Majalah Suara Saking Bali edisi 67 (LXVII)

Suara Saking Bali

Édisi LXVII | Méi 2022

i

Suara Saking Bali

Édisi LXVII | Méi 2022

1

Suara Saking Bali

Édisi LXVII | Méi 2022

daging majalah Pamahbah mirah... lascarya i ratu ninggal titiang (Putu Sedana) 3 Lawat-lawat gula bali (IGA Darma Putra) 38 Satua Cutet tamiu (Ketut Sugiartha) 15 dénpasar riin, dénpasar mangkin (I Madé Suarsa) 36 patinget widhi (I Gedé Mardi Yasa) 53 potrékan ané mamunyi di tembok kamarné i sudarma (I Putu Supartika) 74 Satua Bali taluh mas 26 Puisi Bali puisi-puisi i ketut aryawan kenceng 22 puisi-puisi tuti dirgha 48 puisi-puisi i madé gargita 62 puisi-puisi sisia smp negeri 2 sawan 91 Artikel ngalestariang danu sekala niskala (Komang Sujana) 31 Satua Masambung mlancaran ka sasak (12)--Gdé Srawana 66 satuan ati (11)--Agus Sutrarama 82 Geguritan geguritan bangbang wétan (IBW Widiasa Kenitén) 11 Isin Gumi vladimir putin, volodymyr zelensky mabalih wayang? (I Gusti Lanang Sutéja Naréndra) 8 Kitut inget-ingetan peken bléléng; jaja lukis, jaja olén-olén, jaja orog-orog (Kadék Sonia Piscayanti) 98 Kamus kamus 101

2

Suara Saking Bali

Édisi LXVII | Méi 2022

Pamahbah

Putu Sedana

mirah... lascarya i ratu ninggal titiang Ri tatkala i ratu kabajeg ring jagat Bali sajroning pasewamaran sastra satua wadua warsa nem dasa sia, ri tatkala semita para sentana pamilet nyihnayang pangajum tulus tan patanggu, ri kala irika taler manah sang kacerita égar binar mabunga-bunga nyanggra nyuksma pangajum adiluung pamilet sajebag Bali inucap.

Saihang ring legan ia i dangap-dangap ri antuk tunggal makecos prasida magentos warna manut warnan daun taro utawi warna napi sekadi napi sané kadekol, legan sang kacerita minab tan mabina.

Santukan indiké punika ngambang sekadi mangipi gargita tan sinipi, metu lepia sang kacerita nyiksik déwék antuk kawéntenan rua binéda leket ring déwék punika, sang ngrem wawadihan nungkalik punika, jroning pajatén maya punika, sané leket mlilit tan kapasah makadi aketi sukané kasungsung aketi dukané mrabéda.

3

Suara Saking Bali

Édisi LXVII | Méi 2022

Wus punika duk i ratu mas mirah ical kaprelina ka jagat sunia gejeré pitung dasa nem, antuk leket ngutamayang karahayon tinimbang arta duk punika; antuk kabrabehané kalintang, jeg sapisan sang kacerita téja kasayangan.

Ngawit raina punika masarana pangubaktian patram palam tirtam dupam muah mantram, kajap-ajap linggih i ratu ring dija kawéntenané kapo, asapunapi kabawos sang kacerita sapeninggal i ratu kapo, tan marén linggih i ratu kaajapajap mangda suéca ugi i ratu mwali.

Tembang lara wirama welas asih mamurda lascaria i ratu ninggal titiang, setata munggah akasa taler tan mintulin.

Mratiaksa tetimbangan sedihé tan pacang muputang karia maduluran kedépan sipta ring pangipian, ngawinang kedeh digelis nitahang déwék matategar ngarad puspa lan pala embas tumimbal saking karia, matategar ngadegang ratu mas mirah langgia antuk lingga basa tata-titi tatuek sarana muah wirasa, taler tan mlingga sekadi ratu sang kapralina ri antuk tan péndah sekadi nyungkemin lawat, ngamijilang adeg lingga sinurat tan pataksu. Tan pataksu? Inggih sinurat tan pataksu.

Murnayang rasa kuciwa di manah pongah kalilit jengah rasa tan ngenjek tanah, sang kacerita setata nyemita ngawi lega sinambi nyingidang duka.

Sedihé matembang lesu mirah ring dija mangkin pacing karuruh, kapurna antuk kebyuran ambun bungan gadungé ampehang angin tepi siring padukuhan.

Catetan: Puisi puniki kaambil saking cakepan Bali Suar Tanah Dumilah olih Putu Sedana

4

Suara Saking Bali

Édisi LXVII | Méi 2022

Lawat-lawat

ngucap basa ngecap rasa IGA Darma Putra

S

ing ada ané alusan buin yén bandingan tekén munyi. Satunané di sorohan alus ané liunné lelima, munyi mulan ané paling alusa. Munyi ento nyusup di akasa. To awinan, dija ja ada akasa, ditu pasti ada

munyi. Ané madan akasa tusing langit dogén. Akasa masih orahanga embang.

Kasal ada embang, pasti ada munyi. Sakéwala munyi ento magenepan. Ada munyi ané keras, ané gigis, ané alus, ané kasar, ané ngidang dingehang aji kuping mabukak, ada masih munyi ané dingehang aji kuping matekep. Di embangé mulan ada munyi. Ento mirib awanané ada Bhatara peséngina tekén

5

Suara Saking Bali

Édisi LXVII | Méi 2022

anaké dueg-dueg Sang Hyang Embang. Antukan ida maparagayan embang, daging idané sing ada lén musti sabdha, musti munyi.

Hubungan embang-sabdha ené suba uningina tekén para resi ipidan.

Sangkalanga ada baos idané ngundukan sabdha ané lekadné uli embang.

Makejang sabdhané ento pirenga tekén ida resi. Sabdha ané pireng-pirenga pupulanga dadianga besik, nikanga pupulan sabdha ento madan Sruti.

Makejang ané suba pirenga tekén ida, neket ngengsut di kahyun idané. Raris élinganga terus. Élingé ento madan Smerti.

Sasubané ida éling, ditu matanem sabdha-sabdhan embangé. Kanti tumbuh di paragan idané, mentik dadi tunjung magenepan. Ada tunjung malawa papat, nembelas, ada masih malawa kanti tusing ngidang baan meték. Ada tunjung ané ngadeg, ada ané nyungkling. Makejang tunjungé ento pepek, tumbuh di sariran Ida Resi.

Buka kéto kautaman munyi ané lekad uli embangé. Suba kéto lantas, di ukudan iragané masih liu ada embang. Ada embang di kuping, di bibih, di cunguh, di pabahan masih misi embang. Lén embangé lén munyinné. Lén munyinné, lén buin aksarané anggo nulis munyin embangé ento. Buka kéto terus, awinan liu sajan ada soroh munyi. Wiréh liu ada soroh munyi, soroh aksara masih liu. Yén keneh-kenehang, ukudan iragané jeg liu misi aksara.

Mirib ené ané anggona dasar ngaé kajang tekén para leluhur iragané. Malénan sorohné, malénan kajangné. Nyak asané?

Yén suba neked ditu satuané, pasti suba tusing ada ané ngidang ngemang buka kénkén sujatiné. Makejang tuah ngemang pamutus-pamutus ané bakatanga di sorohan babad indik soroh. Ento diageté. Di kuang ageté, tuah bakatanga ulian kéto ané warisanga tekén leluhurné. Sing ngidang buin ngetut, adi bisa leluhuré ngemang jalan buka kéto. Apa leluhur ento tusing marupa jadma ipidan? Masih tusing beneh. Wiréh makejang leluhuré marupa jadma ipidan, sinah ida sareng sami madué pikahyunan. Tetujoné musti lakar ngarahayuang pratisantanané ngantos riwekas. Sakéwala nak jani iraga

6

Suara Saking Bali

Édisi LXVII | Méi 2022

sépanan lakar ngetut pamargin leluhur. Kondén apa-apa suba sagét nagih di muncuk dadi cara ida. Kondén taén nuluh suka-duka ané kénkén sujatiné ané suba entasina tekén leluhur. Ané tagih jani tuah jaen-jaenné dogén.

Wiréh buka kéto uli imaluan, jani suba gantiné iraga terus matakén tekén leluhur. Nak ngudiang iraga lekadanga dini di guminé? Yén manut tutur Adi Parwané koné apang leluhuré tusing magantung di tiing petungé. Patut iraga ngembasang pratisantana. Nah disubané ngelah pratisantana, terus dong pragat suba tugas iragané idup? Suba dadi kalahin idupé yén suba ngelah pratisantana?

Kéto suba upah iragané nakal maca sastra tur tawah-tawah pesu patakoné.

Nak mulan kéto ajahina tekén leluhur. Musti iraga bisa matakon, yadiastun tusing karoan iraga bisa nyautin. Ulian patakon, nyén nawang lakar bakat rasan-rasan basa sané suba warisanga tekén leluhur. Apang nyak buka baos sastrané, uripé nyansan nadi yén bisa masubhasita, bisa ngarasa. Lan jani matakon tekén leluhur, buka kénkén rasan suka-duka ratu palungguh ida leluhur?

IGA Darma Putra embas lan magenah ring Bangli. Kakawiannyané kawedar ring makudangkudang média, minakadi Bali Post, Pos Bali, Tatkala.co, Suara Saking Bali, miwah sané lianan. Ngamolihang Hadiah Sastera Rancage 2018 antuk cakepan “Bulan Sisi Kauh”

7

Suara Saking Bali

Édisi LXVII | Méi 2022

Isin Gumi

vladimir putin, volodymyr zelensky mabalih wayang?

I Gusti Lanang Sutéja Naréndra

“

Kacerita jani di Pasraman Ida Rsi Agung Wyasa, Ida Sang Aswatama nyukserahang raga, wiréh Ida suba éling ring iwang parilaksanané nyédayang Sang Panca Kumara duké Ida makejang ri kanjekan sirep!”

I Wayan mendep, seken pesaja ia mirengang tuturan satuan tiangé.

Paningalané nelenging, kijep-kijep ningalin igel wayangé. Di pasaréané tiang ngawayang, nganggo wayang deluang masundih sentir, makelir sapurai uék, mairingan tabuh bibih abarung. Piiih... rasa suba cara Jro Dalang Nardayana tikas tiangé ngigelang wayang.

“Kénkén laut, Pak?”

8

Suara Saking Bali

Édisi LXVII | Méi 2022

“Saksana... sagét rauh para Pandawané kaabih olih Ida Sang Krena! Ning... nang... Ning... Nong... Dog... Dog... Dog,” makucas kacisan bibih tiangé ngamunyiang gendér kanti kokohan.

“Ih kita Aswatama…!” Raos tiangé pegat, sing bisa mabahasa kawi. Jani kanggoang bahasa Bali biasa anggo.

“Wééé Aswatama... Dini koya Cai mengkeb disubané malaksana nista, lémpas tekén sesananing ksatria!” kéto pangandikan Sang Arjuna misi nuding.

Sang Aswatama dahat kroda nyingakin para Pandawané. Ditu laut Ida ngaranasika ngajap mantra ngupti senjata mahotama ané madan panah brahmastra! Jéng... Jéng... Jéng...!”

“Apa madan panah brahmastra Pak?” Sambilang ngisiang wayang tiang nyautin.

“Senjata ané dahat madurgama. Yéning ento anggo ngawag, pralina jagaté!”

I Wayan madehepan, “Mimih... Cara nuklir!”

Lanturang tiang buin lampahané.

“Nyingakin Sang Aswatama ngupeti brahmastra, Sang Arjuna masi sing kayun kasor. Ida masi ngupeti brahmastra. Piiiihhhh.... Magejeran jagaté, kebus bara!”

Buin I Wayan madehepan, “Mimih... gantiné jani perang nuklir!”

“Ida Rsi Wyasa, wikan ring indik. Ditu lantas Ida miteketin sang kalih, apang prasida nyomia krodané. Ulihan miarsayang piteket Sang Pandita, Sang Aswatama miwah Sang Arjuna buung lantas mayuda!”

Nying... nyong... nying... nyong... Gendéré nabuh, kayonané ngigel cihna lampahané pragat.

I Wayan buin madehepan, jani masemu ngambul. “Béh... buung perang nuklir. Sing nyak seru!”

“Subang peteng, jani pules malu!” Tiang ngaraos bangras gigis. Prajani ia nyak nyempang. Sakéwala jani buin pesu patakoné.

9

Suara Saking Bali

Édisi LXVII | Méi 2022

“Pak, orahin jep Rsi Wyasa apang nuturin présidén Rusia ajak présidén Ukrainané apang ia suud masiat. Jejeh Icang pradé perang nuklir!”

Mbééé... Wayah tutur raréné. Laut sautin tiang sambilang mawahem.

“Aiiih Cai ada ada dogén. Ento nak tutur di pawayangan. Dija laut alih Rsi Wyasané?”

I Wayan ngadibleg, suud ia majehori jani ia pules ngarepin tiang.

“Badah... Bapak belog. Orahin jani Pak Putin jak Pak Volodimir mabalih wayang!”

Mbééé... nyansan soléh jani tuturné. Sambilang tiang nyangkutin, tiang ngaraos kisi-kisi, “Sssstttt... Wayangé jani suba larangan. Nak haram koné!”

(Macang Rumah Cinta Seribu Jendela)

I Gusti Lanang Sutéja Naréndra magenah ring Macang, Bebandem, Karangasem. Satuanyané prasida kawacén ring facebooknyané.

10

Suara Saking Bali

Édisi LXVII | Méi 2022

Geguritan

geguritan bangbang wétan IBW Widiasa Kenitén

Pupuh Sinom

/41/ Subhakti ring pangajian, idup ening suci luwih, sang guru janten ngrastityang, ṡisya nemu marga becik, tatujon urip kapanggih, pañjang yuṣa sidha lanus nemu bagya kawekasan guru ṡastra apabuin, bhakti bagus, sang mangicén paplajahan.

11

Suara Saking Bali

Édisi LXVII | Méi 2022

/42/ Matingkah masulur melah, eda ngéndah ngabijalin, timpalé anggon talenan, nyacad ngéwérin nyakitin, boya solah sisya jati, solah dabdab tresṇa sadhu, limbakang welas sawitra, sinah cening mangguh santhi, mlajah malu, gulik gilik isin ṡastra.

/43/ Sauca ṡuci jro dalem, nglimbak maring kadang wargi, mapi-mapinė icalang, nekėng twas mayaṣa kėrthi, bangunang patut uripin, nguluk mobad gelis bañcut, akahnė ring unteng idhep, pralina satunggil éling, ayu luhur, kadang warga wṛedhi bagya.

/44/ Ngruruh suci Sanghyang atma, nyudha peteng teleng ati, yadnya éling dados sraya, yukti méweh turing sripit,

12

Suara Saking Bali

Édisi LXVII | Méi 2022

utsaha tan surud gulik, gegodanné gelis rauh, ngekoh lengit ngamañjakang, kliad-kliud enggang lepis, gelis bangun, galah urip gelis ical.

/45/ Sanghyang atma to kabanda, patut kapujawalinin, resikin sanunggil dina atma sudha kawastanin, sarana mawasta éling, éling linggih Sanghyang Tuduh, manuduhang panrestyané, manut karmma sané nguni, aget lacur, nganutin i karmma phala.

/46/ Praṇa aharalagawa, pangan kinum luwih ṡuci, ajengan satwam uttama, rajas madya bhoga praṇi, tamas nistha manyungkanin, angga waras solah ṡadhu, milih sarīning amertha, rah urip mapiñcer becik, sidha lanus,

13

Suara Saking Bali

Édisi LXVII | Méi 2022

makrama makadang warga.

/47/ Katah ajengan nyengkalén, ngawetuang pinyungkan ati, wiṣané mañca rupané, pilah pilih sané ṡuci, bayu prana dados ening, ṣad raṣané manut sulur, sarī raṣaning amertha, masem lalah pahit manis, tegepipun, pakeh sepet manut raṣa.

/48/ Tetep ėling apramada, linging ṡastra rebab suling, amuter tutur pajagra, mametik akṣara penting, Sanghyang Dėwi Saraswati, linggayang telenging tanu, sulur suluh sanghyang jnyana, mungkahing petenging ati, mogi lanus, yogāmertha surat idhep.

(pacang kalanturang....)

14

Suara Saking Bali

Édisi LXVII | Méi 2022

Satua Cutet

tamiu

1

1

Satua cutet puniki kawedar wantah kerjasama Suara Saking Bali sareng Balai Bahasa Provinsi Bali.

15

Suara Saking Bali

Édisi LXVII | Méi 2022

Nengah Longod negak di jinengé marep kangin, batisné maka dua ngelénténg. Di samping tengawané ada kopi nu panes duang gelas.

Tondén makelo kopiné ento pejanga tekén Wayan Lipur ané kedropon ka teba nuruhin kucit-kucitné.

Ketut Sugiartha

S

awatara jam sia semengan dugas ento. Langité pelung ning lan ainé nyentér galang. Sambilanga ngantiang kopiné embon, Nengah Longod iteh nyebit tiing lakar anggona ngaé kukusan.

Tuah ento geginané sekat ia ngraksa rématik, sakit ané makada ia tusing

nyidang buin magarapan di carik. Yén maan seleg magaé, sawatara dasa kukusan pragat baana awai. Kukusan pegaéné titipanga di warung Mén Sukra.

Warung ané pinih lais di désané wiréh magenep adepa ditu.

Geginané ngulat kukusan sedeng masi nekang sekaya. Pinih sing nyandang anggona mapunpun sadina-dina. Wewehin aji pikolih ngubuh kucit di teba, kayang prabéa masima masi kabayah baana. Pipis pabaang Madé Segara, pianakné ané suba limang tiban magaé di kapal pesiar, lénan tekén tabunganga di bank ada masi anggona menahin umah kanti jani ngelah wangunan balé daja luwih. Kéto masi balé delod, paon lan jinengné makejang melah. Apabuin sanggahné, makejang maukir, maprada lan maraab duk. Luh Galuh, pianakné pinih kelih ané suba ngantén, dikénkéné masi ngenjuhang pipis.

Sakéwala nasib jelék sing pelut baana ngelidin. Rasa jengah nu dogén ngrécokin kenehné rikala inget solah Madé Segara ané joh maimpas ajak pangaptiné. Wayan Lipur suba melid sajan nuturin pianakné apang ngalih

16

Suara Saking Bali

Édisi LXVII | Méi 2022

kurenan ané dadi ajak masima di désa. “Eda nyén nyuang lénan kén nak Bali, pang sing Mémé kéweh,” kéto ia taén mabesen.

Dugas mulih simalu uli dura negara, Madé Segara teka ngajak nak luh mabok keriting tur macunguh lantang. Tusing buungan méméné engsek.

“Nyén torisé to, Dé?” kéto Wayan Lipur matakon disubané Madé Segara teka uli ngatehang nak luh ento ka hotél tongosné nginep di Kuta.

“Sofia,” Madé Segara masaut.

“Timpal ajak magaé?”

Madé Segara kituk-kituk. “Kenal di jalan.”

Wayan Lipur mendep. Ia sumangsaya eda-eda nak luh ento gélané Madé Segara. Béh, yén saja kéto bisa kéweh nyanan. Patuh cara mén Soklat ané ngelah mantu uli Perancis. Kalingan lakar dadi ajak masima di désa, ngusud cucu dogén tusing karuan lakar baanga mapan i déwék sadina-dina madakidaki ngundukang kucit. Eda-eda pianaké lakar ajaka magedi uli jumah.

Sekat ento Wayan Lipur pragat nyebeng tur busan-busan ngrenggeng. Apa ja ané sing anut kén kenehné setata uyutanga. Nengah Longod nawang somahné brangti, nanging yén sadina-dina ngompang inguh masi atiné.

“Yan, unduk panaké Madé, eda bas sanget kenehanga,” kéto Nengah Longod taén ngaraos tekén somahné rikala madaaran di paon. “Eda bas sanget masi nglémékin. Yén ia kanti ngambul, iraga masi kal kéweh.”

“Yén depin nyanan sakitané matingkah,” saut Wayan Lipur bangras.

“Nah jani pang malu kéto, makelo-makelo dong bisa ia mapineh.”

“Kliwat mungal nyanan.”

“Men kéto ajak ngraos beneh-beneh. Eda ja begbeg uyut.”

“Bli kadén nawang kénkén abetné yén ajak ngraos.”

Nengah Longod mendep, marasa tusing ada gunané buin nglanturang reraosan. Somahné gumanti keras ati, tusing dadi tuturin, apabuin yén tusing anut tekén kenehné. Nanging unduké ento tusing ja sangetanga. Somahné buka kéto ulian tingkah Madé Segara suba bas kaliwat. Lén sajan ajak solahné dugas

17

Suara Saking Bali

Édisi LXVII | Méi 2022

tondén magaé di kapal pesiar. Pidan dugas mara tamat sekolah tusing ja pati pesu munyi tur kapah kema-mai.

Tusing kapineh baana apa ya ngranang Madé Segara sanget maséh, uli alep sajan dadi rengas buka ubuhan léb. Eda-eda ipidan ia alep buka kéto ulian matilesang awak mapan marasa tiwas. Disubané nyidang matingtingan, nyidang ngulurin kita mapan sida nekaang pipis liu, pesu banggané. Apabuin marasa ngelah goba bagus, jeg aéng agemné buka nak sing kuangan apa.

Bilang mulih Madé Segara teka nandan nak luh. Setata malénan lan setata orahanga timpal. Nengah Longod suba koh ngomong nanging basang Wayan Lipur ngancan mauled. Yén tusing maan nglémékin tusing empah gedeg basangné.

“Nak kénkén sajané keneh cié, Dé?” kéto Wayan Lipur matakon dugas Madé Segara mataki-taki lakar berangkat buin magaé. “Sing sajan ci ngelah pangrasa. Sing tawang ci kénkén lek atin reramaé jumah. Sing luung tepukina kén anaké yén Madé buka kéto.”

“Buka kéto kénkén?”

“Dratdat-drutdut ajak nak luh ané malénan terus.”

“Men ané kénkén tagih Mémé?”

“Kadén suba taén orang Mémé.”

Liwat nem bulan, Madé Segara buin mulih ngajak nak luh. Méméné ngénggalang ka paon lantas ngubetang jelanan. Sing sida baana naanang jengah kenehné nepukin solah pianakné ané ngancan nyelékang. Nak luh ané ajaka totonan sinah suba uli selat pasih mapan mabok bawak tur matané kupit.

“Dewa Ratu, nguda kéné jelék nasib tiangé,” kéto ia maselselan. Nanging ia tusing lakar ngomong apa-apa buin mapan sinah tusing ja lakar runguanga yadin kanti kelés bibihné.

Samakeloné Madé Segara jumah, maka dua reramané mendep dogén. Suba sukserah tekén nasib. Pianakné ané kema-mai ajak timpalné tusing rambanga.

18

Suara Saking Bali

Édisi LXVII | Méi 2022

Tusing taén takonina, tusing taén tanjénina madaaran. Depanga dogén sakita kenehné.

Dugas Nengah Longod padidian jumah, Ketut Lénju pisagané, melali tur matakon plapan apa saja Madé Segara matunangan ajak nak luh ané magaé di kafé di sisin pangkungé, warung tongos nak muani-muani iseng magadang sinambi nginem bir muah ané lén-lénan.

Nengah Longod engsek ajahan satondén mabalik matakon, “Uli dija Tut maan orta kéto?”

“To Wayan, panaké jumah, koné pepes nepukin.”

“Kéweh cang Tut, ngajak jlema sing bisa ningehang munyi. Méméné kanti ngambul.”

“Nah, kudiang men Ngah, sabar gén malu. Teruna cara jani nak lén sajan.

Méméné nak kija?”

“Ngayah, kadén bin telun odalan di Pura Désa.”

“Yé saja. Cang sing makelo nah, Ngah. Lakar ngarit malu. Eda nyén brangti.”

“Sing kénkén, Tut.” Nengah Longod tusing sajan madaya pianakné matunangan ajak nak luh ané kasambat tusing beneh. Sakéwala ia tusing ja lakar nekedang orta ané mara sajan dingeha. Jejehina somahné lakar nyangetang ngompang.

Nanging Wayan Lipur suba maluan ningeh orta lén ané makada ia niwang di pura, kanti krama ané ajaka bareng-bareng ngayah pada mabiayuhan. Ada nak ngabarang, Madé Segara maan alangan di jalan, montorné nabrak trek laut ada anak mlaibang ka rumah sakit…

“Inem malu kopié pang sing dingin,” kéto abet Wayan Lipur ané sagét suba negak di samping Nengah Longod. Tusing pesu munyi nang akatih ia makiselan lantas nyemak gelas kopiné. Suud nginem kopiné duang gerosan ia lantas geleng ngulat kukusan, nyaruang sebet kenehné.

19

Suara Saking Bali

Édisi LXVII | Méi 2022

20

Suara Saking Bali

Édisi LXVII | Méi 2022

Wayan Lipur nginem kopiné pedidi. Marasa tusing karunguang ia mendep dogén cara bedogol. Paliatné joh. Nu marawat-rawat solah soléh Madé Segara ané ngaé rasa sebetné sing telah-telah. Mapan nadaksara ada tamiu teka, kedropon ia ngusap pipiné ané belus aji telapakan lima.

“Om Swastyastu,” tamiuné, nak luh ajaka dua, majalan adéng-adéng nyujur jineng.

“Om Swastyastu,” Nengah Longod lan Wayan Lipur ngawales sinambi nguratiang tamiu ané teka.

“Patut niki jeroné Madé Segara?” kéto patakon nak luh ané sada tua mapanganggo endek cara guru. Nak luh ané besikan nu bajang. Sedeng gobané, makulit kuning langsat. Ia tuah nganggon daster saderana tur masebeng alep.

“Nggih patut,” saut Wayan Lipur. “Ngiring munggahan dumun.”

Maka dua tamiuné lantas negak di jinengé.

“Tiang Madé Miati lan niki Wayan Serinten. Tiang sareng kalih saking panti asuhan, rauh mriki wantah meled nyekenang indik...”

“Indik napi?”

“Niki, Wayan Serinten, sampun kadi pianak tiang pedidi. Ipun ten madué sira-sira. Ipun kelih ring panti asuhan. Mangda Bapa sareng Mémé uning, ipun sareng Madé Segara sampun sué saling tresnain. Antuk sué ten naen ketemu malih, tur ten wénten kabar, ipun meled uning indik kahanan Madé Segara.”

Wayan Lipur lan Nengah Longod saling tolih. Maka dua engsek ningeh raos tamiuné.

“Ampura, ipun sampun ten kari,” Wayan Lipur masaut.

“Miih, ipidan…?”

Reraosané pegat. Wayan Serinten nadaksara niwang. Madé Miati ngénggalang ngelut Wayan Serinten lantas bahanga di balen jinengé. Rikala Madé Miati paling ngeplak-ngeplakin muan Wayan Serinten, Nengah Longod lan Wayan Lipur buin saling tolih, mara ngeh tekén basang Wayan Serinten suba gedé.

21

Suara Saking Bali

Édisi LXVII | Méi 2022

puisi-puisi i ketut aryawan kenceng 2 2

Puisi Bali puniki kawedar wantah kerjasama Suara Saking Bali sareng Balai Bahasa Provinsi Bali.

22

Suara Saking Bali

Édisi LXVII | Méi 2022

Perang

Munyin bedil rudal mitraliur Ngelur cedar cedur Langit maklieb peteng remrem Kakaput andus selem Umah lan gedung-gedung latig mabrarakan Uyak ujan bom macandetan Perang kebus makudus Rames makuwus Rusia ukrania Macepuk majuluk aya Pada ngedengang caling Caling andih lanying Ngadokang angkara murka Ngamuk nguragada Ngembahang lara sengsara Mancut atma tan padosa Apabuin tombol nuklir macelek Pragat guminé lakar benyah dekdek Jadmané patikaplug malaib labuh Ngalih tongos masayuban Ngandong nak tua Natad nak cenik dadua Gumanti sida nutugang tuuh Nuluh rurung kauripan Yén suba kakéné Dija luungné?

23

Suara Saking Bali

Édisi LXVII | Méi 2022

Lengis Goréng

Kéweh Sukeh Guminé buka jani Uyak pandemi Lengis goréng kenyat Ilang malecat Marérod uling selidan Majujuk ngantré lantang malémbokan Kanti batisé ngejer Pang maan aliter Pang payu magoréngan Arah aruh makeengan Mih déwa ratu agung Rakyaté uyang bingung Kija lakuna lengis goréngé matapa Mirib kaengkebang tonya

24

Suara Saking Bali

Édisi LXVII | Méi 2022

Gending Grubug

Nadaksara teka klépat-klépat uling dura negara Sahasa ngarohara Ngepung jagat buana Ngraja kuasa Grubug nyalantara Ngebug marikosa Sakita -kita Tan pangrasa Ngetélang yéh mata Bah maglebug makudang juta Duang tiban suba Nungkulang tan sida Setata yatna-yatna Eda lenga Virus dini ditu nyaga

I Ketut Aryawan Kenceng, tamat SD, SMP, SMA ring Klungkung, naanin makarya ring widang pariwisata hotél travel agent, cargo ekspor impor, restaurant, garment/handicraft production. Sampun ngamedalang cakepan puisi sané mamurda Beruk, Bikul, Bubu, Rwa Bhinéda, miwah Bali Melah Bali Benyah.

25

Suara Saking Bali

Édisi LXVII | Méi 2022

Satua Bali

taluh mas

26

Suara Saking Bali

Édisi LXVII | Méi 2022

Di désa anu sawewengkon pajagatan Karang Suung ada koné daa tua ajaka dadua mapisaga. Satondén maan adan daa tua, ajaka dadua mula bungan désa di désané totonan. Sakéwaka, asing ada truna ané ngelah keneh demen tekén silih sinunggil i daa tua totonan, makejang koné tusing ada ané enyakina. Buina, i daa tua kaliwat mamalih tekén asing anaké ané ngelah keneh demen tekéning padéwékanné. Ento ké lantas makrana sakancan trunané takut buin nganggurin i daa tua kanti kayang ka jani lantas ajaka dadua dadi bungan natah di désané ento, dadi anak truni daa.

Y

an inargamayang bikas daané maka dadua totonan tan bina kadi peteng kalawan lemah; corah lan sadu. Daané ané corah suba uling ilu pesan setata ngaé wicara ané tidong-tidong di pakramané ditu.

Ento lantas ia kadanin corah tekén pisaganné; ia tusing demen nulungin anak lénan ané nedeng kena kabrebehan, turin misi demen iri ati. Sakéwala, daané ané buin besikan melah pesan koné bikasné, mawinan liu anaké ngorahang ia daa dana, krana demen nulungin apabuin anak ané tiwas anak ané liu ngelah pagelahan dogén masi tulungina.

Gelisang crita, jani ada koné kedis dara ulung di natah paumahan daané ané corah totonan. Darané ento kacritaang kampidné képék tur tangkahné nedeng matatu, mawinan tusing nyidaang makeber.

“Krésék gedebug,” kéto ulungné i dara képék di natah i daa corah kabenengan pesan daané ento sedek nyiksik kutu di ambén meténné. Mara tingalina ada kedis dara ulung, ditu nadak sara pedih basangné, kadénna i kedis dara tuun lakar ngéhkéh jijihné ané sedek déngdénga di natahé. Kéto masi ia narka i kedis dara lakar ngrusak entik-entikan ané ada di wewidangan umahné.

Wiréh kéto panarkané, laut koné ia nyemak papah nyuh masebit nglantas ngulah i kedis dara uli di natahné.

27

Suara Saking Bali

Édisi LXVII | Méi 2022

28

Suara Saking Bali

Édisi LXVII | Méi 2022

“Wuuu...uh, sssttt, makeber iba uling dini!” Kéto pangubatné i daa corah. I kedis dara jejeh pesan nepukin i daa corah ngaba papah nyuh amun gedéné, ditu ia ngengsehang makeber baan jejehné kaliwat. Yadiapin i kedis dara nyidaang makeber, sakéwala tuara ja joh pesan wiréh kampidné képék tur tangkahné matatu. Mara ngimbang aklenyengan sagétan suba ia buin ulung maglebug. Ané jani kacritaang i kedis dara ulung di natah i daa danané.

“Méméh, déwa ratu padalem ko i kedis dara, tangkahné matatu, kampidné masi matatu, krana ia képék buka kéné. Nah, jani lakar ubuhin suba apang ia dadi seger.” Kéto kenehné i daa dana laut nuduk i kedis dara. Darané ubadina tur disubané was tatunné, lantas elébina.

Ada sawetara a wuku, kedis dara ané elébina baan i daa dana buin malipetan ka umahné. Darané totonan buka suba nawang palemahan, tusing paling ia ngalih guungané ané pitung dina liwat, jag laut macelep. Turin lantas koné ia mataluh mas. Kéto critané sabilang wai koné kedis darané ento macelep ka guungané i daa dana saha mataluh mas. Wiréh kéto wicara ané tepukina baan i daa dana, ia kendel pesan koné kenehné maan pangwales emas uli kedis darané ento.

Tusing ada a sasih, i daa dana kacrita suba ombéh ngelah taluh mas. Ulian taluh masé totonan lantas ia dadi sugih, liu ngelah pagelahan nglebihin kasugihan désané ditu. Gegliduhan i daa dana tawanga koné lantas baan i daa corah. Ditu dot kenehné nawang awinan i daa dana énggal tur nadak sara liu ngelah pagelahan.

“Béh, apa ya ngranaang pisagané énggal ‘san liu ngelah, makejang sarwa barangé ané anyar nyidaang ia meli, dija ya bakatanga pipis.” Kéto kenehné padidi i daa corah sambilanga ngalih daya apanga nyidaang nawang unduk panekan kasugihanné i daa dana.

“O... né i kedis dara ané ngawinang i daa pisagané énggal sugih, nah jani lakar maling gén suba kedis darané i daa dana.” Kéto pamutus keneh i daa corah sasubanné nawang pangadak i daa dana dadi sugih.

29

Suara Saking Bali

Édisi LXVII | Méi 2022

Ngedas lemah, i daa corah kumah i daa dana ngintip i kedis dara lakar macelep ka guungané. Sasubanné i kedis dara macelep ka guungané ditu koné ejuka baan i daa corah laut abana mulihné. Teked jumahné darané totonan wadahina guungan anyar tur pejanga di jumahan metén, acepanné apanga prasida mataluh mas. Nanging, darané tusing nyak mataluh.

Kanti makelo i daa corah ngantiang, masi koné darané ento tusing nyak mesuang taluh apabuin marupa mas. Ditu pesu pedih basangné tur ia makeneh lakar ngilut baongné i kedis dara. Mara koné ia ngampakang jelanan guungané apa kadén tangkejutné i daa corah sawiréh i kedis dara suba masiluman dadi lelipi gedé matendas limolas buina mranén pesan. Ditu i daa corah jejeh lantas jerit-jerit ngidih tulungan tekén pisaganné.

Mara dingeha i daa corah jerit-jerit, pisaganné teka ada pada ngaba gegitik, panampad, lu, tumbak, miwah kayu bakal anggona ngamatiang lelipiné ento.

Teked pisaganné jumah i daa corah sagétan suba i kedis dara buin nyuti rupa dadi dedara cara i tunian. Dedarané lantas makeber uli umahné i daa corah nyujur alasé wayah. Pisagan i daa corahé pada ngon krana nawang kasaktian darané totonan awinan makejang pada takut, dadi orahanga kedis darané totonan betara nyalantara. Uli sekat totonan i daa dana nawang kedisné malinga baan i daa corah, mawinan Ni Daa Corah kaucap mabikas jelé tekén brayané.

Catetan: Satua Bali puniki kaambil saking Pupulan Satua Bali sane kapupulang antuk dosen Unud, Drs. I Wayan Suteja, M.Hum.

30

Suara Saking Bali

Édisi LXVII | Méi 2022

Artikel

ngalestariang danu sekala 3 niskala Komang Sujana

K

awéntenan danu ring Bali mawiguna pisan sajeroning kahuripan.

Toyan danu ring Bali pinaka wit toya sané kawigunayang olih krama Bali sajeroning noyain pertanian. Toyan danu taler membah

ka wit toya (sumber mata air) sané kaangén toya inum. Nika mawinan nénten iwang yéning danu kabaos prananing kahuripan sané ngurip buana.

Sakadi asapunika kautaman danu ring kahuripan nanging kawéntenané mangkin nénten lémpas saking makudang-kudang pikobet. Kaunggahang olih balipost.com (2020), Danu Batur ngranjing ring molas danu ring Indonésia sané rusak. Danu Batur sampun nyansan dakén, dalemné wit saking 88 méter dados 80 méter. Pikobet lianan ring Danu Batur inggih punika toyané sampun cemer ngranjing kelas II utawi nénten layak konsumi (kompas.com, 2019).

Danu Buyan taler madué pikobet sané pateh. Manut tetilik Suarmaya, dkk., (2020), toya Danu Buyan pamekas ring stasiun IV miwah V kabaosang nénten becik (kategori buruk).

3

Artikel puniki kawedar wantah saking kerjasama Suara Saking Bali sareng Balai Bahasa Provinsi Bali.

31

Suara Saking Bali

Édisi LXVII | Méi 2022

Indiki puniki patut kadabdabin mangda kawéntenan danu setata asri lan lestari. Kérti utawi utsaha-utsaha sané becik patut kalaksanayang anggén ngupapira danu majalaran antuk Tri Hita Karana sané pinaka tatwa utawi filosofi krama Bali. Tri Hita Karana wantah tetiga sané ngawinang nemu kasantosan inggih punika parhyangan, pawongan, miwah palemahan.

Kapertama, parhyangan inggih punika ngardi kahuripan sané santi lan jagadita malarapan astiti bakti ring Ida Sang Hyang Widi Wasa. Mapaiketan ring utsaha nglestariang danu patut pisan kamargiang upacara-upacara madasar manah lascarya. Ngamargiang upacara nyuciang danu (Danu Kérthi) nyabran Tumpek Uyé sakadi sané sampun kalaksanayang daweg puniki pinaka sinalih tunggilnyané. Lian ring punika upacara Mapag Tirta ring Pura Ulun Danu, upacara Nglanus ring Pura Ulun Carik miwah Pura Bedugul, upacara Tumpek Wariga, saha upacara-upacara manut dresta patut kamargiang. Upacara puniki matetujon nunas ring Ida Sang Hyang Widi mangda toya sida membah becik ring wit-wit toya dadosné sida anggén noyain pertanian miwah toya inum.

Upacara taler tetujoné pinaka rasa angayubagia ring Bhatara Wisnu sampun kaicén wara nugraha pamekas toya sane ngurip sarwa tumuwuh. Upacaraupacara punika taler sapisanan ngupapira wit toya pinaka swadarma manusa sané kapituduhang olih Ida Sang Hyang Widhi.

Sajeroning daging sat kérthi, upacara-upacara punika yéning selehin mapaiketan sareng atma kérthi. Ngastiti Ida Sang Hyang Widhi Wasa madasar kayun suci nirmala matetujon mangda Ida ngicénin sasuluh dadosné sinar-sinar suci Sang Hyang Atma sida nyunarin bayu, sabda, idep raris ngwetuang Tri Kaya Parisuda. Rajas miwah tamas pastika sida katabehin antuk Tri Kaya Parisuda. Wantah malarapan antuk bayu, sabda, idep sané suci ning nirmala prasida makérti ngupapira danu ngardi toya ning.

Kaping kalih, Pawongan inggih punika ngardi kahuripan sané kerta raharja malarapan saling asah, asih, asuh ring sasamén. Utsaha sané patut kalaksanayang inggih punika ngwangun kahuripan sané santi (jana kérthi),

32

Suara Saking Bali

Édisi LXVII | Méi 2022

madué rasa sumeken sajeroning niténin kawéntenan danu. Subakti ring guru wisésa taler kasaratang. Iraga patut ngetut lan nyobyahang awig-awig miwah peraturan indik nglestariang lingkungan. Pemerintah Provinsi Bali sampun ngamedalang Pergub Nomer 24 Tahun 2020 indik Pelindungan Danau, Mata Air, Sungai, dan Laut sané dagingnyané indik napi sané patut lan tan patut kalaksanayang sajeroning ngupapira kawéntenan toya ring danu, wit toya, tukad, miwah segara.

Ngwangun sekaa-sekaa utawi organisasi nglestariang kawéntenan danu taler kérti sajeroning pawongan. Ring Pergub punika sampun kaunggahang mangda krama sareng-sareng madué rasa sutindih nglestariang danu majalaran antuk ngwangun sekaa utawi organisasi, sakadi Forum DAS, Tim Koordinasi Pengelolaan Sumber Daya Air, Kelompok Kerja Pengelolaan Danu, miwah sané lianan. Sekaa puniki patut mucukin niténin danu miwah wit-wit toya, ngicénin panuntunan nglestariang danu majeng krama ring wewidangan danu.

Ring forum puniki taler pinaka genah mligbagang indik téknologi mawinan nglestariang danu ring aab jagat sakadi mangkin mangda taler kawewehin untuk panglimbak téknologi sané tetep ngutamayang téknologi ramah lingkungan.

Sané kaping tiga inggih punika utsaha nglestariang kawéntenan danu sajeroning palemahan mangda wewidangan danu setata asri saha toyané ning nénten cemer. Manut pikolih tetilik Suarmaya, dkk. (2020), toyan Danu Buyan cemer sangkaning gaginan utawi aktivitas krama ring wawidangan danu sané ngwetuang limbah rumah tangga miwah luu. Antuk punika, ngawit mangkin patut iraga nincapang malih kualitas lingkungan hidup pamekas kawéntenan danu sané asri, bersih, tur lestari.

Pergub Bali Nomer 49 Tahun 2019 indik Pengelolaan Sampah Berbasis Sumber patut anggén sepat siku-siku. Luu pamekas luu plastik taler limbah (sampah spesifik) mangda nénten kakutang ring danu, makirangin nganggén piranti sané malakar plastik, sasidan-sidan ngwigunayang malih luu utawi

33

Suara Saking Bali

Édisi LXVII | Méi 2022

sampah bekas punika, sajeroning paumahan mangda madué genah sampah organik lan nonorganik, mupulang luu punika mangda sida kaambil olih Bank Sampah, saha ngutang luu ka genah sampah utawi TPA. Prakérti sané taler patut kalaksanayang sajeroning nglestariang palemahan danu inggih punika makarya wates utawi sempadan danu. Tetujoné wewidangan danu mangda setata asri nénten rusak dadalan kanggén utsaha pertanian. Krama sané madué utsaha pertanian ring wewidangan danu patut makarya téraséring mangda tanah nénten embid ka danuné kantos ngawinang danuné dakén. Pertanian taler mangda nganggén sistem pertanian organik mawinan pupuk kimia punika manut tetilik para sujana mapuara makirangin kadar oksigen toyan danu.

Maosang indik danu nénten sida lémpas saking wana, mawinan wana mawiguna nyimpen cadangan toya miwah nabehin tanah mangda nénten embid. Manut Dr. Luh Kartini, Ketua Forum Danau Nusantara maosang Danu Batur rusak sinalih tunggilnyané dadalan alas konservasi ring wawidangan danu kadadosang abian anggén pertanian utawi alih fungsi lahan (balipost.com, 2020). Ngiring mangkin sareng sami madué pakayunan sané sutindih nglestariang tetaruan sané wénten ring wawidangan danu (wana kérti), sakadi niténin tetaruan sané wénten ring wawidangan danu, nandurin mawali antuk tetaruan (réboisasi).

Ngupapira danu nénten prasida wantah kalaksanayang ngraga. Organisasi Perangkat Daerah (OPD), désa dinas, kelurahan mangda madué pakayunan miwah rasa sutindih gumanti niténin toya. Peraturan utawi Perdés kasaratang pisan. Contoné, makarya Perdés nénten dados némbak paksi, motas ulam ring tukadé mangda paksi lan ulam sané kalébang daweg Tumpek Uyé sané sampun lintang setata lestari. Pemerintah utawi OPD taler mangda nguratiang kawéntenan pariwisata ring danu mawinan manut tetilik Wijana (2010) Aktivitas pariwisata taler sinalih tunggil ngranayang toyan danuné cemer.

Dinas Lingkungan Hidup Bangli (Kompas, 2019) taler nguningayang toyan

34

Suara Saking Bali

Édisi LXVII | Méi 2022

danu Batur cemer sangkaning aktivitas boat ring dérmaga. Ngwigunayang danu anggén genah pariwisata mabuat dados paweweh pangupajiwa sakéwanten patut setata nguratiang kalestarian danu.

Désa adat pinaka bénteng budaya Bali, subak sawah miwah subak abian sané ngwigunayang toya sajeroning pertanian patut ngajegang upacara-upacara indik danu miwah toya, ngupapira wit-wit toya, makarya awig-awig sané madaging indik nglestariang danu saha prarem panepas wicara majeng ring jadma sané ngrusak kawéntenan danu, ngrusak wit toya, miwah ngrusak wana.

Napi malih uratian Pemerintah Provinsi Bali ring désa adat miwah subak mangkin sampun becik pisan majalaran Bantuan Keuangan Khusus (BKK) nyabran awarsa. Wantuan punika sida anggén ngrincikang parikrama sajeroning parhyangan, pawongan, miwah palemahan mangda danu lan wit toya asri lan lestari.

Utsaha nglestariang danu patut kalaksanayang sekala lan niskala majalaran nilai-nilai budaya Bali inggih punika Tri Hita Karana. Patitis puniki pinaka panglimbak visi Nangun Sat Kérthi Loka Bali. Yéning sampun makasami makérti sajeroning buana agung lan alit, sekala lan niskala madasar Tri Hita Karana pastika danu prasida lestari. Kawéntenan danu sané lestari pacang sida ngwetuang embahan toya setata ning. Yéning sampun toyané membah ning pastika pacang prasida nyujur Bali Éra Baru inggih punika ngwangun krama Bali sané kerta raharja sekala niskala.

Komang Sujana makarya dados guru Bahasa Bali ring SMP Negeri 2 Sawan, Buléléng.

35

Suara Saking Bali

Édisi LXVII | Méi 2022

Satua Cutet

dénpasar riin, dénpasar 4 mangkin

4

Satua cutet puniki kawedar wantah saking kerjasama Suara Saking Bali sareng Balai Bahasa Provinsi Bali.

36

Suara Saking Bali

Édisi LXVII | Méi 2022

Sat ngrahina nglintangin catus pata (Banjar) Suci, biasa-biasa kémanten manah titiang. Tan hanan cihnan paran-paran, nirwikeni ciri napi-napi. Nitiasa lasia tan parasa.Yén sapunapi hala-hayu padéwasa rahinané duk punika, wawu napak tanggun kelod ancakancak palemahan Suci, tanggu kalér Jalan Diponegoro Dénpasar, tan panantara nembé jeg kesieng-kesieng ulun atin titiang.

I Madé Suarsa

T

itiang ngrimik ring karang suung tangkah padidi. “Dini ya panambangané pidan? Bus Persatuan, Accoordth, Pandhu, Gembira nambang sambilang ngalih lengis bénsin nu nganggon kompa?”

Méngkol tengen ngawétana, kliak-kliuk nyelag-nyelagin panyatusan montor mobil mapipil masumbil. Méngkol kiwa napak alun-alun, ganti-ginanti mentik pitakén-pitakén kuno angalun-alun, mangunin bulun kalong, sat ngentungang titiang doh ka genah lan galah séket lima warsa nguni.

Séket nem warsa nguni, 1966, galah nembé kapertama pisan titiang menceg, nebah tanah mingit langit Kota Dénpasar, Badung duké riiin. Sapisanan ngawit mondok ring ibu kota Bumi Bali inucap. Muputang SMP, tuna prabéa, nyelap titiang nglanturang ring SPG Negeri Dénpasar, mangda ngamolihang ID Ikatan

37

Suara Saking Bali

Édisi LXVII | Méi 2022

Dinas. Bébas, nanging tan bébas. Bébas tan naur napi-napi, nanging ten bébas ngulah laku sesampuné tamat. Olih pamerintah antuk jinah ngasasih salami tigang warsa, sami siswa sanggup ka-iket dines. Wekasan tamat, kayun dados guru SD ring dija ugi kagenahang sajebag Nusantara. Bersedia ditempatkan di mana saja di seluruh Indonésia, sakadi punika kasurat ring syarat-syarat sané patut kalinggatanganin sang ngamolihang idé, sakadi punika ID ketah kasambat ringkes.

Ringkes naging teges baos Kepala SPG Negeri Dénpasar Drs. I Wayan Jiwa Duarsa, ring para siswa mangda rajin masekolah, wekasan dados guru ginugu tiniru. Ngrahina apél sadurung ngawit majah-ajah, ring para siswa, dané teges mawekas-wekas saha suara keras bila perlu diampotiiiir….

Tetueknyané dipecat yéning wénten siswa tan satinut. Teteges Pak Jiwa treh Duarsa pinih duur punika, sat ngrahina ngesiabin ngégarin Dénpasar suwung mangmung.

Dénpasar suwung mangmung, nanging duk punika kabaos pinih ramé sajebag Bali. Ramé antuk makudang cikar kesar-kesir, dokar sliwar-sliwer, sepéda ontél glawar-gléwér, wargi wara-wiri. Makita titiang ngrimik, “Yan di Badung amonto sepiné ipidan, di kota-kota lénan, Klungkung, Karangasem, Bangli sing jeg matikel-tikel sepi?”

“Sepi? Dija-dija mula sepi, Sa. Ipidan pules asané di marga batuné, sing ada anak ngrambang. Sing kal ada sepéda, montor liwat, apabuin mobil. Beli pes peteng-peteng pules di aspalé, luwung anget asané.” Sané kabaos marga batu, aspal olih I Wayan Karsana, kapernah paman titiang, margi agung sané sampun maspal sajroning utawi pantaraning kota. Jam kalih sampun ten wénten sepéda, montor, mobil nglintang. Siang soré wengi, Dénpasar sepi, napimalih tatas lemah.

Tatas lemah Dénpasar kadi kota mati. LPJ Lampu Penerangan Jalan langah-langah. Ring pusat kota wewengkon titik nol-ké sapisanan, lampu penerangan jalan wantah sik-dua, siki-kalih. Ngrahina tatas lemah gedé élah

38

Suara Saking Bali

Édisi LXVII | Méi 2022

nyaru sesiliban katah krama lanang

marérod

majajar, kaon antuk

nguningayang “nyongkok makedas-kedas” ring got linggah sisi kangin alunalun, ten wénten anak renga rungu. Tan patolah-tolih malih, titiang taler nyarengin. Sawetara jam pitu, panyatusan murid SMP, SLUB, SKKP, SMEP, ST, SMA, SLUA, SKKA, SMEA, SMOA, STM, SPG, SGA, PGA, KOKAR, masepédan mombak-ombakan nganginang. Sami ngungsi sekolahan-sekolahan padérék sakadi masameton masobaya masikian genah, maselat témbok, malah wénten matémbok tunggal. Pinih akéh druén PR Perguruan Rakyat Saraswati irika ring wewidangan Kreneng.

Kreneng pinaka pangawit, jam dasa semeng Anggota Korp Musik Kodam XVI Udayana (mangkin Kodam IX Udayana) ngrahina parade, mlinder ring catus pata, mawali malih ka Kreneng. Katah krama ring margi nonton tentara trepti mabarisan, ngupin somprét alit ageng, ngedig kendang, nepak gendér aluminum, wastu metu gegendingan lengut pisan wali-mawali.

Mawali magulung-gulungan murid késah saking kangin ngungsi sisi kauh kota sawetara jam roras. Ritatkala panyatusan siswa istri magumpiuk ring margi nglinggihin sepéda, doh saking kangin kapireng suaran montor pit banter pisan, nyepud, kliak-kliuk nyrémpét ngényorin panyatusan siswa istri.

Wantah ipun si truna bagus rambut kriting gondrong madrebé montor pit ring Dénpasar. Knalpotnyané kalih, nglikub metuang andus malepuk. Mabaju dénes gényorin para siswi, nganginang ngauhang mawali-wali, sat tambulilingan ngindang ngiderin sekar nedeng mekar pwa sira.

“Sira nak muani negakin montor nika nggih?” Pitakén titiang ring Gusi Madé Lila saking Dalung, timpal titiang améja ring Kelas G. “Oooh Komang koné adané to. Anak sugih sing kuangan apa. Dija ada nak ngelah montor pit di Badung sejabana ia ané ngawit?”

Ngawit dayuh margi-margi pangider alun-alun nampih jam tiga soré. Tan kari wénten cikar, dokar, sepéda, montor pit ring marginé. Wantah bus Persatuan macét gadang nguda plosor biu, mamargi dauh alun-alun, rauh

39

Suara Saking Bali

Édisi LXVII | Méi 2022

saking kalér catus pata, inuni késah saking Klungkung nyujur Panambangan Suci nedunang penumpang. Mapapas dauh alun-alun sareng Bus Pandhu macét gadang wayah, rauh sakéng kelod késah saking Panambangan Suci mawali ka Peliatan Ubud. Margi angang, élah alit-alité nimpugin buah culagi léngkong arit patiglayut ring carang-carang wit taru panyatusan tiban, makudang peluk rahat ageng.

Ageng-ageng wit culaginé ngapit lor-kidul, ngawé alun-alun teduh gesit, ngawé rena krama mapupul masesanjan. “Kacang kliuuuutttt… kacang kliuuuutttt….” Pananja anak lanang dagang kacang kulit manyanyah, mabungkus kertas laad ulangan murid kakiloan. Sangkaning gancang, baud, ajér, abriakan telas dagangannyané. Sor wit bingin kalér-kauh alun-alun, Ida Bagus Rai saban soré madolan minyak cukli-lungsir tamba cetik, minyak welirang tamba gatel. Minyak ring botol alit mabedbed kasa mategul benang tridatu masurat aksara Bali r ÷, RAI. “Rai, Ida Bagus Rai wastan titiang. Ampurayang titiang soléh mabusana rangda, wastu ida dané arsa ngrauhin numbas tamban titiang. Yén nganggén busana biasa, minabko ida dané ten jagi nolih titiang, napi malih numbasin tamba.” Baos Brahmana Geria Sanur prabuné sada lengar, ngawitin nyanggra krama.

Krama mapupul danginan malih kidik, ngrunyung dagang ubad, wong Cina ngadol garam inggris. Ngawitin mamérang kawagedané negakin sepéda maroda asiki, kliak-kliuk, karag-kirig, muter-muter ring basantengah bunter padérékan krama manonton ring pinggir. Kramané bengong, ngamolihang iburan mapan kirang iburan. Alih-alihané méweh, nanging ngrahina dagangé ring alun-alun ten naenang udu. Yaiastun tan akéh, krama setata ngamel jinah.

Ngamel jinah lebih numbas karcis masuk, Bioskop Wisnu sayaga nyanggra antuk film-film India nyabran wengi. Ring kursi-kursi pinih ajeng ring bioskop mangkin tegak Kantor Bank BNI’46 mangsit sengir ambuné. Élah para penonton lanang manyuh ring embang samping layaré. Film silat Bioskop

40

Suara Saking Bali

Édisi LXVII | Méi 2022

Indra-Jaya, film campur Bioskop Sahira. Pungkuran Bioskop Dénpasar, Nirwana, Kumbasari, lan Wisata. Rauh kebut drama gong. Tan wénten krama sangar, wayan buyar, ngutah bayar. Sami masemu égar, semu masemi sunar.

Tan tangar migarangin amerta sada binar, mangupa jiwa ring Dénpasar. Buruh kasar, madolan ring pasar, ring segara mencar, tukang cukit cacar, buruh bongkar, tukang gambar, tukang kedeng cikar, nandur sekar, sami antar lancar jenar, sajenar kusir dokar.

Dokar sarana palinggihan krama lunga-mawali mamasar, masesanjan, makarya, lan malelungayan sawewengkon kota. Méndahan pidabdab i kusir dokar, dados kleteg Anak Agung Madé Cakra ngripta lagu-gending Kusir Dokar rahat kasub. Risedek kala dina redité, jalan rurung makejang ya pada ramé, bél dokar bél sepéda ngempengin kuping, kaja kelod nganginang mangauhang. Kusir dokar makejit mangényor, tekén muatané jegég tur maponi, tusing tawanga dokarné mlaib ka samping, ngojog dagang ubad di sisin toko.

Dokar nyungkling jalan pules manyalémpoh. Aduh… kusir dokar bangun makyayangan, nunas iwang tekén dané dagang ubad, kabilbil aturnyané masebeng jengis, titiang iwang sampunang menggah piduka…, rahat kebut ring radio.

Radio, wantah RRI Dénpasar. Napimalih télevisi, doh rinasa, tan munggah ri manah. Wekasan wénten télevisi hitam-putih malit 12-inci ring kantorkantor camat kémanten. Briukan krama doh-doh ngendon magumpyukgumpyuk matédoh madamuhan matimpuh-masila gintil nonton, napi kadén sané katonton ten ngerti, tan sida antuka niténin. Cutet jeg nonton, saking Redité kantos mawali Redité.

Redité jam 10.00--12.00, RRI nyiarang arja Seka Kesenian Bali RRI Dénpasar, manggala Nyoman Ridet-Gusti Kompiang Gelas. Sat sagumi Bali krama saking kota kantos tegal, bengang, bongkol bukit, bangkiang gunung, mirengang suara kadi wangsa patra tumibéng watu, sat gedah labuh ring batuné. Ritatkala Condong Negari, Galuh Baluan, Dé Rai Répot, Liku Rusni,

41

Suara Saking Bali

Édisi LXVII | Méi 2022

Mantri Jero Suli, katampa Ruju-Liges, lan Trio Ribu-Monjong-Sadru mupuh, magencalan micayang lelampahan Sam Pik, Tamtam, Pakang Raras, Basur, miwah sané lianan. Acara sané kebut malih Lagu dan Kenangan Soma Wrehaspati semeng jam 05.00--06.00 kaénter Kak Ida Rochika (Mangkin maraga bawati ring Singaraja). Wantah ring RRI, tan wenten ring radio swasta.

Radio Swasta (riin radio amatir) Menara sané kebut acara pilihan pendengar kesenian Bali olih Beli Wayan Gudang Garam, ngrahina awantiawanti micayang makudang-kudang tabuh. Sané banget kaonengin tabuh memetik daun téh Seka Gong Marga Sangkala Gianyar. Magrudugan sameton saking désa-désa malancaran ka Radio Menara, bilih-bilih rahina Galungan.

“Galungané suba paek. Ka Badung mapotrék nyak!”

“Nyak, nyak, nyak.”

Nyaka truna nyaka truni ring désa ketah nagingin Galungan masenengseneng mlali ka Badung mapotrék. Mapotrék ring Bali Studio kasub kantos sapajagatan Bali. Wantah Bali Studio genah mapotrék. Hitam-putih kéwanten, durung wénten berwarna. Sampun 50 tiban lebih potrékan pakaryan Bali Studio kantun becik tan luntur. Ring ajeng sang mapotrék wénten papan tulis matulis kapur Selamat Hari Raya Galungan & Kuningan 13 Méi 1964 ton titiang silih siki.

Siki-kalih krama simpang Toko Buku Balimas, Jalan Arca (mangkin Jalan Thamrin ?) Nomer 15 Dénpasar. Kasub ngadol buku-buku adat sastra budaya Bali, masimbul burung hantu paksi celepuk. Sawah-sawah kelas satu kantun makuéh ring selag-selagan wewangunan kota. Renon lan Teuku Umar mangkin, kantun sawah, tetanduran ngrémpiak padampiak.

Padampiak dokar andel-andel sarana malelungayan, kasarengin bémo roda tiga. Radio Menara pecak ngunggul ngraga, raris kasarengin Radio Yudha, SIS, AR. Dadita sayan makuéh gegilihan krama Dénpasar mirengang iburan ring radio. Asapunika taler sarana malelungayan, mapepondokan, ngawé Dénpasar sayan-sayan ramé.

42

Suara Saking Bali

Édisi LXVII | Méi 2022

43

Suara Saking Bali

Édisi LXVII | Méi 2022

Ramé antuk ngancan katah krama nincapang sekolahan ngantos perguruan tinggi.

Yadiastun durung akéh, sakémawon pakebiah Fakuktas Sastra

Udayana cabang Universitas Airlangga Surabaya sayan ketah. Ring sejarah, Érlangga putran Prabhu Udayana, ring ajah-ajah Udayana “putran” Érlangga.

Mahasiswa duradésa mondok, nglimbak Dénpasar dados Don Pasar (tetujon mamasar, mautsaha, makarya, malajah). Kabuatang pisan pomahan sané mudah murah. Umah alit sakémawon gelah padidi, bandingang ngatiban dados kotraktor. Pamerintah cacep, 1981 kawangun ring Subak Tegalanggi Subak Tegalénjung wewengkon Banjar Monang-Maning, Perumnas Monang-Maning.

Perumnas Monang-Maning, Budha Pahing Wayang 26 Januari 1983 karesmiang olih Menteri Muda Perumahan Rakyat Cosmas Batubara, nglinggatanganin prasasti. Titiang taler sareng duk punika. Sayang, sampun sué watu marmer pakéling mautama punika ical tan pakarana. Rusak, sapatutnyané

kapreténin,

malah

clakatak-clakéték

ring

Pura

Taman

Kumudasari. Perumnas genah wargi miskin mondok nyicil, kaplésétsaplirang perumahan belum lunas, bank BTN pangawéh krédit kaentél-entélang bayar tapi nyicil. Punika pinaka wangun silih tunggil carang sari carita Kota Dénpasar.

Carang sari carita Kota Dénpasar tan dados pasahang ring Perumnas Monang-Maning. Kahanan padasatalian umah saderhana punika kasujatiané wantah katibakang ring krama miskin, lacur tan madrebé umah, kelas bawah.

Nénten dados adol. Sané mangkin jejaeg pomahan punika malah sampun ping lima ping nem magentos pemilik. Yén wénten sané ngadol umah irika mangkin, nyama Bali tan pacang sida numbas. Wong Jawi, Arab, Cina akéhang numbas. Pangargané mael pisan, bilih-bilih sesampuné wénten Ring Road Mahéndradata. Kadi pancoran matatakan batu, dagang warung lais magejeran, dokar ojék lais maseluk. Perumnas ngranayang kebér kobér kauripan krama wed begér monyér. Tetangkepé buta tumbén kedat.

44

Suara Saking Bali

Édisi LXVII | Méi 2022

Kedat paliaté, réhning warungnyané lais tan ambat, Wayan Gablér tan pawangsit tan papamit, wusan dados guru. Somah madagang, ipun ngindengang bémo dagang lunga-mawali Pasar Badung. Jinah ngecor kadi pancoran. Monyér mangényor, kaplak nganténin “ménak” dauh tukad, putih pepulasan, hayu pepolésan. Somah jegég pepolosan magedi. “Ménak” nang endi? Ical ngrandong arta brana sami, tan wénten kari, nyesel ngori tan parti.

Padidi I Gablér jurus tangan kosong, taluh dadar masakan cina puyung hai.

Rinasa katah malih Gablér-Gablér tiosan. Tomplok jinah anggén zinah, mamah rajah tamah, tan ngétang pungkuran kari panjang galah.

Galah pungkuran tan kidik krama wed Dénpasar sakadi dados krama tamiu ring wewidangan wed padidi, jadi tamu di rumah sendiri. Madrebé wewidangan ring pinggir margi agung, malah ngalah ngepil ngori-ngori, ring sisin margi kakontrakan kanggén madolan. Adolané nridis, pamuput krama wed maburuh ring krama pangontrak. Akéh krama wed dados juragan kontrak.

Pas pisan sesenggak ring penggak-penggak, krama wed ngadep tanah numbas saté, krama tamiu ngadep saté numbas tanah.

Tanah aculikan katamtamin dados genah nandur jinah. Wong Jawi dagang godoh, wawu nedunang kompor, krama sampun ngantré. Nyama Bali ngadol godoh angiu, kantos peteng isis tan wénten nak nolih. Jakti. Wang bali ngabut ubi, wong jawi ngadut bati. Wang bali nandur padi, wong jawi nyujur manyi.

Wong jawi jemet mataki, wang bali itep maceki. Wong jawi deres ka bali, wang bali durus kaungsi. Wong jawi ngadol pipi, wang bali bogol meli. Ring pangawit, kahanan krama Bali-dura Bali 10 mabanding 90. Mangkin kahanan krama Bali irika kari 40 persén, krama non-Bali malah 60 persén. Ngancanngancan rinasa pacang telas, magentos sima. Simané gelis mauah ninutin lampah.

Lampah galah manesek. Dokar sepéda kapelek, bémo angkot kadangsek.

Montor ngébek, genah doh dados nampek, margi linggah rasa cupek, Dénpasar sayan opek mlekpek. Riin dokar, bémo, angkot, kebut, sakama-kama

45

Suara Saking Bali

Édisi LXVII | Méi 2022

nyegsegang utawi milihin panumpang. Yén wénten panumpang dekil, tan karunguang. Panumpang akéh makta barang, kaliwatin. Panumpang rumasa kalepotang, nanging tan wénten pilihan tios makrama.

Krama karma palané cicih mamargi, sangkaning pala karma. Riin bémo, ojék, angkot milihan panumpang, mangkin kalihin panumpang. Ojék pempatan, bémo, angkot, kedas kadi kasampatang olih krama pomahan tetiga patpat madrué montor. Ulah élah aluh ngridit, wantah nyerahang KTP, sampun polih montor. Tan kapikayun antuka, pradé tan mrasidayang nglanturang kridit, ngapang-apang debt collector ngrampas montoré ring margi-margi. Boya ngrampas montor kémaon, sering kantos ngrampas angkihan.

Angkihan jadma kadi tan paji. Busan-busan wénten jadma padem ring margi. Sayan lingsir Kota Dénpasar, kalaning dados don pasar. Tetujon sang ébeking dolar, pupulan wang wibuhing dinar, lan pasayuban jadma dura pitra kasasar. Sami dados buyar, sami bedos kasar, raras asri doh matilar, pempatan agung dados pasar, pasar dados sebun maklar, ngawé biuta sadina goar-goar.

Palemahan ébek dados cupek, tan pegat pasliwer wargi ngébekin margi rupek, jagat mlekpek opek, pikayunan puek, tetujoné tan nuek, kadi semut marebat marebut rahina wengi, saking tengah kantos sisi.

Sisi-sisi

tlajakan

kaduk

sampun

makulit

beton

matulang

besi,

kasarwéndahin antuk pangrenteb manah wit jempiring putih. Kadi jempiring putih, nyihnayang kenehé suci, miyik ngalub ngébekin jagat, sisiné putih di tengahné masih putih. Para truna-truni sami, élingang ragané mangkin, laksana becik patut kamargiang, né ngranayang bakal nemu rahayu. Da mituutin ya i bungan blatung, warna bungah kaiterin dui, kadi rasa maekin tusing bani, apa buin bakal manyumpangin. Tulad i bungan jempiring, atiné suci kenenhné suci, ento anggon manyama braya, jempiring putih maskot Kota Dénpasar.

Dénpasar sat kapah dados kalih purwa-pascima antuk antuk Tukad Badung, riin dados bambang lulu lala-lulu alib, mangkin kasub ngid pangid sampun tinata luih becik, malah genah malila cita saha lampu warna-warni. Ngatuju

46

Suara Saking Bali

Édisi LXVII | Méi 2022

sabeh masa, margi dados tukad rinasa, tukad dados segara, mangkin sampun ten wénten malih kekembengan toya. Amunika rusak kotané riin, mangkin sami briuk sapanggul makinkin ngardi Dénpasar mawali lestari ngulangunin ati.

Atisatia bakti iring sareng sami, ngardi Dénpasar luih tata-titi. Palemahan sutrepti, pawongan subakti, parhyangan susakti. Sentana cucu waras paros sujati, mangda gelis mabukti kadi kérti sri narapati, ngwangun Dénpasar santa lan santi.

111021 (uad-uadang saking puisi “dén pasar lan don pasar”)

I Madé Suarsa, embas ring Banjar Gelulung Sukawati Gianyar. Putra kaping kalih Pangripta Sastra Bali Anyar I Madé Sanggra (alm.). Makudang susastra Bali (purwa lan anyar) sida karipta. Kekalih ngamolihang penghargaan Rancagé. Pupulan Puisi Ang Ah Ah Ang (2005), Pupulan Cerpén Gedé Ombak Gedé Angin (2007).

Ngamolihang piagam Dharma Kusuma Prop. Bali indik Sastra Bali Anyar.

Pinaka jayanti satua Bali, geguritan, lan kidung daweg Pacentokan Sastra Saraswti Séwana kawéntenan olih Yayasan Puri Kauhan Ubud 2021.

47

Suara Saking Bali

Édisi LXVII | Méi 2022

puisi-puisi 5 tuti dirgha 5

Puisi Bali puniki kawedar wantah saking kerjasama Suara Saking Bali sareng Balai Bahasa Provinsi Bali.

48

Suara Saking Bali

Édisi LXVII | Méi 2022

Ajluétan

Di paon, tiang nyantok lakaran bé calon Matuané ngenikaang, peresin limo mekeré mulung.

Di paon, tiang ngungkabang sekeban biu gancan Dugas Purnama Kadasané kondén ngidaang anggon sodan ring Ratun tiangé.

Di panciné di paon, kalédokang lebengan semur bé siap Yé, saja kondén kapulangin tabia bun, buka senengan ipahé

Di paon tiang, sawat dingeh munyin sepéda motor maakang Mimih lakaran bé caloné kondén pragat,

Suud malu tiang ngibukang né suba ka sunya loka Nu ada ané nengneng Nu ada patut tanggungjawabang Ané damping sadina-dina nutugang swadharma maurip

49

Suara Saking Bali

Édisi LXVII | Méi 2022

Uli paon, makenyem tiang ngaba lalebenganné nyagjagin cenik-ceniké teka uli masuk Mémé napi karateng? Tiang seduk. sayan bungah kenyem tiangé, ngidang ngajeng bareng-bareng, sambilang ngiwasin sebeng pianak- pianaké Ajluetan, mesib ngenah.

Saselet

Lintangan ring samas warsa Ngawit paica Ida Bathara Dalem Klungkung Nandes pamargi ring Tirtha Ketipat, Gumi Dénbukit Rauhing pamereman Panji Masunaran kasidhiannyané magegebug nyegara-gunung Kagamel olih Ida Tedung Jagat Buléléng ilu, ical kadi malecat kakeniang ring Lombok, olih damuh Ida Anak Agung Putu Djlantik ritatkala dados Punggawa Keliling

Banten mebandah, nyatur Ida Peranda ngeregep kasujatiannyané Surya sampun endag tegeh

50

Suara Saking Bali

Édisi LXVII | Méi 2022

Nadak, tatit, kerug ngeraris sabeh Rauhing mangkin Saselet punika, meparab Ki Barusemang Kalinggihang ring Gedong Bang Pamerajan Ida Anak Agung Negara Buléléng Kapasupati, kapiodalin asing Saniscara Kliwon Landep kasungkemin damuh, panjak sajeroning jagat Bali rauhing taler dura negara

Atur pitakén titiang Jagat sampun --------ngangsan sayah Sapunapi antuk, mangda nénten sumangsaya?

Prasidaké ngajegang sima yadiastu jagat sampun aor tan pawates?

ngéga, kapiuntengnyané.

Tebu

Medek tangkil mangkin Soda, meplaus bungah rauhing kwangén jangkep katur magegéson sadurung suryané endag mangdané nénten kaenggatan

51

Suara Saking Bali

Édisi LXVII | Méi 2022

Palungguh Déwata mawali ka Sunya Loka

Rahina Kuningan setata kapakéling sanganan bantal dawa.

Tebu papindan tateken, tebu, taler munggah ring sarwa banten. sakémawon ritatkala nénten wénten sané ngadol ring pasar, utawi tuna artha wit tebu telas kaabas kagentosin tanaman hias cutetné ajiné maal

Singgih Palungguh Ida Myang Sunaran asepé anggén panuntun Alon-alon antuk Puspan surya damuhé sami satmaka panyupat

Kuningan, 7 Séptémber 2012

52

Suara Saking Bali

Édisi LXVII | Méi 2022

Satua Cutet

patinget widhi6

6

Satua cutet puniki kawedar wantah saking kerjasama Suara Saking Bali sareng Balai Bahasa Provinsi Bali.

53

Suara Saking Bali

Édisi LXVII | Méi 2022

54

Suara Saking Bali

Édisi LXVII | Méi 2022

Inget....!!! Inget...!!! Inget...!!! Inget...!!! Inget...!!!

I Gedé Mardi Yasa

K

éto munyin panglingsiré ajak munyi uli langité, tan siep-siep.

Sabilang wai kéto dogén munyiné dingeha tekén Wayan Gémbloh.

Suba kanti med ningeh munyi kéto. Di petengné ia mangipi buka

ada anak gedé badeng macaling rénggah nekain di ipianné Wayan Gémbloh.

Saget anaké to mamunyi, “Manira lakar nyabut wwang doso ikang jagat.”

Nadak sara Wayan Gémbloh ngadébras bangun laut mambuh lan maturan ka gedong suci. Ia nunas pampura pang ten mati. Laut kéto ia buin ngalanturang makolem.

Buin mani semenganné munyin siapé pada pakruyuk, Sang Hyang Surya masunar galang sané nyihnayang gumini sampun galang tur sida nyalanang swadharma lan swagina. Semengné ento Wayang Gémbloh luas ka uma lakar numbeg carik sané tan keni tekapan. Ia iteh numbeg sakéwala di subané tajeg surya. Wayan Gembloh negak di pondok-pondokan ngajak timpal-timpalné.

Ditu ia pada nutur kanging kauh kanti sandikalané teka.

Laut, makejangné pada mulih ada meneng kaja, meneng kelod, meneng kangin, meneng kauh. Samian pada budal ka umahné suang-suang. Disubané pada teked jumah. Wayan Gémbloh, laut ka paon lan madaar. Disubané suud madaar laut ia matuturan unduk ia tuni di uma ngajak somahné. Somahné madingehang tuturné Wayan Gémbloh tan bina sakadi anak mirengang munyi di aungané. Jeg mendep sing masaut-saut. Disubané pada kiap laut Wayan Gémbloh ka pasaréané. Disubané galah jam dua das lemahé Wayan Gemblog sing dadi masaré. Ia Uyang ulian ngingetang ipiané dibi sanja.

Buin mani semengané Wayan Gémbloh negak di duur lincak ané di aapan paonné sambilanga ngopi tur ngaroko. Di kenehné tuah ngingetang ipiané ipuan lemeng ané ngoraang lakar nyabut jiwa di mercapada. Ditu ia makenehkeneh nyén ja kal luas uli guminé. Nguda awaké ané baanga alamat buka kéto?

55

Suara Saking Bali

Édisi LXVII | Méi 2022

Kala ento ia matakon-takon kapining ragané tur sambilangan matuturan ngajak somahné sambilangan ngopi.

“Man, adi kéné jelék semu guminé buka jani? Asana kal ada mati di guminé,” kéto munyiné Wayan Gembloh.

“Ah, da ngawag-awag, Bli. Munyi apa pesuang Bli to. Jeg ngaé anak takut dogén. Adan jani nunas ica pang onyaang selamat tur panjang yusa, Bli,” kéto raosné Luh Sulastri.

“Ajaan Luh, kéto isian ipian Bliné. Nang tulungin ngalih artiné Luh.” Masaut Luh Sulastri sambilangan nyait cepér, “Bli, nak tusing makejang ipiané kal nadi. Nak bisa ulian Bli liu makeneh kema ento dadi krana masih.

Né jani, énggalang telahang kopiné lan maturan di Bhatara Hyang Guru malu sakondéné ka carik.” Kala ento énggal-énggal Wayan Gembloh ngerokin kopi ngajak nyiup roko lantas ngadébras luas ka sanggah. Yén inargamayang sakadi sampi lua nedeng buang.

Luh Sulastri ngajak Madé Suastika makesiab nolih Wayan Gémbloh buka kéto. Lantas onyaang sambrag nyajagin Wayan Gémblo ka Sanggah. Toliha Wayan Gémbloh seken ngacep. Ditu mara ngeh Luh Sulastri santukan somahné kaselir tekén Bhatara Dalem Prajapati.

Madé Suastika panakné ané mula banyol tur saklek iseng-iseng ia matakon tekén bapané ané suba suud maturan “Nang, ngudiang kal maturan dogén cara banténg nepuk baju barak. Jeg numbrag?” kéto munyiné Madé Suastika.

Lantas bapané nyautin, “Kéné Dé, jeg bapa sehasa ada anak ngedeng ngorain bapa luas maturan ka sanggah. Bapa tuni nak sing inget saget suba ada di arepan Bhatara Hyang Guruné. Bapa, mula mara soléh uli ipuan Dé kal éngkén kadén dadi pajalan bapané jani. Mai, jalan jani luas ka carik malu Dé.”

“Nah Nang, wis gasss, Nang,” sambilanga nyemak tambah tur nyaluk penganggo tani pacul. Disubané pada luung lantas Wayan Gembloh lan Madé Suastika luas ka carik lakar ngalantasang gagaéné ané dibi kondén pragat baan

56

Suara Saking Bali

Édisi LXVII | Méi 2022

bapané. Santukan rahina mangkin Madé Suastika maan libur sawiréh guruné ada rapat bulanan.

Salantang pajalan buka dadua nolih kaasrian guminé ané dahating luwih madurgama pisan Madé Suastika ané tombén maan libur tur tombén bareng ka carik jeg kalangen tekén kaasrian gumi Baliné ané nu asri. Kala ento, ia ngelah pamineh lakar nyaga tur ngalatarian apang tileh asri buka kéto. Madé Suastika ané masuk di pariwisata ia ngelah pamineh lakar ngaé pariwisata di désané apang ngidang terkenal tur kaloktah ka dura negara.

Madé Suastika lakar ngaé tongos camping lan kal ngaé pawirisata ané berbasis kearifan lokal. Bes liunan pamineh ia tur liu ngelah idé ané cocok kalaksanaang tur kagarap di désané. Ditu di paduman carikné ané maang limang pétak ento makejang pulaina padi. Ditu ia mapitungan ajaka bapané lakar ngaé spot foto di paduman carikné ané tileh tur asri.

Ditu bapa ajak méméné setuju tur ngadukung panakné apang ada gaéna tur pang kréatif di désané. Disubané ngidaang berkembang sakéwala mara abedik.

Ditu ia lakar mapaitungan ajak krama désané ngajak Jro Bendésa. Kéwala ané jani itungan ajak Jro Bendésané sawiréh di Pura Dalem Prajapati durung madué jan bangul. Jani lakar ngadegang jan bangul minakadi pamangku. Kala sangkep

ento

usulan

Madé

Suastika

katampi

sakéwala

pungkuran

kalaksanayang disubané usan ngadegang linggih dané jro mangku. Ditu kacumpunin dina purnama sané malih dasa dina lakar ngadegang linggih dané jro mangku ring Pura Dalem Prajapati.

“Krama désa sareng sami malih dasa dina mangda makarya banten saka sidan jagi ngadegang linggih dané jro mangku indik galah jam kutus semeng,” kéto raos Jro Bendésané mapangarah. Liu masih ada krama ané lakar masasangi apang tusing kajudi dadi jro mangku. Ada masih ané madaftar apang ia dadianga jro mangku sakéwala Jro Bendésané tusing nerima daftar buka kéto apang mula saja Ida sané nyelir panjakné maka sami.

57

Suara Saking Bali

Édisi LXVII | Méi 2022

Salantang pamargi sagétan peteng lemahé tan karasa. Yén inargamayang sakadi anak matunangan tusing maan matepuk sagét suba ngaku duang dasa tiban tusing matepuk. Jani suba disné lakar ngalih pamangku. Ditu Jro Baliané ngaskara Widhi tur sampun angrangsuk maring angga Jro Baliané. Ditu Jro Baliané suba kerauhan tur mabaosan, “Inget panjak maka sami!!! Dini nira lakar nyelir panjak lakar dados pangayah manirané. Dini nira suba ngelah panjak ané setata inget kapining nira.” Kénten raosné.

“Sira???” ngénggalang krama désané masaut buka nyangklak ulungan tai belék magantung.

“Wayan... Wayan... Wayan... Gém...bloh... Wayan Gémbloh,” kéto raos Jro Baliané. Lantas Wayan Gémbloh ané makulit putih buka salak klumadin.

Nadaksara badang kotot sakadi anak karangsukang Bhuta Kala jeg majalan pati kajuh tur serasa batisné suba tusing ngenjek pertiwi. Kéto masih Luh Sulastri nadak sara seming létég sakadi bangké suba duang wai.

“Punapi panjak nira kayun ngiring, yan tan nira lakar nyabut jiwa pramanan ceningé?” kéto pangandikan Ida Bhatarané. “Nggih tiang kayun sampun, sakéwanten icén tiang dirgayusa lan dirgahayu.” Kéto pinunasné maka kalih Wayan Gémbloh ngajak Luh Sulastri.

“Punapi krama sareng sami setuju?” Raos Jro Bendésané.

“Setuju!” krama désané makejang setuju.

“Inggih, ida dané sareng sami iraga sampun madué pamangku. Sané kaselir dados mangku inggih punika I Wayan Gémbloh,” tateges Jro Bendésané.

Disubané suud pula paliné jani, Wayan Gémbloh kasengguh Jro Mangku Wayan Gémbloh. Sadina-dina ia tuah ngamargian darmaning pamaculan lan darmaning kapamangkuan. Ri kala mamacul ia setata ngupapira padiné apang setata idup tur mangda mabuah nged-nged apang ada anggona nyambung idup.

Disamping ta ia lakar ngupapira padiné apang lancar spot foto ané gaénanga ajak Madé Swastika.

58

Suara Saking Bali

Édisi LXVII | Méi 2022

Disubané sida ngalimbak spot fotoné ento. Lantas Jro Bendésané ngaé Pokdarwis ané pinaka ketua Madé Swastika. Ditu ia ngajak timapl-timpalné ngaé tongos kémping tur spot foto ané luung tur ngutamayang kelestarian tur kearifan lokal sané wénten ring désané. Ulian spot foto tur kémpingé ento désané sida kaloktah ka dura désa tur dura nagara. Tur sampun ngaranjing ring média sosial sané sampun dangan antuk para jana milénial ngaruruh genah punika yan sampun ngaranjing ring média sosial.

Disubané terkenal kantos ka dura negara nadaksara nyabran dina akéh para toris asing tur lokal sané ngalimurang manah. Ada ngajak kulawarga, ada ngajak grup, ada masih ngajak tunangan. Mapan tongosé ento asri pisan sané ngamaduang pariwisata modérn sareng kearifan lokal sané dahating mautama.

Ada masi bajang-bajang ajaka dadua ané malali kemu sambilanga ngalimurang manah tur ngalih narawakia anggona ring saseleh ilmiah.

Kala ento Madé Suastika makenalan ngajak anaké bajang buka dadua. Ané besik dengél tur kenyemné nyunyur manis samhita bingar tur ané besik kulitné buka salak klumadin. Kala ento Madé Suastika makenalan ngajak anaké luh ento. Kéwala anaké eluh ento serasa ada kliab kapining Madé Suastika ané ngurus tongos pariwisatané ento.

“Bli, dados tiang kenalan? Sira peséngané?” kéto abet anaké eluh ento.

“Dadi, tiang mawasta Madé Swastika. Ragané sira?” kéto abetné Madé Swastika.

“Tiang mawasta Ni Lestari, Bli. Dados tiang ngalaksanayang penelitian driki ngenénin indik pariwisatané niki. Napi wastan genahé punika Bli?” kéto munyiné Ni Lestari lemuh ngareresin karna.

Disubané saling kenal ditu matuturan pati kacuh tan pabongkol tan pamuncuk. Sabilang dina Saniscara sané sai kasengguh malam Minggu, Ni Lestari Malali ka tongos pariwisatané ento ané maadan Kalangen Ati. Sarasa tongosé ento mula ngaé kalangen ati sakadi Ni Lestari kalangen kapining Madé Swastika sané bagus sakadi Arjuna ring mercapada.

59

Suara Saking Bali

Édisi LXVII | Méi 2022

Madé Swastika setata pageh kapining samayané sané lakar ngalimbakang pariwisatané ané kawentuk sadurung bapané nyeneng dados Mangku Dalem.

Miribné pajalan Widhi sawiréh Madé Swastika matemu sareng Ni Lastri ané jani suba dadi mawayang gadang kapining Madé Swastika. Ri kala nyalananing sadina-dina Ni Lastri setata ka tongosné Madé Swastika sambilanga malali lan makarya tugasné.

Sasubané madamar di carik pragat masih tugasné Ni Lastri ulian maan dukungan tur wantuan uling Madé Swastika sané sabilang wai ngicén piteket.

Nah, jani suba gantiné Ni Lastri lakar tamat uling masekolah. Suba masih maan gelar ditu ia ngenalang Madé Swastika kapining reramané Ni Lastri apangan pada uning tur pada tau riantukan suba ngamaduanag tresna. Kéto masih, Madé Swastika ngenalang Ni Lastri kapining kulawarganyané. Jani maka kalih kulawarga sampun uning indik pamargi Madé Swastika lan Ni Lastri sané sampun madamar di pangkung.

Jani gantiné, ia lakar matari majuan radio lakar matari ngantén sawiréh sampun ada awarsa ia matunangan. Kala ento kulawargané sampun sami setuju tur sampun sapakat ngenénin indik pamarginé Madé Swastika lan Ni Lastri.

Sami sampun puput pamargi tur pula-paliné jani suba pada ngamargian pamargi kajati mula.

Madé Swastika lan Ni Lastri mula suba pada mayasa lakar ngalimbakang pariwisatané ento apang ramé. Jani suba kayang bukit-bukit kaanggén genah pariwisata, kayu-kayuné ané tuh-tuh kaenteb tur kagentosin antuk kayu ané alit-alit tur anyar. Suba liu ada kémping di bukité ento, lampu suba pada kelapkelip ri kala wengi. Tios punika akéh pada anaké ada karaoké gending-gending sambilanga ngalimurang manah.

Ba lantas jani suba ngalimbak tur suba liyu-liyu anaké teka ka tongosé ento lakar ngalimurang manah apang tusing ningalin di média sosial. Apa taén nawang ngarasayang peteng ané joh uli tongos anaké ramé. Sasukat ada

60

Suara Saking Bali

Édisi LXVII | Méi 2022

pariwisatané ento akéh wénten pemasukan sané masuk ka désa adat tur désa adaté liu maan kas ulian pariwisatané ento.

Semangat krama ngarincikang tur nata tongosé ento apa luung tur becik rikala ada tamu ané malali kemu. Rikalané suba becik tur asri jeg suba ngalangenin keneh. Nadaksara di sasi posané ujané sabilang wai tan pegatpegat misi angin. Yén anaké maosang sakadi anaké numbas ajengan suba pakét komplit.

Ujané sabilang tan pegat-pegat bisa kantos ka puan bisa kantos aminggu tan ada sunaran matan ai. Kala ento Madé Swastika ngajak Ni Lastri lan bapannyané matuturan, “Apa jani lakar pesu ipian bapané nah?” Kéto abetné.

“Kénkén nang?” kéto abetné Madé Swatika.

“Kéné, jani bapa nuturang pidan pas bapa ngipi orahina ngingetang apa kaden kal orahina ngingetang,” pasautné Wayan Gémbloh.

“Nah, Nang. Jani mapan nu ngetan guminé. Tiang lakar nelokin spot fotoné ajak kémping ané ada di bukité ento, Nang.” Kéto pasautné Madé Swastika laut pesu lakar nelokin tongos spot fotoné lan genah camping katutug oleh kurenanné Ni Lastri. Ked ditu ya kaslengagan nepuk bukité embid tur tanahnyané nutup carik kramané. Ditu Madé Swastika ngeling tur marasa déwékné suba tusing ada ngelah pangupa jiwa tur tusing ngelah urip. Jani suba gantiné munyin bapané tur isi ipian bapané buka mabukti cara jani. Kala ento bapané ngandika sumangdané Madé Swastika da sanget sangsaya sawiréh entoh tuah titah Ida Hyang Widhi.

Nah, né anggo sepat siku-siku di Bali nak gumi tenget gumi mataksu. Kala jani yan kal ngalanturang tongos pariwisatané ené lan cingak tur resepang ané cén dadi anggon tongos pariwisata ané cén tusing. Kéwala ulian embidané ento ia marasa tusing ada gunané idup di guminé jani punapiang tiang niki???

Punapiang tiang??? Punapinag tiang niki????

Bukit Tunggal, 2021

61

Suara Saking Bali

Édisi LXVII | Méi 2022

puisi-puisi 7 i madé gargita 7

Puisi Bali puniki kawedar wantah kerjasama Suara Saking Bali sareng Balai Bahasa Provinsi Bali.

62

Suara Saking Bali

Édisi LXVII | Méi 2022

Boya Ja Guyu

Niki boya ja guyu!

Nak saja celebingkah batan biu Gumi linggah ajak liu Gumi linggah nyansan liunan luu Carik linggah liunan sing enu Ané melah tusing kagugu Ané corah kacumpu Nyansan liu ané ngulah laku Nyapa kadi aku kanti munju-munju

Niki boya ja guyu!

Wénten galah nuju rahayu Ngiring mulat sarira, saling gugu, saling cumpu Mangda gumi Bali nénten liunan luu Mangda carik linggah Bali setata liu Ané ngulah laku apang tusing enu Tusing ada nyapa kadi aku kanti munju-munju Dumogi sami cumpu Cumpu ngardi Bali rahayu

Rahayu, rahayu, rahayu . . .

63

Suara Saking Bali

Édisi LXVII | Méi 2022

Lén Pidan Lén Jani

Yén pidan Ida, Ngicalang sakancan sané loba Satmaka satria wira Mélanin negara Tan ajerih ring baya Ngantos pejah ring rananggana Ngardi Indonésia mahardika

Yén jani Nani!

Kaliput iri ati Sing nawang tata titi Kalingké lakar mabéla pati Ngardi negara trepti Nglawan meseh ri hati Sing sida ban nani!

Mapi paling dharma Ngéka daya pang dadi panguasa Panguasa ané loba Loba né makada byuta

Doh! Doh melénan kin pidan!

Pidan Ida ngicalang loba

64

Suara Saking Bali

Édisi LXVII | Méi 2022

Jani nani ngubuhin loba Loba né makada biuta!

Aké Mula Luu

Aké mula luu Luu ané nyansan liu Kéwala diastun aké luu Diastun liunan ané sing ngugu Aké nak bisa kagugu, nak bisa payu

Mula luu aké Kéwala diastun luu aké Yén ngawag cai kén aké Cai kal wawa-wéwé pati grépé Ciri cai jelékan bin sanget ken aké

Luu aké mula Aké sing ngelah rasa Aké sing nawang apa Kéwala liu né ngelah rasa Liu né nawang apa, sing bisa ngaba raga

65

Suara Saking Bali

Édisi LXVII | Méi 2022

Satua Masambung

mlancaran ka sasak (12)

66

Suara Saking Bali

Édisi LXVII | Méi 2022

“Ida Kadé...”

Gdé Srawana

“O

oo, apang yang dadiangida nomor dasa? Bukuné ja jangkutin.

Depang san masanggah tebu yang!”

“Papa Ratu, yan tan mrabi!”

“Sangkal papa?”

“Ratu pradnyan, utama, yan tan ica ring anak...”

“Nah, nah, Dé, anak apa...”

“Anak muani, Tu!” “Siiing! Anak lanang, tawang, tawang, Dé. Nyak sing yang tekén anak

muani!”

“Yakti Tu?” I Madé mandreng I Dayu.

“Saja, ba, Dé. Anak lanang ba; anak muani? Si kobér...”

“Suba ja mas ategen!”

“Maan! Ngénkén yang macebur! Anak lanang ba Dé dot, dot! Sugih pesané ba Dé, ngudiang yang ngalih anak muani? Pantes anaké muani nyanding anak istri?”

I Madé kedék, raris nganggar gemelan; émeng tuk ipun ngamanahang, tan dangan antuknya mambina pangandikanida ring tepengan punika, wiakti “apu tepungé ring pamoré.”

67

Suara Saking Bali

Édisi LXVII | Méi 2022

I Madé jag ngangkreg ipun ngeton sanggaré ulun tlagané.

“Pedih, Dé? Melahang sangkala...” “... Ngebag I Ratu, apang seneng anaké lanang punika bin pidan? Kénten, Dayu? Titiang gisu, tuyuh, iju ngencanin Ratu, maan tuyuh-tuyuhné, anaké lanang punika seneng-senengné. Inggih, sapala titiang mamanjak, tuna nyen baktin titiangé ring Ida...”

“Kéto ba patutné, Dé, mara anak muani lanang adanné!”

“Napi, Tu? Mangkin Ida, nyem jenenga!”

“Saja, Dé, Madé nglalahin yang.”

“Sapunapi daging pabesené buat ring... napiné punika, lali titiang...? Yan makarya, yan bakti, sampunang mambuatang pala, sampunang nyadiaang polih pangewales?”

“Kénten Tu?” “Madé sing nawang arah-arahan; kéné ko Dé...”

“Saja, kénkén too? Ndén, Dé!”

“Banyol guruné sap ring pauruk!”

“Madé sing taén sap tekén né patut pesuang di sekolahan? Yan ngarepin muridé di sekolahan makejang ingetang?”

Sawat panyingakida tur latihida nyakup; sapunika biasa Ida, yéning, duka wiadin makayunan parindikan néné sarat. Yéning sawangang, sakadi Ida nyasab ring jeroan prabunida genah pauruk sané ukuh medalangida.

“Inggih, Tu, Dayu guruu suken anaké titiang pawarah, pawisik...”

“Sangkal sing nengil, Dé! Yang nu nginget ingetang! Lan ditu negak Dé, di bangkuné ento!”

“Tungkul nganti titiang, uban sampun titiang mancan polih pauruk... pawisik-warah sang guru. Mula yan anak ayu ten uning ten dados guru!”

I Dayu tan pasaur. Ida mlinggih sampung ring bangkuné ring sor taru sandaté, Ida tan pisan nglinguang aturipun I Madé.

68

Suara Saking Bali

Édisi LXVII | Méi 2022

I Gedé Putra Ariawan

69

Suara Saking Bali

Édisi LXVII | Méi 2022

Anaké bajang muani puniki sampun macegleh ring sampingida, tur praya malih ngludin Ida antuk rawes guyu; wau ipun enggang ukuh ngawit malih ngrawes, saget Ida mawecana asapuniki.

“Bebed aji sasadtangan, Dé, cangkemé, Dé, dong sing ngamilmil. Yan yang dadi guru Madéné, di bucu suba katundén majujuk, salah sing ningehang rawes... Nah, jani nah Dé, kéné ko, Dé.

'Kagunané né tuwi utama, sing ja gumana nyaratang apang pakardiné karasaang (baan guminé wiadin sang ngawengku rat). Nah, ento makrana sajaan buat kagunané ento. Yan ada kagunan (jelmané) satata nyaratang apang karasaang, ento madan kagunan tuna luih.' Bakat baan ngrangsukang, Dé?”

“Sira nika, Tu?” “Sing tawang Madé? Pauruk uli di Cina!”

“Lao Tse? Taler pateh suksema tutur punika ring sané aturang titiang i wau.

Né né patut kencanangadi, tuah ja pakardiné dogén, da pesan ngulahang pala...

Sira adianga? Sira ngadiang, Tu? Niki anggén titiang nebusin cacimpedané i wau. I Dayu ica ngenyudin! Ngardi, nundun ulangun, nundunin pusang, wiakti icanida. Sang mireng, inggihan tan nyingakin warnanida, janten sampun asapunika ring pakayunan. Pedas anak ayu ngelah kedéké ento!”

“Bééé yan yang sing nawang ento, idong-idong yang lekadan Geria Sirikan, sing sirikan Geria Sirikané, Dé!”

“Nggih medalang kesaktian Ratuné. Sira adianga?”

“Ané adianga? Gudakésa, Dé!”

“Sira ngadiang?”

“Gowinda, Dé!”

“Pauruk saking dija, Tu?” “Uli, Hindu, di Bismaparwané, Dé!”

“Bé, gedegé! Dados kéné keni antukida?”

“Dijané Geria Sirikané lakar masirik, Dé? Sing sirikan. Sirikané tawang!”

70

Suara Saking Bali

Édisi LXVII | Méi 2022

I Madé saget mendep ipun; sebengné sedih karangkung, tur ipun mamengos mangda Ida ta nyingak paningalanné ngembeng. Éling ipun ring lacur parindikan, sué antuknya nandangin sakit... pingit! Rupa kadi katuduh ipun; meled, kedeh praya mamanjak ring anaké istri ring sampingnya, nanging bas kukuh aling-alingé nylatin sihipuné ring Ida. Rasa asat sagarané, rupa rihinan langité gapul ring pertiwiné, durung taler pacang prasida patitisipun.

Né mangkin sumingkin ipun sedih ring manahnya asapuniki ipun mandulané, “Aduh, Dayuu, yan Ida tan iring pucuk gunungé kalinggihang antuk kramané ring jagaté, titiang purun dados juru sasad cokor I Dayuné. Aduh, dija ngalih pradnyan kakaput baan ayu, buka Dayu Priya?” Nanging tan wénten ja saking aling-aling pawangsané nambakin tresnan I Madéné mangda kéngin sida macampuh ring sihida, wantah saking kapagehan ajinida ring sengkéta rihin.

Asapuniki parindikané punika.

Daweg Ida Dayu Priya kantun alit, rupa wau nem tahun yusanida, sungkan Ida rahat. Jejep sadagin Geria Sirikané sadaweg punika, lingsir aném sareng angen ring Ida, doaning Ida kabanggayang “pinaka ratnaning” Geria Sirikané, satata Ida ngardi lédang ibu miwah aji, miwah pasametonida makasami.

Panjeroan-panjeroanida taler sareng sedih jejepé karangkung. Santukan sampun matilas tamban dané tuan dokter, awinan mangkin swabawan ajiné sungkan, acum antuk jejep kayuné; sirep Ida tan lintangan ring kalih jam awengi, ludin tan kayun ngayunang, kabatek antuk kaduhkitané tan sapasira.

Sakadi sampun katur i wau, tamban dané tuan dokter sampun matilas, kéngin kaplek kayunida Ida Bagus Kumara, mangkin rabinida kapitelas antukida mitulugang putrané ring Bali.

“Nah, Ida suba ngitungin I Dayu jani; beli telah itungané suba. Madak ada balian Bali, sida nulung anaké alit!”

Raris matur rahanida, nguninga, “Ratu, yéning asapunika, linggihin ugi atur titiangé, indayang ajin I Ngurahé, badauh, ring Geria Sunia aturin; dumun beli tan nglinguang pemungu, taler mangda dokteré pucukang!”

71

Suara Saking Bali

Édisi LXVII | Méi 2022

“Nah, aturin suba Ida, apang Ida nulung I Dayu. Nyén ja cumpuin Dayu, ento suba lautang tekaang!”

Ida Ketut Sraya, ring Geria Sunia, daweg punika sedek sandi pisan-pisan matetambaan. Seringan Ida tan jenek asasih mlinggih ring Geria, santukan bes sering katuran mitulungin anak sungkan wiadin anak sakit, sané doh magenah saking gerianida. Rabinida kantun pernah mamingtiga ring Ida Bagus Kumara.

Anaké istri punika, sampun lintangan ring pitung rahina ring Geria Sirikan, sareng gisu ngandayang néné patut kamarginin, mangda gelis pinungkan anaké alit katempur antuk tamba. Ida Ketut Sraya gelis rauh ring Geria Sirikan, nanging pramanaida sang pacang nambanin rasa telas, ninggal sariranida, antuk kasobidané nyingak prarain anaké alit sungkan.

“Sapunapi beli?”

Patelanan ajin anaké alit sungkan matakén, kantun rasa wénten ican Ida Sang Hiang Widi, yan asapuniki okan beliné?”

“Inggih, adi, sesida-sidaan antuk beli! Boya ja beli, ngodag jiwan anaké alit, taler Widiné... Dayu Biang, indayang pahekang, anget-anget, masuwi,... pabayonin beli dumun anaké.”

Raris Ida manunggalang kayun manjaga ring dulun anaké alit sungkan, raris siwadwarané katepak ping tiga. Swabawan sang sungkan, kantun acum, akikit rupa tan mintulin pabayoné.

“Beli, mangkin ring pamrajan ngredana. Dayu rerehang beli beras pitung gemel; nikaang ngalih pucuk barak nguda pitung katih, kepikan dapdap pitung bidang.”

Sarauh saranané sané kekarsayang, sami baktanida ka pamrajan; irika Ida ngredana.

Rupa wénten tengah wengi medal Ida, makta tamba né madasar sarana sarwa pepitu punika, raris tamba punika kaurapang ring taneng anaké alit.

Cendet, saking suéca Ida Hiang Kawi, bénjang semengané gening malih

72

Suara Saking Bali

Édisi LXVII | Méi 2022

panyingakan anaké alit, ngangseg pramanahé ical turing sida antuk Ida matur ring ibuné, “Pisang, Ibu! Nunas gendar, Ibu!” Wau adasa rahina tamban Ida Ketut Sraya memargi sampun mrasidaang mlinggih Dayu Priya. Wénten raris sahud wacana adinida ring Ida Ketut Sraya.

“Beli, saratang mangda okan beli tulus dados kadi jati mula; idep titiang nunas urip I Dayuné ring anggan beli, yéning sampun kasidan antuk, yéning bénjang pungkur kayun beli ngarsaang I Dayu mangda ngayahin okan beliné I Ngurah, titiang tan panjang, nanging yan kanggé antuka ring I Ngurah.”

“Buat punika, Aji, beli pramasuksema ring kayun adi. Nggih, masa I Ngurah tulak ring pangidih beliné bénjang pungkur, yan sampun sami nyandang.” Suécan Ida Sang Hiang Kawi ring Geri Sirikan, twi tan wénten santul, nrisdis Dayu Priya; angganida sajeroning asasih malih pulih. Jantos mangkin, ring kuda-kuda sampun wénten panglamar saking sameton ida ring salembar jagat Bali, taler tan katur wiadin tan kapaica, santukan Ida Bagus Kumara satia krangkung ring wacanané sampun runtuh rihin, tur Ida Kadé Ngurah, santana Geria Sunia punika mangken-nangken mrarian asasih saking Jawi (Ida ring MOSVIA, paurukanida ring Jogja) seringan Ida jenek mlinggih ring Geria Sirikan tur... boya dugi wénten anak lanang muani sida pageh tan kadudut ring pakayunan, ring manah antuk mahayoninida Dayu Priya “Sang pinaka ratnaning Sirikan.” (masambung...)

73

Suara Saking Bali

Édisi LXVII | Méi 2022

Satua Cutet

potrékan ané mamunyi di tembok kamarné i sudarma

74

Suara Saking Bali

Édisi LXVII | Méi 2022

Di tembok kamarné I Sudarma magantung potrékan mawarna, magambar anak luh tua nyuun bodag lan di tunduné ngandong anak cerik cenik. Apaké ento cucuné?

I Putu Supartika

P

otrékané kagantungang di kamarné maririgan tongosné ajak jam, gambaran anak manyi, muah potrékané I Sudarma ané majujuk ngajak pianak lan kurenané. Anaké luh tua totonan nganggon baju

kebaya modél kuno, kamben batik soklat, lan kulit muané keriput misi cebleng-cebleng selem cara kladengan.

I Sudarma meli potrékané totonan di Instagram uli sinalih tunggil tukang potrék ané kapépét pipis ulian anggona mayah utang. Tukang potréké totonan ngorahang yéning potrékané totonan gaena suba limang tiban. Ia masi ngorahang yéning ento tuah potrékan ané paling melah uli makejang potrékan ané gelahanga. Potrékan di Desa C rikala ia melali kemu malali ajak timpaltimpalné.

Di paningalané I Sudarma, potrékané totonan masih ngenah melah sajan, seken, tusing ngaé-ngaé. Sebeng anaké tua tepukina seken pesan. Disubané matawahan abedik, ia baanga meli aji Rp 1 juta lan tusing misi matetimbang kéné kéto, potrékané langsung belina. Bin poanné, ada kurir teka ka umahné ngabaan potrékané totonan.

75

Suara Saking Bali

Édisi LXVII | Méi 2022

76

Suara Saking Bali

Édisi LXVII | Méi 2022

Kenehné, potrékané totonan lakar gantunga di kamar tamuné, nanging kurenané tusing nyak, koné kurenané tusing demen nepukin potrékané totonan.

Sakéwala tusing tawanga apa ané makada kurenane tusing demen. Dadiné, potrékané totonan gantunga di kamarné. *** Yén dadi té ngeling, anaké luh ané ada di potrékané totonan dot ngeling.

Baat pesan asané sirahné masuunan. Kéto masih tunduné sakit pesan rasaanga ngandong anaké cerik totonan. Suba limang tiban, uli sekat ia potréka kanti jani enu tetep kéto dogén—nyuun bodag lan ngandong anak cerik. Tusing taén ia maan marérén nang akijapan mata. Rasaanga awakné cara batu, tusing masih nyidaang makrisikan nang abedik, apabuin lakar majalan.

Awai di subané potréka, ia suba ngasanin awakné kenyel. Tuah kenehné lan rasané dogén ané dadi anggona. Ané lénan, batisné tusing nyidaang matindakan, bibihné tusing nyidaang makemikan, limané tusing nyidaang matayungan, paningalané tusing nyidaang makijapan nanging nyidaang ningalin, limané, awakné, makejang tusing dadi anggona. Kenehné ané ngranaang ia marasa kenyel.

Kenehné ané mamunyi, “Jro tulungin pesuang tiang uli tengah potrékané ené. Tiang kenyel.” Nanging tusing ada ané ningeh.

Kanti potrékané totonan lantas kacitak tur kaisinin bingkai tur gantunga tekén tukang potréké di kamarné. Liu ia nepukin unduk-unduk di umah tukang potréké. Dikénkéné, ia nepukin tukang potréké ka umahné ngajak anak luh tur ajaka ka kamarné. Anaké luh totonan jegég, lan rikala kalahina pesu tekén tukang potréké, anaké luh totonan ningalin potrékan déwékné ané suba leleh pesan nyuun bodag lan ngandong anak cerik.

Potrékan déwékné usudina lan anaké luh totonan anggut-anggut nanging tusing pesu munyi.

77

Suara Saking Bali

Édisi LXVII | Méi 2022

“Jro tulungin tiang. Jemakin aba-abaan tiangé, tiang kenyel,” ia ngidih tulung tekén anaké luh totonan, nanging tusing karungu. Disubané ngusudin muané, sagét teka tukang potréké lan anaké luh totonan negak di pabinané.

Dikénkéné masih, ada timpal tukang potréké teka kemu. Seleg pesan nutur indik kénkén carané motrék ané luung tur rarincikan lakar malali ngalih tongos motrék ané melah. Lan kéto masih, timpal tukang potréké lakar nakonang indik potrékan déwékné. Nakonang dija maan potrékané totonan, ngorahang potrékané melah.

Lan cara biasané, yén suba kéto, anaké luh ané ada di potrékané lakar ngidih tulung: Jro tiang leleh, timbalin aba-abaan tiangé, tiang dot marérén.

Lan patuh cara biasané, tusing ada ané ningeh munyiné.

Kénkén kadén unduké, limang tiban potrékan déwékné gantunga di témboké, sagetan jani tunanga laut kaputa aji kertas. Ia marasa peteng, tusing nepuk apa. Buin kesepné dingeha tukang potréké ngorta ngajak anak lén, nyambatan adan umah, laut dingeha munyin montor: Lakar kija ajaka tiang?

Tau-tauné, rikala kertas ané anggona mungkus potrékané bukaka, ia nepukin anak luh muani lan pianakné ningalin potrékané totonan.

“Da pejanga di kamar tamu.”

“Men dija pejang?”

“Dija dadi. Lénan tekén di kamar tamu.”

“Di kamaré?”

“Nah dija ja keneh bliné, né penting sing di kamar tamu.”

“Kenapa yén pejang di kamar tamu?”

“Pokokné da!”

Potrékané totonan lantas gantunga di kamarné. Anaké luh ané di potrékané patuh cara biasané, ngidih tulung apang aba-abaané timbalina lan ia nyidaang marérén. *** Potrékané ulung. Pakuné kelés. Kacané belah.

78

Suara Saking Bali

Édisi LXVII | Méi 2022

Teka uli magaé, I Sudarma nepukin potrékané totonan suba di betén.

Kacané sambeh, lan untungné potrékané tusing ada cacadné. Belahan kacané sampinganga, potrékané totonan lantas jemaka tur pejanga di duur méjané. I Sudarma pesu uli kamarné.

“Nyén ngulungang potrékané di kamaré?” ia matakon tekén kurenané.

“Sing nawang bli, tiang sing maan ka kamaré uli tuni. Tiang ningeh munyin barang ulung, kadén tiang apa, nanging tiang sing ajin yén ané ulung ento potrékané.”

“Kacané belah.”

“Men potrékané?”

“Untung nu melah.”

“Nah beliang kaca bin mani.”

“Panaké sing maan ka kamaré?”

“Uli tuni ajak tiang dogén maplalian, ia sing maan ka kamaré.”

“Lakar beliang lis baru.”

“Bli macek paku sing dalem.” *** Ada keneh lega abedik rikala potrékané totonan ulung. Nyén nawang, rikala potrékané totonan ulung, déwékné nyidaang nguangin aba-abaan ané abana. Utawi bilaperlu ia nyidaang pesu uli tengah potrékané totonan, lantas negak di kamar anaké ané ngantung potrékané totonan sambil ningalin potrékané totonan bolong lan bolongné ngenah marawat cara déwékné, lan rikala ané ngelahang macelep ka tengah kamarné ia lakar mamunyi: mémé mareren malu akesep dini nah? Suba limang tiban mémé tusing taén marérén.

Sakéwala, yadistun potrékané totonan ulung, lan kacané belah, ia enu marasa kenyel, marasa baat di sirah wiadin di tundu. Buina maimbuh ia ngerasaang sakit lan awakné uyeng-uyengan yadiastun abedik rikala potrékané totonan ulung lan mapangsegan di batarané. Apabuin dugasé potrékané totonan mara kelés uli pakuné satondéné mapangsegan di batarané, ia marasa

79

Suara Saking Bali

Édisi LXVII | Méi 2022

ketugan tangkahné sayan ngerasang, paling kenehné ngidih tulung, lan dot ia ngentungang bodag ané suuna di sirahné, lan dot masih limané tekek ngisiang anak cerik ané gandonga apang tusing kelés. Nanging awakné tetep rasaanga cara patung tusing nyidaang makiba lan tuah kenehné ané ngrasaang unduké totonan.

Rikala potrékané mapangsegan ia maduhan keras pesan, sakéwala adaké ané ningeh munyiné? To nguda dugasé potrékané totonan mapangsegan awakné tusing kelés uli potrékané? To nguda bodag ané ada di sirahné tusing téngkob lan ia nyidaang ngarasaang ying di sirahné? *** Sasukat potrékané totonan ulung, panakné I Sudarma pepes maplalian di kamarné. Ipidan dugas potrékané magantung, ia pepes nangah ningalin potrékané totonan, sakéwala tusing pedas tepukina. Apabuin ia ané mara matuwuh 4,5 tiban, awakné enu éndép lan tusing nyidaang nyujuh potrékané totonan.

Né jani potrékané totonan pejanga di duur méjané, lan aluh pesan baana nyujuh. Menék ka kursiné, laut negak di duur méjané.

Usudina muan anaké luh ané di potrékané. Dikénkéné, ia masih ngusudin muan anaké cerik ané gandonga tekén anaké luh totonan. Dikénkéné ia ngedeng méméné apang milu ka kamaré.

“Nyén né, Mé?” kéto ia mamunyi sambilanga nujuang potrékané.

“Mémé sing nawang.”

“Né dadong tiangé?”

“Sing.”

“Men sing dadong tiangé, ngujang ia ada dini?”

“Nyanan bapan ceningé takonin. Mémé sing nawang.”

“Anaké cerik to nyén, Mé?”

“Mémé masih sing nawang.”

“Yén tiang matimpal ajak ia dadi, Mé?”

80

Suara Saking Bali

Édisi LXVII | Méi 2022

“Dadi. Mai daar bubuhé malu, nyanan buin tingalin.”

Pianakné laut sangkila ajaka pesu uli kamaré. *** Anaké luh nepukin ada anak cerik maakin déwékné ané enu di potrékané.

Tepukina anaké cerik totonan menék ka duur méjané laut ngusudin potrékané.

Ningalin anaké cerik maakin déwékné, ia mamunyi: Cu, tulungin dadong, jemakin dadong, baang dadong marérén akesep. Yén dadong nyidaang pesu uli potrékané ené, cucu lakar ngelah timpal baru, né cucun dadongé ané gandong dadong lakar dadi timpal cucuné.

Nanging cara biasané, anaké cerik totonan tusing ja lakar ningeh apa ané orahanga tekén anaké luh totonan. Kanti kénkén ja kerasné mamunyi ngidih tulungan, tusing lakar ada ané ningeh. *** Suud naar bubuh, pianakné I Sudarma malaib ka kamarné sambil ngaba spidol, makecos menék di kursiné laut ka méjané. Disubané di duur méjané, spidolé korékanga di potrékané.

Di baong anaké luh totonan pejangina garis leser mének cara tali. Di baongné anaké luh totonan masi gaénanga lingkeran cara tali mategulan.

Ningalin potrékané ané suba isinina garis cara tali di baong anaké luh, pianakné I Sudarma kedék ngikik sambil ngédéngang giginé ané mara tumbuh langah-langah. *** Di tongosé ané lén, ditu di Désa C, ada anak luh tua tepukina mati di kubuné. Baongné pelung cara ada anak nyoot. Di sampingné ada bodag lan cucuné ngeling sig-sigan nepukin dadongné kehkeh.

81

Suara Saking Bali

Édisi LXVII | Méi 2022

Satua Masambung

satuan ati (11)

82

Suara Saking Bali

Édisi LXVII | Méi 2022

Liwat di jalan, di malun kampusipuné, Nada nadakang ngarasaang sepi né ngilgilang. Tusing karasa. Mara sajan rasané ipun ngenjekin tanah ané madan bukit ento. Majujuk lebengin banténg ai, magaang niman buuk kapur dikala Ospék kampusé. Ngarasaang seragam, melajah madasi, nawang ané madan bapak ibu dosén, dadi ané madan mahasisa, sisia ané kocap pinih utama. Né jani, di muncuk lakar kaulah, suba lakar katembahang buin nyelepin kelas.

Kelas ané suba nemuang ipun ngajak soroh rusit, soroh jemet, soroh carita i manusa. Manusa ané kabenengan katemuang di abesik kelas, kelas B Jurusan Perjalanan Wisata, ané lakar kasambatang, timpal. Dot masih ipun lakar nyaritayang ngajak adik-adik kelas ané lakar nongosin kelasné ento, yén makejang kenangan-kenangan ento suba macelep ka pori-pori témbok kelasé, langit-langit lan lantai kelasé. Yén kenangan-kenangan ento iseng kakulitin, lakar ngenah ditu buih-buih rasa, matulisan adan ipun lan abesik timpal ipuné.

Agus Sutrarama

“W

ih, Wi Nada, jeg bagus gati, nok!” Munyiné Éka nyempréng. Yén ulian apa kadén bisa sibarengan pesu uli kamarné, bareng-bareng ngajak Nada. Aéngan solah

drama gongé, kala Raja Buduhé pesu barengan ngajak I Mongkég.

“Méh, Ka, ngorang-ngorang nak yén pesuan. Jeg, barengan sajan kakéné, lek atiné toh,” sautné Nada.

“Wakakaka,” ngaé I Éka ané mula mes sajan kedékné ento, dadiné ngakak.

Tanglus ngaliwatin telung panyengker.

83

Suara Saking Bali

Édisi LXVII | Méi 2022

84

Suara Saking Bali

Édisi LXVII | Méi 2022

“Pasti kel ada tamu spésial né o.. Wi Nada, o..?” Buin Éka nugtugang.

“Wé, Ka, mai malu.. oopin wi mabanten né..” Yén sing Yan Arsa ngaukin, mirib tileh ditu I Éka macruét.

Sagetan.

Ipun teka. Nongkrak montorné di malun pamesuan kamarné Nada. Seger, miik, pastiné mara suud manjus. Mabaju kaos putih susu, nganggo bawahan dawa warna pelung dongker motif malipet-lipet. Bokné mapusung, ngenahang lantang baongné. Nada ngarasa-rasa, ipun inget taén maan nepukin unduké né, dugas ento, ipun masih teka, semeng-semeng, ngabaang buku. Kéwala dugas ento, simalu tuah kenyem manis dadi gapgapan, ané jani ené tuara buin nyidang seken tepukina. Buka nyelapang, paliatné Arra abedik tusing numpel kadadua paningalan ipuné Nada, ané buka baat mataenan.

“Ra, éh, Yuni ing milu?” Nada, Nada, ta nguda dadi kakéto pesu petakonné.

Apaké ulian mirib ajin ragané enu tileh nyejer tegeh, diapi suba tawang buin akejep dogén I Titiran lakar makeber ejoh.

“Ih, kok nakonang Yuni, sih.” Arra masaut, makenyus ngenahang gingsulné. Paliatné tileh tuara enyak mapas layu sunar paningalanné Nada.

“Kok, ga ada bunganya ya..?” Limanné Arra nylisikin entikan jempiring di sampingan padma Suryané. Tuah abesik ento dogén bapa tuan rumahné Nada nanem jempiring. Kala Nada maekin, Arra buka maklieng, buka nyerah ngalihin, tusing misi keneh ipuné lakar mabunga jempiring putih.

Nada makenyem, nyelepang limané ka tengahan gadang don-donan jempiringé. Makenyem menang.

“Ra,” buka Hyang Tuduh nakal nyelapang, ngilidang tuah buin abesik sajan bunga jempiringé, ané musti kakepik baan, Nada.

“Mm,” sunaring atinné ento makenyem, nyemak i sekar jempiring ané kaenjuhang baan Nada. Diapi tileh tuara enyak mapasang paliatné, lantas nyumpangang jempiringé di pusungan ebokné. Nada, suba ngarasa kalikub lega.

85

Suara Saking Bali

Édisi LXVII | Méi 2022

“Echem,” Éka ané tuara tawanga sagétan suba ada di duri, nundikin Nada saha makenyem soléh.

Ramé peteng ento di kosné Yan Arsa, kosné Nada. Bapa lan mémé tuan rumah maan nyanggra para tamiuné ento akejep, lantas ngalahin ka tengah.

Ngutang gagenjréngan gitarné Dé Alus, ané kerana apa kadén, makejang albumé peteng ento tuah tembang slow kasmaran. Tusing cara ipidan, acara kumpul makiré liburan, tusing ada alasan pangelingin ulian lakaran buin matemu. Ané jani, tembang ané pesu buka ngawakilin seken isin ati. Acara manggang perpisahan. Ada ané lakar ngalahin luas ejoh, selat makudang Samudra. Sisanné masih lakar makelo buin nyidang mapunduh, makejang balik ka kampungné, uli jumahné padidi nyalanang masa penyusunan tugas akhiré.

“Yan Arsa, makasi nah jamuanné.” Abet sang ketua kelas, Ari Kusuma ngamaang sambutan. Kaandupin baan timpal-timpalné. “Mirib selama ené raga ada pelih jak timpal-timpal makejang. Baang ja raga ngidih pelih. Raga lakar masih ngidih doa jak timpal-timpal. Raga, Arsa, Gobér, Budi, Mira, jak Arra, makiré luas ejoh, lakar negarang nantang dura negara. Keep contact jak makejang. Ingetang ngundang-ngundang yén ngantén, nyan nah! Sekali matimpal, selama-lamané manyama.” Ngansan baat kadingehan suaranné Ari, tumbén san ngenah ia kaadukin sungsut. Dé Alus di sampingné ngisiang, ngusap-ngusap tundun ipuné.

“Béhh… Wati… ngeliing…” Munyinné I Gobér ningalin Wati né sigsigan kablekuk baan Arra.

“Ish, Ber kamu né.” Mira buka pedih ngorahin I Gobér.

“Nah, nah, jeg. Paling luung jani mafoto bareng, yuk!” Ari mesuang kamera digital uli tasné.

Galang apadang bulané petengé ento, Nada nawang, bulan ané patuh buin lakar teka buin abulan. Kéwala kayang ento, apa ané ada di betén i bulan sinah suba tusing enu patuh.

86

Suara Saking Bali

Édisi LXVII | Méi 2022

“Halo, Pak, dija né?” Abetné Nada di télpon, mara teka uli tongos tréning, napetang jumahné suung.

“Da, né bapak suba makiré mulih. Ngateh ibu san ka dokter. Ternyata dokter Iwan ené lad murid bapaké ipidan.”

“Oh, coba yang ngomong jak ibu, Pak.” “Da, uba ked jumah né? Beliang ibu cap cay nyen nah. Ramah jak bagus san Dokter Iwan to..” Bungah dingeh baan Nada suaran ibuné di télpon.

“Béh, héhé. Mun kénkén tas dadiné?”

“Mula mesti diangkat. Tanggal 26 né ibu maan jadwal. Da, ada masuk kayang to?”

“Tanggal 26…”

“Tanggal 26 Fébruari ené raga jak nenem lakar berangkat.. Ngidih doa timpal-timpal jak makejang, nah…”

Tanggal 26 Fébruari ané lakar teka ené Ari Kusuma jak kanenem timpaltimpalné Nada lakar berangkat ka Amérika, lan dina ento masih ibunipuné lakar kaoperasi.

Mirib sing ja bas dingin san AC ruang tunggu di rumah sakité tengainé ento, ané nyidang ngaénang baat jedugan tangkahipuné. Nada lan bapakné negak ditu mangantiang di kursi besiné. Nyeng kaukud rasayang ipun, sadingin és né ngekehang bibihé, limané, baisé, buka ngaé baat masih pajalan jaum jam dindingé, a detik ka a detik. Ibah mangantiang tindakan operasiné suud kajemakin.

Dumogi sami rahayu, Ratu.

Nada tuara ja tusing percaya ngajak hérbal, kéwala ipun masih suba yakin jak kemajuan téknologi keséhatan, lan dot énggal ningalin ibun ipuné suud mataenan. Nada tetep nyerahang makejang keputusan ka ibuné, ulian né siduri, keyakinan padidi ané sanget lakar ngadukung makejang. Astungkara, dokter bagus lan ramah, Doktér Iwan ané nyidang ngayakinang ibunné.

87

Suara Saking Bali

Édisi LXVII | Méi 2022

“Dingin, Bu, o?” Nada nakonin ibuné. Operasiné suba suud. Disubané ibun ipuné sadar, abesik anggota kulawargané kapanggil apang ka tengah kamar operasiné ningalin.

“Ae, mara masa dingin.”

“Ibu hebat, uba suksés operasiné. Uba majemak miomé, kempés jani basang ibuné.” Abetné Nada saha ngamenekang saput ibuné ka pala.

“Gedé, Da...?”

“Sing ja, kel aba mulih énjep, kel goréng, hihi.”

“Hush.”

Suksma Betara Hyang Guru, operasi ibu sampun mamargi suksés. Ipun sampun ngelah alasan makenyir malih.

Ibuné Nada, di kala enten uli sirepné, nyidang ningalin paras muan i pianak di sampingné, saha nyambatang yén ipun suba nyidayang suksés ngaliwatin operasiné, kruna ané sujatiné sanget-sanget kajejehin lan ngangsehang kakelidin uli ipidan ento, apa ya buin? Apa ya buin lakar mampu nambakin lega bagia ento. Buka kapaica idup baru. Molihang sahananing pinunas.

“Arra,” “Yun...”

Kadadua sahabat ento buin saling balekuk, buka nyekenang anget yéh mata ané suba melusin pipi uli ituni ento lakar maarti. Sajan, makadadua limané lakar tusing buin mampu nulungin ngedetin i sahabat dipét pradé ia labuh.

Kéwala télan ento dadi bukti sujati, nyusup, dadi simpen di ati, bekelang, kanti teka galahné, jerijiné nyekala buin saling gisi.

“Nada sing teka…” Arra nyambatang ento tekén Yuni.

“Mm, busan maan matakon jak Arsa. Ibuné operasi. Yén sing kéto, pasti ia lakar teka.”

“Mm.” Arra nguntul. Di maluné, Ari Kusuma ningalin jam tanganné.

“Kamu pasti makeneh san ningalin ia jani,” abetné Yuni nutugang. Arra tuah manggutan.

88

Suara Saking Bali

Édisi LXVII | Méi 2022

Buka anaké nedeng nyujukang wawangunan, galah mayasa koné ento kaadanin. Lakar liu pakéweh ané nguji. Wawangunan ané sedeng kajujukang baan Arra tuah ipian masa kecilné. Nyidayang ngenjekin natah negara lain, lan dadi wanita suksés. Di tengahan kruna suksés ento, boya ja tuah kaisinin baan dugdugan arta, kéwala masih unduk tresna. Yuni nawang yén sahabat uli SMA-né ené lakar suksés masa depanné, ulian ipun suba ngelahang syarat rasa wanén ento. Wanén ngabéla rasan ipuné diapi matunangan béda wangsa, lantas jani masih bani luas ejoh sasajan, ngalahin utang tuara abedik, ané janjiang ipun, amongkénké baatné berjuang di negeri orang, lakar nyadia jalanin ipun, lan utang-utang guru rupaka ipuné ento lakar lunas turin mabati. Yuni masih nawang, yén utsaha sahabatné ento lakar ngansan-ngansan baat. Dikala anginé banget, idepan i kayu ané suba biasa dadi tongos ipun magisian ento nadakang ngalemet, akah-akahné buka tusing enu las tekek ngisiang tanah. Arra paling, ia pastika merluang kayu elénan ané akah-akahné enu siteng ngelut tanah, lan ané penting tuah las nyadia kagisinin baan limané Arra. Kayu ento suba ada.

Yuni dot san apang Arra énggal-énggal ngelésang kayu ané suba lemet ento, kéwala Yuni tusing ja masih ngarepang yén Arra lakar nadiang kayu ané baru ento tuah gagisian akejep di musim angin bangeté ené. Hh, sajan tusing aluh dadi Arra.

“Temen-temen, yuk, udah waktu.” Ari Kusuma nawang yén ento makejang tusing aluh. Lakar ngucapang selamat tinggal ka kulawarga lan orang-orang tersayang. Bes mara san ia ngelapin yéh matané suud nyangkol adinné ané mara matuuh petang tiban, ané sedek kasil san ngajak déwék ipuné. Hh. Kala Yuni ngelésang gelutanné Arra, Yan Arsa teka maekin.

“Ra, né Nada.”

Arra nyemak télpon ané kaenjuhang baan Arsa.

“Ra...”

“Nada...”

89

Suara Saking Bali

Édisi LXVII | Méi 2022

“Astungkara, aku enu nyidang ningeh munyin kamu sakondén brangkat.

Arra, semangat nah. Semangat berjuang. Jaga kondisi, jaga keséhatan kamu.”

“Iya, Da. Ibu éngkén, Da?” “Astungkara baik, Ra. Operasi ibu lancar.”

“Nada. Ra berangkat jani. Jaga diri, nah.”

Selamat tinggal kasih Sampai kita jumpa lagi Aku pergi takkan lama Magending lan saling gisiang lima. Timpal-timpal ipuné, géng kelas B ngalepas kanenem sekaané macelep ka tengah bandara. Sayonara. Atiban tuara ja makelo. (masambung...)

Agus Sutrarama magenah ring Tabanan. Kakawiannyané naanin kawedar ring Bali Orti Sampun ngamedalang cakepan pupulan satua cutet “Bulan Satwak”.

90

Suara Saking Bali

Édisi LXVII | Méi 2022

puisi-puisi sisia smp negeri 2 sawan 91

Suara Saking Bali

Édisi LXVII | Méi 2022

Ketut Anggreni, VIII F

Covid-19

Dugas tiang mabalih TV Tiang nepuk berita anak ngalahin mati Liu anaké ngalahin panakné lan kulawargané Ulian Covid-19 Tiang ten ngidaang masekolah Sing ngidang matepuk timpal-timpal Tiang marasa sebet hati Madak ja apang éncol ilang Covid-19.

92

Suara Saking Bali

Édisi LXVII | Méi 2022

Ketut Nayla Marina Putri, VIII G

Luu

Liu gati luuné mabrarakan di tukadé, di goté, lan di jalan makelo-kelo luuné bonné jelék gati bonné ngaénang leguné samah ngaénang dini gelem lan ngaénang wawidangan tusing asri lan tusing bersih ngiring ngutang luuné di genah luu pang wawidangané asri lan bersih pang dini séhat lan luuné sing mabrarakan kija-kija.

93

Suara Saking Bali

Édisi LXVII | Méi 2022

I Luh Sugiantari, VIII G

Masekolah di Musim Covid Jani tiang suba masuk ka sekolah Lega atin tiangé jani Suba ngidaang malajah Matepuk ajak timpalé

Kéwala harus tetep nganggon protokol Cara jaga jarak tekén nganggo masker ulian Covid-19 Astungkara apang Covidé énggal ilang Apang muridé bisa malajah cara biasané.

94

Suara Saking Bali

Édisi LXVII | Méi 2022

Komang Budi Arsana, VIII H

Tusing Ngasilang

Tumbén malali ka cariké Padi-padi tiangé telah puyung Mimih sebet atin tiangé ulian tusing ngasilang Mimih pedalem mémé ajak bapa tiangé Kéweh-kéweh magaé di cariké Apang ngidang ngamaang tiang bekel masuk Apang ngidang ngamaang tiang nasi

Nah madak ja bulané jani Padi-padiné apang ngasilang Madak ja, kedis ajak bikulé, tekén i balang Apang tusing buin ada di cariké Padi-padi tiangé apang ngasilang Mimih sing asén ba tiga bulan Mara ilang kedis ajak bikulé tekén i balang Nah jani ngantiang buin tiga bulan Padi-padi tiangé manyi Madak ja apang liu maan ngasilang Apang idaang mayah utang Ajak mayah paturunan di Marajan Pura Sari Abangan.

95

Suara Saking Bali

Édisi LXVII | Méi 2022

Ketut Septiani, VIII H

Lingkungan Sekolah

Kedis-kedisé pada magending di langité ngarasaang suasanané luung Suarané manganyudang anak malajah Tiang demen ningehang munyin kedisé sambilang malajah

Bangunan sekolahé suba pada nyag Genténgé pada mabrarakan di betén Kayu-kayu pada nglénténg Iraga patut mersihang genténgé to Kéwala takut ada genténg ulung biin ling baduur

Dinané buin mani Para sisiané makejang tundéna masuk Tekén ibuk kepala sekolah kéwala harus nuutin protokol keséhatan Ulian Covid-19 kondén ilang-ilang uling guminé

Iraga patut nuutin protokol keséhatan Apang énggal Covid-19 ilang Uli guminé kéwala ada né masih tusing nuutin Yén makejang tusing ada né nuutin protokol keséhatan Éngkénang carané Covid-19 ilang uling guminé.

96

Suara Saking Bali

Édisi LXVII | Méi 2022

Déwa Ketut Agus Ariawan, VIII H

Covid-19

Ulian covid-19 tradisi baliné suba punah suba duang tiban tusing ada ogoh-ogoh toris-torisé suba tusing dadi pesu ulian covid-19 jelemané makarantina di jumah inguh kenehé tusing dadi pesu tusing maan matepuk jak timpalé nah madak ja apang ilang covid-19 uling guminé apang ngidaang mesu.

97

Suara Saking Bali

Édisi LXVII | Méi 2022

Kitut

inget-ingetan peken bléléng; jaja lukis, jaja olén-olén, jaja orog-orog Kadék Sonia Piscayanti

D

ugas yang nu cerik, kira-kira kelas 3 SD, ibuk yangé sabilang wai nundén yang ka peken. Peken Bléléng. Ento sekitar tahun 1990-an, yang kan lahir tahun 1984, waktu yang kelas 3 berarti tahun 1992-

1993, nah ento masa-masa emas Peken Bléléngé. Sing ada peken ané melahan jak Peken Bléléng waktu ento. Top gati pekené. Murah meriah gati. Soalné ento peken ané paek jumah. Amen ka Peken Anyar, harus negak bémo, sing top dadiné. Sawiréh ongkos bemoné lumayan maal. Adénan beliang jaja.

Nah né ané demenin gatiné amen mabalanja ka Peken Bléléng. Dagang jajané liu gati. Jaja apa alih ada. Apa gén ada. Sing sombong. Dagang jajané mebrarakan, uli lantai satu, lantai 2, pinggiran, tengahan, durian, makejang.

Ada dagang jaja Bali, dagang jaja Jawa, dagang jaja China, dagang jaja Arab, ah makejang suba ada. Pluralisme gati jajané. Uli sekonden macelep ka tengah, uli di sisi suba cegat dagang jaja. Nah tapi ané paling top of the top, mula

98

Suara Saking Bali

Édisi LXVII | Méi 2022

dagang jaja légendaris ané madan Mék Siti. Jani kaorahin, amen dot meli jaja ané jaan gati ané jani sing ada nak ngadep, coba meli mesin waktu, kembali ka tahun 1990an-milu ngantri di warungné Mék Siti ené. Nak Bali ané suba teruji gati duegné ngaé jaja.

Nah jani kal orahin jaja apa gén adepa.

Pertama ané top gati-gatiné, juara satu. Jaja lukis. Nawang jaja lukis? Ento téh, jajané ané malakar aji ketan nto. Nah ané ngaranaang jaja lukisé né spesial gati sing lén tuah asané ané nyampuh tur teksturné lemuh gati. Ketanné to jeg aduh suba lemuh, pulen, halus, jeg jaan gati-gati. Adonané pas, masa uyah, mabesikan jak asan nyuh jak gulané, aduh. Suba tahun kuda jani, 2021? Mih kondén ada asané ané ngalahang jaja lukisné Mék Siti. Lanjut. Ané khas buin, bentukné. Sing segitiga ané cara lukis ané mainstream bentukné, né persegi panjang bentukné, ukurané mirib nem sénti kali dua sénti, cenik, tapi jaan gati.

Pokokné jani kapah gati nepuk jaja lukis kéto. Persegi panjang. Ribet mungkin ngaé bentukné, presisi gati. Panjang kali lebar to persis ya. Luasné dua belas sénti persegi. Dagang jaja apa matematikawan Mék Siti? Wakakak.

Ané juara dua jani. Jaja olén-olén. Mihhhh, Déwa Ratuuuuu. Nawang madan jaja olén-olén?

Entooo téhh, ané jajané cara jaja uli, iris iris dadi lembar-lembar kéto. Tapi jaja uli kan biasané nganggo ketan putih, né nak ketan selem anggona, alias injin. Nawang injin? Black ketan. The ketan is black you know.

Nah ento suba. Ané jaan gati, nak ketané lemuhhhhh gati-gati. Jani sing ada jaja olén-olén kéto lemuhné. Biasané katos, atau tengal, atau sambrag ketanné. Né nak sing. Melah gati. Cara sopan gati macelep ka bibihé, jeg sopan lan adem gati. Macelep ka kolongané lancar gati, cara naar makanan terbaik di dunia. Mih sayang gati waktu ento sing ada ané madan sosial média. Sing ngidaang upload di instagram. Jani lén nu Mék Siti madagang jek viral gati ba.

99

Suara Saking Bali

Édisi LXVII | Méi 2022

Terakhir né, last but not least, alias, terakhir tapi bukan yang terburuk, héhé, orog-orog. Né buin, nawang sing madan orog-orog? Né adan jaja ané sesuai jak dwi sama lingga- éh apa dwi maya lingga ah- orog-orog. Asal mula jajané né uli dija kadén, tapi sing penting, ané penting ento asané. Nah orog-orog né uli baas masi bahanné tapi macampur nyuh misi gula bali, jeg top gatiné.

Biasané orog-orog né satu pakét jak bubuh gadang, ané maknyus tur legit gati.

Soal harga, mimih mudahné. Ipidan né ngaba pis 500 gén magenep ti bakat.

Biasané pis 500 to maan jaja lukis abungkus (5 pieces), jaja olén-olén abungkus (5 pieces), ajak orog-orog misi bubuh gadang. Jaan gati idupé pidan.

Jani dija meli mesin waktu dik. Dot kemu buin. Jelap meli jaja gén.

Singaraja, 10 Méi 2021

Kadék Sonia Piscayanti, embas ring Singaraja, 4 Maret 1984. Kakawiannyané kawedar ring makudangkudang média minakadi Jawa Pos, Koran Témpo, Bali Post miwah sané lianan.

Cakepannyané sané sampun embas luiré “Karena Saya Ingin Berlari Saya Ingin Berlari” (Akar Indonesia, Yogyakarta, 2007), Buku Sastra “Literature is Fun” (Pustaka Ekspresi, 2012), “The Story of A Tree” (Mahima Institute Indonesia, 2014), The Art of Drama, The Art of Life (Graha Ilmu, 2014), A Woman Without A Name” (Mahima Institute Indonesia, 2015). Mangkin dados pamucuk ring Komunitas Mahima miwah dosén ring Jurusan Pendidikan Bahasa Inggris Undiksha.

100

Suara Saking Bali

Édisi LXVII | Méi 2022

Kamus

kamus bali – indonesia 1

be.lok n batang; gumpal (agak besar); abe.lok n sepotong; sebatang: és ~ es sebatang, segumpal

2

be.lok n pasung

bé.long n tempayan besar tempat air be.long n lembah yg berisi mata air 1

bé.lu n sj kunci gantung

2

bé.lu n sj alang-alang

be.lu → baulu be.luh a layu (tumbuh-tumbuhan) be.luk n sj hama padi; be.be.luk.an a kena hama 1

be.lur v terkelupas: babak -- babak belur (terkelupas)

2

be.lur v 1 mempan; 2 siap sedia (pekerjaan, pertunjukan, upacara dsb); me.lur.ang v mampu menyelesaikan sst: tusing ~ tidak mampu menyelesaikan sst

be.lus a basah: bajuné -- kena yéh bajunya basah kena air; tusing kena – puun, ki tidak kena kesusahan; séh – pakaian pengganti yg basah be.lus.an a kebasahan; dl keadaan basah; be.lus.ang v basahkan;

101

Suara Saking Bali

Édisi LXVII | Méi 2022

be.lus.anga v dibasahkannya; be.lus.in v basahi; be.lus.ina v dibasahinya; ka.be.lus.ang v dibasahkan (oleh); ka.be.lus.in v dibasahi (oleh); ma.be.lus-be.lus v berbasah-basah; ma.me.lus v dl keadaan basah; berbasahbasah; me.lus.ang v membasahkan; me.lus.in v membasahi be.lut n belut ben → baan 1

be.na Ks pron 1 aku: -- ané ngelah aku yg punya; 2 engkau: -- ané pantes

kema engkau yg pantas ke sana 2

be.na n muara

3

be.na n bahan pengeras nira be.nah, be.nah.in v perbaiki; be.nah.ang v perbaiki: ~ pasaréanné perbaiki tempat tidurmu; be.nah.anga v diperbaikinya; be.nah.ina v diperbaikinya; ka.be.nah.in v diperbaiki (oleh); me.nah.ang v memperbaiki; me.nah.in v memperbaiki: ia nu ~ sepédané dia masih memperbaiki sepedanya

be.nal v pukul; lecut: ia -- tiang baan kayu dia saya pukul dg kayu; be.nala v dipukulnya; be.nal.in v pukuli; be.nal.ina v dipukulinya; ka.be.nal v dipukul (oleh); ka.be.nal.in v dipukuli (oleh);

102

Suara Saking Bali

Édisi LXVII | Méi 2022

ma.be.nal v dipukul be.nang n 1 benang; -- pipis setukal benang putih dan seikat uang kepeng yg dipergunakan dl suatu upacara; -- sedatu benang putih yg dipakai dl suatu upacara; -- tridatu benang tiga warna (putih, merah, dan hitam) yg dipakai dl suatu upacara; 2 kelipatan dua puluh lima: telung (tigang) -- tujuh puluh lima; ma.be.nang-be.nang v berbenang-benang; akan basi: nasi ~ nasi akan basi 1

be.nat, be.be.nat a nakal

2

be.nat, be.nat-be.nat a cepat: palaibné ~ larinya cepat

3

be.nat, abe.nat adv sangat panjang: ~ bengangé jalan yg lengang dan sangat

panjang ben.ben v berisi penuh: nyawan – rumah lebah penuh berisi tempayak ben.cah 1 a pecah; bocor: ada prahu – di pasisi ada perahu pecah di pantai; 2 v bagi; be.ben.cah.an n 1 pecahan; 2 pembagian; ben.cah.ang v pecahkan; ben.cah.anga v dipecahkannya; ka.ben.cah.ang v dipecahkan (oleh); ma.ben.cah v terpecah; men.cah.ang v memecahkan ben.ca.na n bencana; bahaya; ben.ca.na.in v bencanai; ben.ca.na.ina v dibencanainya; ka.ben.ca.na v dibencanai (oleh); ka.ben.ca.na.ang v dibencanakan (oleh); dicelakakan (oleh); ka.ben.ca.nén v dikenai bencana (oleh); dibencanai (oleh); men.ca.nén v membencanai; mencelakai ben.ca.ngah n silsilah; pa.men.ca.ngah n silsilah ben.car a pecah berantakan

103

Suara Saking Bali

Édisi LXVII | Méi 2022

ben.cé a kerdil dan lemah: ia – kerana gelem-geleman dia kerdil dan lemah krn sakit-sakitan ben.ceng a kencang: palaibné – larinya kencang ben.ci.ngah n halaman depan istana ben.col a benjol; bengkak atau bincul pd kepala, dahi krn dipukul atau terantuk di tembok: gidatné – kerana makaplug di temboké dahinya benjol krn terantuk di tembok; ma.ben.col v berbenjol ben.dal → benal ben.dar n genangan air yg terempang ben.dé n salah satu alat gamelan Bali (spt canang) ben.dé.ga n nelayan ben.déng v jemur di terik matahari; ben.dénga v dijemurnya; ben.déng.ang v jemurkan; ben.déng.anga v dijemurkannya; ben.déng.in v jemuri; ben.déng.ina v dijemurinya; ka.ben.déng v dijemur (oleh); ka.ben.déng.ang v dijemurkan (oleh); ma.ben.déng v 1 terjemur: sepédané ené ~ uli semengan sepeda ini terjemur dr pagi; 2 berjemur: eda ~ nyanan gelem jangan berjemur nanti sakit; men.déng v menjemur ben.dé.ra n bendera ben.dé.sa n kepala desa adat 1

ben.dét v kena terik sinar matahari; ben.déta v dikenainya terik sinar matahari; ka.ben.dét v dikenai terik sinar matahari (oleh); ma.ben.dét v terkena terik sinar matahari

104

Suara Saking Bali

2

Édisi LXVII | Méi 2022

ben.dét v tahan ben.déta v ditahannya; ka.ben.dét v ditahan (oleh); ma.ben.dét v tertahan (tidak diberi makan): sampiné ~ uli semengan sapi itu tidak diberi makan dr pagi; men.dét v menahan

3

ben.dét , ma.ben.dét v melek: tiang kiap pesan kerana ~ uli itelun saya

sangat mengantuk karena melek sejak tiga hari yang lalu bén.di n bendi ben.do n sj parang bén.dot a gembung sebelah (tt kepala): sirah -- kepala gembung sebelah 1

ben.du Asi a marah; murka; ben.du.in v marahi; ben.du.ina v dimarahinya; ka.ben.du.in v dimarahi (oleh); dimurkai (oleh) 2ben.du n sj kue, bentuknya bulat tipis, dibuat dr tepung, lalu didadar, dan dihidangkan dg ditetesi gula merah

ben.dul n ukuran berat yg sangat kecil (tt emas dsb) ben.du.sa n peti mati be.né.ga → bendéga be.neh a benar: Luh Sari satata opaka ulian tusing taén -- magaé Luh Sari selalu kena marah (selalu dipersalahkan) krn tidak pernah bekerja dg benar; be.be.neh.an a wajar; apa adanya; jujur: ~ dogén magaé, da ngéndah pélag bekerjalah sewajarnya, jangan macammacam; be.neh.ang v benarkan: ~ malajah apang énggal tamat belajarlah dg baik agar cepat tamat; be.neh.anga v dibenarkannya; ka.be.neh.an n kebenaran; ka.be.neh.ang v dibenarkan (oleh);

105

Suara Saking Bali

Édisi LXVII | Méi 2022

me.ne.hang v membenarkan; memperbaiki; membetulkan; pa.be.neh n pertimbangan yg benar; pa.me.neh n orang yg memberi pertimbangan yg benar be.neng a lurus; tepat: -- bolné, ki pikirannya dl keadaan baik; tidak dl suasana marah; be.neng.an 1 adv bertepatan; kebetulan: ~ bapa mulih, tiang lakar ngidih pipis kebetulan ayah pulang, saya akan minta uang; 2 n dalam hal: ~ ento bapanné ané nanggung dl hal itu ayahnya yg menanggung; be.neng.ang v luruskan: tepatkan; be.neng.anga v diluruskannya; ditepatkannya; be.neng.in v tepatkan pd sasaran; tepati; be.neng.ina v ditepatkannya pd sasaran; ditepatinya; ka.be.neng.ang v diluruskan (oleh); ka.be.neng.in v tepat dikenai (oleh); dibuat lurus (oleh); ke.be.neng.an adv kebetulan: ~ ia teka dugas bapané gelem ia kebetulan datang ketika ayahnya sakit; ma.me.neng v lurus: ~ pajalanné lurus jalannya; me.neng.ang v meluruskan; membuat tepat; me.neng.in v membuat tepat; menepati be.ngah a 1 segar; agak putih (tidak hitam): kulitné -- kulitnya agak putih (tidak hitam); 2 agak merah: kulit buluané ento suba -- kulit buah rambutan itu sudah agak merah be.ngal a tidak tahu malu be.ngang n 1 tempat yg lengang dan sunyi: sudagaré bégale di --é saudagar itu dirampok di tempat yg le-ngang; 2 jalan yg panjang diapit sawah; be.ngang.ang v lapangkan; ka.be.ngang.ang v dilapangkan be.nga.wan n varietas padi be.nga.yang Ami p biarkan: -- puniki biarkan begini

106

Suara Saking Bali

Édisi LXVII | Méi 2022

béng-béng v buka lebar-lebar dg jari tangan (tt mata, luka, dsb); béng-bénga v dibukanya lebar-lebar dg jari tangan: paninggalanné – lantas ketélina ubad (kelopak) matanya dibukanya lebar-lebar lalu ditetesinya obat; béng-béng.ang v bukakan lebar-lebar; béng-béng.anga v dibukakannya lebarlebar; ka.béng-béng v dibuka lebar-lebar (oleh); ka.béng-béng.ang v dibukakan lebarlebar (oleh); méng-béng v membuka lebar-lebar; méng-béng.ang v membukakan lebarlebar 1

beng.beng n kurungan: buka -- kenehé, ki spt dikurung hatinya (dl keadaan

susah); beng.benga v dikurungnya; beng.beng.an n sangkar: pekak ané meli ~ siap ento kakek yg membeli sangkar ayam itu; ma.beng.beng v terkurung (dl kandang); meng.beng v mengurung (dl kandang) 2

beng.beng Bgl a tidak jelas

be.nged num banyak (bintik-bintik) be.ngeh a bodoh; bingung; dungu be.ngék a serak; parau; suara ke hidung krn tersumbat bé.ngél, bé.ngél-bé.ngél.an a kurang mendengar krn tidak memperhatikan 1

be.ngel n bintik-bintik gatal pd kulit

2

be.ngel n sj ikan laut

be.ngep a tidak tahu malu bé.ngér Bdg a tidak bersungguh-sungguh mendengar; ka.bé.ngér-bé.ngér v bersikap tidak bersungguh-sungguh mendengar be.nger a merah-padam mukanya bé.ngés n luka menganga be.nges a 1 hitam; 2 penuh: selem -- hitamlegam

107

Suara Saking Bali

Édisi LXVII | Méi 2022

béng.gol n uang logam zaman Hindia Belanda, nilainya 2½ sen; gobang be.ngil a kotor: baju -- baju kotor; be.ngil.an a 1 kotor; 2 basah kuyup beng.ka a perut gembung krn masuk angin; ma.meng.ka v mengembung (tt perut) krn masuk angin beng.kang a gembung (tt perut) beng.kéh a badan kecil perut besar 1

beng.kek a pendek (tt badan): awakné -- badannya pendek

2

beng.kek a suara tidak nyaring beng.ké.kok a sumbang (tt nada)

beng.kel n pohon kayu yg daunnya menyerupai daun mengkudu, rasanya pahit, bisa dipakai sayur. béng.kéng v kangkang; béng.kéng.ang v kangkangkan; béng.kéng.anga v dikangkangkannya; béng.kéng-béng.kéng v berjalan dg mengangkang; ka.béng.kéng.ang v dikangkangkan (oleh); ma.béng.kéng v terkangkang; méng.kéng.ang v mengangkangkan

(masambung...)

Catetan: Kaambil saking Kamus Bali-Indonésia Édisi Ke-3 sané kamedalang antuk Balai Bahasa Bali

108

Suara Saking Bali

Édisi LXVII | Méi 2022

109