքսուալ (բի, պան, և այլն) կողմնորոշումների մասին քննարկումները։ այն ընդգծում ա բոլոր սեռական կողմնորոշումների հավասար ընդունումը լգբտիք+ համայնքի կողմից։

աջակցություն ու ռեսուրսներ․ շաբաթն ընդգծում ա ռեսուրսների, աջակցության ցանցերի ու հոգեկան առողջության ծառայությունների կարիքը բի* մարդկանց համար։

բի* տեսանելիության շաբաթը նշելու լիքը տարբերակներ կան։ դրանցից մի քանիսը թողել ենք ներքևում․ > սոցիալական մեդիա արշավներ․ կարող ես օգտագործել #ԲիՏեսանելի կամ #ԲիՇաբաթ հեշթեգները՝ քո սոց․ էջերում կրթական նյութերով կիսվելուց։ > լգբտիք+ շատ կազմակերպություններ այս շաբաթ տարբեր հանդիպումներ, քննարկումներ են ունենում բի* ինքնությունների մասին․ կարող ես դրանց մասնակցել։

4

կարևոր օրեր սեպտեմբերի 23

բի* տեսանելիության օր բի* մարդկանց արժևորելու և համայնքում իրենց դերը ևս մեկ անգամ ընդգծելու համար։ բի* մարդիկ հաճախ իրենց լգբտք+ համայնքի «մոռացված» մասն են զգում։ սա կարող է լինել համայնքում տարբեր խմբերի նկատմամբ խտրականության պատճառով։ բի* անձինք լիքը տոսքիկ կարծրատիպերի և սպասումների են բախվում։ օրինակ՝ բի* կանայք սեռականացվում են, ու սեռական կողմնորոշման պատճառով ենթադրություններ են արվում իրենց սեռական վարքի մասին՝ հաճախ մտածելով, որ բի* նշանակում ա հասանելի, կամ, որ բի* կանայք դավաճանում են իրենց զուգընկերներին այլ գենդերի մարդու հետ ռոմանտիկ կամ սեռական հարաբերություն ունենալով։ էս ու շատ այլ պատճառներով, լիքը բի* մարդիկ ուղղակի չեն խոսում իրենց ինքնության մասին կամ չեն համարում սեռական կողմնորոշումն իրենց ինքնության կարևոր մաս ու իրենց լգբտիք+ համայնքի բավարար մաս չեն համարում։ բի* տեսանելիության օրը բի* համայնքին ճանաչելու ու արժևորելու օր ա։ սա լավ հնարավորություն ա բի* պատմություններով ու փորձառություններով կիսվելու համար։ էս օրով մեզնից յուրաքանչյուրը կարող ա բարձրացնել բի* կողմնորոշումների մասին իրազեկվածությունը մեր քվիր կամ համախոհ ընկերների ու բարեկամների շրջանում․ մենք նշանակալի դեր ունենք բի* մարդկանց մասին կարծրատիպերը կոտրելու գործում։ բացի կարծրատիպերից ու բիֆոբիայի դեմ պայքարից, պետք ա նաև փորձել բի* ինքնությունների մասին մեր իմացածով կիսվել մարդկանց հետ։ մի քանի հեշտ քայլ ենք բերել դրա համար․ 1․ թարմացրու գիտելինքերդ բի* մարդկանց մասին, 2․ եթե ունես բի* ընկերներ, որոնք դեմ չեն իրենց կողմնորոշման մասին հարցերի պատասխանելու, կարող ես իրենց նույնպես մի քանի հարց տալ, որ ավելի լավ հասկանաս իրենց փորձառությունը, 3․ կիսվիր ստացածդ գիտելիքներով ծանոթներիդ հետ։ եթե իրենք տարբեր խնդրային պատկերացումներ ունեն բի* անձանց մասին, ապա կարող ես քիչ-քիչ պատմել, պետք չի ճնշել ինֆորմացիայի քանակով։

վերջում հիշեցնենք, որ չնայած՝ բի* տեսանելիության օրը տարին մի անգամ ա նշվում, բի* մարդկանց պետք ա գնահատել ու հոգ տանել իրենց մասին տարվա բոլոր օրերին։

5

բի* միֆեր ոնց արդեն նշեցինք, բի* մարդկանց մասին լիքը կարծրատիպային ու խտրական կեղծ «ճշտմարտություններ» կան, որոնց անունը մենք «միֆ» ենք դրել։ սրանք բի* մարդկանց ինքնությունն ու փորձառությունները, ինչպես նաև զգացմունքները հարցականացնող սուտ պնդումներ են, որոնք բի* մարդկանց կյանքը դժվարացնում են հերիք չի, մի հատ էլ պատճառ են դառնում լիքը տրավմաների։ մի քանիսի մասին խոսում ենք ներքևում։ 1․ բիերը դավաճան են այս ու նմանատիպ բոլոր ընդհանրացված պնդումները իհարկե իրականությունից շատ հեռու են։ եթե խոսքը սեռական վարքագծի կամ զուգընկերների քանակի մասին ա, սա ընդհանրապես որևէ սեռական կողմնորոշման հետ կապ ունենալ չի կարող, քանի որ ամեն մարդ ինքն է որոշում ում հետ, երբ ու ինչ հաճախականությամբ կամ պայմաններով սեռական հարաբերություններ ունենա։ եթե խոսքը այլ տեսակի դավաճաննությունների մասին է, ապա ուզում եմ հիշես, թե քանի հետերո կամ լեսբի մարդ գիտես, ովքեր նույնպես դավաճանել են իրենց զուգընկերներին։ նենց որ, մարդս մարդ լինի) 2․ միաժամանակ հարաբերությունների մեջ են մի քանի հոգու հետ լինել բիսեքսուալ չի նշանակում լինել հարաբերությունների մեջ միաժամանակ մեկից ավել մարդու հետ։ ինչպես բոլոր սեռական կողմնորոշումները, այնպես էլ բիսեքսուալությունը կապված է ոչ միայն գործողությունների հետ, այլ նաև ցանկությունների, երազանքների ու պատկերացումների։ իհարկե կան մարդիկ, ովքեր միաժամանակ մեկից ավելի մարդկանց նկատմամբ են ունենում գրավչություններ ու հարմար են միաժամանակ մեկից ավելի մարդկանց հետ հարաբերությունների մեջ լինելու հետ, ովքեր սովորաբար նույնականանում են որպես պոլիգամ կամ պոլիամոր։ ու եկեք չմոռանանք, որ սեռական կողմնորոշումը տարբեր ա հարաբերությունների նախընտրելի ոճից կամ զուգընկերների քանակից։ 3․ բիերը բոլորին հավանում են/կամ կարող են հավանել լինել բիսեքսուալ նաև չի նշանակում ունենալ գրավչություն հավասարապես բոլորի նկատմամբ, այլ նշանակում է, որ բիսեքսուալ մարդկանց գրավչությունները սահմանափակված չեն սեռով կամ գենդերով։ ինչպես նաև, մարդ շարունակում է լինել բիսեքսուալ, եթե երկարատև հարաբերությունների մեջ է մի սեռի մարդու հետ։ իհարկե կան բիսեքսուալ մարդիկ, ովքեր միաժամանակ լինում են հարաբերությունների մեջ մեկից ավել մարդկանց հետ, բայց սա կապված չէ սեռական կողմնորոշման հետ։ 4․ բիերը բոլորին ու անընդհատ ուզում են բիսեքսուալներին վերաբերող տարածված միֆերից է, որ նրանք ցանկանում են ունենալ սեռական հարաբերություններ անընդհատ և բոլորի հետ։ իրականությունն այն է, որ բիսեքսուալ մարդիկ կարող են ունենալ տարբեր սեռական վարքագծեր։ ինչպես այլ սեռական կողմնորոշում ունեցող մարդիկ, այնպես էլ բիսեքսուալ մարդիկ կարող են ունենալ մեկ զուգընկեր ողջ կյանքի ընթացքում կամ մի քանի զուգընկեր տարբեր փուլերում։ սեռական վարքագիծը կապված չէ սեռական կողնորոշման հետ, այլ յուրաքանչյուրի անձնական որոշումն ու նախընտրությունն է։ 5․ բիերը ուղղակի կողմնորոշված չեն կա տարածված թյուր կարծիք, որ բիսեքսուալ մարդիկ պարզապես չեն կարողանում կողմնորոշվել՝ որ գենդերի մարդիկ են իրենց դուր գալիս, կամ էլ, որ նրանք կիսով չափ նույնասեռական են, կիսով չափ՝ տարասեռական։

6

բի* միֆեր սակայն բիսեքսուալությունն ինքնություն է և բիսեքսուալ մարդիկ վերոնշյալ գրավչությունների խումբը ոչ թե բաշխում են, այլ կարող են ամբողջապես զգալ տարբեր գենդերի/սեռի մարդկանց հանդեպ։ 6․ բիերը իրենց սեռի մարդկանց էքսպերիմենտներ են անում

հետ

պարզապես

իհարկե կան մարդիկ, ում համար բիսեքսուալ նույնականանալը եղել է ինքնաբացահայտման ճանապահի կանգառներից մեկը։ իհարկե կան մարդիկ, ովքեր միգուցե բիսեքսուալ վարքագիծը կամ նույնականացումն օգտագործել են էքպերիմենտների, նորության, կամ իրենց բացահայտելու նպատակով։ բայց բնականաբար, սրանից ենթադրել, որ բոլոր բիսեքսուալ մարդիկ պարզապես փորձարկումների մեջ են, առնվազն անարդար է նրանց համար, ում համար բիսեքսուալն իրոք ինքնություն է, ու ինքնաբացահայտման ճանապարհի ամենահարմար կանգառ։ հիշեք, որ սեռականությունը լողացող մի բան է, ու ինքնաճանաչման ուղով անցնելը դեռ չի նշանակում խաբել կամ էքսպերիմենտներ անել։ 7․քաղաքական առումով դավաճանում են լեսբի ազատականացմանը, որովհետև “անցնում են” (“փեսս” են անում) որպես հետերո, ու լիքը խնդիրներից խուսափում են սա երևի ամենահաճախ հանդիպող մեղադրանքներից ա։ փեսս անել/չանելը շատ հաճախ զուտ մարդու ինքնաարտահայտման հանրային ընկալման արդյունքն ա, որի վրա մենք՝ անհատներս շատ սահմանափակ ազդեցություն ունենք։ որպես հետերո “փեսս” անելը փաստացի մարդու որոշումների կամ կողմնորոշման հետ որևէ կապ չունի։ ու վերջիվերջո, հայրիշխանության դեմ մեր պայքարի հիմքը մեր արժեքներն են, ոչ թե մեր գենդերային արտահայտումը։ ու էս պայքարի ձևերը շատ տարբեր կարող են լինել, ու բոլոր ձևերն էլ կարևոր, անհրաժեշտ ու սիրուն են։ նենց որ, եկեք սիրենք իրար, անկախ հասարակության՝ մեր նկատմամբ վերաբերմունքի։ 8․ բի կանայք իրանց լեսբի պարտնյորներին տղամարդկանց համար կթողեն միֆերի թոփը գլխավորում ա էս միֆը։ թեև սա բնականաբար հնարավոր սցենար է, բայց կան նաև բիսեքսուալ կանայք, ովքեր առողջ ու երկարաժամկետ հարաբերություններ են կառուցում կանանց* հետ: կան բիսեքսուալներ, որոնց համար բիսեքսուալությունը անցումային փուլ է. ինչպես նաև կան լեսբիներ, որոնց համար լեսբիությունն է անցումային փուլ։ բիսեքսուալ կանայք, ովքեր իսկապես ընդունում են իրենց և իրենց սեռականությունը, ամենայն հավանականությամբ կդադարեցնեն հարաբերությունները կնոջ կամ տղամարդու հետ, երբ այլևս չցանկանան մնալ այդ հարաբերություններում տարատեսակ պատճառներով: ցանկացած բաժանում բնականաբար սթրես է, ու հաճախ շատերի համար շատ դժվար է բաժանումը վերապրել, սակայն բարդել դա նախկինի կողմնորոշման վրա, հաճախ պարզապես կարող է իրականությունից փախուստ լինել։ 9․ բոլոր մարդիկ բի են իմ ամենասիրած միֆը։ ուղղակի ասեմ, բոլոր ինքնություններն էլ գոյություն ունեն ու հիասքանչ են, քանի կան այդպես նույնականացող, ու իրանց այդ ինքնությունով երջանիկ ու հարմար զգացող մարդիկ։

7

#թաքուն փոդքաստ մենք շարունակում ենք «թաքուն» փոդքաստի համար նոր էպիզոդներ ձայնագրել: թաքունն արդեն ունի 6 էպիզոդ ու էս համարում կխոսենք վերջին էպիզոդից: դէ, երևի արդեն կռահեցիք, որ այս էպիզոդը բի* փորձառության մասին ա: էստեղ ներկայացնում ենք մի բի կնոջ ինքնաբացահայտման, ինքն իրեն ու այլ մարդկանց սիրելու, կարծրատիպերին ու խնդիրներին բախվելու պատմությունը: էպիզոդում կարող եք լսել բի միֆերի ու դրանց ազդեցությունների մասին: գնա, լսի էպիզոդն ու կարծիք թող քոմենթներում, կարող ես նաև թեմաներ առաջարկել նոր էպիզոդների համար:

լսիր նոր էպիզոդը այստեղ, ու կիսվիր մեր հետ կարծիքովդ ինստայում, @taqunpodcast

չմոռանաս, որ «թաքուն» փոդքասթն ինչքան էլ հանրային ա, միևնույնն ա բոլորիս անվտանգության համար խնդրում ենք թաքուն պահել «թաքուն»-ի ստեղծողներին ու էպզիոդների հերոսներին:

քվիրը արդեն ունի բաց տելեգրամի ալիք բարի գալուստ քվիր ինֆո։ էստեղ դու կգտնես հավաստի ու պարզ լեզվով տեղեկատվություն այնպիսի բարդ թեմաների մասին, ինչպիսիք են

⤵️

🔹 սեռը,

🔹գենդերը, գենդերային ինքնությունը և արտահայտումը, 🔹 սեռականությունը, 🔹 կանանց* իրավունքները,

🔹 և մարդու ինքնությանը վերաբերող այլ կարևոր շնորհակալ ենք միանալու համար․ լիքը հետաքրքիր կոնտենտ ա գալիս

💓

երկրում տիրող ծանր իրավիճակից ելնելով պլանավորած կոնտենտը դեռ չենք տեղադրում, բայց շուտով կլինի․ միացի, որ բաց չթողնես <3

ինտերվյու բի* մարդու հետ -մի քիչ կպատմե՞ս քո մասին. ո՞վ ես, ինչո՞վ ես զբաղվում։ արվեստագետ եմ, նկարիչ կամ պարզապես մելանխոլիկ հոգի։ աշխատում եմ, որպես ֆոտո-էդիթոր և սովորում եմ կինոռեժիսուրա սլավոնական համալսարանում։ -ո՞նց ես դու նույնականանում, ու ի՞նչ ա դա քո համար նշանակում։ ես ոչ-բինար բիսեքսուալ եմ։ սա ինձ համար գոյություն ունի որպես պիտակ, որ հասկացված լինեմ։ ոչ-բինար մարդ լինելը երևանում դժվար ա, բայց, հաճելի ա որ հասկանում ես, թե ինչի հետ հաշտ չես։ ես նաև նույնականանում եմ, որպես պոլիսեքսուալ, բայց դա հազվադեպ եմ ասում։շատերը չգիտեն այս տերմինը ու չեն հասկանում ինչի մասին եմ խոսում։ հետևաբար ես ընտրում եմ «բի» տերմինը, որն ավելի հասկանալի ու պարզ ա մարդկանց համար։դա ուղղակի փաստ ա․ ես սիրում եմ և՛ աղջիկներին, և՛ տղաներին։ կան բարդություններ և կարծրատիպեր բիերի մասին, որոնք ինձ այնքան էլ դուր չեն գալիս:

8

օրինակ, «դա պարզապես փուլ ա» կամ ես բավականին լուրջ չեմ վերաբերվում դրան (կողմնորոշմանը)։ դժվարություն կա նաև նրանում, որ ծնողներս չգիտեն իմ բի լինելու մասին։ -ո՞նց ես հասկացել, որ բի ես։ բի լինելը ինչպիսի՞ տեղ ա զբաղացնու՞մ ա քո կյանքում։ դա մի փոքր ծիծաղելի պատմություն ա: մանկուց ես ուժեղ անհանգստություն ունեի ընդունելու ինքս ինձ, և մինչև 14 տ․ ուզում էի փոխել սեռս հասարակության մեջ առկա կարծրատիպային մտածողության պատճառով՝ ինչպիսին պետք ա լինի կինը/աղջիկը, կամ էլ ոնց պետք ա իրան պահի։ իսկ մինչեւ 10տ․ մտածում էի, որ աղջիկներին բոլորն են սիրում, մտածում էի, որ դա ա նորմալ։ հետո ծանոթացա հոմոֆոբ իրականությանը ու մտածեցի, որ աղջիկները ինձ դուր են գալիս գեղագիտական իմաստով, քանի որ ես նկարիչ եմ: բայց անցնում է մի քանի տարի, և 14-ում ես ինտերնետում հանդիպում եմ մի տղայի (ես ինքս գրանցված էի որպես տղա): ես սիրահարվում եմ, և դա փոխադարձ է լինում: բայց որոշ ժամանակ անց իմանում եմ, որ ինքը աղջիկ է, ու այդտեղից սկսվեց ամեն բան։ ես հասկանում եմ, որ իմ զգացմունքները էտ մարդու հանդեպ, կախված նրա սեռից, չեն փոխվել: -իսկ ի՞նչն էր ամենադժվարն ինքնընդունման փուլում, ինչի՞ կարիք ունեիր, որ պակասում էր, կամ չէիր ստանում ինձ համար երևի ավելի հեշտ կլիներ, եթե ինձ բացատրեին ,որ պարտադիր չի համապատասխանես նորմերի, որոնք ընդունված են պահպանողական հայացքներով երկրներում։ ինձ համար ավելի հեշտ էր, հավանաբար նաև այն պատճառով, որ ես հոմոֆոբիայի մասին իմացա միայն 12-ում և առանձնապես չեմ բախվել դրա հետ։ , միայն 15-16-ում որոշեցի մորս կարծիքը հարցնել ու նա ինձ խիստ բացասական պատասխանեց, ինչը սպասելի էր։ բայց մինչ այդ ես երբեք նման բան չէի զգացել։ համայնքի հետ շփումներում խտրական վերաբերմունք նկատե՞լ ես քո նկատմամբ՝ բի* լինելու պատճառով։ դե, ես դա հենց խտրականություն չէի անվանի։ բայց բի լինելը մարդկանց աչքերում միշտ ինչ-որ փուլ է։ ես լսել եմ հաճախ, որ մարդիկ ասում են. «նա ամեն պահի կարող ա դավաճանել ու գնալ ինչ-որ տղայի մոտ, ու էդ անվտանգ չի»: հավանաբար այսպիսի բաներն են, որ կարող են անհարմարավետություն պատճառել ու նեղացնել։ -ըստ քեզ որտեղի՞ց են գալիս ենթադրություններն ու միֆերը։ ինքնախնդամքի կամ արագ արձագանքման ի՞նչ մեխանիզմներ ունես, որ օգնում են բացասկանը չմնա քեզ հետ։ Իմ հարծիքով սա գալիս է մարդու նեղ մտածողությունից և ինքն իրեն չհասկանալուց։։ կարծում եմ, որ պատճառներից մեկը կարող ա լինել կարծրատիպերը վերարտադրելը, ինչը, իմ կարծիքով, չպետք է խրախուսվի։ այնուամենայնիվ, դա մարդու անձնական որոշումն ա։ կան «փորձարկող» մարդիկ, ինչը ևս իրանց որոշումն ա, բայց դա էլ հանգեցնում ա միֆերի ու կարծրատպերի ստեղծմանը։ բայց ամենուր էլ կան բացառություններ, ուստի ամեն ինչ կախված է տարիքից և անձի փորձից, մտածողությունից, հայացքներից: եթե մարդիկ չեն հարցականացնում իրենց տեսակետը կամ իրավիճակի անհեթեթությունը, ապա ես կամ ուշադրություն չեմ դարձնում իրենց կամ էլ դուրս եմ գալիս այդ իրավիճակներից/քննարկումներից բառերով կամ էլ լքում եմ տարածքը -ըստ քեզ, ո՞նց կարելի ա էս բիֆոբիայի հարցը լուծել, սկզբում համայնքում, հետո նաև ավելի լայն հասարակությունում։ ես կարծում եմ, որ պարզապես մարդկանց կրթելու կարիք կա․ ինչ է բիսեքսուալությունը և ովքեր են բիսեքսուալ մարդիկ: ասել, որ սկզբում նորմալ է քեզ ոչ մի կերպ չպիտակավորելը, հետո ինքդ քեզ հասկանալը։ կարևոր ա մարդկանց հասցնել, որ սեռականությունը կարող է փոխվել կապված կյանքի մեր փուլերից։

9

ապահով սեքս հաճախ սեքսի ապահովության մասին հոգ տանելը կարող ա ընկալվել անվստահության նշան, կամ նույնիսկ որպես վիրավորանք։ բայց իրականում ապահով սեքսի մասին մտածելն ու դրան ուղղված քայլեր անելը ինքդ քո ու զուգընկերներիդ մասին հոգ տանելու ձև է։ հատկապես հեշտոցը մի յուրահատուկ ու ունիկալ օրգան է։ ինչպես հեշտոցը առողջ պահել հեշտոցը ինքնամաքրվում է, ուստի հեշտոցի ներսը լվանալու կարիք չկա (ներլվացում): հեշտոցային ցավը և գրգռումը կարող են առաջանալ օծանելիքով օճառների, պղպջակային լոգանքների, լոգանքի գելերի չարաշահումից, ոչ բամբակյա ներքնազգեստի հաճախակի կրելուց, ինչպես նաև ամենօրյա և դաշտանային ոչ բամբակային, կամ հոտավետ ու գելեր պարունակող միջադիրներից: զուգարան գնալուց հետո միշտ պետք է սրբել կամ լվալ հեշտոցը առջևից հետև (հեշտոցից մինչև հետանցք) բակտերիաները մուտքը հեշտոց կանխելու համար: երբ դիմել գինեկոլոգի առաջին անգամ գինեկոլոգի դիմելը միշտ սթրեսային է։ բայց հիշիր, որ պարբերապար գինեկոլոգի այցելելը քո իսկ ինքնախնամքի մաս է։ այն կօգնի քեզ տեղյակ լինել քո սեռական առողջության մասին, ինչպես նաև խնդիրների դեպքում դրանք հայտնաբերել ու լուծել վաղ փուլում, հետագա բարդություններից խուսափելու համար։ գինեկոլոգի պետք է սկսել այցելել հնարավորինս շուտ՝ անկախ սեռական կյանքի առկայությունից ու ինտենսիվությունից։ խորհուրդ է տրվում տարին գոնե 1, լավագույն դեպքում 2 անգամ այցելել գինեկոլոգի ու անցնել հետազոտություններ իսկ դու գիտե՞իր, որ յուրաքանչյուր հեշտոց ունի իր անհատական բակտերիալ կառուցվածքը, ու ինքնուրույն կարողանում է պահպանել այդ բալանսը։ սակայն, օրինակ, զուգընկերների լորձաթաղանթների շփման արդյունքում կարող է խախտվել հեշտոցի բակտերիալ բալանսը (բակտերիալ վագինոզ)։ հեշտոց ունեցող մարդիկ, ովքեր սեռական հարաբերություն են ունենում այլ հեշտոց ունեցող մարդկանց հետ (անկախ գենդերային ինքնությունից), նույնպես կարող են փոխանցել կամ ստանալ սեռավարակներ կամ սեռական ճանապարհով փոխանցվող այլ խնդիրեր: շատ կարևոր է իմանալ, թե ոնց կարող ես պաշտպանել ինքդ քեզ ու քո սիրած մարդկանց: իգական սեռի մարդկանց հետ սեռական հարաբերություններ ունեցող իգական սեռի մարդիկ մարմնական հեղուկների փոխանակման ընթացքում կարող են փոխանցել կամ ստանալ սեռավարակներ: բայց նաև պետք է հիշել, որ սեռավարականերից բացի, կան նաև այլ ռիսկեր։ հերպեսը և սեռական գորտնուկները կարող են փոխանցվել մաշկ-մաշկ շփման միջոցով ևս: սա ներառում է օրալ սեքսը կամ նույն ձեռքի օգտագործումը, երբ դիպչում եք ինքներդ ձեզ, ապա ձեր զուգընկերոջը: հեշտոեցով մարդկանց հետ ապահով սեքսի 1․ եթե օգտագործում ես սեքս-խաղալիքներ, օգտագործիր նոր պահպանակ յուրաքանչյուր զուգընկերոջ կամ սեքսի տեսակը փոխելուց առաջ (հեշտոցային/անալ/ օրալ): անպայման ստուգիր պահպանակի պիտանելիության ժամկետը ու մի պահիր դրանք խիստ տաք կամ սառը վայրերում։ օգտագործելուց առաջ խաղալիքները անպայման պետք է լվանալ օճառով և ջրով: օգտագործելուց հետո նախընտրելի է խաղալիքները եռացնել ջրի մեջ, կամ թողնել հակաբակտերիալ հեղուկում 30-40 րոպե։

10

ապահով սեքս 2․օգտագործիր դենթալ դամ օրալ սեքսի ժամանակ, հատկապես եթե ունես ծակ ատամ կամ լնդերի հետ կապված խնդիրներ։ դենթալ դամը լատեքսային շատ բարակ, փափուկ պլաստիկ քառակուսի է, մոտ 15 սմ*15 սմ չափերով։ դամի մի կողմում անհրաժեշտ է լուբրիկանտ քսել, և տեղադրել այն հեշտոցի, կամ հետանցքի (անուսի) վրա, իսկ մյուս կողմից արդեն կտեղակայվի բերանը կամ լեզուն։ որպես փոխարինիչ կարելի է օգտագործել պոլիէթիլենի կտոր։ ամեն անգամ օգտագործիր նոր լատեքսային դամ հեշտոց-բերան կամ հետանցք-բերան սեռական հարաբերություններ ունենալիս, ապա օգտագործված դամը նետիր աղբը։ դամ կարող ես ինքդ սարքել։ ստեղծելու համար՝ կտրիր բժշկական ձեռնոցի 4 մատերը, բացի բթից։ հետո կտրիր ձեռնոցը կարի երկայնքով՝ ճկույթի կողմից։ եթե ձեռնոցի վրա կա ցանափոշի (պրիսիպկա), լվա այն վրայից և ահա, դու ունես լատեքսային դենթալ դամ: լատեքսային դենթալ դամ կարող ես նաև սարքել պահպանակից։ դրա համար վերցրու առանց լուբրիկանտի պահպանակ, բացիր այն ու կտրիր ծայրը։ հետո կտրիր մի կողմից ամբողջ երկայնքով։ բացիր և քսիր լուբրկանտը այն կողմի վրա, որը լինելու է հեշտոցի վրա։ 3․ որոշ ինֆեկցիաներ կարող են փոխանցվել ձեռքերի, մատների և վուլվայի փոխադարձ շփման միջոցով: լվացեք ձեռքերը սեքսից առաջ և հետո։ 4․ հագեք լատեքսային ձեռնոցներ և օգտագործեք շատ ջրային հիմքով լուբրիկանտ հեշտոցային և հետանցքային սեքսի ժամանակ: 5․ լուբրիկանտ։ միշտ օգտագործիր ջրային հիմքով լուբրիկանտներ։ բոլոր յուղային հիմքով լուբրիկանտները քայքայում են լատեքսը, այդ թվում նաև պոլիէթիլենային կտորը․ վազելինը, մանկական յուղերը, արևապաշտպան կամ ձեռքի քսուքները պարունակում են յուղ և նավթ, որը քայքայում է պահպանակը կամ դենթալ դամը։ մի օգտագործիր դրանք։ խորհուրդներ առնանդամով մարդկանց հետ ավելի անվտանգ սեքսի համար 1․ առնանդամ ունեցող մարդու հետ (անկախ նույնականացումից) հեշտոցային, անալ կամ օրալ սեքս ունենալիս, օգտագործիր պահպանակ։ ճիշտ օգտագործման դեպքում դրանք պաշտպանում են չպլանավորված հղիությունից և սեռավարակներից: մի օգտագործիր պահպանակներ, որոնք անհարթ (textured) են կամ ելուստներով, քանի որ դրանք շուտ են պատռվում։ բացի դրանից կարող ես գտնել հակաբեղմնավորման քեզ առավել հարմար այլ միջոց: սրա համար անպայման խորհրդակցիր գինեկոլոգի հետ։ 2․ եթե կարծում ես, որ չնախատեսված հղիության ռիսկ կա, հնարավորություն ունես օգտագործել շտապ հակաբեղմնավորում կամ ետկոնտակտային կանխարգելման միջոցներ («առավոտյան» հաբ (“morning” pill) կամ 72-ժամյա հաբ), որն ազատ վաճառվում է դեղատներում: հիշիր, որ այս հաբերն ուժեղ հորմոնային ազդեցություն ունեցող դեղամիջոց են, տարեկան 1 անգամից ավել խորհուրդ չի տրվում օգտագործել։ անպայման խորհրդակցիր գինեկոլոգի հետ։

11

հայտնի բիեր* կարա դելյավինի կնոջ հետ ամենահայտնի հարաբերությունները եղել են ամերիկացի դերասանուհի էշլի բենսոնի հետ։ այս երկու հայտնիները դեյթվել են մի քանի տարի՝ սկսած 2018-ից։ նրանց հարաբերությունները արժանացել են հանրության և լրատվամիջոցների զգալի ուշադրությանը, քանի որ այդ շրջանում նրանք երկուսն էլ բավականին պոպուլյար էին։կարա դելյավինն ու էշլի բենսոնը հաճախ էին միասին հայտնվում տարբեր միջոցառումների, նույնիսկ միասին դաջվածք ունեն։ այս հարաբերությունները դարձել են սեռական կողմնորոշման ազատության և արտահայտման խորհրդանիշ: տարբեր ժամանակներում լուրեր են տարածվել, որ կարան և էշլին բաժանվել են և նորից միացել: այս լուրերը մի քանի անգամ հաստատվել ու հերքվել են, իսկ նրանց հարաբերությունների ստույգ վիճակը ժամանակի ընթացքում փոխվել ա: այնուամենայնիվ զույգը բաժանվել ա և 2023 թվականի դրությամբ կարան հարաբերությունների մեջ ա լիա մեյսոնի (մինկի) հետ։ անջելինա ջոլին 1990-ականներին հարաբերություններ ա ունեցել մոդել և դերասանուհի ջենի շիմիզուի հետ, ինչի մասին, հնարավոր ա, շատերը տեղյակ չեն: նրանց հարաբերությունները տևել են 1996-ից մինչև 2000 թվականները՝ նրանք պարբերաբար բաժանվում և միանում էին։ սակայն այդ ընթացքում ջոլին ամուսնացած էր ջոնի լի միլլերի հետ։ բայց կարևոր ա նշել, որ նույնիսկ այդ շրջանում ջոլին բաց խոսում էր իր բիսեքսուալության մասին, իսկ շիմուզը բաց նույնականանում էր որպես լեսբի։ նրանք առաջին անգամ հանդիպել են 1996 թվականին «foxfire» ֆիլմի նկարահանման ժամանակ։ ջոլին 1997-ին տված հարցազրույցում խոստովանել ա, որ սիրահարվել է շիմիզուին առաջին հայացքից։ նա նույնիսկ նշել ա, որ կարող էր ամուսնանալ շիմիզուի հետ, եթե արդեն ամուսնացած չլիներ միլլերի հետ։ նրանց հարաբերություններում բավականին մեծ կիրք կար։ ջոլին, չէր պատկերացնում, որ կնոջ նկատմամբ կարող ա նման ուժեղ զգացմունքներ ունենալ։ 2014-ին պարզ դարձավ, որ շիմիզուն պատրաստվում ա ամուսնանալ դիզայներ միշել հարփերի հետ ու հարսանիքին հրավիրված էր նաև ջոլին,բայց հարսանիքին նա չհայտնվեց, և դա կարծես թե նրանց պատմության ավարտը եղավ: քրիսթեն ստյուարտը և դիլան մեյերը ավելի քան երկու տարի լուրջ հարաբերությունների մեջ են, և այժմ նշանվել են։ նշանադրության մասին նրանք հայտնել են 2021-ի նոյեմբերի 2-ին, ամուսնության առաջարկը արել է դիլանը։ նրանց սիրո պատմությունը սկսվել ա 2019-ի ամռանը, հանդիպել էին 6 տարի առաջ՝ ֆիլմի նկարահանմա

բայց իրականում նրանք

նրանց սիրո պատմությունը սկսվել ա 2019-ի ամռանը, բայց իրականում նրանք հանդիպել էին 6 տարի առաջ՝ ֆիլմի նկարահանման ժամանակ։ նկարահանումից հետո նրանք նորից հանդիպեցին ընդհանուր ընկերոջ ծննդյան ժամանակ։ ստյուարտը ասում էր, որ իրենց ծանոթության պահից գիտեր, որ դիլանն յուրահատուկ ա իր ա համար: սակայն մինչև այս ամենը ստյուարտը հարաբերությունների մեջ էր ստելլա մաքսվելի հետ։

13

բի* զոդիակ խոյ - դուք ինտենսիվ և կրքոտ մոտեցում ունեք սիրո նկատմամբ: բիսեքսուալ խոյերին իրենց կողմնորոշումը թույլ է տալիս ընդգրկել զգացմունքների և փորձի լայն շրջանակ հարաբերություններում: դուք չեք վախենում արտահայտել ձեր ցանկություններն ու կարիքները՝ ստեղծելով միջավայր, որտեղ կիրքն ու էմոցիոնալ կապերը ծաղկում են: ձեր զուգընկերը իրեն խորապես ցանկալի և փայփայված կզգա ձեր ներկայությամբ: ցուլ - որպես բիսեքսուալ ցուլ՝ դուք զգայական և կրքոտ պարտնյոր եք: դուք շատ գնահատում եք ֆիզիկական հաճույքը և այն վայելում եք բոլոր զգայարաններով: ձեր սիրո լեզուն հպումներն ու ջերմությունն են։ դուք հարմարավետ և տաքուկ միջավայր եք ստեղծում, որպեսզի ձեր զուգընկերոջ հետ կարողանաք մաքսիմալ հաճույք ստանալ։ երկվորյակ - որպես բիսեքսուալ երկվորյակ՝ դուք հետաքրքրասեր և գրավիչ զուգընկեր եք: դուք շփման բնական շնորհ ունեք և վայելում եք ինտելեկտուալ զրույցները սիրելիի հետ։ ձեր ինքնաարտահայտման ունակությունը թույլ է տալիս մտավոր և էմոցիոնալ խորը կապ հաստատել ձեր զուգընկերոջ հետ: խեցգետին - դուք շատ լավ ինտուիցիա ունեք, կարևորում եք լսելն ու պատրաստ եք աջակցել ձեր զուգընկերոջը, եթե նա մեկի հետ խոսելու կարիք ունենա։ բիսեքսուալությունը ձեզ հնարավորություն է տալիս լեզու գտնել փորձառությունների լայն շրջանակի հետ՝ դարձնելով ձեզ խորապես հասկացող և աջակցող պարտնյորչիկ։ առյուծ - դուք սիրավեպի հակում ունեք և հաճույք եք ստանում ձեր սերն արտահայտելուց: որպես առյուծ՝ դուք գնահատում եք դրամատիկությունն ու էքստրովոգանտությունը։ դուք կայծ եք տալիս ձեր հարաբերություններին, որպեսզի ձեր զուգընկերը իրեն հատուկ և սիրելի զգա: բիսեքսուալությունը թույլ է տալիս ձեզ տոնել սերն իր բոլոր ձևերով՝ անիրականություն և խորություն հաղորդելով զուգընկերոջ հետ ձեր կապին: կույս - դուք բնական հակում ունեք դեպի պերֆեկցիոնիզմը և ձգտում եք ստեղծել ներդաշնակ ու կանոնավոր հարաբերություններ։ բիսեքսուալ կույսերը կարողանում են գնահատել ու հասկանալ իրենց զուգընկերոջ տարբեր կողմերը։ դուք մեծ ուշադրություն եք դարձնում ձեր հարաբերությունների զարգացման հարցում՝ համոզվելով, որ դրանք համապատասխանում են ձեր բարձր չափանիշներին:

14

բի* զոդիակ կշեռք - դուք հայտնի եք ձեր հմայքով, դիվանագիտությամբ և հավասարակշռության ձգտմամբ: բիսեքսուալ կշեռքները առաջնահերթություն են տալիս ներդաշնակությանը և արդարությանը: նրանք գնահատում են բաց հաղորդակցությունը, փոխզիջումների են ձգտում, և ստեղծում են խաղաղ և էսթետիկորեն հաճելի միջավայր: ձեր բիսեքսուալությունը թույլ է տալիս ձեզ գնահատել ձեր զուգընկերոջ գեղեցկությունը և տարբերվող լինելը։

կարիճ - բիսեքսուալ կարիճներ, դուք ձեր զուգընկերոջ կարիքներն ու ցանկությունները ինտուիտիվ կերպով հասկանալու թույն ունակություն ունեք հարաբերություններում և՛ զգացմունքային և՛ ֆիզիկական մտերմության խորը ցանկություն ունեք: բիսեքսուալությունը ձեզ թույլ է տալիս ընդունել և ուսումնասիրել փորձառությունների լայն շրջանակ՝ բարձրացնելով էմոցյոնալ կապերի խորությունն ու ինտենսիվությունը: աղեղնավոր - արկածախնդիր են, ազատամիտ։ բիսեքսուալ աղեղնավորները ոգևորություն են բերում հարաբերություններ: նրան օգնում են նոր բաներ բացահայտել, ինչպես ֆիզիկական, այնպես էլ ինտելեկտուալ մակարդակում, և փնտրում են զուգընկերոջ, ով կիսում է իրենց կյանքի ռիթմը: աղեղնավորները տեղծում են հարաբերություններ՝ լցված արկածներով, աճով և ազատության ընդհանուր զգացումով։ այծեղջուր - վճռական են, գործնական և պատասխանատու։ բիսեքսուալ այծեղջուրները առաջնահերթություն են տալիս կայունությանը, հավատարմությանը և երկարաժամկետ նվիրվածությանը: նրանք նվիրված պարտնյորներ են, ովքեր պատրաստ են անհրաժեշտ ջանքեր գործադրել հաջող հարաբերությունների համար: նրանք զուգընկերոջ անհատականությանը ըմբռնումով են մոտենում՝ նպաստելով կայուն կապի ձևավորմանը։ ջրհոս - անկախ են, նորարար։ բիսեքսուալ ջրհոսները գնահատում են ազատության և յուրահատուկ լինելու զգացողությունը։ նրանք փնտրում են զուգընկերոջ, ով կընդունի իրենց յուրահատուկ որակները և կկիսի առաջընթացի և սոցիալական փոփոխությունների իրենց կիրքը: ունեն սիրո արտահայտման բազմաբնույթ ձևեր և խթանում են ներառականության, ընկերության և ինտելեկտուալ կապի ձևավորմանը։ ձկներ - կարեկցող են, ինտուիտիվ և խորապես զգացմունքային։ բիսեքսուալ ձկները իրենց հարաբերություններում առաջնահերթություն են տալիս զգացմունքային կապին, աջակցմանը և հոգևոր աճին: նրանք ունեն զուգընկերոջ զգացմունքները հասկանալու և աջակցություն ցուցաբերելու կարողություն: ընդունում և գնահատում են իրենց զուգընկերոջ ինքնության խորությունն ու բարդությունը՝ ստեղծելով հարաբերություններ՝ հիմնված սիրո, փոխըմբռնման և հոգևոր կապի վրա:

15

ԹԵԺ ԳԾԵՐ

կանանց* նկատմամբ ընտանեկան բռնության դեպքում՝ «կանանց աջակցման կենտրոն»

099 887808

սեռական բռնության դեպքում՝ «սեռական բռնության ճգնաժամային կենտրոն»

077 991280

հաշմանդամություն ունեցող կանանց նկատմամբ բռնության դեպքում՝ «ագաթ» հկ

077 043042

միավ-ով ապրող անձանց սոցիալական, հոգեբանական և իրավաբանական աջակցության անհրաժեշտության դեպքում՝ «իրական աշխարհ, իրական մարդիկ» հկ

098 663383

լգբտիք+ մարդկանց սոց․ աշխատողի և/կամ հոգեբանի աջակցության անհրաժեշտության դեպքում՝ «փինք» իրավապաշտպան հկ

096 290280

կանանց* անվճար իրավաբանական խորհրդատվության անհրաժեշտության դեպքում՝ «կանանց ռեսուրսային կենտրոն»

093 948886

լգբտիք+ մարդկանց իրավաբանական խորհրդատվության անհրաժեշտության դեպքում՝ «փինք» իրավապաշտպան հկ

099 522533

քվիր քուր պլատֆորմի առաքելությունն ա խթանել լեսբի, բիսեքսուալ կանանց*, տրանս* և քվիր* անձանց բարօրությանը։ մենք ստեղծում ենք ապահով տարածքներ կամ ավելի ապահով ենք դարձնում արդեն իսկ եղած տարածքները։ ունենք քվիր տուն, որը ֆիզիկական ապահով տարածք ա լբ կանանց*, տրանս* ու քվիր մարդկանց համար։ մեզ համար կարևոր ա համայնքի ներուժի հզորացումը, ինքնախնամքի ու ինքնահոգատարության մշակույթի տարածումը։ մենք ուզում ենք մեր կարիքների, խնդիրների ու փորձի մասին պատմությունները ավելի տեսանելի դարձնել՝ դրանով նպաստելով նաև քվիր* պատմույթի ստեղծմանն ու զարգացմանը։