48
I n D es i g n
Графічныя знакі савецкага мінулага Ці варта прых ар ошв аць успам ін ы альб о лепш нав уч ыцц а жыць з імі? Ала Пігальская
«М
інулае навучыла нас не заглядваць далёка наперад», — напісаў адной чы Эрых Марыя Рэмарк. У гарадскім асяродку ход гісторыі фіксуецца ў пераймена ванні вуліц і мемарыялаў. Мы шмат разважаем пра тое, як вуліцы называліся ў мінулым, якія крамы і шыльды мы памятаем з дзяцінства, і нашмат менш — пра візуальны і сімвалічны ася родак гарадоў у будучыні. Аднак пытанне, як і ў якой прапорцыі мінулае павінна прысутнічаць і вызначаць будучыню, актуальнае менавіта сёння. Бо ад таго, колькі знакаў мінулага і ў якой якасці будзе захавана, залежыць, наколькі мы будзем вольныя ад яго ў будучыні. Найбольшую колькасць пытанняў выклікае савецкае мінулае: і таму, што яно адносна нядаўняе, і таму, што афіцыйны і неафіцый ны наратыў пра яго ў Беларусі радыкальна разыходзяцца ў ацэнцы. Таму цікава параўнаць спосабы асэнсавання і ўбудавання савецкага мінулага ў сучаснасць на прыкладзе графічных знакаў, створаных і так ці інакш захаваных у Беларусі, Літве і Польшчы. Графічныя знакі нячаста разглядаюць самі па сабе, хутчэй яны ўспрымаюцца ў кантэксце гарадскога асяродку, рэкламнай кампаніі ці на прадуктах, для якіх яны распрацоўваліся, хоць у розныя часы яны выконвалі розныя ролі ў візуальнай камунікацыі і цалкам заслугоўваюць асобнай увагі. З невялікай розніцай у часе ў Беларусі, Літве і Польшчы выйшлі каталогі з графічнымі знакамі і лагатыпамі, што ў яўнай ці невідавочнай фор ме адрасавалі да пытанняў гісторыі знакаў. У 2009 годзе Беларускі саюз дызайнераў вы пусціў каталог «Знак-Лагатып. Выпуск 2», у якім у алфавітным парадку прадстаўлены аўтары і распрацаваныя імі ў савецкі і постсавецкі перы яды лагатыпы. У каталогу ёсць як творы, выкана ныя не для замоўцы, так і знакі, што атрымалі шырокае распаўсюджанне. Алфавітны парадак размяшчэння дызайнераў у каталогу выключае ўспрыманне лагатыпаў у гістарычнай перспек тыве. Гісторыя праглядвае праз пазнавальныя з савецкіх часоў графічныя знакі, якія мелі з тых часоў масавы распаўсюд. У Літве кніга Аўдруса Клімаса «Літоўскія гандлё выя знакі. Гісторыя, функцыя, класіфікацыя» («Lietuvos prekių ženklai») таксама выйшла ў 2009 годзе. У кнізе прадстаўленая гісторыя
«Мастацтва» № 5 (458)
лагатыпаў у кантэксце літоўскага графічнага дызайну і савецкі лагатып упісаны ў агульны кантэкст гісторыі візуальнай камунікацыі і на цыянальнай гісторыі. Дзве часткі прысвечаныя савецкаму перыяду, да стварэння Вільнюскага філіялу ВНІІТЭ і пасля, і ўключаныя ў агульную паслядоўнасць іншых перыядаў, што стварае прыемную магчымасць параўнаць знакі з даса вецкім і паслясавецкім перыядамі. У перспектыве стагадовай гісторыі літоўска га дызайну найбольш сімвалічна насычаным і каштоўным з пункту гледжання нацыянальнай гісторыі і самасвядомасці аказваецца перыяд першай траціны ХХ стагоддзя. Пераўтварэнні, звязаныя з прамысловай рэвалюцыяй, у тым ліку і ў сацыяльных сферах (урбанізацыя, дэ макратызацыя сістэмы адукацыі і інш.), перыяд росквіту нацыянальных дзяржаў пацягнулі і выбітныя вынікі ў сферы дызайну. Росквіт пера жывалі не толькі прыкладныя мастацтвы, але і выдавецкая дзейнасць, узмоцненыя дэмакра тычнымі інстытутамі і ліберальнай эканомікай:
свабода слова і канкурэнцыя ва ўсіх сферах дазволілі дасягнуць высокай разнастайнасці. У гэтым кантэксце савецкі дызайн, які фарма ваўся ва ўмовах цэнзуры і цэнтралізаванай эканомікі, не можа выглядаць выйгрышна, тым не менш гэта значны перыяд у гісторыі дызайну, і ён паказвае, якія вынікі могуць быць атрыма ныя ва ўмовах абмежаваных свабод і рэсурсаў. У Польшчы ў 2015 годзе прайшла Другая поль ская выстава графічных сімвалаў, у межах якой Рэнэ Ваўшкевіч і Патрык Хардзей рэканстру явалі выставу графічных знакаў 1969 года па каталогу «Першая польская выстава графічных знакаў 1945—1969» і дапоўнілі іх калекцыяй лагатыпаў 2000—2015 гадоў. Параўнанне такіх розных перыядаў часам дае нечаканыя вынікі. Так Рэнэ Ваўшкевіч заўважае: недахоп рэсурсаў, няякасны друк, маленькі вы бар носьбітаў у польскіх дызайнераў камуніс тычнага перыяду вядзе да таго, што тагачасныя лагатыпы выглядаюць вельмі лаканічнымі і выразнымі. Часта знакі выкарыстоўваліся без тэксту, таму мусілі быць зразумелыя не толькі пры дрэнным друку, але і без тлумачальных подпісаў. Таму контрформа аказваецца даволі распаўсюджаным прынцыпам фармавання гра фічнага знаку. Дызайнеры здабывалі максімум выразнасці з простых формаў, бо разумелі, што лагатып будзе выкарыстоўвацца ва ўмовах, калі не будзе магчымасці сачыць за якасцю друку, ці змяшчацца не ў самы выйгрышны кантэкст. Лагатыпы 2000-х ствараліся з меншай колькас цю абмежаванняў як цэнзурных, так і тэхнала гічных. Да таго ж польскі лагатып 2000-х існуе