Rutilio Escandón xchi’uk Zoé Robledo laj sbainik sk’elel k’u x-elan x-ech’ spasel sjelovel ta sk’ob federal ti Sistema de Salud IMSS-Bienestar

SPUKEL A’YEJ/TUXTLA

GUTIÉRREZ

Ti jtunel jvu’el Rutilio Escandón Cadenas xchi’uk director general del Instituto Mexicano del Seguro Social (IMSS), Zoé Robledo Aburto, layak’ik tsobajel sventa sk’elel k’u x-elan x-ech’ spasel federalización yu’un Sistema de Salud IMSS-Bienestar, ja’ te lajyich’ ak’el ta ojtikinel k’usitik ta xich’an k’anel yu’unik nail k’elel poxtaeletik ta estaro.

Ja’yo jech un, ti jtunel jvu’ele lajyal ti li’ tsobajeletik ta xich’an pasele ja’ ta sventa xich’ tael ta ilel tsots ta x-anilajan ta sk’anan sa’ele, jech o xal u, te laj xcha’yak’ te ti jtunel jvu’el yu’un estaroe oy ta yo’on ta skolta sba ta spasel yo jech x-anilaj jech spasele.

“Ta skotol ko’ontik ta jkolta jbatik ta spasel jech yu’un ja’ ta jk’anbetik slekilalik ti jnaklumetike ta

Chiapas, ja’ tsots sk’oplalik ti me’onetik, jts’unulajeletik ta osil banamil xchi’uk bats’i jnaklumetike. Mu’yuk k’usi yan abtelal tsots sk’oplal anil pasel ta jmoj ti sk’elel stukulanel jnaklumetike, yu’un ja’ ta jlekil jtunestik k’usitik oy ku’untike”, xi lajyal K’alal iyak’ ta na’el ta skolta sba xtok ta sventa xvu’ spasel ti hospital ta 144 vayebaletik ta IMSS.

K’alal ilo’ilaj Zoé Robledo, lajyal ti k’usi ta sk’an ti peserente ta México, Andrés Manuel López Obrador, ja’ ti ta sk’an ta spas ta jmoj nail k’elel poxtaeletik yu’un estaro yo’ jech xjeloik ta sk’ob Modelo de Atención a la Salud (MAS) IMSS Bienestar, yu’un ja’ jech ta stsatsub lek yip spasel yabtel ti li’ nail abtelaletike.

Ti bankilal j-abtel yu’un IMSS lajyal ti me oy lek komon koltael bail yu’unik ti ajvaliletik ta federal xchi’uk estatale, ti ja’ ta xabtelanik batel ti secretarioetik ta Salud, Hacienda xchi’uk Obras, xchi’uk jech k’u cha’al xchi’iltakik ta abtel ti jech lek yak’ojbeik sk’elel spoxtael jnaklumetik ta slumal Chiapas.

Ti li’ ta tsobajele, lajyal ti ta sk’ak’alil 24 yual julio lajyich’ ich’bel ta sk’ob Secretaría de Salud estatal jun svunal lista sventa Hospitales Básicos Comunitarios butik ta sk’anan cha’meltsanele: Acala, Cintalapa, Chiapa de Corzo, Teopisca, San Juan Chamula, Las Margaritas, Revolución Mexicana, Tapilula, Salto de Agua, Pijijiapan, Ocosingo xchi’uk Porvenir.

Zoé Robledo lajyal ti va’ay vune te xa lajyich’ ak’bel ta sk’ob secretaria de Gobernación, Luisa María Alcalde Luján, xchi’uk subsecretario de Egresos yu’un Gobernación, Juan Pablo De Botton Falcón, yu’un ja’ jech ta sk’anan pasel ta nail k’elel poxtaeletik ta Chiapas.

Xchi’uk lajyal xtok ti yorail sk’ak’alil ta jmoj ta skolta sbaik ta abte ti ajvaliletik ta jujun estaro yo’ jech skolta sbaik batel ta sk’elel k’u xi ta abtelanel yo jech stsak yip batel ti nail k’elel poxtaeletik tsakalik xa ta sventa modelo IMSS Bienestar, yu’un tiChiapas ja’ ta sbain batel sk’elel stuk’ulanel ti nail k’elel poxtaeletike.

Ti bankilal j-abtel yu’un Seguro Social layal ti ya’yejal sventa j-abteletike tsots sk’oplal yu’unik ta sk’elel stuk’ulanel ti butik nabañik xa stojol OPD IMSS Bienestar, ti va’aye ta xich’ik basificar ba’ay vakib estaroetik ti boch’otik laj spasik firmar xchi’ukik ti OPD: Nayarit, Tlaxcala, Colima, Sonora, Sinaloa xchi’uk Baja California Sur.